@keshavagowda
@keshavagowda

ಕನ್ನಡದ ಕಂದ 💟 ಕೇಶವ ಗೌಡ 💟

👉👉#ಕಷ್ಟ_ಪಟ್ಟು_ದುಡಿಯೋಕು_ಬರುತ್ತೆ 💪 #ಶೋಕಿ_ಮಾಡೋಕು_ಬರುತ್ತೆ 👌 #ಗೌಡರು ❤️ #ಹುಡುಗ #ಅಂದ್ಮೇಲೆ. #ಧಿಮಾಕು_ಸ್ವಲ್ಪ_ಜಾಸ್ತಿನೆ_ಇರುತ್ತೆ😎😎😎💕✌

ಇಂದು ವಿಶ್ವ ಸೊಳ್ಳೆ ದಿನ : ನಮಗೆ ಗೊತ್ತಿರುವುದು ಪರಿಸರ ದಿನಾಚರಣೆ, ಮಕ್ಕಳ ದಿನಾಚರಣೆ, ಎಡ್ಸ್ ನಿಯಂತ್ರಣ ದಿನಾಚರಣೆ, ಸದ್ಭಾವನ ದಿನಾಚರಣೆ ಹೀಗೆ ಕೆಲವೇ ಕೆಲವು ದಿನಾಚರಣೆಗಳು. ವರುಷದ ೩೬೫/೩೬೬ ದಿನಗಳಲ್ಲಿ ಒಂದಿಲ್ಲೊಂದು ದಿನಾಚರಣೆ ಇದ್ದೆ ಇರುತ್ತದೆ. ವಿಶ್ವ ಸೊಳ್ಳೆ ದಿನಾಚರಣೆ ಎಂಬ ಆಚರಣೆ ಇಂದೇ ಇದೆ ಅಂದರೆ ಪ್ರತಿ ವರುಷ ಅಗಷ್ಟ ೨೦ರನ್ದು ವಿಶ್ವದಾದ್ಯಂತ ವಿಶ್ವ ಸೊಳ್ಳೆ ದಿನಾಚರಣೆಯನ್ನು ಆಚರಿಸಲಾಗುತ್ತಿದೆ. ಪ್ರಾಣಿ ದಯಾ ಸಂಘದವರು ಕೂಡ ದ್ವೇಷಿಸುವ ಸೊಳ್ಳೆ ಹರಡುವ ಮಾರಕ ರೋಗಗಳ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸಲೆನ್ದು ವಿಶ್ವ ಸೊಳ್ಳೆ ದಿನವನ್ನಾಗಿ ಆಚರಿಸಲಾಗುತ್ತಿ ದೇ. ಮಲೇರಿಯ ರೋಗ ಹೆಣ್ಣು ಅನಾಫಿಲಿಸ್ ಸೊಳ್ಳೆಯಿಂದ ಹಬ್ಬುತ್ತದೆ ಎಂದು ರೋನಾಲ್ಡ್ ರಾನ್ ೧೮೯೭ರಲ್ಲಿ ಕಂಡು ಹಿಡಿದ ದಿನವನ್ನು ಕಳೆದ ೧೧೪ ವರುಷಗಳಿಂದ ವಿಶ್ವದಾದ್ಯಂತ ವಿಶ್ವ ಸೊಳ್ಳೆ ದಿನಾಚರಣೆಯನ್ನು ಆಚರಿಸಲಾಗುತ್ತಿದೆ. ಈ ಶೋಧಕ್ಕಾಗಿ ರೋನಾಲ್ಡ್ ರಾಸ್ ಅವರಿಗೆ ನೋಬಲ್ ಪಾರಿತೋಷಕವು ಲಭ್ಯವಾಯಿತು. 🌻🙏🏾🙏🏾🌻💐💐 ಸೊಳ್ಳೆ ಓಡಿಸಲು ತುಂಬಾ ಸರಳ ಹಾಗೂ ಕಡಿಮೆ ಖರ್ಚಿನ ಉಪಾಯ ಬೇಕಾದ ಸಾಮಗ್ರಿಗಳು :- 🌳1ಪ್ಲಾಸ್ಟಿಕ್ ಬೌಲ್ (ಪ್ಲಾಸ್ಟಿಕ್ ಚಾಕ್ಲೇಟ್ ಖಾಲಿ ಜಾರ್ ಕತ್ತರಿಸಬಹುದು) 🌳100 ml ನೀರು. 🌳100 ml ಸೀಮೆಎಣ್ಣೆ. 🌳4 ಕರ್ಪೂರ. 🌳50 ml ಫಿನೈಲ್. ಬಳಸುವ ವಿಧಾನ:- ನೀವು ಮಲಗುವ ಕೋಣೆಯ ಕಿಟಕಿ, ಬಾಗಿಲು ಮುಚ್ಚಿರಲಿ, ನಂತರ ಮೊದಲು ಪ್ಲಾಸ್ಟಿಕ್ ಬೌಲ್ ಗೆ ನೀರನ್ನು ಸುರಿಯಿರಿ, ಆಮೇಲೆ ಸೀಮೆಎಣ್ಣೆ ಸುರಿಯಿರಿ, ಈಗ ಕರ್ಪೂರಗಳನ್ನು ಪುಡಿಮಾಡಿ ಬೌಲ್ ನಲ್ಲಿ ಹಾಕಿ, ಸೊಳ್ಳೆಗಳು ಜಾಸ್ತಿ ಇದ್ದರೆ ಈ ಬೌಲ್ ನಲ್ಲಿ ಫಿನೈಲ್ ನ್ನೂ ಸುರಿಯಿರಿ.. 15 ನಿಮಿಷಗಳಲ್ಲಿ ನಿಮಗೆ Result ಸಿಗುತ್ತೆ.! ಇದಕ್ಕೂ ಇನ್ನೂ ಹೆಚ್ಚು ಕಡಿಮೆಯಾಗಬೇಕಾದರೆ ಇಂತಹ ಬೌಲ್ ಗಳನ್ನು ಹೆಚ್ಚು ತಯಾರಿಸಿ ಇಡಿ...!! 🍄ಇದರಿಂದ ನಮ್ಮ ಆರೋಗ್ಯಕ್ಕೆ ಯಾವುದೇ ದುಷ್ಪರಿಣಾಮವಿಲ್ಲ. 🍄ಕರೆಂಟ್ ಬೇಕಿಲ್ಲ. 🍄ಕಟ್ಟ ವಾಸನೆ ಇಲ್ಲ. 🍄ಹೆಚ್ಚು ಖರ್ಚಿಲ್ಲ. 🍄ಹೊಗೆಇಲ್ಲ. #🦟 ಸೊಳ್ಳೆ ಇಂದ ಮುಕ್ತಿ
#

🦟 ಸೊಳ್ಳೆ ಇಂದ ಮುಕ್ತಿ

🦟 ಸೊಳ್ಳೆ ಇಂದ ಮುಕ್ತಿ - ShareChat
2.2k ವೀಕ್ಷಿಸಿದ್ದಾರೆ
4 ಗಂಟೆಗಳ ಹಿಂದೆ
*** ಫೀಲ್ಡ್ ಮಾರ್ಷಲ್ ಕಾರಿಯಪ್ಪನವರ ಹುಟ್ಟು ಹಬ್ಬದ ಸವಿ ನೆನಪಿನಲ್ಲಿ *** ಭಾರತೀಯ ಸೈನ್ಯವೆಂದರೆ ನಮ್ಮ ಕೊಡಗಿನ ವೀರರು ನೆನಪಾಗುತ್ತಾರೆ. ನಮ್ಮ ಭಾರತದ ಸೈನ್ಯದ ಪ್ರಪ್ರಥಮ ಫೀಲ್ಡ್ ಮಾರ್ಷಲ್, ಮಹಾದಂಡನಾಯಕ ಕೊದಂಡೆರ ಮಾದಪ್ಪ ಕಾರಿಯಪ್ಪ ಅವರು ಭಾರತೀಯ ಜನಮನದಲ್ಲಿ ಕಳಶಪ್ರಾಯರು. ಕಾರಿಯಪ್ಪನವರು 28ನೆಯ ಜನವರಿ, 1899ರಂದು ಅಂದಿನ ಬ್ರಿಟಿಷರ ಆಡಳಿತದಲ್ಲಿದ್ದ ಕೊಡಗಿನ ಶನಿವಾರಸಂತೆಯಲ್ಲಿ ಜನಿಸಿದರು. ಸಂಬಂಧಿಗಳಿಗೆಲ್ಲ 'ಚಿಮ್ಮ'ನಾಗಿದ್ದ ಕಾರಿಯಪ್ಪನವರ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಮಡಿಕೇರಿಯ ಕೇಂದ್ರಿಯ ಪ್ರೌಢ ಶಾಲೆಯಲ್ಲಾಯಿತು. ನಂತರ ಮದ್ರಾಸಿನ ಪ್ರೆಸಿಡೆನ್ಸಿ ಕಾಲೇಜಿನಲ್ಲಿ ಕಾಲೇಜು ಶಿಕ್ಷಣವನ್ನು ಪೂರೈಸಿದರು. ಕಾಲೇಜಿನಲ್ಲಿ ಪುಸ್ತಕಗಳು ಮತ್ತು ಖ್ಯಾತ ಶಿಕ್ಷಣ ತಜ್ಞರ ನೇತೃತ್ವದಲ್ಲಿ ನಡೆಯುತ್ತಿದ್ದ ನಾಟಕಗಳು ಕಾರಿಯಪ್ಪನವರನ್ನು ಬಹಳಷ್ಟು ಆಕರ್ಷಿಸಿದ್ದವು. ಸಕ್ರಿಯ ಕ್ರೀಡಾಪಟು ಕೂಡಾ ಆಗಿದ್ದ ಕಾರಿಯಪ್ಪನವರು ಹಾಕಿ ಮತ್ತು ಟೆನ್ನಿಸ್ನಂತಹ ಆಟಗಳನ್ನು ಕುಶಲತೆಯಿಂದ ಆಡುತ್ತಿದ್ದರು. ಸಂಗೀತದಲ್ಲಿ ರಸಿಕತೆ ಹೊಂದಿದ್ದ ಅವರನ್ನು ಇಂದ್ರಜಾಲದಲ್ಲಿನ ಮಾಂತ್ರಿಕತೆಯ ಕೈ ಚಳಕ ಅಪಾರವಾಗಿ ಸೆಳೆದಿತ್ತು. 1918ರ ಮೊದಲನೆಯ ಮಹಾಯುದ್ಧ ಮುಗಿದಾಗ ಭಾರತೀಯರನ್ನೂ ಸೈನ್ಯಾಧಿಕಾರಿಗಳ ಸ್ಥಾನಕ್ಕೆ ಪರಿಗಣಿಸಬೇಕೆಂಬ ಕೂಗಿಗೆ ಬಲಬರತೊಡಗಿತ್ತು. ಈ ನಿಟ್ಟಿನಲ್ಲಿ ನಡೆದ ಹಲವಾರು ಕಠಿಣ ಪರೀಕ್ಷೆಗಳಲ್ಲಿ ತೇರ್ಗಡೆಯಾಗಿ ಆಯ್ಕೆಗೊಂಡ ಕೆಲವೇ ಭಾಗ್ಯಶಾಲಿಗಳಲ್ಲಿ ಕಾರಿಯಪ್ಪನವರೂ ಒಬ್ಬರು. ನಂತರದಲ್ಲಿ ಸೇನೆಯಲ್ಲಿನ ಕಠಿಣ ತರಬೇತಿಯನ್ನು ಕಾರಿಯಪ್ಪ ಪಡೆದರು. ಇಂದೂರಿನ ಡೆಲ್ಲಿ ಕೆಡೆಟ್ ಕಾಲೇಜಿನಲ್ಲಿ ರಾಜನ ಸೈನ್ಯಕ್ಕೆ ನಿಯುಕ್ತರಾದ ಭಾರತೀಯ ಅಧಿಕಾರಿಗಳ ಮೊದಲ ವರ್ಗಕ್ಕೆ ಸೇರಿಕೊಂಡ ಕಾರಿಯಪ್ಪನವರು ಮುಂದೆ ಮುಂಬಯಿಯಲ್ಲಿದ್ದ ಕಾರ್ನಾಟಿಕ್ ಪದಾತಿದಳಕ್ಕೆ ನಿಯುಕ್ತಿಗೊಂಡರು. ಕಾರಿಯಪ್ಪನವರು ಮೊದಲಬಾರಿಗೆ ಈಗಿನ ಇರಾಕ್ ಎನಿಸಿರುವ ಅಂದಿನ ಮೆಸೊಪೊಟಾಮಿಯಾದಲ್ಲಿದ್ದ ವೇಲ್ಸ್ ರಾಜಕುಮಾರನ ಡೊಗ್ರಾ ದಳದೊಂದಿಗೆ ಸೈನ್ಯದ ಸಕ್ರಿಯ ಸೇವೆಯನ್ನು ಪ್ರಾರಂಭಿಸಿದರು. ನಂತರ ಇವರನ್ನು ವಿಕ್ಟೋರಿಯಾ ರಾಣಿಯ ಆಪ್ತದಳವಾದ 2ನೇಯ ರಾಜಪುತ ಲಘು ಪದಾತಿದಳಕ್ಕೆ ವರ್ಗಾಯಿಸಲಾಯಿತು. ಈ ದಳವೇ ಇವರು ಸೈನ್ಯದಿಂದ ನಿವೃತ್ತಿಯನ್ನು ಹೊಂದುವ ತನಕದ ಇವರ ಮೂಲ ನೆಲೆಯಾಗಿತ್ತು. 1933ರಲ್ಲಿ ಕ್ವೆಟ್ಟಾದಲ್ಲಿದ್ದ ಸಿಬ್ಬಂದಿ ಮಹಾವಿದ್ಯಾಲಯಕ್ಕೆ ತರಬೇತಿ ಪಡೆಯಲು ಸೇರಿದ ಮೊದಲ ಭಾರತೀಯ ಅಧಿಕಾರಿ ಕಾರಿಯಪ್ಪನವರಾಗಿದ್ದರು. ಮುಂದೆ 1946ರಲ್ಲಿ ಇವರಿಗೆ ಫ್ರಾಂಟಿಯರ್ ಬ್ರಿಗೇಡ್ ದಳದ ಬ್ರಿಗೇಡಿಯರ್ ಆಗಿ ಭಡ್ತಿ ನೀಡಲಾಯಿತು. ಪಾಕಿಸ್ಥಾನದ ಫೀಲ್ಡ್ ಮಾರ್ಷಲ್ ಮತ್ತು ರಾಷ್ಟ್ರಪತಿಯಾಗಿ ನಿಯುಕ್ತಗೊಂಡ ಅಯೂಬ್ ಖಾನ್ ಅಂದಿನ ದಿನಗಳಲ್ಲಿ ಕಾರಿಯಪ್ಪನವರ ಸಹಾಯಕ ಅಧಿಕಾರಿಯಾಗಿದ್ದರು. 1941-42ರ ಅವಧಿಯಲ್ಲಿ ಕಾರಿಯಪ್ಪನವರು ಇರಾಕ್, ಸಿರಿಯಾ ಮತ್ತು ಇರಾನ್ ಪ್ರದೇಶಗಳಲ್ಲಿ ಮತ್ತು 1943-44ರಲ್ಲಿ ಬರ್ಮಾದಲ್ಲಿ ಸೇವೆ ಸಲ್ಲಿಸಿದರು. ಅವರು ವಝಿರಿಸ್ತಾನದಲ್ಲಿ ತಮ್ಮ ಸೈನಿಕ ಜೀವನದ ಅನೇಕ ವರ್ಷಗಳನ್ನು ಕಳೆದರು. 1942ರಲ್ಲಿ ಕಾರಿಯಪ್ಪನವರ ಸ್ವಾಧೀನಕ್ಕೆ ಒಂದು ತುಕಡಿಯನ್ನು ಒಪ್ಪಿಸಲಾಯಿತು. ಅಂತಹ ಅಧಿಕಾರ ಪಡೆದ ಮೊದಲ ಭಾರತೀಯ ಅಧಿಕಾರಿ ಕಾರಿಯಪ್ಪನವರು. ಸ್ವಲ್ಪ ಸಮಯದ ನಂತರ ಬರ್ಮಾದಿಂದ ಜಪಾನೀಯರನ್ನು ತೆರವುಗೊಳಿಸುವ ಕಾರ್ಯದಲ್ಲಿ ನಿರತರಾಗಿದ್ದ 26ನೆಯ ಸೈನ್ಯವಿಭಾಗದಲ್ಲಿ ಕಾರ್ಯ ನಿರ್ವಹಿಸುವ ಸ್ವಯಂಇಚ್ಛೆ ವ್ಯಕ್ತಪಡಿಸಿದ ಕಾರಿಯಪ್ಪನವರು ಆ ಕಾರ್ಯವನ್ನು ಯಶಸ್ವಿಯಾಗಿ ಮುಗಿಸಿದಾಗ ಅವರಿಗೆ ಆರ್ಡರ್ ಆಫ್ ದಿ ಬ್ರಿಟಿಷ್ ಎಂಪೈರ್ ಗೌರವವನ್ನು ಪ್ರಧಾನ ಮಾಡಲಾಯಿತು. 1947ರಲ್ಲಿ ಯುನೈಟೆಡ್ ಕಿಂಗ್ಡಮ್ಮಿನ ಕಿಂಬರ್ಲಿಯಲ್ಲಿರುವ ಇಂಪೀರಿಯಲ್ ಡಿಫೆನ್ಸ್ ಕಾಲೇಜಿನಲ್ಲಿ, ಉನ್ನತ ಮಟ್ಟದ ಯುದ್ಧ ತಂತ್ರಜ್ಞಾನಗಳ ತರಬೇತಿಯನ್ನು ಕಾರಿಯಪ್ಪನವರು ಪಡೆದರು. ಇಂತಹ ತರಬೇತಿಯನ್ನು ಪಡೆದ ಮೊದಲ ಭಾರತೀಯರು ಕಾರಿಯಪ್ಪ. ಹೃದಯವಿದ್ರಾವಕವಾದ ವಿಭಜನೆಯ ಸಮಯದಲ್ಲಿ ಕಾರಿಯಪ್ಪನವರು ಭಾರತದ ಸೈನ್ಯ ವಿಭಜನೆಯನ್ನು, ಮತ್ತು ಸೈನ್ಯದ ಆಸ್ತಿಯ ವಿಭಜನೆಯನ್ನು ಸಂಯಮತೆಯಿಂದ ಮತ್ತೂ ಎರಡೂ ಪಕ್ಷಗಳಿಗೂ ಒಪ್ಪುವ ರೀತಿಯಲ್ಲಿ ನೆರವೇರಿಸಿದರು. ಇವರು ಈ ನಿರ್ಗಮನ ಕಾರ್ಯದ ಭಾರತದ ಮುಖ್ಯ ನಿರ್ವಹಣಾಧಿಕಾರಿಯಾಗಿದ್ದರು. ಸ್ವಾತಂತ್ರ್ಯಾನಂತರದಲ್ಲಿ ಕಾರಿಯಪ್ಪನವರ ಸ್ಥಾನವನ್ನು ಮೇಜರ್ ಜನರಲ್ ಪದವಿಗೆ ಏರಿಸಿ ಅವರನ್ನು ಸೈನ್ಯದ ಉಪದಂಡನಾಯಕರನ್ನಾಗಿ ನೇಮಿಸಲಾಯಿತು. ನಂತರ ಲೆಫ್ಟನೆಂಟ್ ಜನರಲ್ ಎಂದು ಆ ಪದವಿಯನ್ನು ಔನ್ನತ್ಯಗೊಳಿಸಿದಾಗ ಕಾರಿಯಪ್ಪನವರು ಈಸ್ಟರ್ನ್ ಆರ್ಮಿ ಕಮಾಂಡರ್ ಆದರು. 1947ರಲ್ಲಿ ಪಾಕಿಸ್ತಾನದೊಂದಿಗೆ ಯುದ್ಧ ಪ್ರಾರಂಭವಾದಾಗ ಇವರನ್ನು ಪಶ್ಚಿಮದ ಸೈನ್ಯದ ಮುಖ್ಯಾಧಿಕಾರಿಯನ್ನಾಗಿ ನೇಮಿಸಲಾಯಿತು. ಝಿಲಾ, ದ್ರಾಸ್ ಮತ್ತು ಕಾರ್ಗಿಲ್ ಪ್ರದೇಶಗಳನ್ನು ವಾಪಸ್ ಪಡೆಯಲು ಸೈನ್ಯಕ್ಕೆ ಕಾರಿಯಪ್ಪನವರು ಸಮರ್ಥ ನಾಯಕತ್ವ ನೀಡಿ, ಲೆಹ್ ಪ್ರದೇಶಕ್ಕೆ ಕಡಿದುಹೋದ ಸಂಪರ್ಕವನ್ನು ಮರಳಿ ದೊರಕಿಸಿಕೊಟ್ಟರು. 1949ರಲ್ಲಿ ಅವರನ್ನು ಕಮಾಂಡರ್ ಇನ್ ಚೀಫ್ ಎಂದು ನೇಮಿಸಲಾಯಿತು. ಇಂಪೀರಿಯಲ್ ಆರ್ಮಿ ಎಂದು ಅಲ್ಲಲ್ಲಿ ಹಂಚಿಹೋಗಿದ್ದ ಭಾರತೀಯ ಸೈನ್ಯವನ್ನು ‘ರಾಷ್ಟ್ರೀಯ ಸೈನ್ಯವಾಗಿ’ ಒಂದುಗೂಡಿಸಿದ ಶ್ರೇಯಸ್ಸು ಕಾರಿಯಪ್ಪನವರಿಗೆ ಸಲ್ಲುತ್ತದೆ. 1953ರಲ್ಲಿ ಸೈನ್ಯದಿಂದ ನಿವೃತ್ತಿಯ ನಂತರದಲ್ಲಿ ಕಾರಿಯಪ್ಪನವರು ನ್ಯೂಜಿಲೆಂಡ್ ಮತ್ತು ಆಸ್ಟ್ರೇಲಿಯಾ ದೇಶಗಳಿಗೆ ಭಾರತೀಯ ರಾಯಭಾರಿಯಾಗಿ ನಿಯೋಜಿಸಲ್ಪಟ್ಟಿದ್ದರು. ಬಹಳಷ್ಟು ದೇಶಗಳಲ್ಲಿನ ಸೈನ್ಯಗಳ ಸಂಘಟನೆಗಳ ಕಾರ್ಯದಲ್ಲಿ ಅವರು ತಮ್ಮ ಸೇವೆಯನ್ನು ನೀಡಿದ್ದರು. ಈ ನಿಟ್ಟಿನಲ್ಲಿ ಅವರು ಚೈನ, ಜಪಾನ್, ಅಮೇರಿಕಾ, ಗ್ರೇಟ್ ಬ್ರಿಟನ್ ಮತ್ತು ಬಹುತೇಕ ಯೂರೋಪ್ ರಾಷ್ಟ್ರಗಳಲ್ಲಿ ವ್ಯಾಪಕವಾಗಿ ಸಂಚಾರ ನಡೆಸಿದ್ದರು. ಅಮೆರಿಕಾದ ಅಧ್ಯಕ್ಷ ಟ್ರೂಮನ್ ಅವರು ಕಾರಿಯಪ್ಪನವರಿಗೆ 'Order of the Chief Commander of the Legion of Merit’ ಪ್ರಶಸ್ತಿ ನೀಡಿ ಗೌರವಿಸಿದ್ದರು. 1962, 1965, 1971ರಲ್ಲಿ ಯುದ್ಧಗಳಾದಾಗ ಕಾರಿಯಪ್ಪನವರು ಗಡಿಯಲ್ಲಿ ಸಂಚರಿಸಿ ಭಾರತೀಯ ಸೈನ್ಯಕ್ಕೆ ಸ್ಫೂರ್ತಿ ತುಂಬುವ ಕೆಲಸ ಮಾಡಿದರು. “ಸೈನ್ಯದ ಯಾವುದೇ ದೊಡ್ಡ ಅಧಿಕಾರಿಯೂ ತನ್ನ ದಳದ ಯಾವುದೇ ಸಿಪಾಯಿಗಿಂತ ಹೆಚ್ಚಿನ ಮೌಲ್ಯದವನೇನಲ್ಲ” ಎಂಬ ಅವರ ಮಾತುಗಳು ಒಬ್ಬ ಉತ್ತಮ ನಾಯಕನ ಗುಣ ಲಕ್ಷಣಗಳನ್ನು ಸಮರ್ಥವಾಗಿ ಪ್ರತಿನಿಧಿಸುವಂತದ್ದಾಗಿದೆ. 1965ರ ಅವಧಿಯಲ್ಲಿ ಭಾರತೀಯ ವಾಯುದಳದ ಪೈಲಟ್ ಆದ ಅವರ ಮಗ ಪಾಕಿಸ್ಥಾನೀ ಸೇನೆಗೆ ಸೆರೆಸಿಕ್ಕ ಸಂದರ್ಭದಲ್ಲಿ ಸ್ವಾತಂತ್ರ್ಯ ಪೂರ್ವದಲ್ಲಿ ಅವರ ಸಹಾಯಕರಾಗಿದ್ದ ಸ್ನೇಹದಲ್ಲಿ ಪಾಕಿಸ್ಥಾನದ ಅಧ್ಯಕ್ಷ ಅಯೂಬ್ ಖಾನ್ ಅವರು, ಕಾರಿಯಪ್ಪನವರಿಗೆ ಅವರ ಮಗನನ್ನು ಉಳಿದ ಶತ್ರುಸೈನಿಕರಂತೆ ಕಾಣುವುದಿಲ್ಲ ಎಂಬ ಮಾತನಾಡಿದಾಗ, ಅದನ್ನು ತಿರಸ್ಕರಿಸಿದ ಕಾರಿಯಪ್ಪನವರು “ಈ ದೇಶದ ಪ್ರತಿಯೊಬ್ಬ ಸೈನಿಕನೂ ನನ್ನ ಮಗನೆ” ಎಂದರು. 1983ರ ವರ್ಷದಲ್ಲಿ ಕಾರಿಯಪ್ಪನವರ ಉತ್ಕೃಷ್ಟ ಸೇವೆಯ ಸ್ಮರಣಾರ್ಥವಾಗಿ ಭಾರತ ಸರ್ಕಾರ ಅವರಿಗೆ ಫೀಲ್ಡ್ ಮಾರ್ಷಲ್ ಗೌರವವನ್ನು ಸಮರ್ಪಿಸಿತು. ತಮ್ಮ ನಿವೃತ್ತಿಯ ಬಹಳಷ್ಟು ವರ್ಷಗಳನ್ನು ಕಾರಿಯಪ್ಪನವರು ಮಡಿಕೇರಿಯ ಸುಂದರ ಪರಿಸರದಲ್ಲಿ ಕಳೆದರು. ಜೊತೆಗೆ ಸ್ವತಃ ಪ್ರಕೃತಿ ಪ್ರೇಮಿಯಾದ ಕಾರಿಯಪ್ಪನವರು ಜನರಿಗೆ ಪ್ರಕೃತಿ ಪ್ರೇಮ, ಸ್ವಚ್ಚತೆ ಮತ್ತು ಬದುಕಿನ ಹಲವಾರು ಸೌಂದರ್ಯ ವಿಚಾರಗಳ ಕುರಿತಾದ ಶಿಕ್ಷಣ ನೀಡುವ ಕೆಲಸವನ್ನು ಸಾಂಗವಾಗಿ ನಡೆಸಿದರು. ತೊಂಬತ್ತನಾಲ್ಕು ವರ್ಷಗಳ ಶುದ್ಧ ಜೀವನವನ್ನು ನಡೆಸಿದ ಕಾರಿಯಪ್ಪನವರು ಮೇ 15, 1993ರಂದು ಬೆಂಗಳೂರಿನಲ್ಲಿ ನಿಧನರಾದರು. ಭಾರತದ ಈ ಮಹಾನ್ ನಿಷ್ಠಾವಂತ ಸೇನಾನಿಗೆ ನಮ್ಮ ಸಾಷ್ಟಾಂಗ ನಮನ. #🙏 ಫೀಲ್ಡ್ ಮಾರ್ಷಲ್ ಕಾರಿಯಪ್ಪ
#

🙏 ಫೀಲ್ಡ್ ಮಾರ್ಷಲ್ ಕಾರಿಯಪ್ಪ

🙏 ಫೀಲ್ಡ್ ಮಾರ್ಷಲ್ ಕಾರಿಯಪ್ಪ - ShareChat
1.3k ವೀಕ್ಷಿಸಿದ್ದಾರೆ
5 ಗಂಟೆಗಳ ಹಿಂದೆ
ರಾಜೀವ್ ಗಾಂಧಿ ಭಾರತದ ಮಾಜೀ ಪ್ರಧಾನಿ ರಾಜೀವ್ ಗಾಂಧಿ ಹತ್ಯೆಯಾದ ದಿನ. ನನ್ನ ಆತ್ಮೀಯರೊಬ್ಬರು ರಾಜೀವ್ ಗಾಂಧೀ ಅವರ ಬಗ್ಗೆ ಇಂದು ಬರೀರಿ ಅಂತ ಆತ್ಮೀಯವಾಗಿ ಕೇಳಿದ್ದರು. ರಾಜೀವ್ ಗಾಂಧೀ ಈ ಲೋಕ ಬಿಟ್ಟು ಹೋಗಿಯೇ ಇಪ್ಪತ್ತು ವರ್ಷ ಆಗಿ ಹೋಯಿತು. ಅಂದಿನ ದಿನ ಇನ್ನೂ ಮಂಪರು ನಿದ್ರೆಯಲ್ಲಿ, ಇದೇನಿದು ಹಜಾರದಲ್ಲಿ ಇಷ್ಟು ಬೆಳಿಗ್ಗೆ ಟಿ.ವಿ ಯಾಕೆ ಹಾಕಿದ್ದಾರೆ ಎಂದು ಕಣ್ಣುಜ್ಜುತ್ತಾ ಬಂದಾಗ ಈ ಸುರದ್ರೂಪಿ ಮಾಜಿ ಪ್ರಧಾನಿ ಹತ್ಯೆಯಾಗಿದ್ದು ನೋಡಿ ದಿಗ್ಭ್ರಮೆಗೊಂಡಿದ್ದು ನೆನೆಪಿದೆ. ರಾಜೀವ್ ಗಾಂಧಿ ಸಮಾಧಿ ಮಾಡಿದ ದಿನದ ಸಂದರ್ಭದಲ್ಲಿ ಕೊಲ್ಲೂರಿನಲ್ಲಿದ್ದೆ. ಆ ಊರಿನ ಒಬ್ಬ ವರ್ತಕ ಅಂಗಡಿ ಮುಚ್ಚುತ್ತಿದ್ದ. ಇದೇಕೆ ನಿಮಗೆ ಯಾರಾದರೂ ಗಲಾಟೆ ಮಾಡುತ್ತಾರೆ ಎಂದು ಭಯವೇ ಅಂಗಡಿ ಮುಚ್ಚುತ್ತಿದ್ದೀರ ಅಂತ ಕೇಳಿದೆ? ಆತ ಹೇಳಿದ, "ನನಗೆ ರಾಜೀವ್ ಗಾಂಧೀ ಅಂದರೆ ತುಂಬಾ ಗೌರವ ಅದಕ್ಕೇ ಅಂಗಡಿ ಮುಚ್ಚುತ್ತಿದ್ದೇನೆ". ಇಂದು ನನಗೆ ಪತ್ರ ಬರೆದ ಆತ್ಮೀಯರು ಕೂಡಾ ಹೇಳಿದರು, "ನನಗೆ ರಾಜೀವ್ ಗಾಂಧೀ ಅಂದರೆ ತುಂಬಾ ಇಷ್ಟ ಅವರ ಬಗ್ಗೆ ಬರೆಯಿರಿ" ಅಂತ. ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದಲ್ಲಿ ಓದಿ ಇಟಾಲಿಯನ್ ಹುಡುಗಿ ಪ್ರೇಮ ಮಾಡಿ ಮದುವೆಯಾಗಿ ಪೈಲಟ್ ಆಗಿ ಜೀವನ ಸಾಧಿಸುತ್ತಿದ್ದ ಈ ಸುಂದರ ಮಗನನ್ನು ಇಂದಿರಾಗಾಂಧಿ ತಮ್ಮ ಮತ್ತೊಬ್ಬ ಪುತ್ರ ಅಸುನೀಗಿದ ಮತ್ತು ತಮಗಿದ್ದ ಹಲವು ಭಯಗಳ ಹಿನ್ನೆಲೆಯಲ್ಲಿ ರಾಜಕೀಯಕ್ಕೆ ತಂದುಕೊಂಡರು. ಆಗಿನ ಸಂದರ್ಭದಲ್ಲಿ ಈ ಹುಡುಗ ಇಂದು ಆತನ ಮಗ ರಾಹುಲ್ ಮಾತಾಡುವುದಕ್ಕಿಂತ ಪೆದ್ದು ಪೆದ್ದಾಗಿ ಮಾತನಾಡುತ್ತಿದ್ದ. ಭಾರತದಲ್ಲಿ ಹೀಗಾಗುತ್ತದೆ ಎಂದು ಯಾರೂ ಊಹಿಸದಿದ್ದ ಹಾಗೆ ಇಂದಿರಾ ಗಾಂಧಿಯವರ ಹತ್ಯೆಯಾದಾಗ, ಒಬ್ಬ ಹಂಗಾಮಿ ಪ್ರಧಾನ ಮಂತ್ರಿಯಾಗಿ ರಕ್ಷಣಾ ಸಚಿವರನ್ನು ಮಾಡಬೇಕು ಎಂಬ ಔಚಿತ್ಯ ಕೂಡಾ ಮೀರಿ ಕಾಂಗ್ರೆಸ್ ಪಕ್ಷ ರಾಜೀವ್ ಗಾಂಧಿಯನ್ನು ಪ್ರಧಾನಿ ಪಟ್ಟಕ್ಕೆ ತಂದಿತು. ನಮ್ಮ ದೇಶದಲ್ಲಿ ಒಂದು ಯುದ್ಧ ಮತ್ತು ಒಂದು ಕೊಲೆ ಜನಗಳ ಸಂವೇದನೆಯನ್ನು ಅತೀ ಆಳವಾಗಿ ತಟ್ಟಿಬಿಡುತ್ತೆ. 'ಇಂದಿರಾ ಗಾಂಧೀ ಪುತ್ರ ರಾಜೀವ್ ಗಾಂಧೀ ನಾಯಕ'ನೆಂದು ಹೇಳಿಕೊಂಡ ಪಕ್ಷ ನಿರಾಯಾಸವಾಗಿ 542 ಸ್ಥಾನಗಳಲ್ಲಿ 411 ಸ್ಥಾನಗಳನ್ನು ಪಡೆದು ವಾಜಪೇಯಿ ಅಂತಹ ಶ್ರೇಷ್ಠ ರಾಜಕಾರಣಿಯನ್ನು ಸಹಾ ಸೋಲಿಸಿ ದೇಶದ ಕಡಿವಾಣವನ್ನು ರಾಜೀವ್ ಗಾಂಧೀ ಕೈಯಲ್ಲಿ ಒಪ್ಪಿಸಿತು. ನನ್ನ ಅತ್ಯಂತ ಬುದ್ಧಿವಂತ ಗೆಳೆಯರೊಬ್ಬರು ಹೇಳುತ್ತಿದ್ದರು. "ಆತನಿಗೆ ಎಂತಹ ಬಲ ನಮ್ಮ ದೇಶ ಕೊಟ್ಟಿದೆ ಅಂದ್ರೆ ಆ ಬಲದಲ್ಲಿ ಏನನ್ನೂ ಸಾಧಿಸಬಹುದು!" ಅಂತ. ರಾಜೀವ್ ಗಾಂಧೀ ಭರವಸೆಯನ್ನು ಹುಟ್ಟಿಸಿದರು. ಲೈಸೆನ್ಸ್ ರಾಜ್ ಬುಡವನ್ನು ಭಾರತದಲ್ಲಿ ಪ್ರಥಮವಾಗಿ ಅಲ್ಲಾಡಿಸಿದರು. ಟ್ಯಾರಿಫ್ ಗಳು, ಪರವಾನಗಿಗಳು ಕಡಿಮೆಯಾಗುವ ಸಾಧ್ಯತೆಗಳನ್ನು ತೋರಿದರು, ಟೆಲಿ ಸಂಪರ್ಕ ವ್ಯವಸ್ಥೆಗಳು, ಶಿಕ್ಷಣ ವ್ಯವಸ್ಥೆ, ವಿಜ್ಞಾನ ಮತ್ತು ತಂತ್ರಜ್ಞಾನ ವ್ಯವಸ್ಥೆ ಇವುಗಳಲ್ಲೆಲ್ಲಾ ಹೊಸ ಉತ್ಸಾಹ, ಆಸಕ್ತಿಗಳು ಮೊಳಗುವತ್ತ ನೋಟ ಬೀರಿದರು, ಅಮೆರಿಕದೊಡನೆ ಸ್ನೇಹ ಸೇತು ಬೆಳೆಸಿದರು. ರಾಜೀವ್ ಗಾಂಧೀ ಅಧಿಕಾರದ ಅವಧಿಯಲ್ಲಿ ನಮ್ಮ ಆರ್. ಕೆ. ಲಕ್ಷ್ಮಣ್ ಒಂದು ಕಾರ್ಟೂನ್ ಬರೆದಿದ್ರು. ಆ ಕಾರ್ಟೂನಿನಲ್ಲಿ ಒಬ್ಬ ಮನೆಯಲ್ಲಿ ಕೂತುಕೊಂಡು ರಾಜೀವ್ ಗಾಂಧೀ ಫೋಟೋನೇ ನೋಡ್ತಾ ಕೂತಿದ್ದ! ಅದಕ್ಕೆ ಕೆಳಗಿದ್ದ ವಿವರಣೆ "ಆತನ ಮನೆಯ ಟಿ.ವಿ. ಕೆಟ್ಟು ಹೋಗಿದೆ!". ರಾಜೀವ್ ಗಾಂಧೀಗೆ ಅಷ್ಟೊಂದು ಪ್ರಚಾರದ ಪೀಡೆ ಅಂಟುಕೊಂಡಿತ್ತು. ಮನುಷ್ಯನಿಗೆ ಯಶಸ್ಸಿನ ಜತೆಗೆ ನಾನೇ ಎಲ್ಲೆಡೆ ಮೆರೀಬೇಕು ಅಂತ ಬಂದು ಬಿಡೋ ದೌರ್ಬಲ್ಯ ಈತನಿಗೂ ಬಂದು ಬಿಡ್ತು. ಇಂದಿರಾ ಗಾಂಧೀ ಸತ್ತ ಸಂದರ್ಭದಲ್ಲಿ ತಾನು ಪ್ರಧಾನಿ ಆಗಬೇಕು ಅಂತ ಒಂದು ಚೂರು ಆಸೆ ಇಟ್ಟುಕೊಂಡು ಒಂದಿಬ್ಬರನ್ನು ಸಂಪರ್ಕಿಸಿದ್ದರು ಅಂತ ಗೊತ್ತಾಗಿ, ಪ್ರಣಬ್ ಮುಖರ್ಜಿ ಅಂತಹ ಮೇಧಾವಿಯನ್ನು ರಾಜೀವ್ ಗಾಂಧೀ ಮೂಲೆ ಗುಂಪು ಮಾಡಿದ್ರು. ವಿಶ್ವನಾಥ್ ಪ್ರತಾಪ್ ಸಿಂಗ್, ಅರುಣ್ ಸಿಂಗ್ ಅಂತಹ ಅಂದಿನ ದಿನದಲ್ಲಿ ಒಳ್ಳೆಯ ಕೆಲಸ ಮಾಡಿದ್ದ ಮಂತ್ರಿಗಳ ಬಳಿ ವೈಮನಸ್ಯ ಕಟ್ಟಿ ಕೊಂಡ್ರು. ತಾವು ಮುಂದೆಂದೂ ಸೋಲದೆ ಇರೋ ತರಹ ರಾಜಕೀಯ ಶಕ್ತಿ ಆಗ್ಬೇಕು ಅಂತ ಬೋಫೋರ್ಸ್ ಅಂತಹ ವ್ಯವಹಾರದಲ್ಲಿ ಆಳಕ್ಕೆ ಇಳಿದಿದ್ರು! ತಮ್ಮಮ್ಮ ಸತ್ತ ಸಂದರ್ಭದಲ್ಲಿ ಕಾಂಗ್ರೆಸ್ ಕಂತ್ರಿಗಳು ಸಿಖ್ಖರನ್ನು ಅಮಾನುಷವಾಗಿ ಹಿಂಸಿಸದ್ದನ್ನು ತಪ್ಪು ಅಂತ ಅರ್ಥ ಮಾಡಿಕೊಳ್ಳಲಾಗದ ಕೃತ್ರಿಮತೆ ಅವರನ್ನು ಆವರಿಸಿಕೊಂಡಿತ್ತು. ತಮಿಳು ಉಗ್ರಗಾಮಿಗಳನ್ನು ಹತ್ಯೆ ಮಾಡೋಕೆ ಗೊತ್ತು ಗುರಿ ಇಲ್ಲದೆ ಭಾರತೀಯ ಸೇನೆಯ ಸಂಖ್ಯೆಯನ್ನು ವಿದೇಶಗಳಲ್ಲಿ ನಿಯೋಜಿಸಿದ್ರು. ತಾವು ಮಾಡ್ತಾ ಇರೋ ದೊಡ್ಡ ದೊಡ್ಡ ಪ್ರಚಾರದ, "ಭಾರತವನ್ನು ಅಮೇರಿಕಾ ಮಾಡಿ ಬಿಡ್ತೇನೆ!" ಎಂಬ ಕಲ್ಪನೆಗಳು ಭಾರತೀಯ ಮೂಲ ತಂತುವನ್ನ, ಸಾಧಾರಣ ಭಾರತೀಯನ ಕಷ್ಟ ನಷ್ಟಗಳನ್ನ ಸ್ಪಂದಿಸ್ತಾ ಇಲ್ಲ ಅಂತ ಗೊತ್ತಾಗಿ ಹೋಗೋ ಒಳಗೆ ಅವರ ಅಧಿಕಾರಾವಧಿ ಕೂಡಾ ಗತಿಸಿ ಹೋಗಿತ್ತು. ರಾಮಕೃಷ್ಣ ಹೆಗ್ಗಡೆ ಸರ್ಕಾರ ಒಳ್ಳೇ ಕೆಲಸ ಮಾಡ್ತಿದ್ದಾಗ ಆ ಸರ್ಕಾರಕ್ಕೆ ಬಿಡುಗಾಸಿಗೂ ಅಡ್ಡಗಾಲು ಹಾಕಿದರು. ತಮ್ಮದೇ ಪಕ್ಷದ ಸರ್ಕಾರ ಇದ್ದಾಗ ವೀರೇಂದ್ರ ಪಾಟೀಲ್ ಅಂತಹ ಸಜ್ಜನ ಕಾಯಿಲೆ ಬಿದ್ದಿದ್ದಾಗ ಆ ಜಾಗದಲ್ಲಿ ಬಂಗಾರಪ್ಪನಂತಹ ವ್ಯಕ್ತಿಯನ್ನು ದೊಡ್ಡವನನ್ನಾಗಿ ಮಾಡಿ ಕೂರಿಸಿದರು. ವಿಶ್ವಭಾರತಿಯಂತಹ ಪ್ರತಿಷ್ಠಿತ ವಿದ್ಯಾಸಂಸ್ಥೆಯಲ್ಲಿ ಯಾವುದೇ ಘನತೆ ಇಲ್ಲದಿದ್ರೂ ತಾವು ದೊಡ್ಡವರಾಗಿ ಕೂತರು. ರಾಜೀವ್ ಗಾಂಧೀ ಮುಂದೆ ಅಧಿಕಾರ ಕಳೆದುಕೊಂಡರೂ ತಮ್ಮ ತಪ್ಪುಗಳನ್ನು ತಿದ್ದಿಕೊಂಡು ಭಾರತಕ್ಕೆ ಉತ್ತಮ ಭವಿಷ್ಯಕ್ಕೆ ಕಾಯಕ ಮಾಡ್ತಾರೇನೋ ಅಂತ ಭಾರತೀಯರು ಭಾವಿಸಿದ್ದರು. ಆದರೆ ಆತ ತಮಿಳು ಉಗ್ರಗಾಮಿಗಳಿಗೆ ಹತ್ಯೆ ಆಗಿದ್ದು ನೆನೆಸಿಕೊಂಡರೆ ಈಗಲೂ ನೋವಾಗುತ್ತೆ. ರಾಜೀವ್ ಗಾಂಧೀ ನೆನಪು ಹಲವು ದೆಸೆಗಳಲ್ಲಿ ನಮ್ಮ ನೆನಪುಗಳಿಂದ ಮಾಸದೆ ಉಳಿದಿದೆ. #🎂 ರಾಜೀವ್ ಗಾಂಧಿ ಜಯಂತಿ
#

🎂 ರಾಜೀವ್ ಗಾಂಧಿ ಜಯಂತಿ

🎂 ರಾಜೀವ್ ಗಾಂಧಿ ಜಯಂತಿ - VAS SES HISENSES 120W - ShareChat
414 ವೀಕ್ಷಿಸಿದ್ದಾರೆ
5 ಗಂಟೆಗಳ ಹಿಂದೆ
ಎನ್. ಆರ್. ನಾರಾಯಣಮೂರ್ತಿ ಆಗಸ್ಟ್ 19ರಂದು ಸುಧಾ ಮೂರ್ತಿಗಳಿಗೆ ಹುಟ್ಟು ಹಬ್ಬದ ಶುಭ ಹಾರೈಕೆಗಳನ್ನು ನೆನೆಸಿಕೊಂಡೆವು. ಆಗಸ್ಟ್ 20 ಅವರ ಪತಿ ನಾರಾಯಣಮೂರ್ತಿಗಳಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ಸಲ್ಲಿಸುವ ಸಂದರ್ಭವಾಗಿದೆ. ನಾರಾಯಣಮೂರ್ತಿಯವರು ಆಗಸ್ಟ್ 20, 1946ರ ವರ್ಷದಲ್ಲಿ ಜನಿಸಿದರು. ನಾಗವಾರ ರಾಮರಾಯ ನಾರಾಯಣಮೂರ್ತಿಗಳನ್ನು ಇಂದು ಲೋಕದಲ್ಲಿ ಅರಿಯದವರಿಲ್ಲ. ಹಿಂದೆ ನಾವು ಎಪ್ಪತ್ತು ಎಂಭತ್ತರ ದಶಕದಲ್ಲಿ ದೇಶದ ರಾಜಧಾನಿಯಾದ ನವದೆಹಲಿಯಲ್ಲಿ ಸುತ್ತುವಾಗ, ನಮ್ಮ ಮುಖಚರ್ಯೆ ಹಾವಭಾವ ನೋಡಿದ ಜನ, ನಮ್ಮನ್ನು ‘ಎಲ್ಲಿಂದ ಬಂದಿರಿ?’ ಎಂದು ಕೇಳುವಾಗ, ‘ನಾವು ಬೆಂಗಳೂರಿನವರು’ ಎಂದರೆ ಅರ್ಥವಾಗುತ್ತಿರಲಿಲ್ಲ. ಅವರಿಗೆ ದಕ್ಷಿಣ ಭಾರತೀಯರೆಂದರೆ ‘ಮದ್ರಾಸಿ’ ಎಂಬುದು ಒಂದೇ ಗೊತ್ತಿದ್ದದ್ದು. ಒಮ್ಮೆ ಹಲವು ವರ್ಷಗಳ ಹಿಂದೆ ಅಬುಧಾಬಿ - ದುಬೈನಲ್ಲಿ ಸಂಚರಿಸುವಾಗ ಒಬ್ಬ ಸುಡಾನ್ ದೇಶದ ವ್ಯಕ್ತಿ ಕೇಳಿದ ‘ತಾವು ಎಲ್ಲಿಯವರು?’ ಎಂದು. ‘ನಾನು ಭಾರತದಲ್ಲಿ ಬೆಂಗಳೂರಿನವನು’ ಎಂದಾಗ ತಕ್ಷಣ ಹೇಳಿದ, “ಓ, ಸಾಫ್ಟ್ವೇರ್ ತಂತ್ರಜ್ಞಾನದ ಬುದ್ಧಿವಂತರ ಊರಿನವರು ನೀವು” ಅಂತ. ತಕ್ಷಣವೇ ಮನ ನಾರಾಯಣಮೂರ್ತಿ ಎಂಬ ಮಹಾನ್ ಮೂರ್ತಿಗೆ ಧನ್ಯವಾದ ಅರ್ಪಿಸಿತು. ಇಂದು ಬೆಂಗಳೂರು ಎಂದರೆ ಯಾರೂ ಮದ್ರಾಸಿ ಎಂದು ತಡಕಾಡುವುದಿಲ್ಲ! ನಾರಾಯಣ ಮೂರ್ತಿ ಅವರನ್ನು ಅಧ್ಯಯನ ಮಾಡುವುದೆಂದರೆ ಒಂದು ಸಂಸ್ಕೃತಿಯನ್ನು ಅಧ್ಯಯನ ಮಾಡುವಂತೆ. ಇತ್ತೀಚಿನ ವರ್ಷದಲ್ಲಿ ನಾರಾಯಣ ಮೂರ್ತಿಯವರ ‘A Better India, A Better World’ ಪುಸ್ತಕ ಓದುತ್ತಿದ್ದೆ. ನನಗೆ ಎಲ್ಲಕ್ಕಿಂತ ಗಮನ ಸೆಳೆದದ್ದು ಅವರು ಸಂಸ್ಕೃತಿಗೆ ಕೊಡುವ ಬೆಲೆ. ಪ್ರಾಮಾಣಿಕವಾಗಿ ತಮ್ಮ ಮುಂದೆ ಹೇಳಬೇಕೆಂದರೆ, ನನಗೆ ನಮ್ಮ ಭಾರತೀಯ ಸಂಸ್ಕೃತಿಯಲ್ಲಿ ಅಡಗಿರುವ ಈ ಸುಂದರ ಅಷ್ಟ ಪುಷ್ಪಗಳ ಪರಿಚಯ ದೊರೆತಿದ್ದು ಈ ಪುಸ್ತಕದಲ್ಲೇ. ಅಹಿಂಸಾ ಪ್ರಥಮಂ ಪುಷ್ಪಂ ಪುಷ್ಪಂ ಇಂದ್ರಿಯ ನಿಗ್ರಹಃ ಸರ್ವಭೂತದಯಾಪುಷ್ಪಂ ಸತ್ಯಪುಷ್ಪಂ ವಿಶೇಷತಃ ಜ್ಞಾನಪುಷ್ಪಂ ತಪಃಪುಷ್ಪಂ ಕ್ರಿಯಾಪುಷ್ಪಂ ತಥೈವ ಚ ಧ್ಯಾನಂಚೈವಾಷ್ಟಮಂ ಪುಷ್ಪಂ ಏಭಿಸ್ತುಷ್ಯತಿ ಕೇಶವಃ. ಕೆಲವು ವರ್ಷದ ಹಿಂದೆ ಎನ್.ಡಿ.ಟಿ.ವಿ ಸಂಸ್ಥೆ ಆಯ್ದ ಆಹ್ವಾನಿತರಿಗೆ ಭಾರತದ ಮೇರುಸದೃಶ ಸಾಂಸ್ಥಿಕ ನಿರ್ವಾಹಕರಾದ ರತನ್ ಟಾಟಾ ಮತ್ತು ನಾರಾಯಣ ಮೂರ್ತಿ ಅವರೊಂದಿಗೆ ವಿಚಾರ ವಿನಿಮಯದ ಕಾರ್ಯಕ್ರಮವೊಂದನ್ನು ಏರ್ಪಡಿಸಿತ್ತು. ಕೊನೆಯಲ್ಲಿ ಒಬ್ಬರು ಕೇಳಿದ ಪ್ರಶ್ನೆ ಹೀಗಿತ್ತು. “ಯಶಸ್ಸಿಗೆ ನಿಮ್ಮ ಸೂತ್ರವೇನು?” ರತನ್ ಟಾಟಾ ಅವರು ಮೊದಲು ಉತ್ತರಿಸಿದರು. “ನಿಮಗೆ ಸಾಕಷ್ಟು ಅದೃಷ್ಟ ಇರಬೇಕು”. ಎರಡನೇ ಉತ್ತರ ನಾರಾಯಣ ಮೂರ್ತಿ ಅವರದ್ದು. “ನಿಜ ನಿಮಗೆ ಸಾಕಷ್ಟು ಅದೃಷ್ಟ ಬೇಕು. ಆದರೆ, ಆ ಅದೃಷ್ಟ ನಿಮ್ಮ ಮುಂದೆ ಬಂದಾಗ, ನಿಮ್ಮ ಬುದ್ಧಿ ಮತ್ತು ಮನಗಳು ಅದನ್ನು ಸ್ವೀಕರಿಸಲು ಸಿದ್ಧವಾಗಿರಲಿ”. ಇದು ನಾರಾಯಣ ಮೂರ್ತಿಯವರು ಚಿಂತಿಸುವ ವಿಶಿಷ್ಟ ಹೊಸ ದಿಕ್ಕು. ನಾರಾಯಣ ಮೂರ್ತಿಯವರು ಮೈಸೂರಿನ ಸರ್ಕಾರಿ ಶಾಲೆಯಲ್ಲಿ ವಿದ್ಯಾಭ್ಯಾಸ ಮಾಡಿ, ಅಲ್ಲಿನ ಎನ್. ಐ. ಕಾಲೇಜಿನಲ್ಲಿ ಇಂಜಿನಿಯರಿಂಗ್ ಪದವಿ ಪಡೆದರು. ಮುಂದೆ ಅವರು ಐ.ಐ.ಟಿ ಕಾನ್ಪುರದಲ್ಲಿ ಹೆಚ್ಚಿನ ವಿದ್ಯಾಭ್ಯಾಸ ನಡೆಸಿದರು. 1969ರಲ್ಲಿ ಐ.ಐ.ಟಿ ಕಾನ್ಪುರದಿಂದ ಹೊರಬಂದ ನಾರಾಯಣ ಮೂರ್ತಿ ಅವರು ಮೊದಲು ಐ.ಐ.ಎಮ್ ಅಹಮದಾಬಾದಿನಲ್ಲಿ ಮುಖ್ಯ ವ್ಯವಸ್ಥಾಪಕ ಪ್ರೋಗ್ರಾಮರ್ ಹುದ್ಧೆಯಲ್ಲಿದ್ದು ಅಲ್ಲಿ ಇ.ಸಿ.ಐ.ಎಲ್ ಸಂಸ್ಥೆಗಾಗಿ ‘ಬೇಸಿಕ್’ ಕಂಪ್ಯೂಟರ್ ಭಾಷೆಗಾಗಿನ ಸಂವಾದಕವಾದ ‘ಇಂಟರ್ಪ್ರಿಟರ್’ ಅನ್ನು ಸಿದ್ಧಗೊಳಿಸಿಕೊಟ್ಟರು. ಮುಂದೆ ನಾರಾಯಣ ಮೂರ್ತಿಯವರು ಪುಣೆಯಲ್ಲಿನ ‘ಪಟ್ನಿ ಕಂಪ್ಯೂಟರ್’ ಸಂಸ್ಥೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಸಂದರ್ಭದಲ್ಲಿ ಟೆಲ್ಕೋ ಸಂಸ್ಥೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಸುಧಾ ಅವರನ್ನು ಪ್ರೇಮವಿವಾಹವಾದರು. 1981ರಲ್ಲಿ ಬೆಂಗಳೂರಿನಲ್ಲಿ ತಮ್ಮ ಪತ್ನಿಯ ಬೆಂಬಲದೊಂದಿಗೆ ನಾರಾಯಣಮೂರ್ತಿ ಅವರು, ಇಂದು ವಿಶ್ವಪ್ರಸಿದ್ಧವಾದ ಇನ್ಫೋಸಿಸ್ ಸಂಸ್ಥೆಗೆ ಚಾಲನೆ ನೀಡಿದರು. ತಮ್ಮ ಈ ಸಂಸ್ಥೆಗೆ ಇನ್ನೂ ಆರು ಮಂದಿ ಗೆಳೆಯರನ್ನು ಕೂಡಾ ನಾರಾಯಣ ಮೂರ್ತಿಗಳು ಪಾಲುದಾರರಾಗಲು ಆಹ್ವಾನಿಸಿದರು. ಮುಂದೆ ಇಪ್ಪತ್ತೊಂದು ವರ್ಷಗಳವರೆಗೆ ಅದರ ಪ್ರಧಾನ ಕಾರ್ಯನಿರ್ವಾಹಕ ಅಧಿಕಾರಿಗಳಾಗಿದ್ದ ಮೂರ್ತಿ ಅವರು ಇನ್ಫ್ಪೋಸಿಸ್ ಸಂಸ್ಥೆಯನ್ನು ಉತ್ತುಂಗದ ಹಾದಿಗೆ ಮಾರ್ಗದರ್ಶಿಸಿ ಮುಂದೆ ಆ ಪದವಿಯನ್ನು ನಂದನ್ ನೀಲೇಕಣಿ ಅವರಿಗೆ ಹಸ್ತಾಂತರಿಸಿದರು. ಮುಂದೆ ಅದರ ಅಧಿಕಾರವರ್ಗದಲ್ಲಿ ಸಲಹೆಗಾರರಾಗಿ ಮುಂದುವರೆದ ನಾರಾಯಣ ಮೂರ್ತಿ ತಮಗೆ ಅರವತ್ತೈದು ವರ್ಷ ತುಂಬಿದಾಗ ಆ ಸಂಸ್ಥೆಯ ಮುಖ್ಯಸ್ಥರ ಹುದ್ದೆಯಿಂದ ಹೊರಬಂದಿದ್ದರು. ಆದರೆ ಮುಂದೆ ಆದ ಬೆಳವಣಿಗೆಯೊಂದರಲ್ಲಿ ಇನ್ಫೋಸಿಸ್ ಸಂಸ್ಥೆಯ ಆಡಳಿತ ಮಂಡಳಿ ಪುನಃ ನಾರಾಯಣ ಮೂರ್ತಿಯವರನ್ನು ನೇತೃತ್ವ ವಹಿಸಬೇಕೆಂದು ಕೋರಿಕೊಂಡಿದ್ದರಿಂದ ಆ ಹುದ್ದೆಗೆ ಕೇವಲ ಒಂದು ರೂಪಾಯಿ ಸಂಬಳ ಪಡೆಯುವ ಉದ್ಯೋಗಿಯಾಗಿ ಬಂದು, ಅದನ್ನು ಮತ್ತೊಬ್ಬರಿಗೆ ವಹಿಸಿಕೊಟ್ಟು ಪುನಃ ನಿವೃತ್ತಿಗೆ ಹಿಂದಿರುಗಿದ್ದಾರೆ. ನಾರಾಯಣ ಮೂರ್ತಿಯವರು ಐ.ಐ.ಟಿ ಕಾನ್ಪುರದಲ್ಲಿದ್ದಾಗ ಅಲ್ಲಿ ಅಮೇರಿಕದ ಕಂಪ್ಯೂಟರ್ ವಿಜ್ಞಾನಿಯೊಬ್ಬರು ಮಾಡಿದ ಪ್ರಭಾವಪೂರ್ಣ ಉಪನ್ಯಾಸದಿಂದ ಪ್ರೇರಿತರಾಗಿ ತಕ್ಷಣವೇ ಅಲ್ಲಿನ ಗ್ರಂಥಾಲಯಕ್ಕೆ ಹೋಗಿ ಆ ಉಪನ್ಯಾಸಗಾರರು ಹೇಳಿದ ಸಂಶೋಧನಾ ಪ್ರತಿಗಳನ್ನೆಲ್ಲಾ ಓದಿದ ದೆಸೆಯಿಂದಾಗಿ ಮುಂದೆ ತಾವು ಕೂಡಾ ಕಂಪ್ಯೂಟರ್ ವಿಜ್ಞಾನದಲ್ಲಿ ತಮ್ಮ ಪಯಣವನ್ನು ಮುಂದುವರೆಸುವ ದೃಢ ನಿಶ್ಚಯವನ್ನು ತಾಳಿದರು. ಒಬ್ಬ ಉತ್ತಮಭಾಷಣಕಾರ ತನ್ನ ಮಾತಿನಿಂದ ಹೇಗೆ ಮತ್ತೊಬ್ಬರನ್ನು ಪ್ರೇರೇಪಿಸಬಹುದು ಎಂಬುದಕ್ಕೆ ಇದನ್ನು ಆಗಾಗ ಉದಾಹರಣೆಯಾಗಿ ಬಳಸುವ ನಾರಾಯಣ ಮೂರ್ತಿಗಳು ತಾವೂ ಕೂಡ ಮತ್ತೊಬ್ಬರ ಜೀವನಕ್ಕೆ ಹೇಗೆ ಪ್ರೇರಕರಾಗಿರಬೇಕು ಎಂಬುದನ್ನು ಅರಿತ ರೀತಿಯ ಮೂಲ ಕೂಡಾ ಇಲ್ಲೇ ಇದೆ. ಹಾಗಾಗಿ ನಾರಾಯಣಮೂರ್ತಿಗಳು ತಮ್ಮ ನಡೆ, ನುಡಿ, ಸಚ್ಚಾರಿತ್ರ್ಯದಲ್ಲಿ ಎಂದೂ ಜಾಗರೂಕರು. 1974ರ ವರ್ಷದಲ್ಲಿ ನಾರಾಯಣ ಮೂರ್ತಿಗಳು ಪ್ಯಾರಿಸ್ ನಗರದಿಂದ ತಮ್ಮ ನೆಲೆಯಾದ ಮೈಸೂರಿಗೆ ಬರುವ ಕಾತರ ಆಕಾಂಕ್ಷೆಗಳಿಂದ ಪಯಣಿಸುತ್ತಿದ್ದರು. ಆ ಹಾದಿಯಲ್ಲಿ ಅವರು ಯುಗೊಸ್ಲೋವಿಯಾ ಮತ್ತು ಬಲ್ಗೇರಿಯ ದೇಶಗಳ ಗಡಿ ಪ್ರದೇಶವಾದ ‘ನಿಸ್’ ಎಂಬ ರೈಲ್ವೇ ನಿಲ್ದಾಣದಿಂದ ರೈಲು ಪ್ರಯಾಣ ಆರಂಭಿಸಿದ ಸಂದರ್ಭದಲ್ಲಿ ಅವರು ಇದ್ದ ರೈಲ್ವೇ ಭೋಗಿಯಲ್ಲಿ ಇದ್ದದ್ದು ಒಂದಿಬ್ಬರು ಪಯಣಿಗರು ಮಾತ್ರ. ತಮ್ಮ ಬಳಿಯೇ ಕುಳಿತಿದ್ದ ವಿದೇಶಿ ಮಹಿಳೆಯೊಡನೆ ಇವರು ಸಂಭಾಷಿಸುತ್ತಿದ್ದುದನ್ನು ಕಂಡು, ಅಲ್ಲಿದ್ದ ಒಬ್ಬನೇ ಒಬ್ಬ ಇತರ ಪ್ರಯಾಣಿಕ, ಅದು ಬಲ್ಗೇರಿಯಾ ಕಮುನಿಸ್ಟ್ ಸರ್ಕಾರದ ವಿರುದ್ಧದ ಮಾತುಕತೆ ಎಂದು ತಪ್ಪು ಮಾಹಿತಿ ನೀಡಿದ ಕಾರಣವಾಗಿ ಅಲ್ಲಿನ ಸರ್ಕಾರ ನಾರಾಯಣ ಮೂರ್ತಿಗಳನ್ನು ಸೆರೆವಾಸದಲ್ಲಿರಿಸಿಬಿಟ್ಟಿತು. ಮೂರುದಿನಗಳ ಕಾಲ ಆಹಾರ ನೀರು ವ್ಯವಸ್ಥೆ ಇಲ್ಲದೆ ಅತ್ಯಂತ ಶೀತಮಯವಾಗಿದ್ದ ಸಣ್ಣ ಕೋಣೆಯಲ್ಲಿ ನಾರಾಯಣಮೂರ್ತಿ ಕಳೆದರು. ಮುಂದೆ ಪುನಃ ಎಳೆದುಕೊಂಡು ಹೋಗಿ ಮತ್ತೊಂದು ರೈಲಿನಲ್ಲಿ ದಬ್ಬಲ್ಪಟ್ಟ ನಾರಾಯಣ ಮೂರ್ತಿ ಅವರಿಗೆ, ಇಪ್ಪತ್ತು ಗಂಟೆಗಳ ಪಯಣದ ನಂತರದಲ್ಲಿ ಸಿಗುವ ಇಸ್ತಾನ್ಬುಲ್ ತಲುಪಿದ ನಂತರ ‘ನಿನಗೆ ಬಿಡುಗಡೆ’ ಎಂದು ಹೇಳಿದ ಪೋಲಿಸ್ ಪೇದೆ, ಕಡೆಗೆ ನುಡಿದನಂತೆ “ನೀನು ನಮ್ಮ ದೇಶದ ಮಿತ್ರವಾದ ಭಾರತದ ಪ್ರಜೆಯಾದ್ದರಿಂದ ನಿನಗೆ ಬಿಡುಗಡೆಯ ಸೌಭಾಗ್ಯ ಸಿಗುತ್ತಿದೆ” ಎಂದು. “ಈ ಸುದೀರ್ಘ ಘೋರ ಅನುಭವ ನನಗೆ ಪ್ರಜಾಪ್ರಭುತ್ವದ ಹೊರತಾಗಿ ಬೇರಿನ್ಯಾವುದೇ ರಾಜಕೀಯ ವ್ಯವಸ್ಥೆಯಲ್ಲಿ ನಂಬಿಕೆ ಇಲ್ಲದಂತೆ ಮಾಡಿತು” ಎನ್ನುತ್ತಾರೆ ಮೂರ್ತಿ. 1981ರಲ್ಲಿ ಇನ್ಫೋಸಿಸ್ ಸಂಸ್ಥೆ ಹುಟ್ಟುಹಾಕಿದ ನಂತರದಲ್ಲಿ ವ್ಯಾಪಾರಕ್ಕೆ ಅತ್ಯಂತ ಕಠಿಣವಾಗಿದ್ದ ಭಾರತದಲ್ಲಿ ಸಾಕಷ್ಟು ಕಷ್ಟದ ಒಂದು ದಶಕವನ್ನು ಅನುಭವಿಸಿದ್ದ ನಾರಾಯಣಮೂರ್ತಿ ಮತ್ತು ಅವರ ಇನ್ಫೋಸಿಸ್ ಸಂಸ್ಥಾಪಕ ತಂಡದ ಸಭೆ ಸೇರಿತ್ತು. ಮುಖ್ಯ ವಿಷಯವೆಂದರೆ, ಶ್ರೀಮಂತ ವಿದೇಶೀ ಸಂಸ್ಥೆಯೊಂದು ಒಂದು ಮಿಲಿಯನ್ ಡಾಲರ್ ಕ್ರಯಕ್ಕೆ ಇನ್ಫೋಸಿಸ್ ಸಂಸ್ಥೆಯನ್ನು ಕೊಳ್ಳಲು ಮುಂದೆ ಬಂದಿತ್ತು. ಇಷ್ಟೊಂದು ಹಣದ ಆಹ್ವಾನವನ್ನು ತಿರಸ್ಕರಿಸುವುದು ಸುಲಭದ ಮಾತಾಗಿರಲಿಲ್ಲ. ಎಲ್ಲರೂ ಅವರವರ ಅಭಿಪ್ರಾಯ ಹೇಳಿ ಮುಗಿಸಿದರು. ಕಡೆಗೆ ನಾರಾಯಣ ಮೂರ್ತಿಗಳ ನಿರ್ಧಾರದ ಮಾತು ಹೊರಬಂತು. “ಗೆಳೆಯರೇ, ನಿಮಗೆ ನಿಮ್ಮ ಷೇರುಗಳನ್ನು ಮಾರುವ ಇಚ್ಛೆಯಿದ್ದಲ್ಲಿ ನಾನೇ ಎಲ್ಲವನ್ನೂ ಕೊಂಡುಕೊಳ್ಳುತ್ತೇನೆ, ಈ ಸಂಸ್ಥೆಯನ್ನು ನಾನು ಮಾರಲು ಸಿದ್ಧನಿಲ್ಲ.” ಈ ಘಟನೆಯ ಬಗ್ಗೆ ಹೇಳುವಾಗ ಮೂರ್ತಿ ಹೇಳುತ್ತಾರೆ, “ಈ ಮಾತನ್ನು ಹೇಳಿದಾಗ ನನ್ನ ಜೇಬಿನಲ್ಲಿ ಕಿಲುಬು ಕಾಸೂ ಕೂಡಾ ಇರಲಿಲ್ಲ. ಆದರೆ ನನ್ನಲ್ಲಿ ದೃಢ ವಿಶ್ವಾಸವಿತ್ತು” ಎಂದು. ನಾರಾಯಣ ಮೂರ್ತಿಗಳ ಮಾತನ್ನು ಕೇಳಿ ಅವರಲ್ಲಿದ್ದ ವಿಶ್ವಾಸವನ್ನು ಕಂಡು ಅವರ ಉಳಿದ ಗೆಳೆಯರೆಲ್ಲರೂ ಸಂಸ್ಥೆಯನ್ನು ಮಾರದೆ ಆತ್ಮವಿಶ್ವಾಸ ಮತ್ತು ದೃಢ ಸಂಕಲ್ಪಗಳಿಂದ ಮುನ್ನಡೆಯಲು ನಿರ್ಧರಿಸಿದರು. ಈ ಮಾತನ್ನು ನಾರಾಯಣಮೂರ್ತಿ ಅವರು ಬರೆದಿದ್ದು 2007ರ ವರ್ಷದಲ್ಲಿ. ಅದು ಹೀಗಿದೆ “ಈ ಹದಿನೇಳು ವರ್ಷಗಳಲ್ಲಿ ಇನ್ಫೋಸಿಸ್ ಸಂಸ್ಥೆ ಮೂರು ಬಿಲಿಯನ್ ಅಮೇರಿಕನ್ ಡಾಲರ್ ವಾರ್ಷಿಕ ಆದಾಯದ ಸಂಸ್ಥೆಯಾಗಿದ್ದು 800 ಅಮೇರಿಕನ್ ಡಾಲರ್ ಮಿಲಿಯನ್ನುಗಳಿಗೂ ಮೀರಿದ ನಿವ್ವಳ ಲಾಭ ಗಳಿಸುವ ಸಂಸ್ಥೆಯಾಗಿ ಬೆಳೆದಿದೆ. ನಮ್ಮ ಸಂಸ್ಥೆಯ ಬಂಡವಾಳಕ್ಕೆ ಕ್ರೋಡೀಕರಿಸಿದ ಹಣ ಒಟ್ಟು 28 ಬಿಲಿಯನ್ ಅಮೇರಿಕನ್ ಡಾಲರುಗಳನ್ನೂ ಮೀರಿದ್ದು ಅದು ಅಂದು ಮಾರಾಟಕ್ಕೆ ಆಹ್ವಾನ ಪಡೆದಿದ್ದ ಒಂದು ಮಿಲಿಯನ್ ಡಾಲರ್ ಹಣಕ್ಕಿಂತ 28000 ಪಾಲು ಹೆಚ್ಚಿನದ್ದಾಗಿದೆ. ಇದೆಲ್ಲಕ್ಕೂ ಮೀರಿದ ಸಂಗತಿ ಎಂದರೆ ಇನ್ಬ್ಫೋಸಿಸ್ ಸಂಸ್ಥೆ ಈ ಹಾದಿಯಲ್ಲಿ 70,000ಕ್ಕೂ ಹೆಚ್ಚು ಶ್ರೀಮಂತ ಉದ್ಯೋಗಗಳನ್ನು ನಿರ್ಮಿಸಿದೆ, ಎರಡು ಸಾವಿರಕ್ಕೂ ಹೆಚ್ಚು ಅಮೇರಿಕನ್ ಡಾಲರ್ ಕೋಟ್ಯಾಧಿಪತಿಗಳನ್ನೂ, ಇಪ್ಪತ್ತು ಸಾವಿರಕ್ಕೂ ಹೆಚ್ಚು ಭಾರತೀಯ ರೂಪಾಯಿಯ ಕೋಟ್ಯಾಧಿಪತಿಗಳನ್ನೂ ನಿರ್ಮಿಸಿದೆ.” 1995ರ ವರ್ಷದಲ್ಲಿ ಇನ್ಫೋಸಿಸ್ ಸಂಸ್ಥೆಯ ಗ್ರಾಹಕರಲ್ಲಿ ಪ್ರಮುಖವಾದ ಒಂದು ಪ್ರತಿಷ್ಠಿತ ವಿದೇಶೀ ಸಂಸ್ಥೆ ಕಠಿಣ ರೀತಿಯಲ್ಲಿ ಚೌಕಾಸಿ ವ್ಯವಹಾರಕ್ಕೆ ತೊಡಗಿ ಹಲವಾರು ನಿಬಂಧನೆಗಳನ್ನು ಒಡ್ಡಿತು. ಆ ವ್ಯವಹಾರ ದಕ್ಕಬೇಕೆಂದಿದ್ದರೆ ಗ್ರಾಹಕರ ಆ ನಿಬಂಧನೆಗಳನ್ನು ಒಪ್ಪದೆ ಬೇರೆ ವಿಧಿಯಿರಲಿಲ್ಲ. ಆದರೆ ನಾರಾಯಣ ಮೂರ್ತಿಗಳು ವಿಚಲಿತರಾಗಲಿಲ್ಲ. ಅಂತಹ ನಿರ್ಧಾರ ಸಂಸ್ಥೆಯ ಹಣಕಾಸಿನ ಪರಿಸ್ಥಿತಿಯ ಮೇಲೆ ತೀವ್ರವಾದ ಪರಿಣಾಮ ಬೀರುವಂತದ್ದು ಎಂಬ ಅರಿವಿದ್ದರೂ ನಾರಾಯಣಮೂರ್ತಿ ಅವರು ಆ ಗ್ರಾಹಕ ಸಂಸ್ಥೆಯ ನಿಬಂಧನೆಗಳಿಗೆ ತಲೆಬಾಗದೆ ಆ ವ್ಯವಹಾರವನ್ನು ಕೈ ಬಿಡುವ ನಿರ್ಧಾರ ಕೈಗೊಂಡರು ಮಾತ್ರವಲ್ಲ, ಆ ಸಂಸ್ಥೆ ಇಚ್ಛೆಪಡುವ ಹೊಸ ಮಾರಾಟಗಾರ ಸಂಸ್ಥೆಗೆ ತಾನು ಆಗ ನಿರ್ವಹಿಸುತ್ತಿದ್ದ ಕೆಲಸವನ್ನು ಗೌರವಯುಕ್ತವಾಗಿ ಹಸ್ತಾಂತರಿಸುವ ಆಶ್ವಾಸನೆಯನ್ನೂ ನೀಡಿದರು. ಅಂದಿನ ಆ ನಿರ್ಧಾರ ಇನ್ಫೋಸಿಸ್ ಸಂಸ್ಥೆಯ ಮುಂದಿನ ಬೆಳವಣಿಗೆಯಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿತು. ಕಾರಣ ಏನು ಗೊತ್ತೆ? “ಇನ್ಫೋಸಿಸ್ ಸಂಸ್ಥೆ ಯಾವುದೇ ಒಬ್ಬ ಗ್ರಾಹಕ, ಒಂದು ತಂತ್ರಜ್ಞಾನ, ಒಂದು ದೇಶ, ಒಂದೇ ರೀತಿಯ ಕೆಲಸ ಅಥವಾ ಒಬ್ಬ ಕೆಲಸಗಾರನ ಮೇಲೆ ಪೂರ್ಣ ಅವಲಂಬತವಾಗಿಲ್ಲದಂತೆ ಕಾರ್ಯನಿರ್ವಹಿಸುವ ಸಿದ್ಧಾಂತವನ್ನು ತನ್ನ ನೀತಿಯಾಗಿ ಅಳವಡಿಸಿಕೊಂಡಿತು. ಒಂದು ದೊಡ್ಡ ವಿಪ್ಪತ್ತು ನಮಗೆ ಹೇಳಿಕೊಟ್ಟ ಪಾಠವಿದು. ಇನ್ಫೋಸಿಸ್ ಈ ವಿಪ್ಪತ್ತು ರಹಿತ ಸೇವಾ ದಕ್ಷತೆಯನ್ನು ಅಳವಡಿಸಿಕೊಂಡಿರುವ ಕಾರಣದಿಂದಾಗಿ, ಅದು ನಿರಂತರ ಸಮತೋಲನದಲ್ಲಿರುವ ಆದಾಯ ಮತ್ತು ಲಾಭಗಳ ಹಾದಿಯಲ್ಲಿ ನಡೆಯುವಂತಾಗಿದೆ” ಎನ್ನುತ್ತಾರೆ ನಾರಾಯಣಮೂರ್ತಿ. ಉತ್ತಮವಾದ ಗುಣಮಟ್ಟದ ಕಲಿಕೆ ಹಾಗೂ ಕಲಿಕೆಯ ಅಳವಡಿಕೆ, ಜೀವನ ನಮ್ಮ ಮುಂದೆ ಒಡ್ಡುವ ಅವಕಾಶಗಳ ಬಗೆಗೆ ಮುಕ್ತವಾಗಿರುವಿಕೆ, ಹೊಸ ಹೊಸ ಸವಾಲುಗಳನ್ನು ಅಪ್ಪಿಕೊಳ್ಳುವ ಮನೋಧರ್ಮ, ಭಾರತೀಯ ಅಧ್ಯಾತ್ಮಿಕತೆ ಬೋಧಿಸುವ ಆತ್ಮಜ್ಞಾನದ ಅರಿವು ಇವು ನಮ್ಮ ಬೆಳವಣಿಗೆಗೆ ಅತೀ ಮುಖ್ಯ ಎಂಬುದು ನಾರಾಯಣಮೂರ್ತಿಯವರ ಹಿತನುಡಿ. “ಒಂದು ದಿನ ನಾವು ಈ ಜೀವನದಲ್ಲಿ ಯಶಸ್ವಿಯಾದೆವು, ನಾವು ಒಂದಿಷ್ಟು ಗಳಿಸಿದೆವು ಎಂಬುದರ ಅಂತಿಮ ಘಟ್ಟವೆಂದರೆ, ನಮ್ಮ ಆ ಗಳಿಕೆಯ ರೂಪ ಸಂಪತ್ತಿನದೇ ಇರಲಿ, ಬುದ್ಧಿವಂತಿಕೆ ಎಂಬ ತಿಳುವಳಿಕೆಯ ಜ್ಞಾನವೇ ಇರಲಿ, ಅಧ್ಯಾತ್ಮವೇ ಇರಲಿ, ಅದಕ್ಕೆ ನಾವು ಕೇವಲ ತಾತ್ಕಾಲಿಕ ಹಕ್ಕುದಾರರು ಮಾತ್ರವಾಗಿದ್ದೇವೆ. ನಾವು ಗಳಿಸಿದ ಸಂಪತ್ತಿನ ಉತ್ಕೃಷ್ಟ ಉಪಯೋಗವೆಂದರೆ ಅದನ್ನು ನಮಗಿಂತ ಕೆಳಭಾಗ್ಯರ ಜೊತೆಯಲ್ಲಿ ಹಂಚಿಕೊಳ್ಳುವುದಾಗಿದೆ.” ನನ್ನ ನಂಬಿಕೆಯೆಂದರೆ ನಾವೆಲ್ಲರೂ ನಾವು ಬೆಳೆಸದ ಯಾರೋ ಬೀಜ ಬಿತ್ತಿ ನೀರುಣಿಸಿದ ಮರಗಳಿಂದ ಹಣ್ಣನ್ನು ಕಿತ್ತು ತಿನ್ನುತ್ತಿದ್ದೇವೆ. ಈ ಕಾಲಚಕ್ರದ ತಿರುಗುವಿಕೆಯಲ್ಲಿ ಇಂದು, ನಾವು ನಮ್ಮ ಜೀವಿತ ಕಾಲದಲ್ಲಿ ತಿನ್ನಲು ಸಾಧ್ಯವಾಗದಿದ್ದರೂ ಸಹಾ ಈ ಬದುಕೆಂಬ ನಂದನವನದಲ್ಲಿ ನಮಗೆ ಸಾಧ್ಯವಿರುವ ಎಲ್ಲಾ ತರಹದ ಫಲ ಕೊಡುವ ವೃಕ್ಷಗಳನ್ನೂ ಮುಂದಿನ ಜನಾಂಗಕ್ಕಾಗಿ ನೆಟ್ಟು ಬೆಳೆಸುವುದು ನಮ್ಮ ಆದ್ಯ ಕರ್ತ್ಯವ್ಯವಾಗಿದೆ. ಇದು ನಾರಾಯಣ ಮೂರ್ತಿಗಳು ಅವರ ಪುಸ್ತಕದಲ್ಲಿ ಮತ್ತು ಹಲವು ಸಂದರ್ಭಗಳಲ್ಲಿ ಮಾಡಿರುವ ಉಪನ್ಯಾಸಗಳಲ್ಲಿ ಆಡಿರುವ ಕೆಲವೊಂದು ಮಾತುಗಳಲ್ಲಿ ನನ್ನ ಅರ್ಥೈಕೆಗೆ ಸಿಕ್ಕ ಕೆಲವೊಂದು ಪುಷ್ಪಗಳು. ನಾರಾಯಣಮೂರ್ತಿ ಅವರಿಗೆ ಪದ್ಮವಿಭೂಷಣದವರೆಗೆ ಭಾರತೀಯ ಗೌರವಗಳು, ಅಂತರರಾಷ್ಟ್ರೀಯ ಪ್ರತಿಷ್ಠಿತ ಗೌರವಗಳು ಅರಸಿಕೊಂಡು ಬಂದಿವೆ. ಅವರ ಮಾರ್ಗದರ್ಶನ ಮತ್ತು ನಿರ್ದೇಶನ ಪಡೆಯಲು ಬಹಳಷ್ಟು ಸರ್ಕಾರಗಳು, ಉದ್ಯಮಗಳು, ವಿಶ್ವವಿದ್ಯಾಲಯಗಳು ನಿರಂತರ ಅವರ ಹಿಂದೆ ನಡೆದಿವೆ. ಇದು ನಮ್ಮ ನಾಡಿಗೆ ಸಂದ ಶ್ರೇಷ್ಠ ಗೌರವ ಕೂಡಾ ಆಗಿದೆ. ಒಂದು ವಿಚಾರವನ್ನು ಇಲ್ಲಿ ಹೇಳಲೇಬೇಕು. ನಾರಾಯಣ ಮೂರ್ತಿ ಅವರು ಮನಸ್ಸು ಮಾಡಿದ್ದರೆ “ಇನ್ಫೋಸಿಸ್ ಸಂಸ್ಥೆಯನ್ನು ಭಾರತದಲ್ಲಿರುವ ಹಲವು ದೊಡ್ಡ ಸಂಸ್ಥೆಗಳಂತೆ ತಮ್ಮ ಕೌಟುಂಬಿಕ ಹಿಡಿತದ ಒಂದು ಸಂಸ್ಥೆಯನ್ನಾಗಿಸುವುದು ಸಾಧ್ಯವಿತ್ತು. ಆದರೆ ಹಾಗೆ ಮಾಡದೆ ಆ ಸಂಸ್ಥೆಯ ಮೇಲೆ ತಮ್ಮ ಅಥವಾ ತಮ್ಮ ಕುಟುಂಬದ ಯಾವುದೇ ಹಿಡಿತವೂ ಇಲ್ಲದಂತೆ ಮುಕ್ತ ಸಾಮೂಹಿಕ ಬಂಡವಾಳ ಹೂಡಿಗರ ಆಡಳಿತ ಸಂಸ್ಥೆಯಾಗಿ ರೂಪಿಸಿರುವ ಪ್ರಾಜ್ಞ ನಿರ್ಧಾರ ನಿಜಕ್ಕೂ ನಾರಾಯಣ ಮೂರ್ತಿಯವರ ಹಿರಿಮೆಯಾಗಿದೆ”. ಈ ನಾರಾಯಣ ಮೂರ್ತಿ ಎಂಬ ಸಜ್ಜನನಿಗೆ, ಮಹಾನ್ ಸಾಧಕನಿಗೆ ನಾವು ಹೇಗೆ ತಾನೇ ಕೃತಜ್ಞತೆ ಹೇಳಲು ಸಾಧ್ಯ. ಬಹುಃಶ ಅವರು ಹೇಳಿರುವ ಮಾತುಗಳ ಮನನ, ಮತ್ತು ಸಾಧ್ಯವಾದರೆ ಹಾಗೆ ಬದುಕಲು ನಡೆಸುವ ಪ್ರಯತ್ನ ಮಾತ್ರವೇ ಇಂತಹ ಮಹನೀಯನಿಗೆ ನಾವು ಸಲ್ಲಿಸಬಹುದಾದ ಗೌರವವಾಗಬಹುದೇನೋ. ನಾರಾಯಣ ಮೂರ್ತಿ ಅವರಿಗೆ ಹೃತ್ಪೂರ್ವಕ ಗೌರವಗಳು ಮತ್ತು ಹುಟ್ಟುಹಬ್ಬದ ಹಾರ್ದಿಕ ಶುಭ ಹಾರೈಕೆಗಳು. ಸರ್, ನಿಮ್ಮ ಮಾರ್ಗದರ್ಶನ ನಮ್ಮ ಜನಾಂಗಕ್ಕೆ ಮತ್ತು ಮುಂದಿನ ಪೀಳಿಗೆಗಳಿಗೆ ನಿರಂತರವಾಗಿ ಬೆಳಕು ತೋರುತ್ತಲಿರಲಿ. #🎂 ನಾರಾಯಣ ಮೂರ್ತಿ ಹುಟ್ಟುಹಬ್ಬ
#

🎂 ನಾರಾಯಣ ಮೂರ್ತಿ ಹುಟ್ಟುಹಬ್ಬ

🎂 ನಾರಾಯಣ ಮೂರ್ತಿ ಹುಟ್ಟುಹಬ್ಬ - ShareChat
1.8k ವೀಕ್ಷಿಸಿದ್ದಾರೆ
5 ಗಂಟೆಗಳ ಹಿಂದೆ
ಬೇರೆ Appsಗೆ ಶೇರ್ ಮಾಡಲು
Facebook
WhatsApp
ಲಿಂಕ್ ಕಾಪಿ ಮಾಡಿ
ಡಿಲೀಟ್
Embed
ಈ ಪೋಸ್ಟ್ ರಿಪೋರ್ಟ್ ಮಾಡಲು ಕರಣ...
Embed Post
ಬೇರೆ Appsಗೆ ಶೇರ್ ಮಾಡಲು
Facebook
WhatsApp
ಅನ್ ಫಾಲೋ
ಲಿಂಕ್ ಕಾಪಿ ಮಾಡಿ
ರಿಪೋರ್ಟ್
ಬ್ಲಾಕ್
ನಾನು ರಿಪೋರ್ಟ್ ಮಾಡಲು ಕರಣ