ସମୁଦ୍ରରେ ଦେଖାଦେଲା ହାତୀ ଶୁଣ୍ଢ । ପୁରୀ ଅସ୍ତରଙ୍ଗ ପୀର ଯାହାନିଆ ସମୁଦ୍ରରେ ବିଚିତ୍ର ଦୃଶ୍ୟ ଦେଖାଯାଇଛି । ପର୍ଯଟକ ମାନେ ସ୍ନାନ କରୁଥିବା ସମୟରେ ସମୁଦ୍ର ଭିତରେ ଦେଖିବାକୁ ମିଳିଥିଲା ଏକ ବିଚିତ୍ର ଦୃଶ୍ୟ । ପାଗ ଠିକଠାକ ରହିଥିବା ବେଳେ ହଠାତ ସମୁଦ୍ର ଉପରେ ଘୋଟି ଆସିଥିଲା କଳାହାଣ୍ଡିଆ ମେଘ । ଆଉ ଏହି ମେଘ ବାଦଲ ଦେହରୁ ସମୁଦ୍ର ମଧ୍ୟକୁ ଲମ୍ବିଯାଇଥିଲା ଏକ ଲମ୍ବା ହାତିଶୁଣ୍ଢ । ଏହି ହାତୀ ଶୁଣ୍ଢ ପଡିବା ପରେ ସମୁଦ୍ର ମଧ୍ୟରେ ଆରମ୍ଭ କରିଥିଲା ଜଳଚକ୍ର । ସମୁଦ୍ରରୁ ଟାଣି ନେଉଥିଲା ହଜାର ହଜାର ଲିଟର ଜଳ । ଏହି ବିରଳ ଚିତ୍ର ଦେଖିବାକୁ ମିଳିଥିଲା ସମୁଦ୍ର କୁଳଠାରୁ ମାତ୍ର କେଇ କିଲୋମିଟର ଦୂରରେ । ଏ ଭଳି ଏକ ମହାଜାଗତିକ ଦୃଶ୍ୟକୁ ସମୁଦ୍ର କୂଳରେ ରହିଥିବା ପର୍ଯଟକ ମାନେ ଉପଭୋଗ କରିବା ସହିତ ନିଜ ନିଜ ମୋବାଇରେ ଭିଡିଓ ସୁଟିଂ କରି ଚାଲିଥିଲେ । #🌊ସମୁଦ୍ରରୁ ଆକାଶ ଯାଏଁ ଲମ୍ବିଲା ବିରାଟ ହାତୀ ଶୁଣ୍ଢ🐘

କାଳବୈଶାଖୀ ବେଳେ ସମୁଦ୍ରରେ ବିଚିତ୍ର ଦୃଶ୍ୟ । କଳାହାଣ୍ଡିଆ ମେଘ ସହ ଆକାଶରୁ ସମୁଦ୍ର ପର୍ଯ୍ୟନ୍ତ ଲମ୍ୱିଥିଲା ଶୁଣ୍ଢ । ଘୁର୍ଣ୍ଣିବାତ୍ୟା ପ୍ରଭାବରେ ଏପରି ହୋଇଥିବା ଅନୁମାନ କରାଯାଇଛି । କିଛି ସମୟ ପାଇଁ ଏଭଳି ଦୃଶ୍ୟ ଦେଖିବାକୁ ମିଳିଥିଲା। ଯାହା ଉପସ୍ଥିତ ପର୍ଯ୍ୟଟକଙ୍କ ଦୃଷ୍ଟି  ଆକର୍ଷିତ କରିଥିଲା । #🌊ସମୁଦ୍ରରୁ ଆକାଶ ଯାଏଁ ଲମ୍ବିଲା ବିରାଟ ହାତୀ ଶୁଣ୍ଢ🐘

ବଙ୍ଗୋପସାଗରରେ ସକ୍ରିୟ ହୋଇଛି ଲଘୁଚାପ। ଉତ୍ତର ଶ୍ରୀଲଙ୍କା ଉପକୂଳ ଓ ସଂଲଗ୍ନ ଦକ୍ଷିଣ-ପଶ୍ଚିମ ବଙ୍ଗୋପସାଗର ଅଞ୍ଚଳରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇଛି। ଆସନ୍ତା ୪୮ ଘଣ୍ଟା ମଧ୍ୟରେ ଏହା ଅଧିକ ଘନୀଭୂତ ହେବାର ସମ୍ଭାବନା ରହିଛି। ଏହାର ପ୍ରଭାବରେ ମୌସୁମୀ ବାୟୁର ଅଗ୍ରଗତି ପାଇଁ ଅନୁକୂଳ ପରିବେଶ ସୃଷ୍ଟି ହେଉଥିବା ବେଳେ ଓଡ଼ିଶାରେ କାଳବୈଶାଖୀ ବର୍ଷାର ପରିମାଣ ବୃଦ୍ଧି ପାଇବ ବୋଲି ପାଣିପାଗ ବିଭାଗ ସୂଚନା ଦେଇଛି। ୧୭ ଜିଲ୍ଲାକୁ ସତର୍କ ସୂଚନା ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟର ବିଭିନ୍ନ ସ୍ଥାନରେ ବିଜୁଳି, ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି। ଏଥିପାଇଁ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ୧୭ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ସେଥିମଧ୍ୟରୁ ୮ଟି ଜିଲ୍ଲାରେ ପବନର ବେଗ ଘଣ୍ଟା ପ୍ରତି ୪୦-୫୦ କିଲୋମିଟର ରହିପାରେ। #🚨ଓଡ଼ିଶା ଉପରେ ଚକ୍କର କାଟୁଛି ଲଘୁଚାପ🌊🛟

କେନ୍ଦ୍ର ସରକାର LPG ସବସିଡି ନିୟନ୍ତ୍ରଣ ନିୟମକୁ କଡ଼ାକଡ଼ି କରିଛନ୍ତି । ବର୍ତ୍ତମାନ ଗ୍ରାହକ କିମ୍ବା ସେମାନଙ୍କ ପରିବାର ସଦସ୍ୟଙ୍କ ଆୟ ପ୍ରତିବର୍ଷ ୧୦ ଲକ୍ଷରୁ ଅଧିକ ରହିଛି, ସେହି ପରିସ୍ଥିତିରେ ସବସିଡି ବନ୍ଦ କରିବା ନେଇ ନିଷ୍ପତ୍ତି ନିଆଯାଇଛି । ଏନେଇ ଅନେକଙ୍କୁ ମେସେଜ ମଧ୍ୟ ଯାଇଥିବା ଜଣାପଡିଛି ।ଅନେକ ଗ୍ରାହକଙ୍କ ଦ୍ୱାରା ପ୍ରାପ୍ତ ଏକ ବାର୍ତ୍ତା ସ୍ପଷ୍ଟ ଭାବରେ ଦର୍ଶାଉଛି ଯେ, ଉପଲବ୍ଧ ଆୟକର ରେକର୍ଡ ଅନୁଯାୟୀ, ଗ୍ରାହକ କିମ୍ବା ସେମାନଙ୍କ ସହିତ ଜଡିତ ପରିବାର ସଦସ୍ୟଙ୍କ ଆୟ ୧୦ ଲକ୍ଷରୁ ଅଧିକ ରହିଥିବା ଜଣାପଡିଛି । ତୈଳ କମ୍ପାନୀଗୁଡ଼ିକ ବର୍ତ୍ତମାନ ସିଧାସଳଖ ଆୟକର ବିଭାଗର ତଥ୍ୟ ବ୍ୟବହାର କରୁଛନ୍ତି ଯାହା ଦ୍ୱାରା କେଉଁ ଗ୍ରାହକ ସବସିଡି ପାଇଁ ଯୋଗ୍ୟ ଏବଂ କେଉଁମାନେ ଯୋଗ୍ୟ ନୁହଁନ୍ତି ତାହା ଚିହ୍ନଟ କରାଯାଉଛି ।ଡିସେମ୍ବର ୨୦୧୫ରେ, କେନ୍ଦ୍ର ସରକାର ଏକ ନିୟମ କାର୍ଯ୍ୟକାରୀ କରିଥିଲେ ଯେଉଁଥିରେ ଉଲ୍ଲେଖ ଥିଲା ଯେ ଯେଉଁ ଗ୍ରାହକମାନଙ୍କର ବାର୍ଷିକ ଆୟ (ନିଜ କିମ୍ବା ପତି/ପତ୍ନୀ) ୧୦ ଲକ୍ଷରୁ ଅଧିକ, ସେମାନଙ୍କୁ ବଜାର ଦରରେ ରନ୍ଧନ ଗ୍ୟାସ କିଣିବାକୁ ପଡିବ ଏବଂ ସବସିଡି ଲାଭ ପାଇଁ ଯୋଗ୍ୟ ହେବେ ନାହିଁ । ଏହି ନିୟମ ପ୍ରାରମ୍ଭରେ ‘ସ୍ୱ-ଘୋଷଣା’ ଉପରେ ଆଧାରିତ ଥିଲେ ମଧ୍ୟ, ଏହାକୁ ବର୍ତ୍ତମାନ ତଥ୍ୟ ସମନ୍ୱୟ ମାଧ୍ୟମରେ କଡ଼ାକଡ଼ି ଭାବରେ ଲାଗୁ କରାଯାଉଛି ।ସରକାର ଯୁକ୍ତି ଦେଉଛନ୍ତି ଯେ ଧନୀ ପରିବାରମାନେ ସ୍ୱେଚ୍ଛାକୃତ ଭାବରେ ସେମାନଙ୍କର ସବସିଡି ଛାଡିବା ଉଚିତ ଯାହା ଦ୍ୱାରା ‘ଉଜ୍ଜ୍ୱଳା ଯୋଜନା’ ଭଳି କାର୍ଯ୍ୟକ୍ରମ ମାଧ୍ୟମରେ ଅବହେଳିତ ପରିବାରଗୁଡ଼ିକୁ ସ୍ୱଚ୍ଛ ଇନ୍ଧନ ଯୋଗାଇବା ପାଇଁ ପାଣ୍ଠି ବ୍ୟବହାର କରାଯାଇପାରିବ। ବର୍ତ୍ତମାନ, ସବସିଡି କେବଳ ଯୋଗ୍ୟ ଗ୍ରାହକମାନଙ୍କୁ ପ୍ରଦାନ କରାଯାଏ, ସିଧାସଳଖ ସେମାନଙ୍କ ବ୍ୟାଙ୍କ ଆକାଉଣ୍ଟରେ (DBTL ମାଧ୍ୟମରେ) ସ୍ଥାନାନ୍ତରିତ କରାଯାଏ। ଏହି ନିୟମ କେବଳ ଜଣେ ବ୍ୟକ୍ତିଙ୍କ ବ୍ୟକ୍ତିଗତ ଆୟ ପାଇଁ ନୁହେଁ, ବରଂ ଜଣେ ପତି କିମ୍ବା ଯେକୌଣସି ଲିଙ୍କ୍ ହୋଇଥିବା ପରିବାର ସଦସ୍ୟଙ୍କ ମିଳିତ ଆୟ ପାଇଁ ମଧ୍ୟ ପ୍ରଯୁଜ୍ୟ ହୋଇପାରେ । #⛽LPGଙ୍କୁ ନେଇ ବଡ଼ ଘୋଷଣା📢