' *ബാലൻദി* *ബോയ്* '; ആഗോള റിലീസ് ജൂൺ 19ന് _മലയാള സിനിമയുടെ ചരിത്രത്തിന്‍റെ ഭാഗമാണ് ബാലൻ എന്ന പേര്. പക്ഷേ ഈ സിനിമയ്ക്ക് ബാലൻ എന്ന് പേരിട്ടത് ഒരു ബാലന്‍റെ കഥയാണ് ഈ സിനിമയിലൂടെ പറയുന്നത് എന്നുള്ളതുകൊണ്ടാണ്"_ ബ്ലോക്ക്ബസ്റ്റർ ഹിറ്റ് ചിത്രങ്ങൾ ആയ ജാനേ മൻ 'മഞ്ഞുമ്മൽ ബോയ്സി‌സ് എന്നീ ചിത്രങ്ങൾക്ക് ശേഷം ചിദംബരം സംവിധാനം ചെയ്ത 'ബാലൻ - ദ ബോയ്' ജൂൺ 19ന് ചിത്രം ആഗോള റിലീസായി തിയേറ്ററുകളിലെത്തും. പുതുമുഖങ്ങൾ ആണ് ചിത്രത്തിൽ സുപ്രധാന വേഷങ്ങളിൽ എത്തുന്നത്. കെവിഎൻ പ്രൊഡക്ഷൻസ്, തെസ്‌പിയൻ ഫിലിംസ് എന്നിവയുടെ ബാനറിൽ വെങ്കട് കെ നാരായണ, ശൈലജ ദേശായി ഫെൻ എന്നിവർ ചേർന്നാണ് ചിത്രം നിർമിക്കുന്നത്. 'രോമാഞ്ചം', 'ആവേശം' എന്നീ സൂപ്പർ ഹിറ്റുകൾ സംവിധാനം ചെയ്ത ജിത്തു മാധവൻ ആണ് സിനിമയുടെ തിരക്കഥ തയ്യാറാക്കിയത്. ചിത്രത്തിന്റെ മാർക്കറ്റിങ് പ്രീമിയർ കാനിലെ പ്രൊഡ്യൂസേഴ്‌സ് ക്ലബ്ബിൽ നടന്നു. അതിജീവനത്തിന്റെയും അമ്മയും മകനും തമ്മിലുള്ള വൈകാരിക ബന്ധത്തിന്റെയും കഥയാണ് 'ബാലൻ'. എല്ലാ പ്രായക്കാർക്കും ഒരുപോലെ ആസ്വദിക്കാൻ കഴിയുന്ന ചിത്രം രാജ്യാന്തര സിനിമാ വിദഗ്ധരുടെ സാന്നിധ്യത്തിലാണ് കാൻസിൽ പ്രദർശിപ്പിച്ചത്. നമ്മൾ വരുന്നിടത്തു നിന്നുള്ള ഭാരവും, നമ്മൾ എവിടെയാണ് സ്വീകരിക്കപ്പെടുന്നത് അല്ലെങ്കിൽ ഉൾകൊള്ളപ്പെടുന്നത് എന്നതു കണ്ടെത്താനുള്ള അടങ്ങാത്ത ആഗ്രഹവും നമ്മൾ അറിയാതെ കൊണ്ടു നടക്കുന്ന കാര്യങ്ങളാണ് ബാലനിലൂടെ ചിതംബരം പറയുന്നത്. #🍿 സിനിമാ വിശേഷം #🎬സിനിമ കോർണർ

*അതിരടി* പക്കാ തിയേറ്റർ വാച്ച് ബേസിലിന്റെ പ്രഥമ നിർമാണസംരംഭമായ അതിരടി തീയേറ്ററിൽ എത്തി. ബേസിൽ ജോസഫ് എന്റർടെയ്ൻമെന്റ്‌സിന്റെ ബാനറിൽ ബേസിൽ ജോസഫും ഡോ. അനന്തു എന്റർടെയ്ൻമെന്റ്‌സിന്റെ ബാനറിൽ ഡോ. അനന്തു എസും ചേർന്നാണ് ചിത്രം നിർമിച്ചിരിക്കുന്നത്. ടോവിനോയാണ് വില്ലനും സഹനിര്‍മാതാവും. മിന്നല്‍ മുരളിയില്‍ തുടങ്ങിയ ഇവരുടെ സൗഹൃദം മരണമാസും കടന്നാണ് അതിരടിയിലെത്തിയിരിക്കുന്നത്. ബേസിൽ സംവിധാനംചെയ്ത മിന്നൽ മുരളി എന്ന ചിത്രത്തിന്റെ തിരക്കഥാകൃത്തുക്കളിൽ ഒരാളായ അരുൺ അനിരുദ് ആണ് സംവിധായകൻ. എന്‍ജിനിയറിംഗ് കോളജ് വിദ്യാര്‍ഥിയാകാന്‍ വേണ്ടി രൂപത്തിലും ഭാവത്തിലും മാറ്റം വരുത്തി ഇരുപതുകാരനിലേക്ക് ചുരുങ്ങിയെത്തിയ ബേസിലിനെയാണ് സിനിമയിൽ കാണുന്നത്. രണ്ടാം പകുതിയിൽ വിനീത് ശ്രീനിവാസനും ഷാൻ റഹ്മാനും എത്തുന്നത്തോടെ കഥ മറ്റൊരു വഴിയിലേക്ക് തിരിഞ്ഞ് സിനിമ കൂടുതൽ രസകരമാക്കുന്നു. സർവം മായക്കു ശേഷം റിയാ ഷിബു അവതരിപ്പിച്ച സ്വാതിയും സാംകുട്ടിയുമായുള്ള ലൗ ട്രാക്കും നന്നായി ക്രീയേറ്റ് ചെയ്തിട്ടുണ്ട്. കൊച്ചിയിൽ നടന്ന യഥാര്‍ഥ സംഭവമാണ് അതിരടിയുടെ പ്രമേയം. #🍿 സിനിമാ വിശേഷം

ആഞ്ഞിലിമുട് തറവാട്ടിൽ സ്ത്രീകൾ വാഴില്ലെന്ന നാട്ടുകാരുടെ അപവാദത്തെത്തുടർന്ന് 28 വിവാഹാലോചനകൾ മുടങ്ങിയ യുവാവിന്റെ കഥയാണ് *മധുവിധു* മധുര മനോഹര മോഹം എന്ന പേരിൽ 2023 ൽ ഒരു കോമഡി സിനിമ പുറത്തിറങ്ങി. വസ്ത്രാലങ്കാരകനായ സ്റ്റെഫി സേവ്യർ ആദ്യമായി സംവിധാനം ചെയ്ത ചിത്രം കൂടിയായിരുന്നു ഇത്. മധുവിധുവിന്റെ സഹ-എഴുത്തുകാരൻ ജയ് വിഷ്ണു ആയിരുന്നു ആ ചിത്രത്തിന്റെയും സഹ-എഴുത്തുകാരൻ. ഈ സിനിമകളിൽ ജയ് വിഷ്ണുവിന്റെ പങ്കാളിത്തം നിങ്ങൾക്കറിയില്ലെങ്കിലും, കഥയിൽ ഹാസ്യപരമായ വഴിത്തിരിവുകൾ സ്ഥാപിക്കുന്ന രീതിയുടെ കാര്യത്തിൽ ഈ രണ്ട് സിനിമകളും സമാനമായ ഒരു മേഖലയിൽ കണ്ടെത്താൻ സാധ്യതയുള്ളതിനാലാണ് ഞാൻ ഇത് ഇവിടെ കുറിക്കുന്നത്. ഷൈലോക്കി'ന് ശേഷം ബിബിൻ മോഹനും 'പെറ്റ് ഡിക്ടറ്റീവി'ന് ശേഷം ജയ് വിഷ്ണുവും തിരക്കഥ രചിച്ചിരിക്കുന്ന ചിത്രമാണ് 'മധുവിധു'. ആദ്യാവസാനം വരെ പ്രേക്ഷകർക്ക് ചിരി സമ്മാനിക്കുന്ന രീതിയിലാണ് കഥ പറയുന്നതും. #🍿 സിനിമാ വിശേഷം

*പത്താമുദയം അതിവിശേഷം, പൂർണ്ണ ഫലസിദ്ധി!* മലയാളമാസം മേടം പത്തിന് (സാധാരണയായി ഏപ്രിൽ 23-24 തീയതികളിൽ) സൂര്യൻ അത്യുച്ചരാശിയിൽ (ഏറ്റവും ബലവാനായി) വരുന്ന ദിവസമാണ് പത്താമുദയം. കർഷകർക്ക് ഈ ദിവസം അതീവ പ്രധാനമാണ്; വിത്തിടാനും പുതിയ കൃഷിപ്പണികൾ തുടങ്ങാനും ഇത് ഉത്തമമായി കണക്കാക്കുന്നു. സൂര്യ പൂജയ്ക്കും, വീട് പണി തടസ്സം കൂടാതെ നടക്കാനും,പാലുകാച്ച് പോലുള്ള ശുഭകാര്യങ്ങൾക്കും ഈ ദിവസം വളരെ വിശേഷപ്പെട്ടതാണ്. സൂര്യഭഗവാന് ഏറ്റവും പ്രാധാന്യമുള്ള ദിനമായ പത്താമുദയദിനത്തിൽ ഭക്തിയോടെ സൂര്യദേവനെ സ്മരിച്ചാൽ രോഗദുരിതങ്ങൾ അകന്നുപോവും എന്നാണ് വിശ്വാസം .പ്രപഞ്ചനിലനിൽപ്പിന്റെ ഉറവിടമായ സൂര്യദേവൻ നവഗ്രഹങ്ങളുടെ നായകനാണ്. ഊർജ്ജകേന്ദ്രവും ത്രിമൂർത്തീചൈതന്യം നിക്ഷിപ്തവുമായിരിക്കുന്ന സൂര്യദേവനെ ഭജിക്കുന്നവർക്ക് ജീവിതപ്രശ്നങ്ങളെ എരിച്ചു കളയുവാനുളള ആത്മവീര്യം വർദ്ധിക്കും. ഗ്രഹദോഷങ്ങളുടെ കാഠിന്യം കുറയ്ക്കുവാൻ സൂര്യഭജനം ഉത്തമമത്രേ. സൂര്യഭഗവാന്റെ ഏറ്റവും ശക്തിയേറിയ മന്ത്രമാണ് ആദിത്യഹൃദയം. അയ്യപ്പൻകാവ് ശ്രീ ശങ്കരാനന്ദാശ്രമത്തിൽ ഈ വർഷത്തെ പത്താം ഉദയപൂജ ഇന്ന് രാവിലെ ശങ്കർദാസിന്റെ കർമികത്വത്തിൽ നടന്ന ആദിത്യപൂജയിൽ നവഗ്രഹ ദോഷ പരിഹാരം വരുത്തി രോഗശാന്തിയും മനഃശാന്തിയും കൈവരുത്തി ഐശ്വര്യം നേടാൻ നാനാഭാഗത്ത്‌ നിന്നും ഭക്തജനങ്ങൾ എത്തി. എല്ലാവിധ ശുഭകാര്യങ്ങളും, പുതിയ ബിസിനസ്സ് സംരംഭങ്ങളും തുടങ്ങാൻ ഈ ദിവസം ഉത്തമമായതിനാൽ തന്നെ വ്യാപാര രംഗത്തുള്ളവരും എത്തിച്ചേർന്നിരുന്നു എന്നതും ശ്രദ്ധേയമാണ്. #bak #സ്പെഷ്യൽ സ്റ്റോറീസ് ✍ #പത്താം ഉദയം

*മധുവിധു* ഈ ആഴ്ച എത്തുന്നു വിഷ്ണു അരവിന്ദ് സംവിധാനം നിർവഹിക്കുന്ന, ഷറഫുദീൻ നായകനാകുന്ന 'മധുവിധു' വിന്റെ കഥ വികസിക്കുന്നത് സ്ത്രീകൾ വാഴില്ലെന്ന് പറയപ്പെടുന്നഅടൂരി നടുത്ത ആഞ്ഞിലിമൂട് തറവാട് കേന്ദ്രീകരിച്ചാണ്. ഡയലോഗ് കോമഡിയും സ്ലാപ്സ്റ്റിക്കും വേണ്ടപോലെ ഉപയോഗിച്ച് നമ്മളെ ചിരിപ്പിക്കുന്ന കുറേ നാളിന് ശേഷമുള്ള ഒരു ലൈറ്റ്ഹാർട്ടഡ് കോമഡി ചിത്രമായിരിക്കും മധു വിധു. പുരുഷന്മാർ മാത്രമുള്ള, സ്ത്രീകളില്ലാത്ത ഒരു കുടുംബത്തിന്റെ പശ്ചാത്തലത്തിലുള്ള സിനിമയിൽ നായികയായി നടി ബിന്ദു പണിക്കരുടെ മകൾ കല്യാണി പണിക്കർ അരങ്ങേറ്റം കുറിക്കുന്നു. ജഗദീഷ്, അസീസ് നെടുമങ്ങാട്, സായ്കുമാർ , ശ്രീജയ , അമൽ ജോസ് , സഞ്ജു മധു, എന്നിവരാണ് ചിത്രത്തിലെ മറ്റ് പ്രധാന താരങ്ങൾ. " മസ്തിഷ്ക മരണം- എ ഫ്രാങ്കെന്ബൈറ്റിങ് ഓഫ് സൈമൺസ് മെമ്മറീസ്" എന്ന ചിത്രത്തിന് ശേഷം അജിത് വിനായക ഫിലിംസിന്റെ ബാനറിൽ വിനായക അജിത് ആണ് ചിത്രം നിർമ്മിക്കുന്നത്. #🍿 സിനിമാ വിശേഷം #🎬സിനിമ കോർണർ

സൂപ്പർ സ്റ്റാറുകൾ ഒന്നുമല്ല, മറിച്ച് കൺഡന്റ് ആണ് സ്റ്റാർ. കുടുംബങ്ങൾ ഒന്നടങ്കം തീയ്യേറ്ററിലേക്ക്! വിഷുവിന് വാഴക്കും മോഹിനിയാട്ടത്തിനുമൊപ്പം മറ്റ് ചിത്രങ്ങൾക്ക് പിടിച്ചു നിൽക്കാനായില്ല. #🍿 സിനിമാ വിശേഷം

*വാഴ 2 കാണാൻ ബി എൽ ഒ മ്മാരും* SIR മുതൽ തെരഞ്ഞെടുപ്പുവരെ ഓടി നടന്ന് പണിഎടുത്ത ബി എൽ ഒ മ്മാർ എറണാകുളം ഷേണായീസ് തിയേറ്ററിൽ വെച്ച് ആൺകുട്ടികൾക്ക് അച്ഛൻമാരുമായുള്ള ബന്ധം മുൻനിറുത്തി ചെയ്ത വാഴ ll: ബയോപിക് ഒഫ് ബില്യൺ ബ്രോസ് സിനിമ കണ്ടു. അമ്മമാർക്ക് എല്ലാ മക്കളും ഒരുപോലെ ആണെന്ന് പറയുമ്പോഴും ഇളയ മക്കൾ എന്നും ഇളയതായിരിക്കുകയും മൂത്ത മക്കൾ വളരെ ചെറുപ്പത്തിൽ തന്നെ മുതിരുകയും ചെയ്യേണ്ടിവരുന്ന അവസ്ഥ സിനിമ പറഞ്ഞുവയ്ക്കുന്നുണ്ട്. ‘അമ്മയ്ക്ക് അല്ലെങ്കിലും അവനെ/അവളെ അല്ലെ കൂടുതൽ ഇഷ്ടം’ എന്ന് പറയേണ്ടി വന്നിട്ടുള്ള മക്കളുടെ ഉള്ളിൽ തറയ്ക്കുന്നതാണ് സിനിമയുടെ തുടക്കത്തിൽ തന്നെ കാണിക്കുന്ന ആ വേർതിരിവ്. അങ്ങനെ പല കാരണങ്ങൾ കൊണ്ട് വീട്ടിൽ നിന്ന് കിട്ടാതെ പോയ സ്നേഹത്തിനും പലയിടങ്ങളിൽ നിന്ന് നേരിടേണ്ടി വരുന്ന അവഗണനകൾക്കും കുട്ടികൾ ആശ്വാസം കണ്ടെത്തുന്നത് സൗഹൃദങ്ങളിലാണ്. ‘ഞാൻ അല്ലാതെ പിന്നാര്’ എന്ന് പറഞ്ഞ് കൂടെ കൂടുന്ന മനുഷ്യരിലാണ്. പതിനൊന്ന് ദിവസം പിന്നിടുമ്പോഴും ഹൗസ് ഫുൾ ആയി തുടരുകയാണ് വാഴയുടെ പ്രദർശനം. പുതുമുഖങ്ങൾക്ക് പ്രാധാന്യം നൽകി പുറത്തിറക്കിയ ചിത്രം കണ്ട ബി എൽ ഒ മ്മാർ മികച്ച അഭിപ്രായമാണ് പറഞ്ഞത്. #🍿 സിനിമാ വിശേഷം

' *ഭരതനാട്യം 2: മോഹിനിയാട്ടം* ഭരതൻ നായരുടെ മരണത്തോടെ ആദ്യ ഭാഗം അവസാനിച്ചപ്പോൾ, അയാളുടെ അന്ത്യകർമ്മങ്ങളിൽ നിന്നാണ് 'മോഹിനിയാട്ടത്തിന്റെ കഥ ആരംഭിക്കുന്നത്. ഈ രംഗങ്ങൾ ചിത്രീകരിച്ചത് ആലുവ അദ്വൈതാശ്രമത്തിൽ വെച്ചായിരുന്നു. ഭരതൻ നായരുടെ രഹസ്യഭാര്യയായ രുക്മിണിയമ്മയുടെയും മകൻ അജയ് ഘോഷിന്റെയും ഭാവി സുരക്ഷിതമാക്കുക എന്ന ലക്ഷ്യത്തോടെയാണ് ശശിയും കുടുംബവും ശ്രീകണ്ഠപുരത്ത് എത്തുന്നത്. ഈ ഭാഗങ്ങൾ ഒക്കെതന്നെയും കണ്ണൂരും പരിസരങ്ങളിലുമായിട്ടാണ് ചിത്രീകരിച്ചത്. എന്നാൽ ശ്രീകന്ധപുരത്തും അവർക്ക് സമാധാനം ലഭിച്ചില്ല. ഭരതൻ നായരുടെ പഴയ സുഹൃത്തായ ഗോവിന്ദ രാജയുടെ കടന്നുവരവോടെ ശശിയും കുടുംബവും ഒരിക്കൽ കൂടി പ്രതിസന്ധികളുടെ ചുഴിയിൽ അകപ്പെടുന്നു. പിന്നീട് ആ കുടുംബത്തെ തേടിയെത്തുന്ന പുതിയ ഊരാക്കുടുക്കുകളിലൂടെയാണ് കഥ മുന്നോട്ട് പോകുന്നത്. അഭിനേതാക്കളുടെ മികച്ച പ്രകടനങ്ങളാണ് സിനിമയുടെ നട്ടെല്ല്. ശശിധരൻ നായരായി തന്റെ 150-ാം ചിത്രത്തിൽ സൈജു കുറുപ്പ് തകർപ്പൻ പ്രകടനമാണ് കാഴ്ചവെച്ചത്. സൈജുവിന്റെ അഭിനയ ശൈലി ശശിധരൻ നായർ എന്ന കഥാപാത്രത്തിന് പൂർണ്ണത നൽകുന്നു. ചിത്രത്തിൽ എടുത്തു പറയേണ്ട മറ്റൊരു പ്രകടനമാണ് കലാ രഞ്ജിനിയുടേത്.ഗൗരവമുള്ള വേഷം ഏറെ തന്മയത്വത്തോടെ അവതരിപ്പിച്ച് സിനിമയുടെ ഗതി മാറ്റാൻ തന്നെ കലാ രഞ്ജിനിക്ക് കഴിഞ്ഞിട്ടുണ്ട്. സഹോദരിമാരായ കൽപ്പനയും ഉർവശിയും വലിയ തിരക്കുള്ള നടിമാരായി ഉയർന്നപ്പോഴും കലാരഞ്ജിനി ഒരുപടി പിന്നിൽ നിന്ന വ്യക്തിയായിരുന്നു. ഈ ചിത്രത്തിൽ കലാരഞ്ജിനിയുടെ അഭിനയ മികവ് ആരെയും ഞെട്ടിക്കുന്നതാണ്. ചിരിപ്പിക്കാനും രസിപ്പിക്കാനുമുള്ള വക സംവിധായകൻകൃഷ്ണ ദാസ് മുരളി രണ്ടാം ഭാഗത്തിലും കരുതിവെച്ചിട്ടുണ്ട്. സൈജു കുറുപ്പ് എന്റർടൈൻമെന്റ്സും തോമസ് തിരുവല്ല ഫിലിംസും ചേർന്നാണ് നിർമ്മാണം. #🍿 സിനിമാ വിശേഷം #🎬സിനിമ കോർണർ

ഡാർക്ക് കോമഡി അനുഭവമാണ് ' *ഭരതനാട്യം 2: മോഹിനിയാട്ടം* ' ഭരതൻ നായരുടെ മരണത്തോടെ ആദ്യ ഭാഗം അവസാനിച്ചപ്പോൾ, അയാളുടെ അന്ത്യകർമ്മങ്ങളിൽ നിന്നാണ് 'മോഹിനിയാട്ടത്തിന്റെ കഥ ആരംഭിക്കുന്നത്. ശ്രീകണ്ഠപുരത്തെ വീട്ടിലേക്ക് ശശിയും കുടുംബവും എത്തുന്നതിടത്തിൽ പിന്തുടരുന്ന കഥ വികസിക്കുന്നത് അവരുടെ സാധാരണത്വത്തെക്കുറിച്ചുള്ള ബോധത്തെ തടസ്സപ്പെടുത്തി കുടുംബത്തെ ഒരു അപകടകരമായ സാഹചര്യത്തിൽ എത്തിക്കുകയും ചെയ്യുന്നു. സംഭവങ്ങൾ പുരോഗമിക്കുമ്പോൾ, അവരെ വലയം ചെയ്യുന്ന കുഴപ്പങ്ങളിൽ നിന്ന് സിനിമ അതിന്റെ ഗതിവേഗം നേടുകയും, അതേ വിചിത്രമായ ലോകത്തിനുള്ളിൽ തന്നെ ഒരു മാറ്റത്തെ ഉറപ്പിക്കുകയും ചെയ്യുന്നു. ചിരിപ്പിക്കാനും രസിപ്പിക്കാനുമുള്ള വക ഭരതൻനായരുടെ കുടുംബം രണ്ടാം തവണയും കരുതിവെച്ചിട്ടുണ്ട് എന്ന് തന്നെ പറയാം. തിയേറ്ററുകളിൽ ചിരിയുടെ പൂരം തീർക്കാൻ ഉറപ്പിച്ചു തന്നെയാണ് 'മോഹിനിയാട്ടം' വിഷുവിന് മുന്നോടിയായി എത്തിയിരിക്കുന്നത്. സൈജു കുറുപ്പ് എന്റർടെയിൻമെന്റ്സും തോമസ് തിരുവല്ല ഫിലിംസും ചേർന്ന് നിർമ്മിച്ച ഈ ചിത്രം സംവിധാനം ചെയ്തിരിക്കുന്നത് കൃഷ്ണദാസ് മുരളിയാണ്. #🍿 സിനിമാ വിശേഷം