അനാഥമായ അക്ഷരങ്ങളും അർത്ഥമില്ലാത്ത ഭാവനയും ഞാനും അലഞ്ഞു തിരിയാറുണ്ട് എഴുത്തിന്റെ ഗർഭപാത്രത്തിൽ ഒരു ജന്മം പ്രതീക്ഷിച്ച്... നമുക്ക് പറയാനും അത് അതിന്റെ അർത്ഥത്തിൽ കേൾക്കാനും ഒരാളുണ്ടാവുക എന്നതാണ് മനുഷ്യന് കിട്ടാവുന്ന ഭാഗ്യം... ശുഭദിനം 🌻 false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #🌞Good Morning Status #💌 പ്രണയം #ശുഭദിനം

ഒരു യാത്രയുടെ ക്ഷീണവുമായി പകൽ ഇരുളിന്റെ തൊട്ടിലിൽ വിശ്രമിക്കുമ്പോൾ രാപ്പാടിയുടെ സ്വരധാര മോഹങ്ങളുടെ വീണമീട്ടാൻ തുടങ്ങി. അരുവിയും പുഴയും ചേർന്ന് കടലാവുന്ന പോലെ ചിന്തയും ഭാവനയും ചേർന്ന് നിദ്രദേവിയുടെ അനുഗ്രഹത്തിൽ അക്ഷരങ്ങളായി വിരിയും പ്രഭാതത്തിനായി രാവിനെ നെഞ്ചോട് ചേർക്കാം... ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #🌃Good Night Status #💭 Best Quotes #ശുഭരാത്രി

നാമെന്ന ചിന്ത മരിക്കുമ്പോഴാണ് "ഞാനെ"ന്ന വിത്ത് മുളക്കുന്നതും " നമ്മൾ " നശിക്കുന്നതും.നമ്മൾ നേടിയത് ഞാനായി നിലനിർത്താൻ കഴിയില്ല, ഒറ്റകൊമ്പുള്ള മരം പോലെ കാറ്റിൽ പൊട്ടി വീഴും! ഒരു രാത്രിക്കും പുലരിയെ തകർക്കാൻ കഴിയില്ല, അത്തരം ചിന്തകൾ ഓളമില്ലാത്ത പുഴ പോലെ ജീവനില്ലാ ശവമാകും! "ഞാൻ" എന്നതിൽ നിന്നും നമ്മളായി നിദ്രയുടെ കൂടാരത്തിൽ നല്ലൊരു നാളെയെ വരവേൽക്കാം... ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #🌃Good Night Status #💓 ജീവിത പാഠങ്ങള്‍ #ശുഭരാത്രി

കവിത. ഭൂമിപ്പെണ്ണ്. ************ നീയെൻ മണ്ണിൻ ചോരയൂറ്റി, യെന്നിലെ താപം പുഴുക്കളാക്കി നീയെറിഞ്ഞെന്നിൽ മുളച്ചൊരാ വിത്തുകൾ മുള നുള്ളി മാറ്റി നീയെൻ നിഴലിൽ കറുപ്പു തേച്ചു,യിറ്റുന്ന ചോരയിൽ മിഴി തുരന്നു നിലയില്ലാതൊഴുകും നിള പോലെയെന്നെ ഗതി വികൃതമാക്കി...! നീ തുരന്നൊരാ ചെടികൾ വെച്ചു, പൂക്കാതെ കായായ് പിറന്നിരുന്നു നിൻ ചിരിയകിടിന്റെയറ വെട്ടി,യതിൻ മുലക്കാമ്പന്നേ രുചിച്ചിരുന്നു നീയെന്നെയാർക്കോ പകുത്തു നൽകി, വേലിയിൽ ചോര തിളച്ചിരുന്നു നിന്നമൃതു പുൽകി പറവയായിയെന്നോഷ്ഠം വിണ്ടു മരിച്ചിരുന്നു...! നീയമ്മയായ് ചോരയിൻ പ്രാണനായി,യെൻ മടിത്തട്ടിൽ കേളിയായി നീ പെറ്റ രുചികളിൽ രുചിരം പെയ്യാ പുലരിയായിന്നുമസ്തമിച്ചു! നിഴലിൻ ദേഹി കടഞ്ഞു നീ സൂര്യനായ്, സൂര്യകാന്തി വാടിയതറിയാതെ നീ ചിരിക്കേ പൊഴിയുന്നുവിന്നുമെൻ, ചിരിയാമാമ്മശ്രു ബാഷ്പം! നിഴലിനെ തേടു നീ നിന്നിലേക്കെത്തുവാൻ,യിരുട്ടിലെന്നാത്മമാകാൻ നിൻ ചവിട്ടടി,യെൻ പ്രണയമായോ,പിരിയുവാനാകാതെയലഞ്ഞിടുന്നു നിള പോലെ ചിരിച്ചെന്നില,ലിഞ്ഞിടാമോ,നിയ്യാം ചോരയിലീ ഞാനെന്ന മണ്ണും നീ പകുത്തയാ മണ്ണിലിന്നും തളിർക്കുന്നു,പ്രണയമേ നിന്നാത്മ ശാന്തി...! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💓 ജീവിത പാഠങ്ങള്‍ #💭 Best Quotes #ഭൂമിപ്പെണ്ണ്

മറന്നു പോയ വാക്കും പറയാൻ മറന്ന സ്നേഹവും മനസ്സിൽ ഉരുകി കൊണ്ടിരിക്കും, നിഴലു പോലെ നമ്മെ പിന്തുടരും! പാതി വെന്ത മാംസം പോലെ സുഗന്ധം പൊഴിച്ച് പുഴുക്കൾ അടർന്നു കൊണ്ടിരിക്കും! നിലാവിനും മണ്ണിനും ഇല്ലാതെ അനാഥമായ് അലയും, ഒരു പുലരി പിറക്കാൻ വേണ്ടി... പറയാനുള്ളതും ചെയ്യാനുള്ളതും ഒരു പുഞ്ചിരിയാൽ ഈ ജന്മത്തിൽ തന്നെ വേണ്ടിടത്ത് ഏൽപ്പിക്കുക! നാളേക്കും മനസ്സിനും ഭാരമാകാതെ... ശുഭദിനം 🌻 false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #🌞Good Morning Status #💌 പ്രണയം #ശുഭദിനം

കഴിഞ്ഞു പോയതിന്റെ നെറുകിലല്ല, ചെയ്യാനുള്ളതിനാണ് ചിന്തയുടെ അലങ്കാരം വേണ്ടത്. പെയ്തു തോർന്ന പകലിന്റെ ഇറ്റി വീഴുന്ന തുള്ളികളിലല്ല, നാളെയുടെ പരവതാനിയാകേണ്ട രാവിന്റെ നീലിമയിലാണ് ഭാവനയുടെ മഷി പുരളേണ്ടത്. നിദ്രക്കൊപ്പം നൃത്തമാടുന്ന ഭാവനകൾ നാളെയുടെ വാതയാനങ്ങൾ തുറക്കട്ടെ... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #🌃Good Night Status #💭 Best Quotes #ശുഭരാത്രി

കവിത. കാലം ****** ഇന്നലെകൾ പെരുമഴയായി പുൽകിയുണർത്തവെ ഇഴകളായ് നാളുകൾ മുടിയഴിച്ചിട്ടു തുള്ളിയുറഞ്ഞു ഇല ചെരിഞ്ഞു മഞ്ഞുതുള്ളിക്കകമെരിഞ്ഞപ്പോൾ ഇതളുകൾ പൂട്ടി സൂര്യൻ മഴക്കാറ് നൃത്തമിട്ടുലഞ്ഞു ഇമകളിൽ തെളിയുന്ന ബാല്യമതിലൊരുയുറവയുണ്ട് ഇടി തോർന്ന സന്ധ്യയിൽ ചിരിക്കാത്ത പൂ പോലെ ഇല്ലാത്തയീണത്തിലന്നം കൊരുപ്പിച്ചയിന്നലെകൾ ഇമകൾ കോർക്കാതെ കടക്കണ്ണിനാൽ സ്വകാര്യം ഇരു ഹൃദയത്തിന്റെ മച്ചിലും പൂജക്ക് വെച്ച കാലം ഇടുങ്ങല്ലെ, യിടനെഞ്ച് കലങ്ങല്ലേയെന്നകലെയായ് ഇടവഴിയിൽ തിരിഞ്ഞ കപോലം ചൊന്ന നേരം ഇടമില്ലായിടങ്ങളിലടി തേടി നിന്നെ പിന്തുടർന്ന കാലം ഇന്നുമോർക്കുന്നു,വന്നു നീയണിയുമാടയിൻ നിറം ഇന്നുമെൻ മനസ്സുരുകുന്നു ദർശനമില്ലാ നാളുകളിൻ! ഇന്നുമെൻ മനസ്സിലൊരു പൂവ്വുണ്ടതു വാടിയതില്ല... ഇന്ന് ചിരിക്കുന്നു അന്നിന്റെ സുന്ദര നിമിഷങ്ങളിൽ ഇന്നു ഞാനാരോവതിൻ വരം നിന്റെയിടം കണ്ണിൻ ഇടയാത്ത മനസ്സിന്റെയടരാത്ത നോട്ടത്തിൻ തടമല്ലേ ഇന്നും ഞാനുണ്ടെന്നറിവതു നിൻ മിഴികൾ മൊഴിഞ്ഞ ഇറ്റാത്ത സ്നേഹത്തിനിടയിൽ ഞരങ്ങി നിവരുമ്പോൾ! ഇണകളിൻ ഹാസം നറുനാണത്തിൻ പുഞ്ചിരിയായ് ഇമകളിൽ നിദ്രയില്ലാതെ നീ കൂടു വെച്ചയിരവിൻ ഭേരി ഇടിമുഴക്കമായ് നീയടിവെച്ചകന്നപ്പോൾ ചോരതുപ്പി ഇനിയെന്തെന്നറിയാതെ മിഴിയും മൊഴിയുമകന്ന കാലം! ഇനിയുമീ ഭൂമിക്കു ഭാരമായി തുടരുന്നുവതൊന്നറിക ഇലകൾ ചിലക്കാത്ത രാത്രിയിൽ ഞാനെന്നെ തിരയുന്നു ഇഷ്ടമാണെന്നോതാൻ കഴിയാതെ കഷ്ടങ്ങൾ തിന്ന കാലം ഇരുകവിളുകളൊന്നായ് പൂവ്വിതൾ തേൻ കുടിച്ച യൗവനം ഇരവിനും പകലിനുമിടയിലൊരിക്കൽ നീയെന്നെയോർക്കാൻ ഇന്നും തപസ്സുണ്ട് നെഞ്ചിലെ മച്ചിൽ നിറതിരിയാളും ദീപം! ഇടറും മനസ്സിന്റെ വായ്‌താരികളിന്നും കൊതിക്കുന്ന കാലം ഇടവപാതിയൊന്നു കനിയട്ടെ ഇണയറ്റ മീനിൻ പിടച്ചിൽ ഇടക്കിടെ കൊല്ലുന്ന നീറും നിമിഷങ്ങളൊന്നു തണുത്താൽ ഇറവനാകും ഞാനുമെൻ പിന്നിട്ട പഞ്ചവ്യാഴവട്ടങ്ങളും ഇനിയെങ്കിലും തിരിഞ്ഞൊന്നു നോക്കി നീ ചിരിക്കൂ ഇനിയാൽമരത്തിലെനിക്കൊരു നിത്യ പ്രതിഷ്ഠയേകൂ. false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #💌 പ്രണയം ##കാലം

വഴി മറന്നവർ ഒന്നിക്കാനായി തിരിഞ്ഞു നോക്കില്ല, വഴി തെറ്റിയവർ തിരഞ്ഞു കൊണ്ടേയിരിക്കും! വഴി അറിയാത്തവർ മൗനത്തിന്റെ കൂട്ടുകാരാകും, വഴി തേടുന്നവർ പൂക്കളാകും. വഴിയിൽ ഉപേക്ഷിച്ചവർ വിതുമ്പി കൊണ്ടിരിക്കും,വഴികൾ എന്നും നാം തിരഞ്ഞെടുക്കുന്നതാണ്. വഴി ഒരിക്കലും മാറുന്നില്ല; ജീവിതം, പ്രണയം, നൊമ്പരം... തിരിച്ചറിവിലാണ് ഞാനിൽ നമ്മൾ പിറക്കുന്നത്... ശുഭദിനം 🌼 false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💓 ജീവിത പാഠങ്ങള്‍ #🌞Good Morning Status #ശുഭദിനം

പുതുമഴ കവിളു ചുവപ്പിച്ച സന്ധ്യയുടെ മടിയിൽ സൂര്യൻ മയങ്ങി, രാവിൽ വഴി തെളിക്കാൻ ഇടിമിന്നലൊരുങ്ങി, കദന കഥകളിൽ മൂളിപ്പാട്ടുമായി നക്ഷത്രങ്ങൾ എത്തിനോക്കുന്നു, വിരഹം കൊരുപ്പിച്ച ഈണത്തിൽ പ്രണയം മിഴികളിൽ നൃത്തമാടാൻ ഒരുങ്ങി; പുലരിക്കു തോറ്റം പാടാൻ നിദ്ര ശയന പന്തലിൽ കണിയൊരുക്കി കാത്തിരിക്കുന്നു... ശുഭരാത്രി... false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #🌃Good Night Status #💓 ജീവിത പാഠങ്ങള്‍ #ശുഭരാത്രി

ലേഖനം. എഴുത്ത് _ അറിഞ്ഞ യാത്ര... ഞാൻ ഒരു എഴുത്തുകാരനൊന്നുമല്ല, എങ്കിലും രണ്ടക്ഷരം കൂട്ടിയെഴുതാനാവുമെന്നും എഴുത്തിനെ അറിയാൻ ആഗ്രഹിക്കുന്നവൻ എന്ന നിലയിലും, എഴുതിയത് മോശമല്ലാതെ ഗ്രസിക്കാൻ അറിയുന്നവൻ എന്ന നിലയിലും രണ്ടു വാക്ക്., എഴുത്തുകാരെന്നാൽ സ്വന്തം ചിന്തകളെ മേയാൻ വിടുന്നവരായിരിക്കണം: ആ എഴുത്തിനെ പിടിച്ചു കെട്ടാൻ ത്രാണിയുള്ളവർക്ക് ചെയ്യാം, എഴുത്ത് മേയുന്നത് കണ്ട് ഉല്ലസിക്കേണ്ടവർക്ക് അങ്ങിനെയും. എഴുത്തിനെതിരെയും അനുകൂലമായും പ്രതികരിക്കാം; . എല്ലാം സ്വാഭാവികം മാത്രം. എഴുത്തുകാർ ശ്രദ്ധിക്കണ്ട പ്രധാന കാര്യം സ്വന്തം ചിന്തകളെ പോലെ തന്നെ മറ്റുള്ളവർക്ക് ഉണ്ടായേക്കാവുന്ന ചിന്തകളും, സ്വന്തം ജീവിതത്തിലെ പോലെ തന്നെ മറ്റുള്ളവരുടെ ജീവിതത്തിലെ മോഹങ്ങളും, സ്വപ്നങ്ങളും, വിരഹങ്ങളും, വേദനകളും, സന്തോഷങ്ങളും ആഘോഷങ്ങളും അവർക്ക് പറയാൻ അക്ഷര കൂട്ടുകളാൽ നാം മറ്റുള്ളവരിലേക്ക് എത്തിക്കുമ്പോഴാണ് വായനക്കാർ അക്ഷരങ്ങളുടെ അടിമകളാവുന്നത് എന്ന തിരിച്ചറിവ്. ഒന്നിലും അമിതമായി ആഹ്ളാദിക്കാതെ, അതു പോലെ ദുഃഖിക്കാതെമുന്നേറിയാലേ എഴുത്തുകാർ എഴുത്തുമായി നിലനിൽക്കുകയുള്ളു; ഉപദേശങ്ങളാണെന്ന് തെറ്റിദ്ധരിക്കരുത്. അക്ഷരങ്ങൾക്കായി ആർത്തിയോടെ കാത്തിരിക്കുന്ന ഒരു ലോകത്താണ് നാം നമ്മുടെ തൂലികയിലെ മഷി ചീറ്റുന്നതെന്ന് മറക്കാതിരിക്കുക; വായനക്കാരന് വേർതിരിവില്ലെന്നും, എഴുത്തുകാർക്കേ വേർതിരിവുള്ളുവെന്നും മനസ്സിലാക്കുക. മത്സര മനോഭാവം നല്ലതാണ്; അത് ഏത് മേഖലയിലായാലും. പക്ഷേ, അത് സൃഷ്ടിയെ തകർക്കുന്നതാവരുത്; അങ്ങിനെയാകുമ്പോഴും എഴുത്ത് മരിക്കില്ല മറിച്ച് എഴുത്തുകാരന്റെഅകാല ചരമം സംഭവിക്കാം. ആര് എഴുതി എന്നതിലല്ല പ്രസക്തി എന്തെഴുതി എന്നതിനാണ്, ആയിരിക്കണം; ഒപ്പം തന്നെ എങ്ങിനെ എഴുതി എന്നതിനും. കാരണം എഴുത്തുകാരുടെ ഭാഷയാണ് അവരുടെ മതം, ജാതി, സംസ്ക്കാരം എന്നു വേണ്ട എല്ലാം എന്നാണ് വായനക്കാരന്റെ ഭാഷ്യം.വായനക്കാർ നമ്മെ അളക്കുന്ന അളവുകോലാണ് നമ്മുടെ അക്ഷരങ്ങളിലൂടെ രൂപം നൽകുന്ന ഭാഷയെന്ന് മറക്കാതിരിക്കുക.അതു പോലെ തന്നെ നമ്മുടെ പ്രതികരണങ്ങളും അതിന്റെ ഭാഷയും സൂക്ഷിച്ച് കൈകാര്യം ചെയ്യേണ്ടതാണ്. നാം ഉപയോഗിക്കുന്ന വാക്കുകൾ ഏത് തരത്തിലുള്ളതാണോ എന്നതാണ് നമ്മുടെ സംസ്ക്കാരത്തിന്റെയും, എഴുത്തിന്റെയും, നാം അക്ഷരങ്ങളെ എങ്ങിനെ കാണുന്നു എന്നതിന്റെയും പരസ്യമായ സൂചന. മറഞ്ഞിരിക്കുന്ന എഴുത്തുകാരനെ കാണാതെ അവരെ സ്നേഹിക്കുകയും ബഹുമാനിക്കുകയും പ്രണയിക്കുകയും ഒരു നോക്കു കാണാൻ കൊതിക്കുകയും ചെയ്യുന്നവരുടെ ഒരു മഹത്തായ മായിക ലോകത്താണ് നമ്മളും നമ്മുടെ തൂലികയും ചലിക്കുന്നതും, ചലിക്കേണ്ടതും എന്നറിയണം. എഴുത്തിൽ അക്ഷരങ്ങളുടെ പടയോട്ടത്തേക്കാളുപരി അക്ഷരാർത്ഥങ്ങൾക്കും ശബ്ദാർത്ഥങ്ങൾക്കുമായിരിക്കണം പ്രാധാന്യം; അത് ഏത് തരം രചനയായാലും. എഴുതാനായി അല്ലെങ്കിൽ മറ്റുള്ളവരെ ബോദ്ധ്യപ്പെടുത്താനായി എഴുതുമ്പോഴാണ് ഇവയൊന്നും നാം കാണാതെ പോകുന്നത്. ഇവിടെ പ്രത്യേകിച്ച് പ്രതിപാദിക്കാൻ ഉദ്ദേശിക്കുന്ന മറ്റൊരു കാര്യം ചേർത്തെഴുത്ത്, മറുവരി എന്നെല്ലാംപറയുന്ന കൊളാബിനെ കുറിച്ചാണ്; collab എന്നാലേ കൂട്ടുകെട്ടാണ്, അതായത് എഴുതപ്പെട്ട വരികളുടെ തുടർച്ചയോ, അവക്കുള്ള മറുപടിയോ, അതേ അർത്ഥത്തിലോ ആശയത്തിലോ ഉള്ള മറുവരികളോ ആകുമ്പോഴാണ് അത് സത്യമാകുന്നത്. അതായത് എഴുതപ്പെട്ട വരികളോട് ആത്മാർത്ഥതയും, ബഹുമാനവും, അർത്ഥ സമന്വയവും,താള രാഗ ബോധങ്ങളും നില നിർത്തി നീതി പുലർത്തി കൊണ്ടാവണം കൊളാബ് ചെയ്യേണ്ടത് എന്നർത്ഥം. അല്ലാതെ എഴുതാനുള്ള എഴുത്താവരുത്, അക്ഷരങ്ങളെ ബഹുമാനിക്കുമ്പോൾ അതുണ്ടാവില്ല. നല്ലെഴുത്തിനായി വാതിൽ തുറക്കാൻ നാമാണ് ഒരുമിക്കേണ്ടത്. നല്ലതല്ലെന്ന് തോന്നുമ്പോൾ പ്രതികരിക്കാനും, നല്ലതിനെ ആശംസിക്കാനും മനസ്സിൽ ഒരിക്കലും മടിക്കരുത്. അപ്പോഴേ ആശയങ്ങളുടെ ദാരിദ്ര്യത്തിനു മുന്നിൽ മുട്ടു മടക്കാതെ, പകച്ചു നിൽക്കാതെ ആശയങ്ങളുടെ പടയോട്ടത്തിൽ പങ്കു ചേരാൻ കഴിയൂ. ഒരു നല്ലെഴുത്തിന്റെ നാളെയുടെ വാതിലുകൾ തുറക്കാൻ നമുക്കിന്നേ പരിശ്രമിക്കാം, പരാതികളോ പരിഭവങ്ങളോ ഇല്ലാതെ. ആ ഉദ്ധ്യമത്തിലെ എളിയ ഒരു കണ്ണിയാവാൻ എനിക്കും ആഗ്രഹമുണ്ട്. " ഇവിടെ തുടങ്ങാം നമുക്ക് എഴുത്തിന്റെ വിപ്ളവം... ഇവിടുത്തെ തൂലികകൾ പറയട്ടെ നാമാരെന്ന്... ഇവിടുത്തെ അക്ഷരങ്ങൾ ചൊല്ലട്ടെ നാം എഴുത്തുകാരെന്ന്... ഇവിടുത്തെ സമൂഹം കാണട്ടെ നാളത്തെ എഴുത്തിന്റെ കുലപതികളെ " NB:- ഇത്രയും നേരം എന്നെ സഹിച്ച എല്ലാവർക്കും അകമഴിഞ്ഞ നന്ദി; പിന്നെ, എന്റെ വാക്കിലോ, ഉദ്ദേശ്യത്തിലോ, ആശയത്തിലോ, ഞാനെഴുതി തീർത്ത വരികളിലോ ആർക്കെങ്കിലും എന്തെങ്കിലും തെറ്റായി തോന്നിയെങ്കിൽ മനസ്സാ വാചാ കർമ്മണഃ ഞാൻ സദയംക്ഷമ ചോദിക്കുന്നു.നിങ്ങൾക്ക് ഈ എഴുത്ത് നല്ലതായി തോന്നുന്നുവെങ്കിൽ ഇത് മറ്റുള്ളവരിലേക്കും എത്തിക്കണമെന്ന് അപേക്ഷിക്കുന്നു. നല്ലൊരു വായനക്കാരനെങ്കിലും ആവാൻ എന്നെയും, നല്ല എഴുത്തുകാരാവാൻ നിങ്ങളെയും ജഗദീശ്വരൻ അനുഗ്രഹിക്കട്ടെ എന്ന് ആശംസിക്കുന്നു.🙏👍 എന്ന് എഴുത്തിനെ സ്നേഹിക്കുന്ന... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💭 Best Quotes #💓 ജീവിത പാഠങ്ങള്‍ #എഴുത്ത്_അറിഞ്ഞ_യാത്ര