#🙏ਕੀ ਹੁੰਦਾ ਹੈ "ਜ਼ੌਂਬੀ ਡਰੱਗ" #👉 Breking News 🆕 #👉 ਤਾਜ਼ਾ ਅਪਡੇਟਸ, #📰 ਅੱਜ ਦੀਆਂ ਤਾਜਾ ਖਬਰਾਂ 😱 ਚੰਡੀਗੜ੍ਹ (ਸ਼ੀਨਾ) : ਮਾਰਚ 2026 ਦੇ ਅਖੀਰ ’ਚ ਸੈਕਟਰ-33 ਬੀ ਦੀ ਸੀ.ਸੀ.ਟੀ.ਵੀ. ਫੁਟੇਜ ’ਚ ਇਕ ਡਿਲੀਵਰੀ ਬੁਆਏ ਨੂੰ ਲਗਭਗ ਦੋ ਘੰਟਿਆਂ ਲਈ ਅਜੀਬ ਕਿਸਮ ਦਾ ਨਸ਼ਾ ਜਿਸ ਨੂੰ ਲੋਕਾਂ ਵਲੋਂ ਜ਼ੌਂਬੀ ਡਰੱਗ ਕਿਹਾ ਗਿਆ ਹੈ, ਇਸ ’ਚ ਵਿਅਕਤੀ ਇਸ ਨਸ਼ੇ ਨਾਲ ਇੱਕੋ ਥਾਂ ’ਤੇ ਖੜ੍ਹਾ ਦੇਖਿਆ ਗਿਆ। ਇਸੇ ਤਰ੍ਹਾਂ ਇਕ ਹੋਰ ਵੀਡੀਓ ਸਾਹਮਣੇ ਆਈ, ਜਿਸ ’ਚ ਇਕ ਮਜ਼ਦੂਰ ਸੜਕ ’ਤੇ ਨਸ਼ਾ ਕਰਕੇ ਲਗਾਤਾਰ ਕਈ ਘੰਟੇ ਖੜੇ ਰਿਹਾ। ਜਿਹੜੇ ਲੋਕਾਂ ਨੇ ਉਸ ਨੂੰ ਦੇਖਿਆ ਉਹ ਦੇਖ ਕੇ ਹੈਰਾਨ ਵੀ ਸਨ ਤੇ ਘਬਰਾ ਰਹੇ ਸਨ। ਕੁਝ ਨੇ ਇਸ ਨੂੰ ਜ਼ੌਂਬੀ ਵਰਗਾ ਕਿਹਾ ਪਰ ਅਜਿਹੇ ਹੁਣ 5 ਕੇਸ ਦੇਖਣ ਨੂੰ ਮਿਲੇ ਹਨ ਜਿਸ ਨਾਲ ਲੋਕਾਂ ’ਚ ਡਰ ਦਾ ਮਾਹੌਲ ਹੈ ਪਰ ਇਸ ਲਈ ਪੀ.ਜੀ.ਆਈ. ਦੇ ਮਨੋਵਿਗਿਆਨ ਵਿਭਾਗ ਦੇ ਡਾ. ਸ਼ਿਤਿਜ ਤੇ ਡਾ. ਰਾਹੁਲ ਨੇ ਖਾਸ ਜਾਣਕਾਰੀ ਸਾਂਝੀ ਕੀਤੀ ਹੈ ਜਿਸ ਲਈ ਲੋਕਾਂ ’ਚ ਇਸ ਦੇ ਡਰ ਨੂੰ ਕੱਢਿਆ ਜਾਵੇ। ਕੀ ਹੁੰਦਾ ਹੈ ਜ਼ੌਂਬੀ ਡਰੱਗ? ਪੀ.ਜੀ.ਆਈ. ਦੇ ਮਨੋਵਿਗਿਆਨ ਵਿਭਾਗ ਦੇ ਡਾ. ਸ਼ਿਤਿਜ ਨੇ ਦੱਸਿਆ ਕਿ ਇਹ ਇਕ ਜਾਇਲਾਜਿਨ ਤੇ ਫੈਟਾਮਿਨ ਡਰੱਗ ਦਾ ਸੁਮੇਲ ਹੈ। ਜਾਇਲਾਜਿਨ ਇਕ ਅਜਿਹਾ ਡਰੱਗ ਹੈ ਜੋ ਕਿ ਆਮ ਤੌਰ ’ਤੇ ਜਾਨਵਰਾਂ ਨੂੰ ਸੁਲਾਉਣ ਲਈ ਵਰਤਿਆ ਜਾਂਦਾ ਹੈ। ਹੁਣ ਤੱਕ ਜਿੰਨਿਆਂ ਦੀਆਂ ਰਿਪੋਰਟਾਂ ਆਈਆਂ ਹਨ ਉਨ੍ਹਾਂ ’ਚ ਜਾਇਲਾਜਿਨ ਦਾ ਇਸਤੇਮਾਲ ਹੀ ਪਾਇਆ ਗਿਆ ਹੈ। ਕਈ ਕੇਸਾਂ ’ਚ ਇਸ ਨਾਲ ਫੈਂਟਾਮਿਨ ਵੀ ਵਰਤੀ ਜਾਂਦੀ ਹੈ ਜੋ ਕਿ ਹੈਰੋਇਨ ਤੋਂ ਵੀ ਤੇਜ਼ ਤੇ ਖਤਰਨਾਕ ਡਰੱਗ ਹੈ। ਇਸ ਨੂੰ ਲੈਣ ਨਾਲ ਇਨਸਾਨ ਦਾ ਸੁਭਾਅ ਇਕਦਮ ਬੇਹੋਸ਼ੀ ਵਾਲਾ ਹੋ ਜਾਂਦਾ ਹੈ ਜਿਸ ਕਾਰਨ ਉਹ ਕਈ ਸਮਾਂ ਘੰਟਿਆਂ ਬੱਧੀ ਇੱਕੋ ਪੋਜ਼ੀਸ਼ਨ ’ਚ ਰਹਿੰਦੇ ਹਨ। ਇਸ ਨਾਲ ਆਮ ਲੋਕਾਂ ਦੇਖਣ ’ਚ ਉਹ ਇਨਸਾਨ ਖਤਰਨਾਕ ਲੱਗਦਾ ਹੈ ਜਿਸ ਨੂੰ ਆਮ ਭਾਸ਼ਾ ’ਚ ਅਸੀਂ ਜ਼ੌਂਬੀ ਵੀ ਕਹਿ ਦਿੰਦੇ ਹਾਂ। ਜਾਇਲਾਜਿਨ ਕੀ ਹੈ? ਜਾਇਲਾਜਿਨ ਅਸਲ ’ਚ ਇਕ ਤਰ੍ਹਾਂ ਦਾ ਡਰੱਗ ਹੈ ਜੋ ਕਿ ਖਤਰਨਾਕ ਜਾਨਵਰਾਂ ਨੂੰ ਸ਼ਾਂਤ ਕਰਨ ਜਾਂ ਉਨ੍ਹਾਂ ਨੂੰ ਸੁਲਾਉਣ ਲਈ ਵਰਤਿਆ ਜਾਂਦਾ ਹੈ। ਜਦੋਂ ਕਿਸੇ ਖੂੰਖਾਰ ਜਾਨਵਰ ਨੂੰ ਸ਼ਾਂਤ ਕਰਨਾ ਹੋਵੇ ਜਾਂ ਉਸ ਦਾ ਇਲਾਜ ਕਰਨਾ ਹੋਵੇ ਤਾਂ ਉਸ ਨੂੰ ਸ਼ਾਂਤ ਕਰਨ ਜਾਂ ਸੁਲਾਉਣ ਲਈ ਇਸ ਡਰੱਗ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜਿਸ ਨਾਲ ਉਹ ਲੰਬੇ ਸਮੇਂ ਲਈ ਨੀਂਦ ’ਚ ਚਲੇ ਜਾਂਦੇ ਹਨ। ਜਦੋਂ ਇਸ ਤਰ੍ਹਾਂ ਦੇ ਡਰੱਗ ਦੀ ਮਾਰਕੀਟ ’ਚ ਕਮੀ ਹੋ ਜਾਂਦੀ ਹੈ ਤਾਂ ਉਸ ਦੀ ਥਾਂ ਦੂਜੀ ਡਰੱਗ ਮਾਰਕੀਟ ’ਚ ਸਪਲਾਈ ਕੀਤੀ ਜਾਂਦੀ ਹੈ। ਉਸ ਦੀ ਲੋਕਾਂ ਵੱਲੋਂ ਪਹਿਲਾਂ ਕਦੇ ਵਰਤੋਂ ਨਹੀਂ ਕੀਤੀ ਹੁੰਦੀ ਜਾਂ ਉਸ ਬਾਰੇ ਮੌਜੂਦਾ ਜਾਣਕਾਰੀ ਨਹੀਂ ਹੁੰਦੀ ਪਰ ਉਹ ਇਸ ਦੀ ਵਰਤੋਂ ਕਰਦੇ ਹਨ ਤਾਂ ਅਜਿਹੇ ਮਾਮਲੇ ਦੇਖਣ ਨੂੰ ਮਿਲਦੇ ਹਨ। ਫੈਂਟਾਲਿਨ ਕੀ ਹੈ? ਅਮਰੀਕਾ ’ਚ ਫੈਂਟਾਲਿਨ ਡਰੱਗ ਆਮ ਹੈ ਜਿਸ ਦੀ ਵਰਤੋਂ ਗਲਤ ਤਰੀਕੇ ਨਾਲ ਕਰਨ ’ਤੇ ਲੋਕ ਕਈ ਘੰਟੇ ਇੱਕੋ ਹਾਲਤ ’ਚ ਬੈਠੇ ਰਹਿੰਦੇ ਹਨ ਪਰ ਹੁਣ ਇਹ ਇੰਡੀਆ ’ਚ ਵੀ ਆ ਗਿਆ ਹੈ। ਫੈਂਟਾਲਿਨ ਨੂੰ ਜੇਕਰ ਚੰਗੇ ਤਰੀਕੇ ਨਾਲ ਵਰਤਿਆ ਜਾਵੇ ਤਾਂ ਇਹ ਇਕ ਬਹੁਤ ਵਧੀਆ ਦਵਾਈ ਹੈ ਪਰ ਇਸ ਦੀ ਵਰਤੋਂ ਗਲਤ ਤਰੀਕੇ ਨਾਲ ਕਰਨ ਨਾਲ ਇਹ ਨਸ਼ੇ ਵਜੋਂ ਕੰਮ ਕਰਦਾ ਹੈ ਤੇ ਬਹੁਤ ਖਤਰਨਾਕ ਵੀ ਹੈ। ਫੈਂਟਾਮਿਨ ਹੈਰੋਇਨ ਤੋਂ ਵੀ ਤੇਜ਼ ਤੇ ਖਤਰਨਾਕ ਡਰੱਗ ਹੈ। ਸੋਸ਼ਲ ਮੀਡੀਆ ’ਤੇ ਲੋਕਾਂ ਦਾ ਆਪਸ ’ਚ ਜੁੜੇ ਹੋਣ ਨਾਲ ਇਸ ’ਚ ਵਾਧਾ ਹੋਣਾ ਜਾਇਜ਼ ਹੈ। ਇਸ ਬਾਰੇ ਸਾਨੂੰ ਜਲਦੀ ਜਾਗਰੂਕ ਹੋਣਾ ਚਾਹੀਦਾ ਹੈ ਤੇ ਸਿਟੀ ਬਿਊਟੀਫੁੱਲ ’ਚ ਇਸ ਦੀ ਵਰਤੋਂ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਇਸ ਬਾਰੇ ਪੁਰੀ ਜਾਂਚ-ਪੜਤਾਲ ਕਰਕੇ ਇਸ ਡਰੱਗ ਨੂੰ ਰੋਕਣ ਦੇ ਕਦਮ ਉਠਾਉਣੇ ਚਾਹੀਦੇ ਹਨ ਤੇ ਚੋਰੀ ਜਾਂ ਨਾਜਾਇਜ਼ ਵੇਚਣ ਵਾਲਿਆਂ ਵਿਰੁੱਧ ਸਖ਼ਤ ਕਾਰਵਾਈ ਹੋਣੀ ਚਾਹੀਦੀ ਹੈ। ਦਿਮਾਗ ਨੂੰ ਸੁੰਨ ਕਰ ਰਿਹਾ ਜਾਇਲਾਜਿਨ-ਫੈਂਟਾਮਿਨ ਪੀ.ਜੀ.ਆਈ. ਦੇ ਮਨੋਵਿਗਿਆਨ ਵਿਭਾਗ ਦੇ ਸਹਾਇਕ ਪ੍ਰੋਫੈਸਰ ਡਾ. ਰਾਹੁਲ ਚੱਕਰਵਰਤੀ ਨੇ ਕਿਹਾ ਕਿ ਇਸ ਡਰੱਗ ਦਾ ਕੰਮ ਬੇਸ਼ੱਕ ਖੂੰਖਾਰ ਜਾਨਵਰਾਂ ਨੂੰ ਕੰਟਰੋਲ ਕਰਨਾ ਹੈ ਪਰ ਇਸ ਦੀ ਇਨਸਾਨੀ ਸਰੀਰ ’ਚ ਲੋੜ ਤੋਂ ਵੱਧ ਮਾਤਰਾ ਇਕ ਖਤਰਨਾਕ ਤੇ ਮਾਰੂ ਨਸ਼ੇ ਵਾਂਗ ਕੰਮ ਕਰਦੀ ਹੈ। ਮੰਨ ਲਓ ਕੋਈ ਹੈਰੋਇਨ ਲੈ ਰਿਹਾ ਹੈ ਤੇ ਉਸ ਨੂੰ ਪਤਾ ਹੈ ਕਿ ਉਸ ਨੂੰ ਇਸ ਦੀ ਕਿੰਨੀ ਮਾਤਰਾ ਨਾਲ ਕਿਸ ਤਰ੍ਹਾਂ ਦਾ ਨਸ਼ਾ ਹੋਵੇਗਾ ਪਰ ਜੋ ਜਾਇਲਾਜਿਨ ਜਾਂ ਫੈਂਟਾਮਿਨ ਨੂੰ ਮਿਲਾ ਕੇ ਲੈ ਰਹੇ ਹਨ ਉਨ੍ਹਾਂ ਨੂੰ ਇਸ ਗੱਲ ਦਾ ਬਿਲਕੁਲ ਨਹੀਂ ਪਤਾ ਕਿ ਇਸ ਦਾ ਸਰੀਰ ’ਤੇ ਕੀ ਅਸਰ ਹੋਵੇਗਾ। ਇਹ ਨਸ਼ਾ ਇਕ ਦਮ ਦਿਮਾਗ ਤੇ ਹਿਟ ਕਰਦਾ ਹੈ ਤੇ ਇਨਸਾਨ ਨੂੰ ਬੇਸੁੱਧ ਕਰ ਦਿੰਦਾ ਹੈ ਜਿਸ ਨਾਲ ਉਹ ਅੱਧਮਰੀ ਹਾਲਤ ’ਚ ਦਿਖਦੇ ਹਨ।ਦੂਜੇ ਪਾਸੇਸਚੰਡੀਗੜ੍ਹ ਦੇ ਐੱਸ.ਐੱਸ.ਪੀ ਕੰਵਰਦੀਪ ਕੌਰ ਨੇ ਜਾਰੀ ਵੀਡੀਓ ’ਚ ਜਾਣਕਾਰੀ ਦਿੰਦਿਆ ਕਿਹਾ ਕਿ ਸਾਡੇ ਕੋਲ ਅਜਿਹੀਆਂ ਕਈ ਵੀਡੀਓ ਆਈਆਂ ਸਨ ਜਿਨ੍ਹਾਂ ’ਚੋਂ ਇਕ ਵੀਡੀਓ ’ਚ ਮੁੰਡਾ ਚੰਡੀਗੜ੍ਹ ਦਾ ਸੀ ਜੋ ਕਿ ਇਕ ਡਿਲੀਵਰੀ ਵਜੋਂ ਕੰਮ ਕਰਦਾ ਹੈ ਤੇ ਧਨਾਸ ਦਾ ਵਾਸੀ ਹੈ। ਉਹ ਡਰਾਈਵਰ ਹੈ ਤੇ ਡਿਲੀਵਰੀ ਦਾ ਕੰਮ ਕਰਦਾ ਹੈ ਤੇ ਮੋਹਾਲੀ ਤੋਂ ਉਸ ਨੇ ਹੈਰੋਇਨ ਲੈ ਕੇ ਉਸ ਦਾ ਇਸਤੇਮਾਲ ਕੀਤਾ ਸੀ। ਜਦ ਉਹ ਚੰਡੀਗੜ੍ਹ ਵੱਲ ਪੁਹੰਚਿਆ ਤਾਂ ਉਸ ਨੂੰ ਅਚਾਨਕ ਤੇਜ ਨਸ਼ਾ ਮਹਿਸੂਸ ਹੋਇਆ ਜਿਸ ਕਾਰਨ ਉਹ ਰੁਕ ਗਿਆ। ਬਾਕੀ ਵੀਡੀਓ ਹੋਰ ਸੂਬਿਆਂ ਦੀਆਂ ਹਨ। ਫਿਲਹਾਲ ਸਾਡੇ ਕੋਲ ਅਜਿਹਾ ਕੋਈ ਹੋਰ ਮਾਮਲਾ ਨਹੀਂ ਆਇਆ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਉਸ ਬਾਰੇ ਪੁਖਤਾ ਜਾਣਕਾਰੀ ਲੈ ਕੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ ਤੇ ਪੁਲਸ ਪ੍ਰਸ਼ਾਸਨ ਇਸ ਡਰੱਗ ਬਾਰੇ ਸਬੰਧਤ ਜਾਣਕਾਰੀ ਰੱਖ ਰਹੀ ਹੈ।

#😭PRTC ਬੱਸ ਨਾਲ ਵੱਡਾ ਹਾਦਸਾ, ਕੰਡਕਟਰ ਦੀ ਮੌਤ #🚓ਐਕਸੀਡੈਂਟ ਦੀਆਂ ਖ਼ਬਰਾਂ, ਬੰਗਾ (ਰਾਕੇਸ਼ ਅਰੋੜਾ) : ਅੱਜ ਤੜਕਸਾਰ ਬੰਗਾ ਫਗਵਾੜਾ ਨੈਸ਼ਨਲ ਹਾਈਵੇ 'ਤੇ ਸਥਿਤ ਪਿੰਡ ਮੱਲਾ ਸੋਡੀਆ ਨਜ਼ਦੀਕ ਪੰਜਾਬ ਰੋਡਵੇਜ਼ ਦੀ ਬਸ ਅਤੇ ਟਿੱਪਰ ਵਿਚਕਾਰ ਹੋਈ ਟੱਕਰ ਦੌਰਾਨ ਬੱਸ ਕੰਡਕਟਰ ਦੀ ਮੌਤ ਅਤੇ ਬੱਸ ਡਰਾਈਵਰ ਸਮੇਤ 17 ਦੇ ਕਰੀਬ ਸਵਾਰੀਆਂ ਦੇ ਜ਼ਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਪੀ. ਆਰ. ਟੀ. ਸੀ. ਅੰਮ੍ਰਿਤਸਰ ਦੀ ਬੱਸ ਨੰਬਰ ਪੀ. ਬੀ. 02 ਈਜੀ 2687 ਜਿਸ ਨੂੰ ਗੁਰਪ੍ਰੀਤ ਸਿੰਘ ਪੁੱਤਰ ਸੁਰਜੀਤ ਸਿੰਘ ਨਿਵਾਸੀ ਕਮਲਪੁਰ ਜ਼ਿਲ੍ਹਾ ਤਰਨਤਾਰਨ ਨਾਮੀ ਡਰਾਈਵਰ ਚਲਾ ਰਿਹਾ ਸੀ ਜਿਸ ਨਾਲ ਕੰਡਕਟਰ ਰਾਜਵਿੰਦਰ ਸਿੰਘ ਪੁੱਤਰ ਲਖਵਿੰਦਰ ਸਿੰਘ ਨਿਵਾਸੀ ਰਵਾਨਾ ਚੱਕ ਜ਼ਿਲ੍ਹਾ ਅੰਮ੍ਰਿਤਸਰ ਸਵਾਰ ਸੀ ਜੋ ਸਵਾਰੀਆ ਨੂੰ ਲੈਕੇ ਚੰਡੀਗੜ੍ਹ ਤੋਂ ਅੰਮ੍ਰਿਤਸਰ ਨੂੰ ਜਾ ਰਹੇ ਸਨ। ਜਿਵੇਂ ਹੀ ਉਪਰੋਕਤ ਬੱਸ ਦੁਰਘਟਨਾ ਸਥਾਨ 'ਤੇ ਪੁੱਜੀ ਤਾਂ ਆਪਣੇ ਤੋਂ ਅੱਗੇ ਜਾ ਰਹੇ ਟਿੱਪਰ ਨੰਬਰ ਪੀ. ਬੀ. 09 ਐਸ 5509 ਨਾਲ ਜਾ ਟਕਰਾਈ ਅਤੇ ਬੇਕਾਬੂ ਹੋ ਕੇ ਖੇਤਾਂ ਵਿਚ ਜਾ ਵੜੀ ਅਤੇ ਟਿੱਪਰ ਸੜਕ ਵਿਚਕਾਰ ਹੀ ਪਲਟ ਗਿਆ। ਹਾਦਸਾ ਇੰਨਾ ਜ਼ਬਰਦਸਤ ਸੀ ਕਿ ਬੱਸ ਦਾ ਡਰਾਈਵਰ ਅਤੇ ਕੰਡਕਟਰ ਬੁਰੀ ਤਰ੍ਹਾਂ ਨਾਲ ਬੱਸ ਵਿਚ ਫਸ ਗਏ। ਜਿਨਾਂ ਨੂੰ ਮੌਕੇ 'ਤੇ ਹਾਜ਼ਰ ਰਾਹਗੀਰਾਂ ਅਤੇ ਥਾਣਾ ਬਹਿਰਾਮ ਦੇ ਪੁਲਸ ਅਧੀਕਾਰੀ ਐੱਸ. ਐੱਚ. ਓ ਐਸਾ ਆਈ ਰਾਮਪਾਲ, ਏ. ਐੱਸ. ਆਈ ਬਲਿਹਾਰ ਸਿੰਘ ਅਤੇ ਐੱਸ. ਐੱਸ. ਐੱਫ ਦੀਆਂ ਟੀਮ ਏ. ਐੱਸ. ਆਈ ਗੁਰਦੀਪ ਰਾਮ ਕਾਂਸਟੇਬਲ ਰੋਹਿਤ ਮੋਨਿਕਾ ਅਤੇ ਮਨਪ੍ਰੀਤ ਸਿੰਘ ਨੇ ਨੈਸ਼ਨਲ ਹਾਈਵੇ ਦੀ ਰਿਕਵਰੀ ਵੈਨ ਨਾਲ ਬਹੁਤ ਮਸ਼ੱਕਤ ਉਪਰੰਤ ਬੱਸ ਵਿਚੋਂ ਬਾਹਰ ਕੱਢਿਆ ਅਤੇ ਬੱਸ ਵਿਚ ਸਵਾਰ ਸਵਾਰੀਆਂ ਨੂੰ 108 ਅਤੇ ਨੈਸ਼ਨਲ ਹਾਈਵੇ ਦੀ ਐਬੂਲੈਂਸ ਦੁਆਰਾ ਸਿਵਲ ਹਸਪਤਾਲ ਪਹੁੰਚਾਇਆ ਜਦੋਂ ਕਿ ਬੱਸ ਦੇ ਡਰਾਈਵਰ ਨੂੰ ਨਜ਼ਦੀਕੀ ਪੈਂਦੇ ਹਸਪਤਾਲ ਢਾਹਾਂ ਕਲੇਰਾਂ ਵਿਖੇ ਦਾਖਲ ਕਰਵਾਇਆ ਗਿਆ।  ਜਿੱਥੇ ਡਾਕਟਰੀ ਟੀਮ ਨੇ ਬੱਸ ਦੇ ਕੰਡਕਟਰ ਰਾਜਵਿੰਦਰ ਸਿੰਘ ਦੀ ਹਾਲਤ ਨੂੰ ਗੰਭੀਰ ਵੇਖਦੇ ਹੋਏ ਉਸਨੂੰ ਸਿਵਲ ਹਸਪਤਾਲ ਨਵਾਂਸ਼ਹਿਰ ਅਤੇ ਜ਼ਖਮੀ ਮਨਜੀਤ ਕੌਰ ਨਮੀ ਸਵਾਰੀ ਨੂੰ ਹਸਪਤਾਲ 32 ਚੰਡੀਗੜ੍ਹ ਲਈ ਰੈਫਰ ਕਰ ਦਿੱਤਾ। ਜਿੱਥੇ ਇਲਾਜ ਦੌਰਾਨ ਬਸ ਦੇ ਕੰਡਕਟਰ ਦੀ ਮੌਤ ਹੋ ਗਈ ਜਦੋਂ ਕਿ ਬੱਸ ਵਿਚ ਸਵਾਰ ਸਵਾਰੀਆਂ ਵਿਚ ਇਸ਼ਿਤਾ ਸ਼ਰਮਾ ਪੁੱਤਰੀ ਰਾਜੀਵ ਕੁਮਾਰ ਨਿਵਾਸੀ ਗੋਕਲ ਵਿਹਾਰ, ਬਟਾਲਾ, ਕਿਰਨਾ ਪਤਨੀ ਪਦਮ ਸਿੰਘ ਨਿਵਾਸੀ ਸਿਹਲਵਾ ਫਤਿਹਪੁਰ ਰੂਪਨਗਰ, ਸੁਰਿੰਦਰ ਪਾਲ ਸਿੰਘ ਪੁੱਤਰ ਧਨੀ ਰਾਮ ਨਿਵਾਸੀ ਗੋਬਿੰਦ ਕਲੋਨੀ ਸੈਕਟਰ 11 ਖਰੜ, ਰਾਣੀ ਪਤਨੀ ਸੁਰਿੰਦਰ ਪਾਲ ਸਿੰਘ ਨਿਵਾਸੀ ਗੋਬਿੰਦ ਕਲੋਨੀ ਸੈਕਟਰ 11 ਖਰੜ, ਕਿਰਨ ਮਾਨ ਪੁੱਤਰੀ ਸੁਰਿੰਦਰ ਪਾਲ ਸਿੰਘ ਨਿਵਾਸੀ ਗੋਵਿੰਦ ਕਲੋਨੀ ਸੈਕਟਰ 11 ਖਰੜ, ਰੀਤੂ ਰਾਣੀ ਪਤਨੀ ਰਾਮਪਾਲ ਨਿਵਾਸੀ ਫਤਿਹਪੁਰ ਰੂਪਨਗਰ, ਨੀਤਾ ਰਾਣੀ ਪਤਨੀ ਭੀਮ ਸਿੰਘ ਨਿਵਾਸੀ ਫਤਿਹਪੁਰ ਰੂਪਨਗਰ, ਗਗਨਪ੍ਰੀਤ ਪੁਤਰੀ ਜਗਦੀਸ਼ ਕੁਮਾਰ ਨਿਵਾਸੀ ਨਵਾਂਸ਼ਹਿਰ, ਨੀਲਮ ਕੌਰ ਪਤਨੀ ਸੁਭਾਸ਼ ਨਿਵਾਸੀ ਖਰੜ ਨਜ਼ਦੀਕ ਗੁਰੂ ਤੇਗ ਬਹਾਦਰ ਗੁਰਦੁਆਰਾ ਸਾਹਿਬ, ਸੁਮਨ ਪਤਨੀ ਜਗਦੀਸ਼ ਕੁਮਾਰ ਨਿਵਾਸੀ ਨਵਾਂਸ਼ਹਿਰ, ਸਬਿਤਾ ਕਪੂਰਪਤਨੀ ਧਰਮਿੰਦਰ ਕਪੂਰ ਨਿਵਾਸੀ ਖਰੜ, ਕਰਿਸ਼ਮਾ ਪਤਨੀ ਬਾਲ ਕ੍ਰਿਸ਼ਨ ਨਿਵਾਸੀ ਨਵਾਂਸ਼ਹਿਰ, ਸੁਨੀਤਾ ਦੇਵੀ ਪਤਨੀ ਧਰਮਿੰਦਰ ਸਿੰਘ ਨਿਵਾਸੀ ਨਵਾਂਸ਼ਹਿਰ, ਕਨੂੰ ਪੁੱਤਰੀ ਅਸ਼ੋਕ ਕੁਮਾਰ ਨਿਵਾਂਸੀ ਜਲੰਧਰ, ਜਸਵੰਤ ਰਾਏ ਪੁੱਤਰ ਹਰਭਜਨ ਦਾਸ ਨਿਵਾਸੀ ਮਜਾਰੀ ਨੇੜੇ ਬੰਗਾ ਜੋ ਸਿਵਲ ਹਸਪਤਾਲ ਬੰਗਾ ਵਿਖੇ ਜੇਰੇ ਇਲਾਜ ਸਨ।  ਸਿਵਲ ਹਸਪਤਾਲ ਵਿਚ ਜ਼ੇਰੇ ਇਲਾਜ ਸਵਾਰੀਆਂ ਨੇ ਦੱਸਿਆ ਕਿ ਉਹ ਬਿਆਸ ਵਿਖੇ ਮੱਥਾ ਟੇਕਣ ਲਈ ਜਾ ਰਹੇ ਸਨ ਅਤੇ ਬੱਸ ਦਾ ਡਰਾਈਵਰ ਬੱਸ ਨੂੰ ਬਹੁਤ ਤੇਜ਼ੀ ਨਾਲ ਚਲਾ ਰਿਹਾ ਸੀ, ਜਿਸ ਨੂੰ ਉਨ੍ਹਾਂ ਨੇ ਵਾਰ-ਵਾਰ ਬੱਸ ਨੂੰ ਹੌਲੀ ਚਲਾਉਣ ਲਈ ਕਿਹਾ ਸੀ ਪਰ ਉਸ ਨੇ ਉਨ੍ਹਾਂ ਦੀ ਇਕ ਨਹੀਂ ਸੁਣੀ ਅਤੇ ਆਖਿਰ ਹਾਦਸਾ ਵਾਪਰ ਗਿਆ। ਥਾਣਾ ਬਹਿਰਾਮ ਦੇ ਏਐੱਸਆਈ ਬਲਿਹਾਰ ਸਿੰਘ ਨੇ ਦੱਸਿਆ ਕਿ ਦੋਵਾਂ ਵਾਹਨਾਂ ਨੂੰ ਕਬਜ਼ੇ ਵਿਚ ਲੈ ਲਿਆ ਹੈ ਅਤੇ ਦੁਰਘਟਨਾ ਦੇ ਜੋ ਵੀ ਤੱਥ ਸਾਹਮਣੇ ਆਉਣਗੇ, ਉਸ ਮੁਤਾਬਿਕ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।