ഹൃദയത്തിൽ സൂക്ഷിക്കാൻ പാർട്ട് -41 മുറിയുടെ വാതിക്കൽ ആരോ വന്നു നിൽക്കുന്നത് പോലെ തോന്നിയത്തും രുദ്രൻ മുഖത്തെ കൈ മാറ്റി.... പാറുവാണ്.... രുദ്രൻ തല ചരിച്ചു  ജനൽ വഴി പുറത്തേക്കു നോക്കി. രുദ്രേട്ടാകുളിക്കണ്ടേ? ചൂടുവെള്ളം ആക്കി വെച്ചിട്ടുണ്ട് ഞാൻ... മുറിക്കുള്ളിലേക്ക് കയറി അവൾ പറഞ്ഞു.. ഞാൻ വന്നോളാം താൻ ചെല്ല്..... ഗൗരവം നിറഞ്ഞ ശബ്ദത്തിൽ അവൻ പറഞ്ഞു.... പെട്ടെന്ന് വേണം ചൂടറിയാൽ എനിക്ക് വീണ്ടും ചൂടാക്കാൻ വയ്യ.വെളിയിലേക്ക് അവൾ ഇറങ്ങുന്ന കൂട്ടത്തിൽ പറഞ്ഞു..അങ്ങനെ പറഞ്ഞില്ല എങ്കിൽ അവൻ വരില്ല എന്ന് അവൾക്ക് മനസിലായി.... രുദ്രൻ ബെഡിൽ നിന്നും പതിയെ എണീറ്റു അടുക്കള വശത്തേക്ക് നടന്നു. അടുക്കളയിൽ നിന്ന പാറു രുദ്രൻ വരുന്നത് കണ്ടതും മാറി നിന്നു കൊടുത്തു.... അവൻ ഡോർ തുറന്ന് വെളിയിലെ അലക്കു കല്ലിന്റെ അടുത്തു ചെന്നു ഇരുന്നു.... പാറു അവന് അടുത്തേക്ക് ചെന്നു. വെള്ളം കൊണ്ട് വരട്ടെ.അവൾ ചോദിച്ചതും രുദ്രൻ ഒന്ന് മൂളിയതെ ഉള്ളു.അലക്കു കല്ലിന്റെ അടുത്തു ഇരിക്കുന്ന ബക്കറ്റിലേക്കു അവൾ വെള്ളം കൊണ്ട് വന്നു ഒഴിച്ചു..... പൈപ്പ് ഓൺ ചെയ്യ്തു അതിലേക്ക് പച്ച വെള്ളവും ഒഴിച്ചു അവന് കുളിക്കാൻ പറ്റിയ ചൂട് ആക്കി.... ബാത്‌റൂമിൽ നിന്നും സോപ്പ് എടുത്തു കൊണ്ട് വന്നു കൊടുത്തു... ഒപ്പം തോർത്തും....      അവനൊന്നു നോക്കിയതും പാറു അകത്തേക്ക് കയറി പോയി...... അലക്കു കല്ലിന്റെ താഴെ കെട്ടി ഇട്ടിരിക്കുന്ന അരപ്പടിയിൽആണ് അവൻ ഇരിക്കുന്നത്... ബാത്‌റൂമിൽ കയറിയാൽ നിന്നു കളിക്കേണ്ടി വരും അതിനുള്ള ആവത് തനിക്കിപ്പോൾ ഇല്ല.... തന്റെ അനിയന്റെ നോവ് അത് തന്നിലേക്ക് വ്യാപിക്കും പോലെ... രുദ്രന് കരച്ചിൽ വന്നു പോയി.... ഒരു കോപ്പയിൽ വെള്ളം എടുത്തു അവൻ തല വഴി അവിടെ ഇരുന്നു കൊണ്ട് തന്നെ ഒഴിച്ചു. തൊണ്ടക്കുഴിയിൽ എത്തിയ കരച്ചിലിനെ വാ പൊത്തി പിടിച്ചു വെളിയിലേക്ക് വരരുത് എന്ന് അവൻ ആശിച്ചു.തന്റെ കരച്ചിൽ ആരും കേൾക്കരുതെന്നു അവൻ കരുതി.... വേഗം കുളിച്ചു അവിടെ നിന്നും എണീക്കാൻ നോക്കിയെങ്കിലും ശരീരം ആകെ തളരുന്നത് പോലെ തോന്നി അവന്..... വിറക്കുന്ന കൈയ്യോടെ കല്ലിൽ പിടിച്ചു എണീക്കാൻ നോക്കി അവൻ....     ഭൂമി ഒന്നാകെ കറങ്ങും പോലെ......മുറിയിൽ നിന്നും എടുത്തു കൊണ്ട് വന്ന കൈലി കയ്യിലേക്ക് എടുത്തു എങ്കിലും അവൻ അവിടെ തന്നെ ഇട്ടു...... എന്താ ഇന്ദ്ര ഇതൊക്കെ.. അവന്റെ കണ്ണുകൾ നിറഞ്ഞു...... ദേഹം തളർന്നവൻ താഴേക്കു തന്നെ ഇരുന്നു പോയി..... ഇരിക്കുന്ന ഇരിപ്പിൽ വെള്ളം ഇരുന്ന അലൂമിനിയം ബക്കറ്റ് മറിഞ്ഞു പോയി..... ശബ്ദം കെട്ടു അടുക്കളയിൽ നിന്ന പാറു മടിച്ചു വെളിയിലേക്ക് ഇറങ്ങി വന്നു..... അവൾ നോക്കുമ്പോൾ ബക്കറ്റ്‌ ഒരുണ്ട് മണ്ണിൽ കിടപ്പുണ്ട്. അലക്കു കല്ലിന്റെ ഭിത്തിയിൽ ചാരി അവനും ഇരിപ്പുണ്ട് രുദ്രേട്ടാ.... ഒരു വിളി... ഒരൊറ്റ വിളി മത്രേ അവളിൽ നിന്നും ഉണ്ടായുള്ളൂ... അവൾ ഓടി അവനരുകിൽ എത്തി.... രുദ്രേട്ടാ എന്താ എന്ത് പറ്റി.... തലയും താങ്ങി ഇരിക്കുന്നവനോടായി അവൾ ചോദിച്ചു.... ഉടുത്തിരിക്കുന്ന മുണ്ട് അപ്പാടെ നനഞ്ഞു കുതിർന്നു ഇരിക്കുവാണ്... പാറു  അവനിൽ നിന്നും നോട്ടം മാറ്റി കല്ലിൽ ഇരിക്കുന്ന തോർത്ത്‌ ആദ്യം എടുത്തു... അവന്റെ തലയിലേക്ക് ഇട്ടു കൊണ്ട് തലയൊന്നു തോർത്തി... രുദ്രേട്ടാ... ദേഹം തോർത്തു.... അവൾ പറഞ്ഞതും അവൻ ആ തോർത്ത്‌ തലയിൽ നിന്നും വലിച്ചെടുത്ത്...പാറു ഈ സമയം തിരിഞ്ഞു നിന്ന്... രുദ്രൻ അവളെ ഒന്ന് നോക്കി.... തോർത്തി കഴിഞ്ഞോ... അവൾ ചോദിച്ചതും അവനൊന്നു മൂളി... രുദ്രന്റെ അടുത്തേക്ക് വന്നവൾ അവനെ പതിയെ പിടിച്ചു എണീപ്പിച്ചു നിർത്തി...... അലക്ക് കല്ലിൽ പിടിച്ചു അവൻ നിന്നതും മാറ്റി വെച്ചിരുന്ന കൈലി എടുത്തവൾ അവന് നേരെ കൊണ്ട് വന്നു..... അവന്റെ വയർ ഭാഗത്തു വെച്ചു ആ കൈലി ഉടുപ്പിച്ചു കൊണ്ട് അവൾ അവനെ നോക്കി  അപ്പോളും രുദ്രന്റെ മിഴികൾ അവളിൽ തന്നെ ആണ്. അവൾ പെട്ടെന്ന്  തിരിഞ്ഞു നിന്നു രുദ്രൻ നനഞ്ഞ മുണ്ട് ഊരി തറയിലേക്ക് ഇട്ടു. അത് കുനിഞ്ഞു എടുക്കാൻ ഉള്ള ആവത് അവനിപ്പോൾ ഇല്ല. കഴിഞ്ഞോ.... പാറു തിരിഞ്ഞു അവന്റെ കയ്യിൽ പിടിച്ചു കൊണ്ട് പതിയെ മുറ്റത്തേക്ക് ഇറക്കി.... രുദ്രന്റെ കണ്ണ് കരഞ്ഞതിന്റെ തെളിവെന്നോണം ചുമന്നു വന്നിരുന്നു. പാറു അവനെയും താങ്ങി അകത്തെ റൂമിലേക്ക് കൊണ്ട് പോയി ഇരുത്തി.അവന്റെ നെറ്റിയിൽ ആയി അവളൊന്നു തൊട്ടു നോക്കി. പനിക്ക് ആണെന്ന് തോന്നുന്നല്ലോ രുദ്രേട്ടാ... സാരമില്ല മാറും.... ഇനി പോയി കുടിക്കരുത് കേട്ടോ... പണ്ടൊക്കെ ആയിരുന്നു മായമൊന്നും ഇല്ലാത്തത്.. ഇപ്പൊ എല്ലാത്തിലും മായമാ... ഇതൊന്നും കുടിച്ചു ശീലമില്ലാത്തത് കൊണ്ട...വോമിന്റിങ് മാറിയപ്പോ പനി തുടങ്ങിയെന്നു തോനുന്നു.. അതാ ദേഹം വയ്യാതെ വന്നത്.... മാറും കേട്ടോ.... ഞാൻ ഇത്തിരി കഞ്ഞി എടുത്തോണ്ട് തരാം.. അതും കുടിച്ചു മരുന്നും കുടിച്ചിട്ട് കിടന്നാൽ മതി.....  അവൾ അത്രയും പറഞ്ഞ് അവിടെ നിന്നും പോകുമ്പോളും രുദ്രനിൽ ഒരു ഭാവങ്ങളും ഇല്ലായിരുന്നു.. 💜 പാറു തിരികെ വരുമ്പോൾ കണ്ണിനു കുറുകെ കൈ വെച്ചു കൊണ്ട് അവൻ അവിടെ കിടക്കുന്നുണ്ടായിരുന്നു.... രുദ്രേട്ടാ......അവൾ വിളിച്ചതും കണ്ണ് ഒന്ന് അമർത്തി തുടച്ചു കൊണ്ട് അവളെ നോക്കിയവൻ.... ഏട്ടൻ കരയുവാണോ.. എന്ത് പറ്റി... ഒന്നുല്ല.... എനിക്ക് കഴിക്കാൻ ഒന്നും വേണ്ട പാറു... വിശപ്പില്ല.. നീ കൊണ്ട് പൊയ്ക്കോ.... കൊള്ളാം എന്നിട്ട് വേണം അനൂപ് ഏട്ടൻ വരുമ്പോൾ എന്നെ വഴക്ക് പറയാൻ അല്ലെ.... മരുന്ന് കഴിക്കണ്ടേ അല്ലെ.. ഇത് കുടിക്ക്... കഞ്ഞി പാത്രം അടുത്തൊരു ചെറിയ ടേബിളിൽ വെച്ചു കൊണ്ട് അവൾ അവനെ എണീപ്പിച്ചു ഇരുത്തി... കഞ്ഞി അവന് മുന്നിലേക്ക്‌ നീക്കി വെച്ചു കൊടുത്തവൾ.... രുദ്രൻ ഒരു സ്പൂൺ എടുത്തു വായിലേക്ക് വെച്ചതും മുഖം ചുളിച്ചു പോയി.... വീണ്ടും വോമിറ്റ് ചെയ്യാൻ വരുന്നു... ആഹാരം കഴിക്കുമ്പോൾ.... അതൊക്കെ തോന്നും... ഇത് കുടിക്ക്..... വയറ്റിൽ ഒന്നും ഇല്ലാത്തത് കൊണ്ട... സാരമില്ല... എങ്ങനെയോ രുദ്രൻ അത് കോരി കുടിച്ചു.... അവൾ കൊണ്ട് കൊടുത്ത ഗുളികയും കഴിച്ചു കൊണ്ട് കയറി കിടന്നതാണവൻ..... 💜 എന്നും വരുന്ന സമയം ആയിട്ടും നേഹയെയും സൂരജിനെയും കണ്ടില്ല..... അവൾക്കെന്തോ സങ്കടം തോന്നി പോയി.... ഒറ്റക്ക് ഇരിക്കുമ്പോൾ മറ്റു പലതും ഓർത്ത് പോകുന്നു..... വീടിനു വാതിക്കൽ പടിയിൽ ആണ് അവൾ ഇരിക്കുന്നത്..... അവൾ തല തിരിച്ചു തന്റെ എതിർ വശത്തേക്ക് നോക്കി... തന്നെ നോക്കി ചിരിച്ചു കൊണ്ട് ഇരിക്കുന്ന ഇന്ദ്രൻ... ഇന്ദ്രേട്ടാ...... ഇവിടിരുന്നു അല്ലെ ഞങ്ങൾ അധികവും സംസാരിച്ചിട്ടുള്ളത്... മഴ വെള്ളത്തിൽ വഞ്ചി ഉണ്ടാക്കി കളിച്ചതും ഒക്കെ.... മുത്തശ്ശി, ഇന്ദ്രേട്ടൻ, അച്ഛൻ കണ്ണൊന്നു അടക്കുമ്പോൾ മൂന്ന് പേരും നെറുകിൽ തലോടുന്നത് പോലെ. പെട്ടെന്ന് ആണവളെ രുദ്രൻ വിളിച്ചത്..... പാറു ഓടി റൂമിനു വാതികൾ ചെന്നു..... എന്തെ... എന്തേലും വേണോ...... എനിക്ക് സുഭദ്ര വല്യമ്മയെ ഒന്ന് വിളിച്ചു തരാമോ... അവൾ മുറിയിലേക്ക് കയറി...പാറു സുഭദ്രയെ കാൾ ചെയ്യ്തു അവന് കൊടുത്തു.... മറു ഭാഗം കാൾ അറ്റൻഡ് ചെയ്തതും അവൻ സംസാരിച്ചു. തുടങ്ങി.... വെളിയിലേക്ക് ഇറങ്ങാൻ കാലെടുത്തു വെച്ച പാറു ഒരുനിമിഷം ഒന്ന് നിന്നു... പാർത്ഥനെ ആയാലും വിട്ടാൽ മതി വല്യമ്മേ.. ഒട്ടും വയ്യാഞ്ഞിട്ട... ആദ്യായിട്ട.. മറ്റുള്ളോർക്ക് ബുദ്ധിമുട്ട് ആവാൻ വയ്യാത്തോണ്ടാ...എത്രേം പെട്ടെന്ന് എന്നെ ആശ്രമത്തിലേക്കു കൊണ്ട് പോകണം....             വയ്യങ്കിലും അവൻ അത്ര എങ്കിലും പറഞ്ഞ് നിർത്തി..... പാറു തിരിഞ്ഞു നോക്കാതെ വെളിയിലേക്ക് ഇറങ്ങി പോയി.... ഏട്ടൻ ( പാർത്ഥൻ )വന്നു കൊണ്ട് പോകുന്നെങ്കിൽ അങ്ങനെ ആവട്ടെ.... അല്ലങ്കിൽ തന്നെ സ്വന്തം  ജോലിയും കളഞ്ഞു ഒരാൾ എത്ര നാൾ ഇവിടെ നിൽക്കും... ഓരോന്ന് ഓർത്ത് കൊണ്ട് അവൾ പടിയിൽ ഇരുന്നു.... രുദ്രൻ വയ്യാതെ കിടക്കുന്നെങ്കിലും അവൾക്ക് ചെയ്‌തു കൊടുക്കുന്നതിനു പരിമിതികൾ ഉണ്ടായിരുന്നു.....അൽപ്പം കഴിഞ്ഞതും നേഹ അങ്ങോട്ടേക്ക് എത്തി... ഒപ്പം സൂരജും ഉണ്ടായിരുന്നു... അവളുടെ മുഖത്തേക്ക് നോക്കിയ പാറു വീണ്ടും സൂരജിൽ എത്തി നിന്നു... സൂരജ് ഒന്നുമില്ല എന്ന് കണ്ണടച്ച് കാണിച്ചു പാറുവിനെ.... പാറു നേഹയുടെ തോളിൽ കൈ വെച്ചു...... എന്താടി. എന്ത് പറ്റി.... രണ്ടാളും എന്തേ താമസിച്ചത്....നിന്റെ മുഖം എന്താ വല്ലാതെ ഇരിക്കുന്നത്... കരഞ്ഞോ സൂരജെ ഇവൾ... പാറു സൂരജിനെ നോക്കി ചോദിച്ചതും നേഹ പാറുവിനെ ചുറ്റി പിടിച്ചു കരഞ്ഞിരുന്നു... എന്താടി.. എന്തിനാ കരയുന്നെ....അവളുടെ നോട്ടം സൂരജിൽ എത്തി നിന്നു.... എന്നാൽ ഒന്നും മിണ്ടാതെ കരഞ്ഞു കൊണ്ട് നേഹ അകത്തേക്ക് ഓടി പോയി.... പുറകെ പോകാൻ പാവിച്ച പാറുവിനെ സൂരജ് പിടിച്ചു നിർത്തി..... ഡീ  അവൾക്ക് പിറകെ പോകണ്ട.... പോകേണ്ടന്നോ അത് എന്താ..... എടി അത്  അയാൾ ഇല്ലേ സിജോ.. അങ്ങേരുടെ കല്യാണം കഴിഞ്ഞഡി.... കല്യാണം കഴിഞ്ഞെന്നൊ... നീ എന്തൊക്കെയാ സൂരജെ ഈ പറയുന്നത്.. അയാളുടെ കല്യാണം ആണേൽ ഇവൾ അറിയില്ലേ.. ഇവൾ അറിയാതെ അങ്ങനെ ഒരു ആലോചന നടക്കാൻ പോലും വഴി ഇല്ല.. അയാൾ എങ്ങോട്ട് തിരിഞ്ഞാലും ഇവളെ വിളിച്ചു അറിയിക്കാൻ ഒരുപാട് പേര് അവിടെ ഉണ്ട്.. അങ്ങനെ ഉള്ളപ്പോ... പാറു... പുള്ളിടെ അടുത്ത ബന്ധത്തിൽ ഉള്ള ആരുടെയോ കല്യാണം കൂടാൻ തലേന്ന് അമ്മച്ചിയേയും കൂട്ടി പോയതാ അയാൾ പക്ഷെ അവിടെ ചെന്നപ്പോൾ അല്ലെ അറിയുന്നേ പെണ്ണിനെ കെട്ടാൻ ഇരുന്നവനെ മയക്കുമരുന്ന് കേസ് കാരണം പിടിച്ചു അകത്ത് ഇട്ടെന്ന്.... അവിടെ വെച്ചു ആളുടെ അമ്മ പറഞ്ഞത്രേ എന്റെ മോൻ ആ കൊച്ചിനെ കല്യാണം കഴിക്കുമെന്ന് രണ്ട് ദിവസം കഴിഞ്ഞു പള്ളിയിൽ വെച്ച് മിന്നു കെട്ടി അയാൾ ആ പെങ്കൊച്ചിനെ.. എല്ലാം കേട്ടതും പാറു ഞെട്ടി പോയി.... എന്റെ കൃഷ്ണ അവൾ ഇത് എങ്ങനെ സഹിക്കും.... പാറു അകത്തേക്ക് നോക്കി നെഞ്ചിൽ കൈ വെച്ച്.... എല്ലാം അറിഞ്ഞപ്പോ മുതലേ ആൾ കരച്ചിലായിരുന്നു.. എന്നോട് ആന്റിടെ വീട്ടിൽ കൊണ്ട് പോകാൻ പറഞ്ഞു... സത്യം ആണോ എന്ന് അറിയാൻ... സത്യമായിരുന്നു അറിഞ്ഞതൊക്കെ.. പിന്നെ ഈ നേരം വരെ അവളൊന്നും മിണ്ടി ഇല്ലടി... നി അങ്ങോട്ട് ചെല്ല്... സമയം ഇത്രയും ആയില്ലേ.. വീട്ടിൽ തിരക്കും ഞാൻ ഇറങ്ങുവാ.... അവൻ പറയുമ്പോൾ അവൾ തലയാട്ടി. അകത്തേക്ക് ചെല്ലുമ്പോൾ മുറിയിൽ അവളെ കണ്ടില്ല.... നെഹെ.. പാറു വിളിക്കുമ്പോൾ രുദ്രേട്ടന്റെ റൂമിൽ നിന്നും അവളുടെ ശബ്ദം കെട്ട് പാറു അങ്ങോട്ടേക്ക് ചെന്നു.... വാതിക്കൽ നിന്ന് അവളെ ഒന്ന് നോക്കി പാറു.... ആളോട് എന്തൊക്കെയോ മിണ്ടുന്നുണ്ട് അവൾ.. രുദ്രൻ എല്ലാത്തിനും തലയാട്ടി കൊടുക്കുന്നുണ്ട്... ആൾക്ക് മിണ്ടാൻ പോലും വയ്യ... ഇറങ്ങി വരുമ്പോൾ വാതിലിൽ നിൽക്കുന്ന പാറുവിനെ ഒന്ന് നോക്കാൻ മറന്നില്ല അവൾ... 💜💜 വെളിയിലേക്ക് അവൾ ഇറങ്ങി വന്നതും പാറു അവൾക്കടുത്തേക്ക് നീങ്ങി നിന്നു.. നേഹക്ക് പാറുവിന്റെ മുഖത്തു നോക്കാൻ പറ്റുന്നുണ്ടായിരുന്നില്ല... എന്താടി... ചോദിച്ചു തീരും മുൻപ് നേഹ അവളെ ചുറ്റി പിടിച്ചു കരഞ്ഞിരുന്നു.... അകത്തെ മുറിയിൽ കിടന്നു രുദ്രനും കാണുന്നുണ്ടായിരുന്നു ഇതൊക്കെ.... പാറു അവളുടെ പുറത്ത് പതിയെ തട്ടി... അവൾ കരഞ്ഞു തീർക്കട്ടെ എന്ന് പാറുവും കരുതി... എന്നാലും എന്നെ ഒന്ന് ഓർത്തില്ലല്ലോടി അയാൾ... അമ്മ പറഞ്ഞാലും മനസ്സിൽ മറ്റൊരാളോട് ഇഷ്ടം ഉണ്ടങ്കിൽ തീർച്ചയായും കല്യാണം വേണ്ടാന്നു പറഞ്ഞേനെ... അങ്ങനെ ഒന്ന് പറയാത്ത സ്ഥിതിക്ക് ഉറപ്പാ അയാൾക്ക് എന്നെ ഇഷ്ടം അല്ലായിരുന്നു... പക്ഷെ ഒരുവാക്ക് പറയാമായിരുന്നെടി...ഇത് വരെ ഞാൻ ഈ ശല്യം ചെയ്യ്തു പുറകെ നടക്കുമ്പോൾ ഒരിക്കൽ പോലും അയാൾ ഇഷടം അല്ലെന്നു ഒരു വാക്ക് പറഞ്ഞിട്ടില്ല... എനിക്ക് സഹിക്കാൻ പറ്റുന്നില്ല... നെഞ്ചോക്കെ പൊട്ടി പോകുന്നത് പോലെ തോനുന്നെടി.... ഇതേ സമയം പാറുവിന്റെ കണ്ണുകൾ വാതിക്കൽ നിൽക്കുന്നവനിലേക്ക് പാളി വീണ്... പാർത്ഥൻ... ഏട്ടാ... പാറു വിളിച്ചതും അത് വരെ കരഞ്ഞു കൊണ്ട് നിന്നവൾ തല ഉയർത്തി പുറകിൽ നിൽക്കുന്നവനെ നോക്കി... പാർത്ഥനെ കണ്ടതും നേഹ കണ്ണും തിരുമ്മി മുറിക്കുള്ളിലേക്ക് നടന്നു.... പാറു ഓടി ചെന്നു പാർത്ഥനെ കെട്ടി പിടിച്ചു.. എന്തെ കൂട്ടുകാരി കരഞ്ഞത്... പാർത്ഥൻ അവളെ ചേർത്ത് പിടിച്ചു ചോദിക്കുമ്പോൾ പാറു അവന്റെ കയ്യിൽ ഇരുന്ന ബാഗ് വാങ്ങി ടേബിളിൽ വെച്ചു... ഒന്നുല്ല ഏട്ടാ.. അവൾക്ക് ഒരു ചേട്ടനെ ഇഷ്ടായിരുന്നു.. ആൾടെ കല്യാണം കഴിഞ്ഞു... അതിന്റെ വിഷമം.. അവൾക്ക് മാത്രമേ ഇഷ്ടം ഉണ്ടായിരുന്നുള്ളു... ആൾക്ക് അങ്ങനെ ഒന്നും ഇല്ലായിരുന്നു.... അവൾ പറഞ്ഞു നിർത്തുമ്പോൾ പാർത്ഥൻ ഒന്ന് മൂളി... ബാഗിൽ നിന്നും അവൻ കൊണ്ട് വന്ന പലഹാരപൊതിയും മിഠായും ഒക്കെ എടുത്തു വെളിയിലെക്ക് വെച്ച്... അവൾക്ക് ഒന്ന് കൊടുത്തിട്ടു മറ്റേതും കൊണ്ട് നേഹയുടെ മുറിയിലേക്കവൻ കാല് വലിച്ചു വെച്ച് നടന്നു.... ഇതേ സമയം പാറു അടുക്കളയിലേക്ക് പോയി. അവൻ മുറിക്കുള്ളിലെക്കു നോക്കിയതും കണ്ടു കട്ടിലിൽ കിടക്കുന്നവളെ ആ ശരീരം അനങ്ങുമ്പോൾ അറിയാൻ കഴിയുന്നുണ്ട് ആൾ കരയുവാണ്.... അങ്ങോട്ടേക്ക് വന്നോട്ടെ.... അവന്റെ ചോദ്യം കെട്ട് നേഹ തല ഉയർത്തി നോക്കി.... വാതിക്കൽ നിൽക്കുന്ന പാർത്ഥനെ കണ്ടതും അവൾ ബെഡിൽ നിന്നും എണീറ്റിരുന്നു... പലവെട്ടമായി കണ്ട് അവനെ അവൾക്ക് പരിജയം ആണ്... പാറു വയ്യാതെ ഇരുന്നപ്പോൾ ഒക്കെയും അവളെ കാണാൻ അവനും സുഭദ്ര അമ്മയും കൂടി ചെല്ലാറുണ്ടായിരുന്നു... അമ്മച്ചിയും ആയി നല്ല കൂട്ടാണ് സുഭദ്ര അമ്മക്ക്... പാർത്ഥൻ മിണ്ടാറില്ല ആദ്യമായിട്ട് ആണ് ഇങ്ങനേ.... അവൾ തല താഴ്ത്തി ഇരുന്നതെ ഉള്ളു... പാർത്ഥൻ അവൾക്ക് അടുത്തേക്ക് വന്നു... കയ്യിൽ കരുതിയ ചോക്ലേറ്റ് അവൾക്ക് നേരെ നീട്ടി എങ്കിലും അവൾ വേണ്ടാന്നുള്ള രീതിയിൽ തലയാട്ടി.... എന്തെ വേണ്ടേ... വീണ്ടും അവൾ തലയാട്ടി.... കൊച്ചിന് എത്ര വയസ്സ് ഉണ്ട്... അധിക നേരം നിൽക്കാൻ വയ്യാത്തത് കൊണ്ട് അവൻ ബെഡിലേക്ക് ഇരുന്നു കൊണ്ട് ആണ് ചോദ്യം .. പറ.. എത്ര വയസ്സ് ഉണ്ട്.... പത്തൊൻപത്..... അവൾ പതിയെ പറഞ്ഞു നിർത്തി... കൊച്ച് പ്രേമിച്ച ചെറുക്കന് എത്ര വയസ് ഉണ്ട്.... മുപ്പത്... ഓഹ്..... അപ്പൊ കൊച്ചിന്റെ മൂത്ത ഇച്ചായന്റെ പ്രായം... അവൻ പോയത് കാര്യമായി... കൊച്ച് ഒന്ന് ആലോചിച്ചു നോക്കിയേ ആ പയ്യൻ  തനിക്ക് വേണ്ടി ഒരു അഞ്ചു കൊല്ലം. കൂടി കാത്തിരുന്ന 35 ആകും അത് വരെ ഒക്കെ എങ്ങനെയാ മോശമല്ലേ... ആ പയ്യന് 35 വയസാകുമ്പോൾ കൊച്ച് പറയും എനിക്ക് ഇതിനെലും ചെറുപ്പകാരൻ ചെറുക്കൻ മതിയായിരുന്നു എന്ന്.... ഞാൻ അങ്ങനെ ഒന്നും പറയില്ല.. എനിക്ക് സീച്ചനെ അത്രക്ക് ഇഷ്ടായിരുന്നു.... അവളുടെ തൊണ്ട ഇടറി... പഠിക്കുന്ന പ്രായം  അല്ലെ അതിന്റെ ഇടക്ക് തന്നെ വേണോ ഈ പ്രേമൊക്കെ.. ഇപ്പൊ അല്ലെ പ്രേമിക്കാൻ പറ്റു.. മൂക്കിൽ പല്ല് വന്നിട്ടാണോ... ചോദിക്കുന്നതിനു ഒപ്പം മൂക്ക് വലിച്ചു ചീറ്റുന്നും ഉണ്ട് അവൾ... എല്ലാം മായിച്ചു കള... ആ ചേട്ടൻ എവിടേലും സമാധാനത്തോടെ ജീവിച്ചോട്ടെ... പാർത്ഥൻ പറയുമ്പോൾ ചുണ്ട് കൂർപ്പിച്ചവൾ അവനെ ഒന്നു നോക്കി. ഇയാൾക്ക് അങ്ങനെ ഒക്കെ പറയാം... എനിക്ക് എന്ത് ഇഷ്ടം ആയിരുന്നു എന്നറിയാമോ... അവൾക്ക് വീണ്ടും കരച്ചിൽ വന്നു പോയി... അഹ് എന്നാൽ അതും പറഞ്ഞു ഇരുന്നു മോങ്ങിക്കൊണ്ട് ഇരുന്നോ.... പാർത്ഥൻ കൊണ്ട് വന്ന ചോക്ലേറ്റ് അവളുടെ ബെഡിൽ വെച്ച് എണീറ്റു... ഇയാളെ ആരും സ്നേഹിക്കാത്തൊണ്ട ഇയാൾക്ക് സ്നേഹത്തിന്റെ വില മനസ്സിലാകാത്തത്.. പറഞ്ഞു കഴിഞ്ഞവൾ പാർത്ഥനെ നോക്കിയതും.. താൻ പറഞ്ഞത് ശെരിയാടോ.. അല്ലങ്കിൽ തന്നെ എന്നെ. പോലെ ഒരു ഞൊണ്ടി കാലനെ ആരെങ്കിലും പ്രേമിക്കുവോ... ചെറു ചിരിയോടെ പറയുന്നവനെ അവളൊന്നു നോക്കി പോയി... സത്യം പറഞ്ഞാൽ അവന്റെ കാലിന്റെ  കുറവിനെ കുറിച്ച് ഓർക്കാതെ ആണവൾ പറഞ്ഞത് പോലും... പാർത്ഥൻ തന്നെ തെറ്റി ധരിച്ചു ഇരിക്കുവാ എന്ന് അവൾക്ക് മനസിലായി... അവൾ അവനെ വിളിക്കാൻ പാവിച്ചതും അവൻ രുദ്രന്റെ റൂമിലേക്ക്‌ കയറി കഴിഞ്ഞിരുന്നു... ശോ.. ആ ചേട്ടൻ എന്നെ തെറ്റി ധരിച്ചെന്നു തോനുന്നു... അവൾക്ക് സങ്കടം വന്നു പോയി.എല്ലാം കൊണ്ടും അവൾ. ആകെ തകർന്നിരുന്നു..... ഇതേ സമയം ഒരു ഗ്ലാസിൽ ചായയും ആയി പാറു രുദ്രന്റെ മുറിയുടെ വെളിയിലേക്ക് ചെന്നു.... അകത്തേക്ക് കയറാൻ മടിച്ചവൾ വെളിയിൽ തന്നെ നിന്നു... കതകിൽ രണ്ട് തട്ട് തട്ടി....പാർത്ഥ ഉള്ളിലേക്ക് വാ  പാറു.....അവൻ പറഞ്ഞതും പാറു കതക് തുറന്ന് ഉള്ളിലേക്ക് കയറി.. ആദ്യം. നോട്ടം പോയത് രുദ്രന്റ മുഖത്തേക്ക് ആയിരുന്നു... എന്നാൽ അവൻ മുഖം ഇടത് സൈഡിലേക്ക് വെച്ച് കിടക്കുവാണ്.. പാർത്ഥനെ നോക്കി ചിരിച്ചു കൊണ്ട് അവൾ ചായ കപ്പ് നീട്ടി.... അവൾ രുദ്രനെ വീണ്ടും നോക്കിയതും അവന്റെ കണ്ണുകൾ നിറഞ്ഞു ഇരിക്കുന്നത് ആണ് അവൾ കണ്ടത്...വീണ്ടും അവളുടെ നോട്ടം പാർത്ഥനിലേക്ക് ആയി... കണ്ണ് കൊണ്ട് അവൾ രുദ്രന് എന്ത് പറ്റിയെന്നു പാർത്ഥ നോട് ചോദിച്ചു.. എന്നാൽ ഒന്നുമില്ല എന്നുള്ള രീതിയിൽ കണ്ണടച്ച് കാണിച്ചവൻ.... പാറു തിരികെ മുറിയിൽ നിന്നും ഇറങ്ങി പോകുമ്പോൾ രുദ്രന്റെ മിഴികൾ അവളിൽ വന്നു നിന്നു... രുദ്ര... ഈ അവസ്ഥ യിൽ നിന്നെ ഇവിടുന്നു അങ്ങോട്ട് കൊണ്ട് പോകുന്നതിലും നല്ലത് ഞാൻ ഇവിടെ നിൽക്കുന്നത് ആണ് നല്ലത് എന്ന് തോന്നി... അവനൊന്നു മൂളിയതെ ഉള്ളു... എന്തിനാ രുദ്ര നി ഇങ്ങനേ കുടിക്കുന്നെ. അത് കൊണ്ട് അല്ലെ ഇങ്ങനേ ഒക്കെ നിർത്ത് മതി... അവൻ പോയിട്ട് ഇത്രയും മാസങ്ങൾ ആയില്ലേ.... പാർത്ഥ.... കാര്യമതല്ലടാ....രുദ്രൻ പറയുമ്പോൾ ഒരു സംശയത്തോടെ പാർത്ഥൻ ചോദിച്ചു.... പിന്നെ എന്ത്.? ( തുടരും) പറ്റുന്നവർ പ്രതിലിപി കൂടി ഒന്ന് ഫോളോ ചെയ്യണേ.. ലിങ്ക് ഓപ്പൺ ആവാൻ WhatsAppilekku share cheyyuma https://malayalam.pratilipi.com/user/ആര്യ-✍️📚-u037j7u0i4?language=MALAYALAM&utm_source=android&utm_medium=my_profile_share #💞 പ്രണയകഥകൾ #🧟 പ്രേതകഥകൾ! #📔 കഥ #📙 നോവൽ #നോവൽ

ഹൃദയത്തിൽ സൂക്ഷിക്കാൻ പാർട്ട് -40 ഒരു മാസത്തിന് ഇപ്പുറം..               സൂരജ്..... സാം ക്ലാസ്സിലേക്ക് വന്നു കൊണ്ട് ആ പേര് വിളിച്ചതും സൂരജ് എണീറ്റു സാമിന് അടുത്തേക്ക് നടന്നു... എന്താ സാർ.... സൂരജിനെ സാം വെളിയിലേക്ക് കൂട്ടിക്കൊണ്ട് പോയി... അവന്റെ തോളിലൂടെ കൈ ചേർത്ത് പിടിച്ചു.... നിനക്ക് എന്താ സൂരജ് പറ്റിയെ... പറ്റാനോ.. എന്ത് പറ്റാൻ... അവൻ സാമിനെ സൂക്ഷിച്ചു നോക്കി... നിനക്ക് ഈ ക്ലാസ്സിൽ ഉള്ള ഇരട്ടപ്പേര് എന്തുവാ.. പഠിപ്പി സൂരജ്.. എല്ലാവരും കളി ആക്കി ആ പേര് നിന്നെ വിളിക്കുമെങ്കിലും അത് ഒരു അഭിമാനത്തോടെ ആട ഞാൻ കേൾക്കുന്നേ... നി അതില്ലാണ്ട് ആക്കരുത്.... അറിയാല്ലോ നിന്നിൽ എനിക്ക് ഒരുപാട് പ്രതീക്ഷ ഉണ്ട്... നി ആയിട്ട് അത് കളയരുത്.. പ്രണയമൊക്കെ ഉണ്ടാവും സൂരജെ അതിന്റെ പിറകെ പോയാൽ നിന്റെ അവസ്ഥ എന്താകും നി അത് ചിന്ദിച്ചിട്ടുണ്ടോ... നിന്റെ മനസ്സിൽ പഠിപ്പ് എന്നൊരു ചിന്തയെ വരാവൊള്ളൂ.... നിന്റെ കൂട്ട് ഇത്തിരി കൂടി വരുന്നുണ്ട്.. പ്രത്യേകിച്ച് അവർ രണ്ട് പേർക്ക് ഇടയിൽ....ഈ വെട്ടം മാർക്ക്‌ കുറഞ്ഞത് കണ്ടോ... നി പഠിക്കാൻ വേണ്ടിയാ ഞാൻ മാർക്ക്‌ വാരി കോരി തരാഞ്ഞത് പോലും.. സാർ പറഞ്ഞ് വരുന്നത് എന്റെ മാർക്ക്‌ കുറച്ചത് സാർ അറിഞ്ഞോണ്ട് ആണന്നു അല്ലെ... ബാക്കി എല്ലാ വിഷയത്തിലും നല്ല മാർക്ക്‌ ഉള്ളപ്പോ ഇതിനു മാത്രം കുറഞ്ഞു പോയി..... സാറെ തല്ക്കാലം എനിക്ക് ആരെയും പ്രേമിക്കാൻ സമയം ഇല്ല... പിന്നെ പഠിത്തത്തിൽ ഇത് വരെ ഞാൻ ഒരു ഒഴപ്പ് കാണിച്ചട്ടും ഇല്ല... സാർ എന്തായാലും ഈ വെട്ടം മനഃപൂർവം എന്റെ മാർക്ക്‌ കുറച്ചതാണെന്ന് എനിക്ക് നന്നായി മനസ്സിലായതാ... അപ്പൊ ഞാൻ കരുതി എല്ലാ കുട്ടികൾക്കും പഠിക്കാൻ വേണ്ടി മാർക്ക്‌ കുറച്ചു തരുന്നത് പോലെയാ.. പക്ഷെ ഇപ്പോ എനിക്ക് മനസിലായി.... പിന്നെ സാർ പേടിക്കണ്ട അവളുമാരിൽ ആരെയും ഞാൻ എന്റെ സഖി ആക്കാൻ ഉദ്ദേശിച്ചിട്ടില്ല..     ഇനിയും സാർ മാർക്കും കുറച്ചു ഇമ്മാതിരി ഉപദേശവും കൊണ്ട് വന്നാൽ ഉണ്ടല്ലോ...ഞാൻ ഒരു കംപ്ലയിന്റ് അങ്ങ് കൊടുക്കും... അതും പറഞ്ഞവൻ തിരിഞ്ഞു നടന്നു... എന്താ സൂരജെ എന്റെ ജോലി തെറിപ്പിക്കും  എന്നാണോ നി പറഞ്ഞത് എന്നാൽ വീണ്ടുമവന്നോന്നു നിന്നു...പിന്നെ കഴുത്തൊന്നു ചെറുതായി തിരിച്ചു കൊണ്ട് സാമിനെ നോക്കി അവൻ ചിരിച്ചു കൊണ്ട്... ജോലി പിന്നെ ആണേലും കിട്ടുമല്ലോ... പക്ഷെ കാലും കൈയും ഓടിച്ചു അങ്ങ് ഇട്ടാലോ.... എന്നെ കൊണ്ട് പറ്റില്ലായിരിക്കും പക്ഷെ ഇത് അറിഞ്ഞ രുദ്രേട്ടൻ സാറിനെ വെച്ചേക്കില്ല... അത് കൊണ്ട് പറയുവാ.. മനസ്സിൽ മറ്റൊരു ചിന്തയും വേണ്ട.... എനിക്ക് അറിയാം സാർ പാവമാണെന്നു.. പക്ഷെ ശെരിയാകില്ല സാറെ... അത്രയും പറഞ്ഞവൻ ക്ലാസ്സിലേക്ക് നടന്നു.... അവൻ കയറി വരുന്നത് കണ്ടതും പാറുവും നേഹയും പുരികം ഉയർത്തി കാര്യമെന്തെന്നു തിരക്കി... സൂരജ് ഒന്നുമില്ല എന്നുള്ള രീതിയിൽ ഒന്ന് കണ്ണടച്ച് കാണിച്ചത് മാത്രമേ ഉള്ളു... എന്നാൽ പുറത്ത് നിന്ന സാമിന്റെ മുഖത്തു ചമ്മൽ ആയിരുന്നു... സൂരജ് എല്ലാം മനസിലാക്കി.... ഇനി ക്ലാസ്സിലേക്ക് എങ്ങനെ കയറും... അവളുമ്മാരോട് അവൻ എല്ലാം പറയും..സാം തിരിഞ്ഞു ഓഫീസ് റൂമിലേക്ക്‌ നടന്നു.... ❤️ സാം സാറെ. ഓഫീസ് റൂമിലെ ടേബിളിൽ തല വെച്ച് കിടക്കുമ്പോളാണ് സൂരജ് അവനെ വിളിച്ചത്... എന്തോ സൂരജിന്റെ മുഖത്തു നോക്കാൻ ഒരു ചമ്മൽ.... എന്താ സൂരജെ.... സാം ചോദിക്കുമ്പോൾ സൂരജ് ഒന്ന് ചിരിച്ചു... ചമ്മൽ കാരണം ക്ലാസ്സിൽ കയറാതെ ഇരിക്കേണ്ട... പാറുനോട് ഉള്ള സാറിന്റെ ഇഷ്ടം കുറച്ച് നാളുകൾ കൊണ്ട് എനിക്ക് മനസിലായതാ... സാർ വിഷമിക്കണ്ട ഞാൻ ഇതൊന്നും ആരെയും അറിയിക്കില്ല.. ധൈര്യം ആയി വന്നു ക്ലാസ്സ്‌ എടുക്കാം....സാം അവന്റെ സംസാരം കേട്ടതും ഒന്ന് ചിരിച്ചു... സോറി സൂരജ്.... എന്നോട് എന്റെ അധ്യാപകൻ സോറി പറയണ്ട കാര്യമില്ല.... മനസ്സിലായോ...എന്നാ ശെരി.... അത്രയും പാറഞ്ഞു സൂരജ് തിരിഞ്ഞതും..    വൈഷ്ണവിക്ക് രുദ്രനെ ഇഷ്ടാണോ.... അതിന് സൂരജ് ഒന്ന് ചിരിച്ചു മറുപടി പറയാതെ അവിടെ നിന്നും ഇറങ്ങി.... 💜💜 രുദ്ര...... എണീറ്റെ.......മതി. അനൂപ് വിളിക്കുമ്പോൾ രുദ്രൻ ബിയർ ബോട്ടിൽ ഒരെണ്ണം കൂടി വായിലേക്ക് കമഴ്ത്തി... വിടാടാ...എന്നെ തൊടണ്ട.... ഡാ നി ഒരുപാട് ഓവറ... ഈ കോലത്തിൽ എങ്ങനെ വീട്ടിൽ ചെന്ന് കയറും പാറു നിന്നെ ഇന്നും വെളിയിൽ കിടത്തും.... അഹ്. അവൾ ആ പാറു... എന്നെ മുറ്റത്ത് കിടത്തിയവളാ അവൾ.. എന്നാലും അവളെ എങ്ങനെയാഡാ അനൂപേ ഇന്ദ്രൻ സ്നേഹിച്ചേ.... ആകെ അടക്ക കുരിവിടെ അത്രേം... നാക്ക് ഇന്ത്യൻ റെയിൽ പാളം പോലെ.....ദേ ഇങ്ങനേ അങ്ങ് നീണ്ടു നിവർന്നു കിടക്കുവാ.... അഹങ്കാരി രുദ്ര അവള് കേൾക്കരുത് കേട്ടോ.... കാര്യം. കൊച്ച് പിള്ളേരെ പോലെയാ പക്ഷെ ഇതൊക്കെ കേട്ടാൽ അവൾ നിന്നെ വെച്ചേക്കില്ല... അവൾ കെട്ടാൽ എന്ത്.... ഒന്നും ഇല്ല...... അവൾ എന്നെ ഒന്നും ചെയ്യില്ല കാണണോ നിനക്ക്... വാ.... എന്നെ കൊണ്ട് വിട്....വാടാ.... രുദ്രൻ മുണ്ടും മടക്കി കുത്തി  ഇറങ്ങി.....അനൂപ് തലയിൽ കൈ വെച്ചു പോയി  . ഈ അവസ്ഥയിൽ അവനെയും കൊണ്ട് പോയാൽ അവൾ എന്നെ കൊല്ലും.... രുദ്ര.. ഇന്ന് എന്റെ വീട്ടിൽ കിടക്കാം... നാളെ പോകാം... പറ്റില്ല ഇന്ന് ഇപ്പൊ.... ഈ രാത്രിയിൽ... ആ മൂദേവിടെ അടുത്തു എനിക്ക് പോകണം... അടി ഇരന്നു വാങ്ങാൻ പോകുവാ.... പോട്ടെ... കൊണ്ട് ആക്കിയേക്കാം..... രുദ്രൻ ബൈക്കിനു പിറകിലേക്ക് കയറി.. അനൂപ് വീടിനു മുന്നിൽ വണ്ടി നിർത്തിയതും രുദ്രൻ ഇറങ്ങി.... വാടാ.... അവളെ രണ്ട് പറഞ്ഞിട്ട് വരാം..... വാടാ........ രുദ്രൻ മുന്നോട്ടു നടന്നു കൊണ്ട് തിരിഞ്ഞു നോക്കിയതും അനൂപിന്റെ ബൈക്കും ഇല്ല അവനും ഇല്ല... തെണ്ടി മുങ്ങി....... രുദ്രൻ അവിടെയും തളർന്നില്ല.... കാളിങ് ബെൽ അമർത്തിക്കൊണ്ട് നിന്നു..... പാറു ഡോർ തുറക്കുന്നത് വരെ... അവളെ കണ്ട് അവനൊന്നു പുച്ഛിച്ചു ചിരിച്ചു..... പാറു തല തിരിച്ചു മുറിയുടെ വാതിക്കലേക്കു നോക്കി... നേഹ ഉണ്ടോ എന്ന്.... ഇല്ല....... അവൾ ഉറങ്ങിയാൽ പിന്നെ എണീക്കില്ല... അത് നന്നായി... രുദ്രൻ എന്തോ പറയാൻ വാ തുറന്നതും അവൾ വിരൽ അവളുടെ ചുണ്ടിൽ വെച്ചു മിണ്ടരുത് എന്ന് ആംഗ്യം കാണിച്ചു.... നേഹ ഉറങ്ങുവാ മിണ്ടരുത് അവൾ താക്കോൽ എടുത്തു മുന്നിലെ വാതിൽ പൂട്ടി........ വാ..... രുദ്രന്റെ കൈ പിടിച്ചു അവൾ പുറത്തേക്കു ഇറങ്ങി... എവിടെ പോകുവാടി...... അവൻ കുഴഞ്ഞു കൊണ്ട് ചോദിച്ചു... നിന്നോടാ ചോദിച്ചേ.... എങ്ങോട്ടാ പോകുന്നെ എന്ന്.... കുറച്ച് ദൂരം മുന്നോട്ടു ചെന്നതും വെള്ളത്തിന്റെ സൗണ്ട് അവൻ കെട്ടു... ഈ ഇരുട്ടത്ത് നിലാ വെളിച്ചം നല്ലത് പോലെ ഉണ്ട്..... അവൾ അവന് അടുത്തേക്ക് ചെന്നു..... രുദ്രേട്ടന് നീന്താൻ അറിയാമോ.... നീന്താനോ... ചോദിച്ചു തീരും മുൻപ് അവനെ അവൾ തെള്ളി ഇട്ടിരുന്നു..... വെള്ളത്തിലേക്കു വീണ രുദ്രൻ മുങ്ങി പൊങ്ങി.... ഡീ... എന്തിനാ എന്നെ തള്ളി ഇട്ടത്...അഹങ്കാരി. പറഞ്ഞ് തീരും മുൻപ് അവളും എടുത്തു ചാടിയിരുന്നു......രുദ്രന്റെ തലയിൽ പിടിച്ചു പല വെട്ടം അവൾ ആ വെള്ളത്തിലേക്കു മുക്കി പൊക്കി.. ഡീ  അവൻ .പൊങ്ങി വരുമ്പോൾ  അത് മാത്രം പറയാൻ ഉള്ള സമയമേ കിട്ടുന്നുള്ളു... ലാസ്റ്റ് ഒരിക്കൽ കൂടി മുക്കി പൊക്കി... ബോധം വീണോ... ഇറങ്ങിയോ നിങ്ങളുടെ കെട്ട്... ഏഹ്ഹ്..... അതും ചോദിച്ചു അവൾ കരയിലേക്ക് കയറി.. അവൾക്ക് പിറകെ അവനും.... നാളെ തന്നെ ഇവിടെ നിന്നും പൊയ്ക്കോളണം.. കേട്ടല്ലോ..... മതി ആയി.. രണ്ട് പെൺകുട്ടികൾ ഉള്ള വീട്ടിലേക്ക് 11 മണി രാത്രിയിൽ.. അതും കുടിച്ചു മറിഞ്ഞു.... കുടിച്ചാൽ വയറ്റിൽ കിടക്കണം.. അല്ലാതെ എന്നോട് അടി ഇടാൻ വരുവല്ല വേണ്ടത്..... അത് പറയാൻ നി ആരാടി... ഞാൻ കുടിക്കും ഇനിയും കുടിക്കും...... എന്റെ വിഷമം മാറും വരെ കുടിക്കും......രുദ്രന്റെ ഒഴുകി ഇറങ്ങിയ കണ്ണുനീർ വെള്ളത്തിനോടൊപ്പം അലിഞ്ഞു ഇല്ലാതെ ആയി... കുടിക്കുവോ ചാവുവോ എന്ത് വേണേ ആയിക്കോ.. പക്ഷെ അതിവിടെ വേണ്ട...അത്രേ ഞാൻ പറഞ്ഞുള്ളു.....( പാറു ) രുദ്രൻ ഈറനോടെ ആ പുല്ലിലേക്ക് കിടന്നു കൊണ്ട് ആകാശത്തേക്ക് നോക്കി..... പാറു അവന് അടുക്കലായി ഇരുന്നു.... എന്താ പോകുന്നില്ലേ നി.... എനിക്ക് ഒറ്റക്ക് ഈ ഇരുട്ടത്ത് കൂടി പോകാൻ പേടിയാ... അവൾക്കിട്ടൊരു പണി കൊടുക്കണം എന്ന് രുദ്രനും തോന്നി..... രുദ്രൻ എണീറ്റിരുന്നു അവളെ ഒന്ന് നോക്കി..... ഞാൻ എന്തായാലും ഇവിടെ എവിടെ എങ്കിലും കിടന്നു ഉറങ്ങാൻ പോകുവാ.... രുദ്ര പ്ലീസ് ഒന്ന് വരാമോ.... പറ്റില്ല... അവൻ തീർത്തു പറഞ്ഞു.. കുറച്ച് നേരം കൂടി അവൾ അവിടെ നിന്നു.. അവൻ എണീക്കുന്നില്ല എന്ന് കണ്ടതും അവൾ മുന്നോട്ടു നടന്നു.... എന്നാൽ രുദ്രൻ ചിരിച്ചു കൊണ്ട് അവൾക്ക് പിറകെ ചെന്നു.... പുറകിൽ അവനുണ്ടന്നു അറിഞ്ഞതും ചെറു ചിരി അവളുടെ ചുണ്ടിൽ ഉണ്ടായിരുന്നു ❤️ അമ്പലത്തിലെ മണിനാദം കാതിൽ കാതിൽ പതിച്ചതും രുദ്രൻ കണ്ണുകൾ തുറന്ന്.. കോവിലിനുള്ളിൽ ഇരിക്കുന്ന വിഗ്രഹത്തിലേക്കു നോക്കി...എങ്ങും മനസിനെ കുളിരണിയിക്കുന്ന മണം..... അവൻ ശ്വാസം ഒന്ന് ആഞ്ഞെടുത്തു... അമ്പലത്തിൽ നിന്നും  തിരികെ ഇറങ്ങുമ്പോൾ അവന് മുന്നിലൂടെ ഒരു കൂട്ടം സ്വാമിമാർ നടന്നു നീങ്ങി.... ഷർട്ടിന്റെ ബട്ടൺ ഇട്ടു കൊണ്ട് അവൻ അവർക്ക് പോകുവാനായി വഴിയിൽ നിന്നും മാറി.. മേലാകെ ഭസ്മം പൂശി ആഘോരി എന്നു തോന്നിപ്പിക്കും  കുറച്ച് പേരും അവർക്കൊപ്പം ഉണ്ടായിരുന്നു..... അതിൽ ഒരു അഘോരി അവന് അടുക്കലേക്കു വന്നു.....        ഹിന്ദിയിൽ എന്തോ പറഞ്ഞ് കൊണ്ട് അവന് മുന്നിലൂടെ അയാൾ പോയി... എന്നാൽ അയാൾ പറഞ്ഞത് അവന് മനസിലായി.... ആഗ്രഹം നിറവേറാതെ അയാൾ സങ്കടപ്പെടുവാണത്രേ..... അവളെ സംരക്ഷിക്കാൻ......ആരുടെ ആഗ്രഹം... ഏതവൾ.... ഓരോന്ന് ഓർത്തു രുദ്രൻ മുന്നിലെ പടികൾ പാതി ഇറങ്ങിയതും പെട്ടെന്ന് അവൻ അവിടെ നിന്ന്.... രുദ്രന്റെ കണ്ണുകൾ വിടർന്നു.....രുദ്രൻ ശ്വാസം ഒന്ന് ആഞ്ഞെടുത്തു കൊണ്ട് പടികൾ തിരിച്ചു കയറി...... നടന്നു നീങ്ങുന്ന ആഘോരികൾക്കിടയിലേക്ക് അവൻ ഓടി കയറി.... അവൻ ചുറ്റിനും അയാളെ തിരഞ്ഞു.. എന്നാൽ അയാളെ കാണാൻ കഴിഞ്ഞില്ല.... പെട്ടെന്ന് അവന് ചുറ്റുമായി ആ ആഘോരികൾ നിന്ന് ചിരിക്കുവാൻ തുടങ്ങി....         അവന്റെ ആഗ്രഹം നിറവേറ്റി കൊടുക്ക്‌.... ഈ ജന്മം നിന്റെ കടമയാണ് അത്... അവർ ഒരേ സ്വാരത്തിൽ പറഞ്ഞ് കൊണ്ട് ഇരുന്നു..... അവരെല്ലാവരും തന്നിലേക്ക് അടുക്കുന്നത് പോലെ തോന്നി അവന്.... രുദ്രൻ ശ്വാസം ആഞ്ഞെടുത്തു..... അവൻ ചെവി പൊത്തി അലറി....      കതകിൽ നിർത്താതെ ഉള്ള കൊട്ട് കേട്ടാണ് രുദ്രൻ റൂമിന്റെ വാതിൽ ചെന്നു തുറന്നത്..... എന്താ എന്ത് പറ്റിയതാ....ഭയത്തോടെ ഉള്ള ചോദ്യമായിരുന്നു നേഹയിലും പാറുവിലും... കണ്ണുമിഴിച്ചു അവർ രണ്ടാളും അവനെ നോക്കി..... രുദ്രൻ ശ്വാസം ഒന്ന് ആഞ്ഞെടുത്തു ഇപ്പോളും അവന് ചുറ്റും അമ്പലത്തിലെ അതെ മണം... സ്വപ്നത്തിൽ നിന്നും അവൻ ഇത് വരെ കരകയറാൻ കഴിഞ്ഞിട്ടില്ല.... എന്താ രുദ്രേട്ടാ പറ്റിയെ സ്വപ്നം വല്ലതും കണ്ടോ...... നേഹ വീണ്ടും ചോദിച്ചതും വാ പൊത്തി രുദ്രൻ വെളിയിലേക്ക് ഇറങ്ങി ഓടിയിരുന്നു.... വാഴ ചുവട്ടിൽ കുനിഞ്ഞു നിന്നു ശർദ്ധിക്കുന്നവനെ നോക്കി രണ്ടാളും നിന്നു പോയി... നേഹ പാറുവിനെ നോക്കി ഇതെന്ത് കൂത്ത് എന്നമട്ടിൽ... പാറു അടുക്കളയിലേക്ക് ചെന്ന് ഒരു മോന്ത വെള്ളം എടുത്തു അവന് അടുക്കലേക്കു ചെന്നു..... കുറച്ചു കൂടി വലിച്ചു കേറ്റാൻ വയ്യാരുന്നോ... പുറകിൽ നിന്നും പാറുവിന്റെ ശബ്ദം കേട്ടതും രുദ്രൻ നനകല്ലിന്റെ അടുത്തേക്ക് ഇരുന്നു പോയി...... മോന്തയും വെള്ളവും അവന് നേരെ നീട്ടി അവൾ.... രുദ്രൻ മോന്ത വാങ്ങി വാ കഴുകി.. മുണ്ടിന്റെ തലപ്പു കൊണ്ട് മുഖം ഒന്ന് തുടച്ചു വിട്ടു.... മിഴികൾ ഉയർത്തി അവളെ നോക്കാൻ ഉള്ള ആരോഗ്യം അവനില്ലായിരുന്നു..... രാവിലത്തെ സ്വപ്നം... ഭയം വല്ലാതെ മനസിനെ പിടി കൂടും പോലെ....... നേഹ അടുത്തേക്ക് വന്നതും അവളുടെ കയ്യിൽ നിന്നും ഫോൺ വാങ്ങി അനൂപിനെ വിളിച്ചവൾ.... അനൂപേട്ടാ ഞാനാ പാറു.... ഇവിടെ വരെ ഒന്ന് വരാമോ.... രുദ്രന്... അല്ല രുദ്രേട്ടന് തീരെ വയ്യ..... ഒന്ന് ഹോസ്പിറ്റലിൽ കൊണ്ട് പോകാമോ..... അവന്റെ ഇരിപ്പും ഭാവവും അത്ര പന്തി ആയി തോന്നി ഇല്ല അവൾക്ക്...... നെഹെ... ഒന്ന് പിടിച്ചെടി....... രുദ്രൻ കൈ പൊക്കി അവൾക്കു നേരെ നീട്ടിയതും.. നേഹ വിഷമത്തോടെ പാറുവിനെ നോക്കി..... രണ്ടാളും കൂടി രുദ്രനെ പതിയെ ഇരുന്നിടത്തു നിന്നും എണീപ്പിച്ചു..... ഉമ്മറത്തേക്കു കൊണ്ട് ഇരുത്തിയതും അവൻ വീഴാൻ പോയി... എന്നാൽ പാറുവിന്റെ ചുരിദാറിൽ പിടുത്തം കിട്ടിയിരുന്നു അവനിൽ.... രുദ്രേട്ടാ കട്ടൻ വല്ലതും വേണോ.... (നേഹ ) വേണ്ടടി..... രുദ്രൻ അവശതയോടെ പറയുമ്പോൾ പാറു രുദ്രന് അരുകിലേക്ക് ഇരുന്നു.... ഈ ഉപയോഗിക്കാതെ സാധനം തോന്നും പോലെ വാങ്ങി കുടിക്കുമ്പോൾ തന്റെ ശരീരത്തിന് അത് പിടിക്കുമോ അല്ലങ്കിൽ ഓവർ ആണോ എന്നൊക്കെ ഒന്ന് ശ്രെദ്ധിക്കുന്നത് നല്ലതാ.... അത്രയും പറഞ്ഞവൾ അകത്തേക്ക് കയറി പോയി.... വേഷം മാറി തിരികെ ഇറങ്ങുമ്പോൾ കയ്യിൽ പേഴ്സും ഉണ്ടായിരുന്നു..... നെഹെ അനൂപ് ഏട്ടന്റെ കൂടെ ഞാനും കൂടി പോകുവാ.. ഒറ്റക്ക് എങ്ങനെയാടി.... നീ സൂരജിന്റെ കൂടെ ഇന്ന് കോളേജിൽ പൊ... അവളത് പറയുമ്പോൾ നേഹ തലയാട്ടി...... പറഞ്ഞ് തീർന്നതും അനൂപ് അവിടെ എത്തി... എന്താ.... എന്താടാ രുദ്ര... എന്ത് പറ്റി പാറു..... അനൂപ് ചോദിക്കുമ്പോൾ രൂഷമായ ഒരു നോട്ടം ആയിരുന്നു അവളുടെ മറുപടി.... കൈയ്യിൽ ഇരുന്ന കാറിന്റെ ചാവി അവൾ അനൂപിന് കൊടുത്തു.... രുദ്രന്റെ അടുത്തേക്ക് വന്നു അവനെ എണീപ്പിക്കാൻ പാവിച്ചു കൊണ്ട് നേഹയെ നോക്കി..... ഇതേ സമയം ഇന്ദ്രന്റെ കാർ അനൂപ് വെളിയിലേക്ക് ഇറക്കിയിരുന്നു..... രുദ്രനെ പിടിച്ചു കൊണ്ട് മുന്നോട്ടു നടക്കുമ്പോൾ രുദ്രന്റെ മിഴികൾ പാറുവിൽ വന്നു നിന്നു.... സ്വപ്നം  വീണ്ടും ഓർമകളിൽ തെളിഞ്ഞതും മുന്നോട്ടു നടക്കാൻ ആവാതെ രുദ്രൻ അവിടെ നിന്നു... എന്താ രുദ്രേട്ടാ വയ്യേ.... പാറുവിന്റെ ശബ്ദം കേട്ടതും അവനൊന്നു ഞെട്ടി... പെട്ടെന്ന് അവന്റെ മുഖത്ത് ദേഷ്യം നിറഞ്ഞു.... അവൾ പിടിച്ചിരുന്ന കൈ തട്ടി മാറ്റി മുന്നോട്ടു നടന്നവൻ കാറിലേക്ക് കയറി.. കാറിലേക്ക് കയറിയ രുദ്രൻ കൈ കൊണ്ട് മുഖം മറച്ചു ഒരേ കിടപ്പ് ആയിരുന്നു.... പാറു നീ ഫ്രണ്ടിൽ കയറ്.... അനൂപ് പറഞ്ഞതും പാറു മുന്നിലെ ഡോർ തുറന്ന് കയറി... നേഹയോട് യാത്രയും പറഞ്ഞ് ആ കാർ മുന്നോട്ട് നീങ്ങി.... പാറു സംശയത്തോടെ പുറകിൽ കിടക്കുന്ന രുദ്രനെ നോക്കി.... പെട്ടെന്ന് എന്ത് പറ്റി.... കുറച്ച് മുൻപ് കൈ തട്ടി മാറ്റി കാറിലേക്ക് കയറിയവനെ ഓർത്ത് പോയവൾ....ഇന്നലത്തെ ദേഷ്യം ആവും. അവളോർത്തു... ഹോസ്പിറ്റലിൽ ചെന്നപ്പോൾ അനൂപ് അവനെ വെളിയിലേക്ക് പിടിച്ചു ഇറക്കി.... ഡോക്ടർ നോക്കിയിട്ട് അവനെ വഴക്കും ഒപ്പം പറഞ്ഞു.... തലേന്ന് കുടിച്ച കള്ളിന്റെ ആണെത്രെ ഈ വയ്യഴിക... റൂമിലേക്ക്‌ മാറ്റി ഡ്രിപ് ഇട്ടു.....ഡ്രിപ് തീർന്നു കഴിഞ്ഞു വീട്ടിൽ പൊക്കോളാൻ പറഞ്ഞു....... പാറു ബില്ല്  അടക്കാൻ വെളിയിലേക്ക് ഇറങ്ങിയതും അനൂപ് അവനടുക്കൽ വന്നിരുന്നു.... രുദ്ര.. അനൂപ് വിളിച്ചതും രുദ്രൻ കണ്ണ് തുറന്നു.... എന്താടാ പറ്റിയെ.. ഇതിനു മുൻപും നീ കുടിച്ചിട്ടുണ്ടല്ലോ... പക്ഷെ ഈ വയ്യഴിക.. എന്താ പറ്റിയെ നിനക്ക്.... ഏയ് ഒന്നുല്ലടാ..... അത്ര മാത്രം പറഞ്ഞവൻ.... ഉള്ളിലേക്ക് കയറി വന്ന പാറുവിനെ കണ്ടതും പതിവിലും ദേഷ്യം അവന്റെ മുഖത് ഉള്ളത് പോലെ തോന്നി അനൂപിന്... രുദ്രന് ഇതെന്താ പറ്റിയത്..... വീണ്ടും രുദ്രൻ കൈ മുഖത്ത് വെച്ചു കിടന്നു..... ബില്ല് അടച്ചോ പാറു.... അടച്ചു..... ഡ്രിപ് തീർന്നില്ലേ... നമുക്ക് ഇറങ്ങാം.. മരുന്നും കുറിച്ച് തന്നത് വാങ്ങി.... അവള് പറയുമ്പോൾ അനൂപ് തലയാട്ടി... രുദ്ര... ഇറങ്ങാം.. അനൂപ് പറയുമ്പോൾ രുദ്രൻ പതുക്കെ എണീറ്റു....അനൂപ് പിടിച്ചെങ്കിലും പാറു പിടിക്കാൻ പോയില്ല.. അവന് ഇഷ്ടായില്ലെങ്കിലോ..... ഹോസ്പിറ്റലിൽ നിന്നും കാറിൽ കയറി നേരെ വീട്ടിലേക്ക് പോയി..... മുറിയിലേക്ക് അവനെ കിടത്തി അനൂപ് കുറച്ച് നേരം രുദ്രന് അടുത്ത് ഇരുന്നിട്ടാണ് പോയത്... പോകുമ്പോൾ അനൂപ് പാറുവിനെ അടുത്തേക്ക് വിളിച്ചു.... പാറു..... അവൻ രാവിലെ തോട്ട് കുളിച്ചിട്ടില്ല.... നീ ഇത്തിരി വെള്ളം ചൂടാക്കി കൊടുത്തേക്കണേ.... എന്തേലും പറയുമോ അനൂപേട്ടാ... ഇല്ലടി... അവന് ദേഹത്തൊക്കെ വേദനയെന്നു... നിനക്ക് പറ്റില്ലേ ഞാൻ ചൂടാക്കി കൊടുക്കാം... എനിക്ക് എന്ത് ബുദ്ധിമുട്ട് അനൂപ് ഏട്ടാ.. ഞാൻ ഉണ്ടാക്കി കൊടുത്തോളം... ഇന്നലെ വന്ന കോലം അനൂപ് ഏട്ടന് അറിയാല്ലോ.... ഇച്ചായൻ ഒക്കെ അറിഞ്ഞാൽ മോശം അല്ലെ... ഒന്നാതെ. നേഹ ഇവിടെ താമസിക്കുന്നു.... ഞാൻ അതിനു വഴക്കും പറഞ്ഞ്... പാറു... രുദ്രനും ഇന്ദ്രനും രണ്ട് ശരീരം ആയിരുന്നേലും ഒറ്റ മനസ് ആയി ജീവിച്ചവരാ.... അവന് അത് ഉൾക്കൊള്ളാൻ പറ്റിയിട്ടില്ല ഇത് വരെ.... അത് കൊണ്ടാണ് മരിച്ചിട്ടു പോലും ഒരു നോക്ക് കാണാൻ രുദ്രൻ അവന്റെ അടുത്തു വരാഞ്ഞത്..... നമ്മള് കാണുന്നത് പോലെ അല്ലടി ആരും... അവൻ സഹിക്കുവാ.... നമ്മളെക്കാൾ ഒക്കെ ഒരുപാട് വിഷമിക്കുന്നത് രുദ്രാനാ പാറു... അവന് ശെരിക്കും ആര് ഉണ്ടായിട്ടാ... ഏഹ്ഹ്... ഒരു കൂടപ്പിറപ്പ് ഉള്ളതിനെ ദൈവം കൊണ്ട് പോയി.... അവന് മനസ് നോവുമ്പോൾ അവൻ കുടിച്ചു പോകുന്നതാടി...... അനൂപ് പറഞ്ഞു നിർത്തുമ്പോൾ വിങ്ങി പൊട്ടി നിൽക്കുക ആയിരുന്നു പാറുവും.... ( തുടരും ) പറ്റുന്നവർ പ്രതിലിപി കൂടി ഫോളോ ചെയ്യണേ.. ലിങ്ക് വാട്സ്ആപ്പ് ഷെയർ ചെയ്ത ഓപ്പൺ ആവും.. https://malayalam.pratilipi.com/user/ആര്യ-✍️📚-u037j7u0i4?language=MALAYALAM&utm_source=android&utm_medium=my_profile_share #📙 നോവൽ #നോവൽ #📔 കഥ #🧟 പ്രേതകഥകൾ! #💞 പ്രണയകഥകൾ

ഹൃദയത്തിൽ സൂക്ഷിക്കാൻ പാർട്ട് -39        പിറ്റേന്ന് രാവിലെ രുദ്രൻ വീട്ടിൽ ചെല്ലുമ്പോൾ പാറുവും നേഹയും കോളേജിൽ പോയിരുന്നു.... അന്നും പാറുവിനു ഒരു സോറി പറയാൻ ഒന്നും കഴിഞ്ഞില്ല.. അടുക്കളയിൽ കയറി അവനൊരു കാപ്പി ഇട്ടു കുടിച്ചു...... റവ എടുത്ത് ഉപ്പുമാവ് ഉണ്ടാക്കി കഴിച്ചു... നേരെ റൂമിൽ കയറി കിടന്നതാണവൻ... അതെ കിടപ്പ് അങ്ങനെ കിടന്നു ഉറങ്ങി പോയി...... വൈകിട്ട് മുറിയുടെ ഡോറിൽ തട്ട് കേട്ടപ്പോഴാണ് അവൻ എണീക്കുന്നത്... കൈലി ഒന്ന് അഴിച്ചു ഒന്ന് കൂടി ഉടുത്തു കൊണ്ട് അവൻ റൂമിന്റെ ഡോർ പോയി തുറന്നു. മുന്നിൽ പാറു. എന്താ.... ഒരു മയവും ഇല്ലാതെ അവൻ ചോദിച്ചു..... സോറി.. ഞാൻ അറിഞ്ഞില്ല ഒന്നും...... ഓ എന്നിട്ട് ഇപ്പൊ ആര് പറഞ്ഞു.. അനൂപ് ഏട്ടൻ.... ( പാറു ) നിന്റെ ക്രെഡിറ്റ്‌ കിട്ടാൻ വേണ്ടി അല്ല വൈഷ്ണവി ഞാൻ അങ്ങനെ ചെയ്യ്തത് എന്റെ അനിയന് വേണ്ടിയാ... അവനെ ബോധിപ്പിച്ചിട്ടുണ്ട് ഞാൻ എനിക്ക് അത് മതി.അത്രയും പറഞ്ഞവൻ ഡോർ വലിച്ചടച്ചു...... അവൾക്കെന്തോ വിഷമം തോന്നി പോയി. നേഹയോട് കാര്യം പറഞ്ഞപ്പോൾ അവളും വഴക്ക് പറഞ്ഞു... എല്ലാം കൂടി ആയതും അവൾ ഇന്ദ്രനെ ഓർത്തു പോയി... എത്ര ഒക്കെ വഴക്ക് പറഞ്ഞാലും ഇന്ദ്രൻ ഇങ്ങനേ ഒന്നും തന്നോട് കാണിക്കില്ല... അടഞ്ഞു കിടക്കുന്ന വാതിലിലേക്കാണ് അവളുടെ കണ്ണ് എപ്പോഴും... രാത്രിയിൽ രുദ്രൻ വാതിൽ തുറന്നു പുറത്തിറങ്ങി... പെട്ടെന്ന് കയ്യിൽ കിട്ടിയത് മാഗ്ഗി ആണ്.. അവൻ തന്നെ വാങ്ങിക്കൊണ്ട് വെച്ചതാണ് അതൊക്കെ....ഉണ്ടാക്കി പാതകത്തിനു മേളിലേക്ക് കയറി ഇരുന്നു കൊണ്ട് കഴിക്കുവാൻ തുടങ്ങി.. അടുത്തൊരു കാൽപ്പെരുമാറ്റം കണ്ടതും രുദ്രന്റെ നോട്ടം വാതിക്കലേക്കു ആയി.. പാറു ആയിരുന്നു അത്        എന്നാൽ അവളെ മൈൻഡ് ചെയ്യാതെ അവൻ വീണ്ടും ആഹാരം വാരി കഴിച്ചു കൊണ്ടേ ഇരുന്നു.. എന്തോ അവന്റെ വിശന്നുള്ള ആ കഴിപ്പ് പാറുവിനു വിഷമം തോന്നി പോയി.... വേഗം അവൾ കലത്തിൽ ബാക്കി വെച്ചിരുന്ന ചോറും അവനായി മാറ്റി വെച്ചിരുന്ന കറികളും എടുത്തു അവന് നേരെ നീട്ടി....    എന്നാൽ രുദ്രൻ അതൊന്നും ശ്രെദ്ധിക്കുന്നുണ്ടായിരുന്നില്ല. ഇത് കഴിക്ക്....... ( പാറു ) നിന്നോട് ഞാൻ എന്തിനേലും വന്നോ വൈഷ്ണവി നീ നിന്റെ കാര്യം നോക്കിയേ....രുദ്രൻ പറഞ്ഞ് നിർത്തിയതും അവൾക്ക് ദേഷ്യം വന്നു... അവന്റെ കൈയ്യിൽ ഇരുന്ന മാഗ്ഗി പാത്രം അവൾ ബലമായി വാങ്ങി മാറ്റി വെച്ചു... രുദ്രൻ ദേഷ്യത്തിൽ അവളെ നോക്കി... ചോറാ നിങ്ങൾക്ക് വേണ്ടി മാറ്റി വെച്ചതാ.. എനിക്ക് വേണ്ട.... (രുദ്രൻ ) ഇത് പോലും കിട്ടാത്ത എത്രയോ പേരുണ്ട്. നിങ്ങൾ ഇത് കഴിച്ചില്ലങ്കിൽ രാവിലെക്ക് കേടായി പോകും ഇല്ലങ്കിൽ.. കഴിക്ക്..ഈ മാഗി ഒക്കെ വയറിനു കേടാ..... അവൾ ആ പാത്രം അവന്റെ കയ്യിൽ കൊടുത്തു കൊണ്ട് ഒരു ഗ്ലാസിൽ വെള്ളവും എടുത്ത് അടുക്കൽ വെച്ചു.....പാത്രത്തിലേക്കു കയ്യിട്ടു  കൊണ്ട് രുദ്രൻ അവളെ നോക്കി..... രുദ്രേട്ടന് ജോലി ഒന്നുല്ലേ.... ആദ്യത്തെ വാ വാരി വായിലേക്ക് വെക്കുമ്പോൾ ആണ് അവളുടെ ചോദ്യം.... നിനക്ക് ഉറങ്ങാറായില്ലേ... ചെല്ല് പോയി കിടന്നു ഉറങ്ങാൻ നോക്ക് നാളെ കോളേജിൽ പോകേണ്ടേ..... ചിലപ്പോളെ പോകു......( അവൾ ) ഹ്മ്മ്.. അതെന്താ....( രുദ്രൻ സംശയത്തോടെ ചോദിച്ചു) കോളേജിൽ പേരെന്റ്സ് മീറ്റിങ് ആണ് .... നാളെ എല്ലാവരുടെയും അമ്മയും അച്ഛനും ചേട്ടനും ഒക്കെ വരും.. ഞാൻ ആരെയാ കൂട്ടിക്കൊണ്ട് പോകുക... അത്രയും പേരുടെ മുന്നിൽ ഞാൻ മാത്രം ഒറ്റക്ക്... അതിനും നല്ലത് നാളെ പോകാതെ ഇരിക്കുന്നത് അല്ലെ.... രുദ്രൻ അവളെ തന്നെ നോക്കി ഇരുന്നു പോയി.... തന്റെ ചെറുപ്പത്തിൽ താനും അനുഭവിച്ചത്.. തനിക്കും പാർത്ഥനും വേണ്ടി സുഭദ്ര അമ്മ ഓടി വരുന്നത്..... ഒറ്റ പ്രാർത്ഥനയെ കാണു.... മന്ദിരത്തിലെ കുട്ടികൾക്കും ഞങ്ങൾക്കും ഒരുമിച്ചു   മീറ്റിംഗ് വെക്കല്ലേ എന്ന്... സുഭദ്ര അമ്മക്ക് ഞങ്ങൾക്ക് ഒപ്പം വരാൻ ഒക്കില്ല അപ്പോൾ... എന്തെ ഓർത്തു കൊണ്ട് ഇരിക്കുന്നെ വാരി കഴിച്ചിട്ട് പോയി കിടക്കാൻ നോക്ക്... അത്രയും പറഞ്ഞു അവൾ പോയി.... അപ്പോഴും രുദ്രൻ അവിടെ ഇരിക്കുവായിരുന്നു... എപ്പോളോ അവനും ചെന്നു കിടന്നു..... രാവിലെ മടി പിടിച്ചു കിടന്ന പാറുവിനെ നേഹ കുത്തി പൊക്കി എണീപ്പിച്ചാണ് കൊണ്ട് പോയത്.... വന്നേ പറ്റു എന്ന് നേഹ തറപ്പിച്ചു പറഞ്ഞു... മടിയോടെ ആണ് അവൾ ഓരോ കാര്യങ്ങളും ചെയ്യ്തത്... അടുക്കളയിലേക്ക് ചെന്നപ്പോൾ നേഹ പച്ചക്കറി എടുത്ത് വെളിയിലേക്ക് വെച്ചിരിക്കുന്നു അതെടുത്തു കട്ട്‌ ചെയ്യാൻ തുടങ്ങിയതും രുദ്രൻ അടുക്കളയിലേക്ക് വന്നു.... ഞാൻ കൂടി കൂടിക്കോട്ടെ... വേറെ വേറെ ആഹാരം വെക്കുന്നതിലും നല്ലത് അല്ലെ... അയ്യോ ചേട്ടനും കൂടി ചേർത്ത ഉണ്ടാക്കുന്നത്.. ചേട്ടൻ പൊക്കോ.. ഞങ്ങൾ ഇത് ചെയ്തോളാം... അത് ശെരി ആവില്ലല്ലോ... നിങ്ങളെ ജോലി ചെയ്യിപ്പിച്ചു ഞാൻ തിന്നുന്നത് നെറികെട്ട പരുപാടി അല്ലെ.. അവൻ നേഹയോട്. പറഞ്ഞതും അവൾ പാറുനെ നോക്കി... ശെരി ചേട്ടന് ഇഷ്ടണേൽ ചെയ്തോ..... നേഹ പറയുമ്പോൾ രുദ്രനും കൂടെ കൂടി.. നിമിഷ നേരം കൊണ്ട് ഓരോന്ന് അടുപ്പത്തു കേറുന്നത് കണ്ട് പാറുവും നേഹയും വാ തുറന്നു നിന്ന് പോയി.... രുദ്രേട്ടന് പാചകം വശം ഉണ്ടോ... ഹ്മ്മ്... ചെറുതായിട്ട്....കട്ട്‌ ചെയ്യ്തു കൊണ്ട് നിന്നപ്പോ അവൻ പറഞ്ഞു.. ചെറുതായിട്ട് ഒന്നും അല്ല വലുതായിട്ട് തന്നെ അറിയാം..(നേഹ ) അതിനവൻ ഒന്നും പറഞ്ഞില്ല.... അല്ല രുദ്രേട്ടന് എവിടാ ജോബ്.... പാറു നേഹയെ വിളിക്കാൻ ശ്രമിക്കുന്നുണ്ട് എന്നാൽ അവളോതൊന്നും ശ്രദ്ധിക്കുന്നു പോലും ഇല്ല... എന്നാൽ എന്തിനോ വേണ്ടി തിരിഞ്ഞ രുദ്രൻ ഇത് കാണുന്നുണ്ട്.... രുദ്രേട്ടാ.... എന്താ പറയാൻ  പറ്റിയ ജോബ് ഒന്നുല്ലേ... നേഹ പിന്നെയും കത്തി കയറുവാ..... ജോബ് ഇല്ലങ്കിൽ ഞാൻ ഇച്ചായനോട്  പറയാം.. ഇച്ചായൻ രുദ്രേട്ടന് വേണ്ടി നല്ല ഒരു ജോബ് ശെരി ആക്കി തരും....... അതിനവൻ ഒന്ന് ചിരിക്കുക മാത്രം ചെയ്യ്തു.... എല്ലാം റെഡി ആക്കി കിച്ചണിൽ നിന്നും അവൻ ഇറങ്ങി പോകുമ്പോൾ നേഹ അവനുണ്ടാക്കിയ കറി ഒക്കെ രുചിച്ചു നോക്കി.... അമ്പോ.. അടിപൊളി നീ ഒന്ന് നോക്കിയേ പാറു.. എന്ത് രുചിയ.. ഞാനോ നിയോ ഉണ്ടാക്കുന്ന കറിക്ക് പോലും ഇത്രേം രുചി ഇല്ല.... ഒറ്റക്ക് ആണന്നല്ലേ പറഞ്ഞത്.... ഒറ്റക്കുള്ള പാചകം  ഒക്കെ ആവും ഡീ.. അതും പറഞ്ഞു പാറു എണീറ്റ് പോയി... ഒരുങ്ങി ഇറങ്ങുമ്പോൾ രുദ്രൻ പാറുവിനെ വിളിച്ചു... അവൾ ആ മുറി വാതിക്കൽ എത്തുമ്പോൾ അവൾക്ക് നേരെ രുദ്രൻ തിരിഞ്ഞു.... വണ്ടിക്കൂലി ഉണ്ടോ നിന്റെ കയ്യിൽ..... പാറു ഞെട്ടി പോയി.. ഇയാൾക്ക് ഇങ്ങനേ ചോദിക്കാൻ ഒക്കെ അറിയാമോ... ചോദിച്ചത് കേട്ടില്ലേ വൈഷ്ണവി... ഉണ്ട്...... അത്രമാത്രം അവൾ പറഞ്ഞു.... ധാ.. ഇത് കയ്യിൽ വെച്ചോ.... പോക്കറ്റിൽ നിന്ന് ഒരു 500രൂപ എടുത്തവൻ അവളുടെ നേർക്ക് നീട്ടി... ഇല്ല എനിക്ക് വേണ്ട.... അതെന്താ... എന്റെ കയ്യിൽ ഉണ്ട് അതിന് എന്താ... ഇത് .ഇരിക്കട്ടെ... അവളുടെ കൈ പിടിച്ചു ബലമായി ആ കാശ് വെച്ചു കൊടുത്തു കൊണ്ട് അവൻ വാതിലടച്ചു... എന്താടി..... നേഹ ചോദിക്കുമ്പോൾ പാറു കൈ വിടർത്തി. കാണിച്ചു കൊടുത്തു..... 💜💜   ഇതെല്ലാം കൂടി കേട്ടിട്ട് എന്റെ ദീർഘ വീഷണത്തിൽ ഞാൻ പറയുവാ.. രുദ്രൻ ആള് പാവമാ...( സൂരജ് അവർക്കടുത്തു ഇരുന്നു കൊണ്ട് പറഞ്ഞു) അഹ് ഇനി അങ്ങനെ പറ... ശ്രീധരൻ ഇപ്പോളും എണ്ണത്തോണിയിൽ കിടക്കുവാണെന്ന കരക്കമ്പി.... (നേഹ ) അയാൾക്ക് അത് കിട്ടണം.... അവൻ അനുഭവിക്കാൻ പോകുന്നതേ ഉള്ള്... സൂരജ് പകയോടെ പറഞ്ഞു.. പാറു അപ്പോഴും മിണ്ടാതെ ഇരിക്കുവാണ് ചെയ്യ്തത്..... പാറു നീ മൂവ് ഓൺ ചെയ്തേ പറ്റു ഇന്ദ്രേട്ടന്റെ കാര്യത്തിൽ... ഇപ്പോളും നീ പഴയ ഇടത്ത് തന്നെ സ്റ്റക്ക് ആയി നിൽക്കാതെ... ചില സമയത്തുള്ള നിന്റെ ഈ ആലോചിച്ചു കൂട്ടി ഉള്ള ഇരിപ്പ് കാണുമ്പോൾ ഉണ്ടല്ലോ  സൂരജ് പാതിയിൽ വെച്ചു നിർത്തി..... ഇന്ദ്രേട്ടൻ മരിച്ചിട്ട് 6  മാസങ്ങൾ കഴിഞ്ഞു..... പക്ഷെ നീ........ സൂരജിന്റെ അമ്മയും അനിയത്തിയും മരിച്ചിട്ട് ഇത്രേം വർഷങ്ങൾ കടന്ന് പോയില്ലേ.. ഇപ്പോളും നീ അവരെ ഓർത്തു വിഷമിക്കുന്നില്ലേ... ഇന്ന് തന്നെ മീറ്റിങ്ങിൽ എല്ലാവരുടെയും പേരെന്റ്സ്  വരും  എനിക്ക് ആരുണ്ട് വരാൻ.. കണ്ണേട്ടൻ ഉണ്ടായിരുന്നെങ്കിൽ... അവളും പറയുന്നതിൽ ശെരി ഉണ്ടന്ന് തോന്നി മറ്റുള്ളവർക്ക്..... നീ വിഷമിക്കാതെ പാറു അതിനല്ലേ ആന്റി വരുന്നത്.. നമ്മുക്ക് രണ്ട് പേർക്കും കൂടി വേണ്ടിയാ.... നേഹ സമാധാനിപ്പിക്കുമ്പോളും പാറു ഒന്നും മിണ്ടി ഇല്ല... സമയം 2 മണി.... അവർക്ക് വേണ്ടപ്പെട്ടവർ ഒക്കെയും എത്തി തുടങ്ങി..... നേഹയുടെ ആന്റിയും അവിടേക്ക് എത്തി....         സാം സാർ ക്ലാസ്സിലേക്ക് വന്നു കയറി....ഒപ്പം മറ്റു സബ്ജെക്ട് പഠിക്കുന്നവരും അങ്ങോട്ടേക്ക് എത്തി....... സ്റ്റുഡന്റസ് എല്ലാവരും അവരവരുടെ പേരന്റസിന്റെ കൂടെ ഇരുന്നാൽ നമുക്ക് പെട്ടെന്ന് മനസിലാവും.... ആരുടെ ഒക്കെ പേരന്റ് വന്നിട്ടുണ്ടന്നു.. അങ്ങനെ ചെയ്യൂ..... ഒരു professor മുന്നോട്ടു വന്നു എല്ലാവരോടും  ആയി പറയുമ്പോൾ സാംമിന്റെ കണ്ണുകൾ വൈഷ്ണവിയിൽ എത്തി നിന്നു... അവൾ പെട്ടെന്ന് തല താഴ്ത്തി ഇരുന്നു പോയി....ആന്റിയും നേഹയും എണീറ്റതും പാറുവിന്റെ കൈയ്യിൽ പിടിച്ചു ഏറ്റവും പുറകിൽ ആയി 3 പേരും ഇരുന്നു... ക്ലാസ്സ് നിശബ്ദം ആയി... എസ്ക്യൂസ്‌മി ക്ലാസ്സ് റൂമിന് പുറത്ത് നിന്ന് കേട്ട ആ  ഗാംഭീര്യം നിറഞ്ഞ ശബ്ദം ഏതാണെന്നു അറിയാൻ എല്ലാവരും വാതിക്കലേക്കു നോട്ടം പായിച്ചു.... ആരുടെ guardian ആണ്.... സാം ചോദിക്കുമ്പോൾ വൈഷ്ണവി...... പുറകിൽ എന്തോ ആലോചിച്ചിരുന്നവൾ തന്റെ പേര് ആരോ പറയുന്നത് കേട്ടതും ഞെട്ടി മുന്നിലേക്ക്‌ നോക്കി... നേഹയും ആന്റിയും സൂരജും എന്തിന് ക്ലാസ്സിൽ എല്ലാവരും പുറത്ത് ഉള്ള ആൾ ആരാണെന്നു നോക്കുകയാണ്.....   വൈഷ്ണവി.... സാം പേര് വിളിച്ചതും വൈഷ്ണവി എണീറ്റു നിന്നു.. ഇതേ സമയം പുറത്തു നിന്നവൻ അകത്തേക്ക് കയറി വന്നു... അവളുടെ കണ്ണുകൾ വിടർന്നു പോയി.. രുദ്രൻ....... അവൻ നടന്നു വൈഷ്ണവിയുടെ അടുത്തേക്ക് എത്തി..... നേഹ കയ്യിൽ തോണ്ടിയതും അവന് ഇരിക്കാൻ വേണ്ടി അവൾ കുറച്ചു സൈഡിലേക്ക് നീങ്ങി.... ആലോചിക്കുവാൻ കൂടി പറ്റുന്നില്ല രുദ്രൻ തനിക്ക് വേണ്ടി ഇവിടെ വന്നു എന്നുള്ള കാര്യം... അവൾ അവളുടെ കയ്യിൽ തന്നെ ഒന്ന് പിച്ചി നോക്കി....... ശെരിയാണ് താൻ സ്വപ്നം കണ്ടത് അല്ല യഥാർത്ഥത്തിൽ രുദ്രൻ ഇവിടെ ഉണ്ട്....... 💜 സാം  കാര്യമായിട്ട് ഓരോന്നും പറയുന്നുണ്ട്... ഒന്നും ശ്രെദ്ധിക്കാൻ പറ്റുന്ന തിരക്കിൽ അല്ലായിരുന്നു അവൾ... സൂരജ് നേഹയെ കയ്യും കാലും ഒക്കെ കാണിക്കുന്നുണ്ട്..നേഹക്കും  സംശയം ആയിരുന്നു രുദ്രൻ എങ്ങനെ ഇവിടെ എത്തി..... ഒടുക്കം മീറ്റിംഗ് കഴിഞ്ഞു എല്ലാവരും പോകുവാൻ ഇറങ്ങി..... ഗേൾസും ബോയ്സും ചില ഗാങ്സ് ഉണ്ട് . അതിലെ ഒരു കൂട്ടർ ആണ് സ്ഥിരമായി തന്നെ കളിയാക്കുന്നവർ... എല്ലാവരും വെളിയിലേക്ക് ഇറങ്ങിയതും ഉമേഷ്‌ p.p  ഞങ്ങൾക്ക് അടുത്തേക്ക് വന്നു ഒപ്പം അവന്റെ ഗാങ്ങും... രുദ്രൻ എല്ലാവരെയും ഒന്ന് നോക്കി.... ചേട്ടൻ ഏതാ..... ഇവൾക്ക് അച്ഛനും അമ്മയും ചേട്ടനും ഭർത്താവും ഒന്നും ഇല്ലല്ലോ.....ഉണ്ടായിരുന്നവർ ഒക്കെ മരിച്ചു പോയില്ലേ. എന്നാൽ രുദ്രൻ ഒന്നും തന്നെ മിണ്ടാൻ പോയില്ല ഇവരോടൊക്കെ മിണ്ടി വെറുതെ സമയം കളഞ്ഞിട്ട് എന്തിനാ...   പാറുവിനെയും വിളിച്ചു കൊണ്ട് അവൻ പുറത്തേക്കു ഇറങ്ങി.... സൂരജെ ആ ഉമേഷ്‌ പി. പി യോട് നീ പോയി പറയുന്നുണ്ടോ അതോ..... ചുമ്മാ രുദ്രേട്ടന്റെ കയ്യിൽ നിന്നും വാങ്ങി കൂട്ടണ്ടന്നു അവനോടു ഒന്ന് പറയ് നീ.. നേഹ പറഞ്ഞതും സൂരജ് ഉമേഷിന്റെ അടുത്തേക്ക് ഓടി.... അപ്പോളും ഉമേഷ്‌ രുദ്രനെ ചൊറിഞ്ഞു ചൊറിഞ്ഞു ചെല്ലുവാണ്... ഉമേഷേ.. സൂരജ് അവന്റെ അടുത്തെത്തിയതും ഉമേഷ്‌ പുച്ഛത്തോടെ ചിരിച്ചു.... നീ ചോദിച്ചില്ലേ ഈ ചെട്ടൻ ആരാണെന്നു... നിന്റെ കാമുകിയുടെ അച്ഛൻ  എണ്ണ തോണിയിൽ കിടക്കാൻ ഇടയായവൻ ആണ്.... രുദ്രൻ      രുദ്രേട്ടനെ പറ്റി അറിയണം എങ്കിൽ അങ്ങേരോട് ചൊതിച്ചാൽ മതി..... നന്നായി പറഞ്ഞു തരും.... ഉമേഷും കൂട്ടരും ഞെട്ടി... മുന്നിൽ പാറുവിന്റെ കയ്യും പിടിച്ചു പോകുന്നവനെ നോക്കി....... 💜 രുദ്രേട്ടൻ എന്തിനാ ഇന്ന് ഇവിടെ വന്നത്.... അതെന്താ ഞാൻ വന്നത് നിനക്ക് കുറച്ചിൽ ആയി പോയോ.... അങ്ങനെ അല്ല ഞാൻ പറഞ്ഞത്..... എങ്ങനെ അല്ലെന്നു.... ബൈക്കിൽ കയറാൻ പാവിച്ചവൻ വീണ്ടും അവൾക്കു മുന്നിലേക്ക്‌ നീങ്ങി നിന്നു... വൈഷ്ണവി... നിന്റെ ഈ അവസ്ഥയിൽ കൂടി കടന്ന് പോയിട്ടുള്ള ഒരാൾ ആണ് ഞാൻ.... നിനക്ക് എന്നെ പറ്റി അറിയില്ല.. അറിഞ്ഞിരുന്നെങ്കിൽ ഒരിക്കലും നീ ഞാൻ ഇന്ന് ഇവിടെ എത്തിയത് ചോദ്യം ചെയ്യില്ലായിരുന്നു... പാറു പുരികം ചുളിച്ചു അവനെ നോക്കി...... നേഹയും സൂരജും അവർക്കടുത്തേക്ക് എത്തി..... സൂരജ് ബൈക്കിൽ കയറിയപ്പോൾ അവന് പിറകെ പാറുവും കയറി... ആന്റി അവരുടെ വീട്ടിലേക്ക് ആണ്... രുദ്രനോടും നേഹയോടും യാത്ര പറഞ്ഞ് സൂരജ് വണ്ടി എടുത്തു...... അവര് എന്നെ കൂട്ടാതെ പോയി.....നേഹ പറഞ്ഞതും രുദ്രൻ ബൈക്കിൽ കയറി അവളെ നോക്കി.... തന്നോടും രുദ്രൻ കയറാൻ പറയുവാണെന്ന് അവൾക്ക് മനസിലായി വേഗം ബൈക്കിൽ വലിഞ്ഞു കയറി അവൾ.... ജോലിക്ക് ഒന്നും പോകാതെ ഞങ്ങളുടെ കൂടെ ഇങ്ങനേ കൂടാൻ ആണോ പ്ലാൻ.... പോകുന്ന പൊക്കിൽ അവൾ ചോദിച്ചു.... ഞാൻ എന്റെ അനിയന്റെ വീട്ടിൽ താമസിക്കുന്നത് കൊണ്ട് നിനക്ക് എന്തേലും ബുദ്ധിമുട്ട് ഉണ്ടോ... എന്ത് ബുദ്ധിമുട്ട് എനിക്ക് ഒരു ബുദ്ധിമുട്ടും ഇല്ല... രുദ്രേട്ടന് എന്തുവാ ജോലി....... രുദ്രന് ദേഷ്യം വന്നു.. ഇന്നലെ മുതൽ കയറിയും മാറിയും രണ്ടും കൂടി ചോദിക്കുവാ.... ഡ്രൈവർ ആണ്..... ഡ്രൈവറോ..... അവൾ ചോദിച്ചു.... എന്തെ ഡ്രൈവർ എന്ന് കേട്ടിട്ടില്ലേ നീ.... കേൾക്കാതെ ഇരിക്കാൻ ആദ്യമായിട്ടുള്ള വേഡ് ഒന്നും അല്ലല്ലോ..... അഹ്..... എന്തിന്റെ ഡ്രൈവർ ആ.. ലോറിയോ കാറോ.... രണ്ടും അല്ല പ്ലെയിൻ ന്റെ ഡ്രൈവർ ആ... ആ.... അവൾ ചിരിച്ചു കോണ്ട് തലയാട്ടി വന്നതും... ഏഹ്ഹ്.....അതിശയത്തോടെ അവനെ നോക്കി...... പൈലറ്റ് ആണോ..... രുദ്രേട്ടൻ പ്ലെയിൻ ഓടിക്കുന്നവരെ പൈലറ്റ് എന്നാണോ വിളിക്കുന്നെ.. അപ്പൊ ശെരി ആയിരിക്കും...രുദ്രൻ ഒരു ആക്കലോടെ ചോദിച്ചു കളി  ആക്കിയത് ആണല്ലേ.... എന്നാലും സാരമില്ല എന്നാലും ആദ്യായിട്ടാ ഞാൻ ഒരു പൈലറ്റിന്റെ കൂടി ബൈക്കിൽ പോകുന്നത്... ചിരിച്ചു കൊണ്ട് നേഹ പറഞ്ഞു... ശെരിക്കും ഇവർക്ക് ഒടുക്കത്തെ ധൈര്യം ആണല്ലേ രുദ്രേട്ടാ..... റോഡിൽ കൂടി പോകുന്നത് പോലെ ആണോ അങ്ങ് ആകാശത്ത് കൂടി.... നീ എന്നെ അതികം അങ്ങ് പോക്കണ്ട. .. അത്രയും പറഞ്ഞു രുദ്രൻ വണ്ടി ഓടിച്ചു..... വീട്ടിൽ ചെല്ലുമ്പോൾ സൂരജും പാറുവും മുറ്റത് ഉണ്ട്... സത്യം പറഞ്ഞാൽ പാറുവിനു രുദ്രന്റെ കൂടെ വരാൻ താല്പര്യം ഇല്ലാത്തത് കൊണ്ട് ആണ് അവൾ നേഹയെ അവന്റെ കൂടെ വരുത്തിയത്... ബൈക്കിൽ നിന്നും ഇറങ്ങുമ്പോൾ രുദ്രന്റെ കണ്ണ് പാറുവിലേക്ക് എത്തി...... പാറു തല താഴ്ത്തി നിന്നതേ ഉള്ളൂ..... രുദ്രൻ അവളുടെ അടുത്തേക്ക് വന്നു... """""പണ്ട് പിടിഎ മീറ്റിങ്ങിൽ ഞാനും നിന്റെ കൂട്ട് ഇരുന്നിട്ട് ഉണ്ട്.. ആരും വരാൻ ഇല്ലാതെ... ആ അവസ്ഥ മറ്റാരേക്കാളും എനിക്ക് മനസിലാവും... """ അത്ര മാത്രം പറഞ്ഞ് കൊണ്ട് രുദ്രൻ അകത്തേക്ക് കയറി പോയി.... പാറുവിന്റെ കണ്ണിൽ നിന്നും ഒരിറ്റ് കണ്ണുനീർ മണ്ണിലേക്ക് വീണലിഞ്ഞു...... 💜💜     ( തുടരും ) #💞 പ്രണയകഥകൾ #🧟 പ്രേതകഥകൾ! #📔 കഥ #നോവൽ #📙 നോവൽ

ഹൃദയത്തിൽ സൂക്ഷിക്കാൻ പാർട്ട് -39 രുദ്രൻ പതിയെ വീട്ടിലേക്ക് വന്നു കയറി.... ഡോർ തുറന്നു അകത്തേക്ക് കയറുവാൻ പാവിച്ചതും അതിന് മുന്നേ ഡോർ തുറന്നു വന്നിരുന്നു.... ആരുമറിയാതെ ആണ് ഈ രാത്രിയിൽ താൻ ഇറങ്ങി പോയത്.. ഇന്ദ്രന്റെ ബൈക്ക് ഉരുട്ടി വെളിയിലെക്ക് ഇറക്കുകയായിരുന്നു..... തിരികെ ഉരുട്ടി തന്നെയാണ് കൊണ്ട് വന്നു വെച്ചതും..... രുദ്രൻ തന്റെ മുന്നിൽ കോപത്തിൽ നിൽക്കുന്നവളെ ഒന്ന് നോക്കി..... പിന്നെ അവളുടെ കണ്ണുകൾ ഇന്ദ്രന്റെ ബൈക്കിലെക്കും......    കുടിച്ച കള്ളിന്റെ മണം അവളുടെ മൂക്കിലേക്ക് അടിച്ചതും അവൾ മുഖം ചുളിച്ചു പോയി.....     അകത്തെ മുറിയിൽ നേഹ കിടന്നു ഉറങ്ങുന്നുണ്ട്.. താൻ ഒച്ച വെച്ചാൽ അവള് കേൾക്കും..പാറു ഓർത്തു പാറു ഒന്നും മിണ്ടാതെ അവനെ തന്നെ നോക്കി നിന്നു... അത് പിന്നെ.... രുദ്രൻ പറയാൻ എന്തോ വന്നതും കൈ കൊണ്ട് അവൻ വാ മൂടി പോയി.... താൻ ഇന്ന് വരെ കുടിച്ചിട്ടില്ലാത്ത ഒന്നാണ് ഈ കള്ള്... അതിങ്ങനെ പുറത്തോട്ടു വരാൻ ഉള്ള ടെൻഡൻസി... രുദ്രൻ ഒന്നും മിണ്ടാതെ ആടി ആടി നിന്നു..    എന്തോ നെഞ്ചത്തേക്ക് വന്നു വീഴുന്നതും അവൾ കതക് അടക്കുന്നതിന്റെയും ഒച്ച കെട്ടു.... രുദ്രൻ കണ്ണൊന്നു അമർത്തി അടച്ചു തുറന്നു കൊണ്ട് കയ്യിൽ ഉള്ള സാധനം എന്താണെന്നു നോക്കി... ബെഡ് ഷീറ്റും തലയിണയും.... ഓ അപ്പൊ പുറത്ത് കിടന്നോളാൻ ആണ് തമ്പുരാട്ടിയുടെ ഓർഡർ...ശെരി.. നമ്മള് കാരണം അവൾക്ക് ഒരു ബുദ്ധിമുട്ട് വേണ്ടായേ.....രുദ്രൻ  ബെഡ് ഷീറ്റും തലയിണയും ഒന്ന് നോക്കി.ഇവൾക്ക് ഒരു ബെഡ് ഷീറ്റ് കൂടി തന്നാൽ എന്തായിരുന്നു.. രുദ്രൻ തറയിലേക്ക് ഷീറ്റ് വിരിച്ചു കിടന്നു... തണുക്കാൻ തുടങ്ങിയതും ഉടുത്തിരുന്ന കൈലി അഴിച്ചെടുത്തു പുതച്ചു...   കോച്ചി പിടിക്കുന്ന തണുപ്പാണ്. പുറത്ത് എന്നിരുന്നാലും കുടിച്ച കള്ളിന്റെ പുറത്ത് അവനതറിഞ്ഞില്ല...... കൊതുക് കടിയും കൊണ്ട് പുറത്ത് അങ്ങനെ കിടന്നു.....            കിടന്ന കിടപ്പിൽ തന്നെ അവനുറങ്ങി പോയി... പിറ്റേന്ന് നേരം വെളുത്തതും പാറു എണീറ്റു.. എന്തോ നേഹയെ വിളിക്കാൻ തോന്നി ഇല്ല... ഉറങ്ങിക്കോട്ടെ... പുറത്തൊരുത്തൻ കിടപ്പൊണ്ടല്ലോ... അതിനെ നേഹ കാണണ്ട കണ്ടാൽ പിന്നെ ചോദ്യമായി പറച്ചിൽ ആയി എന്തിനാ വെറുതെ... അവൾ ബെഡിൽ നിന്നും എണീറ്റ് പുറത്തേക്കു നടന്നു.... വാതിൽ തുറന്നതും പുറത്ത് കിടന്നുറങ്ങുന്ന രുദ്രനെ കണ്ടവൾ കണ്ണൊന്നു മിഴിച്ചു..... അയ്യേ ഇയാൾ.... അവൾ അകത്തേക്ക് നോക്കി....... നേഹ വന്നു കണ്ടാൽ നാണക്കേട് ആണ്..... ഡോ..... അവൾ അടുത്തേക്ക് പോയി അവനെ വിളിച്ചു.. എവിടെ കേൾക്കാൻ ഒന്ന് കൂടി ശബ്ദം കൂട്ടി വിളിച്ചതും അവൻ ചാടി എണീക്കാൻ നോക്കി... എണീക്കല്ലേ.... കിടന്ന കിടപ്പിൽ കണ്ണൊന്നു തിരുമ്മി അവൻ അവളെ നോക്കി... എന്താടി.... അകത്തും പുറത്തും നീ ഉറക്കത്തില്ലേ.... താൻ ഇത് എന്തോന്ന് കിടപ്പാ കിടക്കുന്നെ... എന്താ എന്റെ കിടപ്പിന് കുഴപ്പം... ഇവിടെ രണ്ടു പെൺപിള്ളേർ ആണ് ഉള്ളത്..... തനിക്ക് നാണം ഇല്ലങ്കിലും ഞങ്ങൾക്ക് നാണം ഉണ്ട്.....തനിക്ക് ഈ ഉടുത്ത കൈലി മത്രേം കിട്ടിയൊള്ളോ പുതക്കാൻ... ഓ അതാണോ കാര്യം രുദ്രൻ തല മൊത്തത്തിൽ ഉഴിഞ്ഞു കൊണ്ട് ചോദിച്ചു... അഹ് അത് തന്നെയാ കാര്യം.... രുദ്രൻ കൈലി ആ ഇരുപ്പിൽ തന്നെ ചരിച്ചൊന്നു ഉടുത്തു കൊണ്ട് എണീറ്റു... കൈലി ഉടുത്തു കൊണ്ട് തന്റെ മുന്നിൽ നിൽക്കുന്നവളെ ഒന്ന് നോക്കി.... നീ എനിക്ക് ഇന്നലെ പുതുക്കാൻ പുതപ്പ് തന്നോ.. ഇല്ലല്ലോ... അപ്പൊ കൂടുതൽ ന്യായം പറയണ്ട.. പിന്നെ ഞാൻ സാധാരണ ഷോർട്സ് ആണ് ഇടാറ്.. ഇവിടെ വന്നത് കൊണ്ട് കൈലി ഉടുത്തന്നെ ഉള്ള്... അത് കൊണ്ട് എന്റെ കാല് കണ്ടെന്നു കരുതി നീ ഇത്രയും അങ്ങ് ദേഷ്യപ്പെടണ്ട... ഇത് നാട്ടിൻപുറം ആണ് അല്ലാതെ....... എന്ത് നാട്ടിൻപുറം ആയാലും എനിക്ക് തോന്നുന്നത് ഞാൻ ഇടും... വേണേ തുണി ഇല്ലാതെ രണ്ട് റൗണ്ട് ഓടിയെന്നും വരും... അതെന്റെ മാത്രം ഇഷ്ടം..... നീ തലയിടണ്ട കേട്ടോടി....... അവൾക്ക് ദേഷ്യം വന്നു.... ഇയാളെ......   കൂടുതൽ ഒന്നും പറഞ്ഞിട്ട് കാര്യമില്ലന്ന് മനസിലായി അവൾക്ക്.... ദേ  ഞാൻ കുറച്ചു കാര്യങ്ങൾ പറഞ്ഞേക്കാം.ഒന്ന് ഇവിടെ കുടിച്ചിട്ട് കയറി വരാൻ ഒക്കില്ല... രണ്ട് നേരത്തെയും കാലത്തെയും വീട്ടിൽ കയറി വന്നോണം മൂന്ന്.... പാതിരാത്രി വാതിലും തുറന്നിട്ട്‌ ഇറങ്ങി പോകാൻ പറ്റില്ല.... അതിന് ഞാൻ അടച്ചിട്ടിട്ടാണല്ലോ പോയത്.... എങ്ങനെ ആയാലും പോകാൻ ഒക്കുകേല... ഓ ആയിക്കോട്ടെ.... ( രുദ്രൻ കയ്യും കെട്ടി നിന്നു പറഞ്ഞൂ..) അകത്ത് പോയി കിടക്കാൻ നോക്ക് നേഹ വരുമ്പോൾ കണ്ടാൽ അതിനും ഞാനാ ഉത്തരം പറയേണ്ടത്.... അത്രയും പറഞ്ഞു പാറു അകത്തേക്ക് നടന്നു... ആകെ കുരുട്ടടക്കയിടെ അത്രയേ ഉള്ള്.... നാക്കണെങ്കിൽ  പാമ്പിന്റെ നീളവും.. ഹൊ... എന്റെ ഇന്ദ്ര നീ എങ്ങനെ ഇതിനെ സ്നേഹിച്ചോ.... രുദ്രൻ ചിരിച്ചു പോയി.... പായും തലയിണയും എടുത്തു അവൻ അകത്തേക്ക് കയറി... റൂമിൽ കയറി വാതിൽ അടച്ചു ഒന്ന് കൂടി ഉറങ്ങി............ ഉറക്കം കഴിഞ്ഞു ഇറങ്ങുമ്പോൾ രണ്ടും കോളേജിൽ പോകാൻ ഉള്ള തിരക്കാണ്.... രുദ്രനും പോയി കുളിച്ചു വന്നു..... അവൻ കണ്ണാടിയുടെ മുന്നിലേക്ക്‌ പോയി നിന്നു... മീശ ഒന്ന് പിരിച്ചു കൊണ്ട് കണ്ണാടിയിൽ നോക്കി... ചിരിച്ചു.. ഇനി രുദ്രന്റെ എൻട്രി നടത്തേണ്ട സമയം ആയി.... ശ്രീധരന്റെ നെഞ്ചത്ത് രുദ്രന്റെ താണ്ഡവം... 💜💜💜       പാറുവും നേഹയും റെഡി ആയി വന്നപ്പോഴേക്കും രുദ്രൻ ഷർട്ടിന്റെ കൈയും മടക്കി റൂമിനു പുറത്തേക്കു ഇറങ്ങി... നേഹ രുദ്രനെ കണ്ടതും ഒന്ന് ചിരിക്കുവാൻ ശ്രെമിച്ചു...... രുദ്രേട്ടാ...... നേഹയുടെ വിളി കേട്ടപ്പോൾ രുദ്രനും അത് പോലെ പാറുവും അവളെ സംശയത്തോടെ നോക്കി... ഫുഡ്‌ ഉണ്ടാക്കി വെച്ചിട്ടുണ്ട്... ഏയ് വേണ്ടടോ.... ഞാൻ പുറത്തൂന് കഴിച്ചോളാം.. ഇനി വേണുമ്പോൾ ഉണ്ടാക്കി കഴിച്ചോളാം.. അതിന് നേഹ ചിരിച്ചു കൊണ്ട് മൂളി.... രുദ്രൻ ബൈക്കിൽ  കയറി പോകുന്നത് അവർ രണ്ടാളും ശ്രെദ്ധിച്ചു... ഇനി ഇതിനെ ഇന്ദ്രേട്ടൻ ആയിട്ട് കരുതാതെ ഇരുന്നാൽ മതിയായിരുന്നു നാട്ടുകാർ... പാറു പുച്ഛത്തോടെ പറഞ്ഞു.. അങ്ങനെ കരുതിയാൽ തന്നെ തെറ്റ് പറയാൻ ഒക്കുമോ പാറു.... ഇന്ദ്രേട്ടന്റെ  ഫേസ് അതെ പടി കിട്ടിയിട്ടുണ്ട് രുദ്രേട്ടനും... ആരെയും കുറ്റം പറയാൻ ഒക്കില്ല.... ശെരിക്കും നിനക്ക് രുദ്രേട്ടനോട് എന്തേലും ദേഷ്യം ഉണ്ടോ.... നടക്കുന്നതിനിടയിൽ നേഹ ചോദിച്ചു... എന്ത് ദേഷ്യം... എനിക്ക് എന്തിനാ അയാളോട് ദേഷ്യം.... അല്ല ഇന്ദ്രേട്ടനെ പോലെ ഇരിക്കുന്നത് കൊണ്ട്.... ( നേഹ ) എന്റെ ഇന്ദ്രേട്ടന്റെ രൂപം അയാൾക്ക് ഉണ്ടന്ന് കരുതി അല്ല എന്റെ ദേഷ്യം... അയാൾ എവിടെ ആയിരുന്നെന്നോ സ്വഭാവം എന്താണെന്നോ ഒന്നും നമ്മുക്ക് അറിയില്ല.... അപ്പൊ പിന്നെ അതികം മിണ്ടാതെ ഇരിക്കുന്നത് ആവും ബെറ്റർ....    രണ്ടാളും സംസാരിച്ചു കവലയിൽ എത്താറായിരുന്നു..... ആരോ ഒരാൾ  വായുവിൽ കറങ്ങുന്നതാണ് അവർ അവിടേക്ക് ചെന്നപ്പോൾ കണ്ടത്.. നേഹ വാ തുറന്നു പോയി..... മരത്തിനു എതിർ  വശം  നിന്ന ആൾ അവർക്ക് മുന്നിലേക്ക്‌ വന്നു.... മുണ്ട് ഒന്ന് മടക്കി കൂത്തി മീശ പിരിച്ചവൻ നിന്നു.. താൻ എടുത്ത് തറയിൽ അടിച്ചവനെ വീണ്ടും അടിക്കാനായി പാവിച്ചതും അയാൾ കൈയ് കൂപ്പി പോയി..... ഡീ രുദ്രട്ടൻ ..... നേഹ പറയുമ്പോൾ പാറു രുദ്രനെ തന്നെ നോക്കി നിൽക്കുകയായിരുന്നു... അവളുടെ കണ്ണുകൾ തറയിൽ കിടക്കുന്ന ശ്രീധരന്റെ മുഖത്ത് വന്നു പതിച്ചു.... ഡാ... നിന്നെക്കാളും നാറിയ കളികൾ കളിച്ചവന്മാരെ ഈ രുദ്രൻ നേരിട്ടിട്ടുണ്ട്... നിന്നോടും പിന്നെ ഇവിടെ കൂടിയിരിക്കുന്ന എല്ലാത്തിനോടും കൂടിയാണ്.... ഇനി ഇവൻ ചെയ്യ്തത് പോലെ ആർക്കേലും ചെയ്യാൻ തോന്നിയാൽ നിന്റെ ഒക്കെ  അവസാനം ഈ രുദ്രന്റെ കൈ കൊണ്ട് ആയിരിക്കും.... നാട്ടുകാർ എല്ലാവരും എല്ലാം അറിഞ്ഞു... ശ്രീധരൻ കഴിഞ്ഞ ദിവസം ആളെ ഇറക്കിയത് ഉൾപ്പെടെ.. എന്നാൽ അവർ ഒക്കെ ഞെട്ടിയത് ഒരേ ഒരു കാര്യത്തിന് ആയിരുന്നു..... രുദ്രൻ...... ഇന്ദ്രനെ പോലെ മറ്റൊരാൾ... ഇന്ദ്രൻ ഇത്ര ക്രൂരൻ അല്ലായിരുന്നു എന്ന് ആ നാട്ടുകാർക്ക് മനസ്സിലായ നിമിഷം.. പലിശ കാശ് കൃത്യം ആയി അടക്കാത്തവർ വേഗം പോയി അടക്കുവാൻ തുടങ്ങി... എല്ലാവർക്കും രുദ്രനെ പേടി ആയി തുടങ്ങി....      പാറു... അപ്പോഴും ഒന്നും മനസ്സിലാവാതെ അവനെ നോക്കി...... ബസ് വന്നതും നേഹ അവളെയും വിളിച്ചു ബസിൽ കയറി... അപ്പോഴും പാറുവിന്റെ കണ്ണുകൾ രുദ്രനിൽ ആയിരുന്നു..... അവൾക്ക് അവനോടു ദേഷ്യവും വെറുപ്പും തോന്നി... കവലയിൽ കിടന്നു ഗുണ്ടകളെ പോലെ എന്തൊക്കെയാ അയാൾ കാട്ടി കൂട്ടുന്നത്... ആ ബസ് അവിടെ നിന്നും മുന്നോട്ടു പോകുമ്പോൾ രുദ്രന്റെ കണ്ണുകൾ ആ ബസിനുള്ളിലേക്ക് ചെന്നു. പാറു ദേഷ്യത്തിൽ നോക്കുന്നത് രുദ്രൻ കാണുകയും ചെയ്യ്തു. എന്നാൽ അവന്റെ നോട്ടം വീണ്ടും ശ്രീധരനിൽ എത്തി നിന്നു. അവൾ ഫോൺ എടുത്ത് സുഭദ്രയെ വിളിച്ചു.... അവർ ഫോൺ എടുത്തതും.. പാറു മോളെ.... അമ്മയുടെ കുട്ടിക്ക് സുഖമല്ലേ.... അമ്മേ ആ രുദ്രൻ ഇവിടെ എന്തൊക്കെയാ കാട്ടി കൂട്ടുന്നത്.. അവൾ നടന്നതൊക്കെ സുഭദ്ര യോട് പറഞ്ഞൂ.. എന്നാൽ രുദ്രൻ ഇന്നലെ രാത്രി തന്നെ സുഭദ്രയെ വിളിച്ചു എല്ലാം അറിയിച്ചിട്ടുണ്ടായിരുന്നു.... ഇങ്ങനേ ആയാൽ പോലീസ് നാളെ വീട്ടുമുറ്റത് വന്നു നിൽക്കും അമ്മേ... അയാൾ എന്താ. ഗുണ്ട ആണോ... ഇന്ദ്രേട്ടൻ പോലും ഇങ്ങനേ കിടന്നു അടി ഉണ്ടാക്കിയിട്ടില്ല... ഇതിപ്പോ പാറു...... ഇന്ദ്രനും രുദ്രനും രണ്ട് പേര് ആണ്... കാഴ്ചയിൽ ഒരേ പോലെ എന്നാൽ സ്വഭാവം കൊണ്ട് വെത്യാസം ഉണ്ട്... ഇന്ദ്രനെ അടി ഇടാൻ പഠിപ്പിച്ചതെ രുദ്രൻ ആണ്..... ഇന്ദ്രൻ ബോക്സിങ്, കളരി അങ്ങനെ ഉള്ള ഇടിതടയെല്ലാം പോയി പഠിച്ചതാണ്... എന്നാൽ രുദ്രൻ അങ്ങനെ  അല്ല.. ഒന്ന് ഇങ്ങോട്ട് കിട്ടിയാൽ 5 എണ്ണം തിരികെ കൊടുക്കും.... അവന് അത്രക്ക് പ്രിയപ്പെട്ടവർക്കും മാത്രം എന്തേലും പറ്റിയാൽ അവൻ വെറുതെ ഇരിക്കില്ല....       അവളൊന്നു മൂളി അപ്പോളേക്കും കോളേജിൽ എത്തിയിരുന്നു.. സുഭദ്രമ്മേ ഞാൻ ചെന്നിട്ട് വിളിക്കാട്ടോ കോളേജിൽ എത്തി... അതിനും ആ അമ്മ ഒന്ന് മൂളി...... നടക്കുന്ന വഴിയിൽ സൂരജ് വന്നു എന്തോ ചോദിച്ചിട്ട് പോലും അവൾ അറിഞ്ഞില്ല..... ഇച്ചായനോട് പറഞ്ഞ് നേഹയെ കൊണ്ട് പൊക്കോളാൻ പറഞ്ഞാലോ..അപ്പൊ താൻ ഒറ്റക്ക് ആവില്ലേ.... അയാൾ പോകട്ടെ... എന്തിനാ അയാൾ ഇവിടെ നിൽക്കുന്നത്... ഓരോന്ന് ആലോചിച് ആലോചിച്ചു അവളുടെ തല പെരുത്ത് കേറി.... ക്ലാസ്സിൽ ചെന്നിട്ടും ഒരു സമാധാനം ഉണ്ടായിരുന്നില്ല.... സാർ ക്ലാസ്സ് എടുക്കുമ്പോൾ എന്തോ ആലോചിച്ചു കൊണ്ട് അങ്ങനെ ഇരുന്നു.... സാർ  പാറുവിനെ തന്നെ ശ്രെദ്ധിക്കുന്നുണ്ട്...നേഹ പറയുമ്പോൾ പാറു പിന്നെ ക്ലാസ്സിൽ ശ്രെദ്ധിച്ചു ഇരിക്കുവാൻ തുടങ്ങി.... ഓക്കേ ഫ്രെണ്ട്സ് അറിയാല്ലോ നമ്മുടെ ക്ലാസ്സിൽ ഞാൻ    വർഷം 3 ക്ലാസ്സ് മീറ്റിംഗ് ആണ് വെച്ചിട്ടുള്ളത് .... അതിൽ രണ്ടാമത്തെ മീറ്റിംഗ് മറ്റെന്നാൾ വെക്കാമെന്നു കരുതുന്നു... നമ്മുടെ ക്ലാസ്സിൽ ഉള്ള  ആളുകൾ എല്ലാം തന്നെ അടുത്തു നിന്നും വരുന്നവർ ആണ്... ദൂരെ നിന്നും ഉള്ള ആരും തന്നെ ഇല്ല.. പേരെന്റ്സിനോട്     വല്ലപ്പോഴും ഒക്കെ ഒന്നു സംസാരിക്കുന്നത് നല്ലത് ആണെന്നാണ് എന്റെ അഭിപ്രായം...അപ്പൊ മറ്റെന്നാൽ വരുമ്പോൾ ഉച്ചക്ക് ശേഷം മീറ്റിംഗ് ഉണ്ടായിരിക്കുന്നതാണ്.. അവരവരുടെ വീട്ടിൽ നിന്നും ""സ്വന്തം"'അച്ഛനെയോ അമ്മയെയോ ചേട്ടനെയോ ഇനി ഹസ്ബൻഡ് ഉണ്ടേൽ അവരെയൊ കൊണ്ട് വരാം......              ഇതെന്താടി സ്കൂൾ ആണോ... നേഹ പാറുവിനോട് ചോദിച്ചു പോയി... നീ എന്താ സ്കൂളിൽ മാത്രമേ മീറ്റിംഗ് നടത്തുന്നത് കണ്ടിട്ടുള്ളോ... അങ്ങനെ അല്ല.... പക്ഷെ ഈ സാറിനു വേറെ പണി ഒന്നുല്ലേ... ഇനി ആന്റിയെ വെറുതെ ഇവിടെ വരെ കൊണ്ട് വരേണ്ടേ ഞാൻ.പാവം എന്റെ ആന്റി.... അല്ലാതെ സാം സാർ നിന്റെ കുറ്റവും കുറവും പറഞ്ഞു കൊടുക്കും എന്നുള്ള പേടി കാരണം അല്ല അല്ലെ.... അഹ് അങ്ങനെയും പറയാം.. നേഹ പതിയെ വലിഞ്ഞു സൂരജിന്റെ അടുത്തേക്ക് ചെന്നു.... ഞാൻ ഇനി ആരെയും കൂട്ടി വരാനാ... അല്ലെ തന്നെ തനിക്കായി വരാനും ആരൂല്ല..... ഇവിടെ ഉള്ളവർക്ക് എല്ലാം അത് അറിയാമല്ലോ... പക്ഷെ എല്ലാവരുടെയും ആരെങ്കിലും ഒക്കെ വരുമ്പോൾ താൻ മാത്രം.... അവളുടെ ചുണ്ടിൽ ഒരു പുച്ഛ  ചിരി വിടർന്നു.... അനാഥക്ക് എന്ത് സ്വന്തവും ബന്ധവും.....                         വൈകിട്ട് വീട്ടിൽ എത്തുമ്പോൾ അയാൾ പടിയിൽ ഇരുന്നു ഫോണിൽ തോണ്ടുന്നുണ്ട്... അവൾക്ക് അവന്റെ ഇരുപ്പ് കണ്ടപ്പോൾ കവലയിൽ കിടന്നു രാവിലെ തല്ല് ഉണ്ടാക്കിയത് ആണ് ഓർമ്മ വന്നത്.... അടുത്ത് നേഹ നിൽക്കുന്നത് കൊണ്ട് അവളൊന്നും മിണ്ടി ഇല്ല...... ഒരാളെ മറ്റുള്ളവരുടെ മുന്നിൽ ഇട്ടു വായിൽ തോന്നുന്നത് വിളിച്ചു പറയാൻ ഒക്കുകില്ലല്ലോ... സാധാരണ എപ്പോളും നേഹ രുദ്രൻറെ അടുത്തു മിണ്ടിക്കൊണ്ട് ചെല്ലുന്നതാണ് എന്നാൽ ഈ വെട്ടം അവളതിന് മുതിർന്നില്ല.. അമ്മാതിരി അടി അല്ലായിരുന്നോ കവലയിൽ വെച്ചു.... അവൾ അകത്തേക്ക് കയറി പോയി എന്ന് ഉറപ്പായതും പാറു രുദ്രന്റെ അടുത്തേക്ക് ചെന്നു... അപ്പോഴും ഫോണിലേക്കു കമഴ്ന്നു കിടക്കുവാണ് അവൻ നിങ്ങൾ എന്ത് ഭാവിച്ചാ ഇങ്ങോട്ട് വന്നത്..... അവളുടെ പതുക്കെ ഉള്ള ശബ്ദം കേട്ടതും രുദ്രൻ തല ഉയർത്തി നോക്കി... മനസിലായില്ല... ( രുദ്രൻ സംശയത്തോടെ അവളെ നോക്കി ) ഇന്ന് കവലയിൽ  വെച്ചു ആ ശ്രീധരനെ നിങ്ങൾ എന്തിനാ തല്ലിയത്.... എനിക്ക് ഇവിടെ ജീവിക്കേണ്ടതാ.. ഇന്നല്ലങ്കിൽ നാളെ നിങ്ങൾ പോകും.. അത് കഴിഞ്ഞും ഞങ്ങൾക്ക് ഇവിടെ നിക്കണ്ടേ... കണ്ട തെരുവ് ഗുണ്ടകളെ പോലെ....... നിർത്തടി... നീ എങ്ങോട്ടേക്ക ഈ പറഞ്ഞ് പറഞ്ഞ് പോകുന്നത്.... രുദ്രൻ തെരുവ് ഗുണ്ട ആണെങ്കിൽ  ഇന്ദ്രൻ ആരാടി....... ഇന്ദ്രേട്ടൻ ഇങ്ങനേ കിടന്നു ആരെയും തല്ലിയട്ടില്ല.. അങ്ങേരുടെ കയ്യിൽ നിന്നും പലിശക്ക് വാങ്ങീട്ടു കൊടുക്കാതെ കള്ള് കുടിച്ചു നടക്കുന്നവരെ തല്ലിയട്ടുണ്ടാവും.. പക്ഷെ ഇന്ദ്രേട്ടൻ തല്ലുന്നതിൽ ഒരു ശെരി ഉണ്ടാവും... ഹോ.... രുദ്രൻ ഇരുന്നിടത്തു നിന്നും എണീറ്റു. .. കൈ രണ്ടും കൂട്ടി അടിച്ചു കൊണ്ട് അവളെ നോക്കി.. രുദ്രൻ തെരുവ് ഗുണ്ട ആയിട്ടുണ്ടങ്കിൽ അത് എന്റെ അനിയന് വേണ്ടിയാ അതിൽ എനിക്ക് സന്തോഷം മത്രേം ഉള്ള്... മോള് ചെല്ല്.... ചുമ്മാ ചെലച്ചോണ്ട് എന്റെ അടുത്തോട്ടു വരാതെ.. വരുന്നില്ല.. പക്ഷെ ഇവിടെ നിന്ന് എത്രയും വേഗം ഒന്ന് പോയി തന്നാൽ മതി... അത്രയും പറഞ്ഞവൾ അകത്തേക്ക് കയറി പോയി..... രുദ്രൻ ദേഷ്യത്തിൽ ബൈക്കിൽ കയറി വെളിയിലേക്ക് പോയി... 💜💜        അനൂപേട്ടാ.... രുദ്രൻ എന്തിനാ ഇവിടെ നിൽക്കുന്നെ..... ഇന്ന് തന്നെ കവലയിൽ കിടന്നു എന്തൊക്കെയാ കാട്ടി കൂട്ടിയത്.... അമ്മാവന്റെ കാര്യം ഞാൻ പറയാതെ തന്നെ അനൂപേട്ടന് അറിയാമല്ലോ... അയാൾ മറ്റുള്ളവരെ നശിപ്പിക്കാൻ ആയിട്ട് ഇറങ്ങിയിരിക്കുവാ... ആ അങ്ങേരുടെ വായിൽ പോയി കോലിട്ട് കുത്തിയിട്ടു പിന്നെ പറഞ്ഞിട്ട് കാര്യാമുണ്ടോ.... പാറു നീ രുദ്രനെ എന്തേലും പറഞ്ഞോ... ഫോണിൽ കൂടി അനൂപ് ചോദിച്ചു പോയി.. ദേഷ്യം വന്നപ്പോ പറഞ്ഞു പോയി അനൂപേട്ടാ..... പാറു നടന്നത് ഒക്കെ അനൂപിനോട് പറഞ്ഞു... എന്ത് പണിയാ പാറു നീ കാണിച്ചത്... രുദ്രൻ എന്തിനാ നിന്റെ അമ്മാവനെ തല്ലിയതെന്നു നിനക്ക് അറിയാമോ... പാറു ഒന്നും മിണ്ടി ഇല്ല.... പാറു  ഇന്നലെ രാത്രിയിൽ ശ്രീധരന്റെ ആളുകൾ നമ്മുടെ കട കത്തിച്ചു ചാമ്പൽ ആകുവാൻ വന്നു... ശ്രീജിത്ത്‌ അതിന് മുൻപ് ശ്രീധരൻ സംസാരിക്കുന്നത് കെട്ടു എന്നെ വിളിച്ചു അറിയിച്ചിട്ടുണ്ടായിരുന്നു..... അത് അറിഞ്ഞു രുദ്രനെ ഞാൻ വിളിച്ചു പറഞ്ഞു.... രുദ്രൻ അവിടെ എത്തിയത് കൊണ്ട്... ഒന്നും പറ്റിയില്ല.. എല്ലാവരെയും അടിച്ചു ഓടിക്കുവായിരുന്നു അവൻ........ . അവനില്ലായിരുന്നെങ്കിൽ നാട്ടുകാരുടെ മുന്നിൽ തല താഴ്ത്തി ഈ ഞാനും നിയും ഒക്കെ നിന്നേനെ മോളെ...... പാറു ഞെട്ടി പോയി.... ഇന്നലെ രാത്രിയിൽ അവനെ  വീടിന്റെ പുറത്ത് കിടത്തിയത് അവൾ ഓർത്തു... ഒരു തുള്ളി കണ്ണുനീർ ഒഴുകി ഇറങ്ങി....... ഇന്ന് രുദ്രനെ കണ്ട ശ്രീധരൻ പേടിച്ചു വിറച്ചു പോയി... ഇന്ദ്രൻ ആണെന്ന് കരുതി... ശ്രീധരന് ഇട്ട് രണ്ട്    പൊട്ടിച്ചത് കൊണ്ട് ഒരു തെറ്റും ഇല്ല...... രണ്ടെണ്ണം അവന് കിട്ടേണ്ടത് തന്നെ ആയിരുന്നു... ഇനി അവനെ നീ ഒന്നും പറയരുത് പാറു... അതിനവൾ ഒന്ന് മൂളി അപ്പോളും അവൾ രുദ്ര നെ പറ്റി ഓർക്കുകയായിരുന്നു... താൻ അത്രേ പറഞ്ഞിട്ടും എന്ത്‌ കൊണ്ട് രുദ്രൻ സത്യം പറഞ്ഞില്ല. 💜💜 നേഹയോട് ചെന്നു കാര്യങ്ങൾ പറയുമ്പോൾ അവളും പറഞ്ഞു.... രുദ്രന്റെ കയ്യിൽ നിന്ന് രണ്ട്  കിട്ടേണ്ടത് തന്നെ ആയിരുന്നു എന്ന്..... രാത്രിയിൽ അവൾ രുദ്രനെ നോക്കി ഇരുന്നു.... ഒരു സോറി പറയണം.. ഇല്ലങ്കിൽ തനിക്ക് ഉറക്കം വരില്ല.... അതുറപ്പാണ്...... സമയം കടന്ന് പോകുന്നതിനു അനുസരിച്ചു രുദ്രൻ  വരുന്ന ലക്ഷണം ഇല്ലന്ന് അവൾക്കു മനസിലായി..... ഇതേ സമയം രുദ്രൻ പാടത്തിന്റെ അരികിൽ ജീപ്പ് കൊണ്ട് ഇട്ട് അതിന്റെ മുകളിലേക്കു ചാടി കയറി ഇരുന്നു.... ഒരു കുപ്പി പൊട്ടിച്ചു വായിലേക്ക് കമഴ്ത്തി... ആകാശത്തേക്ക് നോക്കി..... അതിൽ ഒരു നക്ഷത്രം മിന്നുന്നതു കണ്ടതും അവന്റെ ചുണ്ടിൽ ചിരി വിടർന്നു.... തൽസ്ഥാനത്ത്... പാറുവിന്റെ ചിരിക്കുന്ന മുഖം തെളിഞ്ഞു വന്നു.... ഓ വന്നോ.... കണ്ണുകൾ മാടി അടഞ്ഞു കൊണ്ട് അവൻ ആകാശത്തേക്ക് നോക്കി .. ഡീ... ഡീ... എന്റെ അനിയന്റെ പെണ്ണ് ആയി പോയത് കൊണ്ടാ ഈ രുദ്രൻ ക്ഷമിച്ചത്  ഇന്നലെ... ഒന്ന് താണ് തന്നപ്പോ തലേ കയറി ഇരുന്നു നെരങ്ങുന്നോടി.... അഹങ്കാരി... ഉണ്ടക്കണ്ണി....... വീണ്ടുമവൻ കുപ്പി വായിലേക്ക് കമഴ്ത്തി. ഇന്നിനി അങ്ങോട്ട്‌ ഞാൻ വരുന്നില്ല... ഇന്നലെ സിറ്റ് ഔട്ടിൽ കിടത്തി.... ഇന്ന് നീ വേണേ മുറ്റത്ത് കിടത്തും എന്നെ... നിന്റെ മുന്നിൽ നാണം കെടാൻ എന്റെ പട്ടി വരും...ഞാൻ ഇവിടെ എവിടേലും കിടന്നോളാമെ..... അത് പറഞ്ഞവൻ ജീപ്പിലേക്ക് കയറി കിടന്നു...... ഇതേ സമയം അവൾ രുദ്രനെയും നോക്കി അങ്ങനെ ഇരുന്നു.... സമയം പത്തായി പതിനൊന്നു ആയി അവൻ വന്നില്ല... ഒടുക്കം കണ്ണിലേക്കു ഉറക്കം വന്നതും അവൾ നേഹയുടെ അടുത്തേക്ക് കയറി കിടന്നു.. #നോവൽ #📙 നോവൽ #📔 കഥ #🧟 പ്രേതകഥകൾ! #💞 പ്രണയകഥകൾ ( തുടരും....) പ്രതിലിപിയില്‍ എന്നെ ഫോളോ ചെയ്യൂ,59 part athil und https://malayalam.pratilipi.com/user/ആര്യ-✍️📚-u037j7u0i4?language=MALAYALAM&utm_source=android&utm_medium=my_profile_share ലിങ്ക് ഓപ്പൺ ആവാൻ WhatsAppilekku share cheyythu open cheyyuka.

ഹൃദയത്തിൽ സൂക്ഷിക്കാൻ പാർട്ട് -37 രുദ്രനെ പെട്ടെന്ന് അവിടെ കണ്ടതും അവളുടെ ദേഹം തളരുന്നത് പോലെ തോന്നി അവൾക്ക്.... കണ്ണുകൾ മാടി അടഞ്ഞു വന്നതും  വീഴുന്നതിനു മുൻപ് രുദ്രൻ അവളെ താങ്ങി പിടിച്ചിരുന്നു....        വൈഷ്ണവി... രുദ്രൻ അവളുടെ കവിളിൽ തട്ടി വിളിക്കുവാൻ തുടങ്ങി... വൈഷ്ണവി കണ്ണ് തുറക്ക്... രുദ്രൻ വിളിച്ചിട്ടും അവൾ കണ്ണ് തുറക്കുന്നുണ്ടായിരുന്നില്ല...രുദ്രൻ അവളെ പിടിച്ചു അടുക്കള വശത്തെ അരത്തിണ്ണയിലേക്ക് കിടത്തി....പാറുവിന്റെ കവിളിൽ തട്ടി വിളിച്ചിട്ട് കാര്യമില്ലന്ന് രുദ്രന് മനസിലായി.. അവളുടെ ശരീരം അത്രമേൽ തണുത്ത് ഇരിക്കുവാണ്.. അതിനർത്ഥം അവൾ ഏറെ നേരം ഷവറിന്റെ കീഴിത്തിൽ നിന്നിട്ടുണ്ട്.... രുദ്രൻ അവളുടെ കാൽ എടുത്ത് മടിയിൽ വെച്ചു തിരുമ്മി.... ഏറെ നേരം.. ചൂട് ശരീരത്തിലേക്കു ചെന്നതും അവൾ കണ്ണുകൾ ആയാസപ്പെട്ടു തുറന്നു.രുദ്രന്റെ മടിയിൽ തന്റെ കാൽ ഇരിക്കുന്നത് കണ്ടതും അവൾ കാലുകൾ വലിച്ചു മാറ്റി.....വേഗം എണീറ്റ്‌ നേരെ ഇരുന്നവൾ.... രുദ്രൻ അവളുടെ ഇരുപ്പ് നോക്കി ദേഷ്യത്തിൽ...    നിനക്ക് ഭ്രാന്ത് ആണോ വൈഷ്ണവി....രുദ്രൻ ചോദിക്കുമ്പോൾ അവൾ ഒന്നും മിണ്ടി ഇല്ല.... എന്തിനാടി ഇത്ര നേരം ആ ഷവറിന്റെ കീഴിൽ നിന്നത്..... അത് കൊണ്ട് അല്ലെ ഇങ്ങനേ ഒക്കെ.... നിന്നെ ചങ്ങലക്ക് ഇടുവാ വേണ്ടത്... അഹങ്കാരി..... രുദ്രൻ ഇരുന്നിടത്ത് നിന്നും എണീറ്റു.... പോയി ഡ്രെസ്സ് മാറടി... രുദ്രൻ അലറിയതും അവൾ പതിയെ എണീറ്റു മുറിയിലേക്ക് നടന്നു.... അവൾ പോകുന്നത് കണ്ടതും രുദ്രൻ നെറ്റിയിൽ കൈ കൊണ്ട് അടിച്ചു പോയി.... പോക്കറ്റിൽ നിന്നും ഫോൺ എടുത്ത് അനൂപിനെ വിളിച്ചവൻ രാവിലെ അനൂപിന്റെ വീട്ടിലേക്ക് ആണ് രുദ്രൻ പോയത്... ഇരട്ട സഹോദരൻ  ഉണ്ടെന്നു അറിയാം അനൂപിന്.. എന്നാൽ രുദ്രൻ ഇന്ദ്രന്റെ തനി പകർപ്പ് ആണെന്ന് അനൂപിന് അറിയില്ലായിരുന്നു.. കാഴ്ചയിലും ഭാവത്തിലും ഒരുപോലെ ഉള്ളവർ... രുദ്രനെ കണ്ട അനൂപ് കണ്ണുനിറച്ചു കൊണ്ട് ആണ് അവനോടു സംസാരിച്ചത് പോലും...    മറുവശത്ത് അനൂപ് ഫോൺ എടുത്തതും രുദ്രൻ സംസാരിച്ചു തുടങ്ങി.... അനൂപേ... വൈഷ്ണവിക്ക്  ഒരു കൗൺസിലിങ് അത്യാവശ്യം ആണ്... നിന്റെ അറിവിൽ ഏതേലും ഡോക്ടർ ഉണ്ടോ.... "എന്താ രുദ്ര.... എന്താ ഇപ്പൊ പെട്ടെന്ന്" ഡാ.. അവളുടെ അവസ്ഥ മോശം ആണ്.. ഓരോ  ദിവസം കൂടുമ്പോഴും അത് കൂടിക്കൊണ്ട് ഇരിക്കത്തതെ ഉള്ളൂ ഇങ്ങനെ പോയാൽ... എന്തെങ്കിലും ഒന്ന് ചെയ്തേ പറ്റു....രുദ്രൻ   കുറച്ചു മുൻപ് നടന്നതൊക്കെ അനൂപിനോട് പറഞ്ഞു... ഒരു ഡോക്ടർ ഉണ്ടന്നും ആളെ വിളിച്ചു നോക്കിയിട്ട് തിരികെ വിളിക്കാമെന്ന് പറഞ്ഞു അനൂപ് കാൾ കട്ട്‌ ആക്കി.... രുദ്രൻ മുറിയിലേക്ക് നടക്കുമ്പോൾ എതിരെ ഉള്ള  പാറുവിന്റെ റൂമിലേക്ക്‌ നോക്കി... ജനൽ അഴികളിൽ പിടിച്ചു പുറത്തേക്കു നോക്കി നിൽക്കുകയാണവൾ..... ഡ്രെസ്സ് മറ്റൊന്ന് എടുത്തിട്ടിട്ടുണ്ട്.             ആഹാരം കഴിക്കാൻ ഉള്ള സമയം കഴിഞ്ഞതും അവൾ അടുക്കളയിലേക്ക് നടന്നു... പ്ലേറ്റ് എടുത്തു അതിലേക്കു ചോറ് വിളമ്പിയതും രുദ്രനെ അവൾ ഓർത്തു.... രാവിലെ ചായ കൊടുത്തപ്പോൾ പോലും വേണ്ടാന്നു പറഞ്ഞവൻ ആണ് ആഹാരം കൊടുത്താൽ വാങ്ങുമോ എന്തോ... അവൾ എല്ലാം എടുത്തു ഡയനിംഗ് ടേബിളിൽ വെച്ചു....   മടിച്ചു മടിച്ചാണ് രുദ്രന്റെ മുറിയുടെ വാതിക്കൽ എത്തിയത്....... കതകിൽ തട്ടനായി കൈ ഉയർത്തിയതും അവൻ കതകു തുറന്നിരുന്നു.... രുദ്രൻ സംശയത്തോടെ നോക്കി അവളെ....   കഴിക്കാൻ എടുത്ത് വെച്ചിട്ടുണ്ട് വിളിക്കാൻ വന്നതാ..... അത്രമാത്രം പറഞ്ഞവൾ...തിരികെ ചെന്നവൾ തനിക്ക് വേണ്ടുന്നത് എടുത്ത് ചെയറിൽ ഇരുന്നു കഴിക്കാൻ തുടങ്ങി... മിഴികൾ ഉയർത്തി രുദ്രനെ നോക്കുമ്പോൾ അവൻ അവളെ നോക്കി നിൽക്കുക ആയിരുന്നു.... പിന്നീട് നടന്നു വരുന്നതും ആഹാരം എടുക്കുന്നതും കഴിക്കുന്നതും അവൾ അറിഞ്ഞു..... കഴിച്ച പ്ലേറ്റ് അവൻ തന്നെ കഴുകി വെച്ചു....   താങ്ക്സ്.. നാളെ മുതൽ എനിക്ക് വേണ്ടത് ഞാൻ തനിയെ ഉണ്ടാക്കിക്കോളാം... എനിക്ക് വേണ്ടി അത് ഉണ്ടാക്കി ബുദ്ധിമുട്ടേണ്ട...രുദ്രൻ അത്രമാത്രം പറഞ്ഞു അവളൊന്നും പറയാൻ പോയില്ല... അല്ലെ തന്നെ നേഹ ഉള്ളത്  കൊണ്ട് ആണ് ഇത്ര രുചിയിൽ ഫുഡ്‌ പോലും ആകുന്നത്.... തനിക്ക് വലുതായി അറിയില്ലെങ്കിലും ഇന്ദ്രൻ ഉള്ളപ്പോ ഓരോന്ന് പഠിപ്പിച്ചു തന്നിട്ടുണ്ട്... താനും നേഹയും കൂടി ആണ്  ആഹാരം വെക്കുന്നത്... രുദ്രന് ഒറ്റക്ക് വെക്കാൻ  ആണ് ഇഷ്ടം എങ്കിൽ ഉണ്ടാക്കിക്കോട്ടെ... വൈകിട്ടോടെ നേഹ എത്തി... ഇച്ചായൻ അവളെ കൊണ്ട് വിട്ടേച്ചു യാത്രയും പറഞ്ഞു ഇറങ്ങി.... രുദ്രനോടും സംസാരിച്ചിട്ടാണ് പോയത്...ഇച്ചായനെ മാറ്റി നിർത്തി രുദ്രൻ  കാര്യമായിട്ട് സംസാരിക്കുന്നുണ്ടായിരുന്നു.... എന്താണോ ഇതിനും വേണ്ടി സംസാരിക്കാൻ ഉള്ളത്. അങ്ങോട്ടേക്ക് നോക്കി നിന്ന് കൊണ്ട് അവൾ ഓർത്തു.തിരികെ രുദ്രൻ വരുമ്പോൾ രൂക്ഷമായി നോക്കി പേടിപ്പിക്കാനും അവൾ മറന്നില്ല.. അഹങ്കാരി. അവൻ പറഞ്ഞിട്ട് പോയത് വെക്തമായി അവൾ കേട്ടിട്ടും മിണ്ടാൻ പോയില്ല. 💜💜              പിറ്റേന്ന് കോളേജിൽ പോകുവാൻ കവലയിൽ എത്തിയപ്പോൾ ആണ് ശ്രീധരൻ വീണ്ടും മുന്നിൽ വന്നു നിന്നത്...... എതിർ സൈഡിയിൽ നിന്ന അനൂപ് അവർക്കടുത്തേക്ക് നടന്നു വന്നു.. ഒരു ഫോൺ കാൾ വന്നതും അനൂപ് അറ്റൻഡ് ചെയ്യ്തു ചെവിയോട് ചേർത്ത്... പറയ് രുദ്ര....( അനൂപ്) എന്നാൽ ശ്രീധരൻ കുറച്ചു കൂടി അവൾക്കടുത്തേക്ക് വന്നു...       ഡീ.... വന്നു വന്നു അമ്മയെ പോലെ തന്നെ ആയി അല്ലേടി....... അയാളിൽ നിന്നും കേൾക്കുന്ന വാക്ക് തല പെരുക്കുന്നത് പോലെ തോന്നി അവൾക്ക്.... ഞാൻ അറിഞ്ഞു... ഇപ്പൊ പുതിയ ആണുങ്ങൾ ഒക്കെ അവിടെ താമസം ആക്കിയെന്നു...ഏതവൻ ആടി...... അല്ല അമ്മയും ഇത് പോലെ ആണല്ലോ..... നിർത്തഡോ കുറെ ആയല്ലോ താൻ... തന്റെ സഹോദരി അല്ലെ അവർ.. അവരെ പറ്റി പറയാൻ തനിക്ക് നാണം ഉണ്ടോ......... നേഹ ചോദിക്കുമ്പോൾ അയാൾ പുച്ഛിച്ചു ചിരിച്ചു...      എന്തിന് നാണിക്കണം...ഇവളുടെ അമ്മ കാരണം നാണം കേട്ടു നടക്കുവാണ് ഞാൻ.... ഇതിൽ കൂടുതൽ എന്ത് വേണം.. ഇവളും   നാറണം... ഒരുത്തൻ ചത്ത് കെട്ടു മേലോട്ട് പോയതേ ഉള്ളൂ... അപ്പോഴേക്കും  വരത്തൻ മാർ വന്നു തുടങ്ങി.. ഡോ എന്റെ ഇച്ചായൻ തന്നെ പോലെ അല്ല ഉശിരുള്ള ആൺകുട്ടിയാ.... അത് കൊണ്ട് തന്റെ പുഴുത്ത നാവുകൊണ്ട് അങ്ങേരെ എന്ത് പറഞ്ഞാലും ഞങ്ങൾക്ക് കൊള്ളില്ല.... ഇച്ചായൻ ഇവളെ എങ്ങനെയാ കാണുന്നത് എന്ന് ഞങ്ങൾക്ക് അറിയാം അത് മതി....     അപ്പൊ പുതിയ ഒരുത്തൻ വന്നത് ആരാടി.. അല്ല മുറ്റത്ത് വണ്ടി ഒക്കെ കിടക്കുന്നത് കണ്ടു .. ആരാന്റെ വീട്ടിലോട്ടു കണ്ണും ചെവിയും കൂർപ്പിച്ചു വെച്ചു നടക്കുന്ന നിങ്ങളെ പോലെ ഉള്ളവന്മാർ കാരണം ഒരു പെണ്ണ് കേൾക്കാൻ പാടില്ലാത്തത് എല്ലാം കേൾക്കും.. പിന്നെ ഇവളെ പറ്റി അത്രക്ക് സ്നേഹം ഉണ്ടായിരുന്നെങ്കിൽ നിങ്ങൾ അന്ന് ഇവളെ ഇവളുടെ അമ്മയുടെയും രണ്ടാം ഭർത്താവിന്റെയും കൂടെ പറഞ്ഞ് വിടാൻ നോക്കില്ലായിരുന്നു.....     ഒരു ആണിനോട് മിണ്ടിയാൽ അപ്പൊ പറയും അവള് പിഴയാണെന്നു.. എന്ത് നാടാണോ... അല്ല നാട് അല്ല ശെരി അല്ലാത്തത്... തന്നെ പോലെ ഉള്ള ആളുകൾ  ആണ് ശെരി അല്ലാത്തത്. . സ്വന്തം  വീട്ടിലെ കാര്യം നോക്കാൻ സമയം ഇല്ല നാട്ടുകാരുടെ കാര്യത്തിൽ ഇടപെട്ടു നടക്കുവാ.... നെഹെ മതി..... പാറു പറഞ്ഞതും നേഹ നിർത്തി... ശ്രീധര...അമ്മാവൻ എന്നൊക്കെ വിളിക്കാൻ ആഗ്രഹം ഉണ്ടേലും നിങ്ങളെ അത് വിളിക്കാൻ എനിക്ക് തോന്നുന്നില്ല... എന്താണെന്നോ ഭാര്യ ഇരിക്കെ മറ്റൊരു സ്ത്രീയും ആയി ബന്ധം ഉണ്ടാക്കി അതിൽ രണ്ട് മക്കളെയും കൊടുത്ത് നാട് വിട്ട നാറി അല്ലെടോ താൻ... ഈ വെട്ടം നാട്ടുകാർ എല്ലാം മൂക്കത്തു വിരൽ വെച്ചു പോയി...... പാറു തന്നെ ആണോ ഇത് പറയുന്നത് എന്ന് ഓർത്തു....നേഹ ഞെട്ടി അടുത്തു നിൽക്കുന്നവളെ ഒന്ന് നോക്കി. ഇത്രയും ധൈര്യമോ ഇവൾക്ക്. ഡീ.... ശ്രീധരൻ അലറി.. അലറണ്ട..സത്യം വിളിച്ചു പറഞ്ഞപ്പോ തനിക്ക് പൊള്ളിയോ... ഏഹ്ഹ്.... വെറുതെ പോയ എന്നെ വിളിച്ചു നിർത്തി അഹങ്കാരം പറഞ്ഞിട്ടല്ലേ.... ഇനി എന്റെ മുന്നിൽ വന്നാൽ.... നിങ്ങളുടെ രണ്ടാം ഭാര്യയിലെ മകൻ നാളെ നിന്റെ ഉമ്മറത്തു വന്നു നിൽക്കും.. വന്നു നിർത്തും ഈ വൈഷ്ണവി.... അത് ഉണ്ടാക്കാൻ ഇട വരുത്തരുത് ... അത്രയും പറഞ്ഞു നേഹയുടെ കൈയും പിടിച്ചു മുന്നോട്ടു നോക്കുമ്പോൾ ആളുകൾ എല്ലാം അവളെ നോക്കുകയായിരുന്നു... ഈ കൊച്ച് പെണ്ണിന്റെ വായിൽ നിന്നു ആണോ ഇതൊക്കെ വന്നത്.. കലികാലം അല്ലാതെ എന്താ.. എന്റെ ശ്രീധര അതിന്റെ പിറകെ പോകാതെ ഇരിക്കുവാ നിനക്ക് നല്ലത്..എല്ലാ നഷ്ടങ്ങളും അനുഭവിച്ചു അതിന്റെ മനസ് ഇപ്പൊ കല്ലായി കാണും ... ആരോ അയാളോട് പറഞ്ഞതും നാണക്കേട് കൊണ്ട് ശ്രീധരന്റെ കണ്ണുകൾ. ചുമന്നു... അവന്റെ നോട്ടം   ഇന്ദ്രന്റെ പണയമിടപാട് സ്ഥാപനത്തിലേക്കു ആയിരുന്നു....... അയാളുടെ മനസ്സിൽ കുരുട്ടു ബുദ്ധി തെളിഞ്ഞു... നോട്ടം അനൂപിൽ ചെന്നു എത്തി... ഇവൻ അല്ലെ നിന്റെ ധൈര്യം..... അനൂപിനെ നോക്കുന്ന അയാളിൽ പുച്ഛ ചിരി വിടർന്നു...... 💜💜 ശ്രീധര ഇത് വേണോ..... വേണം.... അവിടം തീ ഇടണം... അതോടു കൂടി നാട്ടുകാർ ഇളകും......എല്ലാവരും അങ്ങോട്ട്‌ കൊണ്ട് പോയല്ലേ പണയം വെക്കുന്നത്...എല്ലാം കത്തി ചാമ്പൽ ആകണം.. മേടിച്ചവർ ആരാ കൊടുത്തവർ ആരാ എന്ന് അറിയാതെ അവൻ.. ആ അനൂപ് ഉരുകണം.. ഒടുവിൽ നാട്ടുകാരുടെ കടം തീർക്കാൻ അവൾ കിടക്കുന്ന കിടപ്പാടം വരെ ഇല്ലാതെ ആവണം..... ശ്രീധര.. നീ പറയുന്നത് ഒന്നും നടക്കില്ല... എന്ത് കൊണ്ട് നടക്കില്ല.. നടക്കും.... ആ അനൂപ് ഇല്ലേ... അവൻ ഇനി എണീറ്റു നടക്കാൻ പാടില്ല.... എന്നാൽ ഇതെല്ലാം മറഞ്ഞു നിന്നു ഒരുവൻ കേട്ടിരുന്നു.. ശ്രീജിത്ത്‌.... ഉടനെ തന്നെ ശ്രീജിത്ത്‌ അനൂപിനെ കാൾ ചെയ്യ്തു... കേട്ടകാര്യങ്ങൾ അനൂപിനെ ബോധിപ്പിച്ചു.... ശ്രീജിത്തിനെ സമാധാനിപ്പിച്ചു അനൂപ് ഫോൺ കട്ട്‌ ആക്കി... രാത്രി 12.10               ഒരു ടെമ്പോയിൽ ശ്രീധരന്റെ കൂട്ടളികൾ 3 പേര് അവിടെ എത്തി... വണ്ടിയിൽ എടുത്തു വെച്ചിരുന്ന പെട്രോൾ ക്യാൻ ഓരോന്നായി വെളിയിലേക്ക് ഇറക്കി വെച്ചു... ചുറ്റുമോന്നു നോക്കി അവർ മുന്നിലെക്ക് നടന്നു..പെട്ടെന്ന് പുറകിൽ വന്ന ഒരുവൻ തലയടിച്ചു തെറിച്ചു വീഴുന്നതാണ് മറ്റു രണ്ട് പേര് കാണുന്നത് ഞെട്ടി അവർ പിറകിലേക്ക് നോക്കി.... പേടിച്ചു ഉമിനീർ വറ്റി മുന്നിലേക്ക്‌ ഒന്ന് കൂടി നോക്കി...... ഇന്ദ്രൻ......... അവരുടെ ശരീരം പൂക്കുല പോലെ വിറക്കുവാൻ തുടങ്ങി..... പ്രേതം....... ഇന്ദ്രന്റെ പ്രേതം...... ഓടാൻ പാവിച്ചവന്മാരെ എടുത്ത് നിലത്തു അടിച്ചു കൊണ്ട് ആയിരുന്നു രുദ്രന്റെ താണ്ഡവം.. ശെരിക്കിനും കിട്ടി 3 നും.... പെട്രോൾ ക്യാൻ എടുത്ത് കൊണ്ട് വന്നവൻ 3 ന്റെയും ദേഹത്തു ഒഴിച്ചു..... അവർ അലറി കരയുവാൻ തുടങ്ങി... ഞങ്ങളെ ഒന്നും ചെയ്യല്ലേ ഇന്ദ്ര.......... ഇനി നീ ഒക്കെ കൂടി ഇങ്ങോട്ട് കാല് കുത്തിയാൽ വെട്ടി നുറുക്കി കളയും ഞാൻ..... ഇല്ലേ.. ഞങ്ങള് വരില്ല...... അവർ അലറി കരഞ്ഞു.... എണീറ്റു പോടാ എല്ലാം....... രുദ്രൻ പറഞ്ഞു തീർന്നതും മൂവരും എണീറ്റു ഓടിയിരുന്നു....... ശ്രീധരന്റെ വീട്ടുമുറ്റത് എത്തി അവർ അലറി വിളിച്ചു.... ഉറക്കം മുറിഞ്ഞ ക്ഷീണത്തിൽ ശ്രീധരൻ ഇറങ്ങി വന്നു... എന്താടാ.. എന്തിനാ നീ ഒക്കെ അലറി കൂവുന്നേ... കാര്യം കഴിഞ്ഞു കുറച്ചു നാൾ മാറി നിൽക്കാൻ അല്ലെ നിന്നോട് ഒക്കെ പറഞ്ഞത്... എന്നിട്ട് ഇങ്ങോട്ട് തന്നെ കെട്ടി എടുക്കണം ആയിരുന്നോ.... നീ ഒക്കെ എന്താടാ വെള്ളത്തിൽ മുങ്ങി നിൽക്കുന്നെ.. വെള്ളമല്ലടാ ശ്രീധര.. പെട്രോളിൽ മുങ്ങിയ ഞങ്ങൾ  നിൽക്കുന്നത്(ഒന്നാമൻ) എടാ ശ്രീധര നിന്റെ വാക്കും കെട്ടു ഞങ്ങൾ കേറി ചെന്നത് പ്രേതകോട്ടയിലേക്കാ..( രണ്ടാമൻ) പ്രേത കോട്ടയോ.. നിനക്ക് ഒക്കെ വെള്ളമടിച്ചു വെളിവും പോയോ... നീർത്തട.... അടി കിട്ടാൻ ഒരിടം ബാക്കി ഇല്ല.... അതറിയാമോ തനിക്ക്..... അവിടെ ഇന്ദ്രന്റെ പ്രേതം ഉണ്ടടോ.....(മൂന്നാമൻ) പ്രേതമോ.... അതും ഈ കാലത്ത്... നിനക്ക് ഒക്കെ ഭ്രാന്ത് ആണ്... ഭ്രാന്ത്‌ ആയേനെ.... പക്ഷെ രക്ഷപെട്ടു.. ഇനി നിന്റെ വാക്ക് കെട്ടു പ്രവർത്തിക്കാൻ ഞങ്ങൾ ഇല്ല.. അത്രയും. പറഞ്ഞ് അവർ അവിടെ നിന്നും. പോയി.. ഇവന്മാർ ഇത് എന്തൊക്കെ ആണ് പറഞ്ഞിട്ട് പോയത്... പ്രേതമോ... അതും ഇന്ദ്രന്റെ... മരത്തിന്റെ മോളിൽ ഇരുന്നു ഒരു കാലൻ കിളി കരഞ്ഞതും അയാളുടെ ഉള്ള് ഒന്ന് കാളി.... വേഗം തന്നെ അയാൾ വീട്ടിലേക്കു കയറി പോയി.. 💜💜 ഇതേ സമയം എല്ലാം കെട്ടു കൊണ്ട് നിന്ന ശ്രീജിത്തിന് സംശയം ആയി തുടങ്ങി.... ഇവർ എന്താണ് വിളിച്ചു കൂവിയിട്ട് പോയത്.. മരിച്ചു പോയ ഇന്ദ്രേട്ടനെ കണ്ടന്നോ.... വിശ്വസിക്കുവാൻ കഴിയുന്നില്ല... എന്തോ ഇതിനിടയിൽ നടന്നിട്ടുണ്ട്... അല്ലാതെ എന്ത്.... അനൂപ് ഏട്ടൻ അവന്മാർക്ക് ഇട്ട് വെച്ച പണി എന്തോ ആണ്... എന്തായാലും കടയ്ക്കു ഒന്നും പറ്റി ഇല്ലല്ലോ അത് തന്നെ ഭാഗ്യം.. അത്രയും ചിന്തിച്ചു അവൻ കിടക്കാനായി പോയി... ഇതേ സമയം ആ നാല് കെട്ടു വീടിന്റെ മുന്നിൽ ഒരുവൻ നിൽപ്പുണ്ടായിരുന്നു... ഒരു കൈ പിറകിലേക്ക് മടക്കി വെച്ചു.. മറു കയ്യിൽ കള്ളോരണം വായിലേക്ക് ഒഴിച്ച് കൊണ്ട്... അവന്മാരുടെ ടെമ്പോയിൽ നിന്നും കിട്ടിയതാണ് അവന് ആ കള്ള്...രുദ്രന്റെ ചുണ്ടിൽ ക്രൂരമായ ചിരി വിടർന്നു.... നിനക്ക് ഉള്ള കൗൺഡോൺ തുടങ്ങി ശ്രീധര ( തുടരും ) ആദ്യം തന്നെ പറയട്ടെ പ്രതിലിപിയിൽ ഇതിന്റെ 59 പാർട്ട് ഉണ്ട്. ലിങ്ക് കൊടുക്കുന്നുണ്ട് പറ്റുന്നവർ കയറി വായിക്കൂട്ടോ. പ്രതിലിപിയില്‍ എന്നെ ഫോളോ ചെയ്യൂ, https://malayalam.pratilipi.com/user/ആര്യ-✍️📚-u037j7u0i4?language=MALAYALAM&utm_source=android&utm_medium=my_profile_share ലിങ്ക് വാട്സ്ആപ്പ് ഷെയർ ചെയ്യുക ഓപ്പൺ ആയില്ലങ്കിൽ #🧟 പ്രേതകഥകൾ! #💞 പ്രണയകഥകൾ #📔 കഥ #📙 നോവൽ #നോവൽ

💜പുനർവിവാഹം 💜 പാർട്ട്‌ -4 https://hridayathilsookshikkannovels.blogspot.com/2025/12/punarvivaham-4.html ലിങ്കിൽ കയറി വായിക്കു പറ്റുന്നവർ പ്രതിലിപി ഫോളോ ചെയ്യണേ അതിൽ ഇത് വരെ എഴുതിയ എല്ലാ സ്റ്റോറിയും ഉണ്ട്. https://pratilipi.app.link/sxrbflRO5Yb #💞 പ്രണയകഥകൾ #📔 കഥ #📙 നോവൽ #നോവൽ

💜ഹൃദയത്തിൽ സൂക്ഷിക്കാൻ 💜 പാർട്ട്‌ -36 https://share.google/sGWZ1NEZbsWbUqfFG പോസ്റ്റിയട്ടുണ്ട്. അത് പോലെ പുനർവിവാഹം 4 പോസ്റ്റിയട്ടുണ്ട്. #നോവൽ #📙 നോവൽ #📔 കഥ #💞 പ്രണയകഥകൾ #🧟 പ്രേതകഥകൾ!

💜ഹൃദയത്തിൽ സൂക്ഷിക്കാൻ 💜 പാർട്ട്‌ -5 ലിങ്ക് 👇 വായിച്ചിട്ടില്ലാത്തവർ കയറി വായിച്ചോളൂ https://hridayathilsookshikkannovels.blogspot.com/2025/12/5.html ഇഷ്ടായാൽ plz support 💜 #🧟 പ്രേതകഥകൾ! #💞 പ്രണയകഥകൾ #📔 കഥ #📙 നോവൽ #നോവൽ Prathilipi yil pattunnavar follow cheyyan marakkalle 👇👇 https://pratilipi.app.link/sxrbflRO5Yb

ഹൃദയത്തിൽ സൂക്ഷിക്കാൻ പാർട്ട്‌ -4 നാലാം ഭാഗം വായിച്ചിട്ടില്ലാത്തവർ കയറി വായിക്കു കേട്ടോ. #നോവൽ #📙 നോവൽ #📔 കഥ #💞 പ്രണയകഥകൾ #🧟 പ്രേതകഥകൾ! https://hridayathilsookshikkannovels.blogspot.com/2025/12/4.html ലിങ്കിൽ ക്ലിക്ക് ചെയ്യതാൽ മതി.