#🔖ଓଡ଼ିଆ କବିତା✍ ଆସିଛି" ××××××××××××××××× ଆସିଛିରେ...........ଆସିଛି............... ଆମ ଜାତୀୟଦିବସ ଆସିଛି.......... ତିନିରଙ୍ଗେନେତ ଫରଫରଉଡି ସ୍ବାଧୀନତାଗୀତି ଗାଉଛି, ଆମ ଜାତୀୟଦିବସ ଆସିଛି॥୧॥ ଆମ ସମ୍ବିଧାନ ସବୁଠୁଁ ମହାନ ଏକତାସୁତାରେ ବାନ୍ଧିଛି, ସାର୍ବଭୌମ ସାଧାରଣତନ୍ତ୍ର ରାଷ୍ଟ୍ର ଜଗତେ ବିଖ୍ଯାତ ହୋଇଛି, ଆମ ଜାତୀୟଦିବସ ଆସିଛି ॥୨॥ ସ୍ବାଧୀନତାରଣେ ଆମଯୋଦ୍ଧା ଗଣେ କେତେଯେ କଷଣ ସହିଛି, ଫିରିଙ୍ଗି ଫେରିଛି ତା'ନିଜଦେଶକୁ ଭାରତ ସ୍ବାଧୀନ ହୋଇଛି, ଆମ ଜାତୀୟ ଦିବସ ଆସିଛି॥୩॥ ଛଅସ୍ତରୀ ବର୍ଷ ବିତିତଗଲାଣି ଭାରତ ଆଗେଇ ଚାଲିଛି, ଜହ୍ନରାଇଜରେ ପରିଚୟ ଲେଖି ବିକାଶ ବିକାଶ ବାସୁଛି, ଆମ ଜାତୀୟ ଦିବସ ଆସିଛି॥୪॥ ଭାରତମାତାର ପାଉଁଁଜି ପରାଏ ଉତ୍କଳଜନନୀ ହସୁଛି, ପ୍ରଗତିପସରା ଆଗାମୀଇସାରା ପବନସୁଅରେ ଭାସୁଛି, ଆମ ଜାତୀୟ ଦିବସ ଆସିଛି॥୫॥ ———୦——— ରଚନା:—ଶ୍ରୀ ଜୟଦେବ ବେହେରା (କବି କାଇଁଚ) ସୁବର୍ଣ୍ଣପୁର,ଗୋପ,ପୁରୀ *********************

#🔖ଓଡ଼ିଆ କବିତା✍ ଗାଁ ଚିତ୍ରଲିପି ର ବିଂଶ ସ୍ତବକ:— "ଶୀତ ର ଗୀତ" ************* କୁହୁଡି ଚାଦର ଘୋଡିଘାଡି ହୋଇ ଗାଁ କୁ ଆଇଚି ଶୀତ, ମିତ ମୋ କହିଚି ଲେଖିଦେବା ପାଇଁ ଶୀତରେ ଶୀତରେ ଗୀତ॥ ଉତ୍ତର ଦିଗରୁ ହେମାଳ ପବନ ସକାଳେ ଆଉଚି ମାଡି, ବେଳେ ବେଳେ ଘୋଟି ରୁନ୍ଧିପକାଉଛି ଶୀତୁଆ ପାଣି‐କୁହୁଡି ॥ ଦାନ୍ତରେ ଦାନ୍ତ ବି ବାଡେଇ ହଉଚି ଥରିଯାଉଅଛି ଓଠ, ପାଣି ପାଖେ ଗଲେ ହେମାଳ,ଶୀତଳ ଦେହକୁ ଲାଗଇ କଷ୍ଟ॥ ବୁଢାବୁଢୀ ସବୁ ଘୋଡିଘାଡି ହୋଇ ପୋହୁଥା'ନ୍ତି ଧୁନିନିଆଁ, ଲଙ୍ଗଳା ପିଲାଏ ଫୁଙ୍ଗୁଳା ଦେହରେ ମାରୁଥା'ନ୍ତି ଖାଲି ଡିଆଁ॥ ବିଲରେ ପାଚିଛି ସୁନାର ଫସଲ ଖଳାରେ ପଡୁଚି ଝୋଟି, ଚଷାପୁଅ ହାତେ ଦାଆ ଖଣ୍ଡେ ଧରି କଳେଇ ପକାଏ କାଟି॥ ନଈ ଧାରେ ଧାରେ ଶୋରିଷ କିଆରୀ ହଳଦିଆ ସୁନାଫୁଲ, ନିଛାଟିଆ ସେଇ ନିରୋଳା ବେଳାରେ ଶୀତକୁ କରଇ ଗେଲ ॥ ପନି‐ପରିବା ର ଅପୂର୍ବ ସମ୍ଭାର ବସିଥାଏ ଗାଆଁ ହାଟେ, ଗେଣ୍ଡୁଫୁଲ ଫୁଟି ପଡୁଥାଏ ଲୋଟି ବାଡି‐ବଗିଚା କି ବାଟେ॥ ×××××୦××××× ରଚନା:—ଜୟଦେବ ବେହେରା ସୁବର୍ଣ୍ଣପୁର,ଗୋପ,ପୁରୀ ~~~~~~~*୦*~~~~~~~

#🔖ଓଡ଼ିଆ କବିତା✍ ଶୁଭକାମନା ସହ ମୋ ପ୍ରିୟ ବନ୍ଧୁ,ବାନ୍ଧବୀ,ପାଠକ/ପାଠିକା,ମୋର ଶୁଭେଚ୍ଛୁ ମାନଙ୍କର ସୁଖ,ଶାନ୍ତି,ପ୍ରଗତି କାମନା କରୁଛି ॥ ଆପଣଙ୍କର ଗୁଣମୁଗ୍ଧ "କବି କାଇଁଚ"। ନୂଆବର୍ଷ ବାର୍ତ୍ତା ************** ସବୁ ସନ ପରି ନୂଆ ବରଷଟା ଏ ବରଷ ପୁଣି ଆସିଚି, କୁହୁଡି ସନ୍ଧିରେ ଉଙ୍କିମାରି ସିଏ ମସ୍ ରୁମ୍ ,ପନିର୍ ଖୋଜୁଚି, ହ୍ବାଟ୍ସଆପ୍ ମେସେଜ୍ ଉଡୁଚି(୨ଥର) [ସେପଟେ]ଓଷଦ ନପାଇ ବୁଢାମଣିଷଟା ଖୁଁ ଖୁଁ ହୋଇ କାଶୁଚି॥୧॥ ଭୋଜିଭାତ ହେଲେ ନଖାଇ ନପିଇ ମଦ ପିଇ କିଏ ଗଡୁଚି, ଭାରିଜା ତାହାର କି କରିବ ଅବା କପାଳରେ କର ମାରୁଚି, କରମକୁ ଖାଲି ନିନ୍ଦୁଚି(୨ଥର) ନକହି ପାରି କି ମନରବେଦନା ଗୁମୁରିଗୁମୁରି କାନ୍ଦୁଚି॥୨॥ ଆମ ନୂଆବର୍ଷ ପଣା ସଙ୍କରାନ୍ତି ଏତେ ଜମାଣିଆ ହଉନି, ଓଡିଆ ପରବ ଆଦର କମି କି ବଦଳିଯାଉଚି ଚଳଣୀ, କେତେ କଥା ଲୁଚି ଗଲାଣି(୨ଥର) ଆଜିକାଲି ପିଲା ଶୁଣିଲେ କହିବେ ଇଏ କୋଉକାଳ କାହାଣୀ॥୩॥ ସମୟ ସୁଅରେ ପତରଟେ ହୋଇ ଭାସିଚାଲ ନାଚିନାଚିକା, ଜୀବନଗୀତର ଅବୁଝା ଅକ୍ଷର ନ ବୁଝି କି ଗାଇଗାଇକା, ଏଇକଥା କହିକହିକା(୨ଥର) ସୁଖର ପତର ଦୁଃଖର ପଥର ସବୁଯିବା ସହିସହିକା॥୪ ନୂଆବରଷର ହାଲୁକା ମନକୁ ଭାରାକ୍ରାନ୍ତ କରିଦଉନି, କେତେକଥା ଥିଲେ କହିବାକୁ ହେଲେ ଆଜି ସେସବୁକୁ କହୁନି, ଭିତରକୁ ଜମା ନିଅନି(୨ଥର) ସବୁଓଠେ ଲାଗୁ କବିତାର ମଧୁ କବି କାଇଁଚର ଦଇନି॥୫॥ —ଶୁଭ ନବବର୍ଷ— —୦*୦—