ഞാനൊരു വർണ്ണപ്പട്ടമായിരുന്നു ""അതേയ് രാജം... ഇത്തവണ ഞാൻ കുഞ്ഞുട്ടനേം മോളേം കൂടി പിറവത്തേക്ക് കൊണ്ട് പോവും ട്ടോ..."" അമ്മേടെ ചേച്ചി അമ്മയോട് പറയുന്നു... ഞങ്ങൾ പേരശ്ശി എന്നാ വിളിക്കാ... അമ്മക്ക് നാല് ചേച്ചിമാരും രണ്ട് ചേട്ടൻമാരും ഉണ്ട്... അതിൽ രണ്ട് പേരശ്ശിമാരെ മാത്രേ കാര്യായിട്ട് അറിയുള്ളു.. ഇല്ലത്ത് അവരാണ് സ്ഥിരം വരുന്നത്... അതിൽ ഒരു പേരശ്ശി എറണാകുളം ജില്ലയിലെ പിറവം ആണ് താമസം.. അവിടെ അവർക്ക് രണ്ട് മക്കൾ ഉണ്ട്... എനിക്ക് അവര് ചേച്ചിയും അനിയനും... അവിടേക്ക് പോകാൻ ഭയങ്കര ഇഷ്ടം... ചുറ്റും പാടം ആണ് നടുക്ക് ഇല്ലം.. പാടം കടന്നാൽ മൂവാറ്റുപുഴയാറ്... അതിന്റെ കരയിൽ കളമ്പൂർക്കാവ് ദേവീക്ഷേത്രം... സ്കൂൾ അവധിക്ക് ആ പാടത്തും പറമ്പിലും പുഴയിലും എല്ലാം വിലസി നടക്കും.. പാടത്തു നടുവിൽ ഒരു ഇഷ്ടികക്കളം... അവിടെ ചെന്നാ സർവ്വ സ്വാതന്ത്ര്യം.. തോന്നുമ്പോ എണീക്കാ കുളിക്കാ കളിക്കാ അങ്ങനെ... ഇല്ലത്ത് അതൊന്നും പറ്റില്ല.. നേരത്തെ എഴുന്നേറ്റ് കുളത്തിൽ കുളിച്ച് തൊട്ടടുത്ത അമ്പലത്തിൽ തൊഴുതിട്ട് വന്നാലേ അമ്മ പച്ചവെള്ളം തരൂ.. 🤭🤭 ഞങ്ങൾ പിറവത്ത് എത്തിട്ടോ... പിന്നൊരു മേളം... എന്നും പാടത്തിനു നടുവിലെ തോട്ടിൽ കുളി.. അത് കഴിഞ്ഞ് കറക്കം... എല്ലായിടത്തും തെണ്ടും... ഇടക്ക് പാടത്തെ സൈഡിൽ ഉള്ള സ്ഥലങ്ങളിലെ ആഞ്ഞിലി പ്ലാവിൽ കയറും.. ചക്ക പറിച്ചു തിന്നും... പേരശ്ശി വടിയും കൊണ്ട് വരുമ്പോളാ താഴെ ഇറങ്ങുവാ... ഞങ്ങൾ ആ പ്രാവശ്യം പോയപ്പോൾ ആണ് അറിഞ്ഞത് കളമ്പൂർക്കാവിൽ "മുടിയേറ്റ് "ഉണ്ടെന്ന്... എന്നാ കാണാൻ പോകാം എന്നായി.. രാത്രി മുഴുവൻ ഉണ്ടെന്നേ... പോയി എല്ലാരും അപ്പുറത്തേയും ഇപ്പുറത്തെയും ഇല്ലത്തുള്ളവർ എല്ലാം കൂടി ഒരു ജാഥ ആയിട്ട്.... ചെന്നപ്പോ ഭയങ്കര ആൾക്കാര്... നല്ല ചുള്ളൻ ചെക്കന്മാരും... പക്ഷേ നമ്മളെ ആരും മൈൻഡ് ചെയ്യൂല്ലെന്ന്...കാരണം അറിയണോ..വേറൊന്നും അല്ല... ഞാൻ അന്ന് പ്രീഡിഗ്രി ആണെങ്കിലും തീരെ കൊച്ച്.. ഞങ്ങടെ നാട്ടിന്നു പിറവം വരെ എനിക്ക് ഹാഫ് ടിക്കറ്റ് എടുത്താ വന്നത് 12വയസ്സിനു താഴെ ഉള്ളവർക്ക് ഉള്ളത് കൂടെയുള്ള ഇല്ലത്തെ പിള്ളേര് എന്റെ പ്രായം ആണെങ്കിലും നല്ല സുന്ദരികുട്ടികൾ  പിന്നെ നമ്മളെ ആര് നോക്കാൻ സന്ധ്യ കഴിഞ്ഞപ്പോളേക്കും അമ്പലമുറ്റം നിറയെ ആൾക്കാർ... സന്താനഭാഗ്യം ഇല്ലാത്തവർക്ക് അതിനുള്ള വഴിപാട് ആണ് ഈ ദേവീക്ഷേത്രത്തിലെ മുടിയേറ്റ്.. സംഭവം ദാരിക വധം ആണ്.... കാളിയും ദാരികനും ഭൂതഗണങ്ങളും ഒക്കെ ഉണ്ട്.. ഒരു പ്രത്യേക തരത്തിൽ കൊട്ടും പാട്ടും ഒക്കെ ഉണ്ട്... ഭൂമീദേവിയുടെ സങ്കടം മാറ്റാൻ ദുഷ്ട ദാരികനെ കൊല്ലാൻ ഭദ്രകാളി ഭൂതഗണ സമേതം എത്തും.. അവരുടെ വേഷം ഗംഭീരം... ശരിക്കും പേടിതോന്നും... ഇടക്ക് തമാശ കാഴ്ചയായി കളിയുടെ മകൾ കൂളി എന്നൊരു കഥാപാത്രം... വേഷം ശരിക്കും തമാശ.... പക്ഷേ എനിക്കത് അത്രക്ക് ഇഷ്ടം ആയില്ല.. മേലു മുഴുവൻ കരിയും തേച്ച് മുലകൾ തൂങ്ങി ആകെ ഒരു വികൃത രൂപം...ഇവിടെ ഇതൊക്കെ പറയാമോ അറിയില്ല.. ക്ഷമിക്കുക... കൂളി ഇടക്ക് ആൾക്കൂട്ടത്തിൽ ഓടിക്കയറും കുട്ടികളെ എടുക്കും പാല് കൊടുക്കുന്ന പോലെ കാണിക്കും.. മുഖത്ത് കരിതേക്കും.. ഇതൊരു വഴിപാട് ആണ്.. കൊച്ചുകുട്ടികൾക്ക്‌ രാത്രിയിലെ പേടി മാറാൻ... പക്ഷേ ഇടക്ക് വല്യ അപ്പൂപ്പൻ മാരെയും ചെറുപ്പക്കാരെയും ഒക്കെ എടുത്ത് ഇതുപോലെ കോമെഡി കാട്ടും... ഇതെല്ലാം കഴിഞ്ഞു ദാരികനും കാളിയും തമ്മിൽ യുദ്ധത്തിലും കൂളിയും ഭൂതഗണങ്ങളും പങ്കെടുക്കുന്നുണ്ട്.. അതും കുറച്ചു തമാശ രൂപത്തിൽ.. പിന്നീട് ദാരിക നിഗ്രഹം കഴിഞ്ഞു ദേവി എല്ലാവരെയും അനുഗ്രഹിക്കും... അത് കഴിഞ്ഞാണ് ദീപാരാധന... ഇതൊക്കെ ഇന്നും ഉണ്ടോ... അറിയില്ല... നല്ലൊരു കലാരൂപം... ഒപ്പം ഭക്തി സാന്ദ്രമായ അന്തരീക്ഷം... ഇനിയും ഇതൊക്കെ കാണാൻ സാധിക്കുമോ ആവോ അവിടെ ഉള്ള അവധിക്കാലം ശരിക്കും ആസ്വദിക്കാറുണ്ട്... ഒരു ദിവസം പേരശ്ശി പറഞ്ഞു നമുക്ക് പാർക്ക് ഒക്കെ കാണാം ബോൾഗാട്ടി പോകാം... ഞങ്ങൾ റെഡി..പേരശ്ശി, ഞാൻ, പിന്നെ അവിടുത്തെ ചേച്ചി, പിന്നെ എന്റെ അമ്മാവന്റെ മകളും... പണ്ട് ഞാൻ എഴുതിയ അവധിക്കാലത്തെ കഥാപാത്രങ്ങൾ ആണിവരൊക്കെ എറണാകുളം എത്തി.. പിന്നെ ബോൾഗാട്ടി ബോട്ടിൽ പോയി... ശേ.. ചീത്ത സ്ഥലം.. എവിടെ നിന്നാലും A കാണാം... ഒരു ഒളിവും മറയും ഇല്ലാതെ എല്ലാ മരച്ചുവട്ടിലും യുവ മിഥുനങ്ങൾ...പെട്ടെന്ന് തിരിച്ചു പോന്നു.. അപ്പോളേക്കും വിശന്നു... നിങ്ങൾക്ക് വല്ല കരിഞ്ഞ മണവും വന്നോ... അല്ല ഞങ്ങടെ വയറു കരിഞ്ഞിട്ട്. ഇത്തിരി ഭേഷായിട്ട് ഉണ്ണാം എന്നും പറഞ്ഞു അടുത്ത് കണ്ട മുന്തിയ ഫൈവ് സ്റ്റാർ ഹോട്ടലിൽ കയറി.... അവിടുള്ളവർ സംശയത്തോടെ നോക്കുന്നു ഇവരെങ്ങാനും വഴി തെറ്റി വന്നെയാണോന്ന്... ഊണ് ഓർഡർ ചെയ്തപ്പോ കൂപ്പൺ എടുക്കണം പോലും... സാധാരണ ഹോട്ടലിൽ ഇതൊന്നും ഇല്ല അന്ന്.. എന്തായാലും പേരശ്ശി കൂപ്പൺ എടുത്ത്.. അത് ഭാഗ്യം ആയിട്ടോ.. ഒരു ഊണിനു തന്നെ ഭയങ്കര ചാർജ്... അപ്പൊ നാലു ഊണ് ഓർഡർ ചെയ്താൽ എന്താ അവസ്ഥ.. തിരികെ നടന്നു പോകേണ്ടി വരും രണ്ട് ഊണ് ഷെയർ ചെയ്ത് നാലു പേരും കഴിച്ചു .അന്ന് തീരുമാനിച്ചു ഇനി ഫൈവ് സ്റ്റാർ ഹോട്ടൽ കണ്ടാ അറിയാതെ മുറ്റത്ത് കൂടി പോലും പോവൂല്ല ന്ന്... പിന്നൊരു സംഭവം... ഞങ്ങളെ പ്പോലെ വെറും ഗ്രാമവാസികൾക്ക് സന്തോഷം തരുന്ന കാഴ്ച്ച   അന്നത്തെ സ്റ്റാർ പിന്നണിഗായകൻ ജയചന്ദ്രൻ സാറിനെ നേരിട്ട് തൊട്ടടുത്ത് ഇരുന്നു ഊണ് കഴിക്കുന്നത് കാണാൻ പറ്റി... നാട്ടിൽ വന്നിട്ട് അതിനെ പറ്റി കൂട്ടുകാരോട് ഞങ്ങൾ ഒരുമിച്ചു ഭക്ഷണം കഴിച്ചു എന്നൊക്കെ തള്ളി വിട്ടു.. അവര് ഫ്ലാറ്റ്... പാവങ്ങൾ.. പിന്നീട് സുഭാഷ് പാർക്കിൽ... അവിടെയും കുറെ ചുറ്റി തിരിഞ്ഞു തിരിച്ചു പോയി.... പക്ഷേ ഒരു പറ്റ് പറ്റി... ആ ഊണ് കഴിക്കൽ കാരണം പിന്നെ ഒരു ഐസ്ക്രീം പോലും കഴിക്കാൻ കാശില്ലായിരുന്നു.. അങ്ങനെ ഏത്ര എത്ര കഥകൾ... ഞാനും അന്നൊരു വർണ്ണപ്പട്ടം ആയിരുന്നു... #❤️ പ്രണയം സ്റ്റാറ്റസുകൾ #💌 പ്രണയം #📝 ഞാൻ എഴുതിയ വരികൾ #💓 ജീവിത പാഠങ്ങള്‍ #😔 ഇമോഷണൽ സ്റ്റാറ്റസ് 😍 പറന്നു പറന്നങ്ങനെ.... ഇനിയൊരിക്കലും തിരിച്ചു കിട്ടാത്ത കാലം... ✍️പവിഴമല്ലി