#മരണം --------------- "ഞാൻ ഇപ്പോൾ മരണത്തെ ഭയക്കുന്നു... പ്രിയപെട്ടവരെ ഉപേക്ഷിച്ച് പോകാൻ കഴിയാത്തത് കൊണ്ടോ... പ്രിയപെട്ടവരുടെ നഷ്ടം സഹിക്കാൻ കഴിയാത്തത് കൊണ്ടോ.... നെഞ്ചോടു ചേർത്ത് താലോലിക്കുന്ന ഒരു പിടി സ്വപ്നങ്ങൾ പാതിവഴിയിൽ നഷ്ടമാകുമെന്ന ഭയം കൊണ്ടോ..... എന്തോ ഞാൻ ഇന്ന് മരണത്തെ ഭയക്കുന്നു.... എവിടെ ഓടിയൊളിച്ചാലും തിരഞ്ഞു വരുമെന്ന് അറിയാമായിരുന്നിട്ടും.. ഞാൻ ഇന്ന് മരണത്തെ ഭയക്കുന്നു.... മരണം എന്ന യാഥാർത്ഥ്യത്തെക്കാൾ നമ്മെ ഭയപ്പെടുത്തുന്നത് നമ്മൾ ജീവിച്ചു തീർക്കാത്ത സ്വപ്നങ്ങളും, നമ്മളെ ജീവനായി കരുതുന്നവരുടെ കണ്ണീരുമാണല്ലോ.... ഇനിയൊരു നാളെ എനിക്കുണ്ടാകില്ലെന്നോർത്തല്ല, ഞാനില്ലാത്ത നാളുകളിൽ എന്റെ പ്രിയപ്പെട്ടവർ തനിച്ചാകുമല്ലോ എന്നോർത്ത്.... അവരുടെ ചിരികളിൽ പെട്ടെന്നൊരു നാൾ പെയ്തിറങ്ങുന്ന എന്റെ ഓർമ്മകളുടെ കാർമേഘങ്ങളെ ഭയന്ന്... കണ്ടുതീർക്കാത്ത സ്വപ്നങ്ങളുടെ ചില്ലകൾക്കിടയിൽ ഇനിയും വിരിയാൻ കൊതിക്കുന്ന എത്രയോ മോഹങ്ങൾ..... ഒരു തുള്ളി വെളിച്ചം പോലും കാണാതെ, അവയെല്ലാം മണ്ണോടുചേരുമെന്ന വേവലാതിയാണ് എന്നെ പൊതിയുന്നത്..... ഒരുപിടി ചാരമായി ഒടുങ്ങുന്നതിന് മുൻപ് പറഞ്ഞുതീർക്കാനുള്ള സ്നേഹമെല്ലാം പറഞ്ഞുതീർക്കണം.... നെഞ്ചോടു ചേർത്തുപിടിച്ചവരെയെല്ലാം ഒന്നുറക്കെ കെട്ടിപ്പിടിച്ച് ഉമ്മവെയ്ക്കണം.... വരുമെന്നുറപ്പുള്ള ആ നിശ്ശബ്ദയാത്രയ്ക്ക് മുൻപ്.... എന്റെ ഈ കൊച്ചു ജീവിതത്തെ എനിക്ക് ഇനിയും, ഇനിയും പ്രണയിച്ചു തീർക്കണം.... ഈ ഭയം തികച്ചും സ്വാഭാവികമാണ്. നമ്മൾ ഈ ജീവിതത്തെയും അതിലെ മനുഷ്യരെയും അത്രമേൽ സ്നേഹിക്കുന്നു.... ഒടുവിൽ എല്ലാം ഉപേക്ഷിച്ചു പോകേണ്ടി വരുമെന്ന ചിന്ത നമ്മെ തളർത്തുമ്പോൾ, ആ ചിന്തയെ മാറ്റിവെച്ച് ഇന്നുള്ള ഈ നിമിഷം പ്രിയപ്പെട്ടവർക്കൊപ്പം സന്തോഷത്തോടെ ജീവിച്ചു തീർക്കുക എന്നതാണ് നമ്മൾ ചെയ്യേണ്ടത്......!!! * * * ആമി ✍🏻 #😞 വിരഹം #😔 ഇമോഷണൽ സ്റ്റാറ്റസ് 😍 #😔വേദന #😍 ആദ്യ പ്രണയം #📝 ഞാൻ എഴുതിയ വരികൾ