ഒരോർമ്മപ്പോലുമാവാത്ത എത്ര മനുഷ്യർ കടന്നു പോയിരിക്കും നമുക്കരികിലൂടെ..!! ഒരേ യാത്രയിൽ പരസ്പരം മുട്ടിയിരുന്നിട്ടും..!! ഒരു തീൻ മേശയിൽ ഒരുമിച്ചിരുന്നു കഴിച്ചിട്ടും..!! ഒരേ പാട്ടു കേട്ടിട്ടും..!! ഒരേ സിനിമ കണ്ടിട്ടും..!! ഒരേ സ്കൂളിൽ..!! ഒരേ ഓഫീസിൽ..!! ഒരറിവു പോലുമില്ലാത്ത മനുഷ്യർ..!! അതെ പോലെ, കണക്കിൽ പെടാത്ത എത്ര കണ്ടുമുട്ടലുകൾ ഉണ്ടായിരിക്കും നമുക്കിടയിൽ..!! അളന്നു മുറിച്ച എത്ര സംസാരങ്ങൾ..!! ഒരുമിച്ചുള്ള യാത്രകൾ..!! ഒരുമിച്ചുള്ള രുചികൾ..!! എന്നിട്ടും അപരിചിതരായി..!! അവർക്കിടയിൽ മനോഹരമായ ഓർമ്മയാകുന്ന മനുഷ്യരും..!! ഓരോ നോട്ടവും ചിരിയും സംസാരങ്ങളും കെട്ടിപ്പിടുത്തങ്ങളും പങ്കു വെച്ച രുചികളുമൊക്കെ കൊണ്ട് സമ്പന്നരാകുന്ന മനുഷ്യർ..!! നമ്മുടെ ജീവിതമാകുന്ന മനുഷ്യർ..!! ഓരോ പങ്കുവെക്കലിലും നമ്മുടേതെന്ന് തോന്നിപ്പിക്കുന്ന മനുഷ്യർ..!! ആസ്വസ്ഥതക്കിടയിലും ഒന്ന് കണ്ടെങ്കിൽ എന്ന് തോന്നിപ്പിക്കുന്ന ചിലർ..!! ഒന്നും മിണ്ടിയില്ലെങ്കിലും തൊട്ട്, പിൻ പുറം ചാരിയിരുന്നെങ്കിലും സ്വസ്ഥമാവാൻ തേടുന്ന ചിലർ..!! കനപ്പെട്ടു നിൽക്കുന്നതൊക്കെ ആവിയായി മാറ്റാൻ ത്രാണിയുള്ള ചിലർ..!! മുൻവിധികളൊന്നുമില്ലാതെ നമ്മളെ കേൾക്കുന്ന മനുഷ്യർ..!! അങ്ങനെയൊരാളെയെങ്കിലും ജീവിതത്തിൽ കണ്ടെത്തി വെക്കുക എന്നതാണ് നാം നമ്മളോട് ചെയ്യേണ്ടുന്ന ഏറ്റവും വലിയ ഉത്തരവാദിത്തം..!! നമുക്ക് മാറ്റാരുമില്ലെങ്കിലും നമുക്ക് നമ്മളുണ്ട് എന്നൊക്കെ തോന്നുമെങ്കിലും ചില കെട്ട നേരത്ത് നമുക്ക് നമ്മളു പോലുമുണ്ടാവാത്ത സമയങ്ങളുമുണ്ടാകും..!! ❤️❤️❤️ #❤ സ്നേഹം മാത്രം 🤗

സംസാരങ്ങളൊക്കെ കുറഞ്ഞു പോയിരിക്കുന്നു..... ഓരോരുത്തരിലും നിലനിൽക്കപെടുവാനുള്ള സമീപനങ്ങളും...... പലരെയും പണ്ടു കണ്ടുമുട്ടിയതും മിണ്ടിയതും അടുത്തിരുന്നതുമൊക്കെ ഓർമ്മകളായി താലോലിക്കുന്നു...... ഉപാധികളില്ലാത്ത സ്നേഹത്തെ കുറിച്ചൊക്കെ കിനാവ് കാണുന്നു..... ഒരു 'ജീവിയെ' സംബന്ധിച്ചിടത്തോളം നമ്മളെ 'പരിഗണിക്കപ്പെടുന്ന' ഇടങ്ങളിലേക്കും ആളുകളിലേക്കും മാത്രമേ വഴി തിരയുകയുള്ളൂ....... ആ ഇടം 'പരസ്പരം' ആശ്വാസമാകുമെങ്കിൽ അവ നിലനിൽക്കപ്പെടും...... തിരിച്ചൊന്നും നൽകാതെ ഞാനെപ്പോഴും പരിഗണിക്കപെടണമെന്ന ചിന്ത തന്നേ ദുരന്തമാണ്...... നമ്മളൊരാളെ ഓർത്തിരിക്കണമെങ്കിൽ, തേടണമെങ്കിൽ, അടുത്തിരിക്കാൻ ആഗ്രഹിക്കണമെങ്കിൽ, മിണ്ടണമെങ്കിൽ, അയാൾ നമ്മളിൽ മനോഹരമായി എന്തെങ്കിലും അടയാളപ്പെടുത്തിയിരിക്കണം....... നഷ്ടപ്പെട്ടുപോയ മനുഷ്യരെ കുറിച്ചോർക്കുമ്പോൾ ഇത്തരം വെളിപാടൊക്കെ വരും........ എന്നാലും, പിന്നെയും അന്വേഷിച്ചെത്തുന്ന വരിലേക്ക് മാത്രം ആവശ്യമറിഞ്ഞു പെരുമാറും.. മാറാൻ ശ്രമിക്കുന്നുണ്ട്...... ദൃഢപെട്ടു പോയ ശീലങ്ങളൊക്കെ ഉരുകി മാറാൻ കുറച്ചധികം പരിശ്രമിക്കുന്നുണ്ട്..!! നന്നാവുമായിരിക്കും.. #❤ സ്നേഹം മാത്രം 🤗

മനുഷ്യരിറങ്ങി പോകുമ്പോൾ തനിക്കൊന്നും തോന്നാറില്ലേ.. തോന്നാറുണ്ട്.. സങ്കടം വരാറുണ്ട്.. പക്ഷെ അതെന്നെ അത്ര വലുതായി സ്വാധീനിക്കാറില്ല.. അതെന്തേ അങ്ങനെ.. കടന്നു വരുന്ന മനുഷ്യർ എന്നിലേക്കാണ് വരാറുള്ളത്.....ഇറങ്ങി പോകുമ്പോൾ എന്നിൽ നിന്നും.. ഉണ്ടായിരുന്ന ആ ഇടം ശൂന്യമാകുമെന്നല്ലാതെ എന്നിൽ പ്രത്യേകിച്ച് മാറ്റം വരാൻ അനുവദിക്കാറില്ല.. ഒരുപക്ഷെ ഞാൻ അവരിലേക്കാണ് കടന്നു പോയിരുന്നെങ്കിലോ.. ആ ഇടം ഉപേക്ഷിക്കപെടുമ്പോൾ ഞാൻ ഇടമില്ലാത്തവനായി തെരുവിൽ ഇറങ്ങേണ്ടി വന്നേനെ.. പുതിയൊരു ഇടമോ, ആ ഇടത്തിന്റെ ഓർമ്മകളിൽ നിന്ന് മുക്തമാകാനോ എനിക്ക് സമയമെടുക്കും.. ഒരുപക്ഷെ മുറിവാകും.. നീറും.. ഞാനൊരു ഇടമാകുമ്പോൾ തമ്മിൽ ഉണ്ടായിരുന്ന നല്ലതൊക്കെ നല്ല ഓർമ്മയാകും.. ഒന്നു സംസാരിക്കട്ടെ എന്ന് ചോദിച്ചു കടന്നു വരുന്നവരാണ് ഇപ്പൊ കൂടുതലും.. സ്ഥിരപ്പെടുന്നവർ ചുരുക്കമാണ്.. ആവശ്യം കഴിഞ്ഞവരങ് തിരിച്ചു പോവും..!! ഇടക്ക് ഓർമ്മ പുതുക്കും.. ആവശ്യം വരുമ്പോൾ പിന്നെയുമൊർക്കും.. അങ്ങനെയെത്ര മനുഷ്യർ കടന്നു പോയിരിക്കുന്നു.. തമ്മിലെത്ര മിണ്ടിയ മനുഷ്യർ.. പ്രിയപ്പെട്ടവരെന്ന് രേഖപെടുത്തിയവർ.. മടങ്ങി പോകുമ്പോൾ, അവരെയോർക്കുമ്പോൾ, നല്ലതായിരുന്നു എന്നൊരു തോന്നൽ മാത്രമേ ഇപ്പോഴുള്ളൂ.. അതുമതി....... ❤️ #❤ സ്നേഹം മാത്രം 🤗