*దానియేలు 11:32 “దేవుని నెరుగువారు బలముకలిగి గొప్ప కార్యములు చేసెదరు.”* ప్రియులారా, దేవుని గురించి కేవలం వినడం మాత్రమే కాదు, ఆయన ఎవరో నిజంగా తెలుసుకున్నవారు బలమును పొందుతారు. దేవుడు సర్వశక్తిమంతుడు, మహోన్నతుడు, కృపగల తండ్రి అని మనం గ్రహించినప్పుడు దేవుని మహిమను పొందుతాము. ✨ దేవుని మహిమను కలిగినవాడు పరిస్థితులను చూసి భయపడరు. ఎందుకంటే వారికి తోడైయున్న దేవుడు ఎంత గొప్పవాడో వారికి తెలుసు. అందుకే దావీదు గొల్యాతును ఎదుర్కొన్నాడు, దానియేలు సింహాల గుహలోనూ నిలిచాడు, అపొస్తలులు సువార్త కోసం ధైర్యంగా సేవ చేశారు. 💪 అలాగే మనం కూడా దేవుడు ఏమైయున్నాడో నిజంగా తెలుసుకుంటే మన విశ్వాసం బలపడుతుంది. అప్పుడు దేవుడు మన ద్వారా గొప్ప కార్యములు చేయగలడు. కాబట్టి దేవుని వాక్యమును ధ్యానిస్తూ, వాక్యనుసారముగా నడుస్తూ లోతైన ఆత్మీయ జీవితమును కల్గియుండుట వలన ఆయనను మరింతగా తెలుసుకుందాం. అప్పుడు మన జీవితములో కూడా దేవుని బలము కలిగి గొప్ప కార్యములు జరుగుతాయి. 🙏✨ http://youtube.com/post/UgkxQ5o64QwCdrYUtkDqU81OyIL2mMRo6a5b?si=2UxeIKgJB7FmKt26 #✝జీసస్ #🙆 Feel Good Status #💪పాజిటీవ్ స్టోరీస్ #🌅శుభోదయం #😇My Status *Plz Subscribe, Share, Like and Comment*

యెషయా 48:17 “నీవు నడవవలసిన త్రోవను నిన్ను నడిపించుదును.” ప్రియులారా, మనుష్యులమైన మనం చాలాసార్లు మనకు సరైనదే అనిపించిన దారిలో నడుస్తూ ఉంటాం. కానీ ఆ దారి ఎక్కడికి తీసుకెళ్తుందో మనకు పూర్తిగా తెలియదు. కొన్నిసార్లు ప్రమాదానికి, అపజయానికి లేదా పెద్ద ఆగాధానికి కూడా తీసుకెళ్లవచ్చు. అది మన బుద్ధికి మరియు ఆలోచనకు పరిమితమైనది కాబట్టి ప్రతి దారిని మనం సరిగ్గా అంచనా వేయలేము. అయితే దేవుడు మన జీవితానికి మార్గనిర్దేశకుడు. మన ఆరాధ్యుడైన యేసు ప్రభువు మనలను నడిపించినప్పుడు మనకు ఏ అపాయం దగ్గరకురాదు. ఆయన చూపించే దారి ఆశీర్వాదములతో నిండినదిగా ఉంటుంది. ఆ మార్గం పచ్చిక బయళ్లకు, జీవజలాల ఊటలకు, సమాధానానికి మరియు విజయాలకు తీసుకెళ్తుంది. కాబట్టి మన జీవితంలో మన ఇష్టానుసారం కాకుండా దేవుని మార్గదర్శకత్వాన్ని కోరుకోవాలి. దేవుని వాక్యాన్ని అనుసరించి, ప్రార్థనలో ఆయనను అడిగినప్పుడు ఆయన మనలను సరైన దారిలో నడిపిస్తాడు. దేవుడు నడిపించే మార్గం ఎప్పుడూ సురక్షితమైనది మరియు ఆశీర్వాదకరమైనది. ✨🙏 http://youtube.com/post/UgkxOqkVYTcH7fUZf6VD5oV9lhmM598zC4lQ?si=IDzfss6aeRADfB2U #✝జీసస్ #🙆 Feel Good Status #💪పాజిటీవ్ స్టోరీస్ #🌅శుభోదయం #😇My Status *Plz Subscribe, Share, Like and Comment*

*కీర్తనలు 18:16 “ఉన్నతస్థలమునుండి చెయ్యి చాపి ఆయన నన్ను పట్టుకొనెను.”* ప్రియులారా, దేవుడు ఉన్నతస్థలాలలో మహిమతో ఉన్నా, మనిషి కష్టాలలో ఉన్నప్పుడు ఆయన దూరంగా ఉండడు. ఆకాశ మహాకాశాలలో ఉన్న దేవుడు తన చేయి చాపి భూమిపై ఉన్న మనుష్యులను పట్టుకొని పైకి లేపుతాడు. మన జీవితంలో కొన్ని సందర్భాలలో సమస్యలు సముద్రపు లోతులవలె ఉంటాయి. బాధలు, నిరాశలు, అపజయాలు మనలను లోతులలోకి లాగుతాయి. అప్పుడు మనుషులు సహాయం చేయలేని పరిస్థితి వస్తుంది. కానీ దేవుడు మాత్రం తన చేయి చాపి మనలను పట్టుకొని రక్షిస్తాడు. దేవుని చేయి చాలా శక్తివంతమైనది. అదే చేయి పేతురు మునిగిపోతుండగా పట్టుకుంది; అదే చేయి ఇశ్రాయేలీయులను ఐగుప్తు బంధకమునుండి విడిపించింది. కాబట్టి మనం ఎంత లోతైన సమస్యలో ఉన్నా భయపడవలసిన అవసరం లేదు. దేవుడు ఉన్నతస్థలమునుండి తన చేయి చాపి మనలను పట్టుకొని పైకి లేపే రక్షకుడని నమ్మాలి. మనము లోతైన సమస్యలో ఉన్న, ఉన్నతస్థలమునుండి దేవుడు తన చేయి చాపి మనలను పట్టుకొని రక్షించే కృపామయుడైన తండ్రి. 🙏 http://youtube.com/post/UgkxKJvtajsPAY_e9gFXaT3tWNgbYucNaZTB?si=T3putwc6R3eNbo1q #🙆 Feel Good Status #😇My Status #💪పాజిటీవ్ స్టోరీస్ #🌅శుభోదయం #✝జీసస్ *Plz Subscribe, Share, Like and Comment*

లూకా 6:37-38 “క్షమించుడి, అప్పుడు మీరు క్షమింపబడుదురు.” ప్రియులారా, క్షమించుట అనేది దేవుని పిల్లల యొక్క గొప్ప లక్షణం. మనుష్యులకు కోపపడటం, ద్వేషించటం సులభం. వారు క్షమించలేరు. క్షమించినప్పుడు హుందాతనం బయటపడుతుంది. క్షమించుటలో యేసు ప్రభువే మనకు గొప్ప మాదిరి. సిలువ మీద బాధపడుతూ కూడా ఆయన “తండ్రి, వీరు ఏమి చేయుచున్నారో వారికి తెలియదు; వీరిని క్షమించుము” అని ప్రార్థించాడు. 1. మనం ఇతరులను క్షమించినప్పుడు దేవుడు కూడా మన తప్పులను క్షమిస్తాడు. 2. ద్వేషం, కోపం మనసును భారంగా చేస్తాయి. క్షమించినప్పుడు మనసుకు శాంతి వస్తుంది. 3. క్షమించుట వల్ల విరిగిపోయిన సంబంధాలు మళ్లీ కలుస్తాయి. 4. క్షమించుట ద్వారా మనం క్రీస్తు స్వభావాన్ని ప్రతిబింబిస్తాము. కాబట్టి ప్రియులారా, మనకు ఎవరి మీదైనా బాధ, కోపం ఉంటే వారిని క్షమిద్దాం. క్షమించుట ద్వారా మన జీవితం ఆశీర్వాదముగా మారుతుంది. క్షమించుట బలహీనత కాదు; అది ఆత్మీయ బలం. కాబట్టి యేసు మాదిరిగా మనం కూడా క్షమించే హృదయం కలిగి జీవిద్దాం. http://youtube.com/post/Ugkx7jK23Lxv0igKziShE6cA-vjcFLDMLdPr?si=Mb4tzgnSjTGkx5Er #🙆 Feel Good Status #🌅శుభోదయం #😇My Status #💪పాజిటీవ్ స్టోరీస్ #✝జీసస్ *Plz Subscribe, Share, Like and Comment*

*కీర్తనలు 37:3 “యెహోవాయందు నమ్మికయుంచి మేలుచేయుము దేశమందు నివసించి సత్యము ననుసరించుము.”* ప్రియులారా, ఈ వాక్యము మన క్రైస్తవ జీవితం యొక్క మూల సూత్రాన్ని తెలియజేస్తుంది. దేవునిపై నమ్మకం ఉంచడం మాత్రమే కాదు, ఆ నమ్మకాన్ని మన కార్యాలలో చూపించమని ఈ వాక్యం మనలను ప్రోత్సహిస్తోంది. 1. యెహోవాయందు నమ్మికయుంచి, మన పరిస్థితులు ఎలా ఉన్నా, మనుషులు ఎలా ప్రవర్తించినా, మన విశ్వాసం దేవునిమీద ఉండాలి. నమ్మకం అనేది భయం మధ్య ధైర్యంగా నిలబడటం. దేవుడు మన పక్షమున ఉన్నాడనే ధృఢ విశ్వాసం. 2. మేలుచేయడం. నమ్మకం మాటల్లో కాదు, మన క్రియల్లో కనిపించాలి. మనకు చెడు చేసినవారికైనా మేలుచేయడం దేవుని స్వభావం. మన చేతుల ద్వారా దేవుని ప్రేమ బయటపడాలి. 3. సత్యము క్రీస్తే. మనం నిజాయితీగా, నీతిగా, సత్యమార్గంలో నడవడం ద్వారా ఆశీర్వాదముగా పొందుతాం. ప్రియులారా, దేవునిపై నమ్మకం ఉంచి సత్యమార్గంలో నడిచినప్పుడు దేవుడు మనలను స్థిరపరుస్తాడు. మన జీవితం సాక్ష్యంగా నిలుస్తుంది. నమ్మకం + మేలు + సత్యం = స్థిరమైన ఆశీర్వాద జీవితం. ఆమేన్. http://youtube.com/post/UgkxiJG7GrLs-e816p-8mSv_1hJAPVPXyIE-?si=j5LSXcaqUKUdf6vb #🙆 Feel Good Status #💪పాజిటీవ్ స్టోరీస్ #🌅శుభోదయం #😇My Status #✝జీసస్ *Plz Subscribe, Share, Like and Comment*

*1 కోరింథీయులకు 3:17 “దేవుని ఆలయము పరిశుద్ధమైయున్నది; మీరు ఆ ఆలయమైయున్నారు.”* ప్రియులారా, సర్వోన్నతుడైన దేవుడు ఆకాశములు, భూమిని సృష్టించిన మహిమగలవాడు. అలాంటి మహాదేవుడు రాళ్లతో కట్టిన గుడిలో కాదు, మానవ హృదయంలో నివసించుటకు ఇష్టపడుతున్నాడు అనేది ఎంతో గొప్ప విషయం! మన హృదయమును తాను నివసించే ఆలయముగా చేసుకోవడం దేవుని ప్రేమకు, కృపకు గొప్ప నిదర్శనం. “మీరు నా ఆలయము.” అనగా పరిశుద్ధ స్థలం. అక్కడ అపవిత్రతకు, కల్మషానికి స్థానం ఉండదు. అదే విధంగా మన హృదయం కూడా పరిశుద్ధంగా ఉండాలి. మన ఆలోచనలు, మాటలు, క్రియలు దేవునికి ఇష్టమైనవిగా ఉండాలి. *మనము దేవుని ఆలయమైతే* 🕊మన జీవితం పవిత్రంగా ఉండాలి. 🪾పాపమునకు తావు ఇవ్వకూడదు. ❤️ప్రేమ, క్షమ, వినయం మనలో కనిపించాలి. దేవుడు మనలో నివసిస్తున్నాడని గుర్తుంచుకున్నప్పుడు, ప్రతి రోజు జాగ్రత్తగా జీవిస్తాము. మన హృదయాన్ని పరిశుద్ధంగా కాపాడుకుందాం. ఎందుకంటే అది సాధారణ స్థలం కాదు. సర్వోన్నతుడైన దేవుడు నివసించే ఆలయం. ఆమేన్. http://youtube.com/post/Ugkx-WOaOuNwRtfO7g-bYYH140MywBG-754k?si=GJRflslVA50bIsSn #🙆 Feel Good Status #😇My Status #💪పాజిటీవ్ స్టోరీస్ #🌅శుభోదయం #✝జీసస్ *Plz Subscribe, Share, Like and Comment*

*కీర్తనలు 91:9 “నీవు మహోన్నతుడైన దేవుని నీకు నివాసస్థలముగా చేసికొనియున్నావు.”* ప్రియులారా, నివాసస్థలం అంటే మనకు భద్రత, విశ్రాంతి, రక్షణ కలిగించే స్థలం. రోజంతా శ్రమించిన తరువాత మనం ఇంటికి వచ్చి విశ్రాంతి తీసుకుంటాము. అదే విధంగా, మన ఆత్మకు నిజమైన నివాసస్థలం మహోన్నతుడైన దేవుడే. 1. దేవునిలో నివసించడం అంటే విశ్వాసంతో జీవించడం. మన పరిస్థితులు ఎలా ఉన్నా, దేవుడే మన ఆశ్రయం అని నమ్మడం. కష్టకాలంలో ఆయనను ఆశ్రయించడం, సుఖంలో ఆయనకు కృతజ్ఞత చెప్పడం. 2. దేవుడు మనకు రక్షణకోట. కీర్తన 91లో దేవుని నివాసస్థలముగా చేసుకున్నవారికి ఏ కీడు రాకుండ. శత్రువుల నుండి ఆయన కాపాడుతాడు. 3. దేవునిలో నెమ్మది మరియు ధైర్యం లోకం భయాలు ఎన్నినున్న, దేవునిలో నివసించేవారికి నెమ్మది, సమాధానం ఉంటుంది. ఎందుకంటే వారి భవిష్యత్తు దేవుని చేతుల్లో ఉంది. మనము ఎలా నివసిస్తున్నాము? లోక ఆశలలోనా? లేక దేవుని సన్నిధిలోనా? మహోన్నతుడైన దేవుని మన నివాసస్థలముగా చేసుకుంటే, మన జీవితం రక్షణతో, శాంతితో, ఆశీర్వాదంతో నిండిపోతుంది. ఈ రోజు నుండే దేవుని మన నివాసస్థలముగా చేసుకుందాం. http://youtube.com/post/Ugkx7PsYAR18fdR37nfSmIC-Y3aj5FOEApZ9?si=GJKBZNFF4lYR8PzV #🙆 Feel Good Status #🌅శుభోదయం #😇My Status #💪పాజిటీవ్ స్టోరీస్ #✝జీసస్

*ద్వితి 28:11 “యెహోవా నీకు సమృద్ధిగా మేలు కలుగజేయును…”* ప్రియులారా, ఈ మార్చి నెల – సమృద్ధి నెల. దేవుడు “నీకు సమృద్ధిగా మేలు కలుగజేయును” అని వాగ్ధానం చేస్తున్నాడు. ఈ నెలలో దేవుడు మన ప్రతి ఒక్కరి జీవితంలో మూడు విధాలుగా సమృద్ధిని ఇవ్వబోతున్నాడు. 🔥ఆత్మీయ సమృద్ధి – మన హృదయాల్లో శాంతి, ఆనందం, దేవునికి సమీపం పెరుగును. ఎండిన ఆత్మకు వసంత కాలంలా పునరుద్ధరణ కలుగును. 🏠కుటుంబ సమృద్ధి – ఇంటిలో కలహాల స్థానంలో కలిసికట్టుగా ఉండే కృప, ఆరోగ్యం, ఐక్యత అనుగ్రహించునుగాక! 💫ఆర్థిక మరియు కార్యసమృద్ధి. సాధించలేని పనులు ప్రారంభించబడును. ఆశించిన అవకాశాలు తలుపు తట్టును. కష్టపడి చేసిన శ్రమకు ఫలితం కనబడును. “సమృద్ధి” అంటే పరిమితి లేకుండా, కొలతలేనంతగా. దేవుడు తన కృపతో ఆశీర్వదిస్తాడు. మనం ఆయన మాట విని నడిచినప్పుడు, ఆశీర్వాదం మన వెంటపడుతుంది. ఈ నెలను విశ్వాసంతో ప్రకటించండి: “ప్రభువా, నీ వాగ్దానము ప్రకారం నా జీవితంలో సమృద్ధిగా మేలు జరుగును! ” సమృద్ధి మేలు నా ఇంటిని నింపుగాక! ఆమేన్. http://youtube.com/post/Ugkx4R9oAHnxa48zLX6aUdSLJScmuK2Z4lw5?si=fFqXRC7uJwgovh2D #🙆 Feel Good Status #💪పాజిటీవ్ స్టోరీస్ #🌅శుభోదయం #😇My Status #✝జీసస్ *Plz Subscribe, Share, Like and Comment*

*కీర్తనలు 86:17 “నా పగవారు చూచి సిగ్గుపడునట్లు శుభకరమైన ఆనవాలు నాకు కనుపరచుము.”* ప్రియులారా, ఇది దావీదు తన శత్రువుల మీద ప్రతీకారం కోరలేదు; దేవుడు తన పక్షాన ఉన్నాడని చూపించమని మాత్రమే వేడుకున్నాడు. “ప్రభువా, నీవు నాతో ఉన్నావని ఒక శుభసూచకమైన గుర్తు చూపుము” అని మొఱపెట్టాడు. మన జీవితములో కూడా ప్రతిబంధకాలు, అడ్డంకులు, అపనిందలు, పగవారి కుట్రలు ఎదురవుతాయి. కాని మన దేవుడు మన పక్షాన నిలబడి యుద్ధం చేస్తే విజయం మనముందు మోకరిల్లుతుంది. ఎందుకంటే ఆయన సర్వశక్తిమంతుడు. దేవుడు ఇచ్చే “శుభకరమైన ఆనవాలు” అంటే సమస్య మధ్యలో సమాధానం, బాధ మధ్యలో ఆదరణ, యుద్ధమందు విజయం. ఆ విజయాన్ని చూసి మన పగవారు సిగ్గుపడుతారు; ఎందుకంటే వారు చేసిన కుట్రలు ఫలించవు. కాబట్టి విశ్వాసంతో ప్రార్థించండి. దేవుడు మన పక్షాన ఉన్నాడనే శుభసూచకమైన ఆనవాలు ఆయన తప్పక కనుపరచును. ఆమెన్🙏 http://youtube.com/post/Ugkx4EsieN9saltWGq25X98dtsB02mYXa7YF?si=PH1qVSTdIr1QmFBY #🙆 Feel Good Status #😇My Status #💪పాజిటీవ్ స్టోరీస్ #🌅శుభోదయం #✝జీసస్ *Plz Subscribe, Share, Like and Comment*

*కీర్తనలు 68:19 “అనుదినము ఆయన మా భారము భరించుచున్నాడు; దేవుడే మాకు రక్షణకర్తయై యున్నాడు.”* ప్రియులారా, మన జీవితంలో కుటుంబ బాధ్యతలు, ఆర్థిక కష్టాలు, ఆరోగ్య సమస్యలు, ఆత్మీయ పోరాటాలుంటాయి. ఈ లోకంలో ఎవ్వరూ మన భారమం మోయలేరు. కన్న తల్లిదండ్రులు కూడా ఒక పరిమితి వరకు మాత్రమే తోడుంటారు. దేవుడు ఒక్కడే మన భారము భరించువాడు.” ప్రతి రోజు, ప్రతి క్షణం. మనం నిద్రపోయినప్పుడు కూడా మన విషయమై శ్రద్ధ పెట్టుచున్నాడు. “నీ భారమును యెహోవా మీద వేయుము” (కీర్తనలు 55:22). ఆయన శక్తివంతుడు, “దేవుడే రక్షణకర్తయై యున్నాడు.” కాబట్టి ప్రియులారా, మీ హృదయంలో ఏ భారాన్ని, ఆందోళన, భయం, అప్పులు, బాధ, అపజయములన్నిటిని ఆయన పాదాల వద్ద ఉంచండి. మనుషులు అలసిపోతారు, కానీ దేవుడు ఎప్పుడూ అలసిపోడు. మనుషులు మరచిపోతారు, కానీ దేవుడు మరచిపోడు. మనుషులు పరిమితులు కలవారు, కానీ దేవుడు అపరిమితుడు. అనుదినము మన భారమును భరించువాడైన దేవునికి స్తోత్రము! ఆయనపై విశ్వాసముంచి నడిస్తే, మన జీవితం భారంగా కాక ఆశీర్వాదముగా మారును. ఆమేన్. http://youtube.com/post/UgkxJ2HgWloyFcsJGnJ--_sLgO7Qtd6GuRu5?si=4EIwUtw55WsZmWI_ #🙆 Feel Good Status #💪పాజిటీవ్ స్టోరీస్ #😇My Status #🌅శుభోదయం #✝జీసస్ *Plz Subscribe, Share, Like and Comment*