#శంకరి దాస జ్ఞానార్ణవ పీఠము మహాభారతం, అనుశాసనిక పర్వంలోని 145వ అధ్యాయంలో శివుడు పార్వతీదేవికి చేసిన ఉపదేశం .... భారతీయ కర్మ సిద్ధాంతానికి మరియు జ్యోతిష్య శాస్త్రానికి మధ్య ఉన్న సమన్వయాన్ని తెలియజేస్తుంది. అనుశాసనిక పర్వంలో ఉమ (పార్వతి) శివుడిని ఇలా అడుగుతుంది: "స్వామీ! లోకంలో గ్రహ నక్షత్రాల వల్ల శుభాశుభాలు కలుగుతాయని జనం నమ్ముతారు కదా, దీని వెనుక ఉన్న రహస్యం ఏమిటి?" దానికి శివుడు సమాధానమిస్తూ ఈ క్రింది శ్లోకాన్ని చెబుతాడు:- "కేవలం గ్రహనక్షత్రం న కరోతి శుభాశుభమ్ | సర్వమాత్మకృతం కర్మ లోకవాదో గ్రహా ఇతి ||" భావం:- కేవలం గ్రహాలూ, నక్షత్రాలూ స్వతంత్రంగా మనకు శుభాన్ని కానీ, అశుభాన్ని కానీ కలిగించవు. అంతా మన ఆత్మకృత కర్మ (మనం చేసిన పనుల ఫలితం) ద్వారానే జరుగుతుంది. "గ్రహాల వల్ల జరిగింది" అనేది లోకంలో వాడుకలో ఉన్న మాట మాత్రమే. జ్యోతిష్య శాస్త్రం ప్రకారం గ్రహాలు మన జీవితాన్ని శాసించే 'యజమానులు' కాదు, అవి కేవలం 'పోస్ట్ మాన్' లు వంటివి మాత్రమే. ఆకాశంలో గ్రహాల అమరిక ఒక గడియారం లాంటిది. గడియారం సమయాన్ని చూపిస్తుంది కానీ సమయాన్ని సృష్టించదు. అలాగే గ్రహాలు మన ప్రారబ్ధ కర్మ ఎప్పుడు పక్వానికి వస్తాయో సూచిస్తాయి. మనం అద్దం ముందు నిలబడితే మన ముఖం ఎలా ఉందో అది చూపిస్తుంది. మన ముఖం మీద మచ్చ ఉంటే అది అద్దం వల్ల వచ్చినది కాదు. అలాగే మన కర్మలో 'దోషం' ఉంటే అది జాతకంలో గ్రహాల ద్వారా కనిపిస్తుంది. సాధారణంగా మనుషులు తమకు ఏదైనా కష్టం వచ్చినప్పుడు ఆ బాధ్యతను తమపై వేసుకోవడానికి ఇష్టపడరు. "నా గ్రహస్థితి బాగోలేదు" అని గ్రహాల మీద నెట్టేయడం సులభం. కానీ వ్యాస మహర్షి చెప్పిన దాని ప్రకారం, మన కర్మలను మనం సరిదిద్దుకుంటే, అంటే సత్కర్మలు ఆచరిస్తే ప్రారబ్ధ కర్మ తీవ్రత తగ్గుతుంది. వ్యాస భగవానుడి సందేశం ప్రకారం: "గ్రహాలు మన విధిని రాసే కలం వంటివి, కానీ ఆ విధిని రాసే రచయిత మాత్రం మనమే (మన కర్మలే)." కాబట్టి గ్రహాల కంటే "పురుషకారం" (ప్రస్తుత ప్రయత్నంలు/సత్కర్మలు) గొప్పదని మహాభారతం ఉద్బోధిస్తోంది. మనం చేసే మంచి పనులు గ్రహాల ద్వారా వచ్చే చెడు ఫలితాలను కూడా మార్చగలవు లేదా తట్టుకునే శక్తిని ఇస్తాయి. సర్వే జనాః సుఖినోభవంతు లోకా సమస్తా సుఖినోభవంతు

#💸అక్షయ తృతీయ త్వరలో✨ ఎంత ద్యానం, జపం, దానలు చేస్తే అంతకు రెట్టింపు ఫలం శివ శివ శంకరి శంబోశంకరి జయజయశంకరి శంబోశంకరి