#എന്റെ ചിന്തയും ചിരിയും ശുഭദിനം

#എന്റെ ചിന്തയും ചിരിയും ശിവസ്തുതിയോടെ തുടങ്ങാം പ്രഭും പ്രാണനാഥം വിഭും വിശ്വനാഥം ജഗന്നാഥ നാഥം സദാനന്ദ ഭാജം ഭവദ്ഭവ്യ ഭൂതേശ്വരം ഭൂതനാഥം ശിവം ശങ്കരം ശംഭുമീശാനമീഡേ സാരം-പ്രഭുവായവനും പ്രാണന്റെ നാഥനും, സർവ്വവ്യാപിയും ലോകനാഥനും, ജഗന്നാഥന്മാർക്കുപോലും നാഥനും, എപ്പോഴും ആനന്ദമൂർത്തിയുമായി വിളങ്ങുന്നവനും, മംഗളകരമായ വസ്‌തുക്കളുടെ ഈശ്വരനും, ഭൂതഗണങ്ങളുടെ നാഥനുമായ ശിവൻ, ശങ്കരൻ, ശംഭു, ഈശാനൻ എന്നീ രൂപങ്ങളെ ഞാൻ സ്തുതിക്കുന്നു.

#എന്റെ ചിന്തയും ചിരിയും ബഹിരാകാശത്ത് വിപ്ലവം തീർത്ത് ഇന്ത്യൻ സ്റ്റാർട്ടപ്പ് ബെംഗളൂരു ആസ്ഥാനമായ സ്റ്റാർട്ടപ്പ് GalaxEye വികസിപ്പിച്ച 'മിഷൻ ദൃഷ്ടി' ഉപഗ്രഹം വിജയകരമായി വിക്ഷേപിച്ചു. അമേരിക്കയിലെ കാലിഫോർണിയയിൽ നിന്ന് സ്പേസ് എക്സിന്റെ ഫാൽക്കൺ-9 റോക്കറ്റിലാണ് ഉപഗ്രഹം ഭ്രമണപഥത്തിലെത്തിയത്. ഒപ്റ്റിക്കൽ സെൻസറുകളും സിന്തറ്റിക് അപ്പർച്ചർ റഡാറും ഒരുമിച്ച് പ്രവർത്തിക്കുന്ന ലോകത്തിലെ ആദ്യ 'OptoSAR' ഉപഗ്രഹമാണിത്. ഏത് കാലാവസ്ഥയിലും രാത്രിയും പകലും ഭൂമിയെ നിരീക്ഷിക്കാൻ ഇതിന് സാധിക്കും.

#എന്റെ ചിന്തയും ചിരിയും കടലിനടിയിൽ ഏറ്റവും വലിയ ദേശീയ പതാക; നേട്ടം ആന്റമാൻ നിക്കോബാർ ദ്വീപുകളിൽ കടലിനടിയിൽ ലോകത്തിലെ ഏറ്റവും വലിയ ദേശീയ പതാക സ്ഥാപിച്ച് ഗിന്നസ് റെക്കോർഡ് നേടി. സ്വരാജ് ദ്വീപിലെ രാധാനഗർ ബീച്ചിലാണ് 60 മീറ്റർ നീളവും 40 മീറ്റർ വീതിയുമുള്ള ത്രിവർണ പതാക നിവർത്തിയത്. പൊലീസ്, നാവികസേന, കോസ്റ്റ് ഗാർഡ്, വനം വകുപ്പ്, മുങ്ങൽ വിദഗ്‌ധർ എന്നിവർ ചേർന്നാണ് ദൗത്യം പൂർത്തിയാക്കിയത്. ചടങ്ങിൽ ഗിന്നസ് റെക്കോർഡ് സർട്ടിഫിക്കറ്റും കൈമാറി.