വിലക്കപ്പെട്ട പ്രണയം!!..💔 ഭാഗം_02 വടക്കൻ വീട്ടിൽ തോമസ് ഡേവിഡിന്റെ പ്രിയപ്പെട്ട കൊച്ചുമോൻ,, സാക്ഷാൽ വടക്കൻ വീട്ടിൽ അഡ്രിയേൽ ജോൺ ഡേവിഡ്🔥.. വെള്ള മുണ്ടും വെള്ള ഷർട്ടും ധരിച്ച് വെട്ടിയൊതുക്കിയ താടിയും മീശയുമായി കത്തുന്ന കണ്ണുകളോടെ അവനവരെ നോക്കി.. മഴവെള്ളത്താൽ മുന്നോട്ട് വന്ന മുടി വലതുകയ്യാൽ പിറകിലേക്ക് മാടിയൊതുക്കി ഇടതുകയ്യിലെ ഇടിവള മുകളിലേക്ക് കയറ്റിക്കൊണ്ട് അവരുടെ അടുത്തേക്ക് പാഞ്ഞടുത്തവൻ  വലതുകാൽ പൊക്കി പെൺകുട്ടിയുടെ കൈ പിടിച്ചവന്റെ നെഞ്ചുംകൂട് നോക്കി ആഞ്ഞു ചവിട്ടി.. ചവിട്ടിന്റെ ആഘാതത്തിൽ പിന്നിലേക്കവൻ തെറിച്ചു വീണു.. അവനോടൊപ്പം വീഴാൻ ആഞ്ഞ അവളെ കൈ പിടിച്ച് വലിച്ച് പിറകിലേക്ക് നിർത്തി.. ബാക്കിയുള്ള രണ്ടും അപ്പോഴേക്കും ഓടി.. ജോൺ കുനിഞ്ഞിരുന്ന് അവന്റെ ഷർട്ടിൽ പിടിച്ച് പൊക്കി ഇരുത്തി.. " എന്നാത്തിനാടാ ഉവ്വേ നീ ഈ അമ്പലത്തിൽ വച്ച് കർത്താവിന് നിരക്കാത്ത പരുപാടി ചെയ്യുന്നേ.. ഉത്സവം കാണാൻ വന്നതാണെങ്കി അത് മാത്രം കണ്ടേച്ചും പോണം.. അല്ലാതെ വല്ലവന്റെയും പെങ്ങന്മാരെ തൊടാനും തലോടാനും നിക്കരുത്.. ഇനിയിപ്പോ എന്നാആയാലും ഇത് വിട്ടേക്ക്,, അനിയൻ ചെയ്ത തെറ്റിന് അച്ചായൻ ഉപദേശിച്ചതാണെന്ന് കരുതിയേച്ചാ മതി.. " അവന്റെ ഷർട്ടിലെ ചെളിയെല്ലാം കൈ കൊണ്ട് തട്ടി ജോൺ പറഞ്ഞു.. " ഞാനാരാണെന്ന് അറിയില്ല നിനക്ക്.. " ജോണിന്റെ കൈ തട്ടി മാറ്റിക്കൊണ്ടവൻ പറഞ്ഞു.. " എടാ കൊച്ചനേ,, നിന്നെപ്പോലുള്ള അവന്മാരെയൊക്കെ ഒരുപാട് കണ്ടതാണ് ഈ വടക്കൻ.. എണീറ്റ് പോടാ ചെക്കാ.. " എന്നും പറഞ്ഞോണ്ടവൻ അവിടെന്നും എണീറ്റ് ചുറ്റും നോക്കി.. " എന്നാ കാണാൻ നിക്കാ.. നട്ടെല്ലില്ലാത്ത കൂട്ടങ്ങള്.. " എന്നും പറഞ്ഞോണ്ട് ജോൺ അവിടെന്നും പോയി.. " കണ്ടില്ലേ ചേച്ചിടെ അനന്തേട്ടന്റെ വലം കൈ.. ഹും,, അല്ല എവിടെ ഇടം കൈ അബ്ദുറഹ്മാൻ സാഹിബിന്റെ പ്രിയ പുത്രൻ,, The great അൻവർ സാഹിബ്.. " അമ്മു അവരെ പുച്ഛിച്ചോണ്ട് പറഞ്ഞതും പാറു അവളെ തുറിച്ച് നോക്കി.. " ചേച്ചി അവളെ നോക്കണ്ടാ,, അവൾ പറഞ്ഞതിലൊരു തെറ്റും ഇല്ലാ.. " ലച്ചു അമ്മുവിന്റെ ഒപ്പം ചേർന്നു.. " നീയെന്താടി പെണ്ണെ ഈ ആലോചിക്കുന്നേ?.. " പാറു ജാനിയെ തട്ടി.. " അല്ല ചേച്ചീ,, രണ്ട് വർഷമായി വടക്കനേയും സാഹിബിനെയും ഒന്നും ഉത്സവത്തിന് കണ്ടിട്ടില്ല,, അന്ന് അനന്തൻ തിരിച്ച് വരാതെ ഈ നാട്ടിൽ നടക്കുന്ന ഒരു പരിപാടിക്കും പങ്കെടുക്കില്ലെന്ന് പറഞ്ഞിട്ട് പോയവരാണ്.. ഇപ്പൊ തിരിച്ചുവരാൻ എന്തായിരിക്കും കാരണം.. " ജാനി ആലോചനയോടെ പറഞ്ഞ് നിർത്തി.. " ഒരുപക്ഷെ,, ആ തെമ്മാടി എങ്ങാൻ നാട്ടിൽ തിരിച്ചെത്തിയോ?.. " അമ്മു പാറുവിനെ ഒന്ന് പാളിനോക്കി.. " ആഹ്,, മതി മതി.. അച്ഛൻ തിരക്കുന്നുണ്ടാവും.. നമുക്ക് അങ്ങോട്ട് പോവാം.. ഫോണാണെങ്കി കാറിൽ നിന്ന് എടുക്കാനും മറന്നു.. " ലച്ചു " എങ്കി വാ,, ഇനി അച്ഛൻ പേടിക്കണ്ടാ.. " എന്നും പറഞ്ഞ് ജാനി മുന്നിൽ നടന്നു.. പിന്നാലെ അമ്മുവും ലച്ചുവും നടന്നു.. പാറു നടക്കാൻ ആഞ്ഞതും ആരോ അവളെ വലിച്ച് എങ്ങോട്ടോ കൊണ്ടുപോയി.. ________________________________________💔 തന്റെ കയ്യിൽ പിടിച്ച്കൊണ്ട് നടക്കുന്നവനെ പാറു തുറിച്ച് നോക്കി.. തന്നാൽ ആവും വിധം കുതറി മാറാൻ നോക്കിയെങ്കിലും അയാളുടെ ബാലിഷ്ടമായ കരങ്ങളെ വേർപ്പെടുത്താൻ അവൾക്കായില്ല.. ആയാൾ അവളെ ഒരു കടയുടെ പിറകിലേക്ക് ചേർത്ത് നിർത്തി.. ആളെ മനസ്സിലായതും പതിയെ ദേഷ്യം അത്ഭുതത്തിലേക്ക് വഴിമാറി.. " അനന്തേട്ടൻ.. " വിടർന്ന കണ്ണുകളാലെ പാറു അവനെ നോക്കി.. " പാറൂസേ,,..💗 " അവന്റെ പതിഞ്ഞ ശബ്ദത്തിൽ അവളുടെ നെഞ്ചോന്ന് പിടച്ചു.. ഏറെ നാളായി കേൾക്കാൻ കൊതിച്ച ശബ്ദം.. ചിറക്കൽ അനന്തഭദ്രൻ അവളുടെ കണ്ണുകൾ അവന്റെ മുഖത്താസകലം ഓടി നടന്നു.. നീണ്ടുവളർന്ന മുടിയും താടിയും ഒക്കെ ആയി അവനാകെ മാറിപ്പോയിരുന്നു.. കറുത്ത മുണ്ടും ഷർട്ടുമാണ് അവന്റെ വേഷം.. " എന്താ പെണ്ണെ ഇങ്ങനെ നോക്കണേ,, ഏഹ്,,.. " അവന്റെ നേർത്ത ശബ്ദം കാതിൽ പതിഞ്ഞതും അവളുടെ നെഞ്ച് പെരുമ്പറ കൊട്ടാൻ തുടങ്ങി.. നീണ്ടുവിടർന്ന കണ്ണുകൾ പിടച്ചു.. ഇളം റോസ് അധരം വിറച്ചു,, ചുണ്ടിന് മുകളിൽ വിയർപ്പ് കണങ്ങൾ പ്രത്യക്ഷപ്പെട്ടു.. ഇനിയും തന്നെക്കൊണ്ട് പിടിച്ചു നിൽക്കാനാവില്ലെന്ന് മനസ്സിലാക്കിയ അവൾ അവനെ ഇറുകെ പുണർന്നു.. രണ്ട് വർഷം നീണ്ടുനിന്ന വിരഹവേദന അവനെ ഇറുക്കി പുണർന്നു തീർത്തു.. കണ്ണുകളിൽ ആനന്തക്കണ്ണീർ നിറഞ്ഞതോടൊപ്പം ചുണ്ടുകളിൽ പുഞ്ചിരി സ്ഥാനം പിടിച്ചു.. ചുണ്ടിൽ വിരിഞ്ഞ ചെറു പുഞ്ചിരിയാലേ അനന്തൻ അവളിൽ കരവലയം തീർത്തു.. മനസ്സിലെ വേദനയും സങ്കടങ്ങളുമെല്ലാം ആ ചേർത്തുപിടിക്കലിലൂടെ തീർത്തു അവർ.. " പാറു,,.. " ഇടിമുഴക്കം പോലെ വിശ്വനാഥന്റെ ശബ്ദം കേട്ടതും രണ്ടുപേരും പിടഞ്ഞുമാറി.. " ചേച്ചീ.. " ലച്ചു ദയനീയതയോടെ വിളിച്ചു.. വിശ്വൻ കാറ്റുപോലെ വന്ന് പാറുവിനെ വലിച്ച് മുഖത്ത് ആഞ്ഞൊരു അടി കൊടുത്തു.. " ഡോ.. " " അനന്തേട്ടാ.. " അയാൾക്ക് നേരെ ചീറിക്കൊണ്ട് ചെന്ന അനന്തനെ പാറു ദയനീയതയോടെ വിളിച്ചു.. " ഇന്നീ ദിവസം വരെ നാട്ടുകാര് പലതും പറഞ്ഞിട്ടും വിശ്വസിച്ചില്ല ഞാൻ.. എന്റെ മോളെനിക്ക് എന്നും അഭിമാനമായിരുന്നു.. പക്ഷെ ഇന്ന്.. " ചങ്ക്‌പൊട്ടിയുള്ള വിശ്വന്റെ വാക്കുകൾ കേട്ട് പാറുവിന്റെ കണ്ണുകൾ നിറഞ്ഞൊഴുകി.. " ഇങ്ങനെ കാണുന്നതിലും ഭേദം എന്നെ കൊല്ലായിരുന്നില്ലേ നിനക്ക്.. നാട്ടുകാര് എന്റെ നാല് പെണ്മക്കളുടെ സ്വഭാവത്തെയും ഗുണത്തെയും പറ്റി പറയുമ്പോൾ അഹങ്കരിച്ചിട്ടുണ്ട് ഞാൻ.. ഒടുക്കം നീയും എന്നെ.. " മനസ്സിലെ ഭാരം താങ്ങാനാവാതെ വീഴാനാഞ്ഞ അയാളെ ലച്ചുവും ജാനിയും വന്ന് പിടിച്ചു.. അപ്പോഴേക്കും അവിടെ നാട്ടുകാർ കൂടി.. വടക്കനും സാഹിബും അനന്തന്റെ അടുത്തേക്ക് പാഞ്ഞു വന്നു.. " അനന്താ,, എന്താടാ?.. " വടക്കൻ " ഹും,, അനന്തൻ,, നിങ്ങളുടെ ഈ കൂട്ടുകാരൻ എന്റെ മോളെ വശീകരിച്ചു വെച്ചിരിക്കുവാണ്.. അതെങ്ങനെയാ കുടുംബ പാരമ്പര്യമല്ലേ അത്,, നല്ല തറവാട്ടിൽ ജനിച്ച പെൺകുട്ടികളെ വശീകരിച്ച് മയക്കിയെടുക്കുന്നത്.. " വിശ്വൻ വിദ്വേഷം മനസ്സിൽ വെക്കാതെ പറഞ്ഞു.. " അതേടോ,, അങ്ങനെത്തന്നെയാണ്.. ഇയ്യാൾക്ക് അത്ര വേദനയുണ്ടെങ്കിലേ നാലെണ്ണം ഇല്ലേ.. നാലിനേം ഒരോ ഭരണിയിലിട്ട് വെക്ക്.. അല്ലപിന്നെ,, ഒരോ ചൊറിയണ വർത്തമാനം കൊണ്ട് വന്നേക്കുവാണ്.. " ഇപ്രാവശ്യം മറുപടി വടക്കന്റെ വകയായിരുന്നു.. " ഞങ്ങൾ കുറച്ച് മാന്യതയോടെ ജീവിക്കുവാണ് ഇവിടെ.. ദൈവത്തെ ഓർത്ത് ഉപദ്രവിക്കരുത്.. " ആയാൾ സഹികെട്ട് കൈ കൂപ്പി.. " അതെന്തിനാ ഭാവി അമ്മായിയാച്ഛാ ഞങ്ങൾ നിങ്ങളെ ഉപദ്രവിക്കുന്നത്.. എനിക്ക് നിങ്ങൾടെ മോളെ ഇഷ്ടമാണ് അവക്ക് എന്നെയും.. അതുകൊണ്ട് ചിറക്കൽ അനന്തഭദ്രന്റെ താലി ഒരു പെണ്ണിന്റെ കഴുത്തിൽ വീഴുന്നുണ്ടെങ്കിൽ അത് മാണിക്യമംഗലത്തെ ശ്രീപാർവതിയുടെ കഴുത്തിലായിരിക്കും.. " അനന്തനും വിട്ടുകൊടുത്തില്ല.. " ഇനി ഇതൊക്കെ കണ്ട് മോളെ പൂട്ടിയിടനാണ് മാണിക്യമംഗലത്ത് വിശ്വനാഥൻ സാറിന്റെ ഉദ്ദേശമെങ്കിൽ,, മാന്യതയോടെ ജീവിക്കുവാണെന്നൊന്നും നോക്കില്ല വിളിച്ചിറക്കിക്കൊണ്ട് വരും ഇവളെ... അറിയാല്ലോ,, നിങ്ങൾടെ അത്ര മാന്യതയൊന്നും ഞങ്ങൾക്കില്ല.. " അൻവർ കൂടെ പറഞ്ഞതും വിശ്വനാഥൻ പാറുവിന്റെ കൈ പിടിച്ച് വലിച്ചോണ്ട് പോയി.. അച്ഛനോടൊപ്പം നടക്കുമ്പോഴും പാറു അനന്തനെ തിരിഞ്ഞ് നോക്കിക്കൊണ്ടിരുന്നു.. അത്കണ്ടവൻ അവളെ ഒന്നുമില്ലെന്ന് കാണിച്ചു.. ᴛᴏ ʙᴇ ᴄᴏɴᴛɪɴᴜᴇᴅ..!! അഭിപ്രായങ്ങൾ പറഞ്ഞാൽ നാളെ വീണ്ടും കാണാം... 🫶🏻 #💞 പ്രണയകഥകൾ #📙 നോവൽ #📝 ഞാൻ എഴുതിയ വരികൾ

പ്രതിലിപിയില്‍ എന്നെ ഫോളോ ചെയ്യൂ, https://pratilipi.app.link/TMaGPcr0F2b ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #💞 പ്രണയകഥകൾ #📙 നോവൽ #📝 ഞാൻ എഴുതിയ വരികൾ

വിലക്കപ്പെട്ട പ്രണയം!!..💔 ഭാഗം_01 ശിവപുരം മുഴുവൻ തന്റെ സ്വർണ്ണ നിറത്താൽ പൂശിക്കൊണ്ട് സൂര്യൻ പടിഞ്ഞാറൻ ചക്രവാളത്തിലേക്ക് താഴ്ന്ന് തുടങ്ങി.. മൂന്ന് ദിവസ്സം നീണ്ടു നിൽക്കുന്ന തെക്കേകാവ് ക്ഷേത്രത്തിലെ മഹാ ഉത്സവത്തിന് ഗ്രാമം ഒരുങ്ങി തുടങ്ങി.. കവലയിൽ ദിവാകരേട്ടന്റെ ചായക്കടയിൽ ഇന്ന് കഴിഞ്ഞ് നടക്കാൻ പോകുന്ന ഉത്സവത്തിന്റെ ചർച്ച  മുന്നേറിക്കൊണ്ടിരുന്നു.. ഇപ്രാവശ്യം ഉത്സവം ഏറ്റെടുത്ത് നടത്തുന്നത് ചിറക്കൽ തറവാട്ടിലെ ദേവാനന്ദ് ആണ്.. മഹാദേവന്റെ തിടമ്പെടുക്കുന്നത് ചിറക്കൽ അനന്തപത്മനാഭനും.. കഴിഞ്ഞ രണ്ട് വർഷവും ഉത്സവം നടത്തിയത് അമ്പാട്ട് തറവാട്ടിലെ വിജയരാഘവനാണ്.. തിടമ്പെടുത്തത് അമ്പാട്ട് കേശവനും.. ദിവാകരേട്ടന്റെ ചായക്കടക്ക് മുന്നിൽ ഒരു ഓടി കാർ വന്ന് നിന്നു.. അതിൽ നിന്നും രണ്ട് ചെറുപ്പക്കാർ പുറത്തിറങ്ങി.. കടയിലേക്ക് വന്നവരും മറ്റും അവരെതന്നെ നോക്കിയിരുന്നു.. അവർ രണ്ടുപേരും അത് ശ്രദ്ധിക്കാതെ കടക്കുള്ളിലേക്ക് കയറി.. " ചേട്ടാ രണ്ട് ചായ,, കഴിക്കാനെന്താ ഉള്ളേ?. " ഒരു പുഞ്ചിരിയോടെ ചോദിച്ചു.. തൊട്ടടുത്തുള്ളവൻ ഫോണിൽ തോണ്ടിക്കൊണ്ടിരിക്കുവാണ്.. " നിങ്ങൾക്കെന്തുവേണം?.. " ദിവാകരേട്ടൻ " ചോദിച്ചതെന്തും കിട്ടുവോ?.. " " ഇവിടുള്ളത് എന്ത് ചോദിച്ചാലും തരും.. " ദിവാകരൻ കടയുടെ മുന്നിലിരിക്കുന്ന ചില്ലുകൂട്ടിലേക്ക് നോക്കി പറഞ്ഞു.. അവർ രണ്ട് പഴംപൊരി പറഞ്ഞു.. " മക്കളെവിടുന്നാ ഇവിടെങ്ങും കണ്ടിട്ടില്ലല്ലോ.." ദിവാകരേട്ടൻ ചായ ബെഞ്ചിലേക്ക് വച്ചുകൊണ്ട് ചോദിച്ചു.. " അല്പം ദൂരേന്നാ.. " " ദൂരെന്ന് പറയുമ്പോ.. " അവിടിരുന്ന ഒരു ചേട്ടൻ " മുംബൈ.. " " ഇവിടെ ആരെ കാണാൻ വന്നതാ?.. " മറ്റൊരു ചേട്ടൻ " ചിറക്കലെ ദേവാനന്ദ്.. " " അവിടത്തെ ആരാ.. " ദിവാകരേട്ടൻ " അവിടത്തെ ദേവാനന്ദിന്റെ അനിയൻ ദേവനാരായണന്റെ മകനാണ് ഇവൻ.. " ഫോണിൽ നോക്കിയിരിക്കുന്നവനെ കാണിച്ചവൻ മറുപടി കൊടുത്തു.. " അയ്യോ,, നമ്മുടെ ദേവി മോളുടെ കുഞ്ഞോ!!,, മോന്റെ പേരെന്താ.. " ദിവാകരേട്ടൻ " രുദ്രാൻഷ്.. " അവൻ ഫോണിൽ നിന്ന് തല ഉയർത്തിക്കൊണ്ട് പറഞ്ഞു.. " ഞാൻ അക്ഷയ് യാദവ്.. " " യ്യോ,, അമ്മ ഞങ്ങളെപ്പറ്റിയൊക്കെ പറയാറുണ്ടോ കുഞ്ഞേ.. " ദിവാകരേട്ടൻ " പിന്നല്ലാതെ,, അച്ഛന്റെയും അമ്മയുടെയും കാര്യം ഈ ഗ്രാമം മുഴുവൻ പറഞ്ഞ് പരത്തിയത് നിങ്ങളല്ലേ.. " എന്നും പറഞ്ഞുകൊണ്ട് പൈസ അവിടെ വച്ച് രുദ്രൻ അവിടെന്നും ഇറങ്ങി.. _________________________________________💔 മാണിക്യമംഗലത്ത് അടുക്കളയിൽ തിരക്കിട്ട പണിയിലായിരുന്നു പഞ്ചമി,, കൂടെ സഹായത്തിന് വിമലയും ഉണ്ട്.. " ചേച്ചി,, പാറുമോൾക്ക് ആലോചനയൊന്നും വരുന്നില്ലേ?.. താഴെ ഇനിയും മൂന്ന് പെൺകുട്ടികളില്ലേ.. " വിമല കുശലം പറഞ്ഞു തുടങ്ങി.. " എന്ത് ചെയ്യാനാണ്,, ഉത്സവം കഴിഞ്ഞാൽ ഒരു കൂട്ടര് വരുന്നുണ്ട്,, ഇതെങ്കിലും പെണ്ണ് സമ്മതിച്ചാൽ മതിയായിരുന്നു.. " " അതമ്മ ഒട്ടും പേടിക്കണ്ടാ.. നടക്കില്ലെന്ന് ഞാൻ നൂറ് ശതമാനം ഉറപ്പ് പറയുന്നു.. " അങ്ങോട്ടേക്ക് വന്ന പാറു തിരിഞ്ഞ് നടന്നു.. " ഈ പെണ്ണിനെ ഞാനിന്ന്,, ഡീ.. " പഞ്ചമി അവളുടെ പിന്നാലെ ചെന്നു.. " അമ്മ ഒന്നും പറയണ്ടാ,, എനിക്ക് ഇപ്പൊ ഒരു കല്യാണം വേണ്ടാ.. " പാറു തറപ്പിച്ചു പറഞ്ഞു.. " ചേച്ചി ആ തെമ്മാടിയെ മനസ്സിൽ കൊണ്ട് നടക്കാണോ ഇപ്പഴും.." അമ്മു " അങ്ങേര് കെട്ടി രണ്ട് പിള്ളേരായിക്കാണും ചേച്ചി.. " ജാനി " നീ പോടി,, എനിക്ക് അനന്തേട്ടനെ നല്ല വിശ്വാസമുണ്ട്.. അനന്തേട്ടന് എന്നെയും.. " പാറു മുകളിലേക്ക് കയറിപ്പോയി.. " എന്റെ ഈശ്വരാ,,, ഇവളെ ഞാൻ ഇനി എന്ത് ചെയ്യാനാണ്.. ഇനി ഈ നാട്ടിൽ ഇവളുടെയും ആ ചെക്കന്റെയും കാര്യം അറിയാൻ നിങ്ങടെ അച്ഛൻ മാത്രേ ബാക്കിയൊള്ളു.. " പഞ്ചമി തലയിൽ കൈ വെച്ചു.. " ആഹ് ബെസ്റ്റ്,, അച്ഛന് പിന്നെ അനന്തേട്ടനെയും പിന്നെ ആ വടക്കനേയും ഒരുപാട് ഇഷ്ടമുള്ളത്കൊണ്ട് പ്രശ്നമില്ല.. " ലച്ചു കളിയോടെ പറഞ്ഞു.. " അതിന് ഈ പെണ്ണിന് എന്ത് പറഞ്ഞാലും തലയിൽ കയറണ്ടേ,, ആ ചെക്കൻ എന്തോ കൈവശം കൊടുത്ത് മയക്കി വച്ചിരിക്കുവാണ്.. " പഞ്ചമി അടുക്കളയിലേക്ക് പോയി.. " ശെരിക്കും അങ്ങേര് എവിടെയായിരിക്കും.."  അമ്മു ലച്ചുവിനോടായി ചോദിച്ചു.. " പിന്നേ,, എന്നോട് പറഞ്ഞിട്ട് പോവാൻ അയാളെന്റെ അമ്മായിടെ മോനാണല്ലോ.. ഒന്ന് പോ പെണ്ണെ.. " ലച്ചുവും പോയി,, അതോടെ അമ്മു ജാനിക്ക് നേരെ തിരിഞ്ഞു.. ഇനി തനിക്ക് നേരെ ചോദ്യങ്ങളുടെ അംബേയ്ത്ത് നടത്തും എന്ന് തോന്നിയത് കൊണ്ട് പതിയെ ജാനിയും അവിടന്ന് വലിഞ്ഞു..   തന്റെ മുറിയിൽ ബെഡിൽ ഇരുന്നുകൊണ്ട് അനന്തന്റെയും തന്റെയും ഫോട്ടോ നോക്കി കിടക്കുവായിരുന്നു പാറു.. " അനന്തേട്ടാ,, കേട്ടില്ലേ ഇവരൊക്കെ പറയുന്നത്.. എന്നെ ചതിച്ചിട്ട് പോവുംന്ന്.. അവർക്കറിയില്ലല്ലോ മായാമല കയറി ശിവക്കാവിൽ വിളക്ക് വച്ച് എന്നോ മനസ്സുകൊണ്ട് ചിറക്കലെ മരുമകളായതാണ് ഞാനെന്ന്.. എന്നാലും,, കാണാനുള്ള കൊതികൊണ്ട് ചോദിക്കുവാണ് എന്നാ വരുന്നേ?.. എങ്ങനെയാ എന്നെ കാണാതിരിക്കാൻ പറ്റുന്നത്?.. ദേ,, എനിക്ക് സങ്കടം വരുന്നുണ്ട് ട്ടോ.. " " അയ്യോ,, പാവം.. " പുറകിൽ നിന്നും ലച്ചുവിന്റെ ശബ്ദം കേട്ടതും അവൾ തിരിഞ്ഞ് നോക്കി.. ലച്ചുവിനെയും ജാനിയെയും കണ്ടതും നിറഞ്ഞ് വന്ന കണ്ണ് തുടച്ചവൾ ബെഡിൽ എണീറ്റിരുന്നു.. " അയ്യേ,, ചേച്ചി എന്തിനാ കരയുന്നേ.. ഏഹ്,, ഇത്രയൊക്കെ കാത്തിരുന്നിട്ടും ചേച്ചിക്ക് ധൈര്യം വന്നില്ലേ,, അനന്തേട്ടൻ വരും.. ചേച്ചിയെ കൊണ്ടോവാൻ.. " ജാനി അവളുടെ തോളിൽ കൈ വെച്ച് ആശ്വസിപ്പിച്ചു.. " ചേച്ചി ഇങ്ങനെ ഇരിക്കാതെ വന്നേ,, നമുക്ക് ഇന്ന് ഉത്സവപറമ്പ് മുഴുവൻ ചുറ്റി നടക്കാനുള്ളതാണ്.. " ലച്ചുവും അവളെ വലിച്ചെണീപ്പിച്ചു.. സന്ധ്യ കഴിഞ്ഞാൽ നാലുപേരും കൂടെ ഉത്സവപറമ്പ് മുഴുവൻ ഒന്ന് കണ്ടിട്ട് വരാമെന്ന് അച്ഛനോട് രണ്ട് ദിവസം മുന്നെ തന്നെ സമ്മതം വാങ്ങിച്ചിരുന്നു.. മാണിക്യമംഗലത്ത് വിശ്വനാഥനും പഞ്ചമിക്കും നാല് മക്കളാണ്.. മൂത്തവൾ *ശ്രീപാർവതി*.. ( പാറു ) രണ്ടാമത്തവൾ *ദുർഗ്ഗാലക്ഷ്മി*.. ( ലച്ചു ) മൂന്നാമത്തവൾ *ജാനകി മഹാലഷ്മി*.. ( ജാനി ) ഇളവയവൾ *വിശ്വമോഹിനി* ( അമ്മു ) രാത്രി 7:30 ആയതും നാലുപേരും ദാവണി ഉടുത്ത് ഒരുങ്ങി നിന്നു.. പുറത്തേക്കിറങ്ങിയതും വിശ്വനാഥൻ കാറുംകൊണ്ട് വന്നു.. അപ്പോഴേക്കും ചെറിയ ഇടിയും മിന്നലും ഒക്കെ തുടങ്ങിയിരുന്നു... അതോടെ നാലുപേരും കാറിൽ കയറി ഉത്സവപ്പറമ്പിലേക്ക് വിട്ടു.. അവിടെ എത്തിയതും നാലുപേരും ഇറങ്ങി.. ഉത്സവം നാളെയാണെങ്കിലും ആഘോഷം ഇന്നേ തുടങ്ങി.. ഇനിയങ്ങോട്ട് മൂന്ന് ദിവസ്സം ശിവപുരത്തുകാർക്ക് ഉറക്കമില്ല എന്ന് വേണം പറയാൻ.. " ദേ പിള്ളേരെ മഴക്കോളുണ്ട്,, മഴ പെയ്താൽ എങ്ങോട്ടെങ്കിലും കയറി നിന്നോണം.. എന്നിട്ട് എന്നെ വിളിക്കണം.. നനയാൻ നിക്കരുത്.. കേട്ടോടി കാന്താരി,, നിന്നോടാണ്... " വിശ്വനാഥൻ അമ്മുവിന്റെ തലയിൽ കൊട്ട് കൊടുത്തു.. " അയ്യോ,, ഞാൻ മാത്രം അല്ലല്ലോ.. ചേച്ചിമാരും ഉണ്ട്.. " അമ്മു ചുണ്ട് കൂർപ്പിച്ചു.. " എന്റെ മക്കളേ എനിക്ക് നല്ല വിശ്വാസമാണ്.." വിശ്വൻ ചിരിയോടെ പറയുന്നത് കേട്ട് അമ്മു അയാളെ പുച്ഛിച്ചു.. " എടി പൊട്ടി,, വാ ഇങ്ങോട്ട്.. " പാറു അവളുടെ കൈ പിടിച്ച് നടന്നു.. പിന്നിലായി ലച്ചുവും ജാനിയും നടന്നു.. അമ്പലവും പരിസരങ്ങളും വളരെ ഭംഗിയായി അലങ്കരിച്ചിട്ടുണ്ട്.. നടക്കുന്നതിന്റെ ഇരു സൈഡിലും സ്റ്റാളുകളും മിഠായിയും കുറച്ചപ്പുറത്തായി റൈഡുകളും ഉണ്ട്.. ചുറ്റും ഉള്ളതെല്ലാം നോക്കിക്കണ്ടും വാങ്ങിയും കഴിച്ചും മുന്നോട്ട് നടക്കുമ്പോഴാണ് നാല് പയ്യന്മാർ ചേർന്ന് പെൺകുട്ടികളെ നോക്കി അശ്ലീലം പറഞ്ഞ് ചിരിക്കുന്നത്.. ചുറ്റും ഉള്ളവരൊന്നും ചോദിക്കുന്നില്ല.. അവരെല്ലാം അവരുടെ തിരക്കിലാണ്.. പെട്ടന്നാണ് ഒരു ഇടിമുഴക്കത്തോടെ മഴ പെയ്തിറങ്ങിയത്.. എല്ലാവരും ഓടി ഒരോ സ്റ്റാളിലേക്കും മറ്റും കയറി നിന്നു.. ഓടുന്നതിനിടക്ക് അവർ ഒരു പെൺകുട്ടിയുടെ കൈ പിടിച്ചു.. മഴയിൽ കുതിർന്ന് വസ്ത്രം ആ പെൺകുട്ടിയോട് ഒട്ടിച്ചേർന്ന് നിൽക്കുന്നത് കണ്ടിട്ടായി അടുത്ത കമെന്റ്..  ചോദിക്കാൻ പോയ പെണ്ണുങ്ങളെ നാണം കെടുത്തിയും ആണുങ്ങളെ കയ്യേറ്റം ചെയ്തും അവർ ഓടിച്ചു വിട്ടു... " ഡാ... " എന്ന അലർച്ച കേട്ട് എല്ലാവരുടേയും കണ്ണ് അങ്ങോട്ടേക്ക് പാഞ്ഞു.. വടക്കൻ വീട്ടിൽ തോമസ് ഡേവിഡിന്റെ പ്രിയപ്പെട്ട കൊച്ചുമോൻ,, സാക്ഷാൽ വടക്കൻ വീട്ടിൽ *അഡ്രിയേൽ ജോൺ ഡേവിഡ്*🔥.. ᴛᴏ ʙᴇ ᴄᴏɴᴛɪɴᴜᴇᴅ..!! "വിലക്കപ്പെട്ട പ്രണയം!!..💔", എന്ന രചന പ്രതിലിപിയില്‍ വായിക്കൂ:, https://pratilipi.app.link/ALOasXi0F2b #💞 പ്രണയകഥകൾ #📝 ഞാൻ എഴുതിയ വരികൾ #📙 നോവൽ