🌿 *“ప్రపంచానికి ఆశీర్వాదమయ్యే వాగ్దానం”* 🗓️ మే-16, 2026 | శనివారం. 📖 *“భూలోకములోని జనములన్నియు నీ సంతానమువలన ఆశీర్వదించబడును.”* — ఆదికాండము 22:18 📖🔍 *ధ్యానం :* ఇది అబ్రాహాము జీవితంలో అత్యంత కీలకమైన సందర్భంలో ఇవ్వబడినది. అనగా ఇస్సాకు బలి సంఘటన తర్వాత, అతడు చూపిన గొప్ప విశ్వాసమును చూసి దేవుడు ధృవీకరించిన అత్యంత గొప్ప వాగ్దానం. ఇది కేవలం అబ్రాహాము కుటుంబానికి మాత్రమే కాదు; ప్రపంచమంతటికీ సంబంధించినది. అబ్రాహాము సంతానం ద్వారా ప్రపంచమంతా ఆశీర్వదించబడాలని దేవుడు నిర్ణయించాడు. ఆ సంతానము క్రీస్తే (గలతీ 3:16). ఇది దేవుని కార్యాల విస్తృత పరిధిని చూపిస్తుంది. ఏలాగనగా, అబ్రాహాము వంశం ద్వారా క్రీస్తు జన్మించాడు, క్రీస్తు ద్వారా భూమిమీదనున్న సమస్త వంశములు ఆశీర్వాదం పొందే మార్గం తెరవబడింది (ఆదికాండము 12:3). ఈలాగు అబ్రాహాము విధేయత ద్వారా ఈ లోకానికే ఆశీర్వాదమయ్యాడు. 🌾 *ఉదాహరణ :* మన ప్రభువైన యేసుక్రీస్తు ద్వారా రక్షణ, కృప, నిత్యజీవము ప్రపంచమంతటికీ అందింది. “విశ్వాససంబంధులే విశ్వాసముగల అబ్రాహాముతో కూడ ఆశీర్వదింపబడుదురు” (గలతీ 3:9) ప్రకారము, ఈ అనుభవంలో ఉన్న హృదయం ద్వారా అందరికీ ఆశీర్వాదమయ్యే భాధ్యతను ప్రభువే అందించాడు. ఈలాగు దేవుడు మనలను ఆశీర్వదించి ఇచ్చిన కృప మన జీవితంలో నిలిచిపోకుండా, ఇతరుల జీవితాలకు చేరేలా ఉండాలి. మన జీవితం దేవుని చేతిలో ఒక సాధనంగా మారినప్పుడు, మన మాటలు, మన సేవ, మన ప్రేమ, ఇవన్నీ ఆశీర్వాదంగా మారుతాయి. దేవుని ప్రణాళికలో ప్రతి విశ్వాసి ఒక మార్గమే; సాధారణ విశ్వాసి కూడా ఇతరులకు ఆశీర్వాదమే. 💭 *ఆలోచించవలసినది :* 👉 దేవుడు నాకు ఇచ్చిన ఆశీర్వాదం ఇతరుల జీవితాలకు చేరేదిగా ఉందా? 🙏 *ప్రార్థన :* ప్రభువా, నా జీవితం ద్వారా ఇతరులకు ఆశీర్వాదమయ్యేలా నన్ను సిద్ధపరచుము. ఆమేన్! 🔗 ఈ ధ్యానాన్ని పంచుకోవడం ద్వారా దేవుడు ఆశీర్వాదముగా ఉపయోగించగలడని ఎవరైనా గ్రహించగలరు. ✍️ జాన్ మైఖేల్. #📝అనుదిన వాక్యము #📙ఆధ్యాత్మిక మాటలు

ప్రార్థనలో విశ్వాసముతో పోరాడిన విశ్వాసికి శరీరం, లోకం, అపవాదిపై విజయమే..! A believer who fights with faith in prayer has victory over the body, the world, and the devil...! #📙ఆధ్యాత్మిక మాటలు

*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷మే 16🌷🌷* *“ సమాధాన కర్తయగు దేవుడు ప్రతి మంచి విషయములో తన చిత్త ప్రకారము చేయుటకు మిమ్మును సిద్ధపరచును గాక” (హెబ్రీ 13:20,21)* ఈ వాక్యమును 7 భాగములుగా విభాగించిన యెడల దేవుని చిత్తము యొక్క ఏడు రుజువులు దృఢపరచబడును. సమాధాన కర్తయగు దేవుడు ఏ విషయమును గూర్చి అయినను దేవుడు నీతో మాట్లాడి తన చిత్తమును కనుపరచిన యెడల నీ ఆత్మలో అధికమగుచున్నహెచ్చింపబడుచున్న సంపూర్ణమైన గొప్ప సమాధానముండును. ఉదయకాలము తాజాగా, స్పష్టముగా నుండును. గనుక ఉదయకాలపు మౌనధ్యాన సమయము ప్రార్ధనకు శ్రేష్ఠమైన సమయము. “ప్రభువా ఇప్పుడు నేను నా చిత్తమునకు (స్వయమునకు) మరణించుటకు సిద్ధపడి యున్నాను. నన్ను నేను నీ చిత్తమునకు అప్పగించుకొనుచున్నాను. నీ చిత్తమును కనుపరచుము, నేను నీకు విధేయత చూపుదును. సంతోషముగా నీ చిత్తమును చేసెదను”, ఆ తరువాత దైవికమైన సమాధానము నీవు పొందువరకు వేచియుండి ఆయన వాక్యమును చదువుము. 2. మరణము నుండి తిరిగి లేచినవాడు : ఇది ఆయన పునరుర్ధాన శక్తి నీవు దేవుని చిత్తములో నున్న యెడల, దేవుని శక్తి నీలో, నీ ద్వారా సమృద్దిగా, సంపూర్ణముగా బయలుపరచ బడవలెను. “నా జీవితములో నీ శక్తిని తక్కువ చేయు ప్రణాళికను నేను చేయకుండా నన్ను భద్రపరచుము” అని నీవు విశ్వాసముతో ప్రార్ధించవలెను. 3. మన ప్రభువైన ఏసుక్రీస్తు : ఆయన ప్రభుత్వమును మనము అంగీకరించవలెను. నీవు దేవుని చిత్తములో నున్న యెడల ఆయన నీ అవసరములన్నియు తీర్చును (ఫిలిప్పీ 4: 19 ) ఆయన ప్రభుత్వము క్రిందకు రమ్ము. ఆయన నీ ప్రతి దుఃఖమును నీ ఆందోళన తొలగించును. 4. ఆ గొర్రెల గొప్ప కాపరి. బైబిలు ఒక పచ్చిక బయలు. ప్రభువైన యేసు గొర్రెల కాపరి (కీర్తన 23:1,2) ఆయన చిత్తమును నిశ్చయపరచు లేఖన భాగమునకు ఆయన నిన్ను నడిపించును అందువలననే నీవు బైబిలు చదువుటలో ఒక క్రమ పద్ధతిలోఅవలంబించవలెను. దానిని నెమ్మదిగా, జాగ్రత్తగాచదువవలెను. 5. నిత్య నిబంధన రక్తము: నేరారోపణ చేయు మన మనస్సాక్షి ఆయన, రక్తము ద్వారా కడుగబడును (హెబ్రీ 9:14) నీవు దేవుని చిత్తములో నున్నప్పుడు ఆయన, ప్రతి అయోగ్యమైన ఉద్దేశము నుండి నిన్ను కడుగును. *మన హృదయములు మోసకరమైనవి. కొన్నిసార్లు మన హృదయములో ధనాశ , అధికారవాంఛ, మోహపు కోరికలు, ద్వేషము, శత్రుత్వము కలిగియుందుము. ఆయన చిత్తము చేయుటకు ప్రతి అపవిత్రపరచు దాని నుండి ఆయన రక్తము ద్వారా నీవు విడిపించ బడవలెను. విశ్వాసము ద్వారా “ప్రభువా! నీ స్వభావమునకు, నీ ప్రవర్తనకు విరోధమైన ప్రతి అయోగ్యమైన, అనారోగ్యకరమైన తలంపులను నా హృదయములో నుండి తొలగించుము” అని చెప్పవలెను.* 6. ప్రతి మంచి విషయములో తన చిత్త ప్రకారము చేయుట : సంపూర్ణముగా దేవుని చిత్తము వలన నడిపించబడవలెను. ఒక విషయములో మాత్రమే కాదు అన్ని విషయములలో, ప్రతి అంశములో ఆయన స్వాధీనములో ఉండవలెను. దేవుని చిత్తము స్పష్టముగా తెలియకుండా ఒక్క అడుగు అయినను వేయవద్దు. అది అన్ని సద్విషయములలో నిన్ను సంపూర్ణునిగా చేసి , “ఆయనదృష్టికి అంగీకరమైన దానిని” ఆయన నీలో చేయును. 7. ఏసుక్రీస్తుకు యుగయుగములకు మహిమ కలుగునుగాక: దేవుని చిత్తము యొక్క ఏడవ ఋజువు. ఏ విషయములోనైతే మనము దేవుని చిత్తమును కనుగొందుమో దానియందు ఆయన నామము అత్యధికముగా గొప్ప చేయ బడవలెను. “ఈ విషయములో నీ నామము గొప్ప చేయ బడవలెనని నేను కోరుచున్నాను” అని నీవు హృదయము నుండి చెప్పగలవా? అనుదినము నీవు ఈ ఏడు పరీక్షలను అన్వయించుకొనుటకు నేర్చుకొని యుండవలెను. అప్పుడు నీ చెవి చాల సున్నితమైనదగును. “ఇదే త్రోవ, దీనిలో నడువుము. కుడికి గాని, ఎడమకి గాని వెళ్ళకుము” అని అనుదినము దేవుని స్వరము వినుట అధ్బుతకరమైన అనుభవము. ప్రతి శ్రమానుభవములో, ప్రతి పరీక్షలో విజయోత్సవముతో దేవుని హస్తము నీ హస్తమును పట్టుకొని నడిపించుటను నీవు గ్రహించగలవు. “దేవుని ఆత్మ చేత ఎందరు నడిపింపబడుదురో వారందరు దేవుని కుమారులైయుందురు” ( రోమా 8:14) Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝

*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷మే 15🌷🌷* *“దేవా, నన్ను పరిశోధించి నా హృదయమును తెలిసికొనుము నన్ను పరీక్షించి నా ఆలోచనలను తెలిసికొనుము” (కీర్తనలు 139: 23 )* మన ప్రాణము రక్తములో నున్నది, గుండె కొట్టుకొనుట ఆగిపోగానే, మానవుడు చనిపోవును. మరుక్షణమే శరీరము కుళ్ళిపోవుటకు ఆరంభించును. అందువలననే శరీరము సమాధి చేయబడవలెను లేక కాల్చబడవలెను. ఎడతెగక దేవుని జీవము మనలో ప్రవహించు అనుభూతిని కలిగి ఉండవలెను. ఎప్పుడో ఒకప్పుడు కాదు (కొలోస్స 3: 4 ) మనము నాడి పట్టుకొని చూచినప్పుడు ఆ మనిషి నడచుచున్నను, కూర్చున్నను, పండుకొన్నను అతనిలో ప్రాణమున్నదని చెప్పగలము. ఎందుకనగా అతని గుండె కొట్టుకొనుచున్నది. అతడు బ్రతికి ఉన్నాడు ప్రాణము (జీవము) ఉన్నదని తెలియుచునది. యేసుక్రీస్తు ప్రభువు యొక్క ప్రేమ మనలో ఎడతెగక ప్రవహించుట వలన మనము బ్రతికియుండగలము. గర్వము, ద్వేషము, లేక ఇతర పాపములు ఆ ప్రవాహమును ఆపగలవు, తగ్గించగలవు. ఒక్కొక్కసారి మన నీటి కొళాయిలో నీరు ధారాళముగా రాదు, చుక్కలు చుక్కలుగా పడుచుండును. నీటి గొట్టమును తెరచి అందులోని మురికిని తీసివేసిన యెడల అప్పుడు నీరు సమృద్దిగా ప్రవహించును. నీలో దేవుని జీవము ఏ విధముగా ప్రవహించు చున్నది? చుక్కలుగా లేక సమృద్ధిగా, ధారాళముగా ప్రవహించు చున్నదా? దేవుడు మనము సమృద్ధి అయిన జీవము గలవారమై యుండ వలెనని కోరుచున్నాడు. ఆయన మనకు సమస్తమును సమృద్ధిగా నియ్యవలెనని కోరుచున్నాడు. సమృద్ధిగల జీవము, సమృద్ధి అయిన సమాధానము, సమృద్ధి అయిన శక్తీ , అంతేగాక మనలను సమృద్ధిగా ఫలబరితమైన వారినిగా చేయవలెనని కోరుచున్నాడు. ఎప్పుడైతే ఆ ప్రవాహము సన్నగిల్లుటను కనుగొందుమో, ఆ సమాధానము, ఆ సంతోషము, ఆ శక్తీ తరిగిపోవుచున్నవో, అప్పుడు మన హృదయములను, పరీక్షించుకొనవలెను. మనలను మనము తగ్గించుకొని “ప్రభువా! ఎందుకు నా సమాధానము తగ్గిపోయినది? నేనెందుకు నీ సన్నిధిని బలముగా అనుభవించలేక పోవుచున్నాను? నా శోధనలలో నాకు ముందున్న శక్తీ లేదు. దేవుని వాక్యము కొరకైన ఆకలి మునుపటి వలె లేదు, మునుపటి ప్రార్ధనా భారము లేదు”. అని అడుగవలెను. ఎచటనో కొంత ఆటంకము ఉన్నది. అది తొలగింప బడవలెను. అప్పుడు మనము “ప్రభువైన క్రీస్తూ! నీవే నా నీతి, నేను నిన్ను గట్టిగా పట్టుకొనుచున్నాను.” అని ఖండితముగా చెప్పగలము. నీ స్వశక్తి మీద, నీ స్వయం మీద ఆధారపడవద్దు. ఆయన జీవమును ఎడతెగక కోరుకొనుము,. నీవు ఎక్కడకైనను వెళ్ళక మునుపు “ప్రభువా! ఇప్పుడు నన్ను నేను నీకు అప్పగించు కొనుచున్నాను”. అని చెప్పుము. *సామాన్యముగా మనము దూర ప్రయాణముల కొరకు మాత్రమే అట్లు ప్రార్ధించుదుము. దగ్గర ప్రాంతములకు వెళ్ళునప్పుడు ప్రార్ధించము సరిగదా! తిరిగి వచ్చిన తరువాతనైనను ప్రార్ధించము మన స్వభావము అటువంటిది. మనము పెద్దవాటి కొరకే ప్రార్ధించుదుము. ఆ విధముగా సాతానుచే మోసగించబడుదుము.* మనము లెక్క చేయకుండా, నిర్లక్ష్యముగా నుందుము. అందువలన శాంతి, సమాధానములను కోల్పోవుదుము. అనుదినము ప్రభువైన ఏసుక్రీస్తు జీవమును అన్వయించుకొనుట చేతనే మనము సంపూర్ణతను పొందగలము. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝