ପ୍ରତ୍ୟେକ ମାତାପିତା ନିଜ ପିଲାମାନଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ଚିନ୍ତିତ। ମାତାପିତାମାନେ ସେମାନଙ୍କ ପିଲାମାନଙ୍କ ଶିକ୍ଷାଠାରୁ ଆରମ୍ଭ କରି ସେମାନଙ୍କ ସ୍ବାସ୍ଥ୍ୟ ପର୍ଯ୍ୟନ୍ତ ସବୁକିଛି ବିଷୟରେ ସର୍ବଦା ଚିନ୍ତିତ ଥାଆନ୍ତି। ଏହି ଚିନ୍ତାଗୁଡ଼ିକୁ ଦୂର କରିବା ପାଇଁ, କେନ୍ଦ୍ର ଏବଂ ରାଜ୍ୟ ସରକାର ମିଳିତ ଭାବରେ ବିଭିନ୍ନ ଯୋଜନା ଚଳାନ୍ତି। ଏହି ଯୋଜନାଗୁଡିକ ମଧ୍ୟରେ ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା (PMMVY) ଅନ୍ୟତମ। ଏହା ଝିଅମାନଙ୍କ ଏବଂ ସେମାନଙ୍କ ମା’ମାନଙ୍କୁ ସମର୍ଥନ କରିବା ପାଇଁ ଆରମ୍ଭ ହୋଇଥିବା ଏକ କଲ୍ୟାଣକାରୀ ପଦକ୍ଷେପ। PMMVY ଯୋଜନା ଅଧୀନରେ, ସରକାର ଗର୍ଭବତୀ ମହିଳାଙ୍କୁ ୫,୦୦୦ ପ୍ରଦାନ କରନ୍ତି। ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା ହେଉଛି ଗର୍ଭବତୀ ମହିଳା ଏବଂ ସ୍ତନ୍ୟପାନକାରୀ ମା’ମାନଙ୍କର ସ୍ବାସ୍ଥ୍ୟ ଏବଂ ପୁଷ୍ଟିସାର ଆବଶ୍ୟକତା ପୂରଣ କରିବା ପାଇଁ ଡିଜାଇନ କରାଯାଇଥିବା ଏକ କେନ୍ଦ୍ର ସରକାରଙ୍କ ଯୋଜନା। #🤰ଗର୍ଭବତୀଙ୍କୁ ମିଳିବ ୫୦୦୦ ଟଙ୍କା💵

ମେସେଜିଂ ଆପ୍ସ ସମ୍ପର୍କରେ ଏକ ବଡ଼ ପରିବର୍ତ୍ତନ ମାର୍ଚ୍ଚ ୧ ତାରିଖରୁ କାର୍ଯ୍ୟକାରୀ ହୋଇପାରେ। ନୂତନ ସିମ ବାଇଣ୍ଡିଂ ନିୟମ ଅନୁଯାୟୀ, ହ୍ବାଟ୍ସଆପ, ଟେଲିଗ୍ରାମ କିମ୍ବା ସିଗନାଲ ଭଳି ଆପ୍ସ ଆପଣଙ୍କର ସକ୍ରିୟ ସିମ କାର୍ଡ ସହିତ ଲିଙ୍କ ହୋଇ ରହିବ। ଏହାର ଅର୍ଥ ହେଉଛି ଯଦି ଫୋନରେ ସିମ କାଢ଼ି ଦିଆଯାଏ କିମ୍ବା ନିଷ୍କ୍ରିୟ ହୋଇଯାଏ, ତେବେ ଏହି ଆପ୍ସ କାମ କରିବା ବନ୍ଦ କରିଦେଇପାରେ। ସରକାରଙ୍କ ଲକ୍ଷ୍ୟ ହେଉଛି ଡିଜିଟାଲ ଠକେଇକୁ ରୋକିବା। ସାମ୍ପ୍ରତିକ ବର୍ଷଗୁଡ଼ିକରେ, ସିମ ସ୍ବାପ ଏବଂ ନକଲି ପଞ୍ଜିକରଣ ମାଧ୍ୟମରେ ଠକେଇ ବୃଦ୍ଧି ପାଇଛି। ତେଣୁ, ସକ୍ରିୟ ସିମ ବିନା ମେସେଜିଂ ଆପ୍ସ ବ୍ୟବହାର କରିବା ବହୁତ କଷ୍ଟକର ହୋଇପାରେ। #🛑ମାର୍ଚ୍ଚ ପହିଲାରୁ ଚାଲିବନି ହ୍ବାଟ୍ସଆପ୍🟢

ଶିବ ମନ୍ଦିରରେ ଶ୍ରଦ୍ଧାଳୁ ସାଧାରଣତଃ ଜଳାଭିଷେକ କିମ୍ବା କ୍ଷୀର ଅଭିଷେକ କରନ୍ତି । ଏହାସହ କିଛି ସ୍ବତନ୍ତ୍ର ଫୁଲ ବି ଚଢ଼ାଇ ନିଜ ମନସ୍କାମନା ପୂରଣ କରିବାକୁ ପୂଜାର୍ଚ୍ଚନା କରିଥାନ୍ତି । କିନ୍ତୁ ଆମ ଦେଶରେ ଏଭଳି ବି ମହାଦେବ ମନ୍ଦିର ରହିଛି ଯେଉଠିକାର ପରମ୍ପରା ଏବଂ ଶ୍ରଦ୍ଧାଳୁଙ୍କ ବିଶ୍ବାସ କଥା ଜାଣିଲେ ଆପଣ ଆଶ୍ଚର୍ଯ୍ୟ ହେବେ । ଗୁଜୁରାଟରେ ଏଭଳି ଶିବ ମନ୍ଦିର ଅଛି ଯେଉଁଠି ଭକ୍ତ ଶିବଲିଙ୍ଗ ଉପରେ ଜିଅନ୍ତା କଙ୍କଡ଼ା ଚଡ଼ାଇ ପ୍ରାର୍ଥନା କରନ୍ତି । ହେଲେ ଏଭଳି କରିବା ପଛରେ କାରଣ କ’ଣ ଅଛି ଜାଣିବା । ଗୁଜୁରାଟ ସୁରଟର ରୁନ୍ଧନାଥ ମହାଦେବ । ଏ ମନ୍ଦିରକୁ ଭକ୍ତ ଆସିବାବେଳେ ସାଥିରେ ଆଣିଥାନ୍ତି ଜିଅନ୍ତା କଙ୍କଡ଼ା । କଙ୍କଡ଼ାକୁ ଶିବଲିଙ୍ଗ ଉପରେ ପ୍ରଭୁଙ୍କ ନିକଟରେ ମନସ୍କାମନା ଜଣାନ୍ତି ଏବଂ ପୂଜାର୍ଚ୍ଚନା କରନ୍ତି । ଭକ୍ତଙ୍କର ଦୃଢ଼ ବିଶ୍ବାସ ରହିଛି ,ଏଭଳି କଲେ ବାବା ସେମାନଙ୍କ ଡାକ ଶୁଣନ୍ତି । ମନୋକାମନା ପୂରଣ ପାଇଁ ଏଠାରେ ବର୍ଷକରେ ଥରେ ଶିବଲିଙ୍ଗ ଉପରେ ଜୀବନ୍ତ କଙ୍କଡ଼ା ଚଢ଼ାନ୍ତି । ଏଠି ରୁନ୍ଧନାଥ ମହାଦେବଙ୍କ ନିକଟରେ ଫୁଲ ବଦଳରେ କଙ୍କଡ଼ା ଚଢ଼ାଯାଏ । ଯଦି କାହାର ଦୀର୍ଘ ଦିନ ଧରି ଦେହ ଖରାପ ଥାଏ ତାହେଲେ ଏଠାକୁ ବର୍ଷକରେ ଥରେ ଏକ ନିର୍ଦ୍ଦିଷ୍ଟ ଦିନରେ ଆସି ଜୀଅନ୍ତା କଙ୍କଡ଼ା ଚଢ଼ାନ୍ତି । ଏହା ପଛର ଆଉ ଏକ ବଡ଼ ବିଶ୍ବାସ ହେଉଛି ଏଠି ମହାଦେବଙ୍କ ଶିବ ଲିଙ୍ଗ ଉପରେ କଙ୍କଡ଼ା ଅର୍ପଣ କଲେ କାନ ସମସ୍ୟା ଥିଲେ ଭଲ ହୋଇଯାଏ । କିମ୍ବା ପିଲାଙ୍କର କାନ ସମସ୍ୟା କେବେବି ହୁଏନାହିଁ । #🔱ଶିବଲିଙ୍ଗ ଉପରେ କଙ୍କଡ଼ା ଚଢ଼ାନ୍ତି ଭକ୍ତ😱

ରାଜ୍ୟ ସରକାରଙ୍କ ଫ୍ଲାଗସିପ୍‌ ସ୍କିମ୍‌ ସୁଭଦ୍ରା ଯୋଜନାରେ ୪ର୍ଥ କିସ୍ତି ଖାତାକୁ ଆସିବାକୁ ଯାଉଛି । ୩ଟି କିସ୍ତିରେ ମୋଟ ୧୫ ହଜାର ଟଙ୍କା ପାଇସାରିଛନ୍ତି ୧ କୋଟିରୁ ଅଧିକ ହିତାଧିକାରୀ । ଏହା ସହିତ ଗତ ୨୨ ତାରିଖରେ ନୂଆ କରି ଆବେଦନ କରିଥିବା ଏବଂ ପୂର୍ବ କିସ୍ତି ପାଇନଥିବା ମହିଳାଙ୍କ ଖାତାକୁ ଟଙ୍କା ପଠାଇଥିଲେ ରାଜ୍ୟ ସରକାର ।ପ୍ରଥମ ଓ ଦ୍ୱତୀୟ କିସ୍ତିରୁ ବାଦ ପଡ଼ିଥିବା ୨ ଲକ୍ଷ ୫୫ ହଜାର ୨୬୫ ଜଣଙ୍କୁ ଟଙ୍କା ଦିଆଯାଇଥିଲା । ସେମାନେ ଏକ ସମୟରେ ପାଇଛନ୍ତି ଦୁଇଟି କିସ୍ତି | ସେହିପରି ଅଭିଯୋଗ ଶୁଣାଣିରେ ୨୪ ହଜାର ୧୮ ଜଣ ହିତାଧିକାରୀଙ୍କୁ ସୁଭଦ୍ରା ଟଙ୍କା ଦିଆଯାଇଥିଲା । ସମସ୍ତଙ୍କ ଖାତାକୁ ଗତ ମାସ ୨୨ ତାରିଖରେ ସୁଭଦ୍ରା ଟଙ୍କା ଆସିଛି ।ଆସନ୍ତା ମାସରେ ଅର୍ଥାତ ମାର୍ଚ୍ଚ ୮ ତାରିଖରେ ମିଳିବ ସୁଭଦ୍ରା ଯୋଜନାର ଚତୁର୍ଥ କିସ୍ତି ଟଙ୍କା । ରାକ୍ଷୀ ପୂର୍ଣ୍ଣିମାରେ ମିଳିଥିଲା ୩ୟ କିସ୍ତି ଟଙ୍କା । ଏହା ପରେ ଘୋଷଣା ମୁତାବକ ମାର୍ଚ୍ଚ ୮ ତାରିଖ ବା ଅନ୍ତର୍ଜାତୀୟ ମହିଳା ଦିବସରେ ସୁଭଦ୍ରା ଟଙ୍କା ଖାତାକୁ ଆସିବାକୁ ଯାଉଛି । ପୂର୍ବରୁ ୩ଟି କିସ୍ତିରେ ମୋଟ ୧୫ ହଜାର ଟଙ୍କା ଲେଖାଏଁ ପାଇସାରିଛନ୍ତି ରାଜ୍ୟର ୧ କୋଟିରୁ ଅଧିକ ମହିଳା । କିନ୍ତୁ ଅଯୋଗ୍ୟ ହିତାଧିକାରୀଙ୍କୁ ଏଥିରୁ ବାଦ୍ ଦେଇଛନ୍ତି ରାଜ୍ୟ ସରକାର । ଏହା ସହିତ ପୁନଶ୍ଚ ଭେରଫିକେସନ ବେଳେ ଯେଉଁମାନେ ଯୋଗ୍ୟ ଥିବା ଜଣାପଡିଥିଲା ସେମାନଙ୍କୁ ବି ଟଙ୍କା ପଠାଇଥିଲେ ସରକାର । ସେମାନେ ମଧ୍ୟ ୪ର୍ଥ କିସ୍ତି ଟଙ୍କା ପାଇବେ । #🏦ଖାତାକୁ ଆସିବ ସୁଭଦ୍ରା ଟଙ୍କା🤑