#👩‍🍳 പാചകലോകം +-------+------+-------+-------+ *🌶️ ഇന്നത്തെ പാചകം 🍳* *നെല്ലിക്ക ചമ്മന്തി* +-------+------+-------+-------+ ```തേങ്ങയില്ലാതെയും അതീവ രുചികരമായ ചമ്മന്തി തയ്യാറാക്കാം എന്ന് കേൾക്കുമ്പോൾ പലർക്കും അത്ഭുതം തോന്നിയേക്കാം. മലയാളികളുടെ ഭക്ഷണശീലത്തിൽ ഒഴിച്ചുകൂടാനാവാത്ത ഒന്നാണ് ചമ്മന്തി. എന്നാൽ തേങ്ങക്ക് വില വർദ്ധിക്കുന്ന സാഹചര്യത്തിലും, ആരോഗ്യം മുൻനിർത്തി തേങ്ങയുടെ ഉപയോഗം കുറക്കാൻ ആഗ്രഹിക്കുന്നവർക്കും മികച്ചൊരു പകരക്കാരനാണ് നെല്ലിക്ക. ഔഷധഗുണങ്ങളുടെ കലവറയായ നെല്ലിക്ക ഉപയോഗിച്ച് തയ്യാറാക്കുന്ന ഈ ചമ്മന്തി രുചിയിൽ മാത്രമല്ല, പോഷകഗുണത്തിലും ഏറെ മുന്നിലാണ്. വിറ്റാമിൻ സി ധാരാളമായി അടങ്ങിയിട്ടുള്ളതിനാൽ ശരീരത്തിന്റെ പ്രതിരോധശേഷി വർദ്ധിപ്പിക്കാനും ചർമ്മത്തിന്റെ ആരോഗ്യം മെച്ചപ്പെടുത്താനും ഈ വിഭവം സഹായിക്കുന്നു. ``` ________________________ *ചേരുവകൾ* ________________________ _നെല്ലിക്ക - 1 കപ്പ്_ _പുതിനയില - 1/2 കപ്പ്_ _പച്ചമുളക് - 2-3 എണ്ണം_ _ഇഞ്ചി - 1 ചെറിയ കഷണം_ _വെളുത്തുള്ളി - 2-3 അല്ലി_ _ജീരകം - 1/4 ടീസ്പൂൺ_ _കടുക് - 1/2 ടീസ്പൂൺ_ _ഉണക്കമുളക് - 1-2 എണ്ണം_ _കറിവേപ്പില - 1 തണ്ട്_ _എണ്ണ - 1 ടേബിൾ സ്പൂൺ_ _ഉപ്പ് - ആവശ്യത്തിന്_ _കായം - ഒരു നുള്ള്_ ________________________ *തയ്യാറാക്കുന്ന വിധം* ________________________ ```ഒരു മിക്സിയുടെ ജാറിൽ നെല്ലിക്ക, പുതിനയില, പച്ചമുളക്, ഇഞ്ചി, വെളുത്തുള്ളി (ഉണ്ടെങ്കിൽ), ജീരകം എന്നിവ ചേർത്ത് നന്നായി അരച്ചെടുക്കാം. ഒരു പാനിൽ എണ്ണ ഒഴിച്ച് ചൂടാകുമ്പോൾ കടുക്, ഉണക്കമുളക്, കറിവേപ്പില എന്നിവ ചേർത്ത് പൊട്ടിക്കാം. അതിലേക്ക് അരച്ചെടുത്ത മിശ്രിതം ചേർത്തു നന്നായി വഴറ്റാം. ഉപ്പും കായവും (ഉണ്ടെങ്കിൽ) ചേർത്ത് നന്നായി യോജിപ്പിക്കാം. എണ്ണ തെളിയുമ്പോൾ തീ ഓഫ് ചെയ്യാം. ഇനി ചൂടോടെ കഴിച്ചു നോക്കൂ. ഇത് ഫ്രിഡ്ജിൽ സൂക്ഷിക്കാൽ വീണ്ടും ഉപയോഗിക്കാം. ``` +-------+------+-------+-------+

#👩‍🍳 പാചകലോകം +------+------+------+-------+ _*🌶 ഇന്നത്തെ പാചകം 🍳*_ _*മലബാർ കിണ്ണത്തപ്പം*_ +------+------+------+-------+ _ഇന്ന് നമുക്ക്‌ ഹലുവ പോലെ തോന്നിപ്പിക്കുന്ന മലബാർ കിണ്ണത്തപ്പം ഉണ്ടാക്കുന്നത്‌ എങ്ങനെ എന്ന് നോക്കാം. നല്ലൊരു മധുര വിഭവമാണ്‌ "മലബാർ കിണ്ണത്തപ്പം" ഇത് മലബാറിലെ വളരെ പ്രശസ്തമായ ഒരു പലഹാരമാണ്._ _ബേക്കറികളിൽ സുലഭമായി ലഭിക്കുന്ന ഒരുപലഹാരം കൂടിയാണിത്._ _ഹൽവപോല തോന്നിക്കുമെങ്കിലും ഹൽവയുടെ ടേസ്റ്റോ ടെക്സ്റ്ററോ അല്ല ഇതിനുള്ളത്. അപ്പോൾ റെസിപ്പി നോക്കാം._ ________________________ _*ആവശ്യമുള്ള സാധനങ്ങൾ*_ _______________________ _പച്ചരി തരിയില്ലാതെ പൊടിച്ചത് - ഒരുകപ്പ്_ _ശർക്കര പൊടിച്ചത് - രണ്ട് കപ്പ്_ _തേങ്ങാപ്പാൽ_ _ഒന്നാം പാൽ - ഒന്നര കപ്പ്_ _രണ്ടാം പാൽ - മൂന്ന് കപ്പ്_ _കടലപ്പരിപ്പ് - കാൽ കപ്പ്_ _ഏലക്കാപ്പൊടി - അര ടീസ്പൂൺ_ _നെയ്യ് - 4 ടീസ്പൂൺ_ _ശർക്കരപ്പാനി തയ്യാറാക്കാൻ വെള്ളം അരകപ്പ്_ _ആവശ്യത്തിന് - ഉപ്പ്_ _______________________ _*തയ്യാറാക്കുന്നവിധം*_ __________________________ _രണ്ടു കപ്പ് ശർക്കരയിലേക്ക് അരക്കപ്പ് വെള്ളം ചേർത്ത് ശർക്കരപാനി തയ്യാറാക്കുക._ _ഒരു വലിയ തേങ്ങയിൽനിന്ന് ഒന്നരക്കപ്പ് ഒന്നാം പാലും മൂന്ന് കപ്പ് രണ്ടാംപാലും എടുത്തുവയ്ക്കുക._ _ഒരു പാത്രത്തിലേക്ക് ഒരു കപ്പ് വറുക്കാത്ത അരിപ്പൊടി മൂന്ന് കപ്പ് രണ്ടാംപാൽ തയ്യാറാക്കിവെച്ച ശർക്കരപ്പാനി എന്നിവ ചേർത്ത് നന്നായി യോജിപ്പിക്കുക. നല്ല വെള്ളം പോലെ ഉണ്ടായിരിക്കണം ഈ യോജിപ്പിച്ച മാവ്._ _ശേഷം ഇത് ഒരു അടി കട്ടിയുള്ള പാത്രത്തിലേക്ക് ഒഴിക്കുക._ _ശേഷം ചെറിയ തീയിൽ നന്നായി ഇളക്കി കൊണ്ടിരിക്കുക._ _ചെറുതായി കുറുകി വരുമ്പോൾ ഇതിലേക്ക് അരക്കപ്പ് ഒന്നാംപാൽ ചേർക്കുക ശേഷം നന്നായി യോജിപ്പിക്കുക ഒരു ടീസ്പൂൺ നെയ്യ് ചേർക്കുക._ _വീണ്ടും ഇത് കുറുകിവരുമ്പോൾ അരക്കപ്പ് ഒന്നാംപാൽ ചേർക്കുക_ _യോജിച്ചു വരുമ്പോൾ വീണ്ടും ഒരു ടീസ്പൂൺ നെയ്യ് ചേർക്കുക._ _ശേഷം ഇതിലേക്ക് രണ്ട് മണിക്കൂർ കുതിർത്തു വച്ച കടല പരിപ്പ് ചേർക്കുക._ _നന്നായി യോജിപ്പിക്കുക. വീണ്ടും ബാക്കിയുള്ള അരകപ്പ് ഒന്നാം പാൽ കൂടി ചേർക്കുക._ _യോജിച്ചു വരുമ്പോൾ ഒരു ടീസ്പൂൺ നെയ്യ് ചേർക്കുക. ശേഷം ഏലക്കാപ്പൊടി ചേർക്കുക._ _ആവശ്യമെങ്കിൽ മാത്രം ഉപ്പ് ചേർക്കുക ശേഷം വീണ്ടും ബാക്കിയുള്ള ഒരു ടീസ്പൂൺ നെയ്യും കൂടി ചേർത്ത് നന്നായി ഇളക്കി കൊണ്ടിരിക്കുക ഇത് നന്നായി കുറുകി പാനിൽനിന്ന് വിട്ടുവരുന്ന പരുവമാകുമ്പോൾ സെറ്റ് ചെയ്യാനുള്ള ഒരു പാത്രത്തിലേക്ക് ഒഴിക്കുക._ _ശേഷം രണ്ട് മണിക്കൂർ മാറ്റിവയ്ക്കുക._ _രണ്ട് മണിക്കൂറിനുശേഷം ഇത് പാത്രത്തിൽ നിന്നും മാറ്റി കട്ട് ചെയ്ത് ഉപയോഗിക്കാം ._ _ഏകദേശം 30 മുതൽ 40 മിനിറ്റ് വരെയാണ് ഇതിന്റെ കുക്കിംഗ് സമയം_ +-------+------+------+--------+

#👩‍🍳 പാചകലോകം +-----+-----+----+-----+-----+ _*🌶 ഇന്നത്തെ പാചകം 🍳*_ _*ഗോപി പോപ്‌കോൺ*_ +-------+------+------+------+ _രുചികരമായ ഗോപി പോപ്‌ കോൺ നമുക്ക്‌ വീട്ടിൽ തന്നെ എങ്ങനെ തയ്യാറാക്കാം എന്ന് നോക്കാം._ _________________________ _*വേണ്ട സാധനങ്ങൾ*_ ______________________ 1 _കോളിഫ്ലവർ ---1 കപ്പ്_ _മൈദ ---3ടേബിൾസ്പൂൺ_ _കോൺ ഫ്ലോർ ---3ടേബിൾസ്പൂൺ_ _ഇഞ്ചി വെളുത്തുള്ളി പേസ്റ്റ് --1ടീസ്പൂൺ_ _ഉപ്പ് ----1ടീസ്പൂൺ_ _പാഴ്സലി /ഒറിഗാനോ /മല്ലിയില --1, 2ടേബിൾസ്പൂൺ_ _കുരുമുളക് പൊടി ----1ടീസ്പൂൺ_ ഒനിയൻ പൗഡർ ---1ടീസ്പൂൺ 2 _കോൺ ഫ്ലോർ ---4ടേബിൾസ്പൂൺ_ _മൈദ ----4ടേബിൾസ്പൂൺ_ _തൈര് ----2ടേബിൾസ്പൂൺ_ _സോയ സോസ് ----1ടീസ്പൂൺ_ _ഉപ്പ് ---1/2ടീസ്പൂൺ_ _ബ്രഡ് ക്രമ്സ് ---1 1/2കപ്പ്‌_ _ഓയിൽ ----പൊരിക്കാൻ ആവശ്യത്തിന്_ 3 _ഗാർലിക് പൗഡർ ---1/2ടീസ്പൂൺ_ _ഉപ്പ് ---1ടീസ്പൂൺ_ _പൊടിച്ച പഞ്ചസാര ---1ടീസ്പൂൺ_ _മുളക് പൊടി ---1ടീസ്പൂൺ_ _കുരുമുളക് പൊടി ---1/2ടീസ്പൂൺ_ _ചാട്ട് മസാല ----1ടീസ്പൂൺ_ _ഒനിയൻ പൗഡർ ---1ടീസ്പൂൺ_ _പാഴ്സലി ചെറുതായി മുറിച്ചത് ----2ടീസ്പൂൺ_ _________________________ _*തയ്യാറാകുന്ന വിധം*_ ________________________ _കോളിഫ്ലവർ ചെറിയ പീസ് ആയി കട്ട് ചെയ്തു വൃത്തിയാക്കി ഒരു 5മിനിറ്റ് തിളപ്പിക്കുക._ _അതിനുശേഷം വെള്ളം അരിച്ചു മാറ്റി ഒന്നാമത്തെ ബാക്കി ചേരുവകൾ ചേർത്ത് മിക്സ്‌ ചെയ്തു കുറച്ചു വെച്ച ശേഷം കോളിഫ്ലവർ എടുത്തു വേറെ ഒരു ബൗളിൽ വെച്ച് ബാക്കി വരുന്ന പൊടിയിൽ 2മത്തെ ചേരുവകൾ ചേർത്ത് ആവശ്യത്തിന് വെള്ളം ഒഴിച്ചു ഒരു ബെറ്റർ ഉണ്ടാക്കി കോളിഫ്ലവർ ഓരോന്നും അതിൽ മുക്കി ബ്രഡ് ക്രംസിൽ പൊതിഞ്ഞ് ഓയിലിൽ ഫ്രൈ ചെയ്തെടുക്കുക._ _അതിനുശേഷം മൂന്നാമത്തെ ചേരുവകൾ മിക്സ്‌ ചെയ്തു ഫ്രൈ ചെയ്ത കോളിഫ്ലവറിൽ സ്പ്രിങ്ക്ൾ ചെയ്തു ചൂടോടെ സെർവ് ചെയ്യാം. നല്ല ടേസ്റ്റി പോപ്‌കോൺ റെഡി._ +------+------+------+------+

#👩‍🍳 പാചകലോകം +------+------+------+------+ _*🌶 ഇന്നത്തെ പാചകം 🍳*_ _*റവ ബിരിയാണി*_ +-----+------+------+-------+ _വ്യത്യസ്തങ്ങളായ ബിരിയാണികൾ കഴിച്ചിട്ടുള്ളവരാണ്‌ നമ്മിൽ പലരും... ഇന്നത്തെ പാചകത്തിൽ ഇന്ന് ഒരു വെറൈറ്റി ബിരിയാണി റെസിപ്പി ആണ്‌ പരിചയപ്പെടുത്തുന്നത്‌... റവ ബിരിയാണി. പലരും കഴിച്ചിരിക്കാൻ സാധ്യത ഇല്ല.. . ഇത്‌ എങ്ങനെ ആണ്‌ തയ്യാർ ആക്കുന്നത്‌ എന്ന് നോക്കാം ._ _______________________ _*ചേരുവകൾ*_ _______________________ _റവ - 500 ഗ്രാം_ _ചിക്കൻ 500 ഗ്രാം_ _സവാള - 3 എണ്ണം_ _പച്ചമുളക് - 2 എണ്ണം_ _തക്കാളി - 2 എണ്ണം_ _ഇഞ്ചി - 1 എണ്ണം_ _വെളുത്തുള്ളി - 8 എണ്ണം_ _കറിവേപ്പില - കുറച്ച്‌_ _മല്ലിയില - കുറച്ച്‌_ _മുളക്പൊടി - 1/2 ടീസ്പൂൺ_ _മഞ്ഞൾപൊടി - 1/2 ടീസ്പൂൺ_ _കുരുമുളക് പൊടി - 3/4 ടീസ്പൂൺ_ _ജീരകപ്പൊടി - 1/2 ടീസ്പൂൺ_ _അണ്ടിപ്പരിപ്പ് - കുറച്ച്‌_ _ഉണക്ക മുന്തിരി - കുറച്ച്‌_ _ഓയിൽ - 8 ടേബിൾ സ്പൂൺ_ _നെയ്യ് - 1ടേബിൾ സ്പൂൺ_ _______________________ _*തയ്യാറാക്കുന്ന വിധം*_ ________________________ _ആദ്യം റവ നന്നായി വറുക്കുക (നല്ല മണം വരുന്ന വരെ )_ _ചിക്കൻ , മസാല പുരട്ടി വെക്കുക._ _ഒരു പാനിൽ 4 ടേബിൾ സ്പൂൺ ഓയിൽ ഒഴിച്ചു ഒരു സവാള ,അണ്ടിപരിപ്പ്‌ , മുന്തിരി , കറിവേപ്പില എന്നിവ വറുത്തു മാറ്റിവെക്കുക ._ _ഇതേ പാനിൽ സവാള, ഇഞ്ചി , വെളുത്തുള്ളി , പച്ചമുളക് , തക്കാളി എന്നിവ ഇട്ട് വയറ്റി മസാല പൊടികൾ ചേർത്ത് കൊടുക്കുക ._ _മറ്റൊരു പാനിൽ ഓയിൽ ഒഴിച്ചു ചിക്കൻ ഫ്രൈ ചെയ്തു എടുക്കുക._ _ഇതേ ഓയിലിൽ പാകത്തിന് വെള്ളം (റവ 3 കപ്പ്‌ = വെള്ളം 3കപ്പ്‌ ) ഒഴിച്ചു നെയ്യ് 1ടേബിൾ സ്പൂൺ വറുത്തു വെച്ച "സവാള , അണ്ടിപരിപ്പ്‌ , മുന്തിരി , കറിവേപ്പില, ഉപ്പ് എന്നിവ ഇട്ട് തിളച്ചു വന്നാൽ റവ കുറേശെ ചേർത്ത് ഇളക്കി യോജിപ്പിച്ച് അടച്ചു വെച്ച് വേവിക്കുക ._ _സവാള മസാലയിലേക്ക് മല്ലിയില , ഫ്രൈ ചെയ്ത ചിക്കൻ , വറുത്തു വെച്ച സവാള , അണ്ടിപരിപ്പ്‌ , മുന്തിരി എന്നിവ ഇട്ട് മിക്സ്‌ ആക്കണം ഇതിന് മുകളിൽ റവ ഇട്ട് അല്പ സമയം അടച്ചു വെക്കുക._ _ശേഷം മിക്സ്‌ ആക്കി ചൂടോടെ വിളമ്പാം._ _വറുത്ത സവാള അണ്ടിപരിപ്പ്‌ , മുന്തിരി , മല്ലിയില എന്നിവ മുകളിൽ ഇട്ട് അലങ്കരിക്കാം._ +------+------+-----+-------+

#👩‍🍳 പാചകലോകം +-----+-----+-----+-----+-----+ *🌶️ ഇന്നത്തെ പാചകം 🍳* *പപ്പടവട* +----+-----+-----+----+------+ ```പപ്പടവട എന്ന് കേൾക്കാത്ത മലയാളികളുണ്ടാകില്ല. ഒരു കാലത്തെ സ്ഥിരം വൈകുന്നേര പലഹാരങ്ങളിൽ ഇതും ഉൾപ്പെട്ടിരുന്നു. സാധാരണ പപ്പടത്തിൽ നിന്നും ഇതിനെ വ്യത്യസ്തമാക്കുന്ന ഒട്ടേറെ ചേരുവകളുണ്ട്. . ഇതെങ്ങനെയാവും വറുത്തെടുക്കുക എന്ന് ചിന്തിച്ചിട്ടുണ്ടോ?. വളരെ എളുപ്പത്തിൽ തയ്യാറാക്കാവുന്ന സ്നാക്കാണിത്. ചോറിന് വറുക്കാൻ വച്ച് ബാക്കി വന്ന പപ്പടം മാത്രം മതി. അരിപ്പൊടി ഉപയോഗിച്ച് മാവ് തയ്യാറാക്കി അതിൽ പപ്പടം മുക്കി വളരെ പെട്ടെന്ന് ഇത് വറുത്തെടുക്കാം.``` ______________________ . *ചേരുവകൾ* _______________________ _പപ്പടം- 15 എണ്ണം_ _മുളകുപൊടി- 1 ടീസ്പൂൺ_ _ജീരകം- 1/4 ടീസ്പൂൺ_ _ഉപ്പ്- ആവശ്യത്തിന്_ _കായപ്പൊടി- 1/4 ടീസ്പൂൺ_ _എള്ള്- 1 ടീസ്പൂൺ_ _അരിപ്പൊടി- 1/4 കപ്പ്_ _______________________ *തയ്യാറാക്കുന്ന വിധം* ________________________ ```ഒരു ബൗളിലേക്ക് കാൽ കപ്പ് അരിപ്പൊടിയെടുക്കാം. അതിലേക്ക് ഒരു ടീസ്പൂൺ എരിവുള്ള മുളകുപൊടി, കാൽ ടീസ്പൂൺ ജീരകം, കാൽ ടീസ്പൂൺ കായപ്പൊടി, ഒരു ടീസ്പൂൺ എള്ള്, ആവശ്യത്തിന് ഉപ്പ് എന്നിവ ചേർക്കാം. ഇതിലേക്ക് ആവശ്യത്തിന് വെള്ളം കൂടി ഒഴിച്ച് മാവ് തയ്യാറാക്കാം. ഒരു പാൻ അടുപ്പിൽ വച്ച് പപ്പടം വറുക്കാൻ ആവശ്യമായ വെളിച്ചെണ്ണ ഒഴിച്ചു ചൂടാക്കാം. ആവശ്യത്തിന് പപ്പടം എടുത്ത് തയ്യാറാക്കിയ മാവിൽ മുക്കി എണ്ണയിലേക്കു ചേർത്ത് വറുത്തെടുക്കുക. ചൂടോടെ തന്നെ കഴിച്ചു നോക്കൂ. ``` +----+-----+-----+-----+-----+