റീൽ അല്ല റിയൽ, എന്ന സത്യം ചെരുപ്പിടുമ്പോളേക്കും ജീവൻ ഒന്ന് കൂടെ പൊലിഞ്ഞിരിക്കുന്നു. അയാളൊരു സാധുവായിരുന്നു. അത് കൊണ്ടല്ലേ ഒരു പെണ്ണ് ഒരുമ്പെട്ടിറങ്ങിയപ്പോൾ അയാളുടെ ആത്മാവ് അറ്റുപോയത്. മുത്തില്ലാതെ ഞാനെങ്ങനെ ജീവിക്കും എന്ന വാക്ക് നമുക്ക് നേരെയുള്ള ഒരു നിലവിളിയാണ്.. ആരാണ് ഇതിന് ഉത്തരവാദി? നിയമം എന്ത് കൊണ്ടാണ് പലതിനും കൂച്ചു വിലങ്ങിടാത്തത്? ഒരു സ്മാർട്ട്‌ ഫോണുണ്ടെങ്കിൽ ആരുടെ സ്വകാര്യതയും അപഹരിക്കാൻ കഴിയുന്ന നിലക്ക് നമ്മുടെ സമൂഹം മാറുന്നത് എന്ത്കൊണ്ട്? തൊഴിലില്ലായ്‌മ ഈ വൈറൽ വൈറസ് പടർത്താൻ കാരണമാണോ? പ്രാങ്കെന്ന പേരിലും ചാനൽ റീച്ച് ഉണ്ടാക്കാൻ നടക്കുന്ന യുവതലമുറയുടെ കണ്ടന്റാവുകയാണ് പലപ്പോഴും അപരിചിതരായ മനുഷ്യർ. കഴിഞ്ഞ ദിവസം ഞാനൊരു വീഡിയോ കണ്ടു. തന്റെ ചാനൽ ഫോളോ ചെയ്താൽ 30സെക്കന്റിനുള്ളിൽ ഇഷ്ട്ടമുള്ള അത്രയും പണം എണ്ണിയെടുക്കാം എന്ന ഗെയിമുമായി പബ്ലിക്കിലേക്ക് ഒരാൾ പണക്കെട്ടുമായി ഇറങ്ങിയിരിക്കുന്നു.. അപ്പോൾ ഫുഡ്‌പാത്തിലൂടെ നടന്നു പോവുന്ന ഒരു യുവാവിനോട് ചാനൽ ഫോളോ ചെയ്തിട്ടുണ്ടോ എന്ന് ചോദിച്ചപ്പോൾ അയാൾക്ക് ഈ ഗയിമിൽ പങ്കെടുക്കാൻ താല്പര്യമില്ല എന്ന് പറയുന്നു. വീഡിയോയിൽ വരേണ്ടയെന്നും അധ്വാനിക്കാത്ത പണം ആവശ്യമില്ലെന്നും ചിന്തിക്കാനും പ്രവർത്തിക്കാനുമുള്ള അവകാശം അയാൾക്കുണ്ട്. എന്നാൽ കമന്റിൽ കൂടുതലും ആ യുവാവിനെ കുറ്റപ്പെടുത്തുന്നതും തെറി പറയുന്നതുമാണ് കണ്ടത്. സ്വന്തം നിലപാട് വെറുതെ കിട്ടുന്ന പണത്തിനും ഇൻഫ്ലുവന്മാർക്കും അടിയറവ് വെച്ച് എങ്ങിനെയെങ്കിലും പണം സമ്പാദിക്കണം എന്ന് ചിന്തിക്കുന്ന തലമുറ ഉള്ളിടത്തോളം കാലം നിരപരാധികൾ വീണ്ടും ബലിയാടുകളാവും. പ്രശസ്തി നേടാൻ വേണ്ടി പൊതു ഇടമിൽ കോമാളിത്തരം കാണിക്കുന്ന വ്യക്തികളെയും, സ്വന്തം ജെന്റർ ഐഡിന്റിറ്റി പണയം വെച്ച് പെൺവേഷം കെട്ടി കുപ്രസിദ്ധി നേടുന്ന വൈറൽ താരങ്ങളെയും സപ്പോർട്ട് ചെയ്തു സംസാരിക്കുകയും അവരെന്തോ വലിയ സംഭവമാണെന്ന തരത്തിൽ പ്രോഗ്രാമുകളിൽ പങ്കെടുപ്പിക്കാനുള്ള ആവേശവും മാറാത്തിടത്തോളം കാലം സമൂഹത്തിന്റെ ചലനങ്ങളെ സോഷ്യൽ മീഡിയ ഭരിക്കും.. നിരപരാധികളായ മനുഷ്യർ ട്രെൻറ്റുകൾക്കിടയിൽ പെട്ട് അപമാനഭാരമേറി ഇനിയും പിടഞ്ഞു മരിക്കും. കാരണം മനുഷ്യന്റെ വൈകാരികതയാണ് പലപ്പോഴും റീച്ച് കൂട്ടാൻ സോഷ്യൽ മീഡിയ സ്വാധീനക്കാർ മുതലടുപ്പാക്കുന്നത്. അത് കൊണ്ട് എന്തും ഏതും ചിത്രീകരിച്ച് പബ്ലിക്കിൽ പോസ്റ്റ്‌ ചെയ്യാനുള്ള മടി അവർക്കുണ്ടാവില്ല. അഭ്യസ്ഥവിദ്യയുള്ള പല സോഷ്യൽമീഡിയ ഇൻഫ്ലുവന്മാരിൽ നിന്നും വിവേകബുദ്ധിയോടെയുള്ള പെരുമാറ്റം പലപ്പോഴും കാണാൻ സാധിക്കുന്നില്ല. അവർ ട്രെന്റുകളുടെ ലോകത്താണ്. അതിൽ വീണുടയുന്നത് ഒന്നുമറിയാത്ത പാവങ്ങളുടെ അഭിമാനവും ജീവിതവുമാണ്.. എസ്ക്ലൂളീസീവ് വാർത്തകളിൽ മാത്രം ഇരകൾ ഒതുങ്ങുന്നു. നിയമപീഠം ഇപ്പോളും കുറ്റവാളികളെ ആജീവനാന്തം അന്നമൂട്ടുന്ന തിരക്കിലാണ്. ചതിക്കുഴികൾ ചുറ്റിലും നിറയുമ്പോൾ നമുക്ക് നമ്മൾ കാവലൊരുക്കാം. നാളെ ഒരു ട്രെൻഡിൽ എരിഞ്ഞടങ്ങാതിരിക്കാൻ.... - റസിയ 🦋✨.. #🥺 വേദനയിൽ പിടഞ്ഞ് ദീപക്കിന്റെ കുടുംബം; ഷിംജിത ഒളിവിൽ; ബസിലെ വിഡിയോ എഡിറ്റ് ചെയ്തു! #🖋 എൻ്റെ കവിതകൾ🧾 #👨‍👨‍👧‍👦 ജീവിതം #📝 ഞാൻ എഴുതിയ വരികൾ #💓 ജീവിത പാഠങ്ങള്‍

ഓർമ്മകൾ.....🥀 **************** വേഗത കുറച്ചു പോകാനാവിശ്യപ്പെട്ടിട്ടും നിമിഷങ്ങൾ പോലെ പറന്ന് പോയ കാലമേ......,, ഒരറ്റ ദിവസം മാത്രം മതി.... ഒരൊറ്റ ദിവസം...... ആ പഴയ വെളിച്ചം വീണ്ടും നൽകി എന്റെ ഈ ഏകാന്തതയ്ക്ക് മറുപടി പറയാൻ.....!!! സ്നേഹമില്ലാത്ത ഒരു ലോകത്തെ അതിജീവിക്കാൻ ഞാൻ പഠിച്ചിട്ടില്ല....!! എല്ലാം എന്റെ പിഴയാണ്............. ആ വഴിക്ക് പോകേണ്ടിയിരുന്നില്ലാ.... ആ വാതിൽ തുറക്കേണ്ടിയിരുന്നില്ലാ..... ആ മുഖം കാണേണ്ടിയിരുന്നില്ലാ...... കാരണം , കണ്ടാൽ മറവിയുടെ ഒരു മരുന്നു പോലും ഫലിക്കില്ലെന്ന് വൈകിയാണ് ഞാൻ തിരിച്ചറിഞ്ഞത്....... മനസ്സിൽ നിന്ന് ഇറങ്ങി പോകാത്ത ചില മുഖങ്ങൾ നമ്മൾ നമ്മളോട് ചെയ്യുന്ന ഏറ്റവും വലിയ ശിക്ഷയായി മാറും........!!! - റസിയ 🦋✨ #🖋 എൻ്റെ കവിതകൾ🧾 #💓 ജീവിത പാഠങ്ങള്‍ #😇 ഇന്നത്തെ ചിന്താവിഷയം #✍️Life_Quotes #📝 ഞാൻ എഴുതിയ വരികൾ

അവളെ വിളിക്കാൻ പേരുമില്ല, ആരെന്നറിയാനും വഴിയുമില്ല.... പക്ഷേ ഒരു നിമിഷം പോലും അവളുടെ അഭാവം വിട്ട് ഞാൻ സാന്ദ്രമാകുന്നുമില്ലാ...!! മരണമല്ല അത്,അതിനേക്കാൾ വലിയ നഷ്ട്ടമായിരിക്കുന്നു......!! പറയാൻ കുറേ ഉണ്ടായിരുന്നു....പക്ഷേ പറയാൻ വന്ന വാക്കുകൾ ഹൃദയത്തിൽ തന്നേ മരിച്ചു പോയി.....!! പേടിക്കപ്പെടേണ്ടത് അയാളെ കാണാതെ പോവുമമ്പോഴല്ല........കാണേണ്ടിയിരുന്നില്ലെന്ന് പിന്നീടറിയുമ്പോഴാണ്........ കണ്ടത് കണ്ണ് മറന്നാലും മനസ്സിന് എല്ലാം ഓർമയുണ്ടാകും........🙂💯 - റസിയ 🦋✨ #📝 ഞാൻ എഴുതിയ വരികൾ #✍️Life_Quotes #😇 ഇന്നത്തെ ചിന്താവിഷയം #💓 ജീവിത പാഠങ്ങള്‍ #🖋 എൻ്റെ കവിതകൾ🧾

*ലൈക്കുകളുടെ കോടതി* നീതിയുടെ പേരിൽ ക്യാമറ തുറക്കുന്ന നിമിഷം ഒരു പുരുഷന്റെ പേര് പൊതുവഴിയിൽ തൂക്കിയിടപ്പെടുന്നു. ലൈക്കും ഷെയറും തീർപ്പാക്കുമ്പോൾ സത്യം പിന്നോട്ട് മാറുന്നു. ആരോപണം ഒരു ശ്വാസത്തിൽ നിന്ന് ഉയരുന്നു, വിചാരണ ഒരു ജീവിതത്തെ തന്നെ വിഴുങ്ങുന്നു. ഒരു വീഡിയോ മതി;ഇന്നൊരു പുരുഷനെ ലോകത്തിന് മുന്നിൽ തനിച്ചാക്കാൻ. കുറ്റം ഉണ്ടെങ്കിൽ നിയമം മുന്നിലുണ്ട്, കുറ്റമില്ലെങ്കിൽ പോയ മാനം എവിടെ തിരയണം? സ്ത്രീയുടെ സുരക്ഷ ചോദ്യം ചെയ്യരുത്, അതിന്റെ പേരിൽ ഒരു പുരുഷന്റെ ജീവനെയും ചവിട്ടി മെതിക്കരുത്. നീതിക്ക് വേഗമല്ല, വിവേകമാണ് വേണ്ടത്. ✍️റസിയ 🦋✨ #😳 ബസിൽ അപമര്യാദയായി പെരുമാറിയെന്ന പരാതി: യുവാവ് ആത്മഹത്യ ചെയ്തു #💓 ജീവിത പാഠങ്ങള്‍ #😇 ഇന്നത്തെ ചിന്താവിഷയം #✍️Life_Quotes #📝 ഞാൻ എഴുതിയ വരികൾ