#😥कलिंगडामुळे नाही ‘या’मुळे झाला मृत्यू; धक्कादायक खुलासा मुंबईतील पायधूनी परिसरात डोकाडिया कुटुंबातील चारही सदस्यांचा संशयास्पद मृत्यू झाल्याची घटना समोर आली होती. चिकन बिर्याणी आणि त्यानंतर मध्यरात्रीच्या सुमारास कलिंगड खाल्ल्ल्याने विषबाधा झाली. त्यातच चौघांचा मृत्यू झाल्याचे समोर आले होते. या प्रकरणानंतर मोठी खळबळ उडाली होत. या चौघांच्या मृत्यूसाठी कलिंगड कारणीभूत आहे का, याची चौकशी सुरू झाली होती. अखेर 11 दिवसांनी मृत्यूचे कारण समोर आले आहे. या प्रकरणी आत्तापर्यंतची सर्वात मोठी माहिती समोर आली आहे.
डोकाडिया कुटुंबाच्या मृत्यूसाठी कलिंगडातील भेसळ कारणीभूत असल्याचा संशय व्यक्त केला जात होता. मात्र, नव्या अहवालाने या प्रकरणाला एक वेगळे वळण दिले आहे. उंदीर मारण्याच्या औषधाने चौघांचा मृत्यू झाल्याची धक्कादायक माहिती समोर आल्यानं मोठी खळबळ उडाली आहे. चौघांच्याही शरीरात सापडलं उंदीर मारण्याच्या औषधाचे झिंक फॉस्फाईटचे अंश सापडले आहेत. चौघांच्या शरीरात तसेच कलिंगडाच्या नमुन्यांमध्ये देखील सापडलं झिंक फॉस्फाईट सापडले आहे.
२६ एप्रिल रोजी अवघ्या काही तासांच्या अंतरात डोकाडिया कुटुंबातील चौघांचा मृत्यू झाल्याने खळबळ उडाली होती. चौघांनी रात्री बिर्याणी खाल्ली होती, त्यानंतर कलिंगड खाल्ले होते. कलिंगड खाल्याने मृत्यू झाल्याची शक्यता वर्तवली जात होती. या प्रकरणात अब्दुल्ला डोकाडिया (44) त्यांची पत्नी नसरीन (35) आयेशा (16) आणि झैनब (13) यांचा अचानक मृत्यू झाला होता.
शरिरात झिंक फॉस्फाईट आढळले
मुंबईतील पायधुनीमधील डोकाडिया कुटुंबियांच्या मृत्यूचं कोडं अखेर उलगडलं आहे. कलिंगड तपासणी केल्यानंतर त्यात भेसळ आढळली नव्हती. त्या चौघांच्या शरिरात झिंक फॉस्फाईट आढळलं आहे. याचा वापर उंदीर मारण्यासाठी केला जातो. कलिना येथील एफएसएल लॅबमधील तज्ज्ञांनी अनेक चाचण्या केल्यानंतर यासंदर्भातील माहिती समोर आली आहे. चौघांच्या शरिरात झिंक फॉस्फाईट कसं गेलं याचा शोध घेतला जात आहे. या चौघांची आत्महत्या आहे की त्यांना कोणी विषारी औषध देऊन मारलंय? याचा शोध पोलिसांकडून घेतला जात आहे.
#🙆♂️फटाक्यांच्या भीषण स्फोटात; 21 जणांचा होरपळून मृत्यू मध्य चीनमधील एका प्रांतातील फटाक्यांच्या कारखान्यात भीषण स्फोट झाल्याची घटना उघडकीस आली आहे. या स्फोटात किमान २१ जणांचा मृत्यू झाला असून, ६१ जण जखमी झाले आहेत, असे वृत्त सरकारी माध्यमांनी मंगळवारी दिले. सोमवारी दुपारी हुनान प्रांतातील चांगशा शहरातील फटाक्यांच्या कारखान्यात झाला भीषण स्फोट झाला, असे वृत्त चीनची अधिकृत वृत्तसंस्था शिन्हुआने दिले आहे. स्फोट झाल्यानंतर घटनास्थळी लगेच बचाव पथक आणि अग्निशमन दलाचे जवान दाखल झाले व आगीवर नियंत्रण मिळवले.
घटनास्थळी जवळपास ५०० बचाव पथके तैनात करण्यात आली होती. स्फोट झाला त्या कारखाण्यात दोन काळ्या पावडरच्या गोदामांमुळे जास्त धोका असल्याचे उघडकीस आले. यानंतर बचाव पथकाने तात्काळ या ठिकाणी अडकून पडलेल्या कर्मचाऱ्यांनी आणि इतरांना सुखरुप बाहेर काढले. स्फोटाचे नेमके कारण अद्याप समोर आलेले नाही. पण, तपास अधिकारी स्फोटाच्या कारणाचा शोध घेत आहेत.
कंपनी विरोधात प्रतिबंधात्मक उपाययोजना
समोर आलेल्या अधिकच्या माहितीनुसार, कंपनी विरोधात प्रतिबंधात्मक उपाययोजना करण्यात आल्या आहेत, पण उपाययोजनांचा तपशील समोर आलेला नाही. स्फोट झाल्यानंतर या घटनेचा व्हिडीओ सोशल मीडियावर जोरदार व्हायरल झाला असून, धुराळे प्रचंड लोट हवेत जाताना दिसत आहेत. हाऊशेंग या फटाक्यांच्या कंपनीत हा स्फोट झाल्याचे वृत्त साऊथ चायना मॉर्निंग पोस्टने दिले आहे. या अपघाताची पंतप्रधान शी जिनपिंग यांनी गंभीर दखल घेतली असून, तपासाचे आदेश देण्यात आले आहेत.
#😭थलपती विजयच्या चाहत्याने स्वतःचा गळा चिरून घेतला साऊथ सुपरस्टार थलापती विजयने सिनेसृष्टीला रामराम ठोकत राजकारणात एन्ट्री केली. विजय जवळपास ३६ वर्षांपासून चित्रपटसृष्टीत सक्रिय असून त्यांनी एकापाठोपाठ एक हिट चित्रपट दिले. त्याची राजकारणातील एन्ट्री देखील हिट ठरली. विजय थलापतीच्या चाहत्यांकडून खूप चांगला प्रतिसाद मिळत आहे. या निवडणुकीत विजय थलापतीच्या पक्षाचे काय होतंय याकडे सगळ्यांचे लक्ष लागले आहे. निवडणुकीचा निकाल जाहीर होण्यापूर्वी त्याच्या एका चाहत्याने आत्महत्येचा प्रयत्न केला. त्याने गळा चिरून घेतला. विजय थलापतीचा पराभव होणार या अफवेमुळे त्याच्या चाहत्याने आत्महत्येचा प्रयत्न केला. सुदैवाने त्याचे प्राण वाचले. पण आता निकालादरम्यान विजय थलापतीचा पक्ष चांगली बाजी मारताना दिसत आहे.
विजय थलापतीचा चाहता महेंद्र हा २८ वर्षांचा आहे. तो तमिळनाडूतील कृष्णगिरी येथील रहिवासी आहे. विजय थलापतीचा पक्ष टीव्हीकेचा विधानसभा निवडणुकीत पराभव होईल अशा अफवा पसरल्या होत्या. यावर महेंद्रने विश्वास ठेवला होता. या अफवांवर विश्वास ठेवत त्याने चाकूने स्वत:चा गळा चिरून आत्महत्येचा प्रयत्न केला. विजयच्या पराभवाच्या भीतीने त्याने मतमोजणीपूर्वी आत्महत्येचा प्रयत्न केला.
महेंद्र घराबाहेर चाकू घेऊन उभा होता. अचानक त्याने चाकू गळ्यावरून फिरवत आत्महत्येचा प्रयत्न केला. आसपासच्या लोकांनी तात्काळ त्याला जखमी अवस्थेत रुग्णालयात दाखल केले. वेळेत रुग्णालयात नेल्यामुळे त्याचे प्राण वाचले. महेंद्रवर सध्या उपचार सुरू आहेत. पोलिसांनी सांगितले की, मतमोजणीपूर्वी टीव्हीके पक्षाच्या पराभवाच्या अफवा पसरल्या होत्या. यामुळे महेंद्र खूप अवस्थ झाला आणि त्याने आत्महत्येचा प्रयत्न केला.
तामिळनाडू विधानसभा निवडणुकीमध्ये सत्ताधारी डीएमके पक्षाला मोठा धक्का बसला. या निवडणुकीत नुकताच राजकारणात एन्ट्री घेतलेल्या सुपरस्टार थलापति विजय यांच्या टीव्हीके पक्षाने चांगलाच धुमाकूळ घातला आहे. विजय थलापतीच्या राजकारणातील एन्ट्री देखील जबरदस्त ठरली. विजय थलापतीच्या टीव्हीके पक्षाने जोरदार मुसंडी मारत डीएमकेचा पराभव करत विजयाकडे वाटचाल सुरू केली आहे. तामिळनाडूचा मुख्यमंत्री विजय थलापती होणार हे जवळपास निश्चित झाले आहे. विजयचा टीव्हीके पक्ष १०९ जागांवर आघाडीवर आहे. तर डीएमकेला फक्त ५६ जागांवर आघाडी मिळाली आहे.
