വാക്കു പാലിച്ച് യുഡിഎഫ് സര്‍ക്കാരിന്റെ തുടക്കം. കെഎസ്ആർടിസി ബസ്സുകളിൽ സൗജന്യ യാത്ര ജൂൺ 15 മുതലെന്ന് മുഖ്യമന്ത്രി വി.ഡി. സതീശൻ. വിശദാംശങ്ങൾ പിന്നീട് പ്രഖ്യാപിക്കുമെന്നും അദ്ദേഹം പറഞ്ഞു. വയോജനങ്ങൾക്കായി പ്രത്യേക വകുപ്പ് രൂപീകരിക്കുന്നതിലും തീരുമാനമായി. രാജ്യത്ത് ആദ്യമായാണ് പ്രത്യേക വകുപ്പ് വയോജനങ്ങൾക്കായി നടപ്പിലാക്കുന്നതെന്നും സതീശൻ പറഞ്ഞു. ആശമാരുടെ ഓണറേറിയം ആദ്യഘട്ടമായി 3,000 രൂപ വർധിപ്പിച്ചു. അങ്കണവാടി ജീവനക്കാരുടെ വേതനം ആയിരം രൂപ വർധിപ്പിച്ചു. ആദ്യഘട്ടമായാണ് ആയിരം രൂപ കൂട്ടിയതെന്നും മുഖ്യമന്ത്രി പറഞ്ഞു. പാചകത്തൊഴിലാളികളുടെ വേതനവും ആയിരം രൂപ കൂട്ടി. പ്രീപ്രൈമറി ടീച്ചർ, ആയമാർ എന്നിവരുടെ വേതനവും ആയിരം രൂപ കൂട്ടി. #🔴 KSRTC-യിൽ സൗജന്യ യാത്ര അടക്കം ജനപ്രീയ പ്രഖ്യാപനങ്ങളുമായി VDS സർക്കാർ!

സംസ്ഥാനത്ത് ബലിപെരുന്നാള്‍ ഈ മാസം 28 ന്. മാസപ്പിറവി ദൃശ്യമാകാത്ത സാഹചര്യത്തില്‍ ചൊവ്വാഴ്ച്ച ദുല്‍ഹജ് ഒന്നായി ആയി കണക്കാക്കും. ഗള്‍ഫ് രാജ്യങ്ങളില്‍ 27നാണ് ബലിപെരുന്നാള്‍.  ഇന്ന് മാസപ്പിറ കാണാത്തതിനാല്‍ നാളെ ദുല്‍റഅദ് 30 പൂര്‍ത്തിയാക്കി മെയ് 19ന് ദുല്‍ഹജ്ജ് ഒന്നായി കണക്കാക്കുമെന്ന് മതപണ്ഡിതര്‍ അറിയിച്ചു. പാളയം ഇമാം ഡോ. വി പി സുഹൈബ് മൗലവി, ദക്ഷിണ കേരള ജംഇയ്യത്തുല്‍ ഉലമ ജനറല്‍ സെക്രട്ടറി തൊടിയൂര്‍ മുഹമ്മദ് കുഞ്ഞു മൗലവി തുടങ്ങിയവരാണ് സ്ഥിരീകരണം നല്‍കിയിരിക്കുന്നത്. ഡല്‍ഹി ജമാ മസ്ജിഗ് ഷാഹി ഇമാമും മെയ് 28നാണ് ബലിപെരുന്നാളെന്ന് വ്യക്തമാക്കി. ഗള്‍ഫ് രാജ്യങ്ങളില്‍ മാസപ്പിറ കണ്ടതിനാല്‍ മെയ് 27നാണ് ബലിപെരുന്നാള്‍. അറഫാ സംഗമം മെയ് 26 ചൊവ്വാഴ്ച നടക്കും. ഹജ്ജ് കര്‍മങ്ങള്‍ മെയ് 25-ന് തുടങ്ങും. #🌙 കേരളത്തിൽ ബലിപെരുന്നാള്‍ ഈ മാസം 28ന്; അറിയേണ്ടതെല്ലാം!