-

'ഇവിടെ, 'ഞാന്‍' ഞാന്‍ തന്നെയാവുകയും മറ്റൊന്നിലേക്ക് പരകായം ചെയ്യപ്പെടാതിരിക്കുകയും ചെയ്യുക. ഈ ചില്ലുപ്പാളികള്‍ക്കിപ്പുറത്ത് അസ്ഥിത്വം തേടുകയും പൂജ്യനാവുകയും അതിനപ്പുറത്തേക്ക് ഒന്നുമല്ലാതാവുകയും, ശൂന്യനാവുകയും ചെയ്യുക... കരങ്ങളിലുള്ള പ്രകാശരേണുക്കളുടെ തിളക്കം അണയുന്നതുവരെ ആരുടെയെങ്കിലും സ്മൃതിപഥങ്ങളില്‍ നിറഞ്ഞു നില്‍ക്കുക. അതും അണയുന്നതിനു മുമ്പെ നിങ്ങളിലേക്ക് മടങ്ങുക... നമ്മളെല്ലാം ആരുടെയെങ്കിലും വിരലനക്കങ്ങളിലെ കാല്പനികമായ വെറും സങ്കല്‍പ്പങ്ങള്‍ മാത്രമാണെന്നും യാഥാര്‍ഥ്യങ്ങളുടേയും മിഥ്യകളുടേയും കോലാഹലങ്ങളില്‍ തിരിച്ചറിയാതെ പോവുന്ന ചില രേഖാചിത്രങ്ങളാണെന്നും ബോധ്യപ്പെടുക. ബോധ്യങ്ങളെല്ലാം ബോധങ്ങളാക്കുക! പിന്നെ, ആര്‍ക്കും ആരുമല്ലാതാവുക, അവരില്‍ നിന്നൊരു വാതില്‍ പുറത്തേക്ക് തുറക്കുന്നതുവരെ... പൂര്‍ണ്ണമായി അടയുന്നതിനും വിഷാദങ്ങള്‍ ഇരുട്ടി കറുക്കുന്നതിനു മുമ്പ് സൂര്യവെളിച്ചങ്ങളുടെ നിറങ്ങളിലേക്ക് ജാലകങ്ങള്‍ തുറന്നിടുക... അല്ലെങ്കില്‍, എല്ലാത്തിന്‍റേയും തുടക്കത്തില്‍ പിന്‍വശത്തെ ഒരു കതകിന്‍റെ പാളി പാതി ചാരി വെക്കുക, കൂടുതല്‍ ബന്ധസ്ഥനാവുമെന്നാല്‍ ശ്രമപ്പെടാതെ രക്ഷപ്പെടാം....😝 "സ്നേഹങ്ങള്‍ ശ്വസിച്ച്, ശീഘ്രമൃതിയെ തൊട്ട് അതിജീവിപ്പിക്കാന്‍ ശരീരത്തെ പഠിപ്പിക്കുകയും നിങ്ങള്‍ നിങ്ങളിലേക്കും ഞാനിനി എന്നിലേക്കും യാത്രയാവാം..." 😁😒🤪 #🖼️ നൊസ്റ്റാള്‍ജിയ

രണ്ട് രാജ്യങ്ങൾ തമ്മിലുള്ള പ്രഖ്യാപിത യുദ്ധത്തെക്കാള്‍ വിനാശകരമത്രെ നമ്മുടെ തന്നെ ഉള്ളില്‍ നടക്കുന്ന പല ആഭ്യന്തരകലഹങ്ങളും...! ഏറ്റവും കൂടുതല്‍ വെല്ലുവിളി നേരിടുന്ന നേരങ്ങള്‍... ഭീഷണികള്‍ അക്രമങ്ങള്‍ പകപ്പോക്കലുകള്‍ പോര് പോരാട്ടങ്ങള്‍ സംഘര്‍ഷങ്ങള്‍ കൊള്ളകള്‍ പോര്‍വിളികള്‍ ക്രൗര്യങ്ങള്‍ കൊള്ളിവെപ്പ് സ്ഫോടനങ്ങള്‍ പൊട്ടിത്തെറികള്‍... നിലവിളികള്‍ അട്ടഹാസങ്ങള്‍ പൊട്ടിച്ചിരികള്‍ ആര്‍ത്തനാദങ്ങള്‍.... യുദ്ധ സമാനതകളുടെ മുനയില്‍ നിര്‍ത്തി ചില സാഹചര്യങ്ങളുടെ വിലപേശല്‍... തട്ടിയെടുക്കലുകള്‍ വശീകരണങ്ങള്‍ അധിനിവേശങ്ങള്‍... വെടിനിര്‍ത്തല്‍ കരാര്‍ നിലനില്‍ക്കെ തന്നെ ചില ലംഘനങ്ങള്‍ പ്രലോഭനങ്ങള്‍ പ്രകോപനങ്ങള്‍... ശ്ലീലമല്ലാത്ത വൈകൃത സ്വഭാവങ്ങള്‍... ചാരകണ്ണുകളുമായി സദാചാരന്മാര്‍ ഒറ്റുകാര്‍ ചതികള്‍ ചതിക്കളങ്ങള്‍ വ്യഭിചാരങ്ങള്‍ മാനനഷ്ടങ്ങള്‍... തുടരെ യുദ്ധകരാറുകള്‍ മാറ്റിയെഴുതല്‍... വാക്കുടമ്പടികള്‍ ഒപ്പു വെക്കലുകള്‍... അനുരഞ്ജന ചര്‍ച്ചകള്‍, സന്ധിസംഭാഷണങ്ങള്‍... സമാധാനത്തിനുവേണ്ടി കൈകോര്‍ക്കല്‍. അതിര്‍ത്തികള്‍ ഭേദിച്ച് ചിന്തകളിലേക്ക് നുഴഞ്ഞു കയറുന്ന ചില അനാവശ്യ ഭീകരതകള്‍... അവരില്‍ നിന്നുള്ള പ്രത്യാഘാതങ്ങള്‍... ഭീകരത തടയാന്‍ വീണ്ടും ചര്‍ച്ചകള്‍. ഉച്ചകോടികള്‍ നയതന്ത്രനിയമങ്ങള്‍... അവസാനം, പ്രതിരോധങ്ങള്‍ കണ്ണീരില്‍ നനഞ്ഞ മാപ്പപേക്ഷകള്‍ അതിജീവനങ്ങള്‍, കീഴടങ്ങലുകള്‍... ഒടുവില്‍ മുറിവുകളുണങ്ങാനെടുക്കുന്ന ദീര്‍ഘനാളുകള്‍ വേറൊരു കലാപത്തിനുള്ള പടയൊരുക്കം പോലെ അത്രയും ദുഷ്ക്കരമാണ് കാരണം പ്രതിരോധകനും നമ്മള്‍ തന്നെയാണല്ലോ...!!😀 #💓 ജീവിത പാഠങ്ങള്‍

ശരീരത്തില്‍ എവിടെയൊക്കെയോ പനി തേച്ചുപിടിപ്പിച്ച് വേദനിപ്പിക്കുന്ന പോലെ.😀 നില്‍ക്കുന്ന ഇടവും ഇരിക്കുന്ന സ്ഥലവും ഭൂമിയിലെ രാത്രിപകലുകള്‍ക്കിടയില്‍ കാണുന്ന തിരിച്ചറിയാനാവാത്തൊരാവര്‍ത്തന സമയം പോലെ... ഓര്‍ക്കാനെടുക്കുന്ന ഒരു തുള്ളി ശ്വാസത്തില്‍ പോലും പനിയുടെ ചൂടും അതിന്‍റെ കുളിരും. വെള്ളത്തിന്‍റെ മണവും, കയ്പ്പും. തൊണ്ടയില്‍ ചവര്‍പ്പും.. നോക്കുന്നതെല്ലാം രണ്ടായും പിന്നെ അതിന്‍റെ നിഴലുകളും പ്രതിഛായകളും പ്രതിബിംബങ്ങളുമായൊരു നിറം മാത്രം...! ഗ്രഹണകാന്തിക വലയങ്ങളുടെ കോണളവുകള്‍തെറ്റി ഉന്മാദത്തിന്‍റെ തിരശ്ചീന രേഖയില്‍ ഏതു പകുതിയിലാണിപ്പൊ വലയം ചെയ്തുകൊണ്ടിരിക്കുന്നതെന്നറിയാതെ പുതച്ചിരിക്കുന്നു...അല്ല, മൂര്‍ച്ചയേറിയ ചിന്തകള്‍ രോമകൂപങ്ങളില്‍ നിന്നും പഴുത്ത വിയര്‍പ്പിനെ കുഴിച്ചെടുക്കുന്നു... രാത്രിയില്‍; എന്നോളം പോന്നൊരുത്തന്‍ ഞാനായി വന്ന് മുന്നില്‍ പിടിച്ചിരുത്തി എന്നെ ഉപദേശിച്ച് പേടിപ്പിക്കുന്നതിനാണോ കാഠിന്യം... അതോ ഇപ്പൊഴത്തെ പനിക്കോ...?! ആാ😁 #☃️എന്താ തണുപ്പ്

ചത്തു ചത്തു ചത്തു #🏆 ഞാൻ ഷെയർചാറ്റ് ക്യാപ്റ്റൻ

ഞാനെന്നെ എഴുതി തീര്‍ത്തിരുന്നു.... വിജനമായൊരു കാട്ടുവഴിയാണ് ഞാനെന്ന്! മേനിയിലൊരിറ്റു വെയില്‍ വീഴാതെ നിറങ്ങളുടെ പകലൊഴിഞ്ഞ് തണുവായി കിടന്ന് ഇരുണ്ടുപോയവനായിരുന്നു... മഴപ്പൂക്കളുടെ സുഗന്ധമറിയാതെ, പ്രണയങ്ങളറിയാതെ, കവിതകളറിയാതെ മഷിയുണങ്ങിയ നെഞ്ചില്‍ സ്നേഹത്തെ എഴുതാതെ കാടായി മാറിയവനായിരുന്നു. മരണത്തിന്‍റെ ഹിമപാതത്തില്‍ ഉറഞ്ഞു കിടന്നു ഞാനൊരു യുഗം. പിന്നെപ്പൊഴായിരുന്നു നീയെന്‍ വനകന്ദരങ്ങളില്‍ തുള്ളികളായി സൂര്യനെ ഉടലില്‍ തളിച്ചു തന്നത്...!? ഉയിരില്‍ ആത്മാവ് ചേര്‍ത്ത് പ്രാണന്‍ ഊതിയുണര്‍ത്തിയത്...!!? ഹൃദയത്തെ നിലാവില്‍ കഴുകിയെടുത്തത്!? സ്നേഹം ഞരമ്പുകളില്‍ വന ചോലകളായൊഴുക്കിയത്...!? പ്രണയകോശതന്മാത്രകള്‍ കൊണ്ടെനിയ്ക്കൊരു പ്രതരൂപം ചമച്ചത്!? നാവില്‍ വാക്കുകള്‍ പുരട്ടി തന്നത്? കണ്ണില്‍ പ്രപഞ്ചനിറങ്ങളൊഴിച്ചത്.........!? അറിയില്ല, ഇപ്പൊഴും ഞാനീ കാന്താരവഴികളില്‍ നീയെന്നിലിറ്റിച്ചു തന്ന പ്രാണഗന്ധവുമായി നിന്‍റെ വരവോര്‍മ്മകളില്‍ തന്നെ കിടക്കുന്നു... എന്നിലിപ്പൊഴാ കാടില്ല. ഞാനൊരു കാടാണ് എന്നെഴുതി നിര്‍ത്തുന്നില്ല... ഞാനെന്നെ എഴുതിതീര്‍ക്കുന്നുമില്ല. കൂടെ നിന്നെയും....... @. #💭 എന്‍റെ ചിന്തകള്‍

ചിലപ്പോഴിങ്ങനേയുമാണ്, ഭൂഗര്‍ഭനഗരങ്ങള്‍പ്പോലെ ശാന്തമാണെന്ന് തോന്നും മനസ്സ്, പക്ഷെ, ഉള്ളിലെന്തോ വിലീനമാവുന്നതറിയില്ല... ചാലുവെട്ടി കണ്‍കോണുകളിലൂടെ പ്രസ്രവണമാവുമ്പൊഴായിരിയ്ക്കും ഹൃദയത്തിന്‍റെ മടക്കുകളിലെവിടേയോ വിദരങ്ങളിലൂടെയും വിടവുകളിലൂടെയും പുറത്തേക്കിരച്ചുകയറാന്‍ ധൃതികൂട്ടുന്ന ഭൂവത്കച്ഛിദ്രങ്ങള്‍ തിളച്ചുരുകുന്നുണ്ടെന്നറിയുന്നത്... പലതും അന്തര്‍വേധനങ്ങള്‍ പോലെയാണ്, പുറത്തേക്ക് തികട്ടാതെ, ഉപരിതലങ്ങളിലേക്കു തള്ളി സ്തൂപിക പാരാവതമാവാതെ, വലിയൊരു ശിലാകാരമായി രൂപപ്പെടാതെ വീണ്ടും ആഗ്നേയങ്ങളില്‍ ഉരുകി വെന്തു കിടക്കും... എപ്പോഴെങ്കിലും, ഏതെങ്കിലുമൊരു നേരത്തെ ദുര്‍ബലതയില്‍ നേര്‍ത്തൊരാ ചര്‍മ്മം പൊട്ടി ദ്രവങ്ങള്‍ ഛര്‍ദ്ദിച്ചൊരു ശിലയായി തണുത്തുറയാം... പുല്ല്....😜 @. #🧔🏻No Shave November

പ്രിയപ്പെട്ടവളേ, വാതില്‍ തുറന്നു നീ എന്‍റെ മുറിയിലേക്ക് കയറിവരരുത്... ഒന്നുമെഴുതാത്തൊരു കടലാസിനു മുന്നില്‍ നാവിറങ്ങിപ്പോയി മൂകനായിരിക്കുന്ന എന്നെയാവും നീ കാണുക. എന്തെഴുതാന്‍; പിച്ചിചീന്തപ്പെട്ടവരുടേയും കൊലചെയ്യപ്പെട്ടവരുടേയും നിലവിളി കാതിലടയുമ്പോള്‍... ധ്വംസനമേറ്റവരുടേയും, 'ആത്മഹത്യ' ചെയ്തവരുടേയും, മാനഭംഗപ്പെടുത്തപ്പെട്ടവരുടേയും ചിത്രങ്ങള്‍ കണ്ണില്‍ തറയ്ക്കുമ്പോള്‍ പ്രണയത്തെക്കുറിച്ച് എങ്ങനെ ഞാനെഴുതും... കുഞ്ഞുമുഖങ്ങളിങ്ങനെ കണ്ടിരിക്കുമ്പോള്‍ മരണത്തെക്കുറിച്ച് എങ്ങനെ ഞാനെഴുതും... #🤫 നിശബ്ദം