ਖ਼ਾਲਸਾ ਸਾਜਨਾ ਦਿਵਸ ਜਾਂ ਵਿਸਾਖੀ? ਧਾਰਮਿਕ ਇਕੱਠ ਜਾਂ ਭੀੜ ਦੇ ਹੁੱਲੜਬਾਜ਼ੀ ਲਈ ਜਗ੍ਹਾ? ਵਿਸਾਖੀ ਨੂੰ ਫ਼ਸਲਾਂ ਦੀ ਕਟਾਈ ਦੇ ਮੇਲੇ ਦੇ ਰੂਪ ਵਿੱਚ ਹੀ ਕਿਉਂ ਦਰਸਾਇਆ ਜਾਂਦਾ ਅੱਜਕਲ੍ਹ? ਗੁਰੂ ਸਾਹਿਬ ਜੀ ਨੇ ਜੋ ਇਕੱਠ ਕੀਤਾ ਸੀ, ਕੀ ਓਹ ਹੁੱਲੜਬਾਜ਼ੀ ਲਈ ਸੀ ? ਜਾਂ ਖਾਣ‌ ਪੀਣ ਲਈ ਜਾਂ ਝੂਲੇ ਝੂਟਣ ਲਈ ਸੀ ? ਜੇਕਰ ਓਸ ਸਮੇਂ ਵਿਸਾਖੀ ਦੇ ਤਿਉਹਾਰ ਕਰ ਕੇ ਇਕੱਠ ਸੀ ਤਾਂ ਓਸ ਸਮੇਂ ਦੇ ਲੋਕ ਆਪਣੇ ਆਪਣੇ ਸ਼ਹਿਰ, ਜਾਂ ਪ੍ਰਾਂਤਾਂ ਵਿੱਚ ਵੀ ਮਨਾ ਸਕਦੇ ਸਨ ਪਰ ਓਸ ਸਮੇਂ ਤਾਂ ਦੂਰ ਦੂਰ ਤੋਂ ਮਹਾਂਰਾਸ਼ਟਰ, ਉੱਤਰ ਪ੍ਰਦੇਸ਼ ਤੱਕ ਤੋਂ ਲੋਕ ਆਏ ਸਨ । ਇਹ ਸਭ ਗੁਰੂ ਸਾਹਿਬ ਜੀ ਦੇ ਸੱਦੇ ਤੇ ਹੀ ਆਏ ਸਨ ਇੱਕ ਧਾਰਮਿਕ ਇਕੱਠ ਲਈ, ਜਿੱਥੇ ਗੁਰੂ ਸਾਹਿਬ ਜੀ ਨੇ ਖ਼ਾਲਸਾ ਪੰਥ ਦੀ ਸਾਜਨਾ ਕੀਤੀ ‌। ਪਰ ਸਮੇਂ ਦੇ ਨਾਲ਼ ਹਾਕਮਾਂ ਨੇ ਸਾਡੀ ਸੋਚ ਬਦਲੀ ਤੇ ਅਸੀਂ ਵੀ ਆਪਣੇ ਮਨੋਰੰਜਨ ਲਈ ਅੱਜ ਦੀ ਵਿਸਾਖੀ ਨੂੰ ਹੁੱਲੜਬਾਜ਼ੀ ਨੂੰ ਅਪਣਾ ਲਿਆ । ਅੱਜ ਲੋੜ ਹੈ ਕਿ ਆਪਣੇ ਬੱਚਿਆਂ ਨੂੰ ਸਿੱਖ ਯੋਧਿਆਂ ਦੇ ਇਤਹਾਸ ਨਾਲ਼ ਜਾਣੂੰ ਕਰਵਾਈਏ , ਦੱਸੀਏ ਉਹਨਾਂ ਨੂੰ ਆਪਣੇ ਮਾਣਮੱਤੇ ਵਿਰਸੇ ਵਾਰੇ ਕਿ ਕਿਸ ਕੌਮ ਦੇ ਵਾਰਿਸ ਹੋ ਤੁਸੀਂ। ਦੱਸੀਏ ਓਹਨਾਂ ਨੂੰ ਸਮੇਂ ਦੇ ਹਾਕਮਾਂ ਦੇ ਦੁਆਰਾ ਸਿੱਖੀ ਨੂੰ ਖ਼ਤਮ ਕਰਨ ਲਈ ਕੀਤੇ ਜ਼ੁਲਮਾਂ ਬਾਰੇ , ਬਾਬਰ , ਅਬਦਾਲੀ, ਸੂਬਾ ਸਰਹੰਦ , ਸਾਕਾ ਨੀਲਾ ਤਾਰਾ ਬਾਰੇ, ੧੯੪੭ ਤੋਂ ਬਾਅਦ ਸਰਕਾਰਾਂ ਵਲੋਂ ਕੀਤੇ ਜ਼ੁਲਮਾਂ ਬਾਰੇ । ਦੱਸੀਏ ਓਹਨਾਂ ਨੂੰ ਕਿ ਆਧੁਨਿਕਤਾ ਦੇ ਨਾਮ ਤੇ ਸੋਚੀ ਸਮਝੀ ਸਾਜ਼ਿਸ਼ ਤਹਿਤ ਕਿਵੇਂ ਓਹਨਾਂ ਦੀ ਸੋਚ ਬਦਲ ਕੇ ਸਿੱਖੀ ਤੋਂ ਦੂਰ ਕੀਤਾ ਜਾ ਰਿਹਾ । ਸਿਰਫ਼ ਵਿਸਾਖੀ ਵਾਲੇ਼ ਦਿਨ ਹੀ ਨਹੀਂ , ਸਗੋਂ ਰੋਜ਼ਾਨਾ ਓਹਨਾਂ ਨੂੰ ਇੱਕ ਸਾਖੀ ਸਿੰਘ ਸੂਰਮਿਆਂ ਦੀ ਸੁਣਾਈਏ , ਜਿਹਨਾਂ ਨੇ ਸਰਕਾਰਾਂ ਦਾ ਸਾਹਮਣਾ ਕੀਤਾ ਅਤੇ ਸ਼ਹੀਦੀਆਂ ਪਾਈਆਂ। ਤਾਂ ਓਹ ਦਿਨ ਦੂਰ ਨਹੀਂ ਜਦੋਂ ਅਸੀਂ ਆਪਣੀ ਆਉਣ ਵਾਲੀ਼ ਪੀੜ੍ਹੀ ਨੂੰ ਗੁਰੂ ਦੇ ਲੜ ਲੱਗੇ ਦੇਖਾਂਗੇ । ਤੇ ਸਾਡੇ ਗੂਰੂ ਸਾਹਿਬ ਜੀ ਦੇ ਬੋਲ " ਰਾਜ ਕਰੇਗਾ ਖਾਲਸਾ" ਸੱਚ ਹੋਣਗੇ। ਸੋ ਆਓ ਆਪਾਂ ਇਸ ਖ਼ਾਲਸਾ ਸਾਜਨਾ ਦਿਵਸ ਨੂੰ ਗੁਰੂ ਸਾਹਿਬ ਜੀ ਦੀ ਬਾਣੀ ਦਾ ਜਾਪ ਕਰਦੇ, ਕੀਰਤਨ ਸੁਣਦੇ ਮਨਾਈਏ। ਵਾਹਿਗੁਰੂ ਜੀ ਕਾ ਖ਼ਾਲਸਾ, ਸ਼੍ਰੀ ਵਾਹਿਗੁਰੂ ਜੀ ਕੀ ਫ਼ਤਹਿ 🙏 ਦਾਸ ਮਾਹਿਲਪੁਰੀਆ #🙏ਹੈਪੀ ਵਿਸਾਖੀ🌾 #🙏ਖਾਲਸਾ ਪੰਥ ਸਥਾਪਨਾ ਦਿਵਸ⚔ #💪ਖਾਲਸਾ ਪੰਥ ਦੇ ਪੰਜ ਪਿਆਰੇ⚔