ഇന്ത്യക്കാരിയായ യൂട്യൂബര്‍ കാനഡയില്‍ കുത്തേറ്റു മരിച്ചു; കൊലപാതകത്തിന് പിന്നില്‍ രാഷ്ട്രീയ നിലപാടുകളെന്ന് സംശയം 💢⭕💢⭕💢⭕💢⭕ ഒന്റാറിയോ: ഇന്ത്യൻ വംശജയായ യുവതിയെ അജ്ഞാതർ കുത്തിക്കൊലപ്പെടുത്തി. പഞ്ചാബ് സ്വദേശിയായ യൂട്യൂബർ നാൻസി ഗ്രെവാള്‍ (45) ആണ് കൊല്ലപ്പെട്ടത്. ഇക്കഴിഞ്ഞ ചൊവ്വാഴ്ച രാത്രി കാനഡയിലെ ഒന്റാറിയോയിലായിരുന്നു സംഭവം. പ്രാദേശിക സമയം രാത്രി 9:30ഓടെ ടോഡ് ലെയ്നില്‍ ഒരാള്‍ക്ക് കുത്തേറ്റതായി ലാസാലെ പൊലീസിന് വിവരം ലഭിക്കുകയായിരുന്നു. പൊലീസും മെഡിക്കല്‍ സംഘവും സ്ഥലത്തെത്തുമ്ബോള്‍ നാൻസിക്ക് ഗുരുതരമായി പരിക്കേറ്റിരുന്നു. ഉടൻ തന്നെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. സംഭവസ്ഥലത്തെ രണ്ട് വീടുകള്‍ പൊലീസ് സീല്‍ ചെയ്തിട്ടുണ്ട്. തെളിവുകള്‍ ശേഖരിക്കുന്നതിനായി പ്രദേശത്തെ സിസിടിവി ദൃശ്യങ്ങള്‍ പൊലീസ് പരിശോധിച്ചുവരികയാണ്. ഇതൊരു ഒറ്റപ്പെട്ട സംഭവമാണെന്നും പൊതുജനങ്ങള്‍ക്ക് ആശങ്ക വേണ്ടെന്നും ലാസാലെ പൊലീസ് അറിയിച്ചു. സോഷ്യല്‍ മീഡിയയില്‍ സജീവമായിരുന്ന നാൻസി പഞ്ചാബിലെ രാഷ്ട്രീയ-സാമൂഹിക വിഷയങ്ങളിലും തന്റെ കൃത്യമായ നിലപാടുകള്‍ തുറന്നുപറഞ്ഞിരുന്നു. കാനഡയിലെ ഖാലിസ്ഥാൻ വാദികളെ നാൻസി രൂക്ഷമായി വിമർശിച്ചിരുന്നു. ഇന്ത്യയും കാനഡയും തമ്മിലുള്ള നയതന്ത്ര ബന്ധത്തെക്കുറിച്ചും വീഡിയോകള്‍ പങ്കുവച്ചിരുന്നു. നാൻസിയുടെ രാഷ്ട്രീയ നിലപാടുകളാണോ കൊലപാതകത്തിന് പിന്നിലെന്ന് പൊലീസ് അന്വേഷിക്കുന്നുണ്ട്. 💢⭕💢⭕💢⭕💢⭕ #ഫ്ലാഷ് ന്യൂസ്‌ 📯📯📯 #ഇന്നത്തെ പ്രധാന വാർത്തകൾ #NEWS TODAY💢💢💢 #കാനഡയിൽ 😪

ജാസ്ലിയയുടെ മരണം: പ്രതി ഡോ. സിറിയക് പി ജോര്‍ജ് പിടിയില്‍ 💢⭕💢⭕💢⭕💢⭕ കൊച്ചി: അങ്കമാലിയില്‍ കാറിടിച്ച്‌ വിദ്യാർത്ഥിനി ജാസ്ലിയ ജോണ്‍സണ്‍ മരിച്ച സംഭവത്തില്‍ ഒളിവിലായിരുന്ന പ്രതി ഡോ. സിറിയക് പി. ജോർജിനെ പൊലീസ് കസ്റ്റഡിയിലെടുത്തു. വാഗമണ്‍ പൊലീസാണ് പ്രതിയെ പിടികൂടിയത്. ഇയാളെ ഉടൻ തന്നെ അങ്കമാലി പൊലീസിന് കൈമാറും. അപകടം നടന്ന് ദിവസങ്ങള്‍ക്ക് ശേഷവും ഒളിവില്‍ കഴിയുകയായിരുന്ന സിറിയക്കിനെ വാഗമണ്ണില്‍ നിന്നാണ് പൊലീസ് സംഘം കണ്ടെത്തിയത്. വിദേശത്തേക്ക് കടക്കുന്നത് തടയാൻ പൊലീസ് ലുക്കൗട്ട് സർക്കുലർ പുറപ്പെടുവിച്ചിരുന്നു. പ്രതിയെ ഒളിവില്‍ പോകാൻ സഹായിച്ചതിനും ഒളിത്താവളം ഒരുക്കി നല്‍കിയതിനും പിതാവിനെ പൊലീസ് നേരത്തെ കസ്റ്റഡിയിലെടുത്തിരുന്നു. അപകടം നടന്ന് ദിവസങ്ങള്‍ പിന്നിട്ടിട്ടും പ്രതിയെ പിടികൂടാത്തതില്‍ പൊലീസിനെതിരെ വലിയ ജനരോഷം ഉയർന്നിരുന്നു. ഇതിനിടെ പ്രതി കോട്ടയം സെഷൻസ് കോടതിയില്‍ മുൻകൂർ ജാമ്യാപേക്ഷയും നല്‍കിയിരുന്നു. നാല് പേർക്ക് ജീവിതത്തിന്റെ വെളിച്ചം പകർന്നു നൽകിയാണ്‌ പത്തൊമ്പതുകാരിയായ ജാസ്‌ലിയ ജോൺസൺ വിടവാങ്ങിയത്‌. എറണാകുളം വൈപ്പിൻ എടവനക്കാട് സ്വദേശിയായ ജാസ്‌ലിയ അങ്കമാലി മോണിംഗ് സ്റ്റാർ കോളേജിലെ രണ്ടാം വർഷ ബി.കോം വിദ്യാർഥിനിയായിരുന്നു. പഠനത്തോടൊപ്പം പാർട്ട് ടൈം ജോലി ചെയ്തിരുന്ന ജാസ്‌ലിയ, ഫെബ്രുവരി 28-ന് ജോലി കഴിഞ്ഞ് മടങ്ങുന്നതിനിടെയാണ് അങ്കമാലി ടെൽക് ജംഗ്ഷനിൽ വെച്ച് അപകടത്തിൽപ്പെട്ടത്. കാർ ഇടിച്ചുണ്ടായ അപകടത്തിൽ ജാസ്‌ലിയയുടെ തലയ്ക്ക് ഗുരുതരമായി പരിക്കേറ്റിരുന്നു. പട്രോളിംഗ് ഡ്യൂട്ടിയിലുണ്ടായിരുന്ന അങ്കമാലി പോലീസാണ് ജാസ്‌ലിയയെ അങ്കമാലിയിലെ സ്വകാര്യ ആശുപത്രിയിലെത്തിച്ചത്. പരിക്ക് അതീവ ഗുരുതരമായതിനാൽ വിദഗ്ധ ചികിത്സയ്ക്കായി രാജഗിരി ആശുപത്രിയിലേക്ക് മാറ്റുകയായിരുന്നു. ഡോക്ടർമാരുടെ തീവ്രശ്രമങ്ങൾക്കും ജാസ്‌ലിയയെ ജീവിതത്തിലേക്ക് തിരികെ കൊണ്ടുവരാനായില്ല. മസ്‌തിഷ്‌ക മരണം സ്‌ഥിരീകരിച്ചതിനെ തുടർന്ന് ബന്ധുക്കൾ അവയവദാന സന്നദ്ധത അറിയിച്ചു. 💢⭕💢⭕💢⭕💢⭕ #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯 #ജസ്‌ലിയാ മരണം, പ്രതി പിടിയിൽ

‘കെഎസ്ആർടിസി ബിസിനസ് ക്ലാസ് ബസുകൾ വരുന്നു, പാൻട്രിയും ടോയ്‌ലറ്റും ഉൾപ്പെടെ വിപുലമായ സൗകര്യങ്ങൾ’; മന്ത്രി കെ ബി ഗണേഷ് കുമാർ 🔴🔵🟤🟢🟠🟣🟡 കെഎസ്ആർടിസി ബിസിനസ് ക്ലാസ് ബസുകൾ സർവീസ് ആരംഭിക്കുന്നതായി മന്ത്രി കെ ബി ഗണേഷ് കുമാർ. നവീകരിച്ച എറണാകുളം കെ എസ് ആർ ടി സി സ്റ്റാൻഡിന്റെ ഉദ്ഘാടന വേദിയിൽ വെച്ചാണ് ഗതാഗത മന്ത്രി ഈ സുപ്രധാന പ്രഖ്യാപനം നടത്തിയത്. പാൻട്രി, ടോയ്‌ലറ്റ് സൗകര്യങ്ങളോട് കൂടിയ ബസുകളായിരിക്കും ഈ വിഭാഗത്തിൽ ഓടുക. ടിക്കറ്റ് റിസർവ് ചെയ്യുന്നതിനോടൊപ്പം തന്നെ യാത്രക്കാർക്ക് ഭക്ഷണവും ബുക്ക് ചെയ്യാനുള്ള സൗകര്യമുണ്ടാകുമെന്ന് അദ്ദേഹം പറഞ്ഞു. വിമാനങ്ങളിലെ എയർ ഹോസ്റ്റസുമാർക്ക് സമാനമായി യാത്രക്കാരെ സഹായിക്കാൻ ബസ് ഹോസ്റ്റസുമാർ ബസിലുണ്ടാകും. ഡ്രൈവർക്ക് പുറമെ ഒരു ഹോസ്റ്റസ് മാത്രമായിരിക്കും ജീവനക്കാരായി ബസിലുണ്ടാവുക. തിരുവനന്തപുരം – കൊച്ചി റൂട്ടിലായിരിക്കും ഈ ബസുകൾ സർവീസ് നടത്തുക.ഈ മാസം 15-ഓടെ ആദ്യ ബസ് എത്തുമെന്ന് മന്ത്രി അറിയിച്ചു. തിരഞ്ഞെടുപ്പ് ചട്ടം നിലവിൽ വന്നാൽ ഔദ്യോഗിക ഉദ്ഘാടനം നടത്താൻ സാധിക്കാത്തതിനാലാണ് ബസ് എത്തുന്നതിന് മുൻപേ ഇപ്പോൾ ഉദ്ഘാടന പ്രഖ്യാപനം നടത്തിയത്. ബസ് എത്തിക്കഴിഞ്ഞാൽ താൻ തന്നെ അത് ഓടിച്ചു നോക്കിയ ശേഷം സർവീസ് ആരംഭിക്കുമെന്നും അദ്ദേഹം വ്യക്തമാക്കി. അതേസമയം, കെഎസ്ആർടിസി ജീവനക്കാർക്ക് ഡിഎ നൽകുന്ന കാര്യം സർക്കാരിന്റെ പരിഗണനയിലാണെന്ന് മന്ത്രി അറിയിച്ചു. ഇക്കാര്യം മുഖ്യമന്ത്രിയോടും ധനകാര്യ മന്ത്രിയോടും സംസാരിച്ചിട്ടുണ്ട്. 🔴🔵🟤🟢🟠🟣🟡 #ഫ്ലാഷ് ന്യൂസ്‌ 📯📯📯 #ഇന്നത്തെ പ്രധാന വാർത്തകൾ #NEWS TODAY💢💢💢 #ksrtc #ബസ് ഹോസ്റ്റസ് ❤️💚 ഹോസ്റ്റസ്

#NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯 #മിനിമം വേതനം 😍

#🌅സുപ്രഭാതം🌄 #good morning #💪മോട്ടി വേഷൻ #💝 ആശംസകള്‍ #🙂 ശുഭദിനം

*2018-ലെ മഹാപ്രളയം നമ്മിൽ ഏൽപ്പിച്ച മുറിവുകൾ ചെറുതല്ല. വെള്ളത്തിനടിയിലായ കുട്ടനാടിൻ്റേയും തകർന്നടിഞ്ഞ റോഡുകളുടെയും കാഴ്ചകൾ ഇന്നും നമ്മുടെ ഓർമ്മയിലുണ്ട്.* *➖ ➖06/ 03/ 2026 ➖➖* എന്നാൽ ആ പ്രതിസന്ധികളിൽ തളരാതെ പുതിയൊരു കേരളത്തെ പടുത്തുയർത്താൻ നാം തീരുമാനിച്ചു. അന്ന് തകർന്ന ആലപ്പുഴ–ചങ്ങനാശ്ശേരി (എ.സി) റോഡ് ഇപ്പോൾ എല്ലാ പണികളും പൂർത്തിയാക്കി ഇന്നു പൂർണ്ണമായും സജ്ജമായിരിക്കുന്നു. കേവലമൊരു അറ്റകുറ്റപ്പണിക്ക് പകരം വെള്ളപ്പൊക്കത്തെ നേരിടാൻ കഴിയുന്ന രീതിയിൽ ഈ പാതയെ പുനർനിർമ്മിക്കുക എന്നതായിരുന്നു സർക്കാരിൻ്റെ ലക്ഷ്യം. റീബിൽഡ് കേരള ഇനിഷ്യേറ്റീവിൻ്റെ ഭാഗമായി നമ്മൾ ആ സ്വപ്നം ഇപ്പോൾ യാഥാർത്ഥ്യമാക്കിയിരിക്കുന്നു. ചങ്ങനാശ്ശേരി പെരുന്ന ജംഗ്ഷനിൽ നിന്ന് കളർകോട് ജംഗ്ഷൻ വരെയുള്ള 24.164 കിലോമീറ്റർ ദൂരത്തിലാണ് ഈ പാത പുനർനിർമ്മിച്ചിരിക്കുന്നത്. ചങ്ങനാശ്ശേരി, കുട്ടനാട്, അമ്പലപ്പുഴ മണ്ഡലങ്ങളെ നേരിട്ട് ബന്ധിപ്പിക്കുന്ന ഈ റോഡ് 752 കോടി രൂപ ചെലവിൽ അന്താരാഷ്ട്ര നിലവാരത്തിലാണ് പൂർത്തിയാക്കിയിരിക്കുന്നത്. ഇനിയൊരു പ്രളയമുണ്ടായാൽ അതിനെ പ്രതിരോധിക്കാൻ 3 കോസ്‌വേകൾ, 5 ഫ്ലൈഓവറുകൾ, 4 വലിയ പാലങ്ങൾ, 13 ചെറിയ പാലങ്ങൾ, 73 കലുങ്കുകൾ എന്നിവയും ഇതിൽ ഉൾപ്പെടുത്തിയിട്ടുണ്ട്. യാത്രക്കാരുടെ സുരക്ഷയ്ക്ക് പൂർണ്ണ മുൻഗണന നൽകിക്കൊണ്ട് 10 മീറ്റർ വീതിയിലാണ് റോഡ് നിർമ്മിച്ചിട്ടുള്ളത്. ഇതിനുപുറമെ, ഇരുവശങ്ങളിലും ടൈൽ പാകിയ സുരക്ഷിതമായ നടപ്പാതകൾ, 48 ബസ് കാത്തിരിപ്പ് കേന്ദ്രങ്ങൾ, തെരുവ് വിളക്കുകൾ, മികച്ച സുരക്ഷയ്ക്കായി ക്രാഷ് ബാരിയറുകൾ എന്നിവയും സജ്ജമാക്കിയിട്ടുണ്ട്. കുട്ടനാടിൻ്റെ ഹൃദയത്തിലൂടെ കടന്നുപോകുന്ന ഈ പാത കേവലമൊരു റോഡ് മാത്രമല്ല; മറിച്ച്, പ്രകൃതിദുരന്തങ്ങളെ അതിജീവിച്ച കേരള ജനതയുടെ ഇച്ഛാശക്തിയുടെയും ദൃഢനിശ്ചയത്തിൻ്റേയും വലിയ അടയാളമാണ്. കുട്ടനാട്ടിലെ ജനങ്ങളുടെ യാത്രാദുരിതങ്ങൾക്ക് ഇതോടെ ശാശ്വത പരിഹാരമാകുകയാണ്. നമ്മുടെ നാടിൻ്റെ സാമ്പത്തിക വളർച്ചയ്ക്കും ശോഭനമായ ഭാവിയിലേക്കും ഈ പുതിയ പാത വഴിതുറക്കും. #ഫ്ലാഷ് ന്യൂസ്‌ 📯📯📯 #NEWS TODAY💢💢💢 #ഇന്നത്തെ പ്രധാന വാർത്തകൾ #ആലപ്പുഴ ചങ്ങനാശ്ശേരി റോഡ് 😍😍

*- 06 - 03 - 2026 -* *ഓട്ടോറിക്ഷയെ മറികടക്കാൻ ശ്രമിക്കവെ സ്കൂ‌ട്ടർ മതിലിലിടിച്ച് പോളിടെക്നിക് വിദ്യാർത്ഥി മരിച്ചു.* പയ്യന്നൂർ കുഞ്ഞിമംഗലം മല്ലിയോട്ട് സ്വദേശിയും കാഞ്ഞങ്ങാട് പോളിടെക്നിക്കിലെ മെക്കാനിക്കൽ വിഭാഗം വിദ്യാർത്ഥിയുമായ രോഹിത് (20) ആണ് അപകടത്തിൽ മരിച്ചത്. സ്‌കൂട്ടറിൽ ഒപ്പമുണ്ടായിരുന്ന സഹപാഠി അലൻ (19) എന്ന വിദ്യാർത്ഥിക്ക് ഗുരുതരമായി പരിക്കേറ്റു. വ്യാഴാഴ്‌ച വൈകിട്ട് നാലുമണിയോടെയായിരുന്നു സംഭവം. കുശൽനഗർ പോളിടെക്നിക്കിൽ പഠിക്കുന്ന ഇരുവരും ക്ലാസ് കഴിഞ്ഞ് വീട്ടിലേക്ക് മടങ്ങുകയായിരുന്നു. എളുപ്പവഴിയായ കല്ലൂരാവി വഴി പയ്യന്നൂരിലേക്ക് പോകുന്നതിനിടെയാണ് മുറിയനാവി മുത്തപ്പൻ മഠപ്പുരയ്ക്ക് സമീപം വെച്ച് ദാരുണമായ അപകടമുണ്ടായത്. സ്‌കൂൾ കുട്ടികളെയും കയറ്റി പോവുകയായിരുന്ന ഓട്ടോറിക്ഷ പെട്ടെന്ന് പോക്കറ്റ് റോഡിലേക്ക് തിരിഞ്ഞുകയറുകയായിരുന്നു. ഓട്ടോറിക്ഷയെ മറികടക്കാൻ ശ്രമിക്കവെ എതിർ ദിശയിൽ നിന്നും വാഹനം വരുന്നത് കണ്ട് സ്കൂട്ടർ വെട്ടിച്ചപ്പോൾ പിറകിൽ നിന്ന് എത്തിയ വാഹനം ഓട്ടോറിക്ഷയിൽ തട്ടി റോഡരികിലെ മതിലിൽ ഇടിക്കുകയായിരുന്നുവെന്ന് ദൃക്സാക്ഷികളെ ഉദ്ധരിച്ച് റിപ്പോർട്ടുകൾ വ്യക്തമാക്കുന്നു. ________________________________ #ഫ്ലാഷ് ന്യൂസ്‌ 📯📯📯 #NEWS TODAY💢💢💢 #ഇന്നത്തെ പ്രധാന വാർത്തകൾ #അപകട മരണം 😪😪

*മോദിയുടെയും നെതന്യാഹുവിന്റെയും ചിത്രമേന്തി ഹോളി ആഘോഷം; ഒപ്പം ഇന്ത്യയുടെയും ഇസ്രായേലിന്റെയും പതാകയും* *➖➖06/ 03/ 2026 ➖➖* കർണാടകയിലെ ബെലഗാവിയിൽ പ്രധാനമന്ത്രി നരേന്ദ്ര മോദിയുടെയും ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിൻ്റെയും ചിത്രവുമേന്തി ഹോളി ആഘോഷം. ഇരുവരുടെയും ചിത്രമടങ്ങിയ കൂറ്റൻ ബോർഡുമായാണ് ഹോളി ആഘോഷത്തിനിടെ നൂറുകണക്കിന് യുവാക്കൾ നൃത്തം ചെയ്യുന്നത്. മോദിയും നെതന്യാഹുവും ആശ്ലേഷിച്ച് നിൽക്കുന്ന ചിത്രത്തിൽ ഇന്ത്യൻ ദേശീയപതാകയും ഇസ്രായേൽ പതാകയുമുണ്ട്. ഇസ്രായേലിനെ അനുകൂലിച്ച് മുദ്രാവാക്യം വിളികളും ഉയർന്നു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. ബെലഗാവിയിലെ വിവിധ കേന്ദ്രങ്ങളിലൂടെ ഘോഷയാത്രയായി കടന്നുപോയ ആഘോഷത്തിനിടെ അക്രമസംഭവങ്ങൾ ഒഴിവാക്കാൻ അധികൃതർ കനത്ത സുരക്ഷ ഒരുക്കിയിരുന്നു. #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯 #കർണാടകയിൽ ⭕⭕

ചെമ്മീൻ ദം ബിരിയാണി 😋😋😋😋😋 ഇന്ന് നമുക്ക് തലശ്ശേരി സ്പെഷ്യൽ ചെമ്മീൻ ദം ബിരിയാണി എങ്ങനെ തയ്യാർ ആക്കാം എന്ന് നോക്കാം.``` ചേരുവകൾ 😋😋😋 _ചെമ്മീൻ -750 ഗ്രാം_ _മുളക് പൊടി -1 ടീസ്പൂൺ_ _മഞ്ഞൾ പൊടി -1/2 ടീ സ്പൂൺ_ _ഉപ്പ് - പാകത്തിന്_ _കശ്മീരി മുളകുപൊടി -1/2 ടീ സ്പൂൺ_ ചെമ്മീൻ മസാല തേച്ച് 1/2 മണിക്കൂർ വക്കുക. അര മണിക്കൂർ കഴിഞ്ഞ് ഒരു പാനിൽ 4 ടേബിള് സ്പൂൺ എണ്ണയൊഴിച്ച് ചൂടാകുമ്പോൾ ചെമ്മീൻ 3-4 മിനിറ്റ് ഫ്രൈ ചെയ്യുക. ചെമ്മീൻ മസാല 😋😋😋 _സവാള -2 എണ്ണം_ _വെളുത്തുള്ളി പേസ്റ്റ്-2 ടേബിൾ സ്പൂൺ_ _ഇഞ്ചി പേസ്റ്റ് -1 ടേബിൾ സ്പൂൺ_ _പച്ചമുളക് -4 എണ്ണം_ _തക്കാളി -2 എണ്ണം_ _മുളക് പൊടി -1/2 ടീ സ്പൂൺ_ _മഞ്ഞൾ പൊടി -1/2 ടീസ്പൂൺ_ _ഉപ്പ് പാകത്തിന്_ _തൈര് -1/4 കപ്പ്_ _ചെറുനാരങ്ങ നീര് -1 ടീ സ്പൂൺ_ _ഗരമസാല പൊടി -1 ടീ സ്പൂൺ_ _മല്ലി ഇല - ആവശ്യത്തിന്_ _പുതിന ഇല - ആവശ്യത്തിന്_ ചെമ്മീൻ പൊരിച്ച എണ്ണയിൽ സവാള അരിഞ്ഞത്, ഇഞ്ചി വെളുത്തുള്ളി പേസ്റ്റ്, പച്ച മുളക്, എന്നിവ ചേർത്ത് നന്നായി വഴറ്റുക. മുളക് പൊടി,മഞ്ഞൾ പൊടി എന്നിവ ചേർത്ത് വീണ്ടും അവയുടെ പച്ച മണം മാറും വരെ വീണ്ടും വഴററുക.തക്കാളി ചേർത്ത് മിക്‌സ്‌ ചെയ്ത് 6-7 മിനിറ്റ് അടച്ച് വെച്ച് വേവിക്കുക.തൈര്, ചെറു നാരങ്ങ നീര്, ചെമ്മീൻ,മസാല പൊടി, മല്ലി ഇല,പുടിന ഇല എന്നിവ ചേർത്ത് നന്നായി ഇളക്കി യോജിപ്പിക്കുക.അടച്ചുവെച്ച് 10 മിനിറ്റ് വേവിക്കുക. ചെമ്മീൻ മസാല റെഡി. നെയ് ചോറ് ഉണ്ടാക്കുന്നതിന് 😋😋😋 _നെയ്യ്‌ -4 ടേബിള് സ്പൂൺ_ _വെളിച്ചെണ്ണ -1 ടേബിൾ സ്പൂൺ_ _ജീരക ശാല അരി -3 കപ്പ്_ _വെള്ളം -5 കപ്പ്_ _ഉപ്പ് - ആവശ്യത്തിന്_ _ഗ്രാമ്പൂ - 4 എണ്ണം_ _ഏലക്കാ - 4 എണ്ണം_ _പട്ട-2 എണ്ണം_ _ബെ ലീഫ് - 3 എണ്ണം_ അരി കഴുകി വെള്ളം കളഞ്ഞതിന് ശേഷം നെയ്യിൽ വറുത്ത് ഇതിലേക്ക് 5 കപ്പ് തിളച്ച വെള്ളം ഒഴിക്കണം.(പട്ട, ഗ്രാമ്പു,ഏലക്ക ,ബെ ലീഫ് എന്നിവ ചേർത്താണ് വെള്ളം തിളപ്പിച്ച് വച്ചത്). ഉപ്പ് പാകത്തിന് ഇട്ടു നന്നായി ഇളക്കുക. ചെറിയ തീയിൽ ഇട്ടു അരി വേവിച്ച് എടുക്കുക. തയ്യാറാക്കിയ നെയ്‌ ചോറിൽ നിന്ന് പകുതി വേറെ ഒരു ബൗളിൽ ഇടുക. പകുതി ചോറിനു മുകളി ചെമ്മീൻ മസാല ഇട്ടു അതിന് മുകളിൽ ടീസ്പൂൺ ഗരം മസാല പൊടി മല്ലി ഇല,എന്നിവ ഇട്ട് വീണ്ടും ബാക്കി ഉള്ള ചോറ് ഇടുക. ഇതിന് മീതെ 1 ടേബിൾ സ്പൂൺ നെയ്യ് ചേർത്ത്,മുക്കളി മല്ലി ഇല,അൽപം ഗരം മസാലപ്പൊടി എന്നിവ ചേർത്ത് നന്നായി പാത്രം അടച്ചു ചെറിയ തീയിൽ 10-15 മിനിറ്റ് വേവിക്കുക. 😋😋😋😋 #ചെമ്മീൻ ദം ബിരിയാണി 😋😋😋 #രുചി #രുചി #വീട്ടിലെ പാചകം😋😋😋

#NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯 #നേഴ്സ്മാർക്ക് മിനിമം ശമ്പളം 🌹