മഴയും വെയിലും കൈകോർത്തു പിരിഞ്ഞുപോയോ,
മൈലാഞ്ചിയിട്ട നാരിയായ് സന്ധ്യ വിതുമ്പിയോ,
മുകിലുകൾ വിളക്കുവച്ച മേടും ഉറങ്ങിയോ,
മഞ്ചാടിമണി പെറുക്കി ഓർമ്മകൾ തുടുത്തുവോ,
മൊഞ്ചിൻ ഇശൽകേറി വാനം നിവർന്നുവോ,
മേൽക്കട്ടി ഏറ്റി മഞ്ചൽ കിളിവാതിൽ തുറന്നുവോ,
മാരിക്കാവിൽ താരകമലരുകൾ അടർന്നുവോ,
മെല്ലെ മെല്ലെ വീശിമാറും കാറ്റും പറന്നു ചേർന്നുവോ...
മുഖംമറച്ചുനിന്നു
സൂര്യതാരകമിന്നും,
മനസ്സുവാടി പകലുനിന്നു
നേരമടുത്തപ്പോൾ,
മന്ദമാരുതൻ പുണർന്നു മാരിക്കിളുന്തുമായി,
മാനവിരിപ്പിൽ നീർപ്പായ വിരിച്ചിടുന്നു...!🩶✨
#❤ സ്നേഹം മാത്രം 🤗
#💞 പ്രണയകഥകൾ
