മാഷേ.. ജീവിതത്തിൽ അകമഴിഞ്ഞ് സ്നേഹിക്കാൻ ഒരാളുണ്ടാവുക എന്നതാണ് ഏറ്റവും വലിയ സ്വാതന്ത്ര്യം എന്ന് എനിക്ക് തോന്നുന്നു.. ചിലപ്പോൾ എന്റെ ധാരണപ്പിശകാകാം.. അല്ലെങ്കിൽ ഞാൻ എന്റെ സ്വാതന്ത്ര്യത്തിന് പുതിയ നിർവചനം എഴുതുകയുമാവാം.. നിന്നിൽ നഷ്ടപ്പെടുക എന്നതാണ് എന്റെ സ്വാതന്ത്ര്യം.. എനിക്കറിയാം നിന്നോടൊപ്പമാകുമ്പോൾ ഞാൻ കെട്ടഴിച്ചിട്ട ഒരു ഇളം കാറ്റു പോലെയാണ്.. ചിന്തകൾ പറന്നു പറന്നു പോകുന്നപോലെ.. സ്വപ്‌നങ്ങൾ നിറഞ്ഞു വിരിയുന്നപോലെ.. മനസ്സിന്റെ അകത്തളങ്ങളിൽ കൊളുത്തിവലിക്കാൻ ഒരു പേര്.. പലരും സ്വാതന്ത്ര്യം എന്നാൽ.. എല്ലാവരിലും നിന്ന് ഒറ്റപ്പെട്ട് അവനവന്റെ മാത്രം ലോകങ്ങളിൽ അവനവന്റെ ഇഷ്ടംപോലെ ജീവിക്കുക എന്നാണല്ലോ കരുതുന്നത്.. എനിക്ക് തനിയെയുള്ള ഇഷ്ടങ്ങളില്ല..! എന്റെ എല്ലാ ഇഷ്ടങ്ങളിലും നീയുണ്ട്.. നിന്റെ ഓർമ്മകൾ ഉണ്ട്.. നിന്റെ ഗന്ധമുണ്ട്.. നീയെന്ന നിറക്കാഴ്ചയുണ്ട്‌.. മാഷേ...... എന്റെ കടലാണ് നീ.. കടലിനോളം സ്വാതന്ത്ര്യം ആർക്കുമില്ലല്ലോ... എന്റെ മഴയാണ് നീ.. മഴപോലെ ഇടയ്ക്ക് ചാറിയും ഇടയ്ക്ക് തകർത്തു പെയ്തും എന്റെ ആത്മാവിലേക്ക് നീ ഒഴുകിയിറങ്ങാറുണ്ടല്ലോ.. എന്റെ കാറ്റാണ് നീ.. ചിലപ്പോഴൊക്കെ.. ഇളം തെന്നൽ പോലെ തൊട്ടു തലോടിയും. മറ്റു ചിലപ്പോൾ.. ശീതകാറ്റ് പോലെ പട൪ന്നു കയറിയും.. ചില സമയത്ത്.. പാതിരാകാറ്റ് പോലെ എന്നിൽ പൂത്തുലഞ്ഞും.. ആർത്തിരമ്പുന്ന തിരകളെ പോലെ എന്നിൽ അലിഞ്ഞു ചേരുമ്പോൾ.. മഴയായും കാറ്റായും നീ തന്നുപോകുന്ന ഊർജ്ജവും.. ഉണർവും.. ഉന്മാദവും.. നിന്റെ പ്രണയവും എത്ര കാത്തിരുന്നാലും എന്നിൽ നിന്ന് ഇറങ്ങിപ്പോകാറില്ല.. #📔 കഥ

ഭർത്താവിന്റെ വിചിത്രമായ സ്വഭാവം മിത്രയെ വല്ലാതെ വേദനിപ്പിച്ചുകൊണ്ടിരുന്നു. വിവാഹം കഴിഞ്ഞിട്ട് നാലുവർഷമായി സത്യത്തിൽ അദ്ദേഹത്തെപ്പോലെ ഒരാളെ ഭർത്താവായി കിട്ടണമെങ്കിൽ ഭാഗ്യം ചെയ്യണമെന്നാണ് എല്ലാവരും പറയുന്നത്, അത് ശരിയുമാണ്. ഞങ്ങളുടെ വിവാഹം കഴിഞ്ഞ് രണ്ടാമത്തെ മാസം തന്നെ ഞാനും അദ്ദേഹവും ഓസ്ട്രേലിയയിലേക്ക് താമസം മാറ്റി. അദ്ദേഹം ജനിച്ചതും വളർന്നതും ഓസ്ട്രേലിയയിൽ തന്നെയാണ്. കണ്ടാൽ ഹൃതിക് റോഷനെ പോലെ ഇരിക്കുന്ന അദ്ദേഹത്തെ പല പെൺകുട്ടികളും ആരാധനയോടെ നോക്കുന്നത് താൻ ശ്രദ്ധിച്ചിട്ടുണ്ട്. സൗന്ദര്യത്തിന്റെയും ബുദ്ധിയുടെയും പെരുമാറ്റത്തിന്റെയും ഒക്കെ കാര്യത്തിൽ അദ്ദേഹം മുന്നിൽ തന്നെയാണ്. അദ്ദേഹത്തിന്റെ അമ്മ മരിച്ചു പോയതാണ്. അച്ഛൻ രണ്ടാമതൊരു വിവാഹം ചെയ്ത് നാട്ടിലാണ് ഇപ്പോൾ താമസം. അദ്ദേഹത്തിന്റെ ചെറുപ്പത്തിൽ ഇടയ്ക്ക് വല്ലപ്പോഴും മാത്രമേ അവർ കേരളത്തിലേക്ക് വരാറുണ്ടായിരുന്നുള്ളൂ,എങ്കിലും അനായാസമായി തന്റെ ഭർത്താവ് മലയാളം കൈകാര്യം ചെയ്യും. ഭർത്താവ് തന്നെ പൊന്നുപോലെ നോക്കണമെന്ന മലയാളി കോൺസെപ്റ്റുമായാണ്താൻ അദ്ദേഹത്തിന്റെ ജീവിതത്തിലേക്ക് കടന്നുചെന്നത്. എന്നാൽ സ്വയം പര്യാപ്തതയുള്ള ഒരു സ്ത്രീയായി തന്നെ മാറ്റിയത് അദ്ദേഹമായിരുന്നു. അതോടെയാണ് ജീവിതത്തെയും തന്റെ ഭർത്താവിനെയും താനേറെ സ്നേഹിച്ചത് അദ്ദേഹം തന്നെ പൊന്നുപോലെയാണ് നോക്കുന്നത്. തനിക്ക് സാലറി ഉണ്ടെങ്കിലും ആവശ്യമുള്ളതെല്ലാം സ്വന്തമായി വാങ്ങാമെങ്കിലും, അദ്ദേഹം തനിക്ക് വേണ്ടുന്നതെല്ലാം കൊണ്ടുവന്ന് തരും അക്കാര്യത്തിലെല്ലാം താനൊരു ഭാഗ്യവതി തന്നെയാണ്, പക്ഷേ ഏതൊരു സ്ത്രീകളെയും പോലെ തനിക്കും അമ്മയാകണം എന്നൊരു മോഹം ഉണ്ടായിരുന്നു. എന്നാൽ അതിനുമാത്രം ഭർത്താവ് സമ്മതിക്കില്ല. നമുക്ക് കുഞ്ഞുങ്ങൾ വേണ്ടെന്നാണ് അദ്ദേഹം പറയുന്നത്.നിനക്ക് ഞാനും,എനിക്ക് നീയുമുണ്ടല്ലോ അത് മതിയത്രെ ഒന്ന് രണ്ട് വർഷങ്ങൾ അങ്ങനെ കടന്നുപോയി. പക്ഷെ അതുകഴിഞ്ഞപ്പോൾ മുതൽ അമ്മയാവണമെന്നുള്ള അതിയായ മോഹം തന്നിൽ ഉടലെടുത്തു. താനതു ഭർത്താവിനോടു പറഞ്ഞപ്പോൾ നമുക്ക് ഒരിക്കലും കുട്ടികൾ വേണ്ടെന്ന് തറപ്പിച്ചു പറഞ്ഞു. അന്ന് ആദ്യമായി താൻ വഴക്കിട്ടു മിണ്ടതെയിരുന്നു. പിണക്കം മാറ്റാമോ എന്നും ചോദിച്ചദ്ദേഹം തന്റെ പിന്നാലെ നടന്നു. ആ നടപ്പ് കണ്ടാൽ ആർക്കാണ് അലിവ് തോന്നാത്തത്, പിണക്കമൊക്കെ തന്നിൽ നിന്നും അലിഞ്ഞു പോയിഎന്നുള്ളതാണ് സത്യം.. തന്റെ മുന്നിൽ മാത്രേ സൗരവ് അത്രയും താഴ്ന്നു തരൂ.. മറ്റുള്ളവരുടെ മുൻപിൽ വളരെ സ്മാർട്ട് ആയ, ഇന്റലിജന്റ് ആയ വ്യക്തി തന്റെ മുന്നിൽ വെറും പൂച്ചക്കുഞ്ഞ് ആയിരുന്നു. തന്നെ ഉരുമ്മിയുരുമ്മി നടക്കുന്ന പാവം പൂച്ചക്കുഞ്ഞ്. ഭർത്താവിന്റെ അച്ഛനും രണ്ടാം ഭാര്യയും നാട്ടിലാണ്. ഇടക്ക് ഒരു തവണ നാട്ടിൽ പോയപ്പോൾ അവിടെ പോയി രണ്ടു ദിവസം നിന്നു. പാവം അച്ഛനും അമ്മയുമാണ്. അച്ഛൻ പറയുന്നത് അതേപടി അനുസരിക്കുന്ന, അച്ഛനെ ചുറ്റിപ്പറ്റി ജീവിക്കുന്ന ഒരു സാധു സ്ത്രീയാണ് രണ്ടാം ഭാര്യ. എങ്കിലും രണ്ടു ദിവസമേ അവിടെ നിന്നുള്ളൂ.. ബാക്കിയുള്ള ദിവസങ്ങൾ തന്റെ വീട്ടിലാണ് നിന്നത്. വീട്ടിൽ എല്ലാവർക്കും തന്നെക്കാൾ പ്രിയമാണ് തന്റെ ഭർത്താവിനെ. അത്രയും വിനയത്തോടെ മാത്രേ അദ്ദേഹം മറ്റുള്ളവരോട് ഇടപെടൂ... ഞങ്ങൾ മടങ്ങിപോയപ്പോൾ അവിടെ എല്ലാവർക്കും വലിയ വിഷമം ആയിരുന്നു. തന്നെപോലെ ഒരു നേഴ്സിനെ അദ്ദേഹം തിരഞ്ഞെടുത്തത് തന്നെ തന്റെ ഭാഗ്യമാണ്അതൊക്കെ ശരിയാണ് എങ്കിലും തനിക്ക് വേണ്ടത് ഞങ്ങളുടെ ഒരു കുഞ്ഞിനെയായിരുന്നു. എന്നാൽ അതിന് മാത്രം ഭർത്താവ് സമ്മതിച്ചില്ല. എങ്കിലും താനൊരു സാധാരണ സ്ത്രീയാണ്, ഒരു കുഞ്ഞ് തന്നിലൂടെ പിറവിയെടുക്കുക എന്നുള്ള ആ സുന്ദര ദിനം തന്നെ വല്ലാതെ മോഹിപ്പിച്ചുകൊണ്ടിരുന്നു. ഇത്തവണ ഭർത്താവിനോട് അൽപ്പം ദേഷ്യത്തോടെ തന്നെ സംസാരിച്ചു. ഒരു കുഞ്ഞിന്റെ അമ്മയാവാൻ സമ്മതിച്ചില്ലെങ്കിൽ ഈ ബന്ധം ഉപേക്ഷിക്കുമെന്ന് വരെ പറഞ്ഞു. പറയുക മാത്രമല്ല താൻ നാട്ടിലേക്ക്മടങ്ങാൻ തീരുമാനിച്ചു. അമ്മയാവുക എന്ന സ്ത്രീയുടെ മോഹം മറ്റെന്തിനെനെക്കാളും വലുതാണ്. പക്ഷെ എന്നിട്ടും അദ്ദേഹം സമ്മതിച്ചില്ല. രണ്ടും കൽപ്പിച്ചു താൻ നാട്ടിലേക്കു മടങ്ങി. വീട്ടിൽ കാര്യങ്ങൾ പറഞ്ഞപ്പോഴേക്കും താൻ പൊട്ടിക്കരഞ്ഞു പോയിരുന്നു.. അമ്മയുടെ മാറിൽ ചേർന്ന് നിന്ന് കരഞ്ഞപ്പോൾ അമ്മ ആശ്വസിപ്പിച്ചു.. പക്ഷെ അതുകൊണ്ടൊന്നും തന്റെ ഉള്ളിലെ കനൽ അണഞ്ഞില്ല. അദ്ദേഹത്തിനെ അത്രയ്ക്കും താൻ സ്നേഹിച്ചിരുന്നു. എന്നിട്ടും താൻ മടങ്ങിപോന്നപ്പോൾ തന്നെയൊന്നു തടഞ്ഞത് പോലുമില്ല . തന്റെ ആഗ്രഹത്തിനപ്പോൾ പോലും സമ്മതം മൂളിയില്ല.അത് തനിക്ക്‌ സഹിക്കാനായില്ല. മൂന്നാല് ദിവസം കഴിഞ്ഞപ്പോൾ തീരെ പ്രതീക്ഷിക്കാതെ അദ്ദേഹത്തിന്റെ അച്ഛൻ വീട്ടിലേക്ക് വന്നു, കൂടെ ഭാര്യയും ഉണ്ടായിരുന്നു. തന്റെ വീട്ടുകാർ അച്ഛനോട് അല്പം ഈർഷ്യയോടെയാണ് സംസാരിച്ചത്.. അച്ഛൻ ഒന്നും മിണ്ടാതെ എല്ലാം കേട്ട് നിന്നു. സങ്കടപ്പെട്ടു നിൽക്കുന്ന തന്റെ അരികിലേക്ക് വന്ന് അച്ഛൻ തന്റെ തോളിൽ കൈവച്ചു. മോളെ അവനൊരു പാവമാ... മോൾ പിണങ്ങി പോരേണ്ടായിരുന്നു. ഞാൻ പിണങ്ങി പോന്നിട്ടും എന്നെ ഒന്ന് തിരിച്ചു വിളിച്ചത് പോലുമില്ലച്ഛാ... എനിക്ക് ഒരു വിലയും കൽപ്പിക്കുന്നില്ല. അങ്ങനല്ല മോളെ, അച്ഛൻ തന്റെ തോളിൽ തട്ടി ആശ്വസിപ്പിച്ചു. മോൾക്ക് അറിയാത്ത ഒന്നുണ്ട്. അവന് ഏഴുവയസുള്ളപ്പോഴാണ് അവന് ഒരു കുഞ്ഞനുജനോ അനിയത്തിയോ വേണമെന്ന് വാശി പിടിച്ചത്. ഒറ്റക്കുഞ്ഞു മതിയെന്ന തീരുമാനത്തിൽ ആയിരുന്നു ഞാനും എന്റെ ഭാര്യയും.കാരണം എന്റെ ബിസിനസ്സ് തിരക്കുകളിൽ എനിക്ക് വേണ്ടത്ര സമയം കുടുംബത്തിൽ ചെലവഴിക്കാൻ പോലും കഴിഞ്ഞിരുന്നില്ല. ഇനിയൊരു കുഞ്ഞ് കൂടെ വന്നാൽ ഭാര്യ വല്ലാതെ കഷ്ടപ്പെടേണ്ടി വരും. പക്ഷെ മോന്റെ ആഗ്രഹവും നിർബന്ധവും കാരണം ഞങ്ങൾ രണ്ടാമത് ഒരു കുഞ്ഞ് കൂടെ ആകാമെന്ന ചിന്തയിൽ എത്തി. ഓരോ ദിവസവും ഞങ്ങളുടെ മോൻ വരാൻ പോകുന്ന കുഞ്ഞിനായി കാത്തിരുന്നു. വീർത്തു വരുന്ന അവന്റെ അമ്മയുടെ ഉദരത്തിൽ തലച്ചേർത്തുവച്ച് അവൻ കുഞ്ഞാവയോട് സംസാരിക്കും. അവന്റെ ആ ആഗ്രഹത്തിന്റെ ആഴം എത്രത്തോളമായിരുന്നു എന്ന് അന്നാണ് പൂർണ്ണമായും ഞങ്ങൾക്ക് മനസ്സിലായത്. ഒടുവിൽ ഞങ്ങൾ കാത്തിരുന്നു ആ ദിവസം എത്തി. പക്ഷെ, കൊതിയോടെ കാത്തിരുന്ന എന്റെ മോന് അവന്റെ കുഞ്ഞനുജനെ കിട്ടിയത് ജീവനില്ലാതെയാരുന്നു. ആ കുഞ്ഞിനെ മാത്രമല്ല , അവന്റെ അമ്മയെയും ഞങ്ങൾക്ക് നഷ്ടമായി. ജീവനില്ലാത്ത എന്റെ ഭാര്യയെയും ചോ. ര. ക്കുഞ്ഞിനേയും, ആകെ പകച്ചിരിക്കുന്ന എന്റെ മോനെയും കൊണ്ട് ഞാനിരുന്ന ആ ദിവസം ഇന്നുമോർക്കാൻ വയ്യ മോളെ.. അച്ഛന്റെ കണ്ണുകൾ നിറഞ്ഞൊഴുകി. അത് കേട്ട് അവളുടെയും കണ്ണുകൾ നിറഞ്ഞു. അവൾ അച്ഛന്റെ കയ്യിൽ പിടിച്ചു. ഞാൻ ഇതൊന്നും അറിഞ്ഞില്ലല്ലോ അച്ഛാ... എന്നോട് ഇതൊന്നും പറഞ്ഞില്ലല്ലോ. മോളെ... അന്ന് എന്റെ മകന്റെ മനസ്സ് തകർന്നു പോയാതാ... അവന്റെ നിർബന്ധമായിരുന്നല്ലോ ഒരു വാവ വേണമെന്ന്. ആ നിർബന്ധം കൊണ്ടാണല്ലോ അമ്മയെയും നഷ്ടപെട്ടത് എന്നുള്ള ചിന്ത എന്റെ മോനെ വല്ലാതെ നോവിച്ചു. ആ ചെറിയ മനസ്സ് ഒരുപാട് കൗൺസിലിംഗിലൂടെയാണ് ഞാൻ നേരെയാക്കി എടുത്തത്. പതിയെപ്പതിയെ ഒക്കെയവൻ മറന്നു. അവൻ മിടുക്കനായി പഠിച്ചു. എന്റെ അഭിമാനമായി. ജോലി നേടി. പക്ഷെ മോൾക്ക് അമ്മയാവണംഎന്ന് പറഞ്ഞപ്പോൾ അവനിൽ ആ ഭയം പുറത്തു വന്നു. നീ അവന്റെ പ്രാണനാണ് മോളെ, നിനക്ക് എന്തെങ്കിലും സംഭവിക്കുമോ എന്നൊരു ഭയമായിരിക്കും അവന്. അവൾ അച്ഛന്റെ കൈകളിൽ പിടിച്ചു. എന്നോടിത് മുൻപേ പറഞ്ഞിരുന്നെങ്കിൽ ഒരു കുഴപ്പവും ഉണ്ടാവില്ലായിരുന്നച്ഛാ.. ഞാൻ അടുത്ത ദിവസം തന്നെ മടങ്ങിപോകും. എനിക്ക് അദ്ദേഹത്തെ പിരിഞ്ഞു ജീവിക്കാനാവില്ല.. എങ്കിൽ ഞങ്ങൾ ഇറങ്ങട്ടെ മോളെ, അദ്ദേഹം ഭാര്യയുടെ കൈപിടിച്ച് പുറത്തേക്കിറങ്ങി. കാര്യങ്ങൾ ഒന്നുമറിയാത്ത എടുത്തു ചാടി താൻ എത്ര മനസ്സുകളെയാണ് വേദനിപ്പിച്ചത്. താൻ മടങ്ങി പോകുകയാണ് അദ്ദേഹത്തിന്റെ അരികിലേക്ക്. ആ നോവിന്റെ ആഴം ഇപ്പോൾ തനിക്ക്‌ മനസ്സിലാവുന്നുണ്ട്. 🍀🍀🍀🍀🍀🍀 അവൾ ബാഗ് ടേബിളിലേക്ക് വച്ചു. സൗരവ് ഡ്രസ്സ്‌ അയേൺ ചെയ്യുകയാണ്. താൻ വന്നിട്ട് കണ്ടഭാവം നടിക്കുന്നില്ല. അവൾ പിന്നിലൂടെ അയാളെ മുറുകെ കെട്ടിപ്പിടിച്ചു. അയാൾ അനങ്ങിയില്ല. എന്നാലും എന്നെ ഒന്ന് തിരിച്ചു വിളിക്കാൻ തോന്നിയില്ലല്ലോ സൗരവിന്. അവൾ അയാളുടെ മുന്നിലേക്ക്‌ വന്നു നിന്നു. ആ കണ്ണുകൾ നിറഞ്ഞിട്ടുണ്ട്. അത് കണ്ടപ്പോൾ അവൾക്ക് സഹിക്കാനായില്ല. അവൾ ഒന്നുകൂടെ അയാളെ ചേർത്തു പിടിച്ചു. 💚💚💚💚 സൗരവ് ഇരിക്കപ്പൊറുതിയില്ലാതെ ഉഴറി നടക്കുകയാണ്. എടാ...നീയിങ്ങനെ പേടിക്കാതെ... ഒന്നും സംഭവിക്കില്ല. ഇവിടെ ഇരിക്ക്. അച്ഛൻ അയാളെ ആശ്വസിപ്പിച്ചു. സൗരവ് നെറ്റിയിൽ കൈത്താങ്ങി കുനിഞ്ഞിരുന്നു. ഒരു കുഞ്ഞനുജനെയോ അനിയത്തിയേയോ കിട്ടാനായി കാത്തിരുന്ന ആ എട്ടു വയസ്സുകാരനെ അയാൾ ഓർത്തു സൗരവിന്റെ മുഖമാകെ വിയർപ്പിൽ കുതിർന്നിരുന്നു.അയാളുടെ കണ്ണുകൾ ചുവന്നിട്ടുണ്ട്. അല്പസമയം കഴിഞ്ഞപ്പോൾ അവർ പ്രതീക്ഷയോടെ കാത്തിരുന്ന വാതിൽ തുറക്കപ്പെട്ടു. ആരാണ് സൗരവ് ഒരു നേഴ്സ് ചോദിച്ചു. സൗരവ് ചാടി എഴുന്നേറ്റു. ദാ... പെൺകുഞ്ഞാണ്. നിങ്ങളുടെ കൈയിൽ കുഞ്ഞിനെ തരണമെന്ന് ഭാര്യ പറഞ്ഞിരുന്നു സൗരവ് കുഞ്ഞിനെ ഒന്ന് നോക്കി ചുവന്ന നിറത്തിൽ കുരുന്നു കവിളുകൾ, ചോ.ര.ച്ചുണ്ടു പിളർത്തി കരയുന്ന ഇളം ചുണ്ടുകൾ, അയാളിലെ അച്ഛനിൽ വാത്സല്യം നിറഞ്ഞു. എന്റെ... എന്റെ... ഭാര്യ..?? ഒരു കുഴപ്പവുമില്ല സുഖമായിരിക്കുന്നു. ഓഹ്... അയാൾ ആശ്വാസത്തോടെ നെഞ്ചിൽ കൈയ് ചേർത്തു. കുറേ സമയം കഴിഞ്ഞപ്പോൾ മിത്രയേ റൂമിലേക്ക് മാറ്റി. അവളെ കണ്ടതും അയാൾ അവളുടെ കൈകളിൽ അമർത്തിപ്പിടിച്ചു. വല്ലാതെ പേടിച്ച് പോയോ...?. അവൾ മെല്ലെ ചോദിച്ചു. ഉം... ദാ.... നമ്മുടെ കുഞ്ഞിനെ കിട്ടിയില്ലേ ഇപ്പോൾ ഭയമൊക്കെ പോയില്ലേ... ആ ഭയം ഇപ്പോഴും ഉള്ളിൽ ഉണ്ടെങ്കിൽ നമുക്ക് നമ്മുടെ കുഞ്ഞിനെ കിട്ടുമായിരുന്നോ. അവളാണ് അയാളുടെ എല്ലാം, അവളായതുകൊണ്ടാണ് അയാളിലെ ഭയത്തെ ഇല്ലാതാക്കാൻ കഴിഞ്ഞത്. ചെറുതെന്നും നിസ്സാരമെന്നും തോന്നുന്ന പ്രശ്നങ്ങൾ പോലും മനസ്സുകളെ തകർത്തു കളഞ്ഞേക്കാം . മനുഷ്യരുടെ മനസ്സ് മനസ്സിലാക്കാനും കൂടെ ചേർത്തു പിടിക്കാനുംകഴിയുന്ന ആരെങ്കിലും ജീവിതത്തിൽ ഉണ്ടെങ്കിലേ,സങ്കീർണ്ണത നിറഞ്ഞ മനുഷ്യമനസ്സുകളെ തിരികെ പിടിക്കാനാവൂ .. എങ്കിലേ ജീവിതം കുറേക്കൂടെ ശോഭനമാകൂ... 💚💚💚💚💚 #📔 കഥ

"പെണ്ണെ.. നിനക്കോർമ്മയുണ്ടോ നമ്മളൊരുമിച്ചൊരു മഴ നനഞ്ഞത്..... എന്നത്തേയും പോലെയുള്ള നമ്മുടെ ആ പതിവ് കണ്ടുമുട്ടലിനുശേഷം... നി തിരികെപോകാനൊരുങ്ങിയപ്പോൾ കാലം തെറ്റിവന്നൊരു വേനൽ മഴയിൽ നമ്മളിരുവരും ഒരുമിച്ചു നനഞ്ഞത്.. ആ മഴപെയ്ത്തിൽ നിയ്യും ഞാനും പൂർണ്ണമായും നനഞ്ഞിരുന്നുവല്ലേ... മഴ പെയ്തു നനഞ്ഞു കുതിർന്ന നിന്റെ ചുണ്ടുകളിൽ നോക്കി ഞാനന്ന് പറഞ്ഞു.. "എന്തു മനോഹരമാണ് നിൻ്റെ ചുണ്ടുകളെന്നു.... എനിക്കു നിന്നെ ചുംബിക്കാൻ മോഹമുണ്ടെന്നു..... മുടിയിഴകളിലൂടെ താഴേക്ക് ഒലിച്ചിറങ്ങുന്ന മഴത്തുള്ളികൾ നിന്റെ വയറിലെ സ്വർണ്ണരോമങ്ങളെയും തലോടിക്കോണ്ടു താഴെക്കൊഴുകുന്നത് കൊതിയോടെ ഞാൻ നോക്കി നിൽക്കുന്നത് നീയും അറിഞ്ഞിരുന്നുവല്ലോ.... ആരും കാണാതെ ഞാൻ നിന്നെ നെഞ്ചോട് ചേർത്തപ്പോൾ നീയുംമെന്നെ ചുംബിക്കൻ ആഗ്രഹിച്ചിരുന്നുവല്ലേ... ആഗ്രഹം ഉണ്ടായിരുന്നിട്ടും അത് വേണ്ടെന്നു വച്ചതും ഞാനായിരുന്നുവല്ലോ... ചില ചുംബനങ്ങൾ ചുണ്ടുകൾ കൊണ്ട് നൽകുന്നതിലുമെത്രയോ മനോഹരം സ്നേഹത്തോടെയുള്ള ഒരു തലോടലിനാലോ ഒരു വാക്ക് കൊണ്ടോ ആവണമെന്ന് ഞാൻ ആഗ്രഹിച്ചിരുന്നു.. മഴതോർന്നതും വെയിലുപെയ്‌തതും നീ യാത്രപറഞ്ഞകന്നതും ഒരുമിച്ചായിരുന്നു..! പിന്നെയൊരിക്കലും നമ്മൾ കണ്ടുമുട്ടിയിട്ടില്ല.... ഓരോ മഴ പെയ്യുമ്പോഴും ഞാൻ നിന്നെയോർക്കും.. അല്ല..! നിന്നെയോർക്കുമ്പോഴേല്ലാം എന്നിൽ മഴപെയ്യുന്നു... അങ്ങനെ കരുതാനാണ് എനിക്കേറെയിഷ്ട‌ം........! #🙋‍♀️ എൻ്റെ സ്റ്റാറ്റസുകൾ