#ഇസ്ലാമിക അറിവുകൾ #❤ ഇസ്ലാമിക് ചരിത്രം ❤ #☪ഇസ്ലാമിക് ട്വിസ്റ്റ്‌ കഥകൾ & ☪ഇസ്ലാമിക് ചരിത്രം #സ്വൂറിന്റെ പ്രത്യാഘാതങ്ങൾ #മരണം സ്വൂറിൽ ഊതപ്പെട്ടാൽ മനുഷ്യൻ മരിച്ചൊടുങ്ങുന്നു എന്നതിൽ മാത്രം അതിന്റെ പ്രത്യാഘാതങ്ങൾ ഒതുങ്ങി നിൽക്കുന്നില്ല. ഗുരുതരമായ നിരവധി പ്രത്യാഘാതങ്ങൾ അതുകൊണ്ടുണ്ടായിതീരും. പ്രപഞ്ച വ്യവസ്ഥയപ്പാടെ തകർന്ന് തരിപ്പണമായി പോകും. ആകാശം പൊട്ടിപ്പൊളിഞ്ഞു വീഴും നക്ഷത്രങ്ങൾ നിഷ്പ്രഭമായി തീരും. സൂര്യചന്ദ്രാദികളുടെ വെളിച്ചം ഒരു പഴങ്കഥയായി തീരും ഭൂമിനിരന്ന് ഒരു മൈതാനമായി മാറും പർവ്വതങ്ങൾ പറന്നു കറങ്ങും. പർവതങ്ങളുടെ സ്ഥിതിയെക്കുറിച്ച് സൂറത്തുൽ കാരിഅ യിൽ ഒന്ന് മുതൽ അഞ്ചാം ആയത്തുകളിൽ ഇങ്ങനെ പറയുന്നു. ( അത്യാഹിതം! എന്താണ് അത്യാഹിതം? അത്യാഹിതം എന്താണ് താങ്കളെ മനസ്സിലാക്കി തന്നിട്ടുള്ളത് എന്താണ്? മനുഷ്യർ ചിന്നിച്ചിതറിയ പാറ്റകളെ പോലെയും പർവ്വതങ്ങൾ കടയപ്പെട്ട രോമം പോലെയും ആയിത്തീരുന്ന ദിവസം ആണ് അത് ഉണ്ടാവുക ) അൽഖാരിഅ എന്ന പദത്തിന് ശക്തമായി ഇടിക്കുന്നത് എന്നാണ് അർത്ഥം. അന്ത്യനാളിന്റെ പല പേരുകളിൽ ഒന്നാണത് എന്തുകൊണ്ട് അന്ത്യനാളിന് ഈ പേരിൽ ലഭിച്ചിട്ടുള്ളത്? മനുഷ്യരുടെ ഹൃദയങ്ങളെ അത് ഭയപ്പാട് ഉണ്ടാക്കും കാതുകളെ അത് കഠോരമായ ശബ്ദം കൊണ്ട് ഇടിക്കുന്നു. അതുകൊണ്ടാണ് അതിന് അൽഖാരിഅ എന്ന പേര് നൽകിയിരിക്കുന്നത്. അന്ന് മനുഷ്യർ പാർട്ടികളെപ്പോലെ ചിന്നി ചിതറിയവരായിരിക്കും. പാറ്റകൾ പരിഛിന്നരായി കൊണ്ടു വിളക്കിന് നേരെ പറന്നടുക്കുന്നത് പോലെ മഹ്ശറ ( സമ്മേളന സ്ഥലം )യിലേക്കവർ പാഞ്ഞടുക്കും. ഭൂമിക്ക് താങ്ങായി സ്ഥാപിച്ചിട്ടുള്ള പർവതങ്ങളുടെ സ്ഥിതി അന്ന് എന്തായിരിക്കും പത്തിരിയും റൊട്ടിയും ഉണ്ടാക്കുന്നത് വേണ്ടി തയ്യാർ ചെയ്തിട്ടുള്ള അരിപ്പൊടിയും ഗോതമ്പ് പൊടിയും കാറ്റത്തിട്ടാൽ പറന്നു പോകുന്നത് പോലെ പർവതങ്ങളും പൊട്ടിപ്പൊളിഞ്ഞു പൊടിഞ്ഞ് പറന്നു പോകും. സൂറത്ത് മുർസലാത്തിൽ പത്താം ആയത്ത് പർവ്വതങ്ങൾ പൊടിക്കപ്പെടുമ്പോൾ എന്നാണ് പറഞ്ഞിരിക്കുന്നത്. സൂറത്ത് നബഇൽ ഇരുപതാം ആയത്തിൽ പറഞ്ഞിരിക്കുന്നത് പർവ്വതങ്ങൾ നടത്തപ്പെടുകയും അങ്ങനെയവ മരീചിക(പോലെ) ആയി തീരുകയും ചെയ്യും എന്നാണ് സൂറത്ത് നംലിൽ 88 ആയത്ത് ഇങ്ങനെയാണ് പറയുന്നത്( പർവ്വതങ്ങളെ ഉറച്ചു നിൽക്കുന്നവയാണ് എന്നാണ് ധരിച്ചു കൊണ്ട് നീ കാണുന്നത്. വാസ്തവത്തിൽ അവ മേഘം ചലിക്കുന്നതുപോലെ ചലിക്കുകയാണ് എല്ലാ കാര്യങ്ങളെയും വ്യവസ്ഥാപിതമായി ബലപ്പെടുത്തിയ അല്ലാഹുവിന്റെ പ്രവർത്തിയാണ് അത് ) ( അതായത് വലിയ വലിയ പർവ്വതങ്ങൾ സ്വസ്ഥാനത്ത് ഉറച്ചുനിൽക്കുന്ന, ഒരു ഇളക്കവും തട്ടുകയില്ലെന്ന് കരുതപ്പെടുന്ന പർവ്വതങ്ങൾക്ക് ഒരുനാൾ ഇങ്ങനെയും വരാനിരിക്കുന്നു കടഞ്ഞെടുത്ത പഞ്ഞി പോലെ അവർ പറക്കും മേഘപാളികൾ പോലെ കുതിച്ചുപായും അജയനും പ്രതാപശാലിയും ആയ അള്ളാഹു തികഞ്ഞ യുക്തിയോടും തന്ത്രജ്ഞതയോടും കൂടിയാണ് ഓരോ കാര്യവും ചെയ്തു വെച്ചിട്ടുള്ളത് പർവ്വതങ്ങളെ അവൻ കനത്തതും ഭാരമുള്ളതും ഉറച്ചതും ആക്കിയത് ഭൂമിയെ ഉറപ്പിച്ചു നിർത്താനും ചലനത്തിൽ നിന്ന് അതിനെ തടുക്കാനും വേണ്ടിയാണ്. സൂറത്തു നഹ്ല് പതിനഞ്ചം ആയത്തിൽ അല്ലാഹു പറയുന്നു ( ഭൂമി നിങ്ങളെയും കൊണ്ട് ചായാതിരിക്കാൻ വേണ്ടി അവനതിൽ ഉറച്ച പർവതങ്ങൾ സ്ഥാപിച്ചു ) പിന്നീട് അന്ത്യനാളിൽ അവയുടെ സൃഷ്ടാവും ഉടമസ്ഥനുമായ അല്ലാഹു അവയെ പൊടിപൊടിയാക്കി പറത്തിക്കും അത് സമർത്ഥനായ ഒരു സൃഷ്ടാവിന്റെ പ്രവർത്തിയാണ് അത് അവന്റെ ഒരു പ്രവർത്തിയും രഹിതമോ തന്ത്രശൂന്യമോ അല്ല തന്നെ. സൂറത്തു വാഖിഅ 5-6 ആയത്തുകൾ ഇങ്ങനെ പറയുന്നു ( പർവ്വതങ്ങൾ പൊടിച്ചു തരിപ്പണമാക്കപ്പെടുകയും അങ്ങനെ അവർ ചിതറപ്പെട്ട ധൂളിയാക്കുകയും ചെയ്യുമ്പോൾ ) തുടരും, വായിക്കുക സപ്പോർട്ട് ചെയ്യുക