ജീവിതത്തിലെ ചില നഷ്ടങ്ങൾ വിധി കൊണ്ടുണ്ടായതല്ല… നമ്മുടെ സ്വന്തം തീരുമാനങ്ങൾ പതിയെ വിളിച്ചു വരുത്തിയതാണ്. കൂടുതൽ നേടാനുള്ള ഓട്ടത്തിൽ ദൂരങ്ങൾ തേടി നടന്നപ്പോൾ, കൂടെയുണ്ടായിരുന്ന ചിലരുടെ വില നമ്മൾ തിരിച്ചറിയാതെ പോയി. “സമയം ഇല്ല” എന്നൊരു വാക്കിൽ എത്ര ബന്ധങ്ങളാണ് അകന്നുപോയത്… പറയേണ്ടിയിരുന്ന സ്നേഹങ്ങൾ മനസ്സിൽ തന്നെ കുടുങ്ങിപ്പോയി. അവസാനം, കൈ നിറയെ നേട്ടങ്ങൾ ഉണ്ടായിട്ടും ഹൃദയത്തിൽ എന്തോ ഒരു ശൂന്യത. അപ്പോഴാണ് ജീവിതം ഒരു സത്യം പഠിപ്പിച്ചത്… സന്തോഷം എവിടെയോ ദൂരെയല്ലായിരുന്നു, നമ്മളെ സ്നേഹിച്ച് കൂടെയുണ്ടായിരുന്ന ചില മനുഷ്യരിലായിരുന്നു. ❤️ Good night 🌹 #🌃 ഗുഡ് നൈറ്റ് #🌃ശുഭരാത്രി സ്റ്റാറ്റസ് #📝 ഞാൻ എഴുതിയ വരികൾ

ഉത്തമനായ സുഹൃത്തിന്റെ ഉപമ കസ്തൂരി വാഹകനെ പോലെയാണ്. അവനിൽ നിന്ന് നമുക്കത് വാങ്ങാം. അല്ലെങ്കിൽ അതിന്റെ പരിമളമെങ്കിലും അനുഭവിക്കാമെന്ന് പ്രവാചകൻ പഠിപ്പിക്കുന്നു. പക്ഷികൾക്ക് ആകാശവും, പൂവുകള്‍ക്ക് സുഗന്ധവുമെന്നത് പോലെ മനുഷ്യന് വേണ്ടത് സ്നേഹമാണെന്ന് അല്പം ധ്യാനിച്ചാൽ മനസിലാകും. ഇങ്ങനെ ഒക്കെയാണങ്കിലും നമ്മള്‍ ഹൃദയത്തില്‍ ചേര്‍ത്ത് വെയ്ക്കുന്നവർ അത് പോലെ നമ്മളെ ചേര്‍ത്ത് വെയ്ക്കണമെന്നില്ല എന്ന് കൂടി മനസിലാക്കണം. തിരിച്ചു കിട്ടണമെന്ന പ്രതീക്ഷയോടെ തന്നെ സ്നേഹം നല്‍കുക. എന്നാൽ തിരിച്ച് കിട്ടണമെന്ന് വാശി പിടിക്കരുത്. ശുഭരാത്രി 🌹🙏 #🌃 ഗുഡ് നൈറ്റ് #🌃ശുഭരാത്രി സ്റ്റാറ്റസ് #📝 ഞാൻ എഴുതിയ വരികൾ

എല്ലാ ബന്ധങ്ങളും സംരക്ഷിക്കപ്പെടേണ്ടവയല്ല. മനസ്സിലാക്കപ്പെടാത്ത ഇടങ്ങളിൽ വീണ്ടും വീണ്ടും സ്വയം വിവർത്തനം ചെയ്യേണ്ടിവരുന്നത് എത്ര വലിയ വേദനയാണ്. വിലമതിക്കപ്പെടാത്ത ഒരാളുടെ മുന്നിൽ സ്വന്തം മൂല്യം തെളിയിക്കാൻ ശ്രമിച്ചുകൊണ്ടിരിക്കുക എന്നത് എത്രമാത്രം വ്യർത്ഥമാണ്. യഥാർത്ഥത്തിൽ സ്നേഹത്തിന് ഒരിക്കലും തെളിവുകൾ ആവശ്യമില്ല. സ്നേഹിക്കുന്നവർ ആത്മാവിന് ഭാരം കൂട്ടുകയല്ല; മറിച്ച് ജീവിതത്തിന്റെ കഠിന വഴികളിലൂടെ നടക്കുമ്പോൾ ഹൃദയഭാരം കുറക്കുകയാണ് ചെയ്യുന്നത്. സ്നേഹം ഒരു യുദ്ധഭൂമിയല്ല. അവിടെ ദിവസവും പൊരുതുകയും മുറിവേൽക്കുകയും, അതിനെ വിധിയെന്ന് വിശ്വസിക്കുകയും ചെയ്യേണ്ടതില്ല. ആത്മാഭിമാനം പണയം വെച്ച് വിധേയത്വം കാണിക്കുന്നവർക്കിടയിൽ ബന്ധങ്ങൾ ഭാരമായി തീരുന്നു. ചില വേർപാടുകളിൽ നമ്മൾ കരയുന്നത് അയാളെ നഷ്ടപ്പെട്ടതു കൊണ്ടല്ല. അവർക്കുവേണ്ടി ഉപേക്ഷിച്ച സന്തോഷങ്ങളെയും, മാറ്റിവെച്ച ആഗ്രഹങ്ങളെയും, പറയാതെ വിഴുങ്ങിയ സങ്കടങ്ങളെയും ഓർത്താണ്. ഒരാളെ സ്നേഹിക്കുന്നു എന്നതിന്റെ അർത്ഥം, അവരുടെ ഇഷ്ടത്തിനനുസരിച്ച് നമ്മെ പുനർനിർമ്മിക്കുക എന്നതല്ല. മറിച്ച്, എല്ലാ ഭയങ്ങളും മുഖമൂടികളും മാറ്റി വെച്ച് നമുക്ക് നമ്മളായി ഇരിക്കാനുള്ള സുരക്ഷിതമായ ഇടം നൽകുക എന്നതാണ്. യഥാർത്ഥ സ്നേഹമുള്ളവർ ഒരിക്കലും നമ്മുടെ കുറവുകളെ ആയുധമാക്കില്ല. നമ്മുടെ മുറിവുകളിൽ ഉപ്പ് വിതറില്ല. ബലഹീനതകളെ പരിഹസിച്ച് വിജയിക്കാൻ ശ്രമിക്കില്ല. അത് തകർന്നുപോകുന്ന ഹൃദയത്തിന് ഒരു അഭയമാണ്. ക്ഷീണിച്ച ആത്മാവിന് ഒരു തണലാണ്. കൊടുങ്കാറ്റുകൾക്കിടയിൽ പോലും അണയാതെ കാത്തുസൂക്ഷിക്കുന്ന ഒരു വിളക്കാണ്. ജീവിതം ഒടുവിൽ എല്ലാവരെയും പഠിപ്പിക്കുന്ന ഏറ്റവും മനോഹരമായ സത്യമുണ്ട്. നമ്മളെ നഷ്ടപ്പെടുത്തേണ്ടി വരുന്ന സ്നേഹത്തേക്കാൾ, നമ്മളെ നമ്മളായി തന്നെ നിലനിർത്താൻ അനുവദിക്കുന്ന ബന്ധങ്ങളാണ് കൂടുതൽ വിശുദ്ധമായിട്ടുള്ളത്. ചിലതൊക്കെ ജീവിതത്തിൽ എല്ലായ്‌പ്പോഴും ലഭിക്കണമെന്നില്ല. മൂല്യമുള്ള വസ്തുക്കൾ നഷ്ടപ്പെടുത്താതിരിക്കുക എന്നതാണ് ഏറ്റവും വലിയ മൂല്യം. Good morning🌺🌺🌺 #🙂 ശുഭദിനം #🌞 ഗുഡ് മോണിംഗ് #💐Have a Nice Day🌞 #📝 ഞാൻ എഴുതിയ വരികൾ

ഉണരാം, സ്വപ്നത്തിലേക്ക് വഴിയരികിൽ കുറെ ഉരുളൻ കല്ലുകൾ കൂട്ടിയിട്ടിരിക്കുന്നു. മുകളിൽ കിടക്കുന്ന ഏറ്റവും വലിയ കല്ലിന് ഒരു മോഹം. താൻ ഏറ്റവും മേലെ കിടക്കുന്നതുകൊണ്ട് ഒരുദിവസം നക്ഷത്രങ്ങളെ തൊടാനാകും. ഒരുദിവസം ആ വഴി വന്ന ഒരു കുട്ടി ഏറ്റവും മുകളിൽ കിടന്ന കല്ലെടുത്ത് അടുത്തുള്ള മാവിലെ മാമ്പഴം ലക്ഷ്യമാക്കി എറിഞ്ഞു. കല്ല് വിചാരിച്ചു – തന്റെ സ്വപ്‌നം സാക്ഷാത്‌കരിക്കപ്പെടാൻ പോവുകയാണ്, ഉടൻ നക്ഷത്രങ്ങളെ തൊടാം. കല്ല് പോയതുപോലെ താഴേക്കു ചെന്ന് ഒരു ചെളിക്കുണ്ടിൽ പതിച്ചു. അന്ന് താഴത്തെ നിരയിൽ കിടന്ന കല്ലുകൾ ഹൃദയം തുറന്നു സന്തോഷിച്ചു. അന്നാണ് ആദ്യമായി അവർ ആകാശവും നക്ഷത്രങ്ങളും കണ്ടത്. എറിയപ്പെടുന്ന കല്ലിന് എറിയുന്നവന്റെ ലക്ഷ്യം മാത്രമേയുള്ളൂ. മെയ്യനങ്ങാതെ ചുരുണ്ടുകൂടി കിടക്കുന്നവർ കാണുന്നത് പകൽക്കിനാവുകളായിരിക്കും. കണ്ണുതുറന്ന് സ്വപ്‌നം കാണാനുള്ള ശേഷിപോലും അവർക്കുണ്ടാകില്ല. കണ്ണെത്തും ദൂരത്തുള്ളതെല്ലാം കയ്യെത്തും ദൂരത്തുണ്ടെന്നുകരുതി സഹായഹസ്തങ്ങൾക്കു വേണ്ടി കാത്തുകിടക്കുന്നവർ അർഹിക്കുന്നതു ചെളിക്കുണ്ടാണ്. അകലങ്ങളിലേക്കുള്ള യാത്രകൾക്ക് ഉൾപ്രേരണയും ഊർജ്ജസ്വലതയും ദൂരബോധവും ഉണ്ടാകണം.  കിടന്നുറങ്ങുന്നവരുടെ സ്വപ്‌നദേശമല്ല നിരന്തര ഉദ്യമങ്ങൾ നടത്തുന്നവരുടെ ലക്ഷ്യസ്ഥാനമാണ് ഓരോ നക്ഷത്രവും. സ്വന്തമായ പദ്ധതികളും മാർഗരേഖകളും ഇല്ലാത്തവരെല്ലാം വഴിയരികിലും പാതവക്കിലും അടിഞ്ഞുകൂടും. ഒരനക്കവുമില്ലാതെ അവിടെ കിടന്ന് ആയുസ്സെത്തും. സ്വന്തം ജീവിതത്തിന്റെ യജമാനനാകാൻ തയാറാകാത്തവരുടെ ജീവിതത്തിൽ വിധി അതിന്റെ വിളയാട്ടം നടത്തും. – സഹജരുടെയും സഹനങ്ങളുടെയും പതനങ്ങളുടെയും രൂപത്തിൽ. വിധി വലിച്ചെറിയുന്നതുവരെ കാത്തിരിക്കാതെ പ്രതിവിധികൾ തേടണം. സ്വന്തം സ്വപ്‌നങ്ങളോടു പ്രതിപത്തിയില്ലാത്തവരുടെ ആഗ്രഹങ്ങൾ പൂർത്തീകരിക്കാൻ മറ്റാർക്കാണു താൽപര്യം? ഏവർക്കും ശുഭദിനം✨🌺🌺 #🌞 ഗുഡ് മോണിംഗ് #🙂 ശുഭദിനം #💐Have a Nice Day🌞 #📝 ഞാൻ എഴുതിയ വരികൾ