#🔴आजचे ताजे अपडेट्स📰 अजित दादा....माझा व्यक्तिगत अनुभव...काही वर्षांपूर्वी नांदगाव तालुक्याला शर्मा नामक वीज मंडळात कनिष्ठ अभियंता होते.त्यांचे अन माझे काही कारणास्तव वाद झाले अन मी वीजबिल भरणे बंद केले. अन त्या शर्मा यांना आव्हान केले की,माझे वीज मीटर काढून दाखवा.... त्यांनी मी घरी नसताना वीज मीटर काढून नेले... मी घरी आल्यानंतर मला हे समजले अन मी मग तडक तत्कालीन ऊर्जामंत्री ना. अजितदादा पवार यांच्या बंगल्यावर फोन केला. तो फोन त्यांचे स्वीय सहायक सोलवट साहेबांनी उचलला. मी त्यांना पत्रकार संतोष कांदे बोलतोय अन मला दादांशी बोलायचे आहे.असे सांगितले, त्यांनी काय काम आहे.? असे विचारले मी त्यांना झालेली घटना सांगितली. फक्त दोन ते तीन तासात माझ्या घरी नवीन वीज मीटर फिट करण्यात आले. अन त्या शर्मा नामक अधिकाऱ्याची काही दिवसात संगमनेर येथे बदली करण्यात आली.आजही तत्कालीन ऊर्जामंत्री ना. अजित दादा पवार यांनी त्यांच्या सहीनिशी माझे नावं टाकून पाठवलेला फॅक्स व त्यात माझे नाव टाकून संतोष कांदे यांचा प्रॉब्लेम आजच मार्गी लावण्यात यावा असे पत्र नांदगाव वीज वितरण कंपनीला आलेले पत्र मी सांभाळून ठेवले आहे....🙏अशा कर्तव्यदक्ष नेत्याला माझी भावपूर्ण श्रद्धांजली.. 🙏😢
