*అలసిన వానిని ఊరడించు మాటలు*
🍞🍞🍞🍞🍞🍞🍞🍞🍞
*సహోదరుడు భక్త సింగ్ గారి పరిచర్య నుండి సేకరించిన*
*అనుదిన ధ్యానములు*
🍇🍇🍇🍇🍇🍇🍇🍇🍇
*🌷🌷ఏప్రిల్ 5🌷🌷*
*" క్రీస్తు మృతులలో నుండి లేపబడి యున్నాడు" (1 కొరింతి. 15:20)*
*జీవముగల మన రక్షకుడైన యేసు క్రీస్తు ప్రభువు యొక్క పునరుర్ధానమును గూర్చి ఏడు గొప్ప రుజువులు కలవు.*
1. పాతనిబంధన లో ప్రవక్త ద్వారా చెప్పబడిన ప్రవచనములు (యెషయా 25:8, హోషేయ 13:14, కీర్తనలు 16:10) మరణమును గెల్చుటను గూర్చి ఎవరును కలగనలేదు. ప్రపంచ చరిత్ర అంతటిలో ఒకే ఒక సంఘటన కలదు. ఆయన "విజయమందు మరణం మ్రింగివేయబడెను".
2. ఆయన సిలువ వేయబడక ముందు ప్రభువు తానే తన శిష్యులతో చెప్పిన ప్రవచనములు " మనుష్య కుమారుడు చంపబడి తిరిగి లేచును" (మార్కు 8:31; 9:31: 10:34; యోహాను 10:18)
3. ఆదివారమున తెల్లవారుచుండగా దూతలు ఇచ్చిన సాక్ష్యము. " ఆయన ఇక్కడ లేడు, ఆయన లేచి యున్నాడు" ( లూకా 24: 5,6)
4. ఖాళీ సమాధి. " వారు సమాధిలోనికి ప్రవేశించి ప్రభువైన యేసు యొక్క దేహమును కనుగొనలేదు". ఈనాటికి కూడా యెరూషలేములో ఖాళీ సమాధిని చూడగలము. ప్రతి దినము ప్రపంచములోని అనేక ప్రాంతముల నుండి దానిని చూచుటకు ప్రజలు వచ్చుచుందురు. ఇతర సమాధులు చనిపోయిన వారి ఎముకలతో నిండియుండును గాని ఇది ఖాళీ సమాధి.
5. ప్రభువు, తిరిగి లేచిన తరువాత 40 దినములలో, పది వేరు వేరు సందర్భములలో, వేరు వేరు దినములలో శిష్యులకు కనబడెను. మొదటి దినమున 5 పర్యాయములు, రెండవదినము నుండి ఆయన ఆరోహణ దినమువరకు 5 సార్లు కనబడెను. మొదట సమాధి యొద్ద మగ్దలేనే మరియకు కనబడెను. తరువాత ఇతర స్త్రీలు సమాధి యొద్ద నుండి తిరిగి వచ్చు చుండగా వారికి కనబడెను. తరువాత సీమోను పేతురుకు కనబడెను. ఎమ్మాయుకు వెళ్ళు ఇద్దరు శిష్యులకు, అదే సాయంకాలమున గదిలో చేరిన శిష్యులు తలుపులు మూసికొనియుండగా వారికి కనబడెను. 1 కొరింతి. 15:6 లో చూచినట్లు యెరూషలేములోని 500 మంది శిష్యులకు కనబడెను. తరువాత అపొస్తలుడైన యోహానుకు కనబడెను. తోమా కొరకై ఎనిమిదవ సారి ఎనిమిదవ దినమున కనబడెను. తిబెరియా సముద్రము నొద్ద తొమ్మిదవ సారి కనబడెను (యోహాను 21) ఆయన పరలోకమునకు ఆరోహణము కాకమునుపు బేతనియలో కనబడెను. ఘోరపాపిని దేవుని బిడ్డగా చేయుటకై, ఆయన పునరుర్ధాన శక్తి ద్వారా మనలోనికి రాగలడని చూపించుటకై 40 దినములలో ఆ విధముగా పది పర్యాయములు ఆయన కనబడెను.
6. ఆయన పరలోకమునకు వెళ్లిన తరువాత కనబడిన విధము. ఆయన స్తెఫనుకు కనబడెను (అపో.కా. 7:54,55) పౌలు అని పిలువబడిన సౌలుకు కనబడెను (అపో.కా 9:3-5) పత్మాసు ద్వీపములో యోహానుకు కనబడెను (ప్రకటన 1)
7. ఈ ఆరు రుజువులకంటెను నీవు ఎవరితో మాట్లాడుదువో వారిని ఒప్పించగల అతి ప్రాముఖ్యమైన ఇంకొక రుజువు కలదు. ఆయన ప్రతి విశ్వాసిలో నివసించును. ప్రపంచములోని ఏ భాగమునందైనను ఆయన యందు విశ్వాసముంచు వారిలో నివసించుటకు ఆయన వచ్చును. మనమందరము అదే చెప్పగలము. " ఆయన నా యందు నివశించుచున్నాడు, ఆయన నాయందు నివశించుచున్నాడు". అందుచేతనే ఇప్పుడు మేము అదే ప్రశ్న నీకు వేయుచున్నాము. *జీవము గల ప్రభువు నీలో నివసించుచున్నాడా?*
Please share
🙏🏼Praise the LORD.🙏🏼
#📝అనుదిన వాక్యము #⛪దేవుని వాక్యము ✝
