#🙋‍♀️ എൻ്റെ സ്റ്റാറ്റസുകൾ #💝 ആശംസകള്‍ #🌞 ഗുഡ് മോണിംഗ് #വാടാമലരുകൾ #💑 സ്നേഹം

#വാടാമലരുകൾ #💝 ആശംസകള്‍ #🙋‍♀️ എൻ്റെ സ്റ്റാറ്റസുകൾ #💑 സ്നേഹം #❤ സ്നേഹം മാത്രം 🤗

#💑 സ്നേഹം #🙋‍♀️ എൻ്റെ സ്റ്റാറ്റസുകൾ #💝 ആശംസകള്‍ #വാടാമലരുകൾ #❤ സ്നേഹം മാത്രം 🤗

#🙏 ഭക്തി Status #🙋‍♀️ എൻ്റെ സ്റ്റാറ്റസുകൾ #വാടാമലരുകൾ #💑 സ്നേഹം #❤ സ്നേഹം മാത്രം 🤗 ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 26* ഒരു ആശയം കൊണ്ട് നിർവചിക്കാൻ പ്രയാസമുള്ള ആഴത്തിലുള്ള വ്യക്തിപരമായ ആശ്ചര്യമാണ് വിശ്വാസം. ഹൃദയത്തെ ശുദ്ധീകരിക്കാനും അതിൽനിന്നുള്ള ആശങ്കകളെ അകറ്റാനും ഉള്ള ഒരേയൊരു മാർഗ്ഗം ദൈവത്തോടുള്ള വിശ്വാസം മാത്രമത്രെ. വിശ്വാസം ഒരു തോന്നൽ മാത്രമല്ല, അതൊരു മാനസികാവസ്ഥയാണ്. പ്രശ്നങ്ങളുണ്ടാകുമ്പോഴാണ് പലരും ദൈവത്തിൽ അഭയം പ്രാപിക്കുന്നത്. മൂകാംബിക ദേവിയുടെ ഭക്തരുടെ വിശ്വാസം എങ്ങനെ അവരുടെ ജീവിതത്തെ മികച്ചതാക്കുന്നു എന്ന് എണ്ണിയാൽ തീരാത്തത്ര അനുഭവങ്ങളുണ്ട്. അതിലൊന്ന് തമിഴ് ചലച്ചിത്ര നടനും മലയാളിയുമായ യശശ്ശരീനായ ശ്രീ എം ജി രാമചന്ദ്രൻ എന്നറിയപ്പെടുന്ന അദ്ദേഹം, ആദ്യമായി തൻ്റെ പാർട്ടി രൂപീകരിച്ച ശേഷം സന്ദർശിച്ചത് മൂകാംബിക ക്ഷേത്രമാണ്. അദ്ദേഹം മൂകാംബിക ദേവിക്ക് ഒരു സ്വർണവാൾ സമ്മാനിക്കുകയും ചെയ്തു. ഗായകൻ യേശുദാസ് തൻ്റെ എല്ലാ ജന്മദിനത്തിലും കുടുംബസമേതം ഈ ക്ഷേത്രം സന്ദർശിക്കാറുണ്ട്. സരസ്വതി മണ്ഡപത്തിൽ അദ്ദേഹം ഗാനാർച്ചന നടത്താറുമുണ്ട്. സംഗീത സംവിധായകനായ ഇളയരാജ മൂകാംബികയുമായി ബന്ധപ്പെട്ടിട്ടൊരനുഭവം പങ്കുവച്ചിട്ടുണ്ട്. വർഷങ്ങൾക്കു മുൻപ് അദ്ദേഹം തൻ്റെ സംഗീത ടീമുമൊത്ത് മൈസൂരിൽ ഒരു പ്രോഗ്രാം അവതരിപ്പിക്കാൻ പോയി. അദ്ദേഹത്തിന് ഏറ്റവും പ്രിയപ്പെട്ട വൈദ്യനാഥനും കൂടെ ഉണ്ടായിരുന്നു. വൈദ്യനാഥൻ മൈസൂരിൽ നിന്നും മൂകാംബികയിലേക്ക് പോകുമെന്ന് പറഞ്ഞിരുന്നു. എന്നാൽ ഇളയരാജയ്ക്ക് അതിൽ അത്ര താല്പര്യം തോന്നിയില്ല. പ്രോഗ്രാമിനിനു ശേഷം തിരിച്ച് നാട്ടിലേക്ക് പോകാമെന്ന് അദ്ദേഹം തീരുമാനിച്ചു. പക്ഷെ താമസിയാതെ ഇളയരാജയ്ക്ക് പനി തുടങ്ങിയത്രെ. ആദ്യം അത് അത്ര കാര്യമാക്കിയില്ല, പക്ഷെ പനി കൂടിക്കൊണ്ടിരുന്നു. ആശുപത്രിയിൽ പോകാനൊന്നും അദ്ദേഹം കൂട്ടാക്കിയതുമില്ല. പനി തനിയെ മാറുമെന്ന് കരുതി റൂമിൽ വിശ്രമിച്ചു. പിറ്റേന്ന് കൂടെയുള്ളവർ രാവിലെ പുറത്ത് പോകാൻ ഒരുങ്ങി. തനിക്ക് പനിയുള്ളത് കൊണ്ട് ഇളയരാജ അവരോടൊപ്പം പോകാൻ തയ്യാറായില്ല. വൈദ്യനാഥൻ പോകുന്നതിന് മുമ്പ് മുറി പുറത്തു നിന്നും പൂട്ടിയിരിന്നു. അവർ പോയിക്കഴിഞ്ഞപ്പോൾ ഇളയരാജക്ക് പനി വല്ലാതെ കൂടി. പനിക്കൊപ്പം മറ്റെന്തൊക്കെയോ അസ്വസ്ഥതകൾ അദ്ദേഹത്തിന് ഏറിവന്നു. തനിക്ക് എന്താണ് സംഭവിക്കുന്നതെന്ന് അദ്ദേഹത്തിന് മനസ്സിലായില്ല. ഈ അവസ്ഥയിൽ തനിക്ക് അധിക സമയം തുടരാനാവില്ല എന്ന് അദ്ദേഹം മനസ്സിലാക്കുകയും എത്രയും വേഗം ഏതെങ്കിലും ഹോസ്പിറ്റലിൽ എത്താൻ ശ്രമിക്കുകയും ചെയ്തു. പക്ഷെ മുറി പുറത്തൊന്നും പൂട്ടിയിരിക്കുകയാണ്. ഇന്നത്തെപ്പോലെ ടെലിഫോൺ സൗകര്യങ്ങളൊന്നുമില്ല. മുറി പൂട്ടിയിരിക്കുന്നതിനാൽ താൻ അവിടെ ഉണ്ടെന്ന് ആർക്കും അറിയുകയും ഇല്ല. എന്തു ചെയ്യും എന്നറിയാത്ത അവസ്ഥയിൽ അദ്ദേഹം കട്ടിലിൽ കിടന്നു. സമയം കഴിയുന്തോറും അദ്ദേഹത്തിന് അസ്വസ്ഥതകൾ ഏറിയേറിവന്നു. ഒന്നും ചെയ്യാൻ അറിയാത്ത അവസ്ഥയിൽ താൻ മരിച്ച് പോകുമെന്ന് ഇളയരാജയ്ക്ക് തോന്നി. വൈദ്യനാഥൻ തിരികെ വന്നപ്പോൾ ഇളയരാജ വല്ലാത്ത അവശനിലയിലായിരുന്നു. താൻ മൂകാംബികയിലേക്ക് പോകുകയാണെന്ന് വൈദ്യനാഥൻ ഇളയരാജയോട് പറഞ്ഞു. എന്നാൽ ഞാനും വരാമെന്ന യാതൊരു ആലോചനയുമില്ലാതെ ഇളയരാജയും പറഞ്ഞുവത്രേ. ആ നിമിഷം തന്നെ തൻ്റെ ശരീരത്തിൽ എന്തൊക്കെയോ മാറ്റങ്ങൾ സംഭവിക്കുന്നതായി ഇളയരാജക്ക് തോന്നി. താമസിയാതെ അദ്ദേഹത്തിൻ്റെ അസുഖത്തിന് വലിയ ശമനമുണ്ടായി. അവർ ണ്ടു പേരും മൂകാംബികയിൽ ഒന്നിച്ച് പോയി ദേവിയെ തൊഴുതു. മൂകാംബിക ദേവിയുടെ അത്ഭുത പ്രവർത്തികൾ ഇങ്ങനെ നിരവധി നിരവധി ആണ് പറഞ്ഞാലും പറഞ്ഞാലും തീരാത്തത്ര കഥകളാണ് ഭക്തർക്ക് പറയാനുള്ളത്. തന്നെ ആശയിക്കുന്നവരേയും അഭയം പ്രാപിക്കുന്നവരേയും മൂകാംബിക ദേവി ഒരിക്കലും കൈവിടില്ല എന്നതാണ് വിശ്വാസം അല്ലെങ്കിൽ സത്യം. *തുടരും.....* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*

#🙋‍♀️ എൻ്റെ സ്റ്റാറ്റസുകൾ #വാടാമലരുകൾ #💑 സ്നേഹം #❤ സ്നേഹം മാത്രം 🤗

#🙋‍♀️ എൻ്റെ സ്റ്റാറ്റസുകൾ #🙏 ഭക്തി Status #💑 സ്നേഹം #❤ സ്നേഹം മാത്രം 🤗 #വാടാമലരുകൾ

#🙏 ഭക്തി Status #💑 സ്നേഹം #വാടാമലരുകൾ #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 25* *അഭയം തേടി തന്നെ സമീപിക്കുന്നവരെ ഒരിക്കലും കൈവിടാത്ത അമ്മയെപ്പോലെയാണ് ദേവി മൂകാംബിക. അനേകായിരങ്ങൾക്ക് രക്ഷകയായി ദേവി കൊല്ലൂരിൽ കുടിയിരിക്കുന്നുവെന്ന് ഭക്തർ വിശ്വസിക്കുന്നു. ദേവി സ്വന്തം കൈപിടിച്ച് ഉയർത്തിയ അനുഭവകഥകൾ ഓരോ ഭക്തനും പറയാനുണ്ടാവും. പ്രപഞ്ചത്തിന്റെ പ്രാഥമിക ഊർജ്ജത്തെ പ്രതിനിധീകരിക്കുന്ന ആദിപരാശക്തിയുടെ ദിവ്യരൂപമാണ് മൂകാംബിക ദേവി*. *ഹിന്ദുമതത്തിൽ ശക്തി, ജ്ഞാനം, സംരക്ഷണം എന്നിവയെ പ്രതിനിധീകരിക്കുന്ന ദിവ്യസ്ത്രീതത്വത്തെ ആരാധിക്കുന്നത് ഒരു അടിസ്ഥാനപരമായ സമ്പ്രദായമാണ്. ദേവി ആരാധനയുടെ ഈ സർവ്വത്രിക സങ്കല്പം കേരളീയരുടെ മനസ്സിൽ ആഴത്തിൽ പ്രതിഫലിക്കുന്നു. അവർ ദുര്‍ഗ്ഗ, സരസ്വതി, ലക്ഷ്മി എന്നിവ ഉൾപ്പെടെ വിവിധ രൂപങ്ങളിൽ ആദിപരാശക്തിയെ ആരാധിച്ചുവരുന്നു. വർഷങ്ങളായി കൊല്ലൂർ മൂകാംബിക ക്ഷേത്രം അനേകം ദിവ്യാനുഭവങ്ങൾക്കും അത്ഭുതങ്ങൾക്കും സാക്ഷ്യം വഹിച്ചിട്ടുണ്ടെന്ന് വിശ്വസിക്കപ്പെടുന്നു*. *ദേവിയുടെ സാന്നിധ്യവും അനുഗ്രഹവും സ്വന്തം ജീവിതത്തിൽ അനുഭവിച്ചറിഞ്ഞതായി അനവധി ഭക്തർ അവകാശപ്പെടുന്നു.* *ഇത്തരം അനുഭവകഥകൾ ഭക്തരുടെ വിശ്വാസത്തെ കൂടുതൽ ദൃഢമാക്കുകയും, ആശ്വാസവും ആത്മവിശ്വാസവും നേടാൻ അവരെ പ്രചോദിപ്പിക്കുകയും ചെയ്യുന്നു. എല്ലാവരും സമാധാനത്തോടെ ജീവിക്കാനാണ് ആഗ്രഹിക്കുന്നത്*. *ആരും ദുഃഖിക്കാനാഗ്രഹിക്കുന്നില്ല. ദുഃഖത്തിൽ നിന്നുള്ള മോചനം തേടിയാണ് മിക്കവരും ദൈവത്തെ ആശ്രയിക്കുന്നത്. ദൈവവിശ്വാസവും ഭക്തിയും നമ്മുടെ ചിന്തകളെ ശരിയായ ദിശയിലേക്ക് നയിച്ച് മനസ്സിന് ശാന്തിയും സന്തോഷവും നൽകുന്നു*. *നാം കാണുന്ന ശരീരത്തിന് പുറമേ, നമ്മുടെ ഉള്ളിൽ ആത്മാവെന്ന അദൃശ്യമായ ശക്തിയുണ്ടെന്നും അതിനെ തകർക്കാൻ അസാധ്യമാണെന്നും, ആ ആത്മാവിന് സന്തോഷം ലഭിക്കാനായി ആത്മീയമായ വളർച്ച അനിവാര്യമാണെന്നും വ്യക്തമാക്കുന്ന ഒരു ദർശനമാണ് ആത്മീയത*. *അവസാനത്തെ അറിവായ ആത്മജ്ഞാനത്തിലേക്ക് എത്തുമ്പോൾ മനസ്സിന്റെ പ്രവർത്തനങ്ങൾ ശാന്തമായി നിലയ്ക്കുന്നു. അപ്പോൾ വ്യക്തി പൂർണബോധത്തിലേക്ക് പരിണമിക്കുകയും ശരീരത്തിൽനിന്ന് സ്വതന്ത്രമായ ഒരു അസ്തിത്വമായി അവൻ അവബോധിക്കപ്പെടുകയും ചെയ്യുന്നു. ഇതിനേയാണ് ആത്മീയ പുനർജനനം എന്നും ബോധോദയം എന്നും, മോക്ഷം എന്നും വിളിക്കുന്നത്.* *മനുഷ്യന് ആത്മസംതൃപ്തി പൂർണമായി നേടുവാൻ കഴിയുന്ന അന്തിമമായ അറിവാണ് ആത്മജ്ഞാനം. ഈ ആത്മജ്ഞാനം മറ്റാരെങ്കിലും നൽകിക്കൊടുക്കാവുന്നതല്ല. ഓരോ വ്യക്തിയും സ്വന്തം ഉള്ളിലേക്ക് തിരിഞ്ഞ്, സ്വയം അന്വേഷിച്ചും അനുഭവിച്ചും അറിയേണ്ട സത്യമാണ് അത്.* *തുടരും.....* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*

#🙋‍♀️ എൻ്റെ സ്റ്റാറ്റസുകൾ #💑 സ്നേഹം #🙏 ഭക്തി Status #❤ സ്നേഹം മാത്രം 🤗 #വാടാമലരുകൾ ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 24* *ഭൂപ്രകൃതിയുടെ ആകർഷകമായ സൗന്ദര്യം മനുഷ്യന്റെ മനസ്സിനെ പുനർജീവിപ്പിക്കുന്നു. അതിന് ഏറ്റവും മികച്ച ഉദാഹരണമാണ് കൊല്ലൂർ. കൊല്ലൂർ മൂകാംബിക ക്ഷേത്രംപോലുള്ള ഒരു പുണ്യസ്ഥലം പ്രകൃതിയുമായി പൂർണ്ണമായി ലയിച്ചുനിൽക്കുന്നത് ആത്മീയതയെ ഉത്തേജിപ്പിക്കുന്ന അതുല്യമായ അനുഭവമാണ്*. *മൂകാംബിക ക്ഷേത്രത്തിൽ പ്രവേശിക്കുന്ന നിമിഷം തന്നെ ഹൃദയത്തിന്റെ വാതിലുകൾ തുറക്കപ്പെടുന്നതുപോലെ തോന്നും. മൂകാംബിക ദേവിയിൽ നിന്ന് പ്രസരിക്കുന്ന ദിവ്യശക്തി നമ്മെ അകത്തുനിന്ന് ഉണർത്തുകയും ബോധത്തിന്റെ ഉയർന്ന തലങ്ങളിലേക്ക് നയിക്കുകയും ചെയ്യുന്നു. ദൈവിക കൃപ മനുഷ്യനെ ആത്മീയമായി ശുദ്ധീകരിച്ച് അവന്റെ സ്വന്തം ദൈവിക മാനങ്ങളിലേക്ക് പ്രവേശിക്കാൻ സഹായിക്കുന്നു.* *മൂകാംബിക ക്ഷേത്രത്തിലെ ആത്മീയ അന്തരീക്ഷം ദൈവിക ശക്തിയുമായുള്ള ആന്തരിക കൂട്ടായ്മയ്ക്ക് വഴിയൊരുക്കുന്നു. ആത്മീയ ശക്തിയുടെ മഹത്തായ കേന്ദ്രമായ ഈ ദേവീസന്നിധി, മനുഷ്യനെ തന്റെ ഉള്ളിലെ ഉയർന്ന തലങ്ങളിലേക്ക് ഉയർത്തുന്ന ഒരു ദിവ്യപ്രഭാവകേന്ദ്രമായി നിലകൊള്ളുന്നു.* *ഇവിടെ നാം നമ്മുടെ യാഥാർത്ഥ്യവുമായി ആഴത്തിലുള്ള സമ്പർക്കം പുലർത്തുന്നു. അതോടൊപ്പം തന്നെ ജീവിതത്തിലെ നിർഭാഗ്യങ്ങളെ നേരിടാനുള്ള ആന്തരിക ശക്തിയും പുതുമയാർന്ന ഊർജവും നമുക്ക് ലഭിക്കുന്നു. പ്രതിസന്ധികളെ ധൈര്യത്തോടെ അഭിമുഖീകരിക്കാൻ കഴിയുന്ന ഒരു അത്ഭുതശക്തി പോലും ഈ ദിവ്യാന്തരീക്ഷം നമ്മിൽ ഉണർത്തുന്നു. മൂകാംബിക ക്ഷേത്രവും അതിനെ ചുറ്റിപ്പറ്റിയുള്ള പ്രകൃതിയും ചേർന്ന് ഇവിടെ ഒരു ആശ്രമാന്തരീക്ഷം സൃഷ്ടിക്കുന്നു. നിത്യവും അനേകം സന്യാസികൾ ഇവിടെ സന്ദർശിക്കുന്നുണ്ട്. ചിലർ ആശ്രമങ്ങളുടെ ഭാഗമായും, ചിലർ യാതൊരു ഔപചാരിക ആശ്രമബന്ധവുമില്ലാതെ ഇവിടെ സ്ഥിരതാമസമാക്കിയ സന്യാസികളായും കാണപ്പെടുന്നു. സൗപർണിക നദിയുടെ തീരങ്ങളും സമീപപ്രദേശങ്ങളും മുഴുവൻ തന്നെ ആശ്രമാന്തരീക്ഷം നിറഞ്ഞവയാണ്. പല സ്ഥലങ്ങളിലും ധ്യാനത്തിലേർപ്പെട്ട സന്യാസികളെയും ഭക്തരെയും അവിടെ കാണാൻ സാധിക്കും.* *സന്യാസികൾക്ക് പ്രത്യേക പ്രാധാന്യമുള്ള സ്ഥലമാണ് കുടജാദ്രി. അവിടെയും അനേകം സന്യാസികൾ വസിക്കുന്നു. എന്നാൽ മൂകാംബികയിലും കുടജാദ്രിയിലും വലിയ കെട്ടിടങ്ങളായി പണിത ആശ്രമങ്ങൾ കാണുന്നില്ല. പ്രകൃതിയുമായി ലയിച്ച ആത്മീയജീവിതത്തിനാണ് ഇവിടെ പ്രധാന്യം. കുടജാദ്രിയിലെ പല ഗുഹകളിലും ധ്യാനനിരതരായ സന്യാസികളെ കാണാം. മൂകാംബിക ക്ഷേത്രത്തിന് സമീപം ഒരു ചെറിയ മാർക്കറ്റും സ്ഥിതിചെയ്യുന്നു. ആത്മീയതയും ലൗകികജീവിതവും സ്വാഭാവികമായി കൂടിച്ചേരുന്ന ഒരു അനുഭവമാണ് അവിടുത്തെ പ്രത്യേകത.* *തിരക്കുണ്ടെങ്കിലും ക്ഷേത്രത്തിന്റെ ശാന്തതയും പവിത്രതയും ഈ പ്രദേശം മുഴുവൻ ഉൾക്കൊള്ളുന്നതായി അനുഭവപ്പെടുന്നു. ഇവിടെ കാണുന്ന വ്യാപാരസ്ഥാപനങ്ങൾ ഭൂരിഭാഗവും ക്ഷേത്രവുമായി നേരിട്ട് ബന്ധപ്പെട്ടവയാണ്. ക്ഷേത്രത്തിലേക്ക് വരുന്ന ഭക്തർക്കാവശ്യമായ സാധനങ്ങളാണ് ഇവിടെ കൂടുതലായി ലഭിക്കുന്നത്. പൂജയ്ക്കാവശ്യമായ സാമഗ്രികൾ, പൂക്കൾ, മാലകൾ, ദീപങ്ങൾ, കുങ്കുമം തുടങ്ങിയവ എല്ലാം ഇവിടെ സുലഭമാണ്. അതോടൊപ്പം തന്നെ ഭഗവതിയുടെ ചിത്രങ്ങൾ, മാലകൾ, വിവിധ ശില്പങ്ങൾ, ഓഡിയോ–വീഡിയോ രൂപത്തിലുള്ള ഭക്തിഗാനങ്ങളും സ്തോത്രങ്ങളും ഉൾപ്പെടെ, ഒരു ഭക്തന് ക്ഷേത്രദർശനത്തിന് ശേഷം ആവശ്യമാകുന്ന എല്ലാ സാധനങ്ങളും ഇവിടെ ലഭ്യമാകുന്നു. തിരക്കിനിടയിലും ആത്മീയതയുടെ ശാന്തത നഷ്ടപ്പെടാതെ നിലനിൽക്കുന്ന ഈ അന്തരീക്ഷം, മൂകാംബിക ക്ഷേത്രപരിസരത്തിന്റെ മറ്റൊരു സവിശേഷതയായി അനുഭവപ്പെടുന്നു.* *തുടരും.....* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*

#💝 ആശംസകള്‍ #🙋‍♀️ എൻ്റെ സ്റ്റാറ്റസുകൾ #🌃 ഗുഡ് നൈറ്റ് #💑 സ്നേഹം #വാടാമലരുകൾ

#🙋‍♀️ എൻ്റെ സ്റ്റാറ്റസുകൾ #💑 സ്നേഹം #വാടാമലരുകൾ #❤ സ്നേഹം മാത്രം 🤗