ആഗ്രഹിക്കുന്നപോലെ ഒക്കെ ജീവിതം ആയ പരമ ബോർ ആയിരിക്കും എന്ന് പറഞ്ഞു എന്നെത്തന്നെ സമാധാനിപ്പിക്കുന്നതാണ് ഇപ്പൊ ആകെയുള്ള മൊട്ടിവേഷൻ അല്ലങ്കിലും ആഗ്രഹിക്കുന്ന പോലെ ഒരു ജീവിതം ആഗ്രഹിക്കുന്ന പോലെ ഒരു പാട്ണർ ആഗ്രഹിക്കുന്ന പോലൊക്കെ സമാധാനം സന്തോഷം എന്ത് ബോർ ആണ് അല്ലേ..... Gd night #❤️ പ്രണയം സ്റ്റാറ്റസുകൾ #😔 ഇമോഷണൽ സ്റ്റാറ്റസ് 😍 #💔 നീയില്ലാതെ #✍️Life_Quotes #💭 Best Quotes

ദൂരങ്ങൾക്കുമപ്പുറം: നെഞ്ചോട് ചേർക്കുന്ന ചില ഓർമ്മകൾ.. ചില മനുഷ്യർ നമ്മുടെ ജീവിതത്തിലേക്ക് കടന്നുവരുന്നത് ഒരു നേർത്ത മഴത്തുള്ളി പോലെയാണ്. എപ്പോഴാണ് ആ കുളിര് മനസ്സിൽ പതിഞ്ഞതെന്നോ, എത്ര വേഗമാണ് ആ സാമീപ്യം നമ്മുടെ ശ്വാസമായി മാറിയതെന്നോ നാം അറിയാറില്ല. ഒരു ചോദ്യങ്ങളുമില്ലാതെ അത്രമേൽ ആഴത്തിൽ വേരോടിയ ആ സ്നേഹത്തിനിടയിലേക്ക്, ഒട്ടും പ്രതീക്ഷിക്കാത്ത നേരത്ത് 'അകലം' എന്നൊരു കരിനിഴൽ വീഴുമ്പോൾ ഹൃദയത്തിലുണ്ടാകുന്ന വിള്ളലുകൾ ചെറുതല്ല. കണ്ണിൽ നിന്ന് മറയുമ്പോൾ ഹൃദയത്തിൽ നിന്നും മായുമെന്നാണ് ലോകം പറയുന്നത്. പക്ഷേ, ആത്മാർത്ഥമായി സ്നേഹിച്ചവർക്ക് ദൂരം കൂടുന്തോറും സ്നേഹത്തിന്റെ തീവ്രത ഏറുകയാണ് ചെയ്യുക. അകന്നുപോയിട്ടും ആ സ്നേഹം ഒരു അദൃശ്യമായ ചരടുപോലെ ഇന്നും അവരെ വരിഞ്ഞുമുറുക്കുന്നുണ്ട്. പഴയകാലത്തിന്റെ സുന്ദരമായ ഓർമ്മകൾ ഒരു വശത്ത് മനസ്സിനെ വീർപ്പുമുട്ടിക്കുമ്പോൾ, ആ പഴയ ചിരികളും സാമീപ്യവും മനസ്സ് ഇപ്പോഴും ആഗ്രഹിക്കുന്നുണ്ടാകാം. എങ്കിലും അത്രമേൽ ചേർന്നുനിന്ന ചിലരെ എങ്ങനെയാണ് മനസ്സിൽ നിന്നും പടിയിറക്കി വിടാൻ കഴിയുക? സ്വന്തം നേട്ടങ്ങളിൽ, തന്നേക്കാളേറെ ആനന്ദിച്ചിരുന്ന, തന്നെയത്രമേൽ മനസ്സിലാക്കിയിരുന്ന ഒരു കൂട്ടിനെ ആർക്കാണ് മറക്കാൻ കഴിയുക? മറവികൾക്കപ്പുറം ആ സ്നേഹം എന്നും അവിടെത്തന്നെയുണ്ടാകും. സ്നേഹമെന്നത് എപ്പോഴും സ്വന്തമാക്കൽ മാത്രമല്ല.. ഒരുപാട് ദൂരത്തിലിരുന്ന്, പരസ്പരം കാണാതെ, മിണ്ടാതെ ഹൃദയം കൊണ്ട് മാത്രം അവർ സംസാരിക്കും. ആ അകലങ്ങളെപ്പോലും നെഞ്ചോട് ചേർത്ത്, ആ നല്ല കാലത്തിന്റെ ഓർമ്മകളെ ജീവിതാവസാനം വരെ ഹൃദയത്തിന്റെ ഏറ്റവും സുരക്ഷിതമായ കോണിൽ അവർ കാത്തുവെക്കും. അതെ, ചിലരെ നമുക്ക് എക്കാലവും ഹൃദയത്തിൽ സൂക്ഷിക്കാം, ഈ അകലങ്ങളിൽത്തന്നെ നിറുത്തിക്കൊണ്ട്... ശിവപാർവതി #❤ സ്നേഹം മാത്രം 🤗 #😍 ആദ്യ പ്രണയം #💔 നീയില്ലാതെ #😔 ഇമോഷണൽ സ്റ്റാറ്റസ് 😍 #❤️ പ്രണയം സ്റ്റാറ്റസുകൾ

ജീവിതം✨ ചിലപ്പോൾ ജീവിതം നമ്മെ പരീക്ഷിക്കും. നഷ്ടങ്ങൾ, തെറ്റിദ്ധാരണകൾ, മൗനം, അകലം—ഇവയെല്ലാം നമ്മളെ തളർത്തും. പക്ഷേ ഒന്ന് ചിന്തിച്ചാൽ മനസ്സിലാകും, ഈ ലോകത്ത് നമ്മൾ ഒറ്റക്കല്ലെന്ന്. നമ്മെ സ്നേഹിക്കുന്നവർ ഉണ്ട്. നമ്മളെ വിശ്വസിക്കുന്നവർ ഉണ്ട്. നമ്മൾ തളർന്നാൽ കൈപിടിച്ച് ഉയർത്താൻ ഒരാൾ എങ്കിലും ഉണ്ടാകും. ബന്ധങ്ങൾ പൂക്കൾ പോലെയാണ്. അവ സ്വയം വിരിയില്ല. അവയ്ക്ക് വേണ്ടത് സമയം, കരുതൽ, വിശ്വാസം, സ്നേഹം. സംശയം വിതച്ചാൽ ബന്ധങ്ങൾ വാടും; വിശ്വാസം വിതച്ചാൽ അവ വൃക്ഷമായി വളരും. നമ്മൾ സംസാരിക്കുന്ന ഒരു നല്ല വാക്ക്, കൊടുക്കുന്ന ഒരു സ്നേഹ നോട്ടം, കേൾക്കാൻ തയ്യാറാകുന്ന ഒരു മനസ്സ്—ഇവ ചെറുതായി തോന്നാം. പക്ഷേ ഒരാളുടെ ജീവിതത്തിൽ അത് വെളിച്ചമായി മാറാം. ജീവിതം വിജയങ്ങൾ കൊണ്ട് മാത്രം മഹത്തല്ല. അത് സ്നേഹത്തോടെ നിറഞ്ഞിരിക്കുമ്പോഴാണ് അതിന് അർത്ഥം ഉണ്ടാകുന്നത്. പരസ്പരം മനസ്സിലാക്കാൻ ശ്രമിക്കാം. വിധിക്കാതെ പകരം കേൾക്കാം. അകലം കൂട്ടാതെ പകരം അടുത്തുവരാം. കാരണം ഒടുവിൽ നമ്മൾ ഓർക്കപ്പെടുന്നത് നമ്മൾ നേടിയതുകൊണ്ടല്ല… നമ്മൾ നൽകിയത് കൊണ്ടാണ്— വിശ്വാസം, സ്നേഹം, കരുതൽ, ഹൃദയസ്പർശിയായ ഓർമ്മകൾ. ജീവിതം ഒരു അവസരമാണ്. അതിനെ വെളിച്ചമാക്കുന്നത് നമ്മളാണ്. 🌿 ശിവപാർവതി #💔 നീയില്ലാതെ #❤️ പ്രണയം സ്റ്റാറ്റസുകൾ #❤ സ്നേഹം മാത്രം 🤗 #😔 ഇമോഷണൽ സ്റ്റാറ്റസ് 😍 #😍 ആദ്യ പ്രണയം

"ചില ഇഷ്ടങ്ങൾ അങ്ങനെയാണ്... തിരിച്ചു കിട്ടില്ലെന്നറിഞ്ഞിട്ടും നമ്മൾ നെഞ്ചോട് ചേർത്തുപിടിക്കുന്ന ചില വാശികൾ. എന്റെ ഓർമ്മകളുടെ ചില്ലുജാലകങ്ങളിൽ എന്നും നിന്റെ മുഖം മാത്രമാണ് തെളിയുന്നത്..... നീ എവിടെയാണെങ്കിലും, ആരുടെ കൂടെയാണെങ്കിലും നിന്റെ സന്തോഷങ്ങളിൽ എന്റെ പ്രാർത്ഥനകളുണ്ടാകും...... ​നീ ഒരിക്കൽ പോലും എന്നെക്കുറിച്ച് ചിന്തിക്കുന്നുണ്ടാവില്ല എന്ന തിരിച്ചറിവ് ഉള്ളിലൊരു നീറ്റലായി ഉണ്ടെങ്കിലും, നിനക്കൊരു വിഷമം വരുമ്പോൾ ഓടിയെത്താൻ ദൂരെയെവിടെയോ ഞാൻ ഉണ്ടാവുമെന്ന് മാത്രം നീ ഓർത്താൽ മതി. സ്നേഹിക്കപ്പെടുക എന്നതിനേക്കാൾ നിന്നെ സ്നേഹിച്ചു കൊണ്ടിരിക്കുക എന്നതിലാണ് ഇന്ന് ഞാൻ സന്തോഷം കണ്ടെത്തുന്നത്. എങ്കിലും കുഴപ്പമില്ല... ആരും കാണാത്ത എന്റെ ഈ പ്രണയം എന്നും നിനക്ക് മാത്രമുള്ളതാണ്." ​"ഓർമ്മകളിൽ എന്നും നീ മാത്രമാണ്... നീ അറിയാതെ നിനക്ക് വേണ്ടി ജീവിക്കുന്ന ഒരാൾ...... നിന്റെ ജീവിതത്തിലെ ഏത് പ്രതിസന്ധിയിലും, ഒരു തണലായി ഞാനുണ്ടാകും. നീ എന്നെ ഓർക്കുന്നുണ്ടോ എന്ന് ഞാൻ ചോദിക്കില്ല, കാരണം എന്റെ സ്നേഹം നിന്റെ മറുപടികൾക്ക് വേണ്ടിയുള്ളതല്ല. നിന്റെ സുഖവിവരങ്ങൾ ദൂരെയൊരിടത്തിരുന്ന് അറിയുന്നതാണ് എന്റെ ഏറ്റവും വലിയ ആശ്വാസം..... ​"ഒരിക്കലും ചേരാത്ത രണ്ട് തീരങ്ങളാണ് നമ്മളെന്ന് അറിയാം. എങ്കിലും എന്റെ തിരകൾ എന്നും വന്നെത്തുന്നത് നിന്റെ തീരങ്ങളിലേക്കാണ്. ഓർമ്മകളിൽ മാത്രം നീ ഉണ്ടെങ്കിൽ പോലും, ആ ഓർമ്മകൾ മതി എനിക്ക് ഈ ജന്മം ജീവിച്ചു തീർക്കാൻ." നീ എന്നെ മറന്നാലും, എന്റെ ഓർമ്മകളിൽ നിനക്ക് എന്നും ഒരേ സ്ഥാനമായിരിക്കും... നിനക്ക് വേണ്ടി എന്നും കാത്തിരിക്കുന്ന ഒരാൾ..." ​"നിന്റെ ലോകത്ത് എനിക്കൊരു സ്ഥാനവുമില്ലെന്നറിഞ്ഞിട്ടും, എന്റെ ലോകം ഇപ്പോഴും നിനക്ക് ചുറ്റും തന്നെയാണ് കറങ്ങുന്നത്. നീ അറിയാതെ പോകുന്ന എന്റെ ഈ സ്നേഹത്തിന്, നിനക്ക് കാവൽ നിൽക്കാൻ എന്നും ഇഷ്ടമാണ്..... ഒരു വിളിപ്പാടകലെ, നിന്റെ ഏത് സങ്കടത്തിലും ഞാനുണ്ടാകും... നീ എന്നെ ഓർക്കില്ലെന്നറിഞ്ഞു കൊണ്ടുതന്നെ! എങ്കിലും കുഴപ്പമില്ല..." ​ ശിവപാർവതി #❤️ പ്രണയം സ്റ്റാറ്റസുകൾ #❤ സ്നേഹം മാത്രം 🤗 #💔 നീയില്ലാതെ #😔 ഇമോഷണൽ സ്റ്റാറ്റസ് 😍

ആത്മാർത്ഥ പ്രണയം ​"എനിക്ക് നിന്നെ വേണം" എന്ന സ്വാർത്ഥതയ്ക്കപ്പുറം, "നിനക്ക് എന്താണ് ശരി" എന്ന ചിന്തയും പ്രവർത്തിയുമാണ് യഥാർത്ഥ പ്രണയത്തെ നയിക്കുന്നത് ​സത്യമായ സ്നേഹം നിങ്ങളെ തളച്ചിടില്ല, നിങ്ങളുടെ സ്വാതന്ത്ര്യത്തിന് മേൽ കരിനിഴൽ വീഴ്ത്തില്ല പകരം, നീ ഒന്ന് ഇടറുമ്പോൾ താങ്ങായി നിൽക്കാൻ... ഒറ്റപ്പെടുമ്പോൾ നിശബ്ദമായി കൂടെയുണ്ടാകാൻ ആ സ്നേഹത്തിന് കഴിയും. ​അതിന് തെളിവുകളുടെയോ വാഗ്ദാനങ്ങളുടെയോ ആവശ്യമില്ല, ലോകമറിയണമെന്ന വാശിയുമില്ല. ആരും അറിയാത്ത, ആരും ആഘോഷിക്കാത്ത, എന്നാൽ ഒരാളുടെയെങ്കിലും ജീവിതഭാരം ലഘൂകരിക്കുന്ന ആ പ്രണയമാണ് ഏറ്റവും പവിത്രം. അതൊരുപക്ഷേ വലിയ കഥകളായി വാഴ്ത്തപ്പെട്ടെന്നു വരില്ല. ​ഒന്നും പ്രതീക്ഷിക്കാതെ ഒരാൾക്കായി കാലങ്ങളോളം നമ്മൾ കാത്തിരിക്കുന്നുണ്ടെങ്കിൽ, ആ ആത്മാർത്ഥതയ്ക്ക് മുന്നിൽ ഒടുവിൽ പ്രകൃതി പോലും വഴിമാറും... നമുക്ക് അനുകൂലമായി വരും. ​സമ്പത്തോ സൗന്ദര്യമോ ഉള്ളപ്പോൾ, മന്നനായി വാഴുന്ന നാളുകളിൽ കൂടെ നിൽക്കുന്നതല്ല സ്നേഹം. മറിച്ച്, ജീവിതത്തിൽ വീണുപോകുമ്പോൾ നീട്ടുന്ന ഒരു കരമുണ്ട്... ചേർത്തുപിടിക്കുന്ന തോളുകളുണ്ട്... "ആരുമില്ലെങ്കിലും ഞാനുണ്ട്" എന്ന് പറഞ്ഞു നെഞ്ചോട് ചേർക്കുന്ന ആ മനസ്സുണ്ടല്ലോ... ​അതുതന്നെയാണ് ഏറ്റവും വലിയ സത്യവും, അതുതന്നെയാണ് ഏറ്റവും വലിയ പ്രണയവും. ഹൃദയപൂർവ്വം...... ശിവപാർവതി #💘 Love Forever #💔 നീയില്ലാതെ #❤ സ്നേഹം മാത്രം 🤗 #😍 ആദ്യ പ്രണയം #❤️ പ്രണയം സ്റ്റാറ്റസുകൾ

നിന്നെയെനിക്ക് എത്രയിഷ്ടമാണ് എന്നുള്ള ചോദ്യത്തിന്.. കുന്നോളാമെന്നോ... മണ്ണിലെ മൺതരികളെ പോലെ വിശാലമെന്നോ.. ആകാശത്തിലെ നക്ഷത്രത്തോളമുണ്ടെന്നോ.. എന്നൊന്നും ഞാൻ മറുപടി പറയുകയില്ല പകരം ഇമവെട്ടാതെ നിറഞ്ഞിരിക്കുന്ന എന്റെ കണ്ണുകളിലേക്ക് നീ നോക്കുക ഉത്തരം പരിപൂർണ്ണമായും നിന്നിൽ തെളിഞ്ഞിരിക്കും.. നിന്നെ വാരി പുണരുന്ന മാത്രയിൽ എന്റെ ഞെഞ്ചിടിപ്പ് നിനക്ക് കേൾക്കാം.. പ്രാണനും പ്രണയവും എനിക്ക് നീയാണെന്നു മനസ്സിലാക്കാൻ ഇതിൽ കൂടുതൽ മറ്റെന്താണ് വേണ്ടത് ശിവപാർവതി #❤️ പ്രണയം സ്റ്റാറ്റസുകൾ #😍 ആദ്യ പ്രണയം #❤ സ്നേഹം മാത്രം 🤗 #💔 നീയില്ലാതെ #💘 Love Forever

ഒരിക്കൽ ഞാൻ മറ്റുള്ളവരുടെ വാക്കുകളിൽ എന്റെ വില അളന്നിരുന്നു… ✨ ആരെങ്കിലും എന്നെ പ്രശംസിച്ചാൽ ഞാൻ സന്തോഷിച്ചിരുന്നു… ആരെങ്കിലും അവഗണിച്ചാൽ എന്റെ മനസ്സ് തകർന്നിരുന്നു… ✨ ആരെങ്കിലും എന്നെ മനസ്സിലാക്കിയാൽ മാത്രമേ എന്റെ ജീവിതം അർത്ഥവത്താകൂ എന്ന് വിശ്വസിച്ചിരുന്ന ദിവസങ്ങളുണ്ടായിരുന്നു… ✨ മറ്റുള്ളവരുടെ കണ്ണുകളിൽ എന്നെ ഞാൻ അന്വേഷിച്ചിരുന്ന അവിടെയായിരുന്നു എന്റെ ലോകം… ✨ പക്ഷേ ഒരിക്കൽ… മഴ പതിഞ്ഞിറങ്ങിയൊരു നിശ്ശബ്ദ രാത്രിയിൽ… ✨ ലോകം മുഴുവൻ തങ്ങളുടെ ജീവിതത്തിലേക്ക് തിരിഞ്ഞപ്പോൾ എന്റെ മനസ്സ് മാത്രം എന്നെ നോക്കി നിൽക്കുകയായിരുന്നു… ✨ അപ്പോൾ എന്റെ ഉള്ളം പതുക്കെ എന്നോട് ചോദിച്ചു… ✨ “നീ ഒരിക്കലെങ്കിലും നിന്നെ തന്നെ കേട്ടിട്ടുണ്ടോ…?” ✨ “നിന്റെ മനസ്സ് കരഞ്ഞപ്പോൾ നീ അതിനെ ചേർത്ത് ആശ്വസിപ്പിച്ചിട്ടുണ്ടോ…?” ✨ “നീ മറ്റുള്ളവർക്കായി ഇത്രയും കരുതൽ കാണിക്കുമ്പോൾ നിനക്കായി നീ എന്തെങ്കിലും ചെയ്തിട്ടുണ്ടോ…?” ✨ “ലോകം മുഴുവൻ വിട്ടുപോയാലും നിനക്കായി നീ നിന്നിട്ടുണ്ടോ…?” ✨ ആ ചോദ്യങ്ങൾ എന്റെ ഹൃദയത്തിന്റെ ആഴത്തിലേക്ക് ഒരു വെളിച്ചം പോലെ വീണു… ✨ അപ്പോൾ ഞാൻ തിരിച്ചറിഞ്ഞു… ✨ ഇത്രയും കാലം ഞാൻ മറ്റുള്ളവരിൽ തേടിയിരുന്ന സ്നേഹവും അംഗീകാരവും സാന്ത്വനവും… എന്നിൽ തന്നെയുണ്ടായിരുന്നു… ✨ ഞാൻ എന്നെ തന്നെ അവഗണിച്ചുകൊണ്ടിരുന്നു… എന്നാൽ എന്റെ മനസ്സ് എന്നെ ഒരിക്കലും വിട്ടുപോയിരുന്നില്ല… ✨ അന്ന് മുതൽ ഞാൻ എന്നെ തന്നെ പതുക്കെ സ്നേഹിക്കാൻ തുടങ്ങി… ✨ എന്റെ പിഴവുകളെ ശത്രുവായി കാണാതെ ജീവിതം പഠിപ്പിച്ച മൂല്യമായ പാഠങ്ങളായി സ്വീകരിക്കാൻ പഠിച്ചു… ✨ എന്റെ കണ്ണീരെ ബലഹീനതയായി കാണാതെ ഹൃദയത്തിന്റെ സത്യമായി ആലിംഗനം ചെയ്യാൻ പഠിച്ചു… ✨ എന്റെ സ്വപ്നങ്ങളെ മറ്റുള്ളവരുടെ അനുമതിക്ക് കാത്തുനിർത്താതെ ധൈര്യത്തോടെ ജീവിക്കാൻ പഠിപ്പിച്ചു … ✨ ലോകം നമ്മെ എത്ര സ്നേഹിച്ചാലും അത് ഒരിക്കലും പൂർണ്ണമാകില്ല പക്ഷേ നമ്മുടെ സ്വന്തം ഹൃദയം നമ്മെ സ്നേഹിക്കാൻ പഠിച്ചാൽ ജീവിതം ഒരു മനോഹര യാത്രയാകും… ✨. Self love സ്വാർത്ഥതയല്ല… ✨ മറിച്ച് നമ്മുടെ ആത്മാവിനെ മനസ്സിലാക്കി അതിനോടൊപ്പം സ്നേഹത്തോടെ നിൽക്കുന്നതാണ്… ✨ നമ്മുടെ വേദനകളെയും സ്വപ്നങ്ങളെയും പിഴവുകളെയും ഒരേ സ്നേഹത്തോടെ സ്വീകരിക്കുന്നതാണത്… ✨ ലോകം മുഴുവൻ നമ്മെ സ്നേഹിക്കാതിരുന്നാലും നമ്മുടെ ഹൃദയം നമ്മെ ചേർത്ത് പിടിച്ചാൽ ജീവിതം ഒരിക്കലും ശൂന്യമായി തോന്നുകയില്ലെന്ന് #😍 ആദ്യ പ്രണയം #❤️ പ്രണയം സ്റ്റാറ്റസുകൾ ശിവപാർവതി

എന്നും നിന്നെ ഞാൻ ചേർത്തു വെച്ചത് എന്റെ ഹൃദയത്തിലാണ് .......❤️❤️❤️❤️ അവിടെയാണ് നീ പുഷ്പമായി വിരിഞ്ഞതും, പൂങ്കാവനമായി മാറിയതും........❤️❤️🥰 എന്റെ ഓരോ ശ്വാസത്തിന്റെയും സംഗീതം നിൻ്റെ ഓർമ്മകളാണ് എന്നും ......🥰🥰🥰 ഹൃദയത്തിന്റെ ഓരോ സ്പന്ദനത്തിലും നിന്നോടുള്ള എൻ്റെ പ്രണയം നിറയും ......❤️🥰 എന്റെ സ്വപ്നങ്ങളിലും പ്രാർത്ഥനകളിലും നിന്നോടുള്ള സ്നേഹം തന്നെയാണ് എപ്പോഴും നിറഞ്ഞൊഴുകുന്നത്......🥰🥰❤️ ​എത്രനാൾ ഞാൻ നിന്നിൽ ഉണ്ടാകുമെന്നു നീ എന്നോട് ചോദിച്ചാൽ എന്റെ ഹൃദയമിടിപ്പ് നിലയ്ക്കുന്നതുവരെയും നീ എന്നിൽ ഉണ്ടാകും .......🥰🥰❤️❤️ നഷ്ടമായോ എന്ന് ചോദിച്ചാൽ... ഇല്ല എന്ന് മറുപടി പറയുമ്പോഴും എൻ്റെ ഉള്ളിന്റെ ഉള്ളിൽ നീ ഒരു നീറ്റലായി ബാക്കിയുണ്ട്.......❤️🥰 ​സ്വന്തമാണോ എന്ന് ചോദിച്ചാൽ... അല്ല എന്ന് പറയുമ്പോഴും, എന്റെ ഓരോ ശ്വാസത്തിലും നിന്റെ ഓർമ്മകളുണ്ട്.......🥰🥰❤️ ​പിന്നെന്തിനാണ് ഇത്രയേറെ ഇഷ്ടപ്പെടുന്നത് എന്ന് ചോദിച്ചാൽ എനിക്ക് ഒരൊറ്റ ഉത്തരമേയുള്ളൂ........ ഈ ​ലോകം മുഴുവൻ നിന്നെ വേണ്ടെന്ന് വെച്ചാലും എന്റെ ഈ കൊച്ചു ഹൃദയത്തിൽ എന്നും നിനക്കായി മാത്രം ഒരു ഇടമുണ്ടാകും.....❤️❤️🥰🥰🥰 നിന്നെ സ്വന്തമാകാൻ വേണ്ടിയല്ല, മരിക്കുവോളം നിന്നെ സ്നേഹിക്കാൻ വേണ്ടി മാത്രം.......ശിവപാർവതി #😔 ഇമോഷണൽ സ്റ്റാറ്റസ് 😍 #💔 നീയില്ലാതെ #❤️ പ്രണയം സ്റ്റാറ്റസുകൾ #😍 ആദ്യ പ്രണയം #❤ സ്നേഹം മാത്രം 🤗

ഇരുട്ട് നിറഞ്ഞ ഒരു മുറിയിൽ ഒറ്റയ്ക്ക് നിൽക്കുന്ന പോലെ മനസിനെ മൂടുന്ന ഒരു അന്യമായ വികാരം… ✨ “ഇനി എത്ര സമയം?" “നാളെ ഞാൻ ഉണ്ടാകുമോ?” എന്ന ചോദ്യങ്ങൾ ചിലപ്പോൾ ഹൃദയത്തിന്റെ വാതിലിൽ പതുക്കെ തട്ടും… ✨ അറിയാത്ത ഒരു യാത്രയുടെ അവസാന സ്റ്റേഷൻ പോലെ മരണം ദൂരത്ത് നിൽക്കുമ്പോൾ മനസ്സ് അല്പം വിറയ്ക്കും… ✨ ചില രാത്രികളിൽ ഭയം മനസിനെ അത്രയും ആഴത്തിൽ സ്പർശിക്കുമ്പോൾ നിഴലുകളെ പോലും ആരൊക്കെയോയ് നടക്കുന്നതുപോലെ തോന്നും പ്രിയപ്പെട്ടവരുടെ തേങ്ങലുകൾ വിറങ്ങലിക്കുന്ന പോലെ തോന്നും....✨ ശൂന്യമായ നിമിഷങ്ങളിൽ ചിന്തകൾ തന്നെ രൂപം കൊണ്ടു ഹാലോസിനേഷൻ പോലെ കണ്ണിന് മുന്നിൽ തെളിയും… ✨ പക്ഷേ സത്യം ഒന്ന് മാത്രം മരണം ഭയപ്പെടുത്തുന്നത് അത് വരുന്നതുകൊണ്ടല്ല അതിന്റെ ചിന്തയിൽ നമ്മൾ ജീവിക്കാൻ മറക്കുന്നതുകൊണ്ടാണ്… ✨ കാരണം.... ✨ മരണം ഒരുദിവസം തീർച്ചയായും വരും പക്ഷേ ജീവിതം ഇപ്പോൾ തന്നെ നമ്മെ വിളിക്കുന്നു… ✨ അതുകൊണ്ട് മരണം ഒരു അവസാനമെന്നതിലുപരി ജീവിതം എത്ര വിലപ്പെട്ടതാണെന്ന് ഓർമ്മിപ്പിക്കുന്ന ഒരു സത്യമായി കാണുക… ✨ നാം ഒരുദിവസം ഇല്ലാതാകും പക്ഷേ നമ്മൾ നൽകിയ സ്നേഹവും നമ്മൾ സ്പർശിച്ച ഹൃദയങ്ങളും നമ്മൾ ജീവിച്ച ഓർമ്മകളും ഈ ലോകത്ത് ഇനിയും നിലനിൽക്കും… ✨ ശിവപാർവതി #❤ സ്നേഹം മാത്രം 🤗 #😍 ആദ്യ പ്രണയം #❤️ പ്രണയം സ്റ്റാറ്റസുകൾ #💔 നീയില്ലാതെ #😔 ഇമോഷണൽ സ്റ്റാറ്റസ് 😍

വഴുതി വീണചെറുനോട്ടത്താൽ, പങ്കുവെച്ച ചെറു വാക്കുകളാൽ, മനസ്സിന്റെ ചില്ലകളിൽ എത്ര പെട്ടെന്നാണ് പ്രണയം പൂക്കുന്നത്, തിരികെ കിട്ടുന്നില്ല എന്നതിന് നൂറു തെളിവുണ്ടെങ്കിലും ഉണ്ടെന്നു തോന്നിച്ച ഒരൊറ്റ നിമിഷത്തിന്റെ ഓർമ്മവല്ലിയിൽ പ്രണയം പടർന്നു കയറും... എഴുതുന്ന വരികളിൽ തന്റെ പേരു തിരയും.., പറയുന്ന വാക്കുകൾ തനിക്കായ് മാത്രമെന്ന് കരുതും..., ഒടുവിൽ ഒന്നു തിരിഞ്ഞു നോക്കുക പോലും ചെയ്യാതെ പടിയിറങ്ങി പോകുന്നത് കണ്ടാലും മനസ്സ് ന്യായീകരിക്കാൻ ശ്രമിക്കും 'ഒന്നും തോന്നലായിരുന്നില്ല എന്ന്. പ്രണയം മനസ്സിൽ കെടാത്ത കനലായ് എരിയും, മരിക്കുവോളം....🩵🙂 ശിവപാർവതി #😔 ഇമോഷണൽ സ്റ്റാറ്റസ് 😍 #💔 നീയില്ലാതെ #❤️ പ്രണയം സ്റ്റാറ്റസുകൾ #😍 ആദ്യ പ്രണയം #❤ സ്നേഹം മാത്രം 🤗