പകലൊഴിഞ്ഞ നഗരവീഥിയിൽ നിശീഥത്തിന്റെ കറുത്ത മറകൾ പടരുമ്പോൾ, നിലാവിന്റെ തൂവൽ വെളിച്ചം പോലും ഇരുളിന്റെ ഗർത്തത്തിൽ പതുങ്ങിനിൽക്കും! കാറ്റിന്റെ മന്ദഗതിയിലുള്ള നിശ്വാസങ്ങളിൽ അലിഞ്ഞു ചേരുന്ന മഹബ്ബത്തിന്റെ പ്രതിധ്വനി നിശാഗന്ധിയുടെ സുഗന്ധമായി ഹൃദയവഴികളിലൂടെ ചൊരിയുന്നു! യാ താജാ ഹുസൂർ ﷺ!💕" അങ്ങ് ﷺ വരുമോ, ഈ ഇരുളിന്റെ വഴികളിലൂടെ? ആ പാദസ്പർശം കാത്ത് എന്റെ ഹൃദയം ദീപശിഖയായി ജ്വലിക്കുന്നു! #മുത്ത് നബി

യാ താജാ ഹുസൂർ ﷺ!💔" തെന്നിപ്പോകുന്നു ഞാൻ വീണ്ടും; ദുനിയാവിൻ്റെ മായാതിളക്കങ്ങൾ മിഴികളെ കവർന്നപ്പോൾ,അങ്ങു കാണിച്ച സ്വിറാത്തിൻ്റെ നേരായ വഴിയിൽ നിന്ന് എൻ ചുവടുകൾ നിശ്ശബ്ദമായി അകന്നുപോകുന്നു! മദീനയിലെ രീഹ് അകമിൽ വീശിയാലും, നഫ്സിൻ്റെ കൊടുങ്കാറ്റ് എന്നെ വീണ്ടും തള്ളിയിടുന്നു! തൗബയുടെ വാതിൽ തേടി അലയും ഈ ഹൃദയം പാപങ്ങളുടെ പൊടി യാൽ മങ്ങിപ്പോയിരിക്കുന്നു! മഹബ്ബത്തിൻ മഴ പെയ്തിടണം ഈ വരണ്ട ആത്മാവിൻ മീതെ; തെറ്റിയ ഈ ദാസിയുടെ ഉള്ളിൽ ഹുജ്റയിലെ നൂർ വെളിച്ചം തെളിഞ്ഞുയരണം ത്വബീ ﷺ! `"خُـذْ بِـيَـدِي يَـا رَسُـولَ اللّٰـه ﷺ..!!"` #മുത്ത് നബി

മുത്ത് റസൂലേ ﷺ... ഈ പാപിയുടെ പ്രണയം കപടമാണോ ?🥹 അങ്ങയോടുള്ള ഇശ്ഖ് നെഞ്ചിലുണ്ടായിട്ടും, ഞാൻ വീണ്ടും തെറ്റുകളുടെ വഴിയിലേക്ക് വഴുതിപ്പോകുന്നു. എൻ്റെ തങ്ങളെ... ഈ ദുർബലമായ മനസ്സിനെ അങ്ങയുടെ ശഫാഅത്ത് കൊണ്ട് കാത്തുരക്ഷിക്കണേ...🤲 🥹 ✍️ #മുത്ത് നബി