ഇന്നിന്റെ പ്രകാശമായ് വന്നെന്നെ തഴുകുവാൻ ഇണചേരുമിരുട്ടിനെ ഈണമില്ലാതെ കൊഴുപ്പിച്ചു നീ എന്നിട്ടെൻ തന്ത്രിയിൽ രാഗം തിളയ്ക്കുവാൻ ഏഴുമലകളെചേർത്തു വെച്ചു...© ശുഭരാത്രി... false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #🌃Good Night Status #💌 പ്രണയം #ശുഭരാത്രി

കവിത. കോമരം. ********** പടികയറിയെത്തുന്ന ചേങ്ങില താളത്തിൽ പടവാളെടുത്തെൻ മനസ്സുറഞ്ഞു കൊട്ടി കയറുന്ന കാലങ്ങളൊന്നായ് മൊട്ടറ്റ പുവ്വിൻ പാദം പുണർന്നു മിഴികളിലൂറിയ ചോരതൻ ചിരി മോഹിച്ച പെണ്ണിൻ ചുംബനമല്ലേ ദർശന പുണൃത്തിലാറാടി നിൽക്കുന്ന ദിക്കുകളെട്ടും കാത്തിരുന്നു മുന്നോട്ട് പിന്നോട്ട് താളത്തിലായ് മെല്ലെയാ കോമരം മിഴി തുറന്നു കൈകൂപ്പി നിൽക്കുന്ന ജീവിത കോലങ്ങൾ കണ്ണിലെ ചോര തെറിച്ചു തൂകി ഭദ്രയായ് നിദ്രയിൽ വന്നു വലം വെച്ച് ഭാവിയെ ശൂനൃമായ് തൂക്കിയാടി ചടുലതാളത്തിലുയർന്ന മേളത്തിൽ കോമരം കണ്ണീരു വിയർപ്പിലൊഴുക്കി ഉപ്പിന്റെ നീറ്റലിൽ മനസ്സിന്റെ വിറയൽ ഒപ്പിയെടുത്തവനൊന്നലറി കേൾക്കുവോർക്കെല്ലാം ദർശനപുണൃം കേഴുന്ന മനസ്സിന്റെ നെഞ്ചിടിപ്പ് കൂട്ടത്തിലാരെയോ തേടുന്നു കോമരം കൂടണയാത്ത ദേവിതൻ പ്രീതിക്കായ് ആയിരം കണ്ണിനാൽ ഉഴിയുമ്പോഴും അവനൊരു കണ്ണിനായ് തേടിയലയുന്നു അരുളപ്പാടിനായവർ കാത്തു നിൽക്കേ ആയിരം ഫണം വിടർത്തിയവനനന്തനായി മാലോകരെല്ലാം ഭയചകിതരായീടുമ്പോൾ മാനം മുട്ടെയവനുറഞ്ഞു തുള്ളി മോഹമാം വാളിനാലുറഞ്ഞു വെട്ടി മോഹിച്ച കണ്ണുകളടർന്നു വീണു. Nb:-  ഇത് സാങ്കൽപ്പിക ചിന്തയുടെ തേരോട്ട മായി മാത്രമേ കാണാവൂ എന്ന് അപേക്ഷിക്കുന്നു. false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💌 പ്രണയം #💑 സ്നേഹം #കോമരം

നടനം കഴിഞ്ഞൊഴിഞ്ഞ രാവിന്റെ മിഴിയിൽ ഏഴഴകോടെ അംശുമാലി പുലരിയെ പുൽകാൻ തുടിക്കുന്നു, പ്രതീക്ഷകൾ വിടരുന്ന മനസ്സ് പോലെ! കഴിഞ്ഞ ജാതകം നീറ്റിലൊഴുക്കി,നിനവിൻ പൂമൊട്ടായ ഇന്നിന്റെ കഴുത്തിൽ ഹാരമണിയാം. കുളിർമഞ്ഞിൻ കുട ചൂടിയെത്തും നന്മയുടെ കരങ്ങൾ പിടിച്ച് മുന്നേറാം, തളരാത്ത മനസ്സിന്റെ തുടിക്കുന്ന ചിന്തകളുമായി...© ശുഭദിനം 🌼 false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #🌞Good Morning Status #💓 ജീവിത പാഠങ്ങള്‍ #ശുഭദിനം

നിലാവിന്റെ നീലിമയിൽ ഒഴുകിയെത്തുന്ന മൗനാക്ഷരങ്ങൾ കാതിൽ നന്തുണിയിൻ ഈണമായി തെന്നലാമധരം സ്വകാര്യം പറയുന്നുണ്ടോ...! തിരിഞ്ഞൊന്നു നോക്കാനായി ദലം മാടി വിളിക്കുന്നുണ്ടോ...! പ്രണയ മന്ത്രങ്ങളുമായി പുതുമഴ വാരി പുണരുന്നുണ്ടോ...! മയങ്ങി നിന്ന നിദ്ര പ്രണയാതുരയായി നിങ്ങളുടെ മിഴികളിൽ കുടിയിരിക്കുന്നുണ്ടോ...!© ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #🌃Good Night Status #💌 പ്രണയം #ശുഭരാത്രി

കവിത. മകുടി. ******* മച്ചകം തൊട്ടുണ്ണർന്നെൻ മിഴിയലയും നിന്നശ്രുവാലുദയമാക്കി മഘം കൊണ്ട ചിന്തകൾ മിഴി നീരാൽ മൂടി പുതപ്പിച്ചിരിക്കെ മഴ പെയ്യാ വീഥികളതിൻ ബാഷ്പമെൻ ചിതയിൽ നെയ്യാകവേ മിഴി പെറ്റ ചിരികളിൻ സത്യം മഴക്കാറ് പോലെന്നിൽ തുടിക്കും! മൊഴി ചൊല്ലാ നോവുകൾ ചിരികളായി കപോലം ചുവന്നീടവേ മറുവാക്ക് മൊഴിയാ മനസ്സിന്നെങ്ങോ മധുരം പകർന്നിരിക്കാം! മാറും ഋതുക്കളിൻ ചിത്രങ്ങളിലെൻ ചോര ചായമായമർന്നിരിക്കാം മനസ്സ് കൊഴിഞ്ഞ ചെടിയിനി പുതു മൊട്ട് കൊതിക്കാതിരിക്കാം! മഴ നനഞ്ഞെത്തിയ,യോർമകൾ നിൻ ചുടു ചോര നുണഞ്ഞിരിക്കാം മാറാത്ത ഭൂവിൻ പൊക്കിളിലന്നൊരു അടർ തെളിഞ്ഞിരിക്കാം! മൂർദ്ധാവിൽ ചുംബിച്ച ചുണ്ടിൻ ചാരം തിരി തെളിയാതുണർന്നിരിക്കാം! മിഴി പോലലഞ്ഞ മാനസം നിന്നിലെ,യെന്നെ തേടുവതാകാം...! മതിയെന്നോതിയീ,യവനി ശ്വാസം വെടിഞ്ഞിടാൻ വെമ്പൽ കൊള്ളേ മദിയതിനലങ്കാരം തീർത്തിടാൻ മുകിലെത്ര താണ്ടുമീയിടനാഴിയിൽ! മാറ്റുരക്കാ വൈരം നിഴലായിരുന്നുവോ മകുടിയായെത്തി പ്രണയവും മറുകര താണ്ടാത്ത പൊള്ളയായെന്നി,ലിന്നും ചോരയില്ലാ ജീവനും! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💑 സ്നേഹം #മകുടി

വീണു കഴിഞ്ഞാലാണ് വീഴ്ചയുടെ ആഘാതം മനസ്സിലാവുകയും എഴുന്നേൽക്കാൻ പഠിക്കുകയുമുള്ളൂ, ജീവനചക്രത്തിലെ ഗർത്തങ്ങൾ അറിഞ്ഞ് പ്രതിവിധിയോടെ മുന്നോട്ട് പോകാനുള്ള ഗൃഹപാഠങ്ങളാണ് ഓരോ വീഴ്ചകളും. ഒരിക്കലും വീഴാത്തവർ എന്നെങ്കിലും വീണാൽ തിരിച്ചു കയറാൻ കഴിയില്ല! സൂര്യൻ സന്ധ്യക്കു മുന്നിൽ കൂപ്പുകുത്തി പുലരിയായി പുലരും പോലെ ജീവിതം എന്നും പുലരിയായി പുലരട്ടെ...© ശുഭദിനം 🌼 false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #🌞Good Morning Status #💓 ജീവിത പാഠങ്ങള്‍ #ശുഭദിനം

കവിത. നിലാ ****** എന്നെയറിയാൻ കൊതിച്ച നിൻ കപോലം നിറഞ്ഞാടി- യെന്നെ മറന്നിടാൻ നിഴൽക്കൂമ്പ് തേടി നീയെരിഞ്ഞടങ്ങി എന്തിനെന്നഴലുകൾ വിറ്റു നീ നേടി പരിതാപമാമിടനാഴി എന്തിനെൻ ഛന്ദസ്സു നിർമ്മാല്യമാക്കിയർച്ചന തീരാ മൊഴി എത്തുവാനേന്തിടുമഷ്ടമാംഗല്യമുണരായിരുട്ടിനിതൾ വഴി എന്നെന്നു ചൊല്ലുവാനാകാതെ നമ്മളിന്നിനിന്നും ചൊൽമൊഴി എന്തിത്ര പാകി നീയകത്തിലെന്നെ മറയ്ക്കാൻ പാൽമൊഴി എവിടെയരുണനിൻ കോകിലമെവിടെ സന്ധ്യയിനണി മിഴി ഏകാന്ത ജീവിത പാതയിൽ ഞാൻ പെറ്റുയേകനാമെൻ മിഴി എങ്ങിനെ ചിരിച്ചോയതിനടിയലെന്നശ്രുവടിഞ്ഞു നിൻ പൊഴി ഏതോ കുതൂകിക്കു മാസം മുൻപേ പിറന്ന പ്രണയമൊരു കിഴി എന്തിനോ ജീവനറ്റയെൻ ഹൃത്തിനിതൊരു മായാ നിറമാമാഴി! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💑 സ്നേഹം #നിലാ

കണ്ണീർ വറ്റി കാഴ്ചയില്ലാതെ വിതുമ്പുന്ന സന്ധ്യയുടെ ചുവന്നു തുടുത്ത കവിളിൽ പ്രഭാകരന്റെ ഒറ്റക്കണ്ണിൻ നിഴൽ പതിയുമ്പോൾ കളകളാരവം മുഴക്കുന്ന കിളിപ്പാട്ടുകൾ! തുടുത്ത സന്ധ്യയിൻ നെഞ്ചിൽ വെള്ളിക്കൊലുസ്സണിഞ്ഞ് ഇന്ദുവിൻ ലാസ്യ നൃത്തം! മഴ പെയ്തൊഴിയും പോലെ ഓർമകൾ ഇടക്കിടക്ക് മെമ്പൊടി വിതറുമ്പോൾ രാവിന്റെ ശയ്യയിൽ കള്ളച്ചിരിയോടെ നിദ്രയുടെ ആഗമനം, നാളെയുടെ താളുകൾ പ്രതീക്ഷയുടെ കാറ്റിൽ വിടരാൻ ശ്രമിക്കുമ്പോൾ ഇനിയും...© ശുഭരാത്രി... false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #🌃Good Night Status #💌 പ്രണയം

ജനനമാണ് വിശ്വാസം, മരണം സത്യവും! അക്ഷരം ചിത്രവും, ഭാവന നിറവും. പകൽ വെളിച്ചവും, രാത്രി ആത്മാവും. ചിന്തകളുടെ ലോകം നിറയട്ടെ നാളെയുടെ ഗർഭപാത്രത്തിലെ അക്ഷരങ്ങളായി നാളെയുടെ വെൺചിരാതുകളായി... പുലരി പോലെ നിർമ്മലമാവട്ടെ മനസ്സും ചിന്തയും...© ശുഭദിനം 🌼 false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #🌞Good Morning Status #💓 ജീവിത പാഠങ്ങള്‍ #ശുഭദിനം

നദി സ്വയം തുഴഞ്ഞു തേടുന്നത് കടലിനെ, കടലോ തിരകളായി സ്വയം തേടുന്നു! പകൽ സന്ധ്യയെയും, സന്ധ്യ രാത്രിയേയും, രാത്രി പുലരിയേയും! നശ്വരമെന്നറിഞ്ഞും അനശ്വരത തേടുന്ന മനസ്സിന്റെ മോഹം പോലെ.... കിട്ടിയതിലും നല്ലതാണ് കേട്ടറിഞ്ഞതെന്ന അത്യാഗ്രഹം പോലെ! സൂര്യനെ സ്വയം മറയ്ക്കുന്ന ഭൂമിയും ഏകാന്തമാകുന്ന നിമിഷങ്ങളും പോലെയാണ് ജീവിതവും രാത്രി വസന്തവും... © ശുഭരാത്രി... false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💌 പ്രണയം #ശുഭരാത്രി #🌃Good Night Status