ఈ దినమున ఆయన స్వరము
మనలను గద్దించి మరియు మనలను సంరక్షించే మంచి తండ్రి
మనము గౌరవంతో దేవునికి దగ్గరవుతాము. ఎందుకంటే మన దేవుడు దహించే అగ్ని (హెబ్రీయులు 12:29). నేడు చాలా మంది క్రైస్తవులు దేవుణ్ణి తమ తాతగారి లాగా భావిస్తారు మనందరికి తెలుసు, తాతలు ఎలా ప్రవర్తిస్తారో. తాతలు తమ మనవళ్లను వారు చేసిన చెడు పనుల గురించి పట్టించుకోకుండా వదిలివేస్తారు. ఈ రోజు చాలా మంది క్రైస్తవులు తమ పాపాన్ని భయంకరమైన భారంగా భావించరు ఎందుకంటే వారికి దేవుడు తమ తాతగా ఉన్నారు. దేవుడు తాత అనే ఈ ఆలోచన పూర్తిగా తప్పు. దేవుడు మన తండ్రి.
ఆయన తండ్రి మాత్రమే కాదు, సర్వశక్తిమంతుడు, ప్రభువైన దేవుడు. పరలోకంలో ఉన్న ఈ మహోన్నతుడి ముందు సెరాపులు తమ ముఖాలను రెక్కలతో కప్పి, సైన్యముల కధిపతియగు యెహోవా పరిశుద్దుడు, పరిశుద్దుడు, పరిశుద్దుడు (యెషయా 6: 3) అని భయంతో కేకలు వేశారు. ఈ సెరాపులు ఎప్పుడూ పాపం చేయనటువంటి వారు. అయినప్పటికీ, వారు ఆయన దగ్గరికి వచ్చినప్పుడు వారి ముఖాన్ని కప్పుకోవాలి. కారణం, వారు ప్రభువైన దేవుని పరిశుద్దతను ఎదుర్కోలేక పోయారు.
బైబిల్లో దేవుని దర్శనాన్ని పొందిన దైవజనుల అనుభవం గురించి ఆలోచించండి. యెషయా దేవుని మహిమను చూసిన క్షణం, అతను భయంకరమైన పాపి అనే అభిప్రాయాన్ని పొందాడు (యెషయా 6: 5). దేవుణ్ణి చూడటానికి భయపడిన మోషే తన ముఖాన్ని కప్పుకున్నాడు (నిర్గమకాండము 3: 6). దేవుని దర్శనాన్ని చూసిన దానియేలు, నాలో బలమేమియు లేకపోయెను, నా సొగసు వికారమాయెను, బలము నా యందు నిలవలేదు (దానియేలు 10: 8) అని చెప్పాడు.
అపొస్తలుడైన యోహాను యేసుక్రీస్తు దర్శనాన్ని పొందుకున్నాడు మరియు అతని ముందు చనిపోయిన వ్యక్తిలా పడిపోయాడు (ప్రక. 1:17) చూడండి. వాస్తవాలు ఇలా ఉన్నప్పటికీ, ఈ రోజు చాలా మందికి దేవుని యెడల అంత గౌరవము లేదు మరియు ఈ కారణంగా, వారి జీవితం నిస్సారంగా ఉంది మరియు ప్రకాశించుటలేదు.
ప్రార్థన
పరలోకపు తండ్రీ, తండ్రి, ప్రేమతో, మీరు గద్దిస్తారు మరియు మమ్ములను సరియైన మార్గములో నడిపిస్తారు. మమ్మల్ని అలాగే నిర్వహించండి. ప్రభువైన యేసుక్రీస్తు నామములో ప్రార్థిస్తున్నాము తండ్రీ. ఆమేన్. #యేసుప్రేమ #📙ఆధ్యాత్మిక మాటలు
రచయిత
జాక్ పూనెన్ #✝జీసస్ #ఏసుక్రీస్తు #🙏🏻సోమవారం భక్తి స్పెషల్
