@pk8
@pk8

🌹🍃 നിഴലാട്ടം 🍃🌹

👤👤👤👤👤👤👤👤👤

ഡബിൾ മർഡർ **************** സസ്പെന്‍സ് ക്രൈം ത്രില്ലർ *************************** അവസാന ഭാഗം Written by :- വിനോദ് മൂന്ന് മനുഷ്യരൂപങ്ങള്‍! രവി ഞെട്ടിപ്പോയി. മൂന്നു മനുഷ്യരൂപങ്ങളേയും തല കീഴായി കെട്ടിത്തൂക്കിയിട്ടിരിക്കുകയാണ്. അവരെ രവി തിരിച്ചറിഞ്ഞു. കുനൂര്‍ ദൊലോനയിലെ മെത്രാന്‍ ഗോണ്‍സാല്‍വസ്, കാര്‍ലോസച്ചന്‍, സഹായ മെത്രാന്‍ ഫ്രെഡ്ഡി. മൂവരുടേയും മുഖങ്ങള്‍ ചീര്‍ത്ത് കണ്ണുകള്‍ തുറിച്ച് നില്‍ക്കുന്നു. കൃഷ്ണമണികള്‍ ചലിക്കുന്നുണ്ട്,. അസ്പഷ്ടമായ സ്വരം പുറപ്പെടുവിക്കാന്‍ ശ്രമിക്കുന്നുണ്ട്. വായ തുറക്കുമ്പോള്‍ എന്തോ വെള്ളം വായില്‍ നിന്ന് വീണ് തറയില്‍ പരക്കുന്നുണ്ട്. ബെന്നറ്റ് കുസൃതിച്ചിരിയോടെ അവര്‍ക്കടുത്ത് ചെന്ന് കുനിഞ്ഞു നിന്നു. “ അഭിവന്ദ്യനായ പിതാവേ, ഈശോമിശിഹാക്ക് സ്തുതിയായിരിക്കട്ടെ.. ഭൂമിയില്‍ സന്മനസുള്ളവര്‍ക്ക് സാമാധാനമായിരിക്കട്ടെ..” ബെന്നറ്റ് രവിയോട് പറഞ്ഞു: “ ഇതാണ് മിസ്റ്റര്‍ സിഐഡി, നിങ്ങള്‍ അന്വേഷിച്ചുകൊണ്ടിരിക്കുന്ന ദി മിസിങ്ങ് പ്യൂപ്പിള്‍. കഴിഞ്ഞ രണ്ടാഴ്ചയായി ഇവര്‍ ഇതേ കിടപ്പ് കിടക്കുന്നു. തല കീഴായി തൂങ്ങി, ഭക്ഷണവും വെള്ളവും കിട്ടാതെ നരകിച്ച്. ഇവരുടെ രക്തവും നീരുമെല്ലാം ഒഴുകി തലയില്‍ ഊറിക്കൂടിയിരിക്കുന്നു. ദാറ്റീസ് ദ പവര്‍ ഓഫ് ഗ്രാവിറ്റി..ദേ ആര്‍ ഇന്‍ ദി ഹെല്‍...മൈ ഹെല്‍..” “ഇതാരാണ് ചെയ്തത്..?” രവി ചോദിച്ചു. ബെന്നറ്റ് ചിരിച്ചു: “ ഞാനാണ്..ഞാന്‍ മാത്രമാണ് സാര്‍....ഐ ആം ദി വിന്നര്‍...” “ എന്തിന്..?” “ ഞാന്‍ സാറിനോട് പറഞ്ഞില്ലേ..എനിക്ക് പ്രതികാരം ചെയ്യണമെന്ന്...ഇവരോടാണ് എനിക്ക് പ്രതികാരം ചെയ്യാനുള്ളത്...എന്നെ ഇതിലേക്ക് വലിച്ചിഴച്ചത് ഇവരാണ്. ഒരു ദിവസം രാത്രി.. ഞാന്‍ ഈ മഠത്തില്‍ വന്നിട്ട് ഒരാഴ്ചയേ ആയുള്ളൂ..അന്നു സന്ധ്യക്ക് മഠത്തില്‍ കുറച്ച് അതിഥികള്‍ വന്നതായി ഞാന്‍ മനസിലാക്കി. ആ രാത്രി മദര്‍ സുപ്പീരിയര്‍ എന്നെ വന്നു വിളിച്ചു, മെത്രാനോട് കുമ്പസാരിക്കണമെന്ന് പറഞ്ഞു. ഞാന്‍ മദറിന്‍റെ ഒപ്പം പോയി. ഞാന്‍ മെത്രാനടുത്ത് കുമ്പസാരിച്ചു. അയാള്‍ വിശുദ്ധ മൂറോന്‍ വെള്ളമാണെന്ന് പറഞ്ഞ് എന്‍റെ മുഖത്ത് തളിച്ചു. ഞാന്‍ ബോധം കെട്ടു വീണു. പിന്നെ ഉണരുമ്പോള്‍ ഈ നിലവറയിലായിരുന്നു. ഞാന്‍ പരിപൂര്‍ണ നഗ്നയായിരുന്നു. എന്നെ തലകീഴായി കെട്ടിത്തൂക്കിയിട്ടിട്ട് എന്‍റെ വലത്തു കൈത്തണ്ടയുടെ ഞരമ്പ് മുറിച്ചിട്ടിരിക്കുകയാണ്. അതില്‍ നിന്നും രക്തം വാര്‍ന്ന് താഴെയുള്ള കളത്തില്‍ ഒഴുകി പടര്‍ന്നു. തറയില്‍ ഒരു രക്തത്തടാകം തന്നെയുണ്ടായിരുന്നു. എന്‍റെ രക്തമായിരുന്നു അത്. ഗോണ്‍സാല്‍വസും ഫ്രെഡ്ഡിയും കാര്‍ലോസും പൂര്‍ണ നഗ്നരായി പൂജ നടത്തുകയായിരുന്നു. ഞാന്‍ അലറി വിളിച്ചു. ഞാന്‍ മരിച്ചിട്ടില്ലെന്ന് കണ്ടപ്പോള്‍ അവരെന്നെ താഴെയിറക്കി ഇടത്തേ മുലയില്‍ മുദ്ര വച്ച് പൊള്ളിച്ചു. പിന്നെ അവരെന്നെ മാറി മാറി മൈഥുനം നടത്തി. അതിനെയെല്ലാം ഞാന്‍ അതിജീവിച്ചു. അതിജീവിച്ചവരെ കൊല്ലാന്‍ സാത്താന്‍റെ ബൈബിളില്‍ പറഞ്ഞിട്ടില്ലാത്തതിനാല്‍ എന്‍റെ ജീവന്‍ രക്ഷപ്പെട്ടു. വെള്ളിയാഴ്ചയും പതിമൂന്നാം തീയതിയും കൂടി വരുന്ന ദിവസം അല്ലെങ്കില്‍ ഗ്രഹണ ദിവസം കന്യകയുടെ രക്തം അഭിഷേകം ചെയ്ത് ഇവിടെ പൂജ നടത്തിക്കൊണ്ടിരുന്നു. അത് കൊല്ലത്തിലൊരിക്കലോ മറ്റോ ആയിരിക്കും. ഇത്തവണ സിസ്റ്റര്‍ അനിതക്കാണ് നറുക്ക് വീണത്. ഞാനും ജാസ്മിനും അന്ന് ഡിസംബര്‍ നാലാം തീയതി രാത്രി അനിതയെ അന്വേഷിച്ചു നടക്കുമ്പോള്‍ അവളെ ഇവിടെ നഗ്നയായി തലകീഴായി കെട്ടിത്തൂക്കിയിട്ടിരിക്കുകയായിരുന്നു. കൈയിലെ രക്ത ഞരമ്പും മുറിച്ചിട്ടിരുന്നു. കുനൂര്‍ ദൊലോനയിലെ മെത്രാന്‍ നെടുങ്കണ്ടത്തച്ചന് ഇതൊന്നും ഇഷ്ടമല്ലായിരുന്നു. ഇവിടെ ഇങ്ങനെയുള്ള പരിപാടിയുണ്ടെന്ന് പുള്ളിക്ക് അറിയുകയും ഇല്ല. പക്ഷേ അന്ന് ഇവിടെ എന്തൊക്കെയാണ് നടക്കുന്നതെന്ന് പുള്ളി മനസിലാക്കി. ജാസ്മിനെ കുമ്പസാരിക്കാന്‍ കൊണ്ടു വന്ന സമയത്ത് നടന്നത് അതാണ്. അദ്ദേഹം പ്രശ്നമുണ്ടാക്കി. അദ്ദേഹത്തെ ഇല്ലാതാക്കി മെത്രാന്‍ പദവി തട്ടിയെടുക്കാന്‍ ശ്രമിക്കുന്ന സഹായ മെത്രാന്‍ മാത്രമായിരുന്നു അന്ന് ഗോണ്‍സാല്‍വസ്. ആ അവസരം വിനിയോഗിക്കാന്‍ അവര്‍ തീരുമാനിച്ചു. അവര്‍ നെടുങ്കണ്ടത്തച്ചനെ അടിച്ചുകൊന്നു. അപ്പോള്‍ സമയം പാതിരാവ് കഴിഞ്ഞിരുന്നു. പൂജ നടത്താനുള്ള സുപ്രധാന ദിവസം കൂടിയായിരുന്നു അത്. അച്ചനെ അന്നു തന്നെ കൊല്ലാന്‍ ഗോണ്‍സാല്വസും കൂട്ടരും നേരത്തെ പദ്ധതിയിട്ടിട്ടുണ്ടായിരുന്നു. അതിന്‍റെ ഭാഗമായി പുതിയ മെത്രാനായി ഗോണ്‍സാല്‍വസ് അരങ്ങേറ്റവും നടത്തിയിരുന്നു. അച്ചന്‍റെ ഡെഡ്ബോഡിയുമായി ഇവിടെ വന്നപ്പോഴേക്കും രക്തം വാര്‍ന്ന് അനിത മരിച്ചിരുന്നു. അവള്‍ മരിച്ച സ്ഥിതിക്ക് അവളുടെ കന്യകാത്വം നശിപ്പിച്ച് സാത്താന്‍വത്ക്കരിക്കപ്പെടണമെന്ന് പറഞ്ഞത് ഗോണ്‍സാല്‍വസാണ്. അവളുടെ ജഡത്തിന്‍റെ ഇടത്തേ മുലയില്‍ സാത്താന്‍റെ ചിഹ്നം മുദ്രണം ചെയ്ത് അവളുടെ ജഡത്തെ അവര്‍ മൂന്നുപേരും മാറി മാറി ബലാത്സംഗം ചെയ്തു. അതുകണ്ടപ്പോള്‍ എനിക്ക് സഹിച്ചില്ല. ഞാനും കൂടെയുണ്ടായിരുന്നു.” “ അപ്പോള്‍ മദര്‍ സുപ്പീരിയറും ആഗ്നസ് സിസ്റ്ററുമോ...?” “ അവര്‍ക്കിതൊന്നും അറിയില്ല. ഇങ്ങനെയൊരു താവളത്തെ കുറിച്ചുപോലും അവര്‍ക്കറിയില്ല. ഞാന്‍ ഇവരുടെയാളായത് എന്തോ നിയോഗം കൊണ്ടാണെന്ന് തോന്നുന്നു. കാരണം പീഢയെ അതിജീവിച്ചത് ഞാന്‍ മാത്രമായിരുന്നു. എനിക്ക് ഇവരുമായി ഇത്രയധികം ആഴത്തിലുള്ള ബന്ധമുണ്ടെന്ന് മദറിനോ ആഗ്നസിനോ അറിയില്ല. മെത്രാന് കിടന്നുകൊടുക്കുകയും ചിലപ്പോള്‍ അങ്ങേരുടെ ഇംഗിതപ്രകാരം പാവപ്പെട്ട കന്യാസ്ത്രീകളെ കൂട്ടിക്കൊടുക്കുകയും മാത്രമാണ് അവരുടെ ജോലി. “ എന്നിട്ട് എന്തു സംഭവിച്ചു. ഇവരെങ്ങനെ ...?” “ ഞാന്‍ ചുറ്റി കൊണ്ട് ഓരോരുത്തരെയായി തലക്കടിച്ച് ബോധം കെടുത്തി. എന്നിട്ട് ഇതുപോലെ തല കീഴായി കെട്ടിത്തൂക്കി....എന്‍റെ പ്രതികാരം പൂര്‍ത്തിയായി..എന്നിട്ട് ഞാന്‍ തന്നെയാണ് അനിതയുടെ ജഡം ചുമന്ന് മഠത്തിലെ കിണറില്‍ കൊണ്ടുവന്നിട്ടത്...പോലീസ് നായയുടെ വഴി തെറ്റിക്കാന്‍ വേണ്ടിയും കേസുണ്ടായാല്‍ അന്വേഷണ തിരിച്ചുവിടാന്‍ വേണ്ടിയുമാണ് അവളുടെ റൂം അലങ്കോലപ്പെടുത്തിയതും കുറേ രക്തം വഴിയില്‍ ഒഴിച്ചതും.” ബെന്നറ്റ് രവിയെ നോക്കി ചുണ്ടുകടിച്ച് ചിരിച്ചു. രവി അവളെ ശ്രദ്ധിക്കുമ്പോഴേക്കും ബെന്നറ്റ് ഒരു അലര്‍ച്ചയോടെ അവള്‍ പിന്നില്‍ ഇടതുകൈയിലായി ഒളിപ്പിച്ചിരുന്ന ചുറ്റികയെടുത്ത് രവിയുടെ തലക്ക് നേരേ അടിച്ചു. “ ദാ...ഇതുകൂടി.....!!!” അവള്‍ അലര്‍ച്ചയോടെ പറഞ്ഞു. പക്ഷേ രവി അത് പ്രതീക്ഷിച്ചിരുന്നു. അവന്‍ അതിവിദഗ്ദമായി ഒഴിഞ്ഞുമാറി.. ബെന്നറ്റ് ചുറ്റിക പിന്നേയും വീശി രവി അതില്‍ പിടുത്തമിട്ടു. ബെന്നറ്റ് ആ സന്ദര്‍ഭം മുതലാക്കി രവിയുടെ അടിവയറില്‍ ആഞ്ഞു തൊഴിച്ചു. രവി വയറുപൊത്തിപ്പിടിച്ച് കുനിഞ്ഞുപോയി. ബെന്നറ്റ് പിന്നേയും ചുറ്റിക ഉയര്‍ത്തിയെങ്കിലും രവി കുനിഞ്ഞ നിലയില്‍ത്തന്നെ അവളുടെ കാലുകളില്‍ പിടിച്ച് ശക്തിയായി വലിച്ചു. ബെന്നറ്റ് കാലിടറി നിലത്തു വീണു. ചുറ്റിക തെറിച്ചുപോയി. രവി അവളുടെ കരണത്ത് ആഞ്ഞൊരടി കൊടുത്തു. പെട്ടെന്ന് ബുട്ട്സുകളുടെ ശബ്ദം തുരങ്കത്തിലാകെ മുഴങ്ങി. പോലിസുകാര്‍ പാഞ്ഞു വരികയാണ്. ബെന്നറ്റ് അത് മനസിലാക്കി കുതറി എഴുന്നേറ്റോടി. രവി പിന്നാലെയോടി. നീളമുള്ള തുരങ്കപാതയിലൂടെ ബെന്നറ്റ് അതിവേഗമോടി. “ ബെന്നറ്റ് നില്‍ക്ക്...നിനക്ക് രക്ഷപ്പെടാനാകില്ല.. എല്ലാ പഴുതും ഞാനടിച്ചിരിക്കുകയാണ്..പോലീസ് നാലുപാടും വളഞ്ഞിരിക്കുകയാണ്..” രവി വിളിച്ചു പറഞ്ഞു. ബെന്നറ്റ് മറ്റൊരു തളത്തിലേക്ക് ഓടി അവിടെ മധ്യത്തിലായി ഒരു കിണര്‍ കണ്ടു. ബെന്നറ്റ് വിജയശ്രീലാളിതയെപ്പോലെ കിണറിനരികില്‍ നിന്ന് രവിയെ നോക്കി. അവള്‍ കിതച്ചുകൊണ്ട് ചിരിച്ചു. രവി ഓടിയെത്തി. അപ്പോഴേക്കും അവള്‍ കിണറിന്‍റെ വക്കത്ത് കയറി. ബെന്നറ്റ് വിളിച്ചു പറഞ്ഞു “ എന്നെ പിടിച്ചോളൂ മിസ്റ്റര്‍ സിഐഡി..” “ ബെന്നറ്റ്..വേണ്ട ...അരുത്...അത് ചെയ്യരുത്..” “ സോറി..” ബെന്നറ്റ് അത്രയും പറഞ്ഞിട്ട് കിണറിലേക്ക് ചാടി.. രവി ഓടി വന്നു. അവന്‍ പോക്കറ്റില്‍ നിന്ന് ടോര്‍ച്ചെടുത്ത് കിണറിനുള്ളിലേക്ക് പ്രകാശിപ്പിച്ചു. അടിത്തട്ടിലെ പാറയില്‍ രക്തത്തില്‍ കുളിച്ച് കിടക്കുന്ന ബെന്നറ്റിന്‍റെ ജഡമാണ് കണ്ടത്. “ ഷിറ്റ്..” രവി തലയിലടിച്ചു. അപ്പോഴേക്കും സിഎ ജോയ്സും സംഘവും അവിടെയെത്തി. “ സാര്‍..?” “ അവര് കിണറ്റില്‍ ചാടി...ഷീ ഈസ് ഡെഡ്..” രവി നിരാശയോടെ പറഞ്ഞു. പൊടുന്നനേ അവന്‍ അക്കാര്യമോര്‍ത്തു “ മി. ജോയ്സ്, ക്വിക്ക്.. അവിടെ മൂന്നുപേരെ തലകീഴായി കെട്ടിത്തൂക്കിയിട്ടുണ്ട്. രണ്ടാഴ്ചയായി ഭക്ഷണമോ വെള്ളമോ ഇല്ലാതെ ഒരേ കിടപ്പ്. അവര് ജീവനോടെയുണ്ടോ അതോ ഇല്ലയോ..? ഐ ഡോണ്ട് നോ..വേഗം ഹോസ്പിറ്റലിലെത്തിക്ക്..ക്വിക്ക്..” രവിയുടെ നിര്‍ദേശം കേട്ടയുടന്‍ പോലീസ് സംഘം അവിടേക്ക് പാഞ്ഞു. ബെന്നറ്റിന്‍റെ ജഡം പുറത്തെടുക്കാനുള്ള ഏര്‍പ്പാട് ചെയ്തു. രവി കല്ലറക്ക് പുറത്തെത്തിയപ്പോഴേക്കും ന്യൂസ് ചാനലുകളുടെ ഒരു പട തന്നെ അവിടെ തമ്പടിച്ചിരുന്നു. രവി, മദര്‍ സുപ്പീരിയറിന്‍റെ ഓഫീസിലെത്തി അവിടെ വിഷണ്ണരായിരിക്കുകയായിരുന്നു മദറും സിസ്റ്റര്‍ ആഗ്നസും. വിവരങ്ങളെല്ലാമറിഞ്ഞ മദര്‍ പൊട്ടിക്കരഞ്ഞു. രവി പറഞ്ഞു; “ മദര്‍, സിസ്റ്റര്‍ ആഗ്നസ്..യൂ ആര്‍ അണ്ടര്‍ അറസ്റ്റ്...” പോലീസ് സംഘത്തിലെ വനിതാപോലീസുകാര്‍ രണ്ട് സ്ത്രീകളേയും പോലീസ് വാഹനത്തിലേക്ക് കൂട്ടിക്കൊണ്ടുപോയി.. 00000 000000 00000 മതമേലദ്ധ്യക്ഷന്മാര്‍ ഇടപെട്ട് പുതിയ മെത്രാനെ നിയമിച്ചു. മഠത്തിന് പുതിയ മദര്‍ സുപ്പീരിയര്‍ വന്നു. ശ്മശാനത്തിലെ വിക്ടോറിയാ കല്ലറ കോണ്‍ക്രീറ്റ് ചെയ്ത് സീല്‍ ചെയ്തു. ഹോസ്പിറ്റലിലാക്കപ്പെട്ട പഴയ മെത്രാന്‍റെ സഹായി ഫ്രെഡ്ഡിയും കാര്‍ലോസും മരിച്ചു. ഗോണ്‍സാല്‍വസ് തലച്ചോറ് കലങ്ങി സ്വബോധം നഷ്ടപ്പെട്ടവനായി മേലാസകലം തളര്‍ന്ന് ശയ്യാവലംബിയായി. പഴയ മദര്‍ സുപ്പീരിയറും ആഗ്നസും ജയിലില്‍ വിചാരണത്തടവുകാരായി കിടക്കുന്നു. തൊണ്ടിയായി കിട്ടിയ അനിതാസിസ്റ്ററിന്‍റെ തിരുവസ്ത്രങ്ങള്‍ പച്ചബാഗിലാക്കി ജേജേയുടെ കുരുക്ക് മുറുക്കി. രവി അന്ന് പുലര്‍കാലത്ത് ക്വാര്‍ട്ടേഴ്സിന്‍റ മട്ടുപ്പാവില്‍ പത്രം വായിച്ചുകൊണ്ടിരിക്കവേ താഴെ ഒരു കാര്‍ വന്നു നിന്നു. അതില്‍ നിന്ന് സുനിലും ജാസ്മിനും ഇറങ്ങി. ഹോസ്പിറ്റല് വാസം കഴിഞ്ഞ് ജാസ്മിന്‍ ആരോഗ്യം വീണ്ടെടുത്തിട്ടുണ്ട്. രവി താഴെക്ക് ഇറങ്ങിച്ചെന്നു. “ ഗുഡ്മോണിങ്ങ് ദമ്പതികളേ..എന്താണ് ഈ പുലര്‍കാലത്ത് വിശേഷിച്ച്.. കല്യാണത്തിന് ഞാനാണല്ലോ മുന്‍പന്തിയില്‍ നിന്നത്. ഇനിയെന്താണ് കുഴപ്പം. തിരുവസ്ത്രം തിരികെ കൊടുത്ത് പട്ടം ഒഴിവായില്ലേ...സിസ്റ്റര്‍ ജാസ്മിന്‍...ഓ..സോറി വീണ..” “ അതൊക്കെ ചെയ്തു..” സുനില്‍ പറഞ്ഞു.. “ പിന്നെന്ത്..?” “ ഇന്ന് ദില്ലിക്ക് പോകുന്നു.” “ വാഹ്... ഹണിമൂണ്‍ ട്രിപ്പ്..?” രവി പൊട്ടിച്ചിരിച്ചു. സുനില്‍ ഇടപെട്ടു: “ ഏയ് ഹണിമൂണ്‍ ട്രിപ്പൊന്നുമല്ല..എന്നെ മലയാളമാമാങ്കം ദില്ലിയിലേക്ക് തട്ടി..എന്നാല്‍പ്പിന്നെ ഞങ്ങളൊരുമിച്ചങ്ങ് പോയേക്കാമെന്ന് കരുതി...സാറിനെ കണ്ട് യാത്ര പറയാന്‍ വന്നതാണ്..” “ പ്രമോഷനുണ്ടോ..?” “ ഉണ്ട്..” “ കണ്‍ഗ്രാജുലേഷന്‍സ്..” രവി അഭിനന്ദിച്ചു. ഇരുവരും രവിയോട് യാത്ര പറഞ്ഞ് കാറില്‍ കയറി. കാര്‍ ഗേറ്റ് കടന്ന് ഹൈറേഞ്ച് മലനിരകള്‍ക്കിടയിലെ നീളന്‍പാതയിലുടെ പാഞ്ഞു. അത് കണ്ട് രവി ഒന്നു പുഞ്ചിരിച്ചു. 00000 അവസാനിച്ചു. #📙 നോവൽ
ഡബിൾ മർഡർ **************** സസ്പെന്‍സ് ക്രൈം ത്രില്ലർ *************************** ഭാഗം - 13 Written by :- വിനോദ് കല്ലറക്കകത്തെ തുരങ്കപാതയിലുടെ സിസ്റ്റര്‍ ബെന്നറ്റ് സിസ്റ്റര്‍ ജാസ്മിനെ നയിച്ചു. ചുവരുകളിലെ മെഴുകുതിരികള്‍ കൊളുത്തിവച്ചുകൊണ്ടാണ് ബെന്നറ്റ് നടന്നത്. നടന്നു നടന്ന് അവര്‍ ഒരു കല്‍ത്തളത്തില്‍ എത്തിച്ചേര്‍ന്നു. ബെന്നറ്റ് ചുവരുകളിലെ സ്റ്റാന്‍ഡുകളില്‍ ഉണ്ടായിരുന്ന വലിയ മെഴുകുതിരികള്‍ കത്തിച്ചു. അപ്പോള്‍ അവിടെ പ്രകാശം പരന്നു. മെഴുകുതിരികളുടെ മഞ്ഞ നിറമുള്ള വെളിച്ചത്തില്‍ ജാസ്മിന്‍ ആ തളം മുഴുവന്‍ കണ്ടു. കരിങ്കല്ല് കൊണ്ടാണ് ഭിത്തി കെട്ടിയിരിക്കുന്നത്. തറയിലും കരിങ്കല്ല് പാകിയിരിക്കുന്നു. തളത്തിന്‍റെ ഒരു ഭാഗത്ത് തറയിലായി ഒരു മീറ്റര്‍ വ്യാസമുള്ള ഒരു വൃത്തം കരിങ്കല്ലില്‍ വരഞ്ഞു കൊത്തിയിരിക്കുന്നു. അതിന് നടുവില്‍ ആറു കാലുള്ള നക്ഷത്രം. ഒരാള്‍ ഉയരമുള്ള ഒരു പ്രതിമ അതിന് പിന്നില്‍ ഉണ്ട്. ചുവരില്‍ നീളമുള്ള ഒരു തൃശൂലം, ഷഡ്പദങ്ങളെ പിടിക്കാന്‍ ഉപയോഗിക്കുന്നതരം അറ്റത്ത് വലയുള്ള ഒരു വടി, കൊടുവാള്‍ എന്നിങ്ങനെ ചില സാധനങ്ങള്‍ കൊളുത്തി വച്ചിട്ടുണ്ട്. മൃഗത്തിന്‍റെ മുഖമുള്ള അതിന് കൊമ്പുകളുണ്ട്. കൈയില്‍ എന്തോ ആയുധവുമുണ്ട്. കറുത്ത നിറമാണതിന്. പ്രതിമയുടെ മുന്നില്‍ നിരനിരയായി മെഴുകുതിരികള്‍ കത്തി നില്‍ക്കുന്നു. കെട്ടുപോയവ ബെന്നറ്റ് കത്തിക്കുകയാണ്. അവിടെ ദുര്‍ഗന്ധമുണ്ട്. മാംസം ചീഞ്ഞ ഗന്ധം. തറയിലെ നക്ഷത്രത്തിന്‍റെ കുഴിഞ്ഞ വരകളില്‍ തളം കെട്ടി നില്‍ക്കുന്നത് പഴകിയ രക്തമാണെന്ന് ജാസ്മിന്‍ ഊഹിച്ചു. അവള്‍ നടുങ്ങി. അവള്‍ ശബ്ദം താഴ്ത്തി ബെന്നറ്റിനോട് ചോദിച്ചു: “ ഇതെന്താണ്..?” ബെന്നറ്റ് ചുണ്ടില്‍ വിരല്‍ ചേര്‍ത്ത് ശബ്ദിക്കരുതെന്ന് ആംഗ്യം കാണിച്ചു. മെഴുകുതിരികളെല്ലാം കത്തിച്ചുവച്ചതിനുശേഷം ബെന്നറ്റ് ജാസ്മിനടുത്തേക്ക് വന്നു. അവള്‍ ജാസ്മിനെ കെട്ടിപ്പിടിച്ച് ഊഷ്മളമായി കവിളത്ത് ചുംബിച്ചു. എന്നിട്ട് പറഞ്ഞു: “ ദിസ് ഈസ് ഔര്‍ ലോര്‍ഡ്...ആന്‍റ് ഗോഡ്..” “ അപ്പോള്‍ ജീസസ്...?” “ ശ്…ഹി ഈസ് ദി ജീസസ്...” ബെന്നറ്റിന്‍റെ കൈകള്‍ ജാസ്മിന്‍റ പുറംഭാഗത്തുകൂടി താഴേക്ക സഞ്ചരിച്ച് നിതംബത്തില്‍ അമര്‍ന്നു. ജാസ്മിന്‍ ബെന്നറ്റിന്‍റെ കൈ തട്ടിക്കളഞ്ഞു “ ഛീ...എന്താടി ..ഇത്?” ബെന്നറ്റ് ചിരിച്ചു. അസ്പഷ്ടമായ എന്തൊക്കെയോ ശബ്ദങ്ങള്‍ എവിടെ നിന്നോ കേട്ടു. ജാസ്മിന്‍ ചെവിയോര്‍ത്തു. മനുഷ്യസ്വരം പോലെയോ മരിക്കുന്ന പോത്തിന്‍റേതുപോലെയോ അസ്പഷ്ടമായ ചില ശബ്ദങ്ങള്‍ “ ബെന്നറ്റ്, എന്താണ് ആ ശബ്ദം..?” “ ഓ അതോ..നമ്മുടെയാള്‍ക്കാര് തന്നെ..” “ ഈശോയെ ഇനി വേറെയും ആളുകളുണ്ടോ..?” “ പിന്നെ ഞാനൊറ്റക്കാണെന്നാ നീ വിചാരിച്ചേ...?” ബെന്നറ്റ്, ജാസ്മിന്‍റെ തിരുവസ്ത്രത്തില്‍ പിടിച്ചു. ജാസ്മിന്‍ അവളുടെ കൈ തട്ടി മാറ്റി. ബെന്നറ്റിന്‍റെ കൈയില്‍ ഓപ്പറേഷന്‍ ബ്ലേഡ് പോലുള്ള ഒരായുധം എവിടെ നിന്നോ പ്രത്യക്ഷപ്പെട്ടു. ഞൊടിയിടയില്‍ അത് ജാസ്മിന്‍റെ വസ്ത്രത്തില്‍ ചലിച്ചു. അവള്‍ വിവസ്ത്രയായി. “ നീ എന്താണ് ചെയ്യാന്‍ പോകുന്നത്..?” “ ചുമ്മാ...നീ എന്‍റെ കൂട്ടുകാരിയായിരുന്നിട്ടും എന്നെ ഒറ്റിക്കൊടുത്തില്ലേ...അതിന്..ഒറ്റിക്കൊടുത്തവരെ എനിക്കിഷ്ടമല്ല...” ജാസ്മിന്‍റെ നാഭിയിലെ രോമരാജിയിലൂടെ ബെന്നറ്റ് കത്തിമുനയോടിച്ചു ചോര പൊടിഞ്ഞു നില്‍ക്കുന്ന ഒരു വര പ്രത്യക്ഷപ്പെട്ടു. തന്‍റെ കാലുകളില്‍ എന്തോ മുറുകുന്നതായി ജാസ്മിന് തോന്നി. അതെന്താണെന്ന് മനസിലാക്കാന്‍ കഴിയുന്നതിന് മുമ്പേ അവള്‍ തറയില്‍ വീണു. കാലുകളില്‍ കയറ് കുരുങ്ങി അവള്‍ തല കീഴായി മേലേക്ക് പൊങ്ങി. അവള്‍ സാത്താന്‍റെ കളത്തിന് മുകളില്‍ തല കീഴായി തൂങ്ങിക്കിടന്നു. ബെന്നറ്റ് തിരുവസ്ത്രമഴിച്ച് നിലത്തിട്ടു. ഒപ്പം മൊബൈല്‍ ഫോണും തറയില് വച്ചു. അവള്‍ നഗ്നയായി സാത്താന്‍റെ പൂജ തുടങ്ങി. വെഞ്ചരിച്ച അപ്പവും ആര്‍ത്തവ രക്തവും തലമുടിയും ശേഖരിച്ചത് പാത്രങ്ങളില്‍ നിരത്തി. ഒരു പുസ്തകം എടുത്ത് നിവര്‍ത്തി അലറുന്ന ശബ്ദത്തില്‍ ചൊല്ലി. ബൈബിള്‍ വചനങ്ങള്‍ മറിച്ചുചൊല്ലുകയാണവള്‍. ഈ രംഗമാണ് താഴെ കിടന്ന ബെന്നറ്റിന്‍റെ ഫോണിലെ സ്പൈ ക്യാമിലൂടെ രവി കണ്ടത്. അവന്‍ ഉടന്‍ തന്നെ ഫാദര്‍ ക്രിസ്റ്റഫറിന്‍റെ മുറിയില്‍ നിന്ന് ഓടി പുറത്തിപുറത്തിറങ്ങി കാറ് സ്റ്റാര്‍ട്ട് ചെയ്ത് അതിവേഗം ഓടിച്ചു. തല കീഴായി തൂങ്ങിക്കിടന്ന് പിടച്ചുകൊണ്ടിരുന്ന ജാസ്മിന്‍ എങ്ങനെ രക്ഷപ്പെടണമെന്നാണ് ആലോചിച്ചത്. താഴെ തറയില്‍ ഫോണ്‍ കിടക്കുന്നുണ്ട്. രവിസാറിനെ വിളിക്കാന്‍ പറ്റിയാല്‍ രക്ഷപ്പെട്ടു. അവള്‍ ചുറ്റും നോക്കിയപ്പോള്‍ ചുവരില്‍ ഷഡ്പദങ്ങളെ പിടിക്കാന്‍ ഉപയോഗിക്കുന്ന അറ്റത്ത് വലയുള്ള നീളന്‍ വടി കണ്ടു. ഷഡ്പദങ്ങളെ പിടിച്ച് സാത്താന് പൂജാവേളയില്‍ ഹോമിക്കാനുള്ളതായിരിക്കണം. ജാസ്മിന്‍ ആയമെടുത്ത് ആടി. പൂജയുടെ ലഹരിയിലായിരുന്ന ബെന്നറ്റ് ഇതറിഞ്ഞില്ല. ആടിയാടി ജാസ്മിന് ആ വടി കൈയില്‍ കിട്ടി. അവള്‍ അതിന്‍റെ അഗ്രത്തിലെ വല ഉപയോഗിച്ച് ഫോണ്‍ കൈക്കലാക്കി. അവള്‍ രവിയുടെ നമ്പര്‍ ഡയല്‍ ചെയ്തു. കാറോടിച്ചുകൊണ്ടിരിക്കെ രവി ഫോണെടുത്തു. ജാസ്മിന്‍റെ ശബ്ദം കേട്ടു: “ സാര്‍ ...മഠത്തില്‍ ശ്മശാനം വിക്ടോറിയയുടെ കല്ലറ..വേഗം വരണം..ഞാന്‍ അപകടത്തിലാണ്..” അവള്‍ അതുപറഞ്ഞിട്ട് ഫോണ്‍ തറയിലെ വസ്ത്രങ്ങളിലേക്കിട്ടു. അത് ശബ്ദമുണ്ടാക്കാതെ വസ്ത്രങ്ങള്‍ക്കിടയില്‍ വീണു. ബെന്നറ്റിന്‍റെ പൂജ പത്ത് മിനിറ്റോളം നീണ്ടു നിന്നു. ഹിസ്റ്റീരിയാ ബാധിച്ചതുപോലെ അവള്‍ തുള്ളിവിറച്ചു. പിന്നെ അവള്‍ എഴുന്നേറ്റ് വന്ന് സര്‍ജറി ബ്ലേഡ് എടുത്ത് ജാസ്മിന്‍റെ വലം കൈത്തണ്ടയിലെ ഞരമ്പ് മുറിച്ചു. ജാസ്മിന്‍ നിലവിളിച്ചു: “ ബെന്നറ്റ്...വേണ്ട ..പ്ലീസ്....” ബെന്നറ്റ് ഉറക്കെ അട്ടഹസിച്ചു. അപ്പോള്‍ അവള്‍ക്ക് മറ്റൊരു ശബ്ദമായിരുന്നു. ജാസ്മിന്‍റെ കൈയില്‍ നിന്ന് രക്തം ധാരയായി ഒഴുകി താഴെ കളത്തില്‍ വീണു. ബെന്നറ്റ് അതിന് ചുവട്ടില്‍ നഗ്നയായി ഇരുന്നു. അവള്‍ രക്തം കൊണ്ട് അഭിഷേകം ചെയ്യപ്പെട്ടു. 00000 000000 00000 രവിയുടെ കാര്‍ അതിവേഗം പാഞ്ഞ് മഠത്തിന്‍റെ പോര്‍ച്ചില്‍ നിന്നു. അവന്‍ ചാടിയിറങ്ങി വളപ്പിലെ ശ്മശാനം കണ്ടുപിടിച്ചു. ഇരുട്ട് കട്ടപിടിച്ച് നില്‍ക്കുകയാണ്. നേരം പുലരാന്‍ ഇനിയും സമയമുണ്ട്. രവി ഇതിനകം തന്നെ പോലീസ് ഫോഴ്സിനോട് സ്ഥലത്തെത്താന്‍ നിര്‍ദേശം നല്‍കിയിരുന്നു. സുനിലിനേയും അറിയിച്ചിരുന്നു. രവി ടോര്‍ച്ച് പ്രകാശിപ്പിച്ചു. ശ്മശാനത്തില്‍ പരതി അവന്‍ വിക്ടോറിയ എന്നെഴുതിയ കല്ലറ കണ്ടുപിടിച്ചു. അതിന്‍റെ സ്ലാബ് ഇളക്കിമാറ്റി. അവന്‍ പടവുകളിലൂടെ അതിവേഗം താഴെയെത്തി. തുരങ്കത്തിന്‍റെ ചുവരുകളില്‍ പന്തങ്ങള്‍ മുനിഞ്ഞു കത്തിക്കൊണ്ടിരുന്നു. രവി പൂജ നടക്കുന്ന തളത്തിലേക്കെത്തി. തല കീഴായി, നഗ്നയായി തൂങ്ങിക്കിടക്കുന്ന ജാസ്മിനെ കണ്ടു. അവളുടെ കൈയില്‍ നിന്നും ധാരധാരയായി രക്തം ഒഴുകിക്കൊണ്ടിരുന്നു. അവളുടെ ബോധം മറഞ്ഞിരുന്നു. ബെന്നറ്റിനെ അവിടെയെങ്ങും കണ്ടില്ല. രവി ഉടന്‍തന്നെ താഴെക്കിടന്ന തുണിക്കഷണങ്ങള്‍ എടുത്ത് ജാസ്മിന്‍റെ കൈയിലെ മുറിവ് കെട്ടി രക്തപ്രവാഹം തടഞ്ഞു. അവളെ കെട്ടഴിച്ച് താഴെയിറക്കി. രവി അവളെ കോരിയെടുത്തുകൊണ്ട് തുരങ്കത്തിലൂടെ കവാടത്തിലേക്ക് പാഞ്ഞു. കല്ലറയ്ക്ക് മുകളിലെത്തിയപ്പോഴേക്കും സുനില്‍ പാഞ്ഞു വരുന്നുണ്ടായിരുന്നു. “ സുനിലേ നീ ഇവളേയും ഹോസ്പിറ്റലിലേക്ക് പോ..കാറാണോ കൊണ്ടുവന്നത്...?” “ അതെ..” “ ഷി ഈസ് നേക്കഡ്...ഒരു ഡ്രസ് എവിടെ നിന്നെങ്കിലും വാങ്ങൂ. വാങ്ങൂ...” അപ്പോഴേക്കും ബഹളമെല്ലാം കേട്ട് സിസ്റ്റേഴ്സ് ഉണര്‍ന്ന് വന്നിരുന്നു. അവര്‍ ഓടിപ്പോയി ഡ്രസ് കൊണ്ടു വന്നു. സുനില്‍ ജാസ്മിനേയും കൊണ്ട് ഹോസ്പിറ്റലിലേക്ക് പാഞ്ഞു. രവി തിരികെ തുരങ്കഅറയിലേക്ക് വന്നു. അവന്‍ തളത്തില്‍ പരതി. അവിടമെല്ലാം രക്തമായിരുന്നു. മെഴുകുതിരികളുടെ മഞ്ഞ വെളിച്ചത്തില്‍ അവന്‍ തറയിലെ ആ അടയാളം തിരിച്ചറിഞ്ഞു. സിസ്റ്റര്‍ അനിതയുടെ ഇടത്തേ മുലയിലെ അതേ അടയാളം. ബെന്നറ്റ് എവിടെ? അവള്‍ ഇവിടെ എവിടേയോ ഉണ്ട്. രവി ശബ്ദമുണ്ടാക്കാതെ മുന്നോട്ട് നടന്നു. ആരോ കൈ കൊട്ടുന്ന ശബ്ദം കേട്ടു. അവന്‍ ചുറ്റും നോക്കി. ചുവരുകളില്‍ വലിയ മെഴുകുതിരികള്‍ കത്തി നില്‍ക്കുന്നുണ്ട്. അകത്ത് കാറ്റില്ലാത്തതിനാല്‍ അവ ഭീകരമായ നിശ്ചലതയോടെ എരിഞ്ഞുകൊണ്ടിരുന്നു. വീണ്ടും കൈയടി ശബ്ദം കേട്ടു. തുരങ്കപാതയുടെ തിരിവില്‍ നിന്ന് നല്ല വെളിച്ചം വരുന്നുണ്ട്. രവി അവിടേക്ക് ചെന്നു. അത് അല്‍പം കൂടി വിശാലമായി ഒരു പ്രെയര്‍ റൂം പോലെ തോന്നിച്ചു, കുറേയേറെ മെഴുകുതിരികള്‍ അവിടെ കത്തി നില്‍ക്കുന്നുണ്ട്. സാത്താന്‍റെ പ്രതിമ അവിടേയും ഉണ്ട്. തറയില്‍ വെള്ളത്തുണിയില്‍ ഒരു ജഡം കിടത്തിയിരിക്കുന്നു. അതിനു മുന്നില്‍ അവള്‍ നില്‍ക്കുന്നുണ്ട്. ബെന്നറ്റ്. അവള്‍ അപ്പോഴും നഗ്നയായിരുന്നു. രവി അവിടേക്ക് വന്നപ്പോള്‍ അവള്‍ കൈയടിച്ചു. “ സബാഷ് സിഐഡി....ഒടുവില്‍ നിങ്ങളെന്നെ കണ്ടെത്തി.. നിങ്ങളുടെ കൂട്ടുകാരിയെ കണ്ടോ?” രവി അവളുടെ ഇടത്തേ മുലയിലെ അടയാളം കണ്ടു. ബെന്നറ്റ് അരികിലെ സ്റ്റാന്‍ഡില്‍ നിന്ന് തിരുവസ്ത്രം എടുത്തണിഞ്ഞുകൊണ്ട് രവിക്കടുത്തേക്ക് വന്നു. രവി ചോദിച്ചു: “ നിങ്ങള്‍ക്കെന്താണ് ബെന്നറ്റ്, ഭ്രാന്തുണ്ടോ..?” ബെന്നറ്റ് ചിരിച്ചു. “ നിങ്ങള്‍ക്കെന്തൊക്കെയാണ് അറിയേണ്ടത് മിസ്റ്റര്‍ സിഐഡി?” “ ഇവിടെ നടന്നതിനെല്ലാം നിങ്ങള്‍ സമധാനം പറയണം.” “ ഷുവര്‍..ദാ നോക്ക്..” ബെന്നറ്റ് താഴെ കിടന്ന ജഡത്തെ ചൂണ്ടിക്കാട്ടി. അത് നെടുങ്കണ്ടത്തച്ചന്‍റേതായിരുന്നു. രവി അതിന്‍റെ തുണി നീക്കി നോക്കി. ജഡം അഴുകിയിട്ടില്ലായിരുന്നു. എന്തോ തൈലം പുരട്ടിയിരിക്കുകയാണ്. “ ഇതാണ് നെടുങ്കണ്ടത്തച്ചന്‍...എന്നെ വലിയ ഇഷ്ടമായിരുന്നു....” ബെന്നറ്റ് ശാന്തതയോടെ പറഞ്ഞു. “ ആരാണ് ഇദ്ദേഹത്തെ കൊന്നത്..നീയാണോ..ജാസ്മിനെ ചെയ്തതുപോലെ സ്നേഹപൂര്‍വമുള്ള ഒരു കൊല്ലല്‍..?” “ ഒരിക്കലുമല്ല.. ഇദ്ദേഹത്തെ കൊന്നവരോട് എനിക്ക് പ്രതികാരം ചെയ്യണം. അതിനുള്ള തയ്യാറെടുപ്പിലായിരുന്നു ഞാന്‍. ഈ ജഡം ഞാന്‍ സൂക്ഷിച്ചു വച്ചിരിക്കുകയായിരുന്നു. ഇപ്പോള്‍ ഇദ്ദേഹത്തിന്‍റെ ആത്മാവും ശക്തിയും എന്നോടൊപ്പമായി. ഇനി ഇത് ജീര്‍ണിച്ചുതുടങ്ങും.” “ ബെന്നറ്റ് ആരോടാണ് പ്രതികാരത്തിന് മുതിരുന്നത്..?” “ വരൂ ഞാന്‍ ചിലത് കാണിച്ചുതരാം.” ബെന്നറ്റ് തുരങ്കപാതയിലൂടെ നടന്നു. രവി അവളെ പിന്തുടര്‍ന്നു. അവര്‍ ഒരു ഇരുട്ടറയിലേക്കാണ് നടന്നു കയറിയത്. അതിന് പ്രത്യേകിച്ച് വാതിലുകളൊന്നുമില്ല. ബെന്നറ്റ് അവിടെയുള്ള മെഴുകുതിരികള്‍ കത്തിച്ചപ്പോള്‍ അവിടെ മുന്ന് രൂപങ്ങളെ കണ്ടു. തുടരും.... #📙 നോവൽ
ഡബിൾ മർഡർ **************** സസ്പെന്‍സ് ക്രൈം ത്രില്ലർ *************************** ഭാഗം - 12 Written by :- വിനോദ് ഗാര്‍ഡന് ഓരത്തെ ചരല്‍പ്പാതയിലൂടെ അവര്‍ നടന്നു. പാതയുടെ വശത്തെ വډരത്തിന്‍റെ ചുവട്ടിലൂടെ അവര്‍ ശ്മശാനത്തിലേക്ക് നടന്നു. അത് ജാസ്മിന്‍ നേരത്തേ അജ്ഞാതരൂപത്തെ കണ്ട സ്ഥലം തന്നെയായിരുന്നു. ശ്മശാനം പക്ഷേ മഠം വകയല്ല. അത് പിന്നിലുള്ള പള്ളിവകയാണ്. രണ്ടിന്‍റേയും കോംപൗണ്ട് അതിരിടുന്നത് ശ്മശാനത്തിലാണ്. ബെന്നറ്റ് പൊക്കമില്ലാത്ത ശ്മശാന മതില്‍ ചാടിക്കടന്നു. ജാസ്മിനെ മതില്‍ കടക്കാന്‍ സഹായിക്കുകയും ചെയ്തു. ബെന്നറ്റ് ഒരു കല്ലറയുടെ മുന്നിലെത്തി. അതിന്‍റെ മൂടി അവള്‍ നിഷ്പ്രയാസം തള്ളിമാറ്റി. ജാസ്മിന്‍ അമ്പരപ്പോടെ നോക്കി നിന്നു. ബെന്നറ്റ് അവളുടെ കൈ പിടിച്ചു. “ വാ..” ജാസ്മിന്‍ കല്ലറയുടെ അകത്തേക്ക് എത്തി നോക്കി. കല്ലറയുടെ അകത്ത് താഴേക്ക് പടവുകള്‍. അവള്‍ കല്ലറയുടെ തലപ്പിലെ മാര്‍ബിള്‍ ഫലകം വായിച്ചുനോക്കി. “ വിക്ടോറിയാ കണ്ടത്തില്‍ ജനനം 1862 മരണം 1934.” ബെന്നറ്റ് പടവുകള്‍ ഇറങ്ങി. പിന്നാലെ പരിഭ്രമത്തോടെ ജാസ്മിനും. അടക്കിപ്പിടിച്ച ശബ്ദത്തില്‍ ജാസ്മിന്‍ ചോദിച്ചു: “ നിനക്കിതൊക്കെ അറിയാമായിരുന്നോ ബെന്നറ്റ് ?” “ പിന്നില്ലാതെ.. ഇനി നീ എന്തൊക്കെ കാണാന്‍ കിടക്കുന്നു.” “ നീയെന്നെ കൊല്ലാന്‍ കൊണ്ടുപോവുകയാണോ?” ജാസ്മിന്‍ ഭയത്തോടെ ചോദിച്ചത് കേട്ട് ബെന്നറ്റ് തിരിഞ്ഞു നിന്നു. അവള്‍ ചിരിയമര്‍ത്തി രണ്ടുപേരും ഇറങ്ങിക്കഴിഞ്ഞപ്പോള്‍ ബെന്നറ്റ് ചുവരിലെ ഒരു ഇരുമ്പു ഹാന്‍ഡില്‍ തിരിച്ചു. മേല്‍മൂടി അടഞ്ഞു. കല്ലറക്കുള്ളില്‍ പരസ്പരം കാണാനാവാത്ത വിധം ഇരുട്ട് നിറഞ്ഞു. ബെന്നറ്റ് തീപ്പെട്ടിയുരച്ചു. ചുവരിന് അരികില്‍ പാതി കത്തിയ വലിയ മെഴുകുതിരി നില്‍ക്കുന്നുണ്ട്. അവള്‍ അതിന് തീ പിടിപ്പിച്ചു. കാഴ്ച വ്യക്തമായി. അതൊരു തുരങ്കം പോലെ തോന്നിച്ചു. ബെന്നറ്റ് ജാസ്മിന്‍റെ കൈ പിടിച്ചുകൊണ്ട് തുരങ്കത്തിലൂടെ മുന്നോട്ട് നടന്നു. 00000 00000 00000 സുനില്‍ അയച്ച ആധാര്‍ നമ്പറുകള്‍ വാട്ട്സാപ്പ് വഴി രവിക്ക് കിട്ടി. രവി പുലര്‍ച്ചെ തന്നെ മരാമണ്ണിലെ ഫാദര്‍ ക്രിസ്റ്റഫര്‍ പ്ലാന്തോട്ടത്തിനെ കാണാന്‍ പുറപ്പെട്ടു. ഫാദര്‍ പുലര്‍കാല പ്രാര്‍ത്ഥനയിലായിരുന്നതിനാല്‍ കുറച്ചുനേരം കാത്തിരിക്കേണ്ടി വന്നു രവിക്ക്. ഫാദര്‍ അദ്ദേഹത്തിന്‍റെ ഓഫീസിലെത്തി. രവി മദര്‍ സുപ്പീരിയറിന്‍റേയും സിസ്റ്റര്‍ ബെന്നറ്റിന്‍റേയും സിസ്റ്റര്‍ ആഗ്നസിന്‍റേയും ആധാര്‍ നമ്പരുകള്‍ ഫാദറിന് കൊടുത്തു. “ ഈ നമ്പറുകള്‍ എന്താണ് പ്രയോജനം ഫാദര്‍..?” ഫാദര്‍ മുകളിലേക്ക് കൈകളുയര്‍ത്തി പ്രാര്‍ത്ഥന പോലെ ചൊല്ലി “ ഇതാ ഞാന്‍ വേഗം വരുന്നു. എന്‍റെ സമ്മാനവും ഞാന്‍ കൊണ്ടുവരുന്നുണ്ട്. ഓരോരുത്തര്‍ക്കും സ്വന്തം പ്രവൃത്തികള്‍ക്കനുസൃതം പ്രതിഫലം നല്‍കാനാണ് ഞാന്‍ വരുന്നത്. ഞാന്‍ ആല്‍ഫയും ഒമേഗയുമാണ്. ഒന്നാമനും ഒടുവിലത്തവനും ആദിയും അന്തവും ഞാന്‍ തന്നെയാണ്..അന്ത്യവിധിയടുക്കുമ്പോള്‍ ഭൂമിക്കടിയില്‍ നിന്ന് ഒരു മൃഗം കയറി വന്നു. അതു സര്‍പ്പത്തെപ്പോലെ സംസാരിച്ചു. ചെറിയവരും വലിയവരും ധനികരും ദരിദ്രരും സ്വതന്ത്രരും അടിമകളുമായ എല്ലാവരും സംഖ്യകളാല്‍ മുദ്ര കുത്തപ്പെടണമെന്ന് അത് നിര്‍ബന്ധിച്ചു. മൃഗത്തിന്‍റെ സംഖ്യ മുദ്ര കുത്തപ്പെടാത്തവര്‍ക്ക് കൊടുക്കല്‍ വാങ്ങള്‍ അസാധ്യമാക്കാന്‍ വേണ്ടിയായിരുന്നു അത്. ബുദ്ധിയുള്ളവര്‍ മൃഗത്തിന്‍റെ സംഖ്യ കണക്കുകൂട്ടട്ടെ. അത് ഒരു മനുഷ്യന്‍റെ സംഖ്യയാണ്. ആ സംഖ്യ അറുന്നൂറ്റിയറുപത്താറ്.” ഫാദര്‍ പ്രാര്‍ത്ഥന കഴിഞ്ഞ് ആധാര്‍ നമ്പറുകള്‍ പരിശോധിച്ചു. ആദ്യത്തെ രണ്ടും അദ്ദേഹം തല കുലുക്കി സമാധാനത്തോടെ മാറ്റി വച്ചു. അത് മദര്‍ സുപ്പീരിയറിന്‍റേയും സിസ്റ്റര്‍ ആഗ്നസിന്‍റേയും ആധാര്‍ നമ്പരുകള്‍ ആയിരുന്നു. സിസ്റ്റര്‍ ബെന്നറ്റിന്‍റെ നമ്പര്‍ എടുത്ത് കടലാസില്‍ ചില കണക്കുകള്‍ കൂട്ടി. അദ്ദേഹത്തിന്‍റെ മുഖഭാവം മാറി. അദ്ദേഹം അസ്വസ്ഥമായ മുഖത്തോടെ കടലാസ് കഷണം രവിയുടെ മുന്നിലേക്ക് നീക്കി വച്ചു.രവി അത് വായിച്ചുനോക്കി പന്ത്രണ്ടക്കമുള്ള ആധാര്‍ നമ്പര്‍ നാലക്കം വീതം മൂന്നായി തിരിച്ചാണ് അച്ചടിച്ചിരിക്കുന്നത്. ഓരോ നാലക്കവും വീതം കൂട്ടിക്കിട്ടിയിരിക്കുന്നത് നോക്കി 33 - 42 - 51 അത് വെവ്വേറേ കൂട്ടിയാല്‍ കിട്ടുന്നത് 6 - 6 -6 “666” സാത്താന്‍റെ സംഖ്യ. രവി ഞെട്ടി. അദ്ദേഹം ചോദിച്ചു: “ അപ്പോള്‍ ബെന്നറ്റ്..?” പിതാവ് തലയ്ക്ക് കൈ കൊടുത്തുകൊണ്ട് പറഞ്ഞു: “ യേസ്..അതുതന്നെ..” “ ദൈവമേ സിസ്റ്റര്‍ ജാസ്മിന്‍ ആപത്തിലാണ്.” രവി ഉടന്‍തന്നെ സിസ്റ്റര്‍ ജാസ്മിന്‍റെ മൊബൈലിലേക്ക് വിളിച്ചു. അത് റിങ്ങ് ചെയ്യുന്നതല്ലാതെ ആരും എടുത്തില്ല. രവി സുനിലിനെ വിളിച്ചു: “ സുനില്‍, നീ എവിടെയാണ്. ജാസ്മിനെ വിളിച്ചിട്ട് കിട്ടുന്നില്ല..” “ ഉവ്വ് സര്‍ ഞാനു വിളിച്ചിട്ട് കിട്ടുന്നില്ല..” ആ സമയം ജാസ്മിന്‍റെ ഫോണ്‍ അവളുടെ റൂമിലെ ടേബിളില്‍ കിടന്ന് റിങ്ങ് ചെയ്തുകൊണ്ടിരുന്നു. രവി തന്‍റെ മൊബൈലിലെ സ്പൈ വെയര്‍ ഓണ്‍ ചെയ്ത് ബെന്നറ്റിന്‍റെ ഫോണ്‍ ട്രാക്ക് ചെയ്യാന്‍ ശ്രമിച്ചു. രവി ബെന്നറ്റിന്‍റെ മൊബൈലിലെ ക്യാമറ സ്പൈക്യാം ആയി ഓണ്‍ ചെയ്തു. അത് പ്രവര്‍ത്തിച്ചു. അതിലെ ദൃശ്യം വ്യക്തമായി. ആ കാഴ്ച കണ്ട് രവി ഞെട്ടിത്തരിച്ചിരുന്നു. തുടരും.... #📙 നോവൽ
ഡബിൾ മർഡർ **************** സസ്പെന്‍സ് ക്രൈം ത്രില്ലർ *************************** ഭാഗം - 11 Written by :- വിനോദ് ഹോസ്റ്റല്‍ കെട്ടിടത്തില്‍ നിന്ന് അല്പദൂരമുണ്ട് സ്കൂളിലേക്ക്. സിസ്റ്റര്‍ ജാസ്മിന്‍ ചുറ്റും നോക്കി മെല്ലെ നടന്നു. മഠത്തിന്‍റെ വളപ്പില്‍ ഭീകരമായ നിശ്ബ്ദത തങ്ങി നിന്നു. അടുത്തെവിടെയോ നിന്ന് മണ്ണില്‍ പിക്കാസ് വീഴുന്ന ശബ്ദം കേട്ടു. സിസ്റ്റര്‍ ജാസ്മിന്‍ നടത്തം നിര്‍ത്തി കാതോര്‍ത്തു. കിണറിനപ്പുറത്തുള്ള ശ്മശാനത്തില്‍ നിന്നാണ്. ഗാര്‍ഡന്‍റെ ഓരത്തുകൂടിയുള്ള വഴിയില്‍ നിന്ന് ജാസ്മിന്‍ വശത്തുള്ള തൊടിയിലേക്ക് കയറി. നാട്ടുവെളിച്ചത്തില്‍ ഒരു രൂപം കൊണ്ടു. ജാസ്മിന്‍ ഒരു വലിയ മരത്തിന്‍റെ മറവ് പറ്റി നോക്കി. ഒരു രൂപം മണ്ണില്‍ കിളക്കുന്നു. അത് ഒരു വൈദികനാണോ കന്യാസ്ത്രീയാണോ എന്ന് വ്യക്തമാവുന്നില്ല. പാദം വരെ മൂടുന്ന കുപ്പായമാണ്. ജാസ്മിന്‍ പെട്ടെന്ന് സിസ്റ്റര്‍ അനിതയെ ഓര്‍ത്തു ഈശോയേ, സിസ്റ്റര്‍ അനിതയുടെ പ്രേതമാണോ? ഭയം ജാസ്മിനെ അടിമുടി വരിഞ്ഞുമുറുക്കി. അവള്‍ അവിടെ നിന്ന് തിരിഞ്ഞുനോക്കാതെ ഓടി. സ്കൂളിന്‍റെ വരാന്തയില്‍ കയറി നിന്നതിന് ശേഷമാണ് ശ്വാസം വിട്ടത് തന്നെ. ഓഫീസിന് മുന്നില്‍ ഒരു ബള്‍ബ് മുനിഞ്ഞ് കത്തുന്നുണ്ട്. ജാസ്മിന്‍ കൈയില്‍ കരുതിയിരുന്ന താക്കോല്‍ കൊണ്ട് സ്കൂള്‍ ഓഫീസ് തുറന്നു. ശബ്ദമുണ്ടാക്കാതെ കബോര്‍ഡുകള്‍ പരതി. ഒടുവില്‍ മേശവലിപ്പില്‍ നിന്ന് ആധാര്‍ രേഖകള്‍ കിട്ടി. അത് അവള്‍ അപ്പോള്‍ത്തന്നെ സുനിലിന് മെസേജ് ചെയ്തു. റെക്കോഡുകള്‍ തിരികെ വച്ച് പിന്തിരിയവെ ചുമലില്‍ ഒരു കരസ്പര്‍ശം ജാസ്മിന്‍ ഒരു അലര്‍ച്ചയോടെ തിരിഞ്ഞു നോക്കി. അത് ബെന്നറ്റായിരുന്നു. അവള്‍ ഒരു കള്ളച്ചിരി ചുണ്ടിലൊളിപ്പിച്ച് നില്‍ക്കുന്നു. തിരുവസ്ത്രത്തില്‍ത്തന്നെയാണ് അവളും. “ നിനക്കെന്താണിവിടെ പരിപാടി?” ബെന്നറ്റ് ചോദിച്ചു. “ ഏയ് ഒന്നുമില്ല.. കുട്ടികളുടെ എക്സാം പേപ്പര്‍ കുറച്ച് നോക്കാനുണ്ടായിരുന്നു.” “ ഈ പാതിരാത്രിക്കോ ... ഇവിടെ ഇങ്ങനെ ചുറ്റിക്കറങ്ങി നടക്കുന്നത് ശരിയല്ല...അടുത്ത ശ്മശാനമൊക്കെ ഉള്ളതാ...പോരാഞ്ഞ് കൊലപാതകങ്ങള്‍ നടന്ന സ്ഥലം. നീ ഹോസ്റ്റളില്‍ നിന്ന് വരുന്നത് ഞാന്‍ കണ്ടിരുന്നു. പിന്നാലെയുണ്ടായിരുന്നു ഞാന്‍.” “ ആ ശ്മശാനത്തില്‍ നീ വല്ലതും കണ്ടോ?” “ ഇല്ല.” “ അവിടെ എന്തോ ഉണ്ട്..ഒരു പക്ഷേ സിസ്റ്റര്‍ അനിതയുടെ പ്രേതം..” “ നിന്നോടാരാ പാതിരാത്രി ഇരുട്ടത്തിറങ്ങി നടക്കാന്‍ പറഞ്ഞത്...അല്ല ശരിക്കും നീ ഇവിടെ എന്തെടുക്കുവാരുന്നു…?” “ ഞാന്‍ പറഞ്ഞില്ലേ..കുട്ടികളുടെ..” ജാസ്മിന്‍ അത് പൂര്‍ത്തിയാക്കാന്‍ ബെന്നറ്റ് അനുവദിച്ചില്ല. അവള്‍ പൊടുന്നനെ കോപാകുലയായി ജാസ്മിന്‍റെ കഴുത്തില്‍ പിടിച്ചു ചുവരിനോട് ചേര്‍ത്തു. അവളുടെ മുഖം കണ്ട് ജാസ്മിന്‍ ഭയന്നുപോയി. അവളുടെ കരുത്തില്‍ ജാസ്മിന്‍ ചുവരില്‍ നിന്ന് മുകളിലേക്ക് ഉയര്‍ന്നു. ജാസ്മിന്‍ അന്തരീഷത്തില്‍ നിന്ന് പിടച്ചു. പെട്ടെന്ന് തന്നെ ബെന്നറ്റ് അവളെ താഴെ നിര്‍ത്തി സ്വതന്ത്രയാക്കി. ബെന്നറ്റിന്‍റെ മുഖം ശാന്തമായി അവള്‍ ചിരിച്ചു. ജാസ്മിന്‍ പരിഭ്രമത്തോടെ അവളെ നോക്കി. പൊട്ടിച്ചിരിച്ചുകൊണ്ട് ബെന്നറ്റ് ചോദിച്ചു: “ നീ പേടിച്ചുപോയോ?” ജാസ്മിന്‍ ദീര്‍ഘനിശ്വാസം ഉതിര്‍ത്തു. അവള്‍ ചൊടിച്ചു: “ പിന്നില്ലാതെ.. ഞാന്‍ വിചാരിച്ചു നീ എന്നെ ചുവരേല്‍ ചേര്‍ത്തൊട്ടിക്കുമായിരിക്കുമെന്ന്.. എന്തൊരു ശക്തിയാടി നിനക്ക്. നീ വല്ല ജിംനേഷ്യത്തിലും പോകുന്നുണ്ടോ..?” ബെന്നറ്റ് പുറത്തേക്കിറങ്ങിയിട്ട് പറഞ്ഞു “ നീ വാ.. സ്കൂള്‍ പൂട്ട്..പരിശോധനയൊക്കെ നാളെ..” ജാസ്മിന്‍ സ്കൂള്‍ പൂട്ടി. ഇരുവരും ഗാര്‍ഡന്‍ വഴിയിലൂടെ നടന്നു.അജ്ഞാതരൂപത്തെ കണ്ട സ്ഥലത്തെത്തിയപ്പോള്‍ ജാസ്മിന്‍ ഒന്നു പാളി നോക്കി. അവിടെയൊന്നും ഇല്ല. അപ്പോള്‍ അസാധാരണമായി കരഞ്ഞുകൊണ്ട് ഒരു വലിയ കൂമന്‍ അവര്‍ക്കു മുകളില്‍ വന്ന് ചിറകടിച്ചു. ബെന്നറ്റ് മുകളിലേക്ക് കണ്ണുയര്‍ത്തി അതിനെ നോക്കി അത് ദീനമായി കരഞ്ഞുകൊണ്ട് എങ്ങോട്ടോ പറന്നുപോയി. ബെന്നറ്റ് മെല്ലെ ചിരിച്ചുകൊണ്ട് പിറുപിറുത്തു: “ അത് പേടിച്ചുപോയി . ആ പാവം വിചാരിച്ചുകാണും നമ്മളെന്തോ പ്രേതങ്ങളാണെന്ന്..” ജാസ്മിനും ചിരിച്ചു. ബെന്നറ്റ് ജാസ്മിന്‍റെ കൈ പിടിച്ചു കൊണ്ടു പറഞ്ഞു: “ എടീ നീയെന്‍റെ റൂമിലേക്ക് വാ..ഞാനവിടെയൊറ്റക്കാണ്..” “ ശരി.” അവര്‍ ഇരുവരും ബെന്നറ്റിന്‍റെ ഹോസ്റ്റല്‍ റൂമിലേക്ക് നടന്നു. റൂം ലോക്ക് ചെയ്തിട്ട് ബെന്നറ്റ്, ജാസ്മിനെ കട്ടിലില്‍ പിടിച്ചിരുത്തി. ബെന്നറ്റ് തിരുവസ്ത്രത്തിന്‍റെ ശിരോവസ്ത്രം അഴിച്ചുമാറ്റി. അവള്‍ ചോദിച്ചു: “ നീ എന്‍റെ സഹോദരി സിസ്റ്റര്‍ ബെനീറ്റോയെ കണ്ടിട്ടുണ്ടോ?” “ സത്യമായും ഇല്ല..അന്ന് കാര്‍ലോസച്ചനോടൊപ്പം കണ്ടത് അവളെയാണെന്ന് നീ പറഞ്ഞാണ് അറിഞ്ഞത്..” ജാസ്മിന്‍ പറഞ്ഞു. ബെന്നറ്റ് തിരുവസ്ത്രം പൂര്‍ണമായും അഴിച്ചുമാറ്റി. പിങ്ക് നിറമുള്ള ബ്രായും പാന്‍റീസും ധരിച്ച് ബെന്നറ്റ് കട്ടിലില്‍ ഇരുന്ന് ജാസ്മിനെ നോക്കി പരിഹാസദ്യോതകമായി പല്ലിളിച്ചു കാണിച്ചു. “ ഇതല്ലേ നീ കണ്ടത് മണവാട്ടീ..!” ജാസ്മിന്‍ അവളെയാകമാനം നോക്കി വെറുപ്പോടെ ചോദിച്ചു “ നിനക്ക് നാണമില്ലേ.. നീ ഒരു കന്യാസ്ത്രീയല്ലേ..?” “ അത് അഭിവന്ദ്യപിതാക്കډാര്‍ കൂടി ഓര്‍ക്കണം... സ്ത്രീയെന്താ സര്‍വംസഹയാണോ...എല്ലാ നിയമങ്ങളും സ്ത്രീ മാത്രം അനുസരിച്ചാല്‍ മതിയോ..ഈ പിതാക്കډാരെ കുറിച്ച് നിനക്കെന്തറിയാം..?” “ നീയിങ്ങനെയൊന്നും പറയരുത് ബെന്നറ്റ്..” “ ക്രിസ്തു ആശിച്ചതൊന്നുമല്ല ഇവിടെ നടക്കുന്നത്... അദ്ദേഹത്തിന്‍റെ യൗവനകാലത്ത് പുരോഹിത വര്‍ഗ്ഗത്തിന്‍റെ ചൂഷണങ്ങള്‍ അസഹനീയമായപ്പോള്‍ പള്ളിയില്‍ കയറിച്ചെന്ന് പുരോഹിതരെയെല്ലാം ചമ്മട്ടിക്ക് അടിച്ചോടിച്ചതായി അദ്ദേഹത്തിന്‍റെ തിരുവചനങ്ങളില്‍ പറഞ്ഞത് നീ ഓര്‍ക്കുന്നുണ്ടോ. അന്ത്യവിധിനാളുകളില്‍ അവന്‍ പകയോടുകൂടി വരും..” ബെന്നറ്റ് അത് പറഞ്ഞുകൊണ്ട് അവളുടെ ബ്രാ അഴിച്ചുമാറ്റി. അവളുടെ ഇടത്തേ മുലയില്‍ ആ അടയാളമുണ്ടായിരുന്നു. വൃത്തത്തിന് നടുവില്‍ ആറു ചക്രമുള്ള നക്ഷത്രം. സാത്താന്‍റെ ചിഹ്നം. ജാസ്മിന്‍ അതുകണ്ട് പരിഭ്രമിച്ച് ചോദിച്ചു: “ ഇതെന്താണ്?” ബെന്നറ്റ് ചിരിച്ചു. അവള്‍ വലത്തേ മുല ചൂണ്ടിക്കാണിച്ചു “ ഈ ചക്രമേ നീ കണ്ടുള്ളൂ ഇത് നീ കണ്ടില്ലേ.. ഈ വ്രണങ്ങള്‍..” പൊള്ളിയുണങ്ങിയ രണ്ടോ മൂന്നോ പാടുകള്‍. ബെന്നറ്റ് തുടര്‍ന്നു: “ അഭിവന്ദ്യ പിതാക്കډാരുടെ വകയാണ്.. കത്തിയെരിയുന്ന ചുരുട്ടിന്‍റെ കനല്‍ അമര്‍ത്തി പൊള്ളിച്ചത്.. .....സാഡിസ്റ്റുകള്‍..” ബെന്നറ്റ് തുടകള്‍ വിടര്‍ത്തി. അവിടേയും അത്തരം പാടുകള്‍ ഉണ്ടായിരുന്നു. ബെന്നറ്റ്, ജാസ്മിന്‍റെ താടി പിടിച്ചുയര്‍ത്തി. “ നീ കന്യകയാണോ?” “ പിന്നല്ലാതെ..ഞാന്‍ കര്‍ത്താവിന്‍റെ മണവാട്ടിയാണ്...” “ അല്ലെന്ന് ഞാന്‍ പറഞ്ഞാല്‍..” “ കന്യകയല്ലെന്നോ ...കര്‍ത്താവിന്‍റെ മണവാട്ടിയല്ലെന്നോ..?” “ രണ്ടുമല്ല..മനസുകൊണ്ട് അന്യപുരുഷനെ വരിച്ച നീ എങ്ങനെ കര്‍ത്താവിന്‍റെ മണവാട്ടിയാകും..അതുകൊണ്ട് നീ കന്യകയുമല്ല..” “ അപ്പോള്‍ നീയോ...?” ജാസ്മിന്‍ കോപത്തോടെ ചോദിച്ചു. ബെന്നറ്റ് പൊട്ടിച്ചിരിച്ചു. അവള്‍ പറഞ്ഞു: “ ഞാന്‍ ഇതിനൊക്കെ അപ്പുറത്താണ്...ഞാന്‍ അവന്‍റെ വരവിനായി ദാഹിക്കുന്നവളാണ്.” “ ആരുടെ?”ബെന്നറ്റ് ചുവരിലേക്ക് ചൂണ്ടിക്കാണിച്ചു. അവിടെ തലകീഴായി നില്‍ക്കുന്ന ഒരു മരക്രൂശിത രൂപം. അവള്‍ അത് അപ്പോള്‍ മാത്രമാണ് ശ്രദ്ധിച്ചത്. “ ജീസസ്.. ജാസ്മിന്‍ നെഞ്ചില്‍ കൈവച്ചു. അവള്‍ തെരുതെരെ കുരിശു വരച്ചു. അവള്‍ ഭയപ്പാടോടെ ചോദിച്ചു: “ നീ...നീയപ്പോള്‍ ..സാത്താന്‍റെ സേവകയാണോ...” “ അവനും ഇവനും എല്ലാം ഒന്നു തന്നെ...കോപാകുലനായ അന്തിക്രിസ്തുവാണത്..സ്ത്രീയെ ദ്രോഹിച്ച പുരോഹിതന്മാര്‍ക്കും പുരുഷന്മാര്‍ക്കുമുള്ള ചാട്ടയുമായി അവന്‍ വരണം..എനിക്ക് പ്രതികാരം ചെയ്യണം..” “ ആരോട്..?” “ എന്നെ നശിപ്പിച്ചവരോട്..ഞാനിത്രയും പറഞ്ഞിട്ടും.. നിനക്ക് മനസിലായില്ലേ...എന്നെ വലിച്ചിഴച്ചതാണ് ഇതിലേക്ക്...ഇനി എനിക്ക് മോചനമില്ല..” “ ആരാണ് നിന്നെ നശിപ്പിച്ചത്..?” “ മനസിലായില്ലേ നിനക്ക്.. കുനൂര്‍ ദൊലോനയിലെ മെത്രാനും സംഘവും...ജീവഭയം കൊണ്ട് ഞാന്‍ വഴങ്ങി നിന്നതാണ്. അല്ലെങ്കില്‍ സിസ്റ്റര്‍ അനിതയ്ക്ക് സംഭവിച്ചതുപോലെ, എന്നേ എനിക്ക് സംഭവിച്ചേനേ..കര്‍ത്താവ് ഈ ദ്രോഹത്തിന് ഉടന്‍ അവരോട് പകരം വീട്ടുമെന്ന് ഞാന്‍ വിചാരിച്ചു.. പക്ഷേ അതുണ്ടായില്ല. പണം, പദവി, സ്വാധീനം, ദൈവം ഇവയെല്ലാം ആ നീചന്മാര്‍ക്ക് അനുകൂലമായിരുന്നു..ഞാനൊന്നു ചോദിക്കട്ടെ ജാസ്മിന്‍, നീ ആ സ്കൂളില്‍ നിന്ന് നിന്‍റെ ഷെര്‍ലക് ഹോംസ് സഹോദരന് തപ്പിയെടുത്ത് അയച്ചുകൊടുത്തത് എന്തു കുന്തമായിരുന്നു...?” അപ്രതീക്ഷിതമായ ആ ചോദ്യം ജാസ്മിനെ ഞെട്ടിച്ചു കളഞ്ഞു. ബെന്നറ്റ് തിരുവസ്ത്രങ്ങള്‍ വീണ്ടും എടുത്തണിഞ്ഞു. “ നിന്‍റെ ലക്ഷ്യം നല്ലതുതന്നെ..പക്ഷേ അത് എന്‍റെ ലക്ഷ്യത്തെ ബാധിക്കരുത്” ബെന്നറ്റ് പറഞ്ഞു. അവള്‍ ടേബിളില്‍ നിന്ന് മൊബൈല്‍ എടുത്ത് ഓണ്‍ ചെയ്തു. വാട്ട്സാപ്പ് പരതി ഒരു മെസേജ് തപ്പിയെടുത്ത് അവള്‍ ജാസ്മിനെ കാണിച്ചു ജാസ്മിന്‍ അത് വായിച്ചു നോക്കി ഒരു അശ്ലീല മെസേജ് ആയിരുന്നു അത്. “ അഭിവന്ദ്യ പിതാവിന്‍റേതാണ്..” ബെന്നറ്റ് പുച്ഛത്തോടെ പറഞ്ഞു. “ നീ വാ..” “ എങ്ങോട്ട്..?” “ ഞാന്‍ ഒരു സൂത്രം കാണിച്ചുതരാം..” ബെന്നറ്റ് അവളുടെ കൈയില്‍ പിടിച്ച് വലിച്ചു. ജാസ്മിന്‍ വിസമ്മതിച്ചു. “ നീയെന്നെ എങ്ങോട്ടാ കൊണ്ടുപോകുന്നേ..?” “ നിനക്ക് സിസ്റ്റര്‍ അനിത മരിച്ചത് എങ്ങനെയെന്നറിയണ്ടോ.....നെടുങ്കണ്ടത്തച്ചന്‍ മരിച്ചതെങ്ങനെയെന്നറിയണ്ടേ..?” ബെന്നറ്റ് ചോദിച്ചു. ജാസ്മിന്‍റെ നട്ടെല്ലിലൂടെ ഒരു തണുപ്പ് അരിച്ചു കയറി. ബെന്നറ്റ് മുന്നോട്ട് നടന്നു. ജാസ്മിന്‍ യാന്ത്രികമായി അവളെ പിന്തുടര്‍ന്നു. അപ്പോള്‍ സമയം പുലര്‍ച്ചെ രണ്ട് മണി. എവിടെയോ കാലന്‍കോഴി കൂവി. തുടരും.... #📙 നോവൽ
ഡബിൾ മർഡർ **************** സസ്പെന്‍സ് ക്രൈം ത്രില്ലർ *************************** ഭാഗം - 10 Written by :- വിനോദ് രവിയെ കണ്ട് മദര്‍ ഓഫീസില്‍ നിന്ന് ഇറങ്ങി വന്നു അവര്‍ അതീവ ശാന്തയായിരുന്നു. മുഖത്ത് ദൈന്യഭാവം. രവി പറഞ്ഞു: “ ദേ മദര്‍, പച്ച ബാഗ് കിട്ടി. ബെന്നറ്റിന്‍റെ കൈവശം ഉണ്ടായിരുന്നു.” “ ബെന്നറ്റിനെ ഫാദര്‍ ഏല്‍പിച്ചതാണോ ഇത്?” മദര്‍ ചോദിച്ചു. ബെന്നറ്റ് ഒന്നും മിണ്ടിയില്ല. സിസ്റ്റര്‍ ആഗ്നസ് ദേഷ്യത്തോടെ ശബ്ദമുയര്‍ത്തി. “ നിന്നോടാണ് ബെന്നറ്റ് മദര്‍ ചോദിച്ചത്..?” “ അതെ.” ബെന്നറ്റ് പറഞ്ഞു. അത് രവിയെ അത്ഭുതപ്പെടുത്തി. “ എന്താണ് ഇതില്‍?” “ രഹസ്യരേഖകള്‍...എല്ലാവരുടേയും കള്ളി പൊളിക്കുന്ന രഹസ്യരേഖകള്‍!!” ബെന്നറ്റിന്‍റെ വാക്കുകളില്‍ പ്രതികാരത്തിന്‍റെ ധ്വനി ഉണ്ടായിരുന്നു. മദര്‍ രവിയോട് പറഞ്ഞു: “ നിങ്ങള്‍ ഒന്ന് അകത്തേക്ക് വരൂ..” രവി മദറിനോടൊപ്പം ഓഫീസ് റൂമിലേക്ക് കയറി. പിന്നാലെ ആഗ്നസും. പിന്നില്‍ ആഗ്നസ് ബെന്നറ്റിനെ ശകാരിക്കുന്നത് കേട്ടു. “ നീ വരണ്ട, പുറത്ത് നിന്നാല്‍ മതി.” മദര്‍ അവരുടെ ചെയറില്‍ ഇരുന്നുകൊണ്ട് രവിയോട് പറഞ്ഞു: “ നിങ്ങള്‍ ഇരിക്കൂ.” രവി ഇരുന്നു മദര്‍ മുന്നോട്ട് ചാഞ്ഞു കൊണ്ട് പറഞ്ഞു: “ നിങ്ങള്‍ ഒരു പോലീസുകാരനാണെന്ന് ഞങ്ങള്‍ക്കറിയാം. മഠത്തിന് അപമാനമായതൊന്നും ഉണ്ടാവരുത്. ആ വഞ്ചകി പലതും പറയും.” “ ആര് ബെന്നറ്റോ..?” “ അതെ.. ബിഷപ്പും കൂട്ടരും മിസിങ്ങാണ്. ഞാന്‍ ഫോണില്‍ വിളിച്ചിട്ട് കിട്ടുന്നില്ല. അന്ന് വെളുപ്പിന് പോകുമെന്ന് പറഞ്ഞു പിന്നെ ഒരു വിവരവുമില്ല.” “ എന്ന്..?” “ ഡിസംബര്‍ നാലിന്..” “ അതായത് സിസ്റ്റര്‍ അനിത കൊല്ലപ്പെട്ട അന്നു രാത്രി..?” “ അത് കൊലപാതകമല്ല മിസ്റ്റര്‍. ആത്മഹത്യയാണ്.” “ അത് കൊലപാതകമാണോ ആത്മഹത്യയാണോ എന്ന് ഞങ്ങള്‍ തീരുമാനിച്ചോളാം.” “ ദയവായി ബിഷപ്പിനെ നിങ്ങള്‍ അറസ്റ്റ് രഹസ്യകേന്ദ്രത്തില്‍ വച്ചിരിക്കുകയാണെങ്കില്‍ അതെങ്കിലും ഒന്നു പറയൂ. പ്ലീസ്..” “ നിങ്ങള്‍ സത്യം പറയില്ല. പിന്നെ ഞാനെന്തിന് ഇതൊക്കെ നിങ്ങളോട് വെളിപ്പെടുത്തണം. നിങ്ങളെക്കൊണ്ട് ഞാന്‍ സത്യം പറയിക്കാം. അതിന്‍റെ ചടങ്ങുകളിലേക്ക് ഞാന്‍ കടക്കുകയാണ്. അതിന്‍റെ തെളിവുകളാണ് ഇത്..” രവി ഗൗരവത്തില്‍ അത് പറഞ്ഞിട്ട് പച്ച ബാഗുമായി എഴുന്നേറ്റു. അവന്‍ വാതില്‍ തുറന്ന് പുറത്തുകടന്നയുടന്‍ മദര്‍ ആര്‍ക്കോ തിടുക്കത്തില്‍ മൊബൈലെടുത്ത് കോള്‍ ചെയ്തു. രവി സ്കൂളിന് മുന്നില്‍ പാര്‍ക്ക് ചെയ്ത തന്‍റെ കാറിനടുത്തേക്ക് നടക്കവേ തൂണിന് മറവില്‍ നിന്ന് ഒരു വിളി കേട്ടു: “ സാറെ..?” അത് ബെന്നറ്റായിരുന്നു. രവി ചോദ്യഭാവത്തില്‍ നോക്കി. “ രഹസ്യരേഖകളും കൊണ്ടു പൊയ്ക്കോ..എന്നിട്ട് കിട്ടണതെല്ലാം വാങ്ങിച്ചോ..കേട്ടോ..” അവള്‍ അതും പറഞ്ഞ് ഓടിപ്പോയി. അവള്‍ എന്തിനാണത് പറഞ്ഞതെന്ന് രവി ചിന്തിച്ചു. രവി ബാഗുമായി കാറില്‍ കയറി ഓടിച്ചുപോയി. ഉച്ചവെയിലിനെ ഭേദിച്ചുകൊണ്ട് സ്റ്റേറ്റ് ഹൈവേയിലൂടെ അതിവേഗം പായുകയാണ് രവിയുടെ കാര്‍. ഇടക്കിടെ വനങ്ങളും റബ്ബര്‍തോട്ടങ്ങളും പൈനാപ്പിള്‍ കൃഷിയിടങ്ങളും അതിരിട്ട ഹൈറേഞ്ച് റോഡിലെ ഹെയര്‍പിന്‍ വളവുകള്‍ അനായാസം കടന്ന് കാര്‍ ഓടിക്കൊണ്ടിരിക്കവേ ഏതോ ഒരു ഇടറോഡില്‍ നിന്ന് കയറി വന്ന ഒരു സില്‍വര്‍ കളര്‍ ഇന്നോവ പൊടുന്നനെ റോഡിന് കുറുകേ വന്നു നിന്നു. രവി പെട്ടെന്ന് ബ്രേക്ക് ചവിട്ടി. ഇന്നോവയെ തൊട്ടുതൊട്ടില്ലെന്ന മട്ടില്‍ കാര്‍ നിന്നു. രവി വണ്ടി ഓഫ് ചെയ്ത് ഞൊടിയിടയില്‍ മൊബൈലിലെ സ്പൈ ക്യാം ഓണ്‍ ചെയ്ത് കാറിന്‍റെ ഡാഷ്ബോഡാഷ്ബോര്‍ഡില്‍ ഫ്രണ്ട് ഗ്ലാസിന് അഭിമുഖമായി വച്ചു. റോഡില്‍ എന്തു നടന്നാലും അത് ക്യാമറ ഒപ്പിയെടുക്കും. ഇന്നോവയില്‍ നിന്ന് ഗുണ്ടകള്‍ എന്ന് തോന്നിക്കുന്ന മൂന്ന് നാലുപേര്‍ ചാടിയിറങ്ങി. രവി കാര്‍ തുറന്ന് പുറത്തിറങ്ങി മുന്നിലേക്ക് ചെന്നു. ഇടം കൈ കൊണ്ട് പോക്കറ്റിലെ പിസ്റ്റലില്‍ പിടി മുറുക്കി. “ എന്താടാ?” മുന്നില്‍ വന്നവനോട് രവി ചോദിച്ചു. രവിയെ ഗൗനിക്കാതെ ഗുണ്ടകള്‍ രവിയുടെ കാറിനടുത്തേക്ക് നീങ്ങി. രവി വലം കൈ കൊണ്ട് അവനെ തടഞ്ഞ് ഇന്നോവയോട് ചേര്‍ത്ത് നിര്‍ത്തി ഇടംകൈയിലെ പിസ്റ്റല്‍ അവന്‍റെ നെറ്റിയില്‍ ചേര്‍ത്തു. “ ഐ ആം എസിപി രവീന്ദ്രന്‍. കേരളാപോലീസിനോട് കളിക്കുമ്പോള്‍ സൂക്ഷിച്ചുവേണം.” രവി പറഞ്ഞു. അടുത്തു നിന്ന മറ്റൊരാള്‍ അവന്‍റെ തോക്ക് തട്ടിത്തെറിപ്പിച്ചു. രണ്ടുപേര്‍ അവനെ ബലമായി പിടിച്ചു നിര്‍ത്തി. രവി ഇരുവരേയും നേരിടുന്നതിനിടയില്‍ മറ്റുള്ളവര്‍ കാറിനകത്തുനിന്നും പച്ച ബാഗെടുത്തു കൊണ്ട് കാറില്‍ കയറി. രവി പക്ഷേ തന്നെ പിടികൂടിയ രണ്ട് ഗുണ്ടകളേയും വിട്ടില്ല. ആ സമയം ഇന്നോവയുടെ ബാക്ക് ഡോര്‍ തുറന്ന് ഒരാള്‍ പുറത്തേക്കിറങ്ങി വന്നു. അയാളെ കണ്ട് രവി അമ്പരന്നു കാഞ്ഞാര്‍ എംഎല്‍എ ജേജേ..! ജേജേ അരയില്‍ നിന്ന് ഒരു പിസ്റ്റള്‍ വലിച്ചെടുത്ത് രവിക്ക് നേരേ ചൂണ്ടി. “ എടാ പീറക്കൊച്ചനേ, ജേജേ തോക്കും കൊണ്ട് നടക്കുന്നത് എണ്ണയിട്ടു മിനുക്കി ഇടുപ്പില്‍ വയ്ക്കാനല്ല, വെടി വയ്ക്കാനാണ്. മനസിലായോ നിനക്ക്. നീ മഠത്തേലും മറ്റേടത്തും കേറി ചൊറിയാന്‍ നിക്കണ്ട. ഞങ്ങള് ക്രിസ്ത്യാനികളുടെ കാര്യത്തില് നിന്നേപ്പോലുള്ള മൈരുകള് ഇടപെടണ്ട. ഇത് ഞങ്ങള് നോക്കിക്കോളാം. കേട്ടോ..ഇനീം വേഷം കെട്ടെറക്കിയാ എസിപി അജ്ഞാത ജഡമാകും..” റോഡില്‍ മറ്റ് വാഹനങ്ങള്‍ വരുന്നത് കണ്ട് ജേജേ ഇന്നോവയിലേക്ക് തിരികെ കയറി. രവി ഗുണ്ടകളുടെ പിടി വിട്ടു. ഗുണ്ടകള്‍ ഓടിപ്പോയി ഇന്നോവയില്‍ കയറി. ഇന്നോവ ഞൊടിയിടയില്‍ പാഞ്ഞുപോയി. രവി വഴിയോരത്ത് നിന്ന് തന്‍റെ പിസ്റ്റള്‍ തപ്പിയെടുത്ത് കാറില്‍ കയറി. റോഡില്‍ നടന്നതെല്ലാം സ്പൈ ക്യാം ഒപ്പിയെടുത്തിരുന്നു. രവി ആ വീഡിയോ ഉടന്‍തന്നെ തന്‍റെ കോണ്‍ടാക്റ്റ്സിലുള്ള എല്ലാ മീഡിയാ പ്രവര്‍ത്തകര്‍ക്കും വാട്ട്സാപ്പ് ചെയ്തു. ഡിപ്പാര്‍ട്ട്മെന്‍റിന്‍റെ അനുവാദത്തോടെ പോയാല്‍ ചിലപ്പോള്‍ അത് അടിച്ചമര്‍ത്തപ്പെട്ടേക്കാം. രവി ക്വാര്‍ട്ടേഴ്സിലെത്തുമ്പോഴേക്ക് വീഡിയോ വൈറലായിരുന്നു. ചാനലുകളില്‍ ഫ്ളാഷ് ന്യൂസ് വന്നു മിന്നി. “ എസിപി രവീന്ദ്രനെ കാഞ്ഞാര്‍ എംഎല്‍എ ജേജേയും ഗുണ്ടകളും നടുറോഡില്‍ തോക്കു ചൂണ്ടി ആക്രമിച്ച് സുപ്രധാനകേസിന്‍റെ രഹസ്യരേഖകള്‍ അടങ്ങിയ ബാഗ് തട്ടിക്കൊണ്ടുപോയി..” ന്യൂസ് ചാനലുകള്‍ ആ വീഡിയോ നിരന്തരം കാണിച്ചുകൊണ്ടിരുന്നു. ജേജേ ഭരണകക്ഷിയിലെ ഘടകകക്ഷി എംഎല്‍എ ആയതുകൊണ്ട് പ്രതിപക്ഷം ചൂടായി തെരുവിലിറങ്ങി. യൂവാക്കള്‍ ജേജേയുടെ കോലം കത്തിച്ചു. ജനരോഷം ആളിക്കത്തി. മുഖ്യമന്ത്രിയുടെ നേതൃത്വത്തില്‍ അടിയന്തിര മന്ത്രിസഭായോഗം കൂടി. ഭരണകക്ഷിയില്‍ നിന്ന് ഏകാംഗ ഘടകക്ഷിയായ ജേജേ പുറത്താക്കപ്പെട്ടു. രാത്രി എട്ടു മണിയോടെ ജേജേ അറസ്റ്റിലായി. എഡിജിപി അശോകന്‍ രവിയെ വിളിച്ചു: “ ആ രഹസ്യരേഖ ഏതാണെന്ന് വെളിപ്പെടുത്തേണ്ടി വരും. അത് നാടകമാണെന്ന് വന്നാല്‍ നിയമത്തിന്‍റെ പഴുതില്‍ ജേജേ രക്ഷപ്പെടും. അത് പാടില്ല. മദര്‍ സുപ്പീരിയറായിരിക്കണം അങ്ങേര്‍ക്ക് വിവരം കൊടുത്തത്. അവരെ സംരക്ഷിക്കുന്ന പുറംകണ്ണികളില്‍ പ്രധാനിയാണിയാള്‍. കഞ്ചാവ്, ബ്രൗണ്‍ ഷുഗര്‍. ചരസ്, മാരിജുവാന മുതലായ സകല ഇടപാടിന്‍റേയും മെയിന്‍ സ്ക്രൂ ആണ് ഇയാള്‍. തൊണ്ടിയായി കിട്ടിയിരിക്കുന്ന ബാഗില്‍ എന്തെങ്കിലും വയ്ക്കണം. സെമന്‍ പറ്റിയ തിരുവസ്ത്രമോ അങ്ങഅങ്ങനെയെന്തെങ്കിലും തെളിവായി. സിസ്റ്റര്‍ അനിതയുടെ കൊലപാതകത്തില്‍ മെത്രാനും കൂട്ടര്‍ക്കും പങ്കുണ്ടെന്ന് ഉറപ്പാണ്. അത് ലഭിക്കും രവി.. ഗോ എഹെഡ്..” “ ഓക്കെ സര്‍ ..” രവി പറഞ്ഞു. അയാള്‍ സുനിലിനെ ഫോണില്‍ വിളിച്ചു: “ സുനിലേ, ജാസ്മിനോട് പറഞ്ഞ് ബെന്നറ്റ്, മദര്‍, ആഗ്നസ് ഇവരുടെ ആധാര്‍ നമ്പര്‍ കളക്ട് ചെയ്യണം.” “ ശരി സാര്‍. ഞാന്‍ ശ്രമിക്കാം.” സുനില്‍ പറഞ്ഞു. സുനില്‍ ഉടന്‍തന്നെ സിസ്റ്റര്‍ ജാസ്മിനെ വിളിച്ച് വിവരം പറഞ്ഞു. ജാസ്മിന്‍ ചോദിച്ചു: “ ഈ രാത്രീല്‍ത്തന്നെ വേണോ..?” “ വേണം .. സമയം പാഴാക്കാനില്ല. ഇനി എന്തും സംഭവിക്കാം.. നീ സൂക്ഷിക്കണം. “ ഇവരുടെയൊക്കെ ആധാര്‍ നമ്പര്‍ എവിടുന്ന് കിട്ടും…?” “ മദറിന്‍റെ മുറീന്ന് വേണ്ട. റിസ്കാണ്.. സ്കൂള്‍ ഓഫീസില്‍ ഉണ്ടാവും. മദറ് ഹെഡ്മിസ്ട്രസ് കൂടിയല്ലേ. ടീച്ചേഴ്സ് ഡോക്യുമെന്‍റില്‍ കാണും.” “ ഞാന്‍ ട്രൈ ചെയ്യാം.” സിസ്റ്റര്‍ ജാസ്മിന്‍ അപ്പോള്‍ത്തന്നെ ഹോസ്റ്റലില്‍ നിന്ന് പുറത്തിറങ്ങി. തിരുവസ്ത്രം അണിഞ്ഞ് കൊന്തയും കുരിശും കൈയിലെടുത്തു പിടിച്ചു. സമയം അപ്പോള്‍ രാത്രി ഒരു മണി പിന്നിട്ടിരുന്നു. അവള്‍ക്ക് നല്ല ഭയം തോന്നി. കോണിപ്പടികള്‍ ഇറങ്ങി താഴെ ചെന്നു. പുറത്ത് മഞ്ഞു പൊഴിയുന്നു. തുടരും.... #📙 നോവൽ
03:53
🎶🎵 Requested Song 🎵🎶 മഴയോടു ചേർന്നു ഞാൻ നിന്നു... ചിത്രം - 18ആം പടി #🎶 സിനിമാ ഗാനങ്ങൾ
04:42
🎶🎵 Requested Song 🎵🎶 വാനമക്കലുന്നുവോ... ചിത്രം - വിമാനം #🎶 സിനിമാ ഗാനങ്ങൾ