☆️𝆺𝅥⃝🦋𝐒𝖆𝖍𝖗𝖆☆️🦋
@storycreator_sahra
❣ഇനിപ്പോആരെന്തൊക്കെ പറഞ്ഞാലുംഎനിക്ക്
"ഞാൻസൂപ്പറാ"
മാളുവിന് തല കറങ്ങുന്നത് പോലെ തോന്നി. അവൾ ഒരു ബലത്തിന് എന്ന പോലെ ടേബിളിൽ പിടിച്ചു നിന്നു . അവളുടെ കണ്ണുകൾ നിറഞ്ഞു
ചതിച്ചിരിക്കുന്നു.... എല്ലാരും കൂടെ ചേർന്ന് എന്നെ ചതിച്ചിരിക്കുന്നു. ഇതിനും വേണ്ടി എന്ത് ദ്രോഹമാണ് ഞാൻ എല്ലാരോടും ചെയ്തത്... അവൾക്ക് അറിയുമായിരുന്നില്ല
അല്ലെങ്കിലും അച്ഛനും അമ്മയും കുഞ്ഞുനാളിൽ തന്നെ നഷ്ടപ്പെട്ട തന്നെ അവർ ഇത്രയും കാലം നോക്കിയതുപോലും എന്റെ അച്ഛന്റെയും അമ്മയുടെയും സ്വത്ത് മോഹിച്ചല്ലേ. എല്ലാം കിട്ടി കഴിഞ്ഞപ്പോൾ തലയ്ക്കു സുഖമില്ലാത്ത ആളെക്കൊണ്ട് തന്നെ വിവാഹം കഴിപ്പിക്കുകയും ചെയ്തു. ഇപ്പോൾ... ഇപ്പോൾ പറയുന്നത് കേട്ടില്ലേ അയാളൊരു രണ്ടാംകെട്ടുകാരൻ ആണെന്ന്. അവളുടെ കണ്ണുകൾ നിറഞ്ഞൊഴുകി. അവളിൽ നിന്നൊരു തേങ്ങൽ പുറത്തുവന്നു.
ഹരി ദയനീയമായി അവളെ നോക്കി. അവൾ അവനെ നോക്കി പുഞ്ചിരിച്ചു... എല്ലാ അർത്ഥത്തിലും തോറ്റുപോയവളുടെ പുഞ്ചിരി
മോളെ മാളു ഹരിയേട്ടൻ പറയുന്നത് മോള് ശ്രദ്ധിച്ച് കേൾക്കണം. ഞങ്ങളാരും മോളെ ചതിച്ചിട്ടില്ല. ഞങ്ങളെല്ലാം മോളുടെ അമ്മാവനോട് തുറന്ന് പറഞ്ഞതാണ്.
അവൾ അവനെ നോക്കി പുഞ്ചിരിച്ചു.
എനിക്ക്... എനിക്കറിയാം നിങ്ങളെല്ലാവരും സത്യങ്ങളെല്ലാം അമ്മാവനോട് തുറന്നുപറഞ്ഞു കാണുമെന്ന്. പക്ഷെ ഒന്നും ഞാൻ അറിഞ്ഞിട്ടില്ലാ ട്ടോ... അറിയാറും ഇല്ല അവിടത്തെ കാര്യങ്ങൾ ഒന്നും ഞാൻ. അവൾ വേദനയോടെ പറഞ്ഞു...
നി... നിങ്ങളാരാ ഇവിടത്തെ... ക്ഷമിക്കണം.. എനിക്ക്... എനിക്കറിയാത്തോണ്ടാ.. അവൾ താഴ്ന്ന മുഖത്തോടെ പറഞ്ഞു.
ഞാൻ വിനോദിന്റെ അച്ഛന്റെ അനിയന്റെ മകനാണ് ഹരി.. അവൻ പരിചയപ്പെടുത്തി
അവൾ തലകുലുക്കി
ഞാനും വിനുവും ജേഷ്ഠാനുജൻമാരുടെ മക്കൾ എന്നതിലുപരി ബെസ്റ്റ് ഫ്രണ്ട്സ് ആയിരുന്നു. എന്തും തുറന്നു പറയുന്ന സുഹൃത്തുക്കൾ. വിനോദ് ഒറ്റ മകനാണ്... എനിക്ക് ഒരു അനിയത്തികൂടി ഉണ്ട്...
ഞങ്ങൾക്കിടയിൽ ഒന്നും മറച്ചുവെക്കാറില്ല.. എന്നിട്ടും അത്രയും അടുത്ത ഫ്രണ്ട്സ് ആയിരുന്നിട്ടും എന്റെ വിനുവിന് ഇപ്പോൾ എന്നെ ഓർമയില്ല. അവൻ വേദനയിൽ കലർന്നൊരു പുഞ്ചിരിയോടെ അവളോട് പറഞ്ഞു. അവളുടെ കണ്ണുകളും നിറഞ്ഞിരുന്നു
ഏട്ടാ... ഗായത്രി... ഗായത്രി ചേച്ചി... എ.. എവിടെ... അവൾ വിറയ്ക്കുന്ന ചുണ്ടുകളോടെ ചോദിച്ചു
ഹരിയുടെ ചുണ്ടിൽ പുഞ്ചിരിയാണ്. കണ്ണുകൾ നിറയുമ്പോഴും അവന്റെ ഉള്ളിൽ ഹരിയേട്ടാ എന്ന് വിളിച്ച് ഓടി വരുന്ന ആ കൊച്ച് പാവാടക്കാരി മിഴിവോടെ നിറഞ്ഞു നിന്നു
അവൾ... അവൾ പോയെടോ... എന്റെ വിനുവിനെ തനിച്ചാക്കി അവൾ ഈ ഭൂമിയിൽ നിന്നും തന്നെ പോയി. അവൻ നിറഞ്ഞ കണ്ണുകൾ അമർത്തിത്തുടച്ചുകൊണ്ട് അവളോട് പറഞ്ഞു
മാളവിക ഞെട്ടലോടെ അവനെ തന്നെ നോക്കി നിൽക്കുകയായിരുന്നു.അവളുടെ കണ്ണുകളും നിറഞ്ഞിരുന്നു
എങ്ങ... എങ്ങനെ... അവൾ തേങ്ങലോടെ അവനോട് ചോദിച്ചു
ഹരി പറയാൻ തുടങ്ങി ഗായത്രിയെയും അവളുടെ ജീവനായ വിനുവേട്ടനെ കുറിച്ചും
കല്യാണി അപ്പച്ചിയുടെ ആദ്യ വിവാഹം ഒരു പരാജയം ആയിരുന്നു. അയാളൊരു സംശയരോഗി ആയിരുന്നു. മാത്രമല്ല അപ്പച്ചിയും ഒരു എടുത്തുചാട്ടക്കാരി ആയിരുന്നു. അതുകൊണ്ട് തന്നെ ആ വിവാഹബന്ധം അധികനാൾ മുന്നോട്ട് പോയില്ല. അയാളെ വേണ്ട എന്ന് തീരുമാനിച്ചതും അപ്പച്ചി തന്നെ ആയിരുന്നു.
പിന്നീട് രണ്ട് വർഷം കഴിഞ്ഞപ്പോൾ വിനോദിന്റെ അച്ഛന്റെ ഒരു ഫ്രണ്ട് ആണ് അപ്പച്ചിയെ കല്യാണം കഴിക്കുന്നത്. ശ്രീധരൻ... ആളൊരു പാവം സ്കൂൾ മാഷായിരുന്നു. ഇവരെ കല്യാണം കഴിക്കുന്ന സമയത്ത് അദ്ദേഹത്തിന് രണ്ട് വയസ്സുള്ള ഒരു മോളുകൂടി ഉണ്ടായിരുന്നു ഗായത്രി.
ഇത്രയും പറഞ്ഞ് ഹരി മാളുവിനെ നോക്കി. അവൾ കേട്ടതിന്റെ അങ്കലാപ്പിൽ ആയിരുന്നു.
അ.. അപ്പൊ.. അപ്പൊ ഗായത്രി ചേച്ചി കല്യാണി അപ്പച്ചിയുടെ സ്വന്തം മകൾ അല്ലെ.. അവൾ സംശയത്തോടെ ചോദിച്ചു
അല്ല... അവൻ പറഞ്ഞു
അപ്പൊ... ഗൗരി....
ഗൗരി.. അപ്പച്ചിയുടെയും അമ്മാവന്റെയും മകൾ തന്നെയാണ്. ഗായത്രിയുടെ അമ്മ പ്രസവത്തോടെ മരിച്ചുപോയതാണ്. ഗായത്രിക്ക് വേണ്ടിയാണ് അദ്ദേഹം മറ്റൊരു വിവാഹത്തിന് തയ്യാറായത് പോലും
എന്നിട്ട്... മാളു ആകാംഷയോടെ ചോദിച്ചു
എന്നിട്ടെന്താ ഗൗരി അവർക്കിടയിലേക്ക് വരുന്നത് വരെ അപ്പച്ചിക്ക് ഗായുവിനോട് വല്ല്യ ഇഷ്ടമായിരുന്നു. പക്ഷെ അവൾ വന്നതിനു ശേഷം ഗായത്രിയെ അവർ അവർക്കിടയിൽ നിന്നും പതിയെ അകറ്റാൻ തുടങ്ങി. ഇതൊക്കെ അമ്മാവൻ അറിഞ്ഞുവന്നപ്പോഴേക്കും വർഷം കുറേ കഴിഞ്ഞിരുന്നു. പിന്നെ ആളും ഒരു സമാധാനപ്രിയൻ ആയതുകൊണ്ട് അപ്പച്ചിയെ പറഞ്ഞു മനസ്സിലാക്കാൻ ശ്രമിച്ചു.. പക്ഷെ ഒരുഫലവും ഉണ്ടായില്ല
.. ഗൗരി നല്ല വാശിക്കാരിയാണ്.. ആഗ്രഹിച്ചതെന്തും അവൾ നേടിയെടുക്കും. അവൾ ആഗ്രഹിച്ച ഒന്ന് മാത്രമേ അവളുടെ കൈ വിട്ട് പോയിട്ടുള്ളൂ. അവൻ പറഞ്ഞു നിർത്തി
എന്താത്... മാളു ആകാംഷയോടെ ചോദിച്ചു
വിനോദ്... നിന്റെ ഉണ്ണിയേട്ടൻ
അവൾ ഉൾക്കിടിലത്തോടെ ഹരിയെ മുഖം ഉയർത്തി നോക്കി... അവൻ അവളെ നോക്കി പുഞ്ചിരിച്ചു
ഗായത്രിയുമായി ശ്രീധരൻ അമ്മാവൻ അപ്പച്ചിയുടെ ജീവിതത്തിലേക്ക് വരുമ്പോൾ വിനോദിനും എനിക്കും അന്ന് നാല് വയസ്സാണ്. ഞങ്ങൾക്ക് രണ്ടാൾക്കും അവളെ ഒരുപാട് ഇഷ്ടമായിരുന്നു. പൂവ് പോലൊരു പെണ്ണ്... പതിഞ്ഞ ശബ്ദം... ആർക്കാണ് അവളെ ഇഷ്ടമില്ലാതിരിക്കുക.ആ ഓർമയിൽ ഹരി ഒന്ന് പുഞ്ചിരിച്ചു. എന്തിനോ മാളവികയുടെ ചുണ്ടിലും ഒരു പുഞ്ചിരി വിരിഞ്ഞു
എനിക്ക് അനിയത്തിയെ പോലെ.... അല്ല... എന്റെ അനിയത്തി തന്നെ ആയിരുന്നു ഗായത്രി. ഞങ്ങൾ എല്ലാരും ഗായു എന്നാണ് ട്ടോ അവളെ വിളിക്കാ...
പക്ഷെ വിനോദിന് അവൾ അനിയത്തി അല്ലായിരുന്നു എന്ന് മുതിർന്നു കഴിഞ്ഞപ്പോഴാണ് എനിക്ക് മനസ്സിലായത്.. പ്രണയം ആയിരുന്നു അവന് അവളോട്.. ആർക്കും വിട്ടുകൊടുക്കാനാവാത്ത അത്രയും സ്വാർത്ഥമായ പ്രണയം..
അവന് അവളോട് തോന്നിയ ഇഷ്ടം ആദ്യം തുറന്നു പറഞ്ഞതും എന്നോട് തന്നെ ആയിരുന്നു. സന്തോഷമേ തോന്നിയിട്ടുള്ളു... എന്റെ ഗായു മോളല്ലേ... അവൾക്ക് എന്റെ വിനു മതി... എന്റെ കൂടി പിൻബലത്തിൽ ആണ് വിനോദ് അവളോട് അവന്റെ ഇഷ്ടം പറഞ്ഞത്. പകപ്പായിരുന്നു ആ മുഖത്ത് ആദ്യം ഉണ്ടായിരുന്നത്. അവൾ മറുപടി ഒന്നും പറയാതെ തന്നെ വീട്ടിലേക്ക് മടങ്ങിപ്പോയി.. പക്ഷെ പിന്നീട് അവനെ നോക്കുന്ന അവളുടെ കണ്ണുകളിലെ നാണം ഞങ്ങൾക്ക് മനസ്സിലാക്കിത്തന്നു...
ഗായുവിനും അവളുടെ വിനുവേട്ടനോട് പ്രണയമാണെന്ന്..
വിനോദ് പെട്ടന്ന് ദേഷ്യം വരുന്ന സ്വഭാവക്കാരനാണ്... അവന്റെ അച്ഛൻ കൊണ്ടു നടന്ന ബിസിനസ് അച്ഛന്റെ മരണശേഷം നോക്കി നടത്തിയിരുന്നത് അവനായിരുന്നു
അച്ഛൻ... മാളു ഇടക്ക് കയറി ചോദിച്ചു
പോയി... അറ്റാക്ക് ആയിരുന്നു.... അവന് അന്ന് ഇരുപത്തി നാല് വയസ്സ്
ഒരു വർഷത്തിന് ശേഷം വിനോദ് ഗായത്രിയോടുള്ള ഇഷ്ടം അമ്മാവനോട് തുറന്നു പറഞ്ഞു. അമ്മാവന് നല്ല സന്തോഷം ആയിരുന്നു. പക്ഷെ ഗൗരിയും അപ്പച്ചിയും അതിനു ശേഷം ഗായത്രിയെ ഒരുപാട് ഉപദ്രവിച്ചു.... അവൾക്ക് വിനോദിനോട് ഇഷ്ടം ഉണ്ടായിരുന്നു പോലും... അത് ഇഷ്ടമല്ല.. അവന്റെ സ്വത്തുക്കളോടുള്ള മോഹം..ഹരി പുച്ഛത്തോടെ പറഞ്ഞു
മാളു അവനെ കേട്ടുകൊണ്ട് നിന്നു
അമ്മാവൻ കുറേ എതിർക്കാൻ നോക്കിയതാ അപ്പച്ചിയേയും ഗൗരിയെയും പക്ഷെ കഴിഞ്ഞില്ല. അവളെ കൂടുതൽ ഉപദ്രവിക്കുന്നത് കണ്ടു നിൽക്കാൻ അമ്മാവനും കഴിഞ്ഞില്ല... ഒരു നെഞ്ചുവേദനയുടെ രൂപത്തിൽ അമ്മാവൻ പോയി. അതിനുശേഷം ഗായത്രിയെ അവിടെ നിർത്താൻ വിനോദ് സമ്മതിച്ചില്ല. അവന്റെ വാശികൊണ്ട് അന്ന് തന്നെ അവളെ കൂട്ടി ഇങ്ങോട്ട് പോന്നു.. അവൻ പറഞ്ഞു നിർത്തി
എന്നിട്ട്... മാളു ചോദിച്ചു ..
"അവരുടെ പ്രണയം അവളെ അത്രമാത്രം സ്വാധീനിക്കാൻ തുടങ്ങിയിരുന്നു"
"എന്നിട്ടെന്താ... ഇവിടെ അവൾക്ക് സന്തോഷം തന്നെ ആയിരുന്നു. വല്യമ്മക്ക് അവളെ വലിയ കാര്യമായിരുന്നു... അത്രയ്ക്ക് പാവമാണ് എന്റെ ഗായു മോള്"
" ഇതിനിടയിൽ ഗൗരിയും അപ്പച്ചിയും പലപ്പോഴും വന്ന് പ്രശ്നം ഉണ്ടാക്കിയിട്ടുണ്ട്.. അവൾക്ക് ഇവനെ വേണം പോലും... ഒരിക്കൽ കൊടുത്തു അവൾക്കിട്ട് ഞാൻ ഒരെണ്ണം.. പിന്നെ അങ്ങനെ ഒരു സംസാരവുമായി അവൾ ഇങ്ങോട്ട് വന്നിരുന്നില്ല"
" ഗായത്രിയുടെ അച്ഛൻ മരിച്ച് ഒരു വർഷം കൂടി കഴിഞ്ഞായിരുന്നു ഗായത്രിയുടെയും വിനോദിന്റെയും വിവാഹം.. കല്യാണം നടക്കുന്നതിന് മുന്നേ അവർ ഒരു വീട്ടിൽ ആയിരുന്നെങ്കിലും ഒരിക്കൽ പോലും അവരുടെ ബന്ധം പരിധി വിട്ട് പോയിട്ടില്ല"
അങ്ങനെ ഒരു വർഷത്തിന് ശേഷം വിനോദിന്റെയും ഗായത്രിയുടെയും വിവാഹം നടന്നു.. അന്ന്... അന്നെന്റെ വിനു എത്ര സന്തോഷത്തിലായിരുന്നു.. ഹരി നിറഞ്ഞ കണ്ണുകൾ തുടച്ചുകൊണ്ട് അവളോട് പറഞ്ഞു. അവളുടെ കണ്ണുകളും നിറഞ്ഞിരുന്നു...
പക്ഷെ ദൈവത്തിന് പോലും അവരോട് അസൂയ തോന്നിക്കാണും അതല്ലേ എന്റെ ഗായുവിനെ പെട്ടന്ന് കൊണ്ടുപോയത്... എന്റെ വിനുവിനെ ഇങ്ങനെ ഒരു അവസ്ഥയിൽ എത്തിച്ചത് .. ഹരി കണ്ണുനീരിൽ കലർന്നൊരു പുഞ്ചിരിയോടെ അവളോട് പറഞ്ഞു
ആ നിമിഷത്തെ അറിയാൻ എന്നപോലെ മാളു അവനെ നോക്കി നിന്നു.
തുടരും 💘 #💞 പ്രണയകഥകൾ #📔 കഥ #📙 നോവൽ
ഗൗരി ദേഷ്യത്തോടെ തന്നെ അവളെ നോക്കി. മാളു പേടിയോടെ അവളെ നോക്കിയിരുന്നു.
ഇവിടെ സുഖമായിട്ട് ജീവിക്കാന്ന് നീ കരുതണ്ടെടി.. വാഴിക്കില്ല നിന്നേ ഞാൻ ഇവിടെ. ഞാൻ ഇരിക്കേണ്ട സ്ഥാനത്താണ് ഇപ്പോൾ എവിടെന്നോ വലിഞ്ഞു കയറി വന്ന നീയിരിക്കുന്നത്. പൊറുക്കില്ലെടി ഞാൻ നിന്നോട്.. ഒരിക്കലും പൊറുക്കില്ല.. ഗൗരി നിന്ന് കിതച്ചു
അവളുടെ ദേഷ്യത്തോടെയുള്ള പെരുമാറ്റം കണ്ട് ആ കൊച്ച് പെണ്ണ് ഒരുപാട് പേടിച്ചുപോയി. അവൾ ദയനീയമായി ദേവികയെ നോക്കി ദേവിക നിറഞ്ഞ കണ്ണോടെ അവളെ നോക്കി
എന്താ ഇവിടെ... ഗംഭീര്യം നിറഞ്ഞ ആ ശബ്ദം കേൾക്കെ ഗൗരി ഭയന്നുകൊണ്ട് മാളുവിന്റെ അടുത്ത് നിന്നും മാറി കല്യാണിയുടെ അടുത്തേക്ക് നിന്നു.അവൻ അവർക്കു മുന്നിൽ വന്നു നിന്നു. മാളവിക പെട്ടന്ന് എഴുനേറ്റ് നിന്ന് നിറഞ്ഞ കണ്ണോടെ അവനെ പേടിയോടെ നോക്കി
ചോദിച്ചത് കേട്ടില്ലേ എന്താ ഇവിടെ എന്ന്... അവൻ കൈകൾ കെട്ടി ദേഷ്യത്തോടെ ഗൗരിയെ നോക്കി ചോദിച്ചു
ഹ.. ഹരിയേട്ടാ അത്.. അത് പിന്നെ
ഗൗരി വിക്കലോടെ എന്തോ പറയാൻ ശ്രമിച്ചു.
അത് മോനെ ഹരി... ഒന്നൂല്ല മോനെ...ഗൗരി മോള് ഈ കുട്ടിയോട് വെറുതെ ഓരോന്ന് സംസാരിച്ചിരിക്കുവായിരുന്നു.കല്യാണി പെട്ടന്ന് അവന്റെ അടുത്ത് വന്നു പറഞ്ഞു.ഹരി മാളവികയെ നോക്കി. തന്നെ പേടിയോടെ നോക്കി കണ്ണുകൾ തുടയ്ക്കുന്ന അവളെ കാണേ അവന് പാവം തോന്നിപ്പോയി. അവൻ അവളെ നോക്കി മനോഹരമായി പുഞ്ചിരിച്ചു. അവളുടെ മുഖം വിടർന്നു
മോൾക്ക് മുറി കാണിച്ചു കൊടുക്ക് വല്യമ്മേ.. അവൻ അവിടെ കണ്ണീരോടെ നിൽക്കുന്ന ദേവികയെ നോക്കി പറഞ്ഞു.
അവർ പെട്ടന്ന് തന്നെ കണ്ണുകൾ തുടച്ച് അവളെ കൂട്ടി ഒരു റൂമിലേക്ക് കൊണ്ടുപോയി.
അവൾ അവരെ തന്നെ നോക്കി അവരുടെ പുറകെ തന്നെ നടന്നു. അവർ അവളെ പിടിച്ച് അവിടെയുള്ള കട്ടിലിൽ ഇരുത്തി. മാളവിക ഒരു പാവ കണക്കെ അവിടെ ഇരുന്നു.
മോളെ മാളു.. അവർ വാത്സല്യത്തോടെ അവളെ വിളിച്ചു. അവൾ മുഖം ഉയർത്തി അവരെ നോക്കി. അവളുടെ കണ്ണുകൾ നിറഞ്ഞിരുന്നു.അത് കണ്ടപ്പോൾ അവർക്കും സങ്കടം തോന്നി
അമ്മേടെ കുട്ടി വിഷമിക്കണ്ട ട്ടോ. ഒക്കെ ശെരിയാകും. അമ്മ ആദ്യമേ തന്നെ പറഞ്ഞിരുന്നില്ലേ മോളെ...ഗൗരിക്ക് ഉണ്ണിയെ കല്യാണം കഴിക്കണം എന്ന് വല്ല്യ ആഗ്രഹം ആയിരുന്നു. പക്ഷെ അവന് അവളുടെ മോഡേൺ വേഷവും പെരുമാറ്റവും ഒന്നും ഇഷ്ടമല്ലായിരുന്നു.
ബാംഗ്ലൂർ എവിടെയൊക്കെയോ പോയി പഠിച്ചതാ ഗൗരി മോള്. അതിന് ശേഷം ആണ് അവളുടെ വേഷവും സംസാരരീതിയും ഒക്കെ പാടെ മാറിപ്പോയത്. അതിന് മുന്നേയും വാശിക്കാരി തന്നെ ആയിരുന്നു ട്ടോ. എന്റെ ഗായത്രി മോളെ ഒരുപാട് വേദനിപ്പിച്ചിട്ടുണ്ട് അവളും അവളുടെ അമ്മയും കൂടി. അതിനൊക്കെയുള്ളത് അവർക്ക് ഈശ്വരൻ കൊടുത്തോളും.. എന്റെ കുട്ടി കരയരുത് എല്ലാം ശെരിയാകും.. അമ്മക്ക് അവരോടൊന്നും ദേഷ്യപ്പെട്ടു സംസാരിച്ച് ശീലമില്ല. അതാണ് അമ്മക്ക് ഒന്നും പറയാൻ കഴിയാതെ പോയത്. അവർ അവളെ നോക്കി വിഷമത്തോടെ പറഞ്ഞു. അവൾ അവരെ തന്നെ ശ്രദ്ധയോടെ കേട്ടിരിക്കുകയായിരുന്നു.
മോള് ഈ വേഷമൊക്കെ ഒന്ന് മാറിക്കോളു ട്ടോ . മോൾക്ക് ദാവണിയാണല്ലേ ഇഷ്ടം... മോൾടെ അപ്പച്ചി പറഞ്ഞിരുന്നു. അവർ പുഞ്ചിരിയോടെ പറഞ്ഞ് ഷെൽഫ് തുറന്ന് അവൾക്കൊരു ദാവണി എടുത്തു കൊടുത്തു. നല്ല വിലകൂടിയ ദാവണിയായിരുന്നു അത്. അവൾ അവരെ എതിർക്കാതെ അത് രണ്ട് കൈകൊണ്ടും വാങ്ങി. ദേവിക റൂമിന് പുറത്തേക്ക് നടന്നു
അമ്മേ... മാളു പതിയെ വിളിച്ചു
അവർ എന്താ എന്ന പോലെ അവളെ നോക്കി.
അമ്മേ... അത്.. അത് പിന്നെ
അവൾ അവരോട് എന്തോ വിക്കി വിക്കി പറയാൻ ശ്രമിച്ചു
എന്താ മോളെ... അവർ അവളോട് സംശയത്തോടെ ചോദിച്ചു
അത്.. അതമ്മേ.. ഗായത്രി ചേച്ചി... ചേച്ചി എവിടെ... അവൾ സംശയത്തോടെ അവരോട് ചോദിച്ചു
ദേവിക ഞെട്ടി അവളെ നോക്കി.... അവളും അവരെ തന്നെ നോക്കി നിൽക്കുക ആയിരുന്നു
അമ്മേ... അവർ മറുപടി ഒന്നും പറയുന്നില്ല എന്ന് കണ്ടതും അവൾ വീണ്ടും വിളിച്ചു. അവർ അവരുടെ വിയർപ്പുപൊടിഞ്ഞ മുഖം കൈക്കൊണ്ട് തുടച്ചുകൊണ്ട് അവളെ നോക്കി
ഗായു... ഗായു മോള് എവിടെ എന്ന് മോൾക്കറിയില്ലേ... അവരുടെ കണ്ണിൽ സംശയം
ഇല്ല... അപ്പച്ചിയാണ് എന്നോട് പറഞ്ഞത് ഉൺ.. ഉണ്ണിയേട്ടന് വയ്യാത്തതാണ്. ഏട്ടൻ ഒരു കുട്ടിയെ സ്നേഹിച്ചിരുന്നെന്നും ആ വിവാഹം നടന്നില്ലെന്നുമാണ് അപ്പച്ചി പറഞ്ഞത്. അവൾ അവരെ നോക്കി പറഞ്ഞു
എന്നാൽ കേട്ടതൊന്നും വിശ്വസിക്കാനാവാതെ തറഞ്ഞു നിൽക്കുകയായിരുന്നു ദേവിക. അവരുടെ കണ്ണുകൾ നിറഞ്ഞു..
അമ്മേ.. അമ്മ എന്തിനാ കരയണേ... ഞാൻ.. ഞാൻ തെറ്റായിട്ട് എന്തെങ്കിലും ചോദിച്ചോ.. അവൾ വിഷമത്തോടെ അവരോട് ചോദിച്ചു. അവർ കണ്ണുകൾ തുടച്ചുകൊണ്ട് ഇല്ലെന്ന പോലെ തല ചലിപ്പിച്ചു.
വല്യമ്മേ.... അപ്പോഴേക്കും ഹരി അവരെ അന്വേഷിച്ച് അങ്ങോട്ടേക്ക് വന്നിരുന്നു. അവനെ കണ്ടതും അവൾ പെട്ടന്ന് തലതാഴ്ത്തി.. അവന്റെ ചുണ്ടിൽ ഒരു പുഞ്ചിരി വിരിഞ്ഞു
അപ്പോഴാണ് അവൻ ദേവികയെ ശ്രദ്ധിക്കുന്നത്. അവരുടെ കണ്ണുകൾ നിറഞ്ഞൊഴുകുന്നുണ്ട്. അവൻ പകപ്പോടെ അവരെ നോക്കി
വല്യമ്മേ... എന്താ... എന്താ പറ്റിയെ.. വല്യമ്മ എന്തിനാ കരയണേ.. അവൻ ആകുലതയോടെ അവരോട് ചോദിച്ചു. അവർ പെട്ടന്ന് അവന്റെ നെഞ്ചിലേക്ക് ചേർന്നു നിന്ന് കണ്ണീർ വാർത്തു.
ഹരിയും മാളുവും ഞെട്ടിപ്പോയി. രണ്ടാളും പരസ്പരം നോക്കി. അവൻ പതിയെ ദേവികയുടെ മുഖം പിടിച്ചുയർത്തി അവരുടെ കണ്ണുകൾ തുടച്ചു കൊടുത്തു. അവർ തേങ്ങിക്കൊണ്ട് അവനെ നോക്കി
എന്താ വല്യമ്മേ... എന്തിനാ കരയണേ... അതിനും വേണ്ടി എന്താപ്പോ ഇണ്ടായേ... ആ ഗൗരി പറയുന്നത് കേട്ടിട്ടാണോ.. അവൾക്ക് നാക്കിന് ലൈസൻസ് ഇല്ലെന്ന് വല്യമ്മക്ക് അറിഞ്ഞൂടെ. അവൻ അവരെ സമാധാനിപ്പിക്കാൻ ശ്രമിച്ചു.
ദേവിക ഒന്ന് ഓക്കേ ആയതും ഹരിയെ മുഖം ഉയർത്തി നോക്കി. അവൻ എന്താ എന്ന പോലെ അവരെ നോക്കി
മോനെ... മോനെ ഹരിക്കുട്ടാ... മാളുമോൾക്ക്... മോൾക്ക്... ഗായുമോളെ കുറിച്ച് ഒന്നും അറിയില്ല മോനെ. മോളെ എല്ലാവരും കൂടി ചതിച്ചതാണ്. അവർ തേങ്ങിക്കൊണ്ട് പറഞ്ഞു. ഹരി പകപ്പോടെ ദേവികയെ നോക്കി. അവന് ഒന്നും വിശ്വസിക്കാൻ കഴിയുന്നില്ലായിരുന്നു. അവൻ മാളുവിന്റെ മുഖത്തേക്ക് നോക്കി.. അവിടെ ഇവര് രണ്ടാളും സംസാരിക്കുന്നത് മനസിലാകാതെ സംശയത്തിൽ നിൽക്കുകയാണ് മാളു.
അവൻ വേഗം ദേവികയെ കൊണ്ട് പുറത്തേക്ക് പോയി. മാളു ഒന്നും മനസിലാകാതെ അവിടെ തന്നെ നിന്നു.
ഹരി ഹാളിൽ ഒരു കസേരയിൽ ദേവികയെ ഇരുത്തി അവർക്ക് ഒരു ഗ്ലാസ് വെള്ളം കുടിക്കാൻ കൊടുത്തു. ഹാളിൽ ഭാഗത്ത് ഇരിക്കുകയായിരുന്ന കല്യാണി ഇത് കണ്ടുകൊണ്ട് അവർക്കടുത്തേക്ക് വന്നു.
എന്താ... എന്താ ഹരി.. ഏടത്തിക്ക് എന്താ പറ്റിയത്. അവർ അവനോട് വെപ്രാളത്തോടെ ചോദിച്ചു.
നിങ്ങളുടെ മകൾ എവിടെ... അവൻ ഗൗരവത്തോടെ ചോദിച്ചു.. കല്യാണി ഉമിനീർ ഇറക്കി അവനെ നോക്കി.
അത്.. അത് മോനെ മോള് അപ്പോ തന്നെ പോയി.. അവർ വിക്കലോടെ പറഞ്ഞു
മ്മ്... നിങ്ങള് വല്യമ്മടെ അടുത്ത് നിൽക്ക് ഞാനിപ്പോ വരാം. അവൻ അത്രയും പറഞ്ഞ് മാളുവിന്റെ റൂമിലേക്ക് പോയി
അവനെ കണ്ടതും അവൾ വേഗം കട്ടിലിൽ നിന്നും എഴുനേറ്റ് തല താഴ്ത്തി നിന്നു
മാളു.. മോളെ...നിനക്ക്... നിനക്കറിയില്ലേ ഗായത്രി എവിടെ എന്ന്... ഗായത്രി ആരാണെന്ന്... അവൻ സംശയത്തോടെ ചോദിച്ചു.
അവൾ മുഖം ഉയർത്തി അവനെ നോക്കി. അവൻ സംശയത്തോടെ അവളെ നോക്കി നിൽക്കുകയായിരുന്നു
മ്മ്... ഗൗരിടെ അനിയത്തിയാണ് ഗായത്രി ചേച്ചി എന്ന് ഗൗരി പറഞ്ഞു. ഉണ്ണിയേട്ടനുമായിട്ട് കല്യാണം ഉറപ്പിച്ചു വെച്ചതായിരുന്നു ലെ.. എന്നിട്ടെന്തേ ആ കല്യാണം നടന്നില്ല. അതൊന്നും എന്നോട് ആരും പറഞ്ഞില്ല. കല്യാണം മുടങ്ങി എന്ന് മാത്രേ അമ്മാവൻ അപ്പച്ചിയോട് പറഞ്ഞിട്ടുള്ളു . അവൾ ഹരിയോട് പറഞ്ഞു
ഹരി അവളെ ഞെട്ടലോടെ നോക്കി... അവളുടെ നിഷ്കളങ്കമായ മുഖത്തേക്ക് നോക്കും തോറും അവന് വിഷമം വരാൻ തുടങ്ങി..കുറച്ച് സമയത്തിന് ശേഷം അവനൊന്നു ദീർഘ നിശ്വാസം വിട്ടു
മാളു... ഗായത്രി... ഗായത്രി ഉണ്ണിയുമായി വിവാഹം ഉറപ്പിച്ചു വെച്ച് അത് മുടങ്ങിപ്പോയ കുട്ടിയല്ല
പിന്നെ.... അവൾ ആകാംഷയോടെ ചോദിച്ചു
അത്... അത് മോളെ
ഗായത്രി... അവൾ... അവൾ ഉണ്ണിയുടെ ഭാര്യയാണ്
അവൻ പതിയെ പറഞ്ഞു. കേട്ടതൊന്നും വിശ്വസിക്കാനാവാതെ മാളവിക തറഞ്ഞു നിന്നുപോയി
തുടരും 💘 #📙 നോവൽ #📔 കഥ #💞 പ്രണയകഥകൾ
വിനോദ് അവളെ അകലാൻ സമ്മതിക്കാത്ത വിധം ചേർത്തുപിടിച്ചുതന്നെ ഇരുന്നു. അവന്റെ മനസ്സ് സന്തോഷത്താൽ തുള്ളിച്ചാടുകയായിരുന്നു.
അവൻ മുഖം ചെരിച്ച് മാളവികയെ നോക്കി.അവൾ പുറത്തേക്ക് നോക്കിയിരിക്കുകയാണ്... തന്നെ നോക്കാതെ പുറത്തേക്ക് നോക്കിയിരിക്കുന്നവളെ കാണേ അവന്റെ മുഖം പരിഭവത്താൽ വീർത്തു.
ഗായു... അവൻ വിളിച്ചു
മാളവിക ഞെട്ടി അവനെ നോക്കി. അവൻ അവളെ തന്നെ നോക്കിക്കൊണ്ടിരുന്നു. അവൾ കിടുകിടാ വിറക്കാൻ തുടങ്ങി.
ഗായു ഞാൻ നിന്നെയാ വിളിക്കുന്നെ.. പിന്നെന്താ നീ വിളി കേൾക്കാത്തത്... എന്നോട് എന്താ മിണ്ടാത്തത്.. എന്നെ എന്താ നോക്കാത്തത് വിനുവേട്ടനോട് പിണക്കാണോ.. ഞാൻ നിന്നേ കല്യാണം കഴിച്ചത് നിനക്ക് ഇഷ്ടായില്ലേ.. അവൻ സങ്കടത്തോടെ ചോദിച്ചു
മാളവിക അവന്റെ മുഖത്തേക്ക് തന്നെ അത്ഭുതത്തോടെ നോക്കിയിരുന്നു. പെട്ടന്ന് പെട്ടന്ന് മാറുന്ന അവന്റെ മുഖഭാവം കണ്ട് അന്തം വിട്ടിരിക്കുവാണ് അവൾ . പക്ഷെ അവസാനം പറഞ്ഞപ്പോഴുള്ള അവന്റെ കണ്ണിലെ വേദന കാണേ അവളുടെ കണ്ണുകൾ നിറഞ്ഞു. വിനോദ് ഞെട്ടിപ്പോയി
ഗ.. ഗായു എന്തിനാ നീ കരയണേ... വിനുവേട്ടൻ വെറുതെ പറഞ്ഞതല്ലേ. നീയെന്നോട് മിണ്ടാതിരിക്കുന്നത് കണ്ടപ്പോ സങ്കടം വന്നിട്ട് പറഞ്ഞതല്ലേ സോറി. അവൻ അവളെ നോക്കി ചുണ്ട് മലർത്തിപിടിച്ച് കുട്ടികളെ പോലെ പറഞ്ഞു. മാളുവിന്റെ മുഖം വിടർന്നു. അപ്പോൾ അവൻ ഒരു കൊച്ചുകുട്ടിയാണെന്ന് തോന്നിപ്പോയി അവൾക്ക്. അവൾ കണ്ണുകൾ തുടച്ച് അവനെ നോക്കി പുഞ്ചിരിച്ചു. അവളുടെ പുഞ്ചിരി കണ്ടപ്പോൾ അവന് സന്തോഷമായി. അവൾ വിറയ്ക്കുന്ന കയ്യോടെ അവന്റെ കവിളിൽ മൃദുവായി തൊട്ടു. അവൻ വിടർന്ന കണ്ണുകളോടെ അവളെ നോക്കിയിരുന്നു
ഒ... ഒന്നൂല്ല... ഒന്നൂല്ല... ഞാൻ... ഞാൻ അവരെയൊക്കെ വിട്ടു പോരുവല്ലേ ഉണ്ണിയേട്ടന്റെ കൂടെ ആ വിഷമം. അത്രേയുള്ളൂ ട്ടോ മാളുവിന്. അവൾ പുഞ്ചിരിയോടെ പറഞ്ഞു. അവന്റെ നെറ്റി ചുളിഞ്ഞു
മാളുവോ അതാരാ.. അല്ല ആരാ ഈ ഉണ്ണിയേട്ടൻ.. നീയെന്നെ വിനുവേട്ടാ എന്നല്ലേ വിളിച്ചിരുന്നെ. ഞാൻ ഉണ്ണിയേട്ടാണ് വിളിക്കാൻ പറഞ്ഞപ്പോഴൊക്കെ നീയെന്നെ വിളിച്ചിരുന്നത് വിനുവേട്ടൻ എന്ന് തന്നെയല്ലേ.. പിന്നെ എന്താ ഇപ്പൊ ഇങ്ങനെ വിളിക്കണേ... അവൻ അത്ഭുതത്തോടെ ചോദിച്ചു
മാളു ഞെട്ടിപ്പോയി
അ.. അത്... അവൾക്ക് എന്ത് പറയണം എന്നറിയുന്നില്ലായിരുന്നു. അവൻ അവളെ തന്നെ സംശയത്തോടെ നോക്കിയിരുന്നു
മക്കളെ ഇറങ്ങുന്നില്ലേ.... വിനോദിന്റെ അമ്മയുടെ ശബ്ദം
മാളു പെട്ടന്ന് കാറിന്റെ സൈഡ് ഡോറിലേക്ക് നോക്കി. അപ്പോഴാണ് അവൾക്ക് മനസ്സിലായത് വിനോദിന്റെ വീട് എത്തിയെന്ന്. അവൾ വേഗത്തിൽ കാറിൽ നിന്നും പുറത്തിറങ്ങി മുന്നോട്ട് നോക്കി
ശ്രീലയം എന്ന് പേരുള്ള കൊട്ടാരം പോലുള്ള ആ വലിയ വീടിനെ അവൾ അത്ഭുതത്തോടെ നോക്കിക്കണ്ടു.അത്രയും വലിയ വീടായിരുന്നു അത്.. അവളുടെ കണ്ണുകൾ ചുറ്റും അത്ഭുതത്തോടെ പാഞ്ഞു നടന്നു . അപ്പച്ചിയുടെ വീട്ടിൽ തൊഴുത്തിന് കുറച്ചപ്പുറം മാറിയുള്ള അവളുടെ ആ ചെറിയ മുറി അവൾക്ക് ഓർമ വന്നു.
മോളെ ഇത് വാങ്ങ്..... ദേവിക (വിനോദിന്റെ അമ്മ )പറഞ്ഞു
മാളു ഓർമകളിൽ നിന്നും ഞെട്ടി അവരുടെ കയ്യിലെ കത്തിച്ചു വെച്ച നിലവിളക്കിലേക്ക് തന്നെ നോക്കിക്കൊണ്ടിരുന്നു
പിടിക്ക് മോളെ... ദേവിക വീണ്ടും പറഞ്ഞു. അവൾ വിനോദിനെ നോക്കി. നേരത്തെ അവന്റെ മുഖത്ത് കണ്ട കുറുമ്പോ കുസൃതിയോ ഒന്നും തന്നെ അവനിൽ ഇപ്പോൾ കാണാനില്ല.. തീർത്തും ഗൗരവത്തോടെയുള്ള മുഖഭാവം. അവളുടെ നെറ്റി ചുളിഞ്ഞു.. അവൾ ദേവികയെ നോക്കി.. അവർ അവൾക്കൊരു വരണ്ട പുഞ്ചിരി സമ്മാനിച്ചു
വാങ്ങുന്നുണ്ടെങ്കിൽ ഒന്ന് വാങ്ങി അകത്ത് പോ കൊച്ചേ... ഇത് വന്നപ്പോ മുതൽ ഒലക്ക വിഴുങ്ങിയത് പോലെ നിൽക്കുകയാണല്ലോ. പുച്ഛത്തോടെയുള്ളൊരു സ്വരം
മാളു മുഖം ഉയർത്തി ദേവികയുടെ അടുത്ത് നിൽക്കുന്ന സ്ത്രീയെ നോക്കി. അവരുടെ ചുണ്ടിൽ ഒരു പുച്ഛഭാവം.. അവൾ പേടിയോടെ വേഗം നിലവിളക്ക് വാങ്ങി വലതു കാൽ വെച്ച് അകത്തേക്ക് കയറിയതും കാറ്റുപോലൊരുവൻ പാഞ്ഞ് തന്റെ മുന്നിലൂടെ പോകുന്നത് അവൾ അറിഞ്ഞു. അവൾ പകപ്പോടെ മുഖം ഉയർത്തി അവനെ നോക്കി.
അപ്പോഴേക്കും വിനോദ് മുകളിലെ അവന്റെ റൂമിൽ കയറി വാതിൽ കൊട്ടിയടച്ചിരുന്നു. അവൾ പേടിയോടെ ദേവികയെ നോക്കി. അവരുടെ കണ്ണുകൾ നിറഞ്ഞിരുന്നു
അത് ആ പൂജാമുറിയിൽ കൊണ്ട് വെച്ച് ഇങ്ങോട്ട് വാ.. ദേവികയുടെ അടുത്ത് നിന്നിരുന്ന ആ സ്ത്രീ മാളുവിനോട് ആജ്ഞയോടെ പറഞ്ഞു. അവൾ ശെരിയെന്ന പോലെ തലകുലുക്കി ദേവികയെ നോക്കി.
അപ്പച്ചിയാണ്.... വിനോദിന്റെ അച്ഛന്റെ പെങ്ങൾ കല്യാണി.. ദേവിക അവളെ നോക്കി പറഞ്ഞു. അവൾ തലയാട്ടി നിലവിളക്കുമായി പൂജാമുറിയിലേക്ക് കയറി വിളക്ക് അവിടെ വെച്ച് ഭഗവാന് മുന്നിൽ കൈകൂപ്പി
എന്റെ ഈശ്വരാ...എന്താണ് ഞാൻ പ്രാർത്ഥിക്കേണ്ടത്... ദീർഘ സുമംഗലി ആയിരിക്കാനോ... അതോ അദ്ദേഹത്തിന്റെ ഒപ്പം ഒരു നല്ല ദാമ്പത്യ ജീവിതം ഉണ്ടാകാനോ...അറിയില്ല ഇനി എന്റെ ജീവിതം എന്താകും എന്ന്. പക്ഷെ ഒന്നറിയാം മാളവികയുടെ ജീവിതം ഇവിടെയാണിനി.അതും എത്ര നാളത്തേക്ക് എന്നറിയില്ല. പക്ഷെ മാനത്തിന് വിലപ്പറയുന്നവർക്കിടയിൽ നിന്നും രക്ഷപെട്ടു അല്ലെ ഈ മാളു. അവൾ കണ്ണുനീരോടെ മുന്നിൽ വെച്ചിരിക്കുന്ന ദൈവങ്ങളോട് ചോദിച്ചു
കഴിഞ്ഞില്ലേ.... ഗംഭീര്യത്തോടെയുള്ള കല്യാണിയുടെ സ്വരം.
മാളവിക പെട്ടന്ന് കണ്ണ് തുടച്ച് പൂജാമുറിയിൽ നിന്നും പുറത്തിറങ്ങി. അപ്പോഴാണ് കല്യാണിയുടെ അടുത്ത് തന്നെ പുച്ഛത്തോടെ നോക്കി കസേരയിൽ ഇരിക്കുന്ന ഒരു പെൺകുട്ടിയെ അവൾ കണ്ടത്. മാളു പെട്ടന്ന് തല താഴ്ത്തി..എന്നാൽ അവൾ മാളവികയെ മൊത്തത്തിൽ സൂക്ഷിച്ചു നോക്കുകയായിരുന്നു.
അതികം നിറം ഒന്നുമില്ലാത്ത ഇറനിറത്തിലുള്ള കൊലുന്നനെയൊരു പെൺകുട്ടി. കണ്ണുനീർ പാടുകൾ ഉണങ്ങാത്ത കണ്ണുകൾ... ഇളം പിങ്ക് നിറമുള്ള ചുണ്ടുകൾ.പതിനെട്ട് വയസ്സ് മാത്രമുള്ള ഒരു കൊച്ചു പെൺകുട്ടി...അങ്ങനെ എടുത്ത് പറയത്തക്ക ഒരു സവിശേഷതകളും ഇല്ലാത്തൊരു പെൺകുട്ടി. അവളുടെ മുഖത്ത് ആശ്വാസം നിറഞ്ഞു
ഇരിക്ക്..... അവൾ അടുത്തെത്തിയതും കല്യാണി അവളോട് പറഞ്ഞു. അവൾ പേടിയോടെ അവർക്ക് മുന്നിലുള്ള കസേരയിൽ ഇരുന്നു.
ഞങ്ങൾ ആരാന്ന് മനസ്സിലായോ... ആ സ്ത്രീ പുച്ഛത്തോടെ ചോദിച്ചു. മാളവിക ദേവികയെ നോക്കി. അവർ തല താഴ്ത്തി നിൽക്കുകയായിരുന്നു
അപ്പ്... അപ്പച്ചി... അവൾ വിക്കലോടെ പറഞ്ഞു. കല്യാണി അവളെ പുച്ഛത്തോടെ നോക്കി
അപ്പച്ചി... അതേ അപ്പച്ചിയാണ് പക്ഷെ നിനക്കല്ല എന്റെ വിനുമോന് മാത്രം.. അവർ ദേഷ്യത്തോടെ പറഞ്ഞു. അവളുടെ കണ്ണുകൾ നിറഞ്ഞു
എന്തിനാ എല്ലാരും എന്നോടിങ്ങനെ... അവളുടെ ഉള്ളം തേങ്ങി
ഹും... നിനക്ക് ഞാൻ ആരാണെന്ന് മനസ്സിലായോടി... ആ പെൺകുട്ടി അവൾക്കടുത്തേക്ക് വന്ന് ദേഷ്യത്തോടെ ചോദിച്ചു. മാളു പേടിച്ചു പോയി
മോളെ ഗൗരി...ദേവിക ദയനീയമായി അവളെ വിളിച്ചു. മാളു പകപ്പോടെ അവളെ നോക്കി
ഗൗ.. ഗൗരി.... മാളവികയുടെ ചുണ്ടുകൾ വിറച്ചു
ഗൗരിയുടെ ചുണ്ടുകൾ പുച്ഛത്തോടെ കോടിപ്പോയി .
അപ്പോൾ നിനക്കെന്നെ അറിയാലേ.... അതേടി ഞാൻ തന്നെയാ ഗൗരി
ഗായത്രിയുടെ അനിയത്തി ഗൗരി
അവൾ ദേഷ്യത്തോടെ മാളവികയോട് പറഞ്ഞു. അവളുടെ ശരീരം പേടികൊണ്ട് വിറച്ചു. കണ്ണുകൾ നിറഞ്ഞു
തുടരും 💘 #💞 പ്രണയകഥകൾ #📔 കഥ #📙 നോവൽ
"വിനോദ് "എന്ന് പേരുകൊത്തിയ താലിയിലേക്ക് അവൾ പേടിയോടെയും വേദനയോടെയും നോക്കി നിന്നു. തൊട്ടടുത്ത് നിൽക്കുന്നവന്റെ സന്തോഷത്തോടെയുള്ള കയ്യടി ശബ്ദം അവൾ കേൾക്കുന്നുണ്ടായിരുന്നു. അവൾ മുഖം ഉയർത്തി കുറച്ചകലെ നിൽക്കുന്ന അപ്പച്ചിയെ നോക്കി. ആ കണ്ണുകൾ നിറഞ്ഞൊഴുകുന്നുണ്ട്. സാരി തലപ്പ് വായിൽ തിരുകി കരയുന്ന അവരെ കാണേ അവളുടെ കണ്ണുകളും പെയ്യാൻ തുടങ്ങി.
മോളെ..... മൃദുവായൊരു സ്ത്രീ ശബ്ദം. അവൾ അവരെ നോക്കി വേദനയിൽ കലർന്നൊരു പുഞ്ചിരി നൽകി. അത് കാണേ അവളെ ഇനി ഒരിക്കലും തലയുയർത്തി നോക്കാൻ കഴിയാത്ത വിധം അവരുടെ തല താഴ്ന്നുപോയി. പെട്ടന്ന് അവൾക്കരികിൽ നിൽക്കുന്നവനെ നോക്കിയ അവരുടെ കണ്ണിൽ വാത്സല്യം നിറഞ്ഞു.
എന്റെ മകൻ.... അവരുടെ ഹൃദയം വാത്സല്യത്താൽ നിറഞ്ഞു. അവർ അവനടുത്ത് പോയി അവന്റെ കവിളിൽ മൃദുവായി തലോടി
ഉണ്ണി..... വാത്സല്യത്തോടെയുള്ള ആ ശബ്ദത്തിൽ അവന്റെ മുഖം വിടർന്നു. അവൻ പുഞ്ചിരിയോടെ അവരെ നോക്കി
ഉണ്ണീടെ അമ്മേ... ഉണ്ണീടെ അമ്മേ... നോക്ക് എന്റെ ഗായു. അവൻ സന്തോഷത്തോടെ അവന്റെ അടുത്ത് വിവാഹ വേഷത്തിൽ നിൽക്കുന്നവളെ ചൂണ്ടിക്കാണിച്ച് അമ്മയോട് പറഞ്ഞു. അവർ വേദനയോടെ അവളെ നോക്കി. അവൾ ആ സ്ത്രീയെ നോക്കി പുഞ്ചിരിച്ചു. തോറ്റുപോയവളുടെ പുഞ്ചിരി...
ഉണ്ണി മതി നമുക്ക് വീട്ടിലേക്ക് പോകാം. നമുക്ക് മോളെ കൊണ്ട് പോകണ്ടേ നമ്മുടെ വീട്ടിലേക്ക്... അവർ പതിയെ അവനോട് ചോദിച്ചു
ആഹ്.. വേണം... വേണം ഉണ്ണീടമ്മേ... ഗായു വരുവോ അതിന് നമ്മുടെ കൂടെ... അവൻ സംശയത്തോടെ അവരോട് ചോദിച്ചു.
വരും... കാരണം മോളിന്ന് എന്റെ മോന്റെ ഭാര്യയല്ലേ.. അവർ പുഞ്ചിരിയോടെ പറഞ്ഞു
അവളുടെ ഉള്ളിൽ വെള്ളിടി വെട്ടി..
ഭാര്യ.... അതേ ഭാര്യയാണ്
ആരോരുമില്ലാത്ത ഈ മാളവിക ഇന്ന് മറ്റൊരുവന് സ്വന്തമാണ്. അതേ ഞാനിന്നൊരു ഭാര്യയാണ് ഭ്രാന്തന്റെ ഭാര്യ.. ഉൾകിടിലത്തോടെ അവൾ അവനെ മുഖം ഉയർത്തി നോക്കി.
വെളുത്ത് മെലിഞ്ഞ് സുന്ദരനായൊരു ചെറുപ്പക്കാരൻ.... മുപ്പത് വയസ്സ് പ്രായം ഉണ്ട് അവന്. നല്ല കുഞ്ഞിക്കണ്ണുകളാണ്... ഭംഗിയുള്ള മൂക്ക്.. ഭംഗിയിൽ ഒതുക്കിവെച്ച ആ മീശയും താടിയും മുടിയും കാണാൻ എന്തൊരു ഭംഗിയാണ്...
അവൾ ഒരു നിമിഷം അറിയാതെ അവനെ നോക്കി നിന്നുപോയി. അതേ നിമിഷം തന്നെ അവനും അവളെ മുഖം ഉയർത്തി നോക്കി. അവൾ പതർച്ചയോടെ മിഴികൾ താഴ്ത്തി. അവൻ ചിരിച്ചു.
അതേ എന്റെ ഗായു എന്റെ ഭാര്യയാണല്ലേ അമ്മേ ഇപ്പൊ. അപ്പൊ നമുക്ക് ഇവളെ നമ്മുടെ വീട്ടിക്ക് കൊണ്ടു പോവാ... അവൻ ആകാംഷയോടെ ചോദിച്ചു
പിന്നെന്താ മോനെ ഭാര്യ നിൽക്കേണ്ടത് ഭർത്താവിന്റെ വീട്ടിൽ അല്ലെ. അപ്പൊ മോളിനി നമ്മുടെ വീട്ടിലാ നിൽക്കേണ്ടത്. അവർ അവനോട് ചിരിയോടെ പറഞ്ഞു. അവന് ഒരുപാട് സന്തോഷമായി. അവൻ പെട്ടന്ന് അവൾക്കടുത്ത് പോയി അവളുടെ നീണ്ട വിരലുകളുള്ള കയ്യിൽ കൈ കോർത്തുപിടിച്ചു. അവൾ ഞെട്ടലോടെ അവനെ നോക്കി. അവൾ വിറയ്ക്കാൻ തുടങ്ങി .അവളുടെ കണ്ണുകൾ നിറഞ്ഞു. പെട്ടന്ന് അവന്റെ അമ്മ അവനടുത്തേക്ക് വന്നു
മോനെ ഉണ്ണി.... നീയെന്താ ചെയ്യുന്നേ അവർ വെപ്രാളത്തോടെ ചോദിച്ചു. അവൻ ചിരിച്ചു
ഉണ്ണീടെ അമ്മയല്ലേ പറഞ്ഞെ ഇവളിനി എന്റെ ഭാര്യയാണെന്ന്. ഭാര്യയാകുമ്പോ ഞാൻ അവളുടെ ഭർത്താവല്ലേ.. ഭർത്താക്കന്മാർ എപ്പഴും ഭാര്യമാരുടെ കൂടെ വേണം. എന്തോ വലിയ കാര്യം പറയുന്നത് പോലെ അവൻ അവരോട് പറഞ്ഞു. അവരുടെ ചുണ്ടിൽ ഒരു പുഞ്ചിരി വിരിഞ്ഞു. എങ്കിലും അവന്റെ അടുത്ത് നിൽക്കുന്ന പെൺകുട്ടിയെ നോക്കിയ അവരുടെ കണ്ണുകൾ നിറഞ്ഞു.
മോളെ മാളു.... അപ്പച്ചി പെട്ടന്ന് അവളുടെ അടുത്തേക്ക് വന്ന് വേദനയോടെ അവളെ വിളിച്ചു. അവൾ നിറഞ്ഞ കണ്ണുകൾ ഉയർത്തി അവരെ നോക്കി. ഉണ്ണി ഒന്നും മനസിലാകാത്തത് പോലെ സംശയത്തോടെ അവരെ നോക്കി. മാളു പെട്ടന്ന് അവന്റെ കൈകൾ വിടീച്ച് അപ്പച്ചിയെ കെട്ടിപ്പിടിച്ച് പൊട്ടിക്കരഞ്ഞു.
ഉണ്ണി പകച്ചു പോയി... എന്റെ ഗായു എന്തിനാ കരയണേ.. അല്ലെങ്കിലും ആ സ്ത്രീയെന്തിനാ എന്റെ ഗായുവിനെ മാളു എന്ന് വിളിക്കുന്നെ..ഇവരെന്തിനാ അവളെ കരയിപ്പിക്കുന്നെ. അവൻ പല്ലുകൾ കടിച്ചു മുഷ്ടി ചുരുട്ടി പിടിച്ചു നിന്നു.
മാളു അവരെ കെട്ടിപിടിച്ച് തേങ്ങിക്കൊണ്ടിരുന്നു. പെട്ടന്ന് ഒരു ചെറുപ്പക്കാരൻ വന്ന് അപ്പച്ചിയെ അവളിൽ നിന്നും മാറ്റാൻ ശ്രമിച്ചു. അതിനിടയിൽ അവന്റെ കൈകൾ അവളുടെ കുഞ്ഞി മാറിനെ തലോടിപ്പോയി. മാളു വിറച്ചുപോയി. അവൾ പകപ്പോടെ അവരിൽ നിന്നും അകന്നു നിന്നു. ആ സമയം കൊണ്ട് ഉണ്ണി മാളുവിനെ വന്ന് ചേർത്തുപിടിച്ചു. അവൾ പേടിയോടെ അവനെ നോക്കി. അവൻ അവളെ നോക്കി പുഞ്ചിരിച്ചു. അവൾ പെട്ടന്ന് മുന്നിലേക്ക് നോക്കി. അവിടെ അപ്പച്ചിയുടെ അടുത്ത് നിൽക്കുന്നവനെ കാണേ അവളുടെ ശരീരം വിറച്ചു. ഇന്ദ്രേട്ടൻ അവളുടെ കണ്ണുകൾ മിഴിഞ്ഞു...അവൾ നോക്കിയ അതേ സമയം തന്നെ ഇന്ദ്രൻ അവളുടെ മാറിൽ തലോടിയിരുന്ന അവന്റെ കയ്യിൽ വികാരത്തോടെ ചുംബിച്ചു. അവൾ തറഞ്ഞു നിന്നുപോയി..
ഉണ്ണി ഒന്നുകൂടി അവളെ ഇറുക്കി പിടിച്ചു. അവൾ ഇന്ദ്രനിൽ നിന്നും നോട്ടം മാറ്റി ഉണ്ണിയെ നിറഞ്ഞ കണ്ണോടെ നോക്കി. ഉണ്ണിക്ക് സങ്കടം തോന്നി. അവൻ പെട്ടന്ന് അവളെ കെട്ടിപ്പിടിച്ചു. മാളു ഞെട്ടിപ്പോയി .ആ കാഴ്ച കണ്ടു നിന്ന എല്ലാവരും ഒരു നിമിഷം ഞെട്ടിപ്പോയി.അവൾ അവനിൽ നിന്നും പിടഞ്ഞു മാറാൻ ശ്രമിച്ചു. എന്നാൽ ഉണ്ണി അതിന് സമ്മതിക്കാതെ അവളെ ഒന്നുകൂടി ഇറുക്കിപിടിച്ചു. അവളുടെ കുഞ്ഞിമാറുകൾ അവന്റെ നെഞ്ചിൽ അമർന്നു. അവൾ ഞെട്ടി അവന്റെ മുഖത്തേക്ക് നോക്കി. എന്നാൽ അവിടെ തന്നെ സ്നേഹം മാത്രം നിറച്ച കണ്ണോടെ നോക്കുന്ന വിനോദിനെ കാണേ അവളുടെ ഹൃദയം സാന്ദ്രമായി. അവൻ അവളെ നോക്കി പുഞ്ചിരിച്ചു. അവൾ അവനെ തന്നെ നോക്കി നിന്നുപോയി .
അവൻ അവളെ ഒന്നുകൂടി ചേർത്തുപിടിച്ചു. ഇത്തവണ അവൾ അവനിൽ നിന്ന് പിടഞ്ഞു മാറാൻ ശ്രമിച്ചില്ല. അവൾ പതിയെ അവന്റെ നെഞ്ചോട് ചാഞ്ഞു. അവൻ പുഞ്ചിരിയോടെ അവളെ ചേർത്ത് പിടിച്ച് നെറുകിൽ ചുംബിച്ചു. മാളു വിറച്ചു പോയി. ഈ കാഴ്ച കണ്ടുനിന്ന ഇന്ദ്രന്റെ മുഖം വലിഞ്ഞു മുറുകി. അവന്റെ കണ്ണുകൾ അവളുടെ ശരീരത്തിലൂടെ അലഞ്ഞു നടന്നു.അവളുടെ ചെറിയ മാറുകൾ അവന്റെ ശരീരത്തിൽ അമർന്നു നിൽക്കുന്നത് കണ്ട അവന്റെ സമനിലതെറ്റി. അവയെ അവന്റെ ശരീരത്തിൽ നിന്നും മാറ്റി തന്റെ കൈക്കൊണ്ട് ഞെരിച്ചമർത്താൻ അവന് കൊതിതോന്നി.
മാളുവിന്റെ കണ്ണുകൾ പെയ്തുകൊണ്ടിരുന്നു.അവന്റെ നെഞ്ച് നനച്ചൊഴുകുന്ന അവളുടെ കണ്ണുനീർ അവനിൽ വേദന തീർത്തു. അവൻ അവളുടെ മുഖം പിടിച്ചുയർത്തി. അവൾ അവനെ പേടിയോടെ നോക്കി
വിനുവേട്ടന്റെ ഗായൂട്ടി കരയണ്ട ട്ടോ. മോളെ എന്നിൽ നിന്നകറ്റാൻ വന്നതാലേ ഇവരൊക്കെ. വിനുവേട്ടൻ ആർക്കും കൊടുക്കില്ല ട്ടോ എന്റെ മോളെ. അവൻ അവളോട് പുഞ്ചിരിയോടെ പറഞ്ഞ് അപ്പച്ചിയേയും ഇന്ദ്രനെയും ദേഷ്യത്തോടെ നോക്കി. അവർ പേടിയോടെ രണ്ടടി പുറകിലെക്ക് മാറി
അവൾ വിനോദിനോട് ചേർന്നു തന്നെ നിന്നു.തന്നെയല്ല അവൻ വിളിക്കുന്നതെങ്കിലും ഒരു നിമിഷം ആ ഹൃദയത്തിലുള്ള പ്രണയം അവളോടായിരുന്നെങ്കിലെന്ന് അവന്റെ ഗായു അവളായിരുന്നുവെങ്കിൽ എന്ന് ആ പാവം പെണ്ണ് കൊതിച്ചു പോയി. അവൾ രണ്ട് കൈകൊണ്ടും അവനെ ചേർത്തുപിടിച്ചു. ഇത് കണ്ടു നിന്ന വിനോദിന്റെ അമ്മയുടെ കണ്ണുകൾ സന്തോഷത്താൽ നിറഞ്ഞു.
കാറിൽ അവനോടൊപ്പം കയറാൻ പേടി തോന്നിയെങ്കിലും അവൾ അത് പുറത്ത് കാണിക്കാതെ അവനൊപ്പം കയറി. കാറിനടുത്ത് തന്നെ സങ്കടത്തിൽ നോക്കി നിൽക്കുന്ന അപ്പച്ചിയുടെ കവിളിൽ അവൾ മൃദുവായി തലോടി
പോട്ടെ അപ്പച്ചി അവൾ തേങ്ങിക്കൊണ്ട് ചോദിച്ചു. ആ സ്ത്രീ കരഞ്ഞു പോയി. അവളുടെ കണ്ണുകൾ കുറച്ചപ്പുറത്ത് മാറി നിൽക്കുന്ന ഇന്ദ്രനിലും അവന്റെ അച്ഛനിലും പതിഞ്ഞു. അയാളിൽ നിറഞ്ഞു നിന്നത് അവളോടുള്ള വെറുപ്പായിരുന്നെങ്കിൽ ഇന്ദ്രന് അവളുടെ ശരീരം സ്വന്തമാക്കാൻ കഴിയാത്തതിലുള്ള ദേഷ്യമായിരുന്നു. അവൻ മുഷ്ടി ചുരുട്ടി അവളെ നോക്കി
വിനോദ് അവളെ അവനോട് ചേർത്തിരുത്തി. അവൾ അവന്റെ മുഖത്തേക്ക് നോക്കി. അവൻ അവളെ നോക്കി ഭംഗിയായി പുഞ്ചിരിച്ചു. അവൾ ആ പുഞ്ചിരി നോക്കിയിരുന്നുപോയി. അവൻ പതിയെ അവളുടെ ഇടുപ്പിൽ പിടിച്ച് അവനോട് ചേർത്തിരുത്തി കള്ളച്ചിരിയോടെ അവളുടെ ഇടുപ്പിൽ ചെറുതായൊന്നു നുള്ളി. അവൾ അവനെ അന്തം വിട്ട് നോക്കി. അവൻ അവളെ നോക്കി കുറുമ്പോടെ ചിരിച്ചു..!!
തുടരും #📙 നോവൽ #📔 കഥ #💞 പ്രണയകഥകൾ
