#🌷ଜୟ ମା ଲକ୍ଷ୍ମୀ👣 ମହାଲକ୍ଷ୍ମୀ ଅଷ୍ଟକମ୍🌹🌹*
ଓଁ ଶ୍ରୀଗଣେଶାୟ ନମଃ ॥
ଅଥ ମହାଲକ୍ଷ୍ମ୍ୟଷ୍ଟକମ୍ ।
ଇନ୍ଦ୍ର ଉବାଚ ।
ଓଁ
ନମସ୍ତେଽସ୍ତୁ ମହାମାୟେ ଶ୍ରୀପୀଠେ ସୁରପୂଜିତେ ।
ଶଙ୍ଖଚକ୍ରଗଦାହସ୍ତେ ମହାଲକ୍ଷ୍ମି ନମୋଽସ୍ତୁତେ ॥ ୧॥
ନମସ୍ତେ ଗରୁଡାରୂଢେ କୋଳାସୁରଭୟଙ୍କରି ।
ସର୍ବପାପହରେ ଦେବି ମହାଲକ୍ଷ୍ମି ନମୋଽସ୍ତୁତେ ॥ ୨॥
ସର୍ବଜ୍ଞେ ସର୍ବବରଦେ ସର୍ବଦୁଷ୍ଟଭୟଙ୍କରି ।
ସର୍ବଦୁଃଖହରେ ଦେବି ମହାଲକ୍ଷ୍ମି ନମୋଽସ୍ତୁତେ ॥ ୩॥
ସିଦ୍ଧିବୁଦ୍ଧିପ୍ରଦେ ଦେବି ଭୁକ୍ତିମୁକ୍ତିପ୍ରଦାୟିନି ।
ମନ୍ତ୍ରମୂର୍ତ୍ତେ ସଦା ଦେବି ମହାଲକ୍ଷ୍ମି ନମୋଽସ୍ତୁତେ ॥ ୪॥
ଆଦ୍ୟନ୍ତରହିତେ ଦେବି ଆଦ୍ୟଶକ୍ତିମହେଶ୍ୱରି ।
ଯୋଗଜେ ଯୋଗସମ୍ଭୂତେ ମହାଲକ୍ଷ୍ମି ନମୋଽସ୍ତୁତେ ॥ ୫॥
ସ୍ଥୂଳସୂକ୍ଷ୍ମମହାରୌଦ୍ରେ ମହାଶକ୍ତିମହୋଦରେ ।
ମହାପାପହରେ ଦେବି ମହାଲକ୍ଷ୍ମି ନମୋଽସ୍ତୁତେ ॥ ୬॥
ପଦ୍ମାସନସ୍ଥିତେ ଦେବି ପରବ୍ରହ୍ମସ୍ୱରୂପିଣି ।
ପରମେଶି ଜଗନ୍ମାତର୍ମହାଲକ୍ଷ୍ମି ନମୋଽସ୍ତୁତେ ॥ ୭॥
ଶ୍ୱେତାମ୍ବରଧରେ ଦେବି ନାନାଳଙ୍କାରଭୂଷିତେ ।
ଜଗତ୍ସ୍ଥିତେ ଜଗନ୍ମାତର୍ମହାଲକ୍ଷ୍ମି ନମୋଽସ୍ତୁତେ ॥ ୮॥
ମହାଲକ୍ଷ୍ମ୍ୟଷ୍ଟକଂ ସ୍ତୋତ୍ରଂ ଯଃ ପଠେଦ୍ଭକ୍ତିମାନ୍ନରଃ ।
ସର୍ବସିଦ୍ଧିମବାପ୍ନୋତି ରାଜ୍ୟଂ ପ୍ରାପ୍ନୋତି ସର୍ବଦା ॥ ୯॥
ଏକକାଳେ ପଠେନ୍ନିତ୍ୟଂ ମହାପାପବିନାଶନମ୍ ।
ଦ୍ୱିକାଳଂ ଯଃ ପଠେନ୍ନିତ୍ୟଂ ଧନଧାନ୍ୟସମନ୍ୱିତଃ ॥ ୧୦॥
ତ୍ରିକାଳଂ ଯଃ ପଠେନ୍ନିତ୍ୟଂ ମହାଶତ୍ରୁବିନାଶନମ୍ ।
ମହାଲକ୍ଷ୍ମୀର୍ଭବେନ୍ନିତ୍ୟଂ ପ୍ରସନ୍ନା ବରଦା ଶୁଭା ॥ ୧୧॥
॥ ଇତୀନ୍ଦ୍ରକୃତଂ ଶ୍ରୀମହାଲକ୍ଷ୍ମୀସ୍ତବମ୍ ॥
