വേനൽമഴ ,,,,,,,,,,,,,,,,,,,,,,,,,, വരണ്ടുണങ്ങിയ ഭൂമി അതിൽ വിണ്ടുണങ്ങിയ നെൽപ്പാടങ്ങൾ വറ്റി വരണ്ട ജലാശയങ്ങൾ വേനൽ മഴ കാത്തിരുന്ന നേരം വാനിൽ കാർമേഘങ്ങളുരുണ്ടുകൂടി വെള്ളപ്പളുങ്കുപോൽ വാനിൽ നിന്നുതിർന്ന വർഷ ബിന്ദുക്കൾ വെന്തുരുകുന്നൊരു വസുന്ധര തന്നിൽ വീണു ചിതറി വറ്റി വരണ്ടൊരു വഴികളിലെല്ലാം വെള്ളം നിറഞ്ഞൊഴുകി വന്യമാം ചൂടിൽ വലഞ്ഞനേരം വന്നു തഴുകി മന്ദമാരുതൻ വെയിലേറ്റ നെൽപ്പാടങ്ങൾ വീണ്ടും പച്ചപ്പട്ടുടുക്കാനൊരുങ്ങി വാടിയ പൂക്കൾതൻ വദനത്തിൽ പുഞ്ചിരി നിറഞ്ഞു വിവശമാം മനസ്സിൻ കോണിൽ വീണ്ടും പ്രതീക്ഷ വിടർന്നു എസ്. ടി. ഷീല #💭 എന്റെ ചിന്തകള്‍ #💓 ജീവിത പാഠങ്ങള്‍ #❤ സ്നേഹം മാത്രം 🤗 #🤝 സുഹൃദ്ബന്ധം #🖋 എൻ്റെ കവിതകൾ🧾

തളരാത്ത മനസ്സ് ,,,,,,,,,,,,,,,,,,,,,,,,,,,,,,,,,,,,,,,, മറ്റുള്ളവരെ പോലെ സ്വപ്നങ്ങളുടെ ഒരു നീലാകാശം അവൾക്കു മുണ്ടായിരുന്നു.എന്നാൽ ചിറകടിച്ചുയരാൻ തുടങ്ങിയപ്പോൾ പാതിവഴിയിൽ വച്ച് അവളുടെ ചിറകുകൾ അരിഞ്ഞു വീഴ്ത്തി. വീണ്ടും പറക്കാൻ വേണ്ടി അവൾ പൊരുതിക്കൊണ്ടിരുന്നു . പലപ്രാവശ്യം വീണു. പലവുരു ചവിട്ടേറ്റിട്ടും അവൾ തളർന്നില്ല. ഋതുക്കൾ മാറിമറിഞ്ഞു .കാലം അതിവേഗം കടന്നുപോയി. എന്നിട്ടും അവളുടെ ഉള്ളിലെ മുറിവുകൾ ഉണങ്ങാതെ ബാക്കിയായി. ചില സ്വപ്നങ്ങളെ പാതിവഴിയിൽ ഉപേക്ഷിക്കേണ്ടി വന്നു. ഓർമ്മകൾ കാവലിരുന്ന രാത്രികളിൽ ഉറക്കം അവൾക്ക് അന്യമായി.തൻ്റെ തകർന്ന മനസ്സ് ആരും കാണാതിരിക്കാൻ അവൾ പുഞ്ചിരിയെ ഒരു കവച മാക്കി മാറ്റി. കനൽ വഴികളിലൂടെയുള്ള യാത്ര അവളെ ചുട്ടുപൊള്ളിച്ചെങ്കിലും ആ തീക്കാറ്റുകൾ അവളെ കൂടുതൽ കരുത്തുറ്റവളാക്കി. എങ്കിലും ഹൃദയത്തിൻ്റെ ഉള്ളറയിൽ ഇന്നും കനലുകൾ അണയാതെ കിടപ്പുണ്ട് .അനുകൂലമായൊരു കാറ്റേൽക്കുമ്പോൾ അത് ജ്വാലയായി ഉയരും. തോറ്റുപോയ എല്ലാ സ്വപ്നങ്ങളെയും വീണ്ടെടുത്തുകൊണ്ട് തളരാത്ത മനസ്സിൻ്റെ കരുത്തിൽ അവൾ വീണ്ടും ആകാശത്തേക്ക് പറന്നുയരും. എസ്. ടി. ഷീല #💭 എന്റെ ചിന്തകള്‍ #🖋 എൻ്റെ കവിതകൾ🧾 #💓 ജീവിത പാഠങ്ങള്‍ #🤝 സുഹൃദ്ബന്ധം #❤ സ്നേഹം മാത്രം 🤗

'ച' അക്ഷര പ്രാസവരികൾ ചാരുത നിറഞ്ഞ പ്രഭാതം ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ചെഞ്ചായം പൂശിയ മാനത്തുനിന്ന് ചെങ്കതിരോൻ ഉദിച്ചുയർന്നപ്പോൾ ചെമ്പനീർ ചെടിയിൽ നിറയെ ചെമ്പട്ടു പോലുള്ള പൂക്കൾവിടർന്നേ.. ചെത്തിയും ചേമന്തി പൂക്കളുമെല്ലാം ചെമ്മേ മിഴികൾ തുറന്നുവല്ലോ ചിരിതൂകി നിൽക്കും ചെമ്പകപ്പൂവിൻ സുഗന്ധവുമെത്തി ചില്ലകളിലൊളിച്ചിരുന്ന കുരുവികൾ ചിറകുവിരിച്ചു പറന്നു പൊങ്ങി ചെറുകിളികൾ ഉണർന്ന നേരം ചന്തമുള്ളൊരു പുലരി പിറന്നു ചാരുത നിറഞ്ഞൊരു പ്രഭാതമപ്പോൾ ചിത്രമായ് മനസ്സിൽ തെളിഞ്ഞുവന്നു ചിറകുള്ളസ്വപ്നങ്ങൾ ചേർന്നുനിന്നപ്പോൾ ചുറ്റുമുള്ളലോകം പുതുതായിതോന്നി. എസ്. ടി. ഷീല #🖋 എൻ്റെ കവിതകൾ🧾 #💭 എന്റെ ചിന്തകള്‍ #❤ സ്നേഹം മാത്രം 🤗 #💓 ജീവിത പാഠങ്ങള്‍ #🤝 സുഹൃദ്ബന്ധം

മനസ്സ് ,,,,,,,,,,,,,, മനസ്സ് എല്ലായ്പ്പോഴും ഒരേപോലെ ആയിരിക്കില്ല .ചില ദിവസങ്ങളിൽ അത് കാർമേഘം മൂടിയ ആകാശം പോലെ ഇരുണ്ടതായിരിക്കും .ചെറിയ കാര്യങ്ങൾ പോലും നമ്മെ വിഷമിപ്പിക്കും . മറ്റു ചിലപ്പോൾ തെളിഞ്ഞ നീലാകാശം പോലെ സന്തോഷകരമായിരിക്കും. ക്ഷോഭിച്ച കടൽ പോലെ മനസ്സ് കലങ്ങുന്ന ദിവസങ്ങളുമുണ്ട്. ചിന്തകൾ തിരമാലകളെ പോലെ ആഞ്ഞടിച്ചുകൊണ്ടേയിരിക്കും. പക്ഷെ കുറെസമയം കഴിയുമ്പോൾ മനസ്സ് ശാന്തമാകും. ചെറിയ തിരമാലകൾ പോലെ സമാധാനം തിരിച്ചുവരും. ചില നിമിഷങ്ങളിൽ ശൂന്യതയും അനുഭവപ്പെടാറുണ്ട്. ജീവിതം എന്നത് വ്യത്യസ്ത അനുഭവങ്ങൾ നിറഞ്ഞ ഒരു യാത്ര തന്നെയാണ് .മനസ്സ് ഏത് അവസ്ഥയിലൂടെ കടന്നുപോയാലും നമുക്ക് മുന്നോട്ടു പോകാൻ കഴിയണം. ഇരുട്ടിനുശേഷം വെളിച്ചം വരും എന്ന ഉറച്ചവിശ്വാസം നമ്മെ നയിക്കണം. ഓരോ പ്രയാസവും നമ്മെ കൂടുതൽ ശക്തരാക്കുകയാണ് ചെയ്യുന്നത്. പ്രതിസന്ധികൾ നമ്മെ തകർക്കാനല്ല ശക്തരാക്കാനാണ് വരുന്നത്. ഓരോ പരാജയവും ജീവിതത്തിലെ വലിയ പാഠങ്ങളാണ്. കാലം കടന്നുപോകുമ്പോൾ മുറിവുകളുടെ വേദന മങ്ങുകയും വീണ്ടും പുഞ്ചിരിക്കാൻ പഠിക്കുകയും ചെയ്യും. നമ്മൾ കടന്നുവന്ന ദുർഘടമായ വഴികളാണ് നമ്മുടെ ശക്തിയുടെ കഥകൾ പറയുന്നത്. അതുകൊണ്ട് ഏത് അവസ്ഥയിലും നമ്മളെ നമ്മൾത്തന്നെ കൈവിടാതിരിക്കുക. കാരണം സ്വന്തം മനസ്സിനെ നിയന്ത്രിച്ച് പിടിച്ചുനിർത്താൻ കഴിയുന്നവർക്കാണ് ജീവിതത്തിൽ വിജയിക്കാൻ കഴിയുന്നത്. എസ്. ടി. ഷീല #💭 എന്റെ ചിന്തകള്‍ #🖋 എൻ്റെ കവിതകൾ🧾 #💓 ജീവിത പാഠങ്ങള്‍ #🤝 സുഹൃദ്ബന്ധം #❤ സ്നേഹം മാത്രം 🤗