#🌅శుభోదయం విజయఏకాదశి :
శ్రీరాముడు లంకకు చేరడానికి ముందు ఏకాదశీ వ్రతం చేసిన రోజునే విజయ ఏకాదశి అంటారు. ప్రతి సంవత్సరం ఫాల్గుణ బహుళ ఏకాదశినాడు విజయ ఏకాదశి వస్తుంది. ఈ ఏకాదశి వ్రతకథ స్కాందపురాణంలో లభిస్తుంది. ఈ ఏకాదశినాడు ఉపవాసం చేసి తులసీదళాలతో, చందనంతో విష్ణువును పూజించిన వారికి ఇహలోకంలో కోరిన కోరికలు నెరవేరుతాయి. సర్వదా విజయం సాధిస్తారు. జన్మాంతంలో హరి సాన్నిధ్యాన్ని పొందుతారు. ఏకాదశి వ్రతంలో సాధారణంగా పాటించే ఉపవాస, జాగరణ నియమాలు ఈ ఏకాదశికి కూడా వర్తిస్తాయి.
