ভিনেশ ফোগটক মনত আছেনে?
আজি পৰাস্ত হ'লেও হৃদয় জয় কৰিলে হাজাৰজনৰ। পেৰিছ অলিম্পিকৰ দুবছৰৰ পিছত পুনৰ মল্লযুঁজলৈ উভতিছে অৰ্জুন বঁটা জয়ী খেলুৱৈগৰাকীয়ে। ন্যায়ালয়ে অনুমতি দিয়াৰ পিছত এছিয়ান গেমছৰ বাছনি প্ৰতিযোগিতাৰ বাবে অৱতীৰ্ণ হৈছিল ভিনেশ ফোগটে। দিল্লীৰ ইন্দিৰা গান্ধী ইনড’ৰ ষ্টেডিয়ামত অনুষ্ঠিত হোৱা ৫৩ কেজি ওজন শাখাৰ এক তীব্ৰ প্ৰতিদ্বন্দিতাপূৰ্ণ ছেমিফাইনেল মেচত মীনাক্ষী গোৱাটৰ হাতত ৬-৪ ব্যৱধানত পৰাজিত হয়। এই পৰাজয়ৰ লগে লগে এছিয়ান গেমছত অংশগ্ৰহণৰ স্বপ্ন ভংগ হয়। পৰাজয়ৰ পিছত স্বামীৰ সন্মুখত আৱেগিক হৈ পৰে খেলুৱৈগৰাকীয়ে। উপস্থিত দৰ্শকক সদম্ভে ঘোষণা কৰিলে মই আকৌ আহিম, শক্তিশালী ৰূপত মোক দেখা পাব। ইয়াৰ পূৰ্বে দুখনকৈ মেচত জয়লাভ কৰিছিল ভিনেশে। ছেমিফাইনেলৰ পূৰ্বে ভিনেশে প্ৰথমখন মেচত জ্যোতিৰ বিৰুদ্ধে ৭-১ ব্যৱধানত সহজ জয় লাভ কৰিছিল। কোৱাৰ্টাৰ ফাইনেলত হাৰিয়ানাৰ নিশুৰ বিৰুদ্ধে ০-৫ পইণ্টত পিছপৰি থকাৰ পিছতো ভিনেশে নিজৰ অভিজ্ঞতা ব্যৱহাৰ কৰি চমকপ্ৰদভাৱে মেচখন ৬-৬ স্ক’ৰলৈ আনি নিৰ্ধাৰিত নিয়মৰ ভিত্তিত জয়ী হৈছিল। ছেমিফাইনেলত ভিনেশে শেষলৈকে যুঁজ দিছিল যদিও মীনাক্ষীৰ সুৰক্ষাত্মক আৰু কৌশলী খেলৰ আগত তেওঁ ৪-৬ ব্যৱধানত হাৰ মানিবলৈ বাধ্য হয়। মন কৰিবলগীয়া যে, WFI-এ প্ৰথমতে ভিনেশক ৫০ কেজি শাখাতহে খেলিবলৈ অনুমতি দিছিল, ইয়াৰ বিৰুদ্ধে ভিনেশে বৈষম্যৰ অভিযোগ তুলি তীব্ৰ আপত্তি দৰ্শায়। অৱশেষত WFI সভাপতি সঞ্জয় সিঙে হস্তক্ষেপ কৰি ৫৩ কেজি শাখাত অংশ ল’বলৈ অনুমতি দিয়ে। খেলৰ পূৰ্বে ভিনেশৰ ওজন ৫৩.৯ কেজি পোৱা গৈছিল। উল্লেখ্য যে, ২০২৪ চনৰ পেৰিছ অলিম্পিকত ফাইনেলত প্ৰৱেশ কৰিছিল যদিও মাত্ৰ ১০০ গ্ৰাম অতিৰিক্ত ওজনৰ বাবে দুৰ্ভাগ্যবশতঃ অযোগ্য ঘোষিত হৈছিল। মাতৃত্ব, বিধায়ক আৰু দুবছৰৰ বিৰতিত খেললৈ প্ৰত্যাৱৰ্তন, কোনো চিনেমাৰ নায়িকাতকৈ কম নহয়, মেজৰ ধ্যানচান্দ খেল ৰত্ন বঁটাজয়ী খেলুৱৈগৰাকীৰ জীৱন কাহিনী। ভিনেশলৈ অভিনন্দন।
#🤔মোৰ চিন্তা💭
কে পাজানিভেল কোন?
কে পাজানিভেলক আজি ৰাষ্ট্ৰপতি দ্ৰৌপদী মুৰ্মূৱে পদ্মশ্ৰী সন্মানেৰে বিভূষিত কৰে। পদ্মশ্ৰী সন্মান গ্ৰহণৰ পূৰ্বে এইদৰে প্ৰধানমন্ত্ৰী মোদীক জনায় সাষ্টাংগে প্ৰণিপাত। কে পাজানিভেল হৈছে পুডুচেৰীৰ এজন প্ৰখ্যাত ‘চিলেম্বম’ সমৰকলা বিশেষজ্ঞ আৰু প্ৰশিক্ষক। ভাৰতৰ প্ৰাচীন আৰু থলুৱা সমৰকলাক সংৰক্ষণ তথা জনপ্ৰিয় কৰাৰ ক্ষেত্ৰত আগবঢ়োৱা উৎকৃষ্ট অৱদানৰ বাবে ২০২৬ চনত ভাৰত চৰকাৰে ‘পদ্মশ্ৰী’ সন্মান প্ৰদান কৰিছে। ১৯৭৩ চনৰ ৩০ জানুৱাৰীত পুডুচেৰীৰ ‘পূৰণানকুপ্পম’ গাঁৱত জন্ম গ্ৰহণ কৰা পাজানিভেলে এসময়ত পৰিয়াল পোহপাল দিবলৈ বাছ পৰিষ্কাৰ কৰা আৰু গাড়ী চলোৱাৰ কামো কৰিছিল, কিন্তু ইয়াৰ মাজতো তেওঁ নিজৰ সমৰকলাৰ সাধনা এৰি দিয়া নাছিল। তামিলনাডু আৰু পুডুচেৰীৰ প্ৰায় ৫,০০০ বছৰ পুৰণি এই লাঠিভিত্তিক প্ৰাচীন সমৰকলাবিধক তেওঁ কেৱল ভাৰততে নহয়, বিশ্বৰ বিভিন্ন প্ৰান্তত প্ৰদৰ্শন আৰু প্ৰতিযোগিতাৰ জৰিয়তে জনপ্ৰিয় কৰি তুলিছে। তামিল ভাষাত 'চিলাম' মানে হৈছে পাহাৰ আৰু 'বাম' মানে হৈছে বাঁহ। অৰ্থাৎ, পাহাৰত পোৱা বিশেষ বাঁহৰ লাঠিৰে কৰা যুদ্ধক 'চিলেম্বম' বোলা হয়। কেৱল লাঠিয়েই নহয়, মৰু, অৰুভাল আৰু চুৰুল কাত্তি ব্যৱহৃত হয়।
#ভাইৰেল কাহিনী 📱
হয় ফাফৰি মই বৰ্তমান উপস্থিত আছো কোকৰাঝাৰত...পাপৰি বাই নিউজ পঢ়িলে কোকৰাঝাৰৰ ডাইলগ মুখস্থ আছিল। LIVEৰ সিটো পাৰে আছিল শান্তিগিৰিদা। আমাৰ খুহুতীয়া কথা শুনি মণিদাই শান্তিগিৰি মানে কি জাননে নাই হাতী...ৰিতুলদাই ধেমালিতে গজমূৰা বুলি জোকায়, কিন্তু জমনি কথাটো হ'ল গজমূৰাৰ অৰ্থটো বহুত দিনলৈ নাজানি বিশেষণ দিয়া বুলি ভাবিছিলোঁ। আজি ঠিকনা সলনি হোৱাৰ ৭ বছৰৰ মূৰত লগ পালো পাপৰি বাক। ৰাস্তাৰ ইপাৰ-সিপাৰ কিন্তু লগে পোৱা নাছিলোঁ। গুৱাহাটীলৈ আহি কি পালোঁ বুলি ক'বলৈ কিছুমান মানুহ, তেজৰ সম্পৰ্ক নাথাকিলেও ঘৰৰ মানুহৰ দৰেই লাগে। ঐ তই এইটো মোক নুসুধিলি কেলেই, যেন নিজৰ ভাইটিৰ দৰে আবৰি ৰাখিব! ব্যস্ততা, ঘৰৰ দায়ৱদ্ধতা আৰু জীৱনৰ তিতা-মিঠাৰ মাজতো নিজকে আগুৱাই লৈ গৈ থকা অত্যন্ত প্ৰত্যয়েৰে জীয়াই থকা এগৰাকী মহিলা। পূবালী বৌৰ সৈতে ওলাই আহোঁতে লগ পাই ফটো এখন তুলি ইয়াতে সাঁচি ৰাখিলোঁ। পাপৰি বাৰ ভাল হওক❤️
#😎 হোৱাটচ এপ স্টেটাছ
অবিবাহিত 'মাক্কাল মুধালভাৰ' এন. ৰংগস্বামীয়ে আজি পুডুচেৰীৰ মুখ্যমন্ত্ৰী ৰূপে শপতগ্ৰহণ কৰিব। পঞ্চমবাৰৰ বাবে পুডুচেৰীৰ শাসনভাৰ চম্ভালিব ৰংগস্বামীয়ে। প্ৰথমতে কংগ্ৰেছৰ সদস্য আছিল যদিও ২০১১ চনত কংগ্ৰেছ দল ত্যাগ কৰি নিজাকৈ AINRC দল গঠন কৰে। ২০০১ চনৰ পৰা অপ্ৰতিৰোধ্য হৈ নিজৰ জনপ্ৰিয়তা অক্ষুণ্ণ ৰাখিছে ৰংগস্বামীয়ে। ১৯৫০ চনৰ ৪ আগষ্টত জন্ম গ্ৰহণ কৰা ৰংগস্বামী আইন আৰু বাণিজ্য শাখাৰ স্নাতক। এইবেলি NDA মিত্ৰজোঁটে ৩০ জনীয়া বিধানসভাত ১৮ খন আসন লাভ কৰি সংখ্যাগৰিষ্ঠতা অৰ্জন কৰিছে। তামিলনাডুৰ জনপ্ৰিয় নেতা কে. কামৰাজৰ অনুগামী ৰূপে জনা যায় ৰংগস্বামীক।
#ভাইৰেল কাহিনী 📱
আজি মে’ দিৱস। একেই ছবি, একেই সময়। সকলোতে উদযাপনৰ প্ৰস্তুতি। ৰজাঘৰ, বৰমূৰীয়াসকলৰ গাত সদায়ে আহে বসন্ত। সমস্যাৰ সন্মুখীন হ’ব লাগে মাথো খাটি খোৱাসকল। সকলোৱে বিচাৰে শ্ৰমিকৰ উন্নতি হওক, নতুন ধৰণী সৃষ্টি হওক, কিন্তু বাস্তৱত কিদৰে সুন্দৰ পৰিৱেশ সৃষ্টি হ’ব কাৰো হাতত নাই সঠিক উত্তৰ। বছৰ বছৰজুৰি মালিকপক্ষই কৰি অহা বঞ্চনা, ক্ষোভ আৰু বিৰোধিতাবোৰ কেতিয়া সলনি হ’ব? কোনেও বিচৰা নাই ৰাজকাৰেং, অট্টালিকা সাজি দিয়ক। সকলোৰে দাবী আমাৰ চাকৰিবোৰ সুৰক্ষিত হওক। অসুখৰ সময়ত স্বাস্থ্যৰ বাবে সাময়িক সকাহ পাওক, বিচাৰিছে ৮ ঘণ্টাৰ ভিতৰতে সকলোৱে ঘৰমুৱা হওক। তথাকথিত ডাঙৰ ডাঙৰ ভাষণবোৰে আমুৱাইছে সকলোকে। ধুসৰ নেকি খাটি খুৱাহকলৰ ভৱিষ্যত্?
#😎 হোৱাটচ এপ স্টেটাছ
