RBI ಹೊಸ ನಿಯಮ: OTP ಇಲ್ಲದೆ ಬಿಲ್ ಪಾವತಿ ಸಾಧ್ಯ ಚಂದಾದಾರಿಕೆಗಳ ಬಿಲ್ ಪಾವತಿಗೆ ಹೊಸ ವ್ಯವಸ್ಥೆ! ಕ್ರೆಡಿಟ್ ಕಾರ್ಡ್ ಬಿಲ್‌ಗಳು ಮತ್ತು OTT ಪ್ಲಾಟ್‌ಫಾರ್ಮ್‌ಗಳಿಗೆ ಚಂದಾದಾರಿಕೆಗಳನ್ನು ಪಾವತಿಸಲು ಇನ್ನು ಮುಂದೆ OTP ಅಗತ್ಯವಿಲ್ಲ. ಇದಕ್ಕಾಗಿ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಹೊಸ ಆಟೋ ಡೆಬಿಟ್ ನಿಯಮವನ್ನು ಪರಿಚಯಿಸುತ್ತಿದೆ. ಚಂದಾದಾರಿಕೆಗಳು, SIP ಗಳು, ವಿಮಾ ಪ್ರೀಮಿಯಂಗಳು ಮತ್ತು ಇತರೆ ಬಿಲ್‌ಗಳನ್ನು ಪ್ರತಿ ತಿಂಗಳು ಸಮಯಕ್ಕೆ ಸರಿಯಾಗಿ ಪಾವತಿಸಲು ಮರೆಯುವವರಿಗೆ ಸಹಾಯ ಮಾಡಲು ಇದು ಒಂದು ವ್ಯವಸ್ಥೆಯಾಗಿದೆ. ನೂತನ ನಿಯಮದ ಮತ್ತೊಂದು ಪ್ರಯೋಜನವೇನೆಂದರೆ ನೀವು ನಿಮ್ಮ ಚಂದಾದಾರಿಕೆಗಳನ್ನು ನವೀಕರಿಸಿದಾಗಲೆಲ್ಲಾ OTP ಪಡೆಯುವವರೆಗೆ ನೀವು ಕಾಯಬೇಕಾಗಿಲ್ಲ. ಡಿಜಿಟಲ್ ವಹಿವಾಟುಗಳನ್ನು ಸುಲಭಗೊಳಿಸುವ ಭಾಗವಾಗಿರುವ ಭಾರತೀಯ ರಿಸರ್ವ್ ಬ್ಯಾಂಕ್ ನ ಹೊಸ ನಿಯಮದ ಕುರಿತು ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ. ಹೊಸ RBI ಆಟೋ ಡೆಬಿಟ್ ನಿಯಮದ ಮಾಹಿತಿ: ಭಾರತೀಯ ರಿಸರ್ವ್ ಬ್ಯಾಂಕ್ ಪುನರಾವರ್ತಿತ ಪಾವತಿ ನಿಯಮಗಳಲ್ಲಿ ಬದಲಾವಣೆ ತರುತ್ತಿದೆ. 15,000 ರೂ.ಗಳ ವರೆಗಿನ ಆಟೋ-ಡೆಬಿಟ್ ವಹಿವಾಟುಗಳಿಗೆ ನೀವು ಇನ್ನು ಮುಂದೆ ಪ್ರತಿ ಬಾರಿಯೂ OTP ಒದಗಿಸಬೇಕಾಗಿಲ್ಲ. ಸ್ವಯಂಚಾಲಿತ ಪಾವತಿಗಳಿಗಾಗಿ ನೀವು ಒಮ್ಮೆ ಮಾತ್ರ OTP ಒದಗಿಸಬೇಕಾಗುತ್ತದೆ. ನಂತರದ ಮಾಸಿಕ ಪಾವತಿಗಳಿಗೆ OTP ಇಲ್ಲದೆ ಆನ್‌ಲೈನ್ ಪಾವತಿಗಳನ್ನು ಮಾಡಲಾಗುತ್ತದೆ. ಆದರೆ ಇದು 15,000 ರೂ.ಗಳ ವರೆಗಿನ ವಹಿವಾಟುಗಳಿಗೆ ಎಂಬುದನ್ನು ದಯವಿಟ್ಟು ಗಮನಿಸಿ. ಭಾರತೀಯ ರಿಸರ್ವ್ ಬ್ಯಾಂಕ್ ಈಗ ಚಂದಾದಾರಿಕೆಗಳು, ಬ್ರಾಡ್‌ಬ್ಯಾಂಡ್ ಬಿಲ್‌ಗಳು, ವಿಮಾ ಪ್ರೀಮಿಯಂಗಳು, ಕ್ರೆಡಿಟ್ ಕಾರ್ಡ್ ಬಿಲ್‌ಗಳು ಇತ್ಯಾದಿಗಳಿಗೆ ಈ ಸುಲಭ ಪಾವತಿ ಆಯ್ಕೆಯನ್ನು ಜಾರಿಗೆ ತರಲಿದೆ. ಕೆಲವೊಮ್ಮೆ OTP ತಡವಾಗಿ ಬರುವ ಸಂದರ್ಭಗಳು ಮತ್ತು ಬ್ಯುಸಿ ಸಮಯದಲ್ಲಿ ಓಟಿಪಿ ಮೆಸೆಜ್‌ಗಳನ್ನು ನೋಡಲು ಸಾಧ್ಯವಾಗದಿರುವುದು ಮುಂತಾದ ಸಮಸ್ಯೆಗಳಿಲ್ಲದೆ ಪಾವತಿಗಳನ್ನು ಹೊಸ ವ್ಯವಸ್ಥೆ ಮೂಲಕ ಸುಲಭವಾಗಿ ಮಾಡಬಹುದಾಗಿದೆ. ಹಾಗಿದ್ರೆ ಇನ್ಮುಂದೆ OTP ಬರಲ್ವಾ? ಭಾರತೀಯ ರಿಸರ್ವ್ ಬ್ಯಾಂಕ್‌ನ ಹೊಸ ನಿಯಮವು OTP ಅನ್ನು ಸಂಪೂರ್ಣವಾಗಿ ತೆಗೆದುಹಾಕಿದೆಯೇ ಎಂಬ ಪ್ರಶ್ನೆ ನಿಮ್ಮಲ್ಲಿ ಮೂಡಬಹುದು. 15,000 ರೂ.ಗಳ ವರೆಗಿನ ವಹಿವಾಟುಗಳಿಗೆ ಅಧಿಕಾರಿಗಳು OTP ಮೇಲೆ ನಿರ್ಬಂಧಗಳನ್ನು ತರುತ್ತಿದ್ದಾರೆ. ಆದರೆ ಮೊದಲ ಪಾವತಿಗೆ OTP ಮೂಲಕ ಅನುಮೋದನೆ ಅಗತ್ಯವಿದೆ. ಹೊಸ ಆಟೋ-ಪೇ ವ್ಯವಸ್ಥೆಯಲ್ಲಿ ನೀವು ಮೊದಲ ಬಾರಿಗೆ OTP ಅನ್ನು ನಮೂದಿಸಬೇಕು. ನಂತರದ ಪಾವತಿಗಳನ್ನು ಸ್ವಯಂಚಾಲಿತವಾಗಿ ಮಾಡಲಾಗುತ್ತದೆ. ನೀವು OTP ಸ್ವೀಕರಿಸದ ಪ್ರತಿ ಬಾರಿಯೂ ನಿಮ್ಮ ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಸಲು ಸಾಧ್ಯವಾಗದ ತೊಂದರೆಯನ್ನು ಇದು ತಪ್ಪಿಸುತ್ತದೆ. ಭಾರತೀಯ ರಿಸರ್ವ್ ಬ್ಯಾಂಕ್ ಮತ್ತೊಂದು ಇದೇ ರೀತಿಯ ನಿಯಮವನ್ನು ಜಾರಿಗೆ ತರುತ್ತಿದೆ. ವಿಮಾ ಕಂತುಗಳು, ಮ್ಯೂಚುವಲ್ ಫಂಡ್ ಚಂದಾದಾರಿಕೆಗಳು, ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಗಳು ಇತ್ಯಾದಿಗಳ ಮೇಲಿನ ಮಿತಿಯನ್ನು 1 ಲಕ್ಷ ರೂ.ಗಳಿಗೆ ಹೆಚ್ಚಿಸಲಾಗಿದೆ. ಈ ವ್ಯವಸ್ಥೆಯು ಪ್ರತಿ ತಿಂಗಳು ದೊಡ್ಡ ಮೊತ್ತವನ್ನು ಪಾವತಿಸಲು ನಿಮಗೆ ಸಹಾಯ ಮಾಡುತ್ತದೆ. #BIGINFO #TECHNOLOGY #RBINEWRULE #DIGITALPAYMENT #AUTOPAY

ಮಧ್ಯಪ್ರಾಚ್ಯ ಯುದ್ಧದ ಪರಿಣಾಮ: ದೇಶದಲ್ಲಿ LPG ಬಳಕೆ 13% ಕುಸಿತ! ನವದೆಹಲಿ: ಪಶ್ಚಿಮ ಏಷ್ಯಾದ ಸಂಘರ್ಷದಿಂದ ಪೂರೈಕೆ ವ್ಯವಸ್ಥೆಯಲ್ಲಿ ವ್ಯತ್ಯಯ ಉಂಟಾದ ಪರಿಣಾಮ, ದೇಶದಲ್ಲಿ ಮಾರ್ಚ್ ತಿಂಗಳಲ್ಲಿ ಎಲ್‌ಪಿಜಿ ಬಳಕೆ ಶೇಕಡಾ 13ರಷ್ಟು ಕುಸಿದಿದೆ ಎಂದು ಕೇಂದ್ರದ ಅಧಿಕೃತ ಅಂಕಿಅಂಶಗಳು ತಿಳಿಸಿವೆ. ಮಾರ್ಚ್‌ನಲ್ಲಿ ಎಲ್‌ಪಿಜಿ ಬಳಕೆ 2.379 ಮಿಲಿಯನ್ ಟನ್‌ಗಳಿಗೆ ಇಳಿದಿದ್ದು, ಕಳೆದ ವರ್ಷದ ಇದೇ ಅವಧಿಯ 2.729 ಮಿಲಿಯನ್ ಟನ್‌ಗಳೊಂದಿಗೆ ಹೋಲಿಸಿದರೆ ಶೇಕಡಾ 12.8ರಷ್ಟು ಕಡಿಮೆಯಾಗಿದೆ. ಭಾರತ ತನ್ನ ಎಲ್‌ಪಿಜಿ ಅವಶ್ಯಕತೆಗಳಲ್ಲಿ ಸುಮಾರು 60% ಅನ್ನು ವಿದೇಶಗಳಿಂದ ಆಮದು ಮಾಡಿಕೊಳ್ಳುತ್ತದೆ. ಇದರಲ್ಲಿ ಬಹುಪಾಲು ಹಾರ್ಮುಜ್ ಜಲಸಂಧಿ ಮಾರ್ಗವಾಗಿ ದೇಶಕ್ಕೆ ಬರುತ್ತದೆ. ಭಾರತ ತನ್ನ ಎಲ್‌ಪಿಜಿ ಅವಶ್ಯಕತೆಗಳಲ್ಲಿ ಸುಮಾರು 60% ಅನ್ನು ವಿದೇಶಗಳಿಂದ ಆಮದು ಮಾಡಿಕೊಳ್ಳುತ್ತದೆ. ಇದರಲ್ಲಿ ಬಹುಪಾಲು ಹಾರ್ಮುಜ್ ಜಲಸಂಧಿ ಮಾರ್ಗವಾಗಿ ದೇಶಕ್ಕೆ ಬರುತ್ತದೆ. ಆದರೆ, ಇರಾನ್ ಮೇಲೆ ಅಮೆರಿಕಾ ಮತ್ತು ಇಸ್ರೇಲ್ ದಾಳಿ ಹಾಗೂ ಅದರ ಪ್ರತೀಕಾರ ಕ್ರಮಗಳ ಹಿನ್ನೆಲೆಯಲ್ಲಿ ಈ ಜಲಸಂಧಿ ತಾತ್ಕಾಲಿಕವಾಗಿ ಬಂದ್ ಆಗಿದ್ದು, ಸೌದಿ ಅರೇಬಿಯಾ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್‌ನಿಂದ ಅನಿಲ ಪೂರೈಕೆ ವ್ಯತ್ಯಯಗೊಂಡಿತು. ಇದರಿಂದ ಗೃಹ ಬಳಕೆಯ ಅನಿಲ ಲಭ್ಯತೆಯನ್ನು ಕಾಪಾಡಲು ಕೇಂದ್ರ ಸರ್ಕಾರವು ಹೋಟೆಲ್‌ಗಳು ಮತ್ತು ಕೈಗಾರಿಕೆಗಳಂತಹ ವಾಣಿಜ್ಯ ಬಳಕೆದಾರರಿಗೆ ಎಲ್‌ಪಿಜಿ ಸರಬರಾಜನ್ನು ಕಡಿತ ಮಾಡಿತು. Petroleum Planning and Analysis Cell (PPAC) ನೀಡಿದ ಅಂಕಿಅಂಶಗಳ ಪ್ರಕಾರ, ಮಾರ್ಚ್‌ನಲ್ಲಿ ಗೃಹ ಬಳಕೆಗೆ ಮಾರಾಟವಾದ ಎಲ್‌ಪಿಜಿ ಶೇಕಡಾ 8.1ರಷ್ಟು ಕುಸಿದು 2.219 ಮಿಲಿಯನ್ ಟನ್‌ಗೆ ತಲುಪಿದೆ. ಅದೇ ವೇಳೆ, ಗೃಹೇತರ ಬಳಕೆದಾರರಿಗೆ ಮಾರಾಟ ಶೇಕಡಾ 48ರಷ್ಟು ಇಳಿಕೆಯಾಗಿದ್ದು, ಬೃಹತ್ ಎಲ್‌ಪಿಜಿ ಮಾರಾಟದಲ್ಲಿ ಶೇಕಡಾ 75.5ರಷ್ಟು ಭಾರೀ ಕುಸಿತ ದಾಖಲಾಗಿದೆ. ಎಲ್‌ಪಿಜಿ ಪೂರೈಕೆ ಸಾಮಾನ್ಯವಾಗಿದೆ ಮತ್ತು ಗೃಹ ಬಳಕೆದಾರರ ಬೇಡಿಕೆಯನ್ನು ಪೂರೈಸಲಾಗುತ್ತಿದೆ ಎಂಬ ಕೇಂದ್ರ ಸರ್ಕಾರದ ಹೇಳಿಕೆಗಳಿಗಿಂತ ಭಿನ್ನವಾಗಿ, ಪಿಪಿಎಸಿ ದತ್ತಾಂಶ ಕಡಿಮೆ ಬಳಕೆಯನ್ನು ಸೂಚಿಸಿದೆ. ಕೊರತೆಯನ್ನು ಸಮತೋಲನಗೊಳಿಸಲು ಎಲ್‌ಪಿಜಿ ಉತ್ಪಾದನೆ ಹೆಚ್ಚಿಸುವ ನಿಟ್ಟಿನಲ್ಲಿ ಪೆಟ್ರೋಕೆಮಿಕಲ್ ಉತ್ಪಾದನೆಯ ಫೀಡ್‌ಸ್ಟಾಕ್ ಅನ್ನು ಬೇರೆಡೆಗೆ ತಿರುಗಿಸಲು ಸಂಸ್ಕರಣಾಗಾರಗಳಿಗೆ ಕೇಂದ್ರ ಸರ್ಕಾರ ಸೂಚನೆ ನೀಡಿತ್ತು. ಇದರ ಪರಿಣಾಮವಾಗಿ ದೇಶೀಯ ಅನಿಲ ಉತ್ಪಾದನೆ ಮಾರ್ಚ್‌ನಲ್ಲಿ 1.4 ಮಿಲಿಯನ್ ಟನ್‌ಗೆ ಏರಿಕೆಯಾಗಿದೆ. ಇದು ಕಳೆದ ವರ್ಷದ 1.1 ಮಿಲಿಯನ್ ಟನ್‌ಗಳಿಗಿಂತ ಹೆಚ್ಚಾಗಿದೆ. ಈ ಕ್ರಮದಿಂದ 2025-26ನೇ ಹಣಕಾಸು ವರ್ಷದಲ್ಲಿ ದೇಶೀಯ ಎಲ್‌ಪಿಜಿ ಉತ್ಪಾದನೆ 12.8 ಮಿಲಿಯನ್ ಟನ್‌ನಿಂದ 13.1 ಮಿಲಿಯನ್ ಟನ್‌ಗಳಿಗೆ ಏರಿಕೆಯಾಗಿದೆ ಎಂದು ದತ್ತಾಂಶ ತಿಳಿಸಿದೆ. #LATEST #NEWDELHI #ESSENTIALCOMMODITY #LPG #PPAC

ಹೊಸ ಐಫೋನ್‌ ಖರೀದಿಸುವ ಗ್ರಾಹಕರಿಗೆ ಸಿಹಿಸುದ್ದಿ: ಈ ಜನಪ್ರಿಯ iPhone ಈಗ ಆಫರ್‌ನಲ್ಲಿ ಲಭ್ಯ! ಹೊಸ ಐಫೋನ್‌ ಖರೀದಿಸಲು ಯೋಚಿಸಿರುವ ಗ್ರಾಹಕರೇ ಇಲ್ಲಿ ಗಮನಿಸಿ. ಪ್ರಸ್ತುತ ವಿಜಯಾ ಸೇಲ್ಸ್‌ ಇ ಕಾಮರ್ಸ್‌ ವೆಬ್‌ಸೈಟ್‌ನಲ್ಲಿ ಆಪಲ್‌ iPhone 16 Plus ಮೊಬೈಲ್‌ ಭರ್ಜರಿ ಡಿಸ್ಕೌಂಟ್‌ ಬೆಲೆಯಲ್ಲಿ ಲಭ್ಯವಿದೆ. ಇನ್ನು ಖರೀದಿದಾರರು ಲಭ್ಯವಿರುವ ಆಯ್ದ ಬ್ಯಾಂಕ್‌ಗಳ ಕೊಡುಗೆಗಳ ಹಾಗೂ ಎಕ್ಸ್‌ಚೇಂಜ್ ಕೊಡುಗೆ ಮೂಲಕ ಖರೀದಿಸಿದರೆ ಹೆಚ್ಚುವರಿ ಡಿಸ್ಕೌಂಟ್‌ ಸಹ ಪಡೆಯಲು ಅವಕಾಶ ಇದೆ. ಆಪಲ್‌ ಸಂಸ್ಥೆಯ ಈ ಮೊಬೈಲ್‌ A18 ಚಿಪ್‌ಸೆಟ್‌ ಪ್ರೊಸೆಸರ್‌ ಸಾಮರ್ಥ್ಯ ಪಡೆದಿದೆ. ಹಾಗೆಯೇ ರೆಟಿನಾ XDR OLED ಡಿಸ್‌ಪ್ಲೇ ಅನ್ನು ಹೊಂದಿದೆ. ಹಾಗಾದರೆ ವಿಜಯಾ ಸೇಲ್ಸ್ ಇ ಕಾಮರ್ಸ್‌ ವೆಬ್‌ಸೈಟ್‌ನಲ್ಲಿ ಐಫೋನ್‌ 16 ಪ್ಲಸ್‌ ಮೊಬೈಲ್‌ಗೆ ಲಭ್ಯವಿರುವ ಕೊಡುಗೆ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ. iPhone 16 Plus ಫೋನ್‌ ಬೆಲೆಯಲ್ಲಿ ಸಖತ್ ಇಳಿಕೆ! ಐಫೋನ್‌ 16 ಪ್ಲಸ್‌ ಮೊಬೈಲ್‌ ಆಕರ್ಷಕ ಫೀಚರ್ಸ್‌ ಮೂಲಕ ಗಮನ ಸೆಳೆದಿದೆ. ಪ್ರಸ್ತುತ ವಿಜಯಾ ಸೇಲ್ಸ್ ಇ ಕಾಮರ್ಸ್‌ ಪ್ಲಾಟ್‌ಫಾರ್ಮ್‌ನಲ್ಲಿ ಭಾರೀ ಡಿಸ್ಕೌಂಟ್‌ ಪಡೆದಿದೆ. ಈ ಮೊಬೈಲ್‌ 128GB ಸ್ಟೋರೇಜ್‌ ವೇರಿಯಂಟ್‌ ಬೆಲೆ 79,900 ರೂಗಳು ಆಗಿದ್ದು ಆದರೆ ಆಫರ್‌ನಲ್ಲಿ ಸದ್ಯ ಈ ಮೊಬೈಲ್‌ 73,490 ರೂ.ಗಳ ಬೆಲೆಯಲ್ಲಿ ಕಾಣಿಸಿಕೊಂಡಿದೆ. ಈ ಮೊಬೈಲ್‌ ಬ್ಲ್ಯಾಕ್‌, ಪಿಂಕ್, ಅಲ್ಟ್ರಾ ಮರಿನಾ, ಟೇಲ್ ಹಾಗೂ ವೈಟ್‌ ಕಲರ್‌ ಆಯ್ಕೆಗಳಲ್ಲಿ ಖರೀದಿಗೆ ಲಭ್ಯ. ಇನ್ನು ಆಸಕ್ತ ಗ್ರಾಹಕರು ವಿಜಯಾ ಸೇಲ್ಸ್ ಇ ಕಾಮರ್ಸ್‌ ತಾಣದ ಮೂಲಕ ಖರೀದಿಸಬಹುದಾಗಿದೆ. iPhone 16 Plus ಫೋನಿನ ಫೀಚರ್ಸ್‌! ಐಫೋನ್‌ 16 ಪ್ಲಸ್‌ ಮೊಬೈಲ್‌ ಸಂಸ್ಥೆಯ A18 ಚಿಪ್‌ಸೆಟ್‌ ಪ್ರೊಸೆಸರ್‌ ಪವರ್‌ನಲ್ಲಿ ಕೆಲಸ ಮಾಡಲಿದ್ದು ಇದು ಆಪಲ್‌ನ ಇಂಟೆಲಿಜೆನ್ಸ್ ಫೀಚರ್ಸ್‌ಗಳ ಸಂಪೂರ್ಣ ಸೂಟ್ ಅನ್ನು ಸಪೋರ್ಟ್ ಮಾಡುತ್ತದೆ. ಈ ಫೋನ್ 6.7 ಇಂಚಿನ ಸೂಪರ್ ರೆಟಿನಾ XDR OLED ಡಿಸ್‌ಪ್ಲೇ ಅನ್ನು ಪಡೆದಿದೆ. ಫೋಟೋಗ್ರಫಿಗಾಗಿ ಇದು 12MP ಅಲ್ಟ್ರಾವೈಡ್ ಲೆನ್ಸ್‌ ಜೊತೆಗೆ ಜೋಡಿಸಲಾದ 48MP ಪ್ರಾಥಮಿಕ ಕ್ಯಾಮೆರಾ ಸೆಟ್‌ಅಪ್‌ ಅನ್ನು ಹೊಂದಿದೆ. ಹಾಗೆಯೇ ಮುಂಭಾಗದಲ್ಲಿ ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 12MP ಕ್ಯಾಮೆರಾ ರಚನೆ ಪಡೆದುಕೊಂಡಿದೆ. ಈ ಫೋನ್‌ 128GB ಸ್ಟೋರೇಜ್‌, 256GB ಸ್ಟೋರೇಜ್‌ ಹಾಗೂ 512GB ಸ್ಟೋರೇಜ್‌ ಆಯ್ಕೆಗಳನ್ನು ಪಡೆದುಕೊಂಡಿದೆ. Face ID, Emergency SOS, Messages ಮತ್ತು Find My via satellite ನಂತಹ ಅಗತ್ಯ ಫೀಚರ್ಸ್‌ಗಳನ್ನು ಇದು ಒಳಗೊಂಡಿದೆ. ಇದರೊಂದಿಗೆ ಈ ಫೋನ್‌ IP68 ರೇಟಿಂಗ್ ಅನ್ನು ಪಡೆದಿದ್ದು ಇದು ಅಲ್ಯೂಮಿನಿಯಂ ಫ್ರೇಮ್ ರಚನೆ ಅನ್ನು ಹೊಂದಿದೆ. ಹಾಗೆಯೇ ದೀರ್ಘಾವಧಿಯ ವರೆಗೂ ಬ್ಯಾಕ್‌ಅಪ್‌ ಒದಗಿಸುವ ಬ್ಯಾಟರಿ ಸೌಲಭ್ಯ ಇದ್ದು, ಒಂದೇ ಚಾರ್ಜ್‌ನಲ್ಲಿ 27 ಗಂಟೆಗಳ ವರೆಗೆ ವೀಡಿಯೊ ಪ್ಲೇಬ್ಯಾಕ್ ಒದಗಿಸಬಲ್ಲದು. #BIGUPDATE #TECHNOLOGY #MOBILEGADGETS #IPHONE16PLUS #LONGBACKUP

💐ಅಕ್ಷಯ ತೃತೀಯ ಮತ್ತು ಬಸವಜಯಂತಿಯ ಶುಭಾಶಯಗಳು 💐 🙏ಓಂ‌ ಶ್ರೀ ಬಸವೇಶ್ವರ ನಮಃ 🙏 #AKSHAYATRITIYA #BASAVAJAYANTHI

ಜಾಗತಿಕ ತೈಲ ಬಿಕ್ಕಟ್ಟಿನ ನಡುವೆ ಭಾರತಕ್ಕೆ ಸಿಕ್ಕಿತು ನಿಧಿ : 42.5 ಟನ್ ಚಿನ್ನದ ನಿಕ್ಷೇಪ ಮುಂದಿನ ತಿಂಗಳಿನಿಂದ ಡಾಲರ್‌ನ ಮಳೆ! ನವದೆಹಲಿ : ಭಾರತದ ಚಿನ್ನದ ಮೇಲಿನ ಆಪ್ತತೆ ಶತಮಾನಗಳಷ್ಟು ಹಳೆಯದು. ಭಾರತವು ಪ್ರಸ್ತುತ ವಿಶ್ವದ ಅತಿದೊಡ್ಡ ಚಿನ್ನದ ಗ್ರಾಹಕರಲ್ಲಿ ಒಂದಾಗಿದೆ. ನಾವು ವಾರ್ಷಿಕವಾಗಿ 800 ಟನ್‌ಗಳಿಗೂ ಹೆಚ್ಚು ಚಿನ್ನವನ್ನು ಆಮದು ಮಾಡಿಕೊಳ್ಳುತ್ತೇವೆ. ದೇಶವನ್ನು ಚಿನ್ನದಲ್ಲಿ ಸ್ವಾವಲಂಬಿಯನ್ನಾಗಿ ಮಾಡುವ ಪ್ರಯತ್ನಗಳು ಹಲವು ವರ್ಷಗಳಿಂದ ನಡೆಯುತ್ತಿವೆ. ಇದು ಯಶಸ್ವಿಯಾಗಿದೆ. ಈ ನಿಟ್ಟಿನಲ್ಲಿ, ದೇಶದ ಮೊದಲ ಖಾಸಗಿ ಚಿನ್ನದ ಗಣಿ ಆಂಧ್ರಪ್ರದೇಶದ ಕರ್ನೂಲ್ ಜಿಲ್ಲೆಯಲ್ಲಿ ಮೇ ತಿಂಗಳಲ್ಲಿ ಕಾರ್ಯಾರಂಭ ಮಾಡಲು ನಿರ್ಧರಿಸಲಾಗಿದೆ. ಜಿಯೋಮೈಸೋರ್ ಸರ್ವೀಸಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ನ ಜೊನ್ನಗಿರಿ ಚಿನ್ನದ ಯೋಜನೆಯು ಭಾರತದ ಮೊದಲ ದೊಡ್ಡ ಪ್ರಮಾಣದ ಖಾಸಗಿ ಚಿನ್ನದ ಗಣಿಯಾಗಿದೆ. ಈ ಯೋಜನೆಯ ಸಂಸ್ಕರಣಾ ಘಟಕವು ಮೇ ಮೊದಲ ವಾರದಲ್ಲಿ ಸಂಪೂರ್ಣವಾಗಿ ಕಾರ್ಯಾರಂಭ ಮಾಡಲು ನಿರ್ಧರಿಸಲಾಗಿದೆ. ಪ್ರಸ್ತುತ ವಾಣಿಜ್ಯ ಪೂರ್ವ ಕಾರ್ಯಾಚರಣೆಗಳು ನಡೆಯುತ್ತಿವೆ. ಆಂಧ್ರಪ್ರದೇಶ ಮುಖ್ಯಮಂತ್ರಿ ಎನ್. ಚಂದ್ರಬಾಬು ನಾಯ್ಡು ಈ ಮಹತ್ವಾಕಾಂಕ್ಷೆಯ ಯೋಜನೆಯನ್ನು ರಾಷ್ಟ್ರಕ್ಕೆ ಅರ್ಪಿಸುವ ನಿರೀಕ್ಷೆಯಿದೆ. ರಾಜ್ಯದ ಗಣಿಗಾರಿಕೆ ಮತ್ತು ಭೂವಿಜ್ಞಾನ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಮುಖೇಶ್ ಕುಮಾರ್ ಮೀನಾ, ಭಾರತದ ವಿಶಾಲ ಚಿನ್ನದ ಗಣಿಗಾರಿಕೆ ಮಹತ್ವಾಕಾಂಕ್ಷೆಗಳಿಗೆ ಇದು "ಐತಿಹಾಸಿಕ ಕ್ಷಣ" ಎಂದು ಕರೆದರು. 42.5 ಟನ್ ಚಿನ್ನ ಇರಬಹುದೆಂದು ಅಂದಾಜಿಸಲಾಗಿದೆ! ಟೈಮ್ಸ್ ಆಫ್ ಇಂಡಿಯಾ ವರದಿಯ ಪ್ರಕಾರ, ಜೊನ್ನಗಿರಿ, ಎರ್ರಗುಡಿ ಮತ್ತು ಪಗಿದಿರಾಯ್ ಗ್ರಾಮಗಳು 598 ಹೆಕ್ಟೇರ್‌ಗಳಲ್ಲಿ 13.1 ಟನ್ ಸಾಬೀತಾದ ಚಿನ್ನದ ನಿಕ್ಷೇಪವನ್ನು ಹೊಂದಿವೆ. ಇಲ್ಲಿನ ಒಟ್ಟು ಚಿನ್ನದ ನಿಕ್ಷೇಪವು 42.5 ಟನ್‌ಗಳು ಎಂದು ಅಂದಾಜಿಸಲಾಗಿದೆ. ಗಣಿ ತನ್ನ ಗರಿಷ್ಠ ಸಾಮರ್ಥ್ಯವನ್ನು ತಲುಪಿದಾಗ, ಅದು ವಾರ್ಷಿಕವಾಗಿ ಸುಮಾರು 1,000 ಕಿಲೋಗ್ರಾಂಗಳಷ್ಟು ಶುದ್ಧ ಚಿನ್ನವನ್ನು ಹೊರತೆಗೆಯಲು ಸಾಧ್ಯವಾಗುತ್ತದೆ. ಈ ಪ್ರಕ್ರಿಯೆಯು ಮುಂದಿನ 15 ವರ್ಷಗಳವರೆಗೆ ಮುಂದುವರಿಯುವ ನಿರೀಕ್ಷೆಯಿದೆ. ರೂ. 400 ಕೋಟಿ ಹೂಡಿಕೆ! ಇಡೀ ಯೋಜನೆಯಲ್ಲಿ ರೂ. 400 ಕೋಟಿಗೂ ಹೆಚ್ಚು ಹೂಡಿಕೆ ಮಾಡಲಾಗಿದೆ. ಇದನ್ನು ತ್ರಿವೇಣಿ ಅರ್ಥ್‌ಮೂವರ್ಸ್ & ಇನ್ಫ್ರಾ ಮತ್ತು ಡೆಕ್ಕನ್ ಗೋಲ್ಡ್‌ನಂತಹ ಪ್ರಮುಖ ಕಂಪನಿಗಳು ಬೆಂಬಲಿಸುತ್ತವೆ. ಜೊನ್ನಗಿರಿ ಯೋಜನೆಯು ಮಾತ್ರ ಈ ಬೃಹತ್ ಆಮದನ್ನು ಸಂಪೂರ್ಣವಾಗಿ ತೆಗೆದುಹಾಕಲು ಸಾಧ್ಯವಿಲ್ಲ, ಆದರೆ ಇದು ದೇಶೀಯ ಉತ್ಪಾದನೆಯನ್ನು ಹೆಚ್ಚಿಸುವ ಕಡೆಗೆ ಗಮನಾರ್ಹವಾದ ರಚನಾತ್ಮಕ ಬದಲಾವಣೆಯನ್ನು ಪ್ರತಿನಿಧಿಸುತ್ತದೆ. ಹಟ್ಟಿ ಚಿನ್ನದ ಗಣಿಗಳಂತಹ ಅಸ್ತಿತ್ವದಲ್ಲಿರುವ ಸರ್ಕಾರಿ ಸ್ಥಾವರಗಳು ವಾರ್ಷಿಕವಾಗಿ ಕೇವಲ 1.5 ಟನ್ ಉತ್ಪಾದಿಸುತ್ತವೆ, ಆದರೆ ಪ್ರಸಿದ್ಧ ಕೋಲಾರ ಚಿನ್ನದ ಗಣಿ (ಕೆಜಿಎಫ್) 2000 ರಲ್ಲಿ ಮುಚ್ಚಲ್ಪಟ್ಟಿತು. ಅಂತಹ ಸನ್ನಿವೇಶದಲ್ಲಿ, ಜೊನ್ನಗಿರಿಯಂತಹ ಖಾಸಗಿ ಯೋಜನೆಗಳ ಯಶಸ್ಸು ಸಕಾರಾತ್ಮಕ ಸಂದೇಶವಾಗಿದೆ. #LATEST #BENGALURU #NEWDELHI #GOLDRESERVE #DOLLARSRAIN

Jio ಟೆಲಿಕಾಂನ ಈ ಕಡಿಮೆ ಬೆಲೆಯ ರೀಚಾರ್ಜ್‌ನಲ್ಲಿ 70 ದಿನಗಳ ವ್ಯಾಲಿಡಿಟಿ ಖಚಿತ! ಜಿಯೋ ಕೆಲವು ಅಗ್ಗದ ಹಾಗೂ ಆಕರ್ಷಕ ಪ್ಲಾನ್‌ಗಳ ಮೂಲಕ ದೇಶದ ಟೆಲಿಕಾಂ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿ ಕಾಣಿಸಿಕೊಂಡಿದೆ. ಹಾಗೆಯೇ Jio ಕಂಪನಿಯು ಏರ್‌ಟೆಲ್‌ ಹಾಗೂ ವಿ ಸಂಸ್ಥೆಗಳಿಗೆ ಪೈಪೋಟಿ ನೀಡುತ್ತಾ ಮುನ್ನಡೆದಿದೆ. ಜಿಯೋ ಯೋಜನೆಗಳ ಲಿಸ್ಟ್‌ನಲ್ಲಿ ಬಜೆಟ್‌ ಬೆಲೆಯಲ್ಲಿ ದೀರ್ಘಾವಧಿ ವ್ಯಾಲಿಡಿಟಿ ಪಡೆದ ಪ್ಲಾನ್‌ಗಳು ಸೇರಿವೆ. ಹೆಚ್ಚಿನ ವ್ಯಾಲಿಡಿಟಿ ಜೊತೆಗೆ ಪ್ರತಿದಿನ ನಿಗದಿತ ಡೇಟಾ ಪ್ರಯೋಜನ ನೀಡುವ ಯೋಜನೆಗಳು ಬೇಡಿಕೆಯಲ್ಲಿ ಕಾಣಿಸಿಕೊಂಡಿವೆ. ಆ ಪೈಕಿ ಜಿಯೋ ಟೆಲಿಕಾಂನ 666 ರೂ.ಗಳ ಬೆಲೆಯ ಪ್ರೀಪೇಯ್ಡ್‌ ರೀಚಾರ್ಜ್‌ ಯೋಜನೆ ಹೆಚ್ಚು ಆಕರ್ಷಕವಾಗಿ ಕಾಣಿಸಿಕೊಂಡಿದೆ. ಈ ಬಜೆಟ್ ಬೆಲೆಯ ಯೋಜನೆಯು ದೈನಂದಿನ ಡೇಟಾ ಸೌಲಭ್ಯ ಪಡೆದುಕೊಂಡಿರುವ ಜೊತೆಗೆ 70 ದಿನಗಳ ವ್ಯಾಲಿಡಿಟಿ ಸಹ ಒಳಗೊಂಡಿದೆ. ಹಾಗಾದರೆ ಜಿಯೋ ಟೆಲಿಕಾಂನ 666 ರೂ.ಗಳ ಪ್ಲಾನ್‌ ಹಾಗೂ ಇತರೆ ಪ್ರೀಪೇಯ್ಡ್‌ ರೀಚಾರ್ಜ್‌ ಯೋಜನೆಗಳ ಸಂಪೂರ್ಣ ಮಾಹಿತಿ ತಿಳಿಯೋಣ. Jio ಟೆಲಿಕಾಂನ 666 ರೂ.ಗಳ ಯೋಜನೆಯ ಮಾಹಿತಿ! ಜಿಯೋ ಟೆಲಿಕಾಂನ 666 ರೂ.ಗಳ ವಾರ್ಷಿಕ ಪ್ರೀಪೇಯ್ಡ್‌ ರೀಚಾರ್ಜ್‌ ಯೋಜನೆಯಲ್ಲಿ ಬಳಕೆದಾರರಿಗೆ ಒಟ್ಟು 70 ದಿನಗಳ ವ್ಯಾಲಿಡಿಟಿ ಪ್ರಯೋಜನ ದೊರೆಯುತ್ತದೆ. ಈ ಯೋಜನೆಯಲ್ಲಿ ಪ್ರತಿದಿನ 1.5GB ಡೇಟಾ ಪ್ರಯೋಜನ ಸಿಗಲಿದೆ. ಹಾಗೆಯೇ ಈ ಪ್ಲಾನಿನಲ್ಲಿ ಅನಿಯಮಿತ ವಾಯ್ಸ್‌ ಕರೆಗಳ ಪ್ರಯೋಜನ ಸಹ ಲಭ್ಯವಾಗಲಿದೆ. ಅಂದಹಾಗೆ ಈ ರೀಚಾರ್ಜ್‌ ಪ್ಲಾನಿನಲ್ಲಿ ಪ್ರತಿದಿನ 100 ಎಸ್‌ಎಮ್‌ಎಸ್‌ ಪ್ರಯೋಜನ ಕೂಡಾ ಸಿಗಲಿದೆ. ಜಿಯೋದ ಇತರೆ ಅತ್ಯುತ್ತಮ ಯೋಜನೆಗಳು! ಜಿಯೋ ಟೆಲಿಕಾಂನ 579 ರೂ.ಗಳ ಪ್ರೀಪೇಯ್ಡ್‌ ರೀಚಾರ್ಜ್‌ ಯೋಜನೆಯಲ್ಲಿ ಗ್ರಾಹಕರಿಗೆ ಒಟ್ಟು 56 ದಿನಗಳ ವ್ಯಾಲಿಡಿಟಿ ಪ್ರಯೋಜನ ದೊರೆಯುತ್ತದೆ. ಈ ಯೋಜನೆಯಲ್ಲಿ ಪ್ರತಿದಿನ 1.5GB ಡೇಟಾ ಪ್ರಯೋಜನ ಸಿಗಲಿದೆ. ಹಾಗೆಯೇ ಈ ಪ್ಲಾನಿನಲ್ಲಿ ಅನಿಯಮಿತ ವಾಯ್ಸ್‌ ಕರೆಗಳ ಪ್ರಯೋಜನ ಸಹ ಲಭ್ಯವಾಗಲಿದೆ. ಅಂದಹಾಗೆ ಈ ರೀಚಾರ್ಜ್‌ ಪ್ಲಾನಿನಲ್ಲಿ ಪ್ರತಿದಿನ 100 ಎಸ್‌ಎಮ್‌ಎಸ್‌ ಪ್ರಯೋಜನ ಕೂಡಾ ಸಿಗಲಿದೆ. ಜಿಯೋ ಟೆಲಿಕಾಂನ 299 ರೂ.ಗಳ ಪ್ರೀಪೇಯ್ಡ್‌ ರೀಚಾರ್ಜ್‌ ಪ್ಲಾನಿನಲ್ಲಿ ಬಳಕೆದಾರರಿಗೆ ಒಟ್ಟು 28 ದಿನಗಳ ವ್ಯಾಲಿಡಿಟಿ ಸೌಲಭ್ಯ ಲಭ್ಯವಾಗುತ್ತದೆ. ಈ ಯೋಜನೆಯಲ್ಲಿ ಪ್ರತಿದಿನ 1.5GB ಡೇಟಾ ಪ್ರಯೋಜನ ಲಭ್ಯವಾಗಲಿದೆ. ಹಾಗೆಯೇ ಈ ಪ್ಲಾನಿನಲ್ಲಿ ಅನಿಯಮಿತ ವಾಯ್ಸ್‌ ಕರೆಗಳ ಪ್ರಯೋಜನ ಸಹ ಲಭ್ಯವಾಗಲಿದೆ. ಅಂದಹಾಗೆ ಈ ರೀಚಾರ್ಜ್‌ ಪ್ಲಾನಿನಲ್ಲಿ ಪ್ರತಿದಿನ 100 ಎಸ್‌ಎಮ್‌ಎಸ್‌ ಪ್ರಯೋಜನ ಕೂಡಾ ಸಿಗಲಿದೆ. ಜಿಯೋ ಟೆಲಿಕಾಂನ 319 ರೂ.ಗಳ ಪ್ರೀಪೇಯ್ಡ್‌ ರೀಚಾರ್ಜ್‌ ಯೋಜನೆಯಲ್ಲಿ ಗ್ರಾಹಕರಿಗೆ ಒಟ್ಟು 30 ದಿನಗಳ ವ್ಯಾಲಿಡಿಟಿ ಪ್ರಯೋಜನ ದೊರೆಯುತ್ತದೆ. ಈ ಯೋಜನೆಯಲ್ಲಿ ಪ್ರತಿದಿನ 1.5GB ಡೇಟಾ ಪ್ರಯೋಜನ ಲಭ್ಯವಾಗಲಿದೆ. ಹಾಗೆಯೇ ಈ ಪ್ಲಾನಿನಲ್ಲಿ ಅನಿಯಮಿತ ವಾಯ್ಸ್‌ ಕರೆಗಳ ಪ್ರಯೋಜನ ಸಹ ಲಭ್ಯವಾಗಲಿದೆ. ಅಂದಹಾಗೆ ಈ ರೀಚಾರ್ಜ್‌ ಪ್ಲಾನಿನಲ್ಲಿ ಪ್ರತಿದಿನ 100 ಎಸ್‌ಎಮ್‌ಎಸ್‌ ಪ್ರಯೋಜನ ಕೂಡಾ ಸಿಗಲಿದೆ. #LATEST #DOT #TECHNOLOGY #JIO #PREPAIDPLANS

ಮಾತ್ರೆಗಳ ಮಧ್ಯೆ ಗೆರೆ ಏಕಿರುತ್ತೆ? ಇದು ವಿನ್ಯಾಸವಲ್ಲ ವೈದ್ಯಕೀಯ ರಹಸ್ಯ ಶೇ. 99 ರಷ್ಟು ಜನರಿಗೆ ಗೊತ್ತಿಲ್ಲಾ! ಬೆಂಗಳೂರು: ನಾವು ದಿನನಿತ್ಯ ಬಳಸುವ ಅನೇಕ ಮಾತ್ರೆಗಳ (Tablets) ಮಧ್ಯದಲ್ಲಿ ಒಂದು ಸಣ್ಣ ಗೆರೆ ಇರುವುದನ್ನು ಗಮನಿಸಿರುತ್ತೇವೆ. ಇದನ್ನು ಬಹುತೇಕರು ಕೇವಲ ವಿನ್ಯಾಸ ಅಥವಾ ಸುಲಭವಾಗಿ ಗುರುತಿಸಲು ಮಾಡಿರಬಹುದು ಎಂದು ಭಾವಿಸುತ್ತಾರೆ. ಆದರೆ, ವೈದ್ಯಕೀಯ ಜಗತ್ತಿನಲ್ಲಿ ಇದಕ್ಕೆ ವಿಶೇಷ ಪ್ರಾಮುಖ್ಯತೆ ಇದೆ.ಇದನ್ನು ತಾಂತ್ರಿಕ ಭಾಷೆಯಲ್ಲಿ ಸ್ಕೋರ್ ಲೈನ್ (Score Line) ಎಂದು ಕರೆಯಲಾಗುತ್ತದೆ. ಹಾಗಾದರೆ, ಈ ಗೆರೆ ಏಕೆ ಇರುತ್ತದೆ? ಎಲ್ಲ ಮಾತ್ರೆಗಳನ್ನೂ ಮುರಿದು ಸೇವಿಸಬಹುದೇ? ಈ ಕುರಿತ ಕುತೂಹಲಕಾರಿ ಮಾಹಿತಿ ಇಲ್ಲಿದೆ. 1.ಸರಿಯಾದ ಡೋಸೇಜ್‌ಗಾಗಿ ಈ ಸ್ಕೋರ್ ಲೈನ್: ವೈದ್ಯಕೀಯ ತಜ್ಞರ ಪ್ರಕಾರ, ಈ ಗೆರೆ ಇರುವುದು ಆ ಮಾತ್ರೆಯನ್ನು ಎರಡು ಸಮಾನ ಭಾಗಗಳಾಗಿ ವಿಭಜಿಸಲು. ಉದಾಹರಣೆಗೆ: ನಿಮ್ಮ ಬಳಿ 500mg ಶಕ್ತಿಯ ಒಂದು ಮಾತ್ರೆ ಇದೆ.ವೈದ್ಯರು ನಿಮಗೆ ಕೇವಲ 250mg ತೆಗೆದುಕೊಳ್ಳಲು ಸೂಚಿಸಿದ್ದಾರೆ ಎಂದಿಟ್ಟುಕೊಳ್ಳಿ.aಆಗ ಈ ಗೆರೆಯ ಸಹಾಯದಿಂದ ಮಾತ್ರೆಯನ್ನು ಸಮನಾಗಿ ಮುರಿದು, ನಿಖರವಾದ ಪ್ರಮಾಣದ ಔಷಧಿಯನ್ನು ನೀವು ಸೇವಿಸಬಹುದು. 2.ಗೆರೆ ಇಲ್ಲದ ಮಾತ್ರೆಗಳನ್ನು ಮುರಿಯುವುದು ಅಪಾಯಕಾರಿ: ಎಲ್ಲಾ ಮಾತ್ರೆಗಳ ಮೇಲೂ ಈ ಗೆರೆ ಇರುವುದಿಲ್ಲ. ಯಾವ ಮಾತ್ರೆಗಳ ಮೇಲೆ ಗೆರೆ ಇರುವುದಿಲ್ಲವೋ, ಅವುಗಳನ್ನು ಎಂದಿಗೂ ಅರ್ಧ ಮಾಡಬಾರದು. ಇದಕ್ಕೆ ಪ್ರಮುಖ ಕಾರಣಗಳು: ಸಸ್ಟೈನ್ಡ್ ರಿಲೀಸ್ (Sustained Release): ಕೆಲವು ಮಾತ್ರೆಗಳು ದೇಹ ಸೇರಿದ ಮೇಲೆ ನಿಧಾನವಾಗಿ ಕರಗುವಂತೆ ವಿನ್ಯಾಸಗೊಳಿಸಲಾಗಿರುತ್ತದೆ. ಇವುಗಳನ್ನು ಮುರಿದರೆ, ಔಷಧಿಯು ಒಮ್ಮೆಯೇ ರಕ್ತಕ್ಕೆ ಸೇರಿ ಅಪಾಯ ಉಂಟಾಗಬಹುದು. ಲೇಪಿತ ಮಾತ್ರೆಗಳು (Coated Tablets): ಕೆಲವು ಮಾತ್ರೆಗಳ ಮೇಲೆ ವಿಶೇಷ ಪದರ ಇರುತ್ತದೆ. ಮುರಿದಾಗ ಒಳಗಿನ ಔಷಧವು ಹೊಟ್ಟೆಯಲ್ಲಿನ ಆಮ್ಲದ ಪ್ರಭಾವಕ್ಕೆ ಒಳಗಾಗಿ ತನ್ನ ಶಕ್ತಿ ಕಳೆದುಕೊಳ್ಳಬಹುದು. 3.ತಜ್ಞರ ಎಚ್ಚರಿಕೆ ಏನು? “ಸ್ಕೋರ್ ಲೈನ್ ಇರುವ ಮಾತ್ರೆಗಳನ್ನು ಮಾತ್ರ ವಿಭಜಿಸಿ ಬಳಸಬೇಕು. ಗೆರೆ ಇಲ್ಲದ ಮಾತ್ರೆಗಳನ್ನು ಬಲವಂತವಾಗಿ ಮುರಿದಾಗ ಅವು ಸಮಾನವಾಗಿ ಭಾಗವಾಗುವುದಿಲ್ಲ. ಇದರಿಂದ ದೇಹಕ್ಕೆ ಸೇರುವ ಔಷಧಿಯ ಪ್ರಮಾಣದಲ್ಲಿ ಏರುಪೇರಾಗಿ ಚಿಕಿತ್ಸೆಯ ಮೇಲೆ ಪರಿಣಾಮ ಬೀರಬಹುದು,” ಎನ್ನುತ್ತಾರೆ ತಜ್ಞ ವೈದ್ಯರು. ನೆನಪಿರಲಿ: 1.ಗೆರೆ ಇದ್ದರೆ ಮಾತ್ರ ಅದನ್ನು ಒಡೆಯುವುದು ಸುರಕ್ಷಿತ ಎಂದು ತಯಾರಕರು ಸೂಚಿಸಿರುತ್ತಾರೆ. 2.ಪ್ಯಾರಾಸಿಟಮಾಲ್, ರಕ್ತದೊತ್ತಡದ ಮಾತ್ರೆಗಳಲ್ಲಿ ಸಾಮಾನ್ಯವಾಗಿ ಈ ಗೆರೆ ಇರುತ್ತದೆ. 3.ಯಾವುದೇ ಮಾತ್ರೆ ತೆಗೆದುಕೊಳ್ಳುವ ಮುನ್ನ ವೈದ್ಯರ ಸಲಹೆ ಪಡೆಯುವುದು ಕಡ್ಡಾಯ. #LATEST #BENGALURU #MEDICALSECRET #SCORELINE #HEALTHTIPS

ನೀವು ಕುಡಿಯುವ ನೀರು ಶುದ್ಧವೋ,ಕಲುಷಿತವೋ? ನಿಮ್ಮ ಸ್ಮಾರ್ಟ್‌ಫೋನ್ ಬಳಸಿ ಕೇವಲ 60 ಸೆಕೆಂಡುಗಳಲ್ಲಿ ತಿಳಿದುಕೊಳ್ಳಿ! ನೀವು ಕುಡಿಯುವ ನೀರು ಎಷ್ಟರಮಟ್ಟಿಗೆ ಶುದ್ಧವಾಗಿದೆ? ಈ ಪ್ರಶ್ನೆಗೆ ಉತ್ತರ ಸಿಗಬೇಕಾದರೆ ಈ ಮೊದಲು ಮಾದರಿಗಳನ್ನು ಪ್ರಯೋಗಾಲಯಕ್ಕೆ ಕಳುಹಿಸಿ, ದಿನಗಟ್ಟಲೆ ಕಾಯಬೇಕಿತ್ತು. ಆದರೆ ತಂತ್ರಜ್ಞಾನದ ಆವಿಷ್ಕಾರ ಈಗ ನಿಮ್ಮ ಕೈಯಲ್ಲಿರುವ ಸ್ಮಾರ್ಟ್‌ಫೋನ್‌ ಅನ್ನೇ ಒಂದು ಪುಟ್ಟ ಲ್ಯಾಬ್ ಆಗಿ ಪರಿವರ್ತಿಸಿದೆ. ಅದು ಕೇವಲ ಒಂದು ನಿಮಿಷದಲ್ಲಿ ನೀರು ಕುಡಿಯಲು ಯೋಗ್ಯವಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಈಗ ನಿಮ್ಮ ಫೋನ್ ಪತ್ತೆ ಹಚ್ಚಲಿದೆ! ಹೇಗೆ ಕೆಲಸ ಮಾಡುತ್ತೆ ಈ 'ಮ್ಯಾಜಿಕ್' ತಂತ್ರಜ್ಞಾನ? ಈ ಹೊಸ ವಿಧಾನವು ಅತ್ಯಂತ ಸರಳವಾಗಿದ್ದು, ಇದಕ್ಕೆ ಒಂದು ವಿಶೇಷ ಪರೀಕ್ಷಾ ಪಟ್ಟಿ (Test Strip) ಮತ್ತು ನಿಮ್ಮ ಸ್ಮಾರ್ಟ್‌ಫೋನ್ ಸಾಕು. ನೀರಿನ ಮಾದರಿಯ ಒಂದು ಹನಿಯನ್ನು ಈ ಪಟ್ಟಿಯ ಮೇಲೆ ಹಾಕಿದಾಗ, ಅದು ನೀರಿನಲ್ಲಿರುವ ಕಲುಷಿತ ಅಂಶಗಳೊಂದಿಗೆ ವರ್ತಿಸುತ್ತದೆ. ಮುಖ್ಯವಾಗಿ ಮಾನವ ಅಥವಾ ಪ್ರಾಣಿಗಳ ತ್ಯಾಜ್ಯದಿಂದ ಉಂಟಾಗುವ 'ಯುರೊಬಿಲಿನ್' ಎಂಬ ಅಂಶವನ್ನು ಇದು ಗುರುತಿಸುತ್ತದೆ. ಒಂದು ವೇಳೆ ನೀರಿನಲ್ಲಿ ಈ ಅಂಶ ಪತ್ತೆಯಾದರೆ, ಅದು ನೀರು ಕಲುಷಿತಗೊಂಡಿದೆ ಎಂಬುದಕ್ಕೆ ಸ್ಪಷ್ಟ ಪುರಾವೆ. ಡ್ರಾಪ್ ಅಂಡ್ ಡಿಟೆಕ್ಟ್: ಫೋನ್ ಕ್ಯಾಮೆರಾವೇ ಇಲ್ಲಿ ಸೈಂಟಿಸ್ಟ್! ಈ ಪರೀಕ್ಷಾ ವಿಧಾನಕ್ಕೆ ವಿಜ್ಞಾನಿಗಳು 'ಡ್ರಾಪ್ ಅಂಡ್ ಡಿಟೆಕ್ಟ್' (Drop and Detect) ಎಂದು ಹೆಸರಿಟ್ಟಿದ್ದಾರೆ. ನಿಮ್ಮ ಸ್ಮಾರ್ಟ್‌ಫೋನ್‌ಗೆ ಎಲ್‌ಇಡಿ ಲೈಟ್ ಹೊಂದಿರುವ ಒಂದು ಸಣ್ಣ ಸಾಧನವನ್ನು ಜೋಡಿಸಲಾಗುತ್ತದೆ. ನೀರಿನ ಹನಿ ಹಾಕಿದ ಪರೀಕ್ಷಾ ಪಟ್ಟಿಯು ಕಲುಷಿತ ಅಂಶಗಳಿದ್ದಾಗ ಒಂದು ವಿಶಿಷ್ಟ ಹೊಳಪನ್ನು ಹೊರಸೂಸುತ್ತದೆ. ಫೋನ್‌ನ ಕ್ಯಾಮೆರಾ ಈ ಸೂಕ್ಷ್ಮ ಹೊಳಪನ್ನು ಸೆರೆಹಿಡಿದು ತಕ್ಷಣವೇ ವಿಶ್ಲೇಷಣೆ ನಡೆಸಿ, ಫಲಿತಾಂಶವನ್ನು ಪರದೆಯ ಮೇಲೆ ತೋರುತ್ತದೆ. ಹಳೆಯ ವಿಧಾನಗಳಿಗಿಂತ ಇದು ಹೇಗೆ ಭಿನ್ನ? ಸಾಂಪ್ರದಾಯಿಕ ಪರೀಕ್ಷಾ ವಿಧಾನಗಳಲ್ಲಿ ರಾಸಾಯನಿಕಗಳ ಬಳಕೆ ಮತ್ತು ತಜ್ಞರ ಅವಶ್ಯಕತೆ ಇರುತ್ತಿತ್ತು. ಅಲ್ಲದೆ ವರದಿ ಬರಲು ಬಹಳ ಸಮಯ ವ್ಯಯವಾಗುತ್ತಿತ್ತು. ಆದರೆ ಈ ಹೊಸ ತಂತ್ರಜ್ಞಾನವು ನದಿ ನೀರು ಹಾಗೂ ತ್ಯಾಜ್ಯ ಸಂಸ್ಕರಣಾ ಘಟಕದ ನೀರಿನ ಮೇಲೆ ನಡೆಸಿದ ಪ್ರಯೋಗಗಳಲ್ಲಿ ಅತ್ಯಂತ ನಿಖರ ಮತ್ತು ವಿಶ್ವಾಸಾರ್ಹ ಫಲಿತಾಂಶಗಳನ್ನು ನೀಡಿದೆ. ಯಾವುದೇ ಸವಾಲಿನ ಪರಿಸ್ಥಿತಿಯಲ್ಲೂ ಸೆಕೆಂಡುಗಳಲ್ಲಿ ಫಲಿತಾಂಶ ನೀಡುವುದು ಇದರ ಹೆಚ್ಚುಗಾರಿಕೆ. ಯಾರಿಗೆ ಇದು ಸಂಜೀವಿನಿ? ಲ್ಯಾಬ್ ಸೌಲಭ್ಯಗಳಿಲ್ಲದ ಗ್ರಾಮೀಣ ಭಾಗಗಳು, ನೆರೆಹಾವಳಿಯಂತಹ ವಿಪತ್ತು ಪೀಡಿತ ಪ್ರದೇಶಗಳು ಮತ್ತು ಅಭಿವೃದ್ಧಿಶೀಲ ರಾಷ್ಟ್ರಗಳಿಗೆ ಈ ತಂತ್ರಜ್ಞಾನ ಒಂದು ವರದಾನವಾಗಲಿದೆ. ಶುದ್ಧ ಕುಡಿಯುವ ನೀರಿಲ್ಲದೆ ಹರಡುವ ಸಾಂಕ್ರಾಮಿಕ ರೋಗಗಳನ್ನು ತಡೆಗಟ್ಟಲು ಈ ತ್ವರಿತ ಪರೀಕ್ಷಾ ವಿಧಾನವು ಜನಸಾಮಾನ್ಯರಿಗೆ ನೆರವಾಗಲಿದೆ. ತಂತ್ರಜ್ಞಾನದ ಮುಂದಿನ ಹೆಜ್ಜೆ ಏನು? ಸ್ಮಾರ್ಟ್‌ಫೋನ್ ಕೇವಲ ಸಂವಹನಕ್ಕಷ್ಟೇ ಅಲ್ಲ, ಜನರ ಆರೋಗ್ಯ ರಕ್ಷಣೆಗೂ ಬಳಕೆಯಾಗಬಲ್ಲದು ಎಂಬುದಕ್ಕೆ ಈ ಆವಿಷ್ಕಾರವೇ ಸಾಕ್ಷಿ. ಮುಂದಿನ ದಿನಗಳಲ್ಲಿ ನೀರಿನಲ್ಲಿರುವ ಇತರ ವಿಷಕಾರಿ ಲೋಹಗಳು ಮತ್ತು ರಾಸಾಯನಿಕಗಳನ್ನು ಪತ್ತೆಹಚ್ಚುವ ನಿಟ್ಟಿನಲ್ಲಿ ಈ ತಂತ್ರಜ್ಞಾನವನ್ನು ಮತ್ತಷ್ಟು ಮೇಲ್ದರ್ಜೆಗೇರಿಸುವ ವಿಶ್ವಾಸದಲ್ಲಿ ವಿಜ್ಞಾನಿಗಳಿದ್ದಾರೆ. ನಿಮ್ಮ ಕೈಯಲ್ಲೊಂದು ಸ್ಮಾರ್ಟ್‌ಫೋನ್ ಇದ್ದರೆ, ಸುರಕ್ಷಿತ ನೀರಿನ ಭರವಸೆ ನಿಮ್ಮದಾದಂತೆಯೇ ಸರಿ ! #BIGINFO #TECHNOLOGY #DROPANDDETECT #TESTSTRIP #HEALTHCARE

ಇನ್ಮುಂದೆ ಡೇಟಾ ಬೇಡ ಅಂದ್ರೆ ಹಣ ಕೊಡಬೇಕಿಲ್ಲ: ಟೆಲಿಕಾಂ ಕಂಪನಿಗಳಿಗೆ TRAI ಖಡಕ್ ಸೂಚನೆ ದೇಶದ ಕೋಟ್ಯಾಂತರ ಮೊಬೈಲ್ ಬಳಕೆದಾರರಿಗೆ ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (TRAI) ಭರ್ಜರಿ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಇನ್ನು ಮುಂದೆ ಟೆಲಿಕಾಂ ಕಂಪನಿಗಳು ಇಂಟರ್ನೆಟ್ ಸೌಲಭ್ಯವಿಲ್ಲದ, ಕೇವಲ ವಾಯ್ಸ್ ಕಾಲಿಂಗ್ ಮತ್ತು ಎಸ್‌ಎಂಎಸ್ ಸೌಲಭ್ಯಗಳನ್ನು ಮಾತ್ರ ಒಳಗೊಂಡಿರುವ ಅಗ್ಗದ ರೀಚಾರ್ಜ್ ಯೋಜನೆಗಳನ್ನು ಕಡ್ಡಾಯವಾಗಿ ಪರಿಚಯಿಸಬೇಕು ಎಂದು ಟ್ರಾಯ್ ಆದೇಶಿಸಿದೆ. ಬಳಕೆದಾರರಿಗೆ ಆರ್ಥಿಕ ಹೊರೆ ಕಡಿಮೆ: ಪ್ರಸ್ತುತ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಬಹುತೇಕ ಪ್ಲಾನ್‌ಗಳಲ್ಲಿ ಡೇಟಾ ಪ್ಯಾಕ್ ಕಡ್ಡಾಯವಾಗಿ ಸೇರಿರುತ್ತದೆ. ಇದರಿಂದಾಗಿ ಇಂಟರ್ನೆಟ್ ಬಳಸದ ಗ್ರಾಹಕರು ಕೂಡ ಅನಗತ್ಯವಾಗಿ ಡೇಟಾಕ್ಕಾಗಿ ಹೆಚ್ಚಿನ ಹಣ ಪಾವತಿಸಬೇಕಾದ ಅನಿವಾರ್ಯತೆ ಇತ್ತು. ಈ ಸಮಸ್ಯೆಯನ್ನು ಗಂಭೀರವಾಗಿ ಪರಿಗಣಿಸಿರುವ ಟ್ರಾಯ್, 2012ರ ಟೆಲಿಕಾಂ ಗ್ರಾಹಕ ಸಂರಕ್ಷಣಾ ನಿಯಮಗಳಿಗೆ ಮಹತ್ವದ ತಿದ್ದುಪಡಿ ತಂದಿದೆ. ಯಾರಿಗೆ ಹೆಚ್ಚು ಲಾಭ? 2G ಬಳಕೆದಾರರು: ದೇಶದಲ್ಲಿ ಸುಮಾರು 15 ಕೋಟಿಗೂ ಹೆಚ್ಚು ಜನ ಇನ್ನೂ 2G ಫೋನ್‌ಗಳನ್ನು ಬಳಸುತ್ತಿದ್ದಾರೆ. ಇವರಿಗೆ ಇಂಟರ್ನೆಟ್ ಅವಶ್ಯಕತೆ ಇಲ್ಲದಿದ್ದರೂ ದುಬಾರಿ ಪ್ಲಾನ್ ಮಾಡಿಸಬೇಕಿತ್ತು. ಈ ಹೊಸ ನಿರ್ಧಾರ ಅವರಿಗೆ ವರದಾನವಾಗಲಿದೆ. ಹಿರಿಯ ನಾಗರಿಕರು: ಕೇವಲ ಕುಟುಂಬದವರೊಂದಿಗೆ ಮಾತನಾಡಲು ಫೋನ್ ಬಳಸುವ ಹಿರಿಯರಿಗೆ ಈ ಅಗ್ಗದ ಯೋಜನೆಗಳು ಆರ್ಥಿಕವಾಗಿ ಸಹಕಾರಿಯಾಗಲಿವೆ. ಗ್ರಾಮೀಣ ಭಾಗದ ಜನತೆ: ಕೃಷಿ ಮತ್ತು ಕೂಲಿ ಕೆಲಸ ಮಾಡುವ ಗ್ರಾಮೀಣ ಭಾಗದ ಜನರಿಗೆ ಕನಿಷ್ಠ ದರದಲ್ಲಿ ಮೊಬೈಲ್ ಸೇವೆ ಲಭ್ಯವಾಗಲಿದೆ. ಟ್ರಾಯ್ ನಡೆಸಿದ ಸಮೀಕ್ಷೆಯ ಪ್ರಕಾರ, ಅನೇಕ ಗ್ರಾಹಕರು ಡೇಟಾ ಸೇವೆಯನ್ನು ಬಳಸದಿದ್ದರೂ ಅದಕ್ಕಾಗಿ ಹಣ ಪಾವತಿಸುತ್ತಿರುವುದು ಬೆಳಕಿಗೆ ಬಂದಿದೆ. ಈ ಹೊಸ ಪ್ಲಾನ್‌ಗಳ ಜಾರಿಯಿಂದಾಗಿ ಗ್ರಾಹಕರು ತಮ್ಮ ಅಗತ್ಯಕ್ಕೆ ತಕ್ಕಂತೆ ಕೇವಲ ಕರೆ ಮತ್ತು ಎಸ್‌ಎಂಎಸ್ ಸೇವೆಯನ್ನು ಆಯ್ದುಕೊಳ್ಳುವ ಸ್ವಾತಂತ್ರ್ಯ ಪಡೆಯಲಿದ್ದಾರೆ. #LATEST #BENGALURU #DOT #TRAI #TELECOMCOMPANIES

ಭಾರತೀಯ ಸಂವಿಧಾನ: ಪ್ರತಿ ಭಾರತೀಯನೂ ತಿಳಿಯಲೇ ಬೇಕಾದ ಸಂವಿಧಾನಿಕ ಹಕ್ಕುಗಳ ಅನಾವರಣ! ಬೆಂಗಳೂರು: ಆ ದಿನ ಭಾರತ (India) ಕೇವಲ ಹೊಸ ರಾಷ್ಟ್ರವಾಗಲಿಲ್ಲ, ತನ್ನದೇ ಆದ ಆತ್ಮವನ್ನು ಪಡೆದಿತು. ಆ ಆತ್ಮವೇ ಭಾರತೀಯ ಸಂವಿಧಾನ (Constitution). ಆದರೆ ವಿಚಿತ್ರವೇನೆಂದರೆ, ನಾವು ಪ್ರತಿದಿನ ಅದರೊಳಗೆ ಬದುಕುತ್ತೇವೆ, ಆದರೆ ಅದನ್ನು ಅರಿಯದೆ ಸಾಗುತ್ತೇವೆ. ನಾವು ದಿನ ನಿತ್ಯ ಬಳಸುವ ಕೆಲವು ಹಕ್ಕುಗಳನ್ನು ತಿಳಿಯಲೇ ಬೇಕು. ಅವುಗಳ ಕುರಿತು ಸಂಪೂರ್ಣ ವರದಿ ಇಲ್ಲಿದೆ. ರಾಮು ಎಂಬ ಸಾಮಾನ್ಯ ವ್ಯಕ್ತಿ ಇದ್ದ. ಪ್ರತಿದಿನ ಬೆಳಗ್ಗೆ ಕೆಲಸಕ್ಕೆ ಹೋಗುತ್ತಿದ್ದ, ಸಂಜೆ ಮನೆಗೆ ಬರುತ್ತಿದ್ದ. ಅವನಿಗೆ ಸಂವಿಧಾನವೆಂದರೆ ಶಾಲೆಯ ಪಾಠಪುಸ್ತಕದಲ್ಲಿ ಕಂಡ ಪದಗಳು ಅಷ್ಟೇ. ಒಂದು ದಿನ ಅವನು ಬಕೊಸ್ ನಿಲ್ದಾಣದಲ್ಲಿ ನಿಂತಿದ್ದಾಗ, ಅಧಿಕಾರಿಯೊಬ್ಬ ಅವನನ್ನು ಕಾರಣವಿಲ್ಲದೆ ತಳ್ಳಿಹಾಕಿದ. "ನೀನು ಯಾರು?" ಎಂದು ಗದರಿದ. ರಾಮು ಮೊದಲು ಮೌನವಾಗಿದ್ದ, ಆದರೆ ನಂತರ ಯಾರೋ ಹೇಳಿದರು - "ನೀನು ನಾಗರಿಕ. ಕಾನೂನು ಎಲ್ಲರಿಗೂ ಸಮಾನ - ವಿಧಿ 14. ಆ ದಿನ ರಾಮು ಮೊದಲ ಬಾರಿ ಸಂವಿಧಾನವನ್ನು ಅನುಭವಿಸಿದ. ವಿಧಿ 16ರ ಕುರಿತು! ಮತ್ತೊಂದು ದಿನ, ಅವನ ಗೆಳತಿ ಶಾಂತಿ ಸರ್ಕಾರಿ ಉದ್ಯೋಗಕ್ಕೆ ಅರ್ಜಿ ಹಾಕಿದ್ದಳು. "ನೀನು ಮಹಿಳೆ, ನಿನಗೆ ಆಗಲ್ಲ" ಎಂದು ಕೆಲವರು ಹೇಳಿದರು. ಆದರೆ ಶಾಂತಿ ನಗುತ್ತಾ ಉತ್ತರಿಸಿದಳು, "ವಿಧಿ 16 ನನಗೆ ಸಮಾನ ಅವಕಾಶ ಕೊಡುತ್ತದೆ. ಲಿಂಗ ನನ್ನ ಅರ್ಹತೆಯನ್ನು ನಿರ್ಧರಿಸುವುದಿಲ್ಲ. ಅವಳ ಆಯ್ಕೆಯ ದಿನ, ರಾಮು ಅರಿತುಕೊಂಡ ಸಂವಿಧಾನ ಕಾಗದದಲ್ಲಲ್ಲ, ಸಾಹಸದಲ್ಲಿದೆ ಎನ್ನುವುದನ್ನು ಅರಿತುಕೊಂಡ. ವಿಧಿ 19 ಏನು ಹೇಳುತ್ತದೆ? ಒಂದು ಸಂಜೆ, ರಾಮು ತನ್ನ ಊರಿನ ಸಮಸ್ಯೆಗಳ ಬಗ್ಗೆ ಮಾತನಾಡಿದ. ಕೆಲವರು ಅವನಿಗೆ ಮೌನವಾಗಿರು ಎಂದರು. ಆಗ ಅವನು ಧೈರ್ಯವಾಗಿ ಹೇಳಿದ "ನನಗೆ ಮಾತನಾಡುವ ಹಕ್ಕಿದೆ. ವಿಧಿ 19 - ವಾಕ್ ಸ್ವಾತಂತ್ರ್ಯ ನನ್ನದು. ಆ ದಿನ ಅವನ ಧ್ವನಿ ಒಬ್ಬನದ್ದಲ್ಲ, ನಾಗರಿಕನದ್ದಾಗಿತ್ತು. ಆದರೆ ನಿಜವಾದ ಅರಿವು ಬಂದಿದ್ದು, ಅವನ ಮಗುವಿನ ವಿಚಾರದಲ್ಲಿ. ಅವನ ಮಗ ಶಾಲೆಗೆ ಹೋಗುತ್ತಿರಲಿಲ್ಲ. "ಹಣ ಇಲ್ಲ" ಎಂಬ ಕಾರಣಗಳು ಇದ್ದವು. ಆದರೆ ಒಂದು ದಿನ ಶಿಕ್ಷಕನೊಬ್ಬ ಹೇಳಿದ "6 ರಿಂದ 14 ವರ್ಷದೊಳಗಿನ ಪ್ರತಿಯೊಂದು ಮಗು *ಉಚಿತ ಶಿಕ್ಷಣಕ್ಕೆ ಅರ್ಹ - ಲೇಖನ 21A." ಆ ಕ್ಷಣದಲ್ಲಿ ರಾಮು ಅರಿತ - ಶಿಕ್ಷಣ ದಯೆಯಲ್ಲ, ಹಕ್ಕು. ವಿಧಿ 21 ಏನು ಹೇಳುತ್ತದೆ? ರಾಮುವಿಗೆ ಅನಿಸಿದಂತೆ, ಜೀವನ ಎಂದರೆ ಉಸಿರಾಡುವುದು ಮಾತ್ರವಲ್ಲ. ಸುರಕ್ಷಿತವಾಗಿ, ಘನತೆಯಿಂದ ಬದುಕುವುದೂ ಜೀವನವೇ. ವಿಧಿ 21 ಅವನಿಗೆ ಗೌಪ್ಯತೆ, ಶುದ್ಧ ಗಾಳಿ, ಶುದ್ಧ ನೀರಿನ ಹಕ್ಕು ಕೊಟ್ಟಿತ್ತು - ಅವನು ಅದನ್ನು ಕೇಳಿಕೊಳ್ಳಬೇಕಷ್ಟೇ. ಧರ್ಮದ ವಿಚಾರದಲ್ಲಿ ಅವನು ಕಲಿತ ಪಾಠ ಸರಳವಾಗಿತ್ತು. ಭಾರತದಲ್ಲಿ ದೇವರುಗಳಷ್ಟೇ ಅಲ್ಲ, ನಂಬಿಕೆಗಳಿಗೂ ಸ್ವಾತಂತ್ರ್ಯ ಇದೆ. ಲೇಖನ 25 ಪ್ರತಿಯೊಬ್ಬರ ನಂಬಿಕೆಯನ್ನು ಗೌರವಿಸುವ ಸೇತುವೆಯಾಗಿದೆ. ವಿಧಿ 32 ಕಾರ್ಯವೇನು? ಒಮ್ಮೆ ಅವನ ಗೆಳೆಯನ ಹಕ್ಕು ಕಸಿದುಕೊಳ್ಳಲಾಯಿತು. ಎಲ್ಲ ದಾರಿಗಳು ಮುಚ್ಚಿದಂತೆ ತೋಚಿದಾಗ, ಯಾರೋ ಹೇಳಿದರು - "ಸುಪ್ರೀಂ ಕೋರ್ಟ್ ಇದೆ. ಲೇಖನ 32 ಇದೆ." ಅವನು ಅರಿತುಕೊಂಡ - ಸಂವಿಧಾನ ಕೇವಲ ರಕ್ಷಣೆ ಅಲ್ಲ, ಹೋರಾಟದ ದಾರಿ. ಇಂದು ರಾಮು ಇನ್ನೊಬ್ಬ ಸಾಮಾನ್ಯ ವ್ಯಕ್ತಿ ಅಲ್ಲ. ಅವನು ಸಂವಿಧಾನವನ್ನು ದವನು ಅಲ್ಲ, ಅದರ ಅಡಿ ಬದುಕಿದವನು. ನಾವೂ ಅಷ್ಟೇ. ನಮ್ಮ ಶಕ್ತಿ ನಮ್ಮ ಕೈಯಲ್ಲೇ ಇದೆ. ಪುಸ್ತಕದೊಳಗೆ ಅಲ್ಲ, ನಮ್ಮ ಅರಿವಿನಲ್ಲಿ. #LATEST #BENGALURU #CONSTITUTIONOFINDIA #RIGHTS #ARTICLES