#💞🕌 ഇസ്ലാമിക് അറിവുകൾ 🕌 💞 #*꧁ഇസ്ലാമിക് അറിവുകൾ ꧂꙰* #ആകാശം, ഭൂമി അവസ്ഥ #സ്വൂർ പ്രത്യാഘാതങ്ങൾ #അറിവുകൾ സൂറത്ത് താഹയിലെ 105മുതൽ 107 വരെ ആയത്തിൽ അള്ളാഹു ഇങ്ങനെ പറയുന്നു " നബി പർവതങ്ങളെ കുറിച്ച് താങ്കളോട് അവർ ചോദിക്കുന്നു.പറയുക: എന്റെ നാഥൻ അവയെ പൊടിപൊടിയാക്കി കാറ്റിൽ വിതറി കളയും എന്നിട്ട് അവൻ അതിനെ ( ഭൂമിയെ) സമനിരപ്പായ മൈതാനം ആയി വിടും അതിൽ താഴ്ചയോ ഉയർച്ചയോ നീ കാണുകയില്ല". അതായത് അന്ത്യനാളിൽ പർവ്വതങ്ങൾ പൊട്ടിപിളർന്ന പറന്നു പോവുകയും, ഭൂമി നിരപ്പായ ഒരു മൈതാനമായി മാറ്റപ്പെടുകയും ചെയ്യും യാതൊരുവിധത്തിലുള്ള കുന്നംകുഴിയും ആ മൈതാനത്ത് ദൃശ്യമാവുകയില്ല. സൂറത്ത് ഇഹ്റാമിൽ48 ആം ആയത്തിൽ ഇങ്ങനെ പറയുന്നത് കാണാം(" ഭൂമി ഭൂമിയല്ലാതായും, ആകാശങ്ങളും മാറ്റപ്പെടുകയും, എല്ലാം അടക്കി വാഴുന്ന ഏകനായ അല്ലാഹുവിന്റെ അടുത്തേക്ക് അവർ പുറപ്പെട്ടു ചെല്ലുകയും ചെയ്യുന്ന ദിവസം ") ഈ വചനങ്ങളിൽ നിന്നും മനസ്സിലാകുന്നത് ആകാശവും ഭൂമിയും ഇന്നത്തെ സ്ഥിതിയിൽ എക്കാലവും അവശേഷിക്കുകയില്ല എന്ന് തന്നെയാണ്. അന്ത്യനാളിൽ ഭൂമിയും ആകാശങ്ങളും മാറ്റിമറിക്കപ്പെടും. ഈ ഖുർആൻ വചനത്തെക്കുറിച്ച് ഹസ്രത്ത് ആയിഷ (റ)നബി (സ്വ)യോട് ചോദിച്ചു" അല്ലാഹുവിന്റെ ദൂതരെ ആകാശങ്ങളും ഭൂമിയും മാറ്റപ്പെടുമ്പോൾ അന്ന് ജനങ്ങൾ എവിടെയായിരിക്കും? അപ്പോൾ നബിതങ്ങളും മറുപടി പറഞ്ഞു" ജനങ്ങൾ സ്വിറാത്ത് പാലത്തിന് അടുക്കൽ ആയിരിക്കും"( മുസ്ലിം) ഈ ഹദീസിൽ നിന്നും മനസ്സിലാകുന്നത് ആളുകൾ സ്വർഗത്തിലേക്ക് നരകത്തിലേക്കോ അയക്കപ്പെടാൻ വേണ്ടി സ്വിറാത്ത് പാലത്തിൽ എത്തിച്ചേരുമ്പോഴാണ് ആകാശങ്ങളും ഭൂമിയും മാറ്റിമറിക്കപ്പെടുന്നത് എന്നാണ്. ആളുകൾ വിചാരണ ചെയ്യപ്പെടുകയും അവർക്ക് ഗ്രന്ഥം( കർമ്മരേഖ) നൽകപ്പെടുകയും ചെയ്യുന്നതിന് ശേഷം ആയിരിക്കും അത്. ആദ്യത്തെ ആയത്തിൽ ഭൂമിയെ നിരപ്പായ ഒരു മൈതാനം ആകും എന്ന് പറഞ്ഞല്ലോ അത് കർമ്മരേഖ നൽകുകയും വിചാരണ തുടങ്ങുകയും ചെയ്യുന്നതിന് മുമ്പുള്ള കാര്യമാണ്. ഹസ്രത്ത് സുഹൈലുബ്നു സഅ്ദ്(റ)ൽ നിന്ന് നിവേദനം ചെയ്യുന്നു നബി(സ്വ) പറഞ്ഞു" അന്ത്യനാളിൽ ജനങ്ങൾ വെളുത്ത മണ്ണ് നിറത്തോട് ചായ് വുള്ള ഒരു ഭൂമിയിൽ ഒരുമിച്ചു കൂട്ടപ്പെടും ആ സമയത്ത് ഭൂമി മൈദ കൊണ്ട് ഉണ്ടാക്കിയ റൊട്ടി പോലെ ആയിരിക്കും അതിൽ യാതൊരുവിധ അടയാളങ്ങളും ഉണ്ടാവുകയില്ല".( ബുഖാരി) വായിക്കുക, സപ്പോർട്ട് ചെയ്യുക തുടരും