@muhabbatt143
@muhabbatt143

💘⚽മുഹബ്ബത്ത്⚽💝

good by sharechat

റമദാൻ 18 #☪ റമദാൻ വിശേഷങ്ങൾ
_*എനിക്ക് അവനെ മതി*_ *മജ്നു* *കിഴിശ്ശേരി* (ഭ്രാന്താലയം🪀 കൂട്ടായ്മ) ........................................ സുമയ്യ ............. ബഷീറിനും ആയിശക്കും വളരെ വൈകിയാണ് ഒരു കുഞ്ഞു പിറന്നത്. കാണാൻ അതി സുന്ദരിയായ ഒരു കുഞ്ഞുമോൾ. അവളെ അവർ രണ്ട് പേരും അതിയായി ലാളിച്ചു വളർത്തി.അവളെ അവർ സുമയ്യ എന്ന് വിളിച്ചു. പടി പടിയായി അവൾ വളർന്നു.ഇപ്പോൾ അവൾ പ്ലസ്ടു പഠിക്കുന്നു. എല്ലാവരോടും നല്ലസ്നേഹത്തിൽ അവൾ പെരുമാറി. കാലത്തിന്റെ കുത്തൊഴുക്കിൽ ഇന്ന് ബഷീറും ആയിശയും രോഗിയായി മാറിയിരിക്കുന്നു.ഒരു രാത്രി ഉപ്പയും ഉമ്മയും ഒപ്പം ഇരുന്ന് ഭക്ഷണം കഴിച്ച് ചില കളിതമാശകൾ പറഞ്ഞും കളിച്ചും രസിച്ചും അറിയാതെ നിദ്രയിലേക്ക് വീണു.പിറ്റേന്ന് നേരം പുലർന്നപ്പോൾ ബഷീറിന്റെയും ആയിശയുടെയും മുഖം ദു:ഖം കൊണ്ട് ഒരു കാർമേഘം തീർത്തിരുന്നു. അവരുടെ പൊന്നുമകൾ സുമയ്യയെ കാണാനില്ല.അവരുടെ കഴിവിന്റെ പരമാവധി അവർ അന്വേഷിച്ചു.കുറച്ചു സമയങ്ങൾക്കു ശേഷം അവർക്ക് സ്റ്റേഷനിൽ നിന്നും വിളി വന്നു.അവർ നല്ല സന്തോഷത്തോടെ കോടതി വളപ്പിലേക്ക് പുറപ്പെട്ടു.സുമ യ്യ ഉണ്ടായിരുന്നു അവിടെ.അവളോട് ജഡ്‌ജി ചോദിച്ചു. മോളേ.... നിന്റെ ഉപ്പയും ഉമ്മയും വന്നിട്ടുണ്ട് ഇവരുടെ കൂടെയാണോ നീ പോവുന്നത്? അതോ........??????? അവൾ പറഞ്ഞു ഞാൻ എന്റെ ഉപ്പയുടെയും ഉമ്മയുടെയും കൂടെ പോവുന്നില്ല. ഞാൻ എന്റെ കാമുകന്റെ കൂടെയാണ് പോവുന്നത്. കാരണം എനിക്ക് എല്ലാ വിധ സുഖ സൗകര്യങ്ങളും ചെയ്തു തന്നവനാണവൻ. ഇനി ഞങ്ങളുടെ ജീവിതത്തിൽ ആരും വിലങ്ങുതടിയാവരുത്. അവൾ പോയതിന് ശേഷം ഉപ്പ ഹൃദയം പൊട്ടി മരിച്ചു.ഉമ്മ ഇപ്പോൾ ഏതോ മാനസികാശുപത്രിയിലാണ്. .......................................... പൊന്നുമോളേ ഒരു നിമിഷം ചിന്തിക്കുക!!! ജീവിതാവസാനം വരെ സന്തോഷിക്കുക!സന്തോഷിപ്പിക്കുക!!! *Majnu* *Kizhissery* (ഭ്രാന്താലയം🪀 കൂട്ടായ്മ) #Short story
#👩 മദേഴ്‌സ് ഡേ സ്റ്റാറ്റസ് *ഭൂമിയിൽ  സ്നേഹത്തിന്റെ ഉറവിടം എവിടെ എന്നൊരു ചോദ്യം ഉയർന്നു വന്നാൽ* ...... *വറ്റാത്ത സ്നേഹം  സത്യമാണോ എന്നൊരു ചോദ്യം വന്നാൽ* .... *മടിക്കാതെ ചൂണ്ടി കാണിക്കാം ഉമ്മയെ* ❤... *അല്ലെങ്കിൽ അക്ഷരത്തെറ്റ് ഇല്ലാതെ പറയാം ഉമ്മ💖എന്ന്...* അടുക്കളയിലെ അരിയുടെ അളവ് കുറയുമ്പോൾ... കലത്തിൽ ചോറിന്റെ   അംശം കുറയുമ്പോൾ... വിശപ്പ് ഇല്ലാതെ ആകുന്ന പ്രതിഭാസം.. അതാണ്  ഉമ്മ 💖 *തന്നെ തള്ളി പറയുന്ന   മക്കൾക്കു എന്നും നല്ലത് വരണം എന്ന് മനമുരുകി   പ്രാർത്ഥിക്കുന്ന*    *സ്നേഹത്തിന്റെ പര്യായം....* അതാണ് *ഉമ്മ ❤* വർഷത്തിൽ  365  ദിവസവും... അടുക്കള എന്ന നാല് ചുമരിനു ഉള്ളിൽ  സ്വന്തം ജീവിതത്തെയും  സ്വപ്നങ്ങളെയും മാറ്റിവെച്ചു കൊണ്ട്  മക്കൾക്കും ഭർത്താവിനും വേണ്ടി  ജീവിച്ചു അതിൽ സന്തോഷം കണ്ടെത്തുന്ന   ഒരാൾ ഈ ലോകത്തു ഉണ്ട് എങ്കിൽ അതാണ് ഉമ്മ ❤.... സ്വന്തം ദുആയിൽ  പോലും ഭർത്താവിനെയും.. മക്കളെയും.. മാത്രം ഓർത്തു കരഞ്ഞു വിലപിക്കുന്ന ...ഒരു  ജീവിത സത്യം.......അതാണ്  ഉമ്മ ❤ *സങ്കടം   ഉള്ളിൽ    തിരയടിച്ചു  ഉയർന്നു പൊങ്ങിയലും.. പരിഭവങ്ങൾ പറയാതെ പരാതി ഇല്ലാതെ.. എപ്പോഴും ഒരു ചിരിയിൽ  സങ്കടതെ  മറച്ചു പിടിക്കുന്ന . ലോകം കണ്ടതിൽ* *വെച്ച് ഏറ്റവും വിലപിടിപ്പുള്ള വിലകൊടുത്തു  വാങ്ങാൻ കഴിയാത്ത   ഒരു   വികാരം അതാണ് ഉമ്മ* .. ❤__ നമ്മുടെ ഉമ്മാക് പടച്ചോൻ ആയുസ്സും ആഫിയത്തും നൽകട്ടെ . ആമീൻ..
💞 *💎 സ്ത്രീ മനസ്സ്💎* ✍️ഒരു വീട്ടിലെ മാതാവിന്റെ/ഭാര്യയുടെ ജോലി ഇങ്ങനെ: മുറ്റവും പുരയും അടിച്ചുവാരുക, അടുക്കളയില്‍ കയറിയാല്‍ വീട്ടിലുള്ളവരുടെ രുചിഭേദങ്ങള്‍ക്കൊപ്പിച്ച് ആഹാരം ഉണ്ടാക്കുക, കുട്ടികളെ കുളിപ്പിക്കുക, അവര്‍ക്കും ഭര്‍ത്താവിനും ആഹാരം നല്‍കുക, കുട്ടികളെ സ്കൂളിലേക്കും ഭര്‍ത്താവിനെ ജോലിക്കും അയക്കുക, പാത്രം കഴുകുക, അടുത്ത നേരത്തിനുള്ള ആഹാരം തയ്യാറാക്കുക, ഇങ്ങനെ നീണ്ടുപോകുന്നു പ്രവര്‍ത്തികള്‍. ഉച്ചഭക്ഷണം കഴിഞ്ഞ് പാത്രം കഴുകിയാലും വിശ്രമമില്ല. അലക്ക്, കുളി, തേപ്പ്, വൈകുന്നേരത്തെ ചായയ്ക്കും പിന്നെ അത്താഴത്തിനുമുള്ള ഒരുക്കങ്ങള്‍. കുട്ടികളുടെ പഠനകാര്യങ്ങളിലുള്ള ശ്രദ്ധ പുറമെയും. നേരം വെളുക്കുമ്പോള്‍ മുതല്‍ ഇരുട്ടുന്നതുവരെ പണിയാണ്. വിശ്രമമില്ലാത്ത ജോലി തന്നെ. ഇത് സ്ത്രീയുടെ ശാരീരിക മാനസിക ഉന്മേഷത്തെ അല്‍പമെങ്കിലും പ്രയാസപ്പെടുത്തും. ശരിയായ വീട് ഭരണം രാജ്യഭരണം പോലെയാണ്. ആഹാരം പാകം ചെയ്തു ഒരുക്കിവെച്ച് കഴിഞ്ഞാല്‍ അല്‍പം ആശ്വാസം. പിന്നെയും ജോലി തുടരുന്നു. ഇത്രയേറെ ഭാരം സഹിക്കുന്ന സ്ത്രീയുടെ നാലിലൊന്ന് ഭര്‍ത്താവോ കുട്ടികളോ ചെയ്യുന്നില്ല എന്നാണു സത്യം. പക്ഷേ, എന്തെങ്കിലുമൊന്നില്‍ പിഴവ് സംഭവിച്ചാല്‍ കുറ്റം പറച്ചിലുകള്‍ മാത്രവും. സ്വന്തം വീട്ടില്‍ നിന്ന് മറ്റൊരു വീട്ടിലേക്ക് പറിച്ച് നടുന്ന സ്ത്രീയുടെ മനസ്സ് പല ചിന്തകളിലായിരിക്കും. അവളുടെ ചിന്തകള്‍ വഴിതിരിയുന്നു. സ്വന്തം സഹോദരി സഹോദരന്മാരില്‍ നിന്നും മാതാപിതാക്കളില്‍ നിന്നും വിട്ടുപിരിഞ്ഞിരിക്കുന്നു. സുഖദുഃഖങ്ങള്‍ പങ്കുവെക്കാന്‍ സ്വന്തക്കാരായി ആരുമില്ല. പുതിയ അന്തരീക്ഷത്തില്‍ കുറ്റവും കുറവുകളും നോക്കി പറയാന്‍ കാത്തിരിക്കുന്നു പലരും. ഒരുപക്ഷേ ഭര്‍ത്താവിന്റെയും ബന്ധുക്കളുടെയും സ്നേഹം സ്ത്രീക്ക് കിട്ടാതെ വരുന്നു. അവള്‍ ദുഃഖത്താല്‍ തലചായ്ക്കുന്നു. എല്ലാം നഷ്ടപ്പെട്ട് ഞാന്‍ ഒറ്റപ്പെട്ട അവസ്ഥയിലാണെന്ന ചിന്ത വരുന്നു. അതവളുടെ മനസ്സിനെ തളര്‍ത്തും. വിവാഹ ദിവസം മുതല്‍ സങ്കല്‍പങ്ങളുടെ ചിന്തകള്‍ വളര്‍ന്ന് തുടങ്ങുന്നു. പലപ്പോഴും ഒരിടത്തുനിന്ന് നീങ്ങാമ്പോലും കഴിയാത്ത അവസ്ഥ പുതിയ കുടുംബത്തിലെത്തിയ സ്ത്രീക്ക് ഉണ്ടാവുന്നു. പോരെങ്കില്‍ സംശയങ്ങളുടെ ഘോഷയാത്രയും. തൊടുന്നതിനും പിടിക്കുന്നതിനുമെല്ലാം വഴക്കും കുറ്റവും. ചിലപ്പോള്‍ പുറത്തു പറഞ്ഞില്ലെങ്കിലും മനസ്സില്‍ തിടംവെച്ചു കിടക്കുന്നു. ശാന്തിയും സമാധാനവുമില്ലാത്ത അന്തരീക്ഷത്തില്‍ ആടിയുലഞ്ഞ നൗകയായി മാറുകയാണു സ്ത്രീ. ഇതാണവസ്ഥയെങ്കിലും സ്വന്തം ആരോഗ്യം നിലനിര്‍ത്താന്‍ സ്ത്രീ ശ്രമിക്കുക.ആരോഗ്യത്തിന് ദിനചര്യയും ആഹാരവും വിശ്രമവും കൂടിയേതീരൂ. എല്ലാം മക്കള്‍ക്കും ഭര്‍ത്താവിനും നല്‍കി പട്ടിണി കിടക്കരുത്. ജോലിക്കിടയില്‍ വിശ്രമം ഉണ്ടാവണം. ചിട്ടയോടെ ജീവിതം നയിച്ചാല്‍ സമയം ലാഭിക്കാന്‍ കഴിയും. സ്വയം ചെയ്ത് തീര്‍ക്കേണ്ടവ വേഗം നിര്‍വഹിക്കുക. അയല്‍ക്കാരുടെ സന്ദര്‍ശനം അമിതമാവുകയും ശല്യമായിത്തീരുകയും ചെയ്യുന്നുവെങ്കില്‍ നിരുത്സാഹപ്പെടുത്തണം. വീട്ടില്‍ നിര്‍വഹിക്കേണ്ടതിനു ടൈംടേബിള്‍ തയ്യാറാക്കുക. സ്കൂള്‍ കുട്ടികള്‍ക്ക് മാത്രമല്ല ടൈംടേബിള്‍.ഓരോ ദിവസവും ആഴ്ചയിലും ചെയ്യേണ്ടതിന് നീക്കിവെക്കുക. എല്ലാ ദിവസവും അലക്കലും മറ്റും ഒഴിവാക്കി പ്രത്യേക ദിവസങ്ങളിലേക്ക് നീക്കിവെക്കുക. അതാതു ദിവസത്തേത് ഉച്ചയ്ക്ക് മുമ്പ് ചെയ്തു തീര്‍ക്കുക. ഉച്ചയ്ക്ക് വിശ്രമം. ഉറക്കം, വായന തുടങ്ങിയവ. ഒരു നല്ല വീട്ടുമ്മ എപ്പോഴും ഒരു കണ്ണും കാതും അടച്ച് വെക്കുക. എല്ലാത്തിനും പ്രക്ഷുബ്ധയാവരുത്. പൂന്തോട്ട പരിപാലനവും ആടുമാടുകളെ നോക്കിനടത്തലും ടെന്‍ഷന്‍ കുറക്കുന്ന ജോലികളാണ്. മനുഷ്യരിലെ ആത്മസംഘര്‍ഷങ്ങള്‍ക്കും ഉത്കണ്ഠക്കും പരിഹാരം കണ്ടെത്തുന്നതിനുള്ള മാര്‍ഗങ്ങളെക്കുറിച്ച് വിദഗ്ധര്‍ നടത്തിയ പഠനങ്ങള്‍ ഏറക്കുറെ വിജയം കണ്ടെത്തിയിട്ടുണ്ട്. പിരിമുറുക്കവും ആത്മസംഘര്‍ഷങ്ങളും ലഘൂകരിക്കാന്‍ ഗൃഹജോലികള്‍ക്കു കഴിയുമെന്നാണ് സ്കോട്ടിഷ് ശാസ്ത്രജ്ഞരുടെ അഭിപ്രായം. ഇവര്‍ നടത്തിയ ഒരു പഠനത്തിലാണ് ഇക്കാര്യം വ്യക്തമായത്. വീട്ടുമുറ്റത്തെ പൂന്തോട്ടങ്ങള്‍ പരിപാലിക്കുന്നതിലൂടെ മാനസിക സംഘര്‍ഷങ്ങള്‍ ലഘൂകരിക്കുവാന്‍ കഴിയുമെന്നും മാനസികോല്ലാസം വര്‍ധിക്കുമെന്നും മാര്‍ക്ഹാമറിന്റെ നേതൃത്വത്തില്‍ നടത്തിയ പഠനത്തില്‍ വ്യക്തമായിട്ടുണ്ട്. വിരിഞ്ഞുനില്‍ക്കുന്ന പൂക്കളും അവയുടെ സൗരഭ്യവും മാനസികോല്ലാസം വര്‍ധിപ്പിക്കുമെന്നാണ് ഇവരുടെ കണ്ടെത്തല്‍. പൂന്തോട്ടങ്ങളിലെ ഹരിതാലങ്കാരം കണ്ണിനും മനസ്സിനും കുളിര്‍മ നല്‍കുന്നതാണ്. കൊളംബിയ യൂനിവേഴ്സിറ്റി മെഡിക്കല്‍ സെന്ററിലെ ഗവേഷകര്‍ അഭിപ്രായപ്പെട്ടത് സുഗന്ധങ്ങള്‍ക്ക് ടെന്‍ഷന്‍ മാറ്റാനുള്ള കഴിവുണ്ടെന്നാണ്. ഡോ. മെഹ്ത് ഓസിന്റെ നേതൃത്വത്തിലുള്ള ഗവേഷക സംഘമാണ് ഇതു കണ്ടെത്തിയത്. തലച്ചോറിലെ വികാരങ്ങളുടെ കേന്ദ്രമായ അമിഗ്ഡലയില്‍ സുഗന്ധം നേരിട്ടെത്തിയാല്‍ ആശ്വാസം കിട്ടുമത്രെ. ഇനി കഠിനമായ ജോലികളിലാണ് ഏര്‍പ്പെടുന്നതെങ്കില്‍ അത് ആരോഗ്യത്തിനു ഗുണം ചെയ്യും. കഠിന ജോലികള്‍ സ്ത്രീകളില്‍ ശരീരഭാരം കുറക്കാന്‍ സഹായിക്കുന്നുണ്ട്. മാത്രമല്ല, സ്തനാര്‍ബുദം വരാനുള്ള സാധ്യത മൂന്നിലൊന്നായി കുറക്കാനും ഇതുമൂലം സാധിക്കുമെന്ന് പഠനങ്ങള്‍ വ്യക്തമാക്കുന്നു. അമേരിക്കയിലെ നാഷനല്‍ കാന്‍സര്‍ ഇന്‍സ്റ്റിറ്റ്യൂട്ടിലെ മിഖായേല്‍ എഫ് ലീസ്മേനും സംഘവുമാണ് ഇതുസംബന്ധിച്ച് പഠനം നടത്തിയത്. മുപ്പതിനായിരത്തിലധികം സ്ത്രീകളിലാണ് ഇവര്‍ പരീക്ഷണം നടത്തിയത്. തറതുടക്കല്‍, വിറക് കീറല്‍, ജനാല കഴുകല്‍ എന്നിവയാണ് സ്ത്രീകള്‍ക്ക് വീട്ടില്‍ ചെയ്യാവുന്ന ജോലികള്‍. മാനസിക സംഘര്‍ഷം കുറക്കാനും ആരോഗ്യം മെച്ചപ്പെടുത്താനും ഗാര്‍ഹിക ജോലികളേക്കാള്‍ മെച്ചപ്പെട്ട മറ്റൊന്നില്ല. ഇക്കാര്യം വീട്ടുമ്മമാര്‍ മനസ്സിലാക്കണം. #😊 Mother's Day Wishes #♥️ അമ്മയ്‌ക്കൊരു കൈസഹായം
💞 *🤲 ഖുനൂത്തും അർത്ഥവും.. 🤲* ⭕ *اَللّهُمَّ اهْدِنِي فِيمَنْ هَدَيْتَ* അല്ലാഹുവേ നീ സന്മാർഗ്ഗത്തിലാക്കിയവരോടൊപ്പം എന്നെയും നീ സന്മാർഗ്ഗത്തിലാക്കേണമേ... *وَعَافِنِي فِيمَنْ عَافَيْتَ* നീ സൗഖ്യം നൽകിയവരോടൊപ്പം എനിക്കും സൗഖ്യം നൽകേണമേ... *وَتَوَلَّنِي فِيمَنْ تَوَلَّيْتَ* നീ സംരക്ഷണം ഏറ്റെടുത്തവരോടൊപ്പം എന്റെ സംരക്ഷണവും നീ ഏറ്റെടുക്കേണമേ... *وَبَارِكْ لِي فِيمَا أَعْطَيْتَ* നീ നൽകിയതിൽ എനിക്ക് നീ ബർക്കത്ത് ചെയ്യേണമേ... *وَقِنِي شَرَّ مَا قَضَيْتَ* നീ വിധിച്ചതിന്റെ ആപത്തിൽ നിന്ന് എന്നെ നീ രക്ഷിക്കേണമേ... *فَإِنَّكَ تَقْضِي* കാരണം നിശ്ചയമായും നീ വിധിക്കുന്നു... *وَلاَ يُقْضَى عَلَيْكَ* നിന്റെ മേൽ വിധിക്കപ്പെടുകയില്ല... *وَإِنَّهُ لاَ يَذِلُّ مَنْ وَّالَيْتَ* നീ സ്നേഹിച്ചവൻ നിന്ദ്യനാവുകയില്ല... *وَلاَ يَعِزُّ مَنْ عَادَيْتَ* നീ ശത്രുത കാണിച്ചവൻ പ്രതാപിയാവുകയുമില്ല... *تَبَارَكْتَ رَبَّنَا وَتَعَالَيْتَ* ഞങ്ങളുടെ രക്ഷിതാവേ നീ വിശുദ്ധനും ഉന്നതനുമായിരിക്കുന്നു... *فَلَكَ الْحَمْدُ عَلَى مَا قَضَيْتَ* നീ വിധിച്ചതിന്റെ പേരിൽ സർവ്വസ്‌തുതിയും നിനക്കാകുന്നു... *أَسْتَغْفِرُكَ* നിന്നോട് ഞാൻ പാപമോചനം തേടുന്നു... *وَأَتُوبُ إِلَيْكَ* നിന്നിലേക്ക് ഞാൻ ഖേദിച്ച് മടങ്ങുകയും ചെയ്യുന്നു... *وَصَلَّى اللهُ عَلَى خَيْرِ خَلْقِهِ سَيِّدِنَا مُحَمَّدِ نِ النَّبِيِّ الأُمِّيِّ وَعَلَى آلِهِ وَصَحْبِهِ وَسَلَّمَ* *❓മഅ്മൂമുമാര്‍ മറ്റ് മദ്ഹബുകാരായത് കൊണ്ട് സുബ്ഹിക്ക് മനപ്പൂര്‍വ്വം ഖുനൂത്ത് ഉപേക്ഷിക്കുന്ന ഇമാമിനെ തുടരാമോ..?* 🅰️ ഖുനൂത് മനഃപൂര്‍വ്വം ഉപേക്ഷിക്കുന്ന ഇമാമിനെ തുടര്‍ന്നു നിസ്കരിക്കാവുന്നതാണ്. മാത്രമല്ല ഖുനൂത് ഓതി ഒറ്റക്കു നിസ്കരിക്കുന്നതിനേക്കാള്‍ ശ്രേഷ്ഠവും ഖുനൂതില്ലാത്ത (മുബ്തദിഅ് അല്ലാത്ത) ഇമാമിനെ തുടര്‍ന്നു നിസ്കരിക്കലാണ്. അങ്ങനെ നിസ്കരിക്കുമ്പോള്‍ രണ്ടാമത്തെ ഇഅ്തിദാലില്‍ ഇമാമിനെ അനുവധനീയമായതിലുമപ്പുറം പിന്താതെ, സാധ്യമായ രീതിയില്‍ സ്വന്തമായി ഖുനൂത് ഓതുകയും പിന്നീട് ഇമാമിന്‍റെ സലാമിനു ശേഷം സഹ്‍വിന്‍റെ സുജൂദ് ചെയ്യലും സുന്നത്താണ്. *❓സ്വുബ്ഹി നിസ്കാരത്തില്‍ ഖുനൂത്ത് ഓതാതിരുന്നാല്‍ സഹവിന്‍റെ സുജൂദ് ചെയ്യേണ്ടതുണ്ടോ..? സുജൂദ് ചെയ്യണം എന്നാണെങ്കില്‍ സൗദിയില്‍ നിസ്കരിക്കുമ്പോള്‍ അവര്‍ സുജൂദ് ചെയ്യുന്നതായി കാണുന്നില്ല. അവരോട് നമുക്ക് തുടരാമോ..?* 🅰️ സുബ്ഹി നിസ്കാരത്തിൽ ഖുനൂത് ഓതല്‍ സുന്നതാണ്. അത് ഓതാതിരുന്നാല്‍ സഹ്‍വിന്‍റെ സുജൂദ് ചെയ്യലും സുന്നതാണ്. ഖുനൂത് ഓതാതിരുന്നാലും സഹ്‍വിന്‍റെ സുജൂദ് ചെയ്യാതിരുന്നാലും ആ സുന്നത്തുകളുടെ പ്രതിഫലം നഷ്ടപ്പെടും. പക്ഷേ, അതു ഉപേക്ഷിച്ചതു മൂലം നിസ്കാരം ബാഥിലാകുകയില്ല. അതിനാല്‍ സഹ്‍വിന്‍റെ സുജൂദ് ചെയ്യാത്തവരെ തുടരാവുന്നതാണ്. ഇമാം ചെയ്തിട്ടില്ലെങ്കിലും മഅ്മൂമിനു സഹ്‍വിന്‍റെ സുജൂദ് ചെയ്യല്‍ സുന്നത്താണ്. ഖുനൂതിനും സ്വലാത്തിനും ശേഷം ‘റബ്ബിഗ്ഫിര്‍വര്‍ഹം വ അന്‍ത ഖൈറുര്‍റാഹിമീന്‍’ എന്നു പറയല്‍ നല്ലതാണ് (സുന്നത്താണ്) എന്ന് ഇമാം റൂയാനി(റ) പറഞ്ഞിട്ടുണ്ട്. അദ്ദേഹത്തെ അനുകരിക്കുന്നവര്‍ക്ക് ഈ പ്രാര്‍ത്ഥന നിര്‍വ്വഹിക്കാം. ഇമാമിനു ഉറക്കെയും ചൊല്ലാം. അതേസമയം ശാഫിഈ മദ്ഹബു പ്രകാരം പ്രസ്തുത ദുആ സുന്നത്തില്ലാത്തതിനാല്‍ ഇതു ഒഴിവാക്കിയാല്‍ സഹ്‌വിന്റെ സുജൂദ് സുന്നത്തില്ല. ഇമാം റൂയാനി(റ) സ്വന്തം നിലയില്‍ അഭിപ്രായപ്പെട്ട ഈ പ്രാര്‍ത്ഥന ഇമാം അര്‍ദബീലി(റ), ഇമാം ഇബ്‌നു ഹജര്‍(റ) തുടങ്ങിയ പലരും എടുത്തുദ്ധരിച്ചിട്ടുണ്ട്... 👉🏼 ഇമാം, തനിച്ചു നിസ്‌കരിക്കുന്നവര്‍ തുടങ്ങിയവര്‍ ഖുനൂത് മനപ്പൂര്‍വ്വം ഒഴിവാക്കുകയും റുകൂഇന്റെ അതിര്‍ത്തിയിലേക്ക് എത്തിയ ശേഷം ഖുനൂതിലേക്ക് മടങ്ങുകയും ചെയ്താല്‍ നിസ്‌കാരം ബാത്വിലാവും. ഇവര്‍ മറന്നുകൊണ്ടാണ് ഖുനൂത് ഒഴിവാക്കിയതെങ്കില്‍ ഫര്‍ളുമായി ബന്ധപ്പെടുംമുമ്പ് (സുജൂദില്‍ നെറ്റിവെയ്ക്കും മുമ്പ്) ഓര്‍മ വന്നാല്‍ ഖുനൂതിലേക്ക് മടങ്ങല്‍ സുന്നത്തുണ്ട്. റുകൂഇന്റെ അതിര്‍ത്തിയിലേക്ക് എത്തിയ ശേഷമാണ് മറന്നു ഖുനൂത് ഒഴിവാക്കിയവര്‍ മടങ്ങിയതെങ്കില്‍ സഹ്‌വിന്റെ സുജൂദ് സുന്നത്തുണ്ട്. ഫര്‍ളുമായി ബന്ധപ്പെട്ട ശേഷം ഖുനൂതിലേക്ക് മടങ്ങിയാല്‍ നിസ്‌കാരം ബാത്വിലാവും. ഹറാമാണെന്ന വിവരമില്ലാതെയോ മറന്നോ മടങ്ങിയാല്‍ ബാത്വിലാവില്ല... മഅ്മൂം ഖുനൂത് മറന്നു ഒഴിവാക്കിയാല്‍ ഫര്‍ളുമായി ബന്ധപ്പെട്ടാലും ഇല്ലെങ്കിലും ഖുനൂതിലേക്ക് മടങ്ങി ഇമാമിനോടു പിന്‍പറ്റണം. അല്ലെങ്കില്‍ ‘ഇമാമുമായി വിട്ടുപിരിയുന്നു’ എന്നു കരുതണം. രണ്ടുമില്ലെങ്കില്‍ അവന്റെ നിസ്‌കാരം ബാത്വിലാവും. *(നന്മ തോന്നുന്നുവെങ്കിൽ ഷെയർ ചെയ്യുക)* #🏫 വിജ്ഞാനപ്രദം
എന്റെ ഉമ്മാക്ക് ഇന്നീ ലോകത്ത് എന്നെഏറ്റവും കൂടുതൽ സ്നേഹിക്കുന്ന എൻറെ ഉമ്മ.. താരാട്ട് പാടിയും ചോറ് വാരി തന്നും എന്നെ ഞാനാക്കിയ എന്റെ ഉമ്മ… വേദനിക്കുന്ന നിമിഷങ്ങളിലും സന്തോഷിക്കുന്ന നിമിഷങ്ങളിലും മനസ്സ് ആദ്യം തേടുന്നത് എന്റുമ്മയെ മാത്രം😊 #😊 Mother's Day Wishes #😍 Happy Mother's Day #mother's #Mothers day special #mother's day
🌹ബദർ യുദ്ധം അല്പം ചരിത്രം🌹 💥ബദർ യുദ്ധം ഹൃസ്വമായ നിലയിൽ അറിഞ്ഞിരിക്കണം. എങ്കിലേ ബദർ മൗലീദ് കേൾക്കുമ്പോൾ നമ്മുടെ ഈമാൻ വർദ്ധിക്കുകയുള്ളൂ ... മദീനയിൽ നിന്ന് കിലോമീറ്ററുകളോളം ദൂരമുള്ള സ്ഥലമാണ് ബദർ. അവിടെ *കിനാന* അല്ലെങ്കിൽ *ബനൂ ളംറ* ഗോത്രക്കാരനായ *ബദ്റുബ് നുയഖ് ലദ്ബ്നുന്നള്ർ* ഈ സ്ഥലത്ത് താമസിച്ചിരുന്നത് കൊണ്ടാണ് ബദർ എന്ന പേര് ലഭിച്ചത്. ഒരു വ്യക്തിയുടെ നാമം ആ നാടിന് നൽകപ്പെട്ടു... ജനവാസം കുറഞ്ഞ ഗ്രാമമായിരുന്നു ബദർ. ബദ്റുബ് ന് ഖുറൈശ് എന്നൊരാൾ അവിടെ ഒരു കിണർ കുഴിച്ചെന്നും അയാളുടെ പേര് കിണറിന് ലഭിച്ചെന്നും പിന്നീട് അത് സ്ഥല നാമമായിയെന്നും അഭിപ്രായം ഉണ്ട്. സത്യത്തിന്റെയും, അസത്യത്തിന്റെയും, വർഗ്ഗ, വർണ്ണ വിവേചനത്തിനിടയിലുള്ള ധർമ്മസമരം, ഏക ഇലാഹെന്ന അല്ലാഹു വിലുള്ള വിശ്വാസം നിലനിർത്തുന്നതിനുള്ള ഇസ്ലാമിന്റെ *ഒന്നാം സ്വാതന്ത്ര്യയുദ്ധ* മാണ് ബദർ യുദ്ധം... ഹിജ്റ രണ്ടാംവർഷം റമദാൻ മാസം 17ന് അത്യുഷ്ണമുള്ള ഒരു വെള്ളിയാഴ്ചയാണ് ഇസ്ലാമിക ചരിത്രത്തിലെ ആദ്യത്തെ ഏറ്റവും വലിയ യുദ്ധമായ ബദർ യുദ്ധം നടന്നത്. മുന്നൂറിൽപ്പരം സഹാബികൾ പ്രസ്തുത യുദ്ധത്തിൽ പങ്കെടുത്തതായി സഹീഹുൽ ബുഖാരിയിലും സഹീഹുൽ മുസ്ലിമിലും കാണാം. ആയുധങ്ങളും മറ്റ് യുദ്ധസാമഗ്രികളും ആയി വന്ന ആയിരത്തോളം ശത്രുക്കളെ സഹാബത്ത് നേരിട്ടതും ശത്രുപക്ഷത്തിന്റെ പല പ്രമുഖരും കൊല്ലപ്പെട്ടതും ഇസ്ലാമിനെ വിജയം ലഭിച്ചതും ഇവിടെ ശ്രദ്ധേയമാണ്. ബദർ യുദ്ധത്തിൽ പങ്കെടുത്ത സ്വഹാബികൾക്കാണ് ബദ് രീങ്ങൾ എന്നു പറയുന്നത്. ബദറിൽ പങ്കെടുത്തവരുടെ മഹത്വം ഇമാം ബുഖാരി അനസ് (റ) വിൽ നിന്നും നിവേദനം ചെയ്ത് രേഖപ്പെടുത്തിയതായി കാണാം... കുട്ടിയായിരുന്ന ഹാരിസ (റ) വിനു ബദർ യുദ്ധത്തിൽ അമ്പേറ്റു. അപ്പോൾ അവരുടെ മാതാവ് നബി *ﷺ* യുടെ അരികിൽ വന്നു പരാതിപ്പെട്ടപ്പോൾ നബി *ﷺ* ഇപ്രകാരം പറഞ്ഞു. നിശ്ചയം ഹാരിസ സ്വർഗത്തിലാണ്. (ബുഖാരി) അൻസാരികളിൽ നിന്ന് ആദ്യം ശഹീദായ വ്യക്തിയാണ് ഹാരിസ. ഹൗളിൽ നിന്നും വെള്ളം കുടിച്ച് കൊണ്ടിരിക്കുമ്പോൾ ശത്രുപക്ഷ ത്തിൽ നിന്നുള്ള ഹിബ്ബാ ബ്നു ഹർഖത്താണ് അമ്പെയ്ത് ഹാരിസ (റ) നെ കൊന്നത്. ജന്നത്തുൽ ഫിർദൗസാണ് ഹാരിസക്ക് വാഗ്ദാനം ചെയ്തത്... (ഉംദത്തുൽ ഖാരി: 19/94) ബദർ യുദ്ധം അനിവാര്യമായിരുന്നു. സ്വന്തം നാടും വീടും സമ്പത്തും എല്ലാം ഉപേക്ഷിച്ചു മദീനത്തേക്ക് പോന്ന ഒരു ജനതയെ അവിടെയും ജീവിക്കാൻ അനുവദിക്കില്ലെന്ന് വന്നാൽ എന്ത്ചെയ്യും..? മാത്രമല്ല അല്ലാഹു വിന്റെ ദീൻ ഇവിടെ നിലനിൽപ്പില്ലെന്ന് വന്നാൽ എന്ത് ചെയ്യും. അവസാനം നബി *ﷺ* ക്കും സ്വഹാബത്തിനും യുദ്ധം ചെയ്യേണ്ടി വന്നു... ബദർ യുദ്ധം നടന്നതിന്റെ തൊട്ട് മുമ്പത്തെ ശഅ്ബാൻ മാസത്തിലാണ് റമളാൻ നോമ്പ് നിർബന്ധമാക്കപ്പെട്ടത്. പക്ഷേ ബദർ യുദ്ധവേളയിൽ നബി *ﷺ* യും സഹാബത്തും ഇസ്ലാം അനുവദിച്ച പ്രകാരം നോമ്പും മുറിച്ചിരുന്നു... സീറത്തുൽ ഹലബി 2/148. ആയിരത്തോളം വരുന്ന ശത്രുപക്ഷത്തോടൊപ്പം 600 അങ്കികളും, 100 കുതിരകളും,700 ഒട്ടകങ്ങളും, പാട്ടുപാടി നിർത്തം വെച്ച് ആവേശം കൊള്ളിക്കാൻ നർത്തകിമാരും കൂടെ ഉണ്ടായിരുന്നു. മുസ്ലിം പക്ഷത്ത് 313 സഹാബികളും, 60 അങ്കികളും രണ്ട് കുതിരകളും മാത്രമാണ് ഉണ്ടായിരുന്നത്... മൂന്ന് പതാകകൾ ബദർ യുദ്ധത്തിൽ മുസ്ലിംകൾ വഹിച്ചിരുന്നു. ഒരു വെളുത്തതും രണ്ട് കറുത്തതുമായ പതാകകൾ. വെളുത്ത കൊടി മിസ്അബു ബ്നു ഉമൈർ (റ)വും, കറുത്ത കൊടികൾ ഒന്ന് അലി (റ)വും മറ്റൊന്ന് സഅദുബ്നു മുആദ് (റ) വുമായിരുന്നു പിടിച്ചിരുന്നത്... ശത്രുപക്ഷത്ത് നിന്നും 70 പേർ കൊല്ലപ്പെടുകയും, 70 പേരെ മുസ്ലിംകൾ ബന്ധിയാക്കുകയും ചെയ്തു. മുസ്ലിം പക്ഷത്ത് നിന്ന് പതിനാല് പേര് ശഹീദായി. 8 അൻസാറുകൾ 6 മുഹാജിറുകൾ (മക്കയിൽ നിന്നും മദീനയിലേക്ക് ഹിജറ പോയവർ). 1. ഉബൈദത്തുബ്നു ഹാരിസ് (റ) 2. ഉമൈറുബ്നു അബീവഖാസ് (റ) 3. ദുശ്ശിമാലയ്നി (റ) 4. ആഖിലുബ്നു ബുഖൈർ (റ) 5. മിഹജത്ത് (റ) 6. സ്വഫ് വാൻ (റ) എന്നിവ രാണ് മുഹാജിറുകൾ... 1. സഅദ് (റ) 2. മുബശ്ശിർ (റ) 3. യസീദ് (റ) 4. ഉമൈറുബ്നുൽ ഹുമാം (റ) 5. റാഫിഅ്‌ (റ) 6. ഹാരിസ് (റ) 7. ഔഫുബ്നു ഹാരിസ് (റ) 8. മുഅവ്വിദ് (റ) എന്നിവരാണ് അൻസാറുകൾ ... ബദ് രീങ്ങൾ ആദരിക്കപ്പെട്ടത് പോലെ അവരുടെ നാമങ്ങളും ആദരിക്കപ്പെട്ടതാണ്. അവരുടെ നാമങ്ങൾ എഴുതി വെക്കുന്നതും, പാരായണം ചെയ്യുന്നതും വലിയ പുണ്യമുള്ള അമലാണ്... വല്ല വ്യക്തിയും സ്വന്തം ശരീരത്തിന്റെയോ, വീടുകളിലോ, ചരക്കുകളിലോ, കടകളിലോ അസ്മാഉൽ ബദർ എഴുതി വെച്ചാൽ അത് മുഖേന അല്ലാഹുവിന്റെ കാവലും, സർവ്വ വിഷമങ്ങളിൽ നിന്നും അവനു അല്ലാഹു മുക്തിയും നൽകുന്നതാണെന്ന് ഇമാമുകൾ ഉദ്ദരിച്ചതായി കാണാം... പ്രമുഖ സ്വഹാബീവനിത ബീവി റുബയ്യിഅ (റ) പറയുന്നു. എന്റെ വിവാഹ ദിവസം തിരുനബി *ﷺ* എന്റെ വീട്ടിലേക്ക് വന്നു. അന്ന് എന്റെ വീട്ടിൽ ചില പെൺകുട്ടികൾ ബദറിൽ ശഹീദായ ശുഹദാക്കളുടെ പേരുകൾ പറഞ്ഞ് ബദർപാട്ട് പാടിക്കൊണ്ടിരിക്കുകയായിരുന്നു. ഇത് കേട്ട് കൊണ്ടാണ് നബി *ﷺ* തങ്ങൾ എന്റെ വീട്ടിലേക്ക് കയറിവന്നത്. എന്റെ അരികിൽ നബി *ﷺ* തങ്ങൾ ഇരുന്നു. ഇത് കണ്ട പെൺകുട്ടികൾ ബദർപാട്ടുകൾ നിർത്തി നബി *ﷺ* യുടെ മദ്ഹ് ചെല്ലാൻ തുടങ്ങി. അതിൽ ഒരു പെൺകുട്ടി ഇങ്ങനെപാടി : وفينا نبيي يعلم ما في غد : (വഫീനാ നബിയ്യും യ അലമു മാഫീ ഗദി ) [അർത്ഥം: വരാനിരിക്കുന്ന കാര്യങ്ങൾ അറിയുന്ന ഒരു പ്രവാചകൻ ഞങ്ങളിലുണ്ട്.] ഇത് കേട്ട നബി *ﷺ* തങ്ങൾ തൽസമയം ഇങ്ങനെ പറഞ്ഞു. എന്നെ പറ്റി യുള്ള കാവ്യം നീ ഉപേക്ഷിക്കുക. ആദ്യം ആലപിച്ചത് തന്നെ തുടരുക... (ബുഖാരി) ബദർ ശുഹദാക്കളുടെ കാവ്യം ആലപിച്ചു കൊണ്ടിരിക്കുന്നതിനിടയിൽ തിരുനബി *ﷺ* യെ കുറിച്ചു പറഞ്ഞതു കൊണ്ടാണ് അത് നിർത്താൻ നബി *ﷺ* ആ കുട്ടികളോട് ആവശ്യപ്പെട്ടത് ... (മിർഖാത്ത് 3/419) എല്ലാ വർഷവും റമളാൻ 17 വരുമ്പോൾ മുസ്ലീംകൾ ബദർ ദിനം ആചരിക്കുന്നു. പ്രസ്തുത ദിവസം ബദർ മൗലീദും യാസീനും ഓതി ഭക്ഷണ വിതരണം നടത്തുന്ന ചര്യ നൂറ്റാണ്ടുകളായി നിലനിന്ന് പോരുന്ന ഒരു സദാചാരമാണ്. ബദ് രീങ്ങളുടെ പേരുകൾ പറഞ്ഞ് തവസ്സുലാക്കി ദുആ ചെയ്താൽ അല്ലാഹു അവന്റെ ആവശ്യം നിർവ്വഹിച്ച് കൊടുക്കുമെന്ന് പണ്ഡിതന്മാർ രേഖപ്പെടുത്തിയിട്ടുണ്ട്... നമ്മുടെ മുൻകാമികൾ ബദർ പാട്ടും, മൗലിദും വീട്ടിലും പള്ളികളിലും നടത്തുകയും, ഭക്ഷണം കൊടുക്കുകയും, വിതരണം ചെയ്യുകയും ചെയ്തിരുന്നു. ബദർ ആണ്ട് നേർച്ച നടത്തലും, അതിലേക്ക് വസ്തുക്കൾ നേർച്ചയാക്കലും പുണ്യകരമായ കാര്യമാണ്. അതാതു നാട്ടിലെപതിവും, വഴക്കവുമാണ് പരിഗണിക്കേണ്ടത് ... (തുഹ്ഫ10/100) [കടപ്പാട് ✍️🏼] ഹുസൈൻ കാമിൽ ഓമച്ചപ്പുഴ ഹബീബിന്റെ (ﷺ) ചാരത്തേക്ക്‌ എപ്പോഴും സ്വലാത്തുകൾ വർഷിക്കട്ടെ... *🌹اللَّهُمَّ صَلِّ عَلَى سَيِّدِنَا مُحَمَّدٍ* *وَعَلَى آلِ سَيِّدِنَا مُحَمَّدٍ* *وَبَارِكْ وَسَلِّمْ عَلَيْه🌹* ☆☆☆☆☆☆☆☆☆☆☆☆☆☆ (വായിക്കുക,ജീവിതത്തിൽ പകർത്തുക , ഈ അറിവ് മറ്റുള്ളവരിലേയ്ക് എത്തിക്കുക !!!) അല്ലാഹു അനുഗ്രഹിക്കുമാറാകട്ടെ..آمـــــــــــــين #📜 ചരിത്രം ☆☆☆☆☆☆☆☆☆☆☆☆☆ ☆