അവൾ എപ്പോഴും കാത്തിരിക്കും. അഞ്ച് മിനിറ്റ്… എന്ന് അവൻ പറഞ്ഞാൽ, അത് ഒരു മണിക്കൂർ ആയാലും അവൾ പരാതിപ്പെടില്ല. Busy ആയിരുന്നു എന്ന് പറഞ്ഞാൽ, അത് സത്യമാണോ എന്ന് പോലും ചോദിക്കില്ല. കാരണം അവൾക്കവനെ അത്രയും വിശ്വാസം ആണ്. പക്ഷേ അവൻ ഒരിക്കലും കാത്തിരുന്നിട്ടില്ല. അവളുടെ മറുപടി വൈകിയാൽ, അവൻ മറ്റൊരാളുമായി സംസാരിക്കാൻ പോകും. നീ എവിടെ എന്ന്.... ഒരിക്കൽ എങ്കിലും അവൻ തിരക്കി വരുമെന്ന അവളുടെ പ്രതീക്ഷ അസ്തമിച്ചിരിക്കുന്നു. അവളുടെ ഉള്ളിലെ സങ്കടങ്ങളും അവന്റെ അവഗണനയും പതിയെ അവളിൽ അകൽച്ചയായി മാറുകയായിരുന്നു അവളുടെ മൗനം നീണ്ടപ്പോൾ, ആദ്യമായി അവൻ സന്ദേശം അയച്ചു. എവിടെയാണ് നീ.. അവൾ സംസാരിക്കാൻ മടിച്ചു. അവന്റെ ഉള്ളിൽ ആദ്യമായി അവളെവിടെ എന്ന ചോദ്യം ഉയർന്നു.. സ്വന്തം എന്ന ബോധ്യം കൊണ്ട് നഷ്ടപ്പെടില്ല എന്ന വിശ്വാസം കൊണ്ട് താൻ കൊടുക്കാത്ത പരിഗണന അവളെ എന്നേക്കുമായി നഷ്ടപ്പെടുത്തി എന്നറിയാൻ അവൻ വൈകിപോയിരുന്നു പക്ഷേ അവന്റെ ജീവിതത്തിൽ നിന്നും അവൾ അകന്നത് വളരെ പതിയെ ആയിരുന്നു. എന്നിട്ടും അറിയാതെ പോയത് അവന്റെ മാത്രം തെറ്റാണ്. കാത്തിരിപ്പിന് ഒരു വില ഉണ്ട്. അത് നഷ്ടപ്പെട്ടാൽ മാത്രമേ അറിയൂ. നമ്മൾ കാത്തിരിക്കുമെന്ന് ഉറപ്പുള്ളവർ നമ്മുടെ സാമിപ്യം ആഗ്രഹിക്കാറില്ല അവരുടെ ഓർമ്മകളിൽ നമ്മുക്കിടമുണ്ടെങ്കിൽ അവർ നമ്മളെ തേടി വരും വരെ കാത്തിരിക്കുക..! ❣️✍️🕊️ #📝 ഞാൻ എഴുതിയ വരികൾ #❤ സ്നേഹം മാത്രം 🤗

മനസ്സിനു ചുറ്റും ആർക്കും തകർക്കാൻ കഴിയാത്ത ഒരു മതിൽ കെട്ടണം ഹൃദയം എത്രതന്നെ കൊതിച്ചാലും ഒരു പരിധിക്കപ്പുറം ആരെയും ആ അന്തഃപുരത്തിലേക്ക് കടത്തിവിടാത്ത വണ്ണം ആ വാതിലുകൾ അടച്ചുതന്നെ വെക്കണം സ്നേഹം നടിച്ച് എത്തുന്നവർക്ക് മുന്നിൽ മനസ്സിനെ അനാഥമായി ഇട്ടു കൊടുക്കരുത് ​ജീവിതയാത്രയിൽ നാം കണ്ടുമുട്ടുന്നവരെയൊക്കെ വെറുമൊരു പരിചയക്കാർ മാത്രമായി കാണാൻ ശീലിക്കണം ആ മുഖങ്ങൾ നമ്മുടെ മനസ്സിൽ ആഴത്തിൽ പതിയാതെ നോക്കണം കാരണം പതിഞ്ഞുപോയ പല മുഖങ്ങളും മാഞ്ഞുപോകുമ്പോൾ ബാക്കിയാവുന്നത് ആഴത്തിലുള്ള മുറിവുകൾ മാത്രമാണ് ​മനസ്സിലെ അതിരുകടന്ന ആഗ്രഹങ്ങളെ കടിഞ്ഞാണിട്ടു നിർത്തണം നമ്മുടെ ജീവിതത്തിലേക്ക് കടന്നുവരുന്ന പുതിയ ആളുകൾ തൊട്ടടുത്ത നിമിഷം തന്നെ നമ്മെ വിട്ടുപോയേക്കാം എന്ന് കരുതിയാവണം അവരെ സ്വീകരിക്കേണ്ടത് അതാകുമ്പോൾ നഷ്ടപ്പെടലുകൾ ഉണ്ടായാലും ഹൃദയം തകർന്നുപോകാതെ പിടിച്ചുനിൽക്കാൻ നമുക്ക് സാധിക്കും ​സ്നേഹം എന്ന വാക്കിന് നാം സാധാരണയായി കരുതുന്നതിനേക്കാൾ വലിയ അർത്ഥമുണ്ടെന്നും അത് പലപ്പോഴും നമ്മെ തളർത്താനേ ഉപകരിക്കൂ എന്നും തിരിച്ചറിയണം ഒറ്റപ്പെടലിനെ ഒരു ശീലമാക്കണം മറ്റാരെയും ആശ്രയിക്കാതെ ആരുടെയും താങ്ങില്ലാതെ സ്വന്തം കാലിൽ നിൽക്കാൻ മനസ്സിനെ ഓരോ നിമിഷവും പഠിപ്പിച്ചുകൊണ്ടിരിക്കണം...❣️✍️ #🙋‍♀️ എൻ്റെ സ്റ്റാറ്റസുകൾ #📝 ഞാൻ എഴുതിയ വരികൾ #❤ സ്നേഹം മാത്രം 🤗

#പുണ്യമാസത്തിന്റെ വരവ്, ത്യാഗത്തിന്റെയും, സമർപ്പണത്തിന്റെയും രാവുകൾ 🌙🤲✨✨✨ #കാത്തിരുന്ന പുണ്യ ത്തിന്റെ മാസം ഇതാ പടിവാതിക്കൽ എത്തിക്കഴിഞ്ഞു.... #വിശപ്പും ദാഹവും സഹിക്കുന്നത് വെറുമൊരു വൃതമല്ല മറിച്.... #മനസിനെ പാ കപ്പെടുത്തിയെടുക്കുന്ന മഹത്വമായ ത്യാഗമാണ്... #പകലിനെ കഠിനമായ വൃതാനുഷ്ഠങ്ങളിലൂടെയും രാത്രികളിലെ പ്രാർത്ഥനകളിലൂടെയും നമ്മളിലെ സ്വാർത്ഥതയെ മായ്ചുകളഞ്ഞു സഹജീവികളുടെ വേദന തിരിച്ചറിയാനുള്ള വലിയൊരു പാഠമാണ്... #നമ്മുടെ സുഖസൗകര്യങ്ങൾ മറ്റുള്ളവർക്കായ് മാറ്റിവക്കുമ്പോഴാണ് ത്യാഗം അർത്ഥ പൂർണമാകുന്നത് #ഈ നോമ്പുകാലം അന്നപാനീയങ്ങൾ ഉപേക്ഷിക്കൽ മാത്രമല്ല മറിച്... #സ്നേഹം പങ്കുവക്കാനും വിട്ടുവീഴ്ചകൾ ചെയ്യാനുമുള്ള അവസരമാകട്ടെ ✨✨✨✨✨ #പരിശുദ്ധമായ ഈ മാസത്തെ നമുക്ക് ഹൃദയപൂർവ്വം വരവേൽക്കാം 🤲🤲🤲🤲🤲✨✨✨✨🤲🤲 #🕌പുണ്യ റമളാൻ സ്റ്റാറ്റസുകൾ ☪️ #🤲 റമളാൻ കരീം 🕋

#🙋‍♀️ എൻ്റെ സ്റ്റാറ്റസുകൾ #💕Love wishes

"ആരിലോ നമ്മൾ ഉണ്ടെന്ന് അറിഞ്ഞും,,, "തനിച്ചായി പോകുന്ന അവസ്ഥ തന്നെ ആണ് ഏറ്റവും നിസ്സഹായത നിറഞ്ഞ അവസ്ഥ,,,, "തൊട്ടടുത്തുണ്ടായിട്ടും തൊടാൻ കഴിയാതെ,, "നെഞ്ചിടിപ്പറിഞ്ഞിട്ടും നെഞ്ചിൽ ചേരാതെ,,, "എങ്ങനെയൊക്കെയോ ജീവിതം തള്ളിനീക്കുന്ന ചിലർ,,, ❤️❤️ #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗 #📝 ഞാൻ എഴുതിയ വരികൾ

നേരിൽ കാണാതെ ഒരാളെ ഇഷ്ടപ്പെടാൻ കഴിയുമോ? തീർച്ചയായും കഴിയും എന്നാണ് എനിക്ക് തോന്നുന്നത്. സ്നേഹം എന്നതിലുപരി, അതൊരു തരം 'കണക്ഷൻ' ആണ്. ​ചിലപ്പോൾ നമ്മൾ വായിക്കുന്ന ഒരു ലേഖനമാകാം, അല്ലെങ്കിൽ ഒരു ചെറിയ കമന്റ്സ് ആവാം... അതിലെ വരികൾക്ക് നമ്മുടെ ചിന്തകളുമായി എവിടെയോ ഒരു പൊരുത്തം തോന്നുമ്പോഴാണ് ആ ഇഷ്ടം തുടങ്ങുന്നത്. ഒരേ വൈബ് ഉള്ളവർക്ക് പരസ്പരം പെട്ടെന്ന് ലിങ്ക് ചെയ്യാൻ പറ്റും. നേരിൽ കണ്ടിട്ടില്ലെങ്കിലും ആ പുഞ്ചിരിയോ, നോട്ടമോ, വാക്കുകളോ ഒക്കെ നമ്മളെ സ്വാധീനിച്ചെന്നു വരാം. ❤️❤️ #📝 ഞാൻ എഴുതിയ വരികൾ #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ

എന്റെ ഇന്നത്തെ ദേഷ്യവും അകൽച്ചയും മാത്രമേ നീ കണ്ടിട്ടുള്ളു… ഇന്നലെവരെ ഞാൻ തന്ന സ്നേഹത്തിനും പരിഗണനക്കും നീ എന്താണ് പകരം തന്നത്. ഒരു കാലത്ത് ഞാൻ കുളിർക്കാറ്റ് പോലെ ആയിരുന്നു ചുറ്റുമുള്ളവർക്കെല്ലാം സന്തോഷവും സമാധാനവും നൽകുന്നവൾ. എന്റെ വാക്കുകൾക്ക് മധുരമുണ്ടായിരുന്നു, കണ്ണുകളിൽ വിശ്വാസവും. നീ പറയുന്ന ഓരോ വാക്കും ഞാൻ വിശ്വസിച്ചു. നീ വരുമെന്ന പ്രതീക്ഷയിൽ ഞാൻ കാത്തിരുന്നു. നീ തിരിഞ്ഞു നോക്കാത്തപ്പോഴും ഒരുദിവസം എല്ലാം ശെരിയാകും എന്ന് ഞാൻ ആഗ്രഹിച്ചു..! പക്ഷേ, ഓരോ പ്രാവശ്യവും അവഗണനയും നിന്റെ വാക്കുകൾ ഉണ്ടാക്കിയ മുറിവുകളും എന്റെ ഉള്ളിലെ സ്നേഹം അല്പാല്പമായി മായ്ച്ചു കളഞ്ഞു. മഴയായി തുടങ്ങിയ ഞാൻ മഞ്ഞായി മാറി. ഇന്ന് നീ കാണുന്നത് ദേഷ്യവും അകൽച്ചയും മാത്രമാണ്. നിന്റെ കൈ പിടിച്ച് ലോകം മുഴുവൻ എതിരായാലും നിന്നൊപ്പം ഉണ്ടാവും എന്ന് പറഞ്ഞ ആ എന്നെ നീ ഓർക്കുന്നുണ്ടോ. ഞാൻ മാറിയതല്ല മാറ്റിയത് നീ തന്നെയാണ്. ഒരിക്കൽ ആഗ്രഹിച്ച സ്നേഹം ഇനി നീ സ്വർണ തളികയിൽ വിളമ്പിയാലും പകരം തെരാൻ സ്നേഹമുണ്ട് പക്ഷേ അത് കാണിക്കാൻ ഉള്ള മനസ്സ് മരവിച്ചു പോയിരിക്കുന്നു..! സ്നേഹത്തോടെ 💞💞 #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗 #📝 ഞാൻ എഴുതിയ വരികൾ

"പെണ്ണെ.. നിനക്കോർമ്മയുണ്ടോ നമ്മളൊരുമിച്ചൊരു മഴ നനഞ്ഞത്..... എന്നത്തേയും പോലെയുള്ള നമ്മുടെ ആ പതിവ് കണ്ടുമുട്ടലിനുശേഷം... നി തിരികെപോകാനൊരുങ്ങിയപ്പോൾ കാലം തെറ്റിവന്നൊരു വേനൽ മഴയിൽ നമ്മളിരുവരും ഒരുമിച്ചു നനഞ്ഞത്.. ആ മഴപെയ്ത്തിൽ നിയ്യും ഞാനും പൂർണ്ണമായും നനഞ്ഞിരുന്നുവല്ലേ... മഴ പെയ്തു നനഞ്ഞു കുതിർന്ന നിന്റെ ചുണ്ടുകളിൽ നോക്കി ഞാനന്ന് പറഞ്ഞു.. "എന്തു മനോഹരമാണ് നിൻ്റെ ചുണ്ടുകളെന്നു.... എനിക്കു നിന്നെ ചുംബിക്കാൻ മോഹമുണ്ടെന്നു..... മുടിയിഴകളിലൂടെ താഴേക്ക് ഒലിച്ചിറങ്ങുന്ന മഴത്തുള്ളികൾ നിന്റെ വയറിലെ സ്വർണ്ണരോമങ്ങളെയും തലോടിക്കോണ്ടു താഴെക്കൊഴുകുന്നത് കൊതിയോടെ ഞാൻ നോക്കി നിൽക്കുന്നത് നീയും അറിഞ്ഞിരുന്നുവല്ലോ.... ആരും കാണാതെ ഞാൻ നിന്നെ നെഞ്ചോട് ചേർത്തപ്പോൾ നീയുംമെന്നെ ചുംബിക്കൻ ആഗ്രഹിച്ചിരുന്നുവല്ലേ... ആഗ്രഹം ഉണ്ടായിരുന്നിട്ടും അത് വേണ്ടെന്നു വച്ചതും ഞാനായിരുന്നുവല്ലോ... ചില ചുംബനങ്ങൾ ചുണ്ടുകൾ കൊണ്ട് നൽകുന്നതിലുമെത്രയോ മനോഹരം സ്നേഹത്തോടെയുള്ള ഒരു തലോടലിനാലോ ഒരു വാക്ക് കൊണ്ടോ ആവണമെന്ന് ഞാൻ ആഗ്രഹിച്ചിരുന്നു.. മഴതോർന്നതും വെയിലുപെയ്‌തതും നീ യാത്രപറഞ്ഞകന്നതും ഒരുമിച്ചായിരുന്നു..! പിന്നെയൊരിക്കലും നമ്മൾ കണ്ടുമുട്ടിയിട്ടില്ല.... ഓരോ മഴ പെയ്യുമ്പോഴും ഞാൻ നിന്നെയോർക്കും.. അല്ല..! നിന്നെയോർക്കുമ്പോഴേല്ലാം എന്നിൽ മഴപെയ്യുന്നു... അങ്ങനെ കരുതാനാണ് എനിക്കേറെയിഷ്ട‌ം........!❣️❣️ #💞 പ്രണയകഥകൾ #📝 ഞാൻ എഴുതിയ വരികൾ #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #🧸Happy Teddy ഡേ 💗

#📝 ഞാൻ എഴുതിയ വരികൾ #💞 പ്രണയകഥകൾ

എന്റെ നഫ്സിനെ നിന്റെ കാൽക്കൽ പണയം വെച്ചാണ് ഞാനീ പ്രണയതാഴ്‌വരയിൽ വന്നിറങ്ങിയത്.. ഇനിയെനിക്ക്.... തിരിച്ചൊരു മടക്കമില്ല....!! കാരണം എന്റെ വഴികളെല്ലാം നിന്റെ ഇശ്ഖിനാൽ മൂടപ്പെട്ടുപോയിരിക്കുന്നു... ​നീയെന്നെ നിന്റെ മൗനം കൊണ്ട് അളക്കരുത്..... ആ മൗനത്തിന്റെ ഹുജ്റയിൽ ശ്വാസം മുട്ടി എന്റെ റൂഹ് നിന്നെ തിരയുകയാണ്.... നിന്റെ ഓരോ നോട്ടവും എനിക്ക് ശഹാദത്ത് നൽകുന്നു... ​എന്റെ പ്രണയം ഒരു കടലാസിലെ വെറും വരികളല്ലാ... അത് നിന്റെ നെഞ്ചിലെ ചൂടിൽ ഉരുകിത്തീരുന്ന ഒരു കഷ്ണം മസ്തികിനെ പോലെയാണ്.. ഒരിക്കൽ കൂടി എന്നെ തോൽപ്പിക്കാൻ നോക്കരുത്, നിന്നിലെ തോൽവിയാണ് എന്റെ ഏറ്റവും വലിയ ലഹരി.. ആ ലഹരിയിൽ ഞാൻ എന്നെത്തന്നെ ഹോമിച്ചാൽ പിന്നെ നിനക്ക് തിരയാൻ പോലും ഞാനൊരടയാളമായി ബാക്കിയുണ്ടാവില്ല...! ​ഈ ദുനിയാവിന്റെ കണക്കുപുസ്തകത്തിൽ ഇനി എന്റെ പേര് നീ തിരയേണ്ടതില്ല..!! നിന്റെ ഹൃദയത്തിന്റെ സ്പന്ദനങ്ങളിൽ മാത്രം ജീവിച്ചു തീരുന്ന ഒരു അസ്റായി ഞാൻ മാറിക്കഴിഞ്ഞു...! സ്നേഹത്തോടെ aleena ❤️ #❤ സ്നേഹം മാത്രം 🤗 #🧸Happy Teddy ഡേ 💗 #💞 പ്രണയകഥകൾ #📝 ഞാൻ എഴുതിയ വരികൾ