#🔥 കട്ട ഹീറോയിസം #🍿 സിനിമാ വിശേഷം #🎬 പുത്തൻ പടം #⌛ ക്രൈം ത്രില്ലര്‍ മൂവീസ്

#📝 ഞാൻ എഴുതിയ വരികൾ ❇️ചിലരുടെയെങ്കിലും മനസ്സിൽ നമ്മൾ ഒരു കവിത പോലെ പിറവി കൊള്ളാറുണ്ട്.. അതുമല്ലെങ്കിൽ പറഞ്ഞു തീരാത്ത ഒരു കഥ പോലെയും വിരിയാറുണ്ട്... പക്ഷേ അതൊന്നും നമ്മളുടെ കണ്ണുകൾക്ക് വിരുന്നാവില്ല.. പിന്നെ.. വിളിച്ചാലും പറഞ്ഞാലും കേൾക്കാത്ത ബധിരനായ ഒരാളുടെ ചെറിയൊരു വാക്കിൻ്റെ തണൽ തേടി... അലഞ്ഞ് നടക്കുകയായിരിക്കും... നമ്മളെ കാണാത്ത കണ്ണുകളാണ് അവർക്കുള്ളത്.. എങ്കിലും മടുപ്പേതുമില്ലാതെ നമ്മൾ വീണ്ടും വീണ്ടും സ്നേഹത്തിനായും ഓരു വിളിക്കായും കാതോർത്തിരിക്കും... വെറുതെയാണെന്നറിയാം... എങ്കിലും ഒരു സുഖമാണ്.... ആ നോവിൽ അലിഞ്ഞ് ചേരാൻ.❇️𝗦𝗮𝗷𝗶𝘁𝗵✍️❇️

#📝 ഞാൻ എഴുതിയ വരികൾ ❇️🌟ബന്ധങ്ങൾ ഒരു പൂന്തോട്ടം പോലെയാണ്. വാടിപ്പോകാതെ നോക്കാൻ കരുതലിന്റെയും സ്നേഹത്തിന്റെയും നീരുറവകൾ ആവശ്യമാണ്. വാക്കുകൾ കൊണ്ട് മുറിപ്പെടുത്താതെ, മൗനം കൊണ്ട് അകലം പാലിക്കാതെ, ചേർത്തുപിടിക്കുന്ന ഓരോ നിമിഷവുമാണ് ജീവിതത്തെ അർത്ഥപൂർണ്ണമാക്കുന്നത്. സ്നേഹിക്കാൻ വൈകരുത്, കാരണം നിഴൽ പോലെ കൂടെയുള്ളവരാണ് നമ്മുടെ കരുത്ത്..𝗦𝗮𝗷𝗶𝘁𝗵✍️

#📝 ഞാൻ എഴുതിയ വരികൾ 🌟❇️ജീവിതത്തെക്കുറിച്ച്, രണ്ട് വരി കുറിക്കാൻ പറഞ്ഞാൽ... എഴുതിത്തുടങ്ങുമ്പോൾ ഒരു മഹാകാവ്യം പോലെ ദീർഘമായിപ്പോകും... കയ്യിലുള്ള പുസ്തകത്തിൻ്റെ താളുകളിൽ ആ വരികൾ ഇടം കിട്ടാതെ ശ്വാസമില്ലാതെ അലഞ്ഞേക്കാം.. ചില ഉള്ളടക്കങ്ങൾ ചുട്ടുപൊള്ളിച്ചുവെന്നും വരാം... മറ്റു ചിലവരികൾ നമ്മുടെ ആത്മാവിൻ്റെ ചിത കത്തിയമർന്ന ചാരത്തിൽ നിന്നുയിർ കൊണ്ടതുമാവാം.. അതിൽ നിന്നു പറക്കുന്ന ചാരത്തിൻ്റെ അംശങ്ങൾ.. അൽപനേരത്തെ കാഴ്ചകളെ മറച്ചെന്നും വരാം.... അവയുടെ ചൂടേറ്റ് സ്വപ്നങ്ങൾ വെന്തുരുകിപ്പോയേക്കാം... അതുമല്ലെങ്കിൽ ഉടഞ്ഞ കുപ്പിവള പോലെ നഷ്ട സ്വപ്നങ്ങൾ താഴെ വീണു ചിതറുന്നതും കാണാം.❇️🌟𝗦𝗮𝗷𝗶𝘁𝗵✍️

#📝 ഞാൻ എഴുതിയ വരികൾ ✍️തന്റേതാണെന്ന് ഉറപ്പിച്ചു ചേര്‍ത്തു പിടിച്ചു പോകുന്ന മനുഷ്യരുണ്ട്. ആരൊക്കെ എന്തൊക്കെ പറഞ്ഞാലും നിറമോ,രൂപമോ,സൗന്ദര്യമോ,സ്റ്റാറ്റസോ ഒന്നും തന്നെ നോക്കാതെ സ്വയം ചില മനുഷ്യരിലേക്ക് ഇറങ്ങി ചെല്ലുന്നവരുണ്ട്. അവിടെ അവരോടുള്ള ഭ്രാന്തമായ ഇഷ്ടം മാത്രേമേ കാണൂ... ഇന്നലെകളോ,ഇന്നോ,നാളെകളോ,ഇല്ല. പകലോ,രാത്രിയോ ഇല്ല. മാറി വരുന്ന വേനലോ വസന്തമോ വര്‍ഷമോ,ഉണ്ടാകില്ല. ഊതിക്കാച്ചിയെടുക്കുന്ന പൊന്ന് പോലെ ഓരോ നിമിഷങ്ങളിലും മാറ്റു കൂട്ടിയെടുക്കുന്ന സ്നേഹവും സ്നേഹിക്കപെടുന്ന വ്യക്തിയുമേ കാണൂ... സ്നേഹത്തെ തിരിച്ചറിയാതെ പോകുന്നവര്‍ എത്രത്തോളം നിര്‍ഭാഗ്യമുള്ളവരാകും. ഒരാള്‍ അവരുടെ ജീവനിൽ ഉപരിയായി സ്നേഹിക്കപെടുക... അതൊരു ഭാഗ്യം തന്നെയാണ്. അതും ഈ കാലങ്ങളിൽ തന്റെതാണെന്നു ഉറപ്പിച്ച മനുഷ്യരുടെ മടക്കയാത്ര എത്ര വേദന നിറഞ്ഞതാകും. മനസ് എത്ര കരഞ്ഞാലും ചിരിച്ചു കൊണ്ട് നില്‍ക്കുന്ന മനുഷ്യരേ ചെറിയ തലോടലോ ആശ്വാസവാക്കുകളാലോ പറഞ്ഞു ഒന്നു ചേര്‍ത്തു പിടിച്ചു നോക്കൂ ആ മനസ്സിന്റെ ആര്‍ത്തനാദങ്ങള്‍,കേള്‍ക്കാം... ഞാനുണ്ട് കൂടെ എന്ന് പറയുന്ന വാക്കിൽ ചതിയുണ്ടാകരുത്,വഞ്ചന ഉണ്ടാകരുത് പകരം സുരക്ഷിതത്വം ഉണ്ടാകണം, വിശ്വാസം ഉണ്ടാകണം, അതിനെല്ലാമുപരി സ്നേഹം ഉണ്ടാകണം അത് സൗഹൃദത്തിലായാലും, പ്രണയത്തിലായാലും, ജീവിതത്തിൽ ആയാലും..🌟𝗦𝗮𝗷𝗶𝘁𝗵✍️

#📝 ഞാൻ എഴുതിയ വരികൾ ❇️💞സ്നേഹത്തിലൂടെ മാത്രമേ ഒരാളുടെ മനസ്സ് തുറന്നു ഹൃദയത്തിൽ പ്രവേശിക്കാൻ പറ്റൂ... സ്നേഹവും,പരസ്‌പര വിശ്വാസവുമാണ് എല്ലാ ബന്ധങ്ങളുടെയും അടിസ്ഥാനം. നമ്മുടെ മനസ്സ് ഒരു തോട്ടം പോലെയാണ് അവിടെ സ്നേഹത്തിന്റെയും,പോസിറ്റീവ് ചിന്തകളുടെയും,വിത്തുകൾ പാകിയാൽ നല്ല ഫലങ്ങൾ ലഭിക്കും. പകയും, അസൂയയും, വളരാൻ അനുവദിച്ചാൽ അത് നമ്മുടെ സമാധാനത്തെ കാർന്നു തിന്നും. ജീവിതത്തിലെ ഏറ്റവും വലിയ സമ്പാദ്യം കൂടെയുള്ള മനുഷ്യരാണ്. സന്തോഷത്തിലും സങ്കടത്തിലും ഒരുപോലെ ചേർത്തുപിടിക്കുന്ന ആരെങ്കിലും ഒരാൾ അരികിലുണ്ടെങ്കിൽ ഏതൊരു പ്രതിസന്ധിയും നമുക്ക് പുഞ്ചിരിയോടെ മറികടക്കാനാകും. അങ്ങനെയുള്ള ആ കൂട്ടിനെ- ചേർത്തുപിടിക്കാം... കൂടെനിർത്താം .🌟❇️𝗦𝗮𝗷𝗶𝘁𝗵✍️

#📝 ഞാൻ എഴുതിയ വരികൾ 🌟❇️❇️പ്രണയത്തിലെ ഏറ്റവും തീവ്രമായ വിരഹവേദന എന്നത് ശബ്ദമില്ലാത്ത ഒരു കൊടുങ്കാറ്റ് പോലെ ആണ്. പുറത്തു എല്ലാം സാധാരണയായി തോന്നും… എന്നാൽ ഉള്ളിൽ ഓരോ നിമിഷവും തകർന്നുപോകുന്ന ശബ്ദം കേൾക്കും. ഒരുമിച്ച് ചിരിച്ച വഴികളിൽ വീണ്ടും നടക്കുമ്പോൾ കാൽപാടുകൾ മാത്രം അല്ല, ഓർമ്മകളും പിന്തുടരും. ഒരിക്കൽ “നാളെ കാണാം” എന്നൊരു വാക്ക് സന്തോഷം ആയിരുന്നു… ഇന്ന് “നാളെ” എന്നത് തന്നെ ഭാരം. ഫോൺ സ്‌ക്രീൻ വെളിച്ചം തെളിയുമ്പോൾ ഹൃദയം ഒരു നിമിഷം നിൽക്കും — “അവനാണോ?” എന്ന പ്രതീക്ഷ. പക്ഷേ പലപ്പോഴും അത് വെറും നിശ്ശബ്ദതയുടെ നോട്ടിഫിക്കേഷൻ മാത്രം. വിരഹം എന്നത് ഒരാളെ മറക്കാനാവാത്തതല്ല… മറക്കാൻ ശ്രമിക്കുമ്പോൾ തന്നെ കൂടുതൽ ഓർമ്മ വരുന്നതാണ്. അവൻ ഇല്ലാത്ത ലോകത്ത് ജീവിക്കാൻ പഠിക്കുന്നത് ഒരു കഠിന പാഠം തന്നെ. എന്നാൽ സത്യം എന്തെന്നാൽ — പ്രണയം നമ്മെ ഒരാളോടൊപ്പം മാത്രം നിർത്തുന്നില്ല, നമ്മളെ അത് നമ്മേ തന്നെ കൂടുതൽ ആഴത്തിൽ അറിയാൻ പഠിപ്പിക്കുന്നു. വിരഹവേദന കത്തിച്ചുപൊള്ളിക്കും… പക്ഷേ അതിൽ നിന്ന് ഉയിർത്തെഴുന്നേൽക്കുമ്പോൾ ഹൃദയം കുറച്ച് കൂടുതൽ ശക്തിയാർജിച്ചിരിക്കും..𝗦𝗮𝗷𝗶𝘁𝗵❇️✴️

#📝 ഞാൻ എഴുതിയ വരികൾ ✍️ഞാൻ നിന്നോടൊപ്പമുണ്ട് എന്ന വാക്ക് ഏതൊരു മുറിവിനും മരുന്നാകും. ജീവിതത്തിന്റെ ഭാരവും സങ്കടങ്ങളും കുറയും,ജീവിതത്തിന്റെ ഓരോ വഴിത്തിരിവിലും, ഓടിച്ചെന്ന് ചേർന്നു പിടിക്കാനൊരു മനുഷ്യൻ വേണം... സന്തോഷത്തിൻ്റെ ചിരി പങ്കിടാനല്ല, ആത്മാവിന്റെ ഇരുണ്ട മുറിവുകൾ തുറന്ന് കാണിക്കാനും, നെഞ്ച് പൊട്ടുന്ന വേദനയിൽ ഒരു കരുതലിന്റെ കൈ പിടിക്കാനും,ലോകം നമ്മെ തെറ്റായി വായിക്കുമ്പോഴും,വാക്കുകൾക്ക് അർത്ഥം നഷ്‌ടപ്പെടുമ്പോഴും, ഒരു ഹൃദയം നമ്മെ കേൾക്കാൻ ഉണ്ടെങ്കിൽ, ആ ജീവിതം തന്നെ ദൈവത്തിന്റെ സമ്മാനമാകും...𝗦𝗮𝗷𝗶𝘁𝗵✍️

#🥵 വേനൽ ചൂട്! #😇 ഓർമയിലെ വേനലവധി #🥵 വേനൽ ട്രോൾസ് 🤣

#📝 ഞാൻ എഴുതിയ വരികൾ ✍️പ്രണയം ചിലപ്പോൾ ഒരു മധുരവേദനയാണ്. ചിരിച്ചുകൊണ്ട് സഹിക്കേണ്ട ഒരു തീ. അതിന്റെ തീവ്രത നമ്മളെ നമുക്കുതന്നെ പരിചയമില്ലാത്ത ആഴങ്ങളിലേക്ക് വലിച്ചിഴക്കും. ഒരാളുടെ പേരൊച്ച പോലും ഹൃദയത്തിൽ ഒരു ചെറു ഭൂചലനം സൃഷ്ടിക്കും; അവർ അകന്നാൽ, ശ്വാസം തന്നെ ഒന്നു മന്ദഗതിയിലാകും. പ്രണയത്തിൽ സന്തോഷം അതിരില്ലാത്ത ആകാശം പോലെ വ്യാപിക്കും, പക്ഷേ വേദന സമുദ്രത്തിന്റെ ആഴം പോലെ തീരമില്ലാതെ നീളും. ഒരുമിച്ച് ചിലവഴിച്ച നിമിഷങ്ങൾ പിന്നീട് ഓർമ്മകളായി മാറുമ്പോൾ, അവ തന്നെ നമ്മുടെ ശക്തിയും ദൗർബല്യവും ആയി മാറുന്നു. മറക്കാൻ ശ്രമിക്കുമ്പോൾ കൂടുതൽ തെളിഞ്ഞുവരുന്നതു കഴിഞ്ഞുപോയ സന്തോഷം നിറഞ്ഞ ദിനങ്ങൾ , അതാണ് പ്രണയത്തിന്റെ വിരോധാഭാസം. ചില പ്രണയങ്ങൾ പൂർത്തിയാകാൻ പിറന്നതല്ല; അവ പഠിപ്പിക്കാൻ പിറന്നവയാണ്. നമ്മെ കൂടുതൽ സ്നേഹിക്കാൻ, കൂടുതൽ കരുതലോടെ ജീവിക്കാൻ, ചിലപ്പോൾ കൂടുതൽ കരുത്തോടെ ഒറ്റയ്ക്കു നിൽക്കാൻ പഠിപ്പിക്കുന്നവ. കണ്ണുനീർ ചൊരിയുന്ന രാത്രികൾക്കുപിന്നാലെ പോലും, അതിന്റെ ഓർമ്മയിൽ ഒരു മധുരം ഒളിഞ്ഞിരിക്കും കാരണം അത് ഒരിക്കൽ നമ്മെ വല്ലാതെ സന്തോഷിപ്പിച്ചിരുന്നു. പ്രണയം ഒരാളെ സ്വന്തമാക്കുന്നതല്ല; ഒരാളെ ഹൃദയത്തിന്റെ ഏറ്റവും സുരക്ഷിതമായ ഇടത്ത് വച്ചുപരിപാലിക്കുന്നതാണ് അവർ നമ്മോടൊപ്പമുണ്ടായാലും ഇല്ലെങ്കിലും. നഷ്ടപ്പെടാനുള്ള ഭയം ഉണ്ടെങ്കിലും, ഒരിക്കൽ സ്നേഹിച്ച ഹൃദയം ഒരിക്കലും ശൂന്യമാകില്ല. അതിൽ എപ്പോഴും ഒരു ശബ്ദമുണ്ടാകും — “നീ ഒരിക്കൽ എന്റെ ലോകമായിരുന്നു” എന്നൊന്ന് മൃദുവായി ചൊല്ലുന്നൊരു മധുരശബ്ദം...𝗦𝗮𝗷𝗶𝘁𝗵✍️💘💘