ଗ୍ରାମରକ୍ଷୀଙ୍କ ମାସିକ ଭତ୍ତା ବୃଦ୍ଧି କଲେ ମୁଖ୍ୟମନ୍ତ୍ରୀ । ରାଜ୍ୟର ଗ୍ରାମାଞ୍ଚଳରେ କାର୍ଯ୍ୟରତ ଗ୍ରାମରକ୍ଷୀମାନଙ୍କ ପାଇଁ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଏହି ସ୍ୱାଗତଯୋଗ୍ୟ ଘୋଷଣା କରିଛନ୍ତି।ପୂର୍ବରୁ ମିଳୁଥିବା ୧,୮୦୦ ଟଙ୍କା ମାସିକ ଭତ୍ତା ବଦଳରେ ଏଣିକି ଗ୍ରାମରକ୍ଷୀମାନେ ୨,୫୦୦ ଟଙ୍କା ମାସିକ ଭତ୍ତା ପାଇବେ। ଏହି ନିଷ୍ପତ୍ତି ଦ୍ୱାରା ଗ୍ରାମରକ୍ଷୀମାନଙ୍କ ଆର୍ଥିକ ସ୍ଥିତିରେ ସୁଧାର ଆସିବ ବୋଲି ଆଶା କରାଯାଉଛି।ଏହାସହ ଗ୍ରାମରକ୍ଷୀମାନେ ସପ୍ତାହକୁ ଥରେ ସେମାନେ ଯେଉଁ ଥାନା ଅଧୀନରେ କାର୍ଯ୍ୟ କରୁଛନ୍ତି, ସେଠାକୁ ଯାଇ ଉପସ୍ଥାନ ଦେବାକୁ ପଡ଼ିବ। ଏହି ବ୍ୟବସ୍ଥା ଦ୍ୱାରା କାର୍ଯ୍ୟ ପରିଚାଳନା ଓ ସମନ୍ୱୟ ଅଧିକ ସୁଦୃଢ଼ ହେବ।ଉଲ୍ଲେଖନୀୟ ଯେ, ଗ୍ରାମାଞ୍ଚଳରେ ଶାନ୍ତି ଓ ଶୃଙ୍ଖଳା ରକ୍ଷା, ଅପରାଧୀ ଚିହ୍ନଟ ଓ ପୋଲିସକୁ ସହଯୋଗ କରିବାରେ ଗ୍ରାମରକ୍ଷୀମାନଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସରକାରଙ୍କ ଏହି ପଦକ୍ଷେପକୁ ଗ୍ରାମରକ୍ଷୀମାନେ ସ୍ୱାଗତ କରିଛନ୍ତି। #📢୧,୮୦୦ ବଦଳରେ ପାଇବେ ୨,୫୦୦ ଟଙ୍କା🤑

ସୂଚନା ଅନୁଯାୟୀ, ରାଜ୍ୟ ନିର୍ବାଚନ କମିଶନ ସୋମବାର (ଜାନୁଆରୀ ୧୨) ରେ ରିପୋର୍ଟ ଦାଖଲ କରିବାକୁ ମୁଖ୍ୟ ସଚିବ ରାଜେଶ ଅଗ୍ରୱାଲଙ୍କୁ କହିଛନ୍ତି। “ଲଡକୀ ବାହିନ ଯୋଜନା” ହେଉଛି ରାଜ୍ୟ ସରକାରଙ୍କ ଏକ ପ୍ରମୁଖ ଯୋଜନା ଯାହା ଯୋଗ୍ୟ ମହିଳାଙ୍କୁ ମାସିକ ୧୫୦୦ ଟଙ୍କାର ସହାୟତା ପ୍ରଦାନ କରେ। ଏହି ଯୋଜନା ୨୦୨୪ରେ ଆରମ୍ଭ କରାଯାଇଥିଲା । ବିଜେପି ନେତାଙ୍କ ପୋଷ୍ଟ: ଗତ ସପ୍ତାହରେ ଏକ ସୋସିଆଲ ମିଡିଆ ପୋଷ୍ଟରେ, ବିଜେପି ନେତା ଏବଂ ରାଜ୍ୟ ମନ୍ତ୍ରୀ ଗିରିଶ ମହାଜନ କହିଥିଲେ ଯେ, ଡିସେମ୍ବର ୨୦୨୫ ଏବଂ ଜାନୁଆରୀ ୨୦୨୬ର କିସ୍ତି ୩ ହଜାର ଟଙ୍କା ଜାନୁଆରୀ ୧୪ ରେ ପଡୁଥିବା ମକର ସଂକ୍ରାନ୍ତି ପୂର୍ବରୁ ଯୋଗ୍ୟ ହିତାଧିକାରୀଙ୍କ ବ୍ୟାଙ୍କ ଆକାଉଣ୍ଟରେ ଜମା କରାଯିବ। କଂଗ୍ରେସର ଅଭିଯୋଗ: ରାଜ୍ୟ କଂଗ୍ରେସ ନେତା ଏବଂ ଆଇନଜୀବୀ ସନ୍ଦେଶ କୋଣ୍ଡଭିଲକର ଶନିବାର ରାଜ୍ୟ ନିର୍ବାଚନ କମିଶନଙ୍କ ନିକଟରେ ଏକ ଅଭିଯୋଗ ଦାଖଲ କରି ଦାବି କରିଛନ୍ତି ଯେ, ମତଦାନର ଗୋଟିଏ ଦିନ ପୂର୍ବରୁ ଜାନୁଆରୀ ୧୪ ତାରିଖରେ ଦେୟ ପ୍ରସ୍ତାବ ଦିଆଯାଇଥିଲା ଏବଂ ଏହାକୁ ବନ୍ଦ କରିବା ପାଇଁ ରାଜ୍ୟ ନିର୍ବାଚନ କମିଶନଙ୍କ ହସ୍ତକ୍ଷେପ ଲୋଡିଛନ୍ତି। #🚨ମକର ସଂକ୍ରାନ୍ତି ପୂର୍ବରୁ ଖାତାକୁ ଆସିବ ୩ ହଜାର💵

ଯଦି ଆପଣ ବ୍ୟାଙ୍କରେ ଚାକିରି ଖୋଜୁଛନ୍ତି, ତେବେ ଆପଣଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ଆସିଛି। ବ୍ୟାଙ୍କ ଅଫ୍ ଇଣ୍ଡିଆ କ୍ରେଡିଟ୍ ଅଫିସର ପଦବୀ ପାଇଁ ନିଯୁକ୍ତି ଘୋଷଣା କରିଛି। ଯେଉଁଥି ପାଇଁ ସରକାରୀ ୱେବସାଇଟରେ ଆବେଦନ ପ୍ରକ୍ରିୟା ଚାଲିଛି। ତେବେ ଚାଲୁଥିବା ଆବେଦନ ପ୍ରକ୍ରିୟା ଖୁବ୍ ଶୀଘ୍ର ବନ୍ଦ ହୋଇଯିବ। ୫ ଜାନୁଆରୀ ପାବେଦନ କରିବା ପାଇଁ ଶେଷ ତାରିଖ ରହିଛି। ତେଣୁ, ଏହି ନିଯୁକ୍ତି ପାଇଁ ଆବେଦନ କରିବାକୁ ଚାହୁଁଥିବା ଆଗ୍ରହୀ ପ୍ରାର୍ଥୀମାନେ ଯଥାଶୀଘ୍ର ସରକାରୀ ୱେବସାଇଟ୍ ଚେକ୍ କରିବା ଉଚିତ। ପ୍ରାର୍ଥୀମାନେ ତଳେ ଲିଖିତ ପଦକ୍ଷେପଗୁଡ଼ିକୁ ଅନୁସରଣ କରି କିମ୍ବା ପ୍ରଦତ୍ତ ସିଧାସଳଖ ଲିଙ୍କ୍ ବ୍ୟବହାର କରି ମଧ୍ୟ ଆବେଦନ କରିପାରିବେ। #💼ବଡ଼ ଚାକିରି ସୁଯୋଗ : ଶୀଘ୍ର ଆସୁଛି ଶେଷ ତାରିଖ📅

ମାରିଦେଲା ଆମ ବସ! ମାନୁ ନାହାନ୍ତି ମନ ଇଚ୍ଛା ଚଳାଉଛନ୍ତି ଡ୍ରାଇଭର ; ପୁଣି ନେଲା ଜୀବନଆମ ବସ ଧକ୍କାରେ ଚାଲିଗଲା ଜୀବନ। ଏହି ଘଟଣାରେ  ମୃତ୍ୟ ହେଇଥିବା ସୂଚନା ମିଳିଛି। ଭୁବନେଶ୍ୱରର ସହିଦନଗର ଠାରେ ଏହି ଅଘଟଣ ଘଟିଛି । ଗାଡି ଡ୍ରାଇଭର ଏବେ ଘଟଣା ସ୍ଥଳରୁ ଫେରାର ଅଛନ୍ତି । ସୂଚନାମୁତାବକ ଆମ ବସ ଟି ପଛ ପଟୁ ଜୋରସେ ଅଟୋକୁ ଧକ୍କା ଦେଇଥିଲା । ଯାହା ଫଳରେ ଘଟଣା ସ୍ଥଳରେ ହିଁ ଦୁଇ ଜଣଙ୍କ ମୃତ୍ୟ ହେଇଛି। ଏହାପରେ ସ୍ଥାନୀୟ ଲୋକ ମାନେ ସେଠାରେ ଘେରି ଯାଇଛନ୍ତି । ବର୍ତ୍ତମାନ ସୁଦ୍ଧା ସରକାରୀ ସୂଚନା ମିଳିନାହିଁ ଯାହା ଆକଳନ କରାଯାଉଛି ଦୁଇ ଜଣଙ୍କ ମୃତ୍ୟୁ ହେଇଛି ।ରାଜଧାନୀରେ ବଢିଚାଲିଛି ଦୁର୍ଘଟଣା ଜନିତ ମୃତ୍ୟୁ । ପୁଣି ଆମ ବସ ପାଇଁ ଯାଇଛି ଦୁଇ ଜଣଙ୍କ ଜୀବନ । ଏଯାଏଁ ତାଙ୍କର ପରିଚୟ ମିଳିପାରିନି । ତେବେ ପୋଲିସ ଘଟଣାସ୍ଥଳରେ ଉପସ୍ଥିତ ରହି ଆଲୋଚନା କରୁଛନ୍ତି । ଲୋକ ମାନଙ୍କୁ ବୁଝା ସୁଝା କରୁଛନ୍ତି । #🔴Big breaking : ଆମ ବସର ଆତଙ୍କ😱

ଅଷ୍ଟମ ବେତନ କମିଶନ ଆଶାୟୀଙ୍କ ପାଇଁ ଖୁସି ଖବର । ଖୁବ୍ ଶୀଘ୍ର ରାଜ୍ୟରେ ଲାଗୁ ହେବ ୮ମ ବେତନ କମିଶନ । ରାଜ୍ୟ ସରକାର ନେଲେ ବଡ଼ ନିଷ୍ପତ୍ତି । ନୂତନ ବର୍ଷ ଅବସରରେ ଆସାମରେ ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ନୂଆବର୍ଷ ଭେଟି ଦେଇଛନ୍ତି । ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏକ ବଡ଼ ଘୋଷଣା କରିଛନ୍ତି ।ଆସାମ ଦେଶର ପ୍ରଥମ ରାଜ୍ୟ ଭାବରେ ଅଷ୍ଟମ ରାଜ୍ୟ ବେତନ କମିଶନ ଗଠନ କରିବାକୁ ନିଷ୍ପତ୍ତି ନେଇଛି।କେନ୍ଦ୍ର ସରକାରଙ୍କ ଅଷ୍ଟମ ବେତନ କମିଶନ ସମ୍ପର୍କରେ ସାରା ଦେଶରେ ଆଲୋଚନା ଚାଲିଥିବା ବେଳେ, ଆସାମ ସରକାର ଏଥିପାଇଁ ଏକ ରାଜ୍ୟସ୍ତରୀୟ ପ୍ୟାନେଲ ଗଠନ ଘୋଷଣା କରି ନେତୃତ୍ୱ ନେଇଛନ୍ତି।ମୁଖ୍ୟମନ୍ତ୍ରୀ ଶର୍ମା କହିଛନ୍ତି ଯେ, ଏହି ପଦକ୍ଷେପ କର୍ମଚାରୀଙ୍କ କଲ୍ୟାଣ ପାଇଁ ଏକ ଐତିହାସିକ ନିଷ୍ପତ୍ତି। ଅଷ୍ଟମ ବେତନ କମିଶନ ଗଠନ ହେବା ପରେ, ଲକ୍ଷ ଲକ୍ଷ ରାଜ୍ୟ ସରକାରୀ କର୍ମଚାରୀଙ୍କ ଦରମା ଏବଂ ଅବସରପ୍ରାପ୍ତ କର୍ମଚାରୀଙ୍କ ପେନସନରେ ଏକ ଉଲ୍ଲେଖନୀୟ ବୃଦ୍ଧି ଘଟିବ ବୋଲି ଆଶା କରାଯାଉଛି। #💵ରାଜ୍ୟ ସରକାର କଲେ ବଡ଼ ଘୋଷଣା📢

ଗ୍ରେଟର ନୋଏଡାରେ ଏକ ମାମଲା ସାମ୍ନାକୁ ଆସିଛି ଯେଉଁଠାରେ ପ୍ରସବ ସମୟରେ ଜଣେ ମହିଳାଙ୍କ ପେଟରେ କପଡା ରହିଯାଇଥିଲା। ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ବିଫଳ ହେବା ପରେ, ପୀଡିତା କୋର୍ଟରେ ଏକ ଆବେଦନ ଦାଖଲ କରିଥିଲେ। କୋର୍ଟଙ୍କ ନିର୍ଦ୍ଦେଶ ପରେ, ଗୌତମ ବୁଦ୍ଧ ନଗର ପୋଲିସ ସିଏମଓଙ୍କ ସମେତ ଛଅ ଜଣଙ୍କ ବିରୁଦ୍ଧରେ ଏଫଆଇଆର ରୁଜୁ କରିଛି।ଅପରେସନ ହୋଇଥିବା ବାକ୍ସନ ହସ୍ପିଟାଲର ଡାକ୍ତରଙ୍କ ବିରୁଦ୍ଧରେ ମଧ୍ୟ ଏଫଆଇଆର ରୁଜୁ କରାଯାଇଛି। ମାମଲାଟି ନଲେଜ୍ ପାର୍କ ପୋଲିସ ଷ୍ଟେସନ ଅଧୀନରେ ଆସେ ଏବଂ ପ୍ରସବ ୧୪ ନଭେମ୍ବର, ୨୦୨୩ ରେ ହୋଇଥିଲା। ପ୍ରସୂତୀଙ୍କ ପେଟରେ ଡାକ୍ତର ଅଧ ମିଟର କପଡ଼ା ଛାଡ଼ି ଦେଇଛନ୍ତି ।ପ୍ରସବ କରାଇବା ସମୟରେ ଡାକ୍ତରଙ୍କ ଏହି ଅବହେଳା ଚର୍ଚ୍ଚାର ପ୍ରସଙ୍ଗ ପାଲଟିଛି । ପୀଡ଼ିତାଙ୍କ ଅଭିଯୋଗ ପରେ ବି ପୋଲିସ କିଛି ଶୁଣିନଥିଲା । ପରେ ପୀଡ଼ିତା କୋର୍ଟଙ୍କ ଦ୍ବାରସ୍ଥ ହୋଇଥିଲେ । ଏବେ ମୁଖ୍ୟ ଚିକିତ୍ସା ଅଧିକାରୀଙ୍କ ସମେତ ୭ ଜଣଙ୍କ ବିରୋଧରେ ମାମଲା ରୁଜୁ ହୋଇଛି । #👩‍🔬ଛୁଆ ବଦଳରେ ପେଟରେ ରହିଗଲା କପଡ଼ା😱

ରାଜ୍ୟରେ ଜାରି ରହିବ ଶୀତର କୋପ । ଡିସେମ୍ବର ୨୫ ତାରିଖରୁ ରାଜ୍ୟରେ ଶୀତର ପ୍ରକୋପ ଵୃଦ୍ଧି ସମ୍ଭାବନା । ଉତ୍ତର ପଶ୍ଚିମ ଦିଗରୁ ଶୁଷ୍କ ଥଣ୍ଡା ବାୟୁ ପ୍ରବାହ ଵୃଦ୍ଧି ଯୋଗୁ ବଢିପାରେ ଶୀତ । ପଶ୍ଚିମା ଝଡ଼ ପ୍ରସ୍ଥାନ ପ୍ରଭାବରେ ରାତ୍ରି ତାପମାତ୍ରା କମିବା ଆଶଙ୍କା । ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନକେନ୍ଦ୍ର ପକ୍ଷରୁ ସୂଚନା ।ଆଗରୁ ଉତ୍ତର ପଶ୍ଚିମ ଓ ଉତ୍ତର ଦିଗରୁ ଜୋର୍‌ରେ ଥଣ୍ଡା ପବନ ବହୁଥିଲା । ଏହା ପ୍ରଭାବରେ ଶୀତ ଅଧିକ ଅନୁଭୂତ ହେଉଥିଲା । ଏବେ ପବନର ବେଗ ସାମାନ୍ୟ କମିପାରେ । କିନ୍ତୁ ଶୀତର ପ୍ରକୋପରେ ବେଶି ପରିବର୍ତ୍ତନ ଆସିବନି, ଏହା ଜାରି ରହିବ । ୩୦ ତାରିଖ ବେଳକୁ କିଛି ସ୍ଥାନରେ ଅଧିକ ଶୀତ ହେବନି ଓ ପାଗ ଆରାମଦାୟକ ରହିବ ବୋଲି କହିଛି ପାଣିପାଗ ବିଭାଗ । ସୋଆ ପରିବେଶ ଓ ଜଳବାୟୁ କେନ୍ଦ୍ର ନିର୍ଦ୍ଦେଶକ ଡ. ଶରତ ସାହୁ ଏହି ଆକଳନ କରିଛନ୍ତି ।ପାରଦ ତଳମୁହାଁ ହେବା ସହ ପ୍ରବଳ ଶୀତକୁ ଜାଡ କଲବଲ କରୁଛି। ସଞ୍ଜ ନଇଁଲେ ଶୀତର ପ୍ରକୋପ ବଢ଼ିବାରେ ଲାଗୁଛି। ରାତି ଯେତେ ବଢୁଛି, ଜାଡ଼ ସେତେ ଅଧିକ ହେଉଛି । ଜି. ଉଦୟଗିରି ସହରର ତାପମାତ୍ରା ୪ରୁ ୫ଡିଗ୍ରି ରହୁଥିବା ବେଳେ ଦାରିଙ୍ଗବାଡି, ଫୁଲବାଣୀ, ବାଲିଗୁଡ଼ା, ବେଲଘର୍ ସମେତ ଜିଲ୍ଲା ତମାମ ୬ରୁ ୮ ଡିଗ୍ରୀ ମଧ୍ୟ ରେ ତାପମାତ୍ରା ରହୁଥିବା ରେକର୍ଡ କରାଯାଇଛି । #❄️ଜାଡରେ ଭାଙ୍ଗୁଛି ହାଡ଼🦴

କଣ୍ଠଶିଳ୍ପୀ ହ୍ୟୁମାନ ସାଗର ମୃତ୍ୟୁ ମାମଲାରେ ଥାନାରେ ଏତଲା । କଟକ ମର୍କତ ନଗର ଥାନାରେ ଏତଲା ଦେଲେ ହ୍ୟୁମାନଙ୍କ ମାଆ । ପୁଅକୁ ନିର୍ଯାତନା ଦିଆଯାଇଥିବା ଅଭିଯୋଗ କଲେ ହ୍ୟୁମାନଙ୍କ ମାଆ । ହ୍ୟୁମାନଙ୍କ ସନ୍ଦେହଜନକ ମୃତ୍ୟୁର ତଦନ୍ତ ଦାବି କରି ଥାନାରେ ଏତଲା ଦେଇଛନ୍ତି ମା’ ଶେଫାଳୀ ସୁନା । ତେବେ ମୃତ୍ୟୁର କାରଣ ସ୍ପଷ୍ଟ ହୋଇ ନଥିବା ନେଇ ଏତଲାରେ ଉଲ୍ଲେଖ ହୋଇଛି । ଅବହେଳା, ଦୁର୍ବ୍ୟବହାର, ଚାପ, ବିଷକ୍ରିୟା, ନିଶାଦ୍ରବ୍ୟ ପ୍ରୟୋଗର ତଦନ୍ତ ଦାବି । ଷଡ଼ଯନ୍ତ୍ର, ଆର୍ଥିକ ହେରଫେର୍, ଡିଜିଟାଲ ପ୍ରମାଣ ନଷ୍ଟ ସଂପର୍କିତ ତଦନ୍ତ ଦାବି କରିଛନ୍ତି ମା’ ଶେଫାଳୀ ସୁନା ।ହ୍ୟୁମାନଙ୍କର ମୃତ୍ୟୁ ହୋଇନାହିଁ ବରଂ ତାଙ୍କୁ ଜାଣିଶୁଣି ମାରିଦିଆଯାଇଛି ବୋଲି ଅଭିଯୋଗ ଆଣିଛନ୍ତି ମାଆ ଶେଫାଳୀ । ଆଜ୍ଞା ହଁ, ଗତ ନଭେମ୍ବର ୧୭ ତାରିଖରେ ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଅବସ୍ଥାରେ ଲୋକପ୍ରିୟ କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ଦେହାନ୍ତ ହୋଇଥିଲା । ଆଉ ସେହିଦିନ ଠାରୁ ଲାଗି ରହିଛି ବାଦବିବାଦ । #🚨ଥାନାରେ ହ୍ୟୁମାନ ସାଗରଙ୍କ ମା😱

ଯାତ୍ରୀଗଣ ଦୟାକରି ଧ୍ୟାନ ଦିଅନ୍ତୁ। ଟ୍ରେନରେ ଯାତ୍ରା କରୁଥିଲେ ଆପଣଙ୍କ ପାଇଁ ଜରୁରୀ ଖବର। ଟ୍ରେନରେ ଯାତ୍ରା କରିବା ଏବେ ପଡିପାରେ ମହଙ୍ଗା। ଡିସେମ୍ୱର 26 ତାରିଖରୁ ଭଡ଼ା ବୃଦ୍ଧି ହେବାକୁ ଯାଉଛି। ଏହି ବୃଦ୍ଧି ମୁଖ୍ୟତଃ ଦୂରଗାମୀ ଯାତ୍ରାକୁ ପ୍ରଭାବିତ କରିବ, ଯେତେବେଳେ କ୍ଷୁଦ୍ରଗାମୀ ଯାତ୍ରୀମାନଙ୍କୁ କିଛି ଆଶ୍ୱସ୍ତି ଦିଆଯାଇଛି। ରେଳବାଇ ଅନୁଯାୟୀ, 215 କିଲୋମିଟର ପର୍ଯ୍ୟନ୍ତ ସାଧାରଣ ଶ୍ରେଣୀ ଯାତ୍ରା ପାଇଁ ଭଡ଼ା ବୃଦ୍ଧି କରାଯାଇ ନାହିଁ, କିନ୍ତୁ ଏହାଠାରୁ ଅଧିକ ଦୂରତା ପାଇଁ, ସାଧାରଣ ଶ୍ରେଣୀରେ ପ୍ରତି କିଲୋମିଟର ପାଇଁ ଏକ ପଇସା ଅତିରିକ୍ତ ଆଦାୟ କରାଯିବ।ଲୋକାଲ ଏବଂ ଏକ୍ସପ୍ରେସ ଟ୍ରେନରେ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ, ଅଣ-ଏସି ଏବଂ ଏସି ଉଭୟ ଶ୍ରେଣୀରେ ପ୍ରତି କିଲୋମିଟର ପାଇଁ ଦୁଇ ପଇସା ଭଡ଼ା ବୃଦ୍ଧି କରାଯାଇଛି। ଏହାର ଅର୍ଥ ହେଉଛି ଅଣ-ଏସିରେ 500 କିଲୋମିଟର ଯାତ୍ରା କରୁଥିବା ଯାତ୍ରୀଙ୍କୁ ପୂର୍ୱ ଅପେକ୍ଷା ପ୍ରାୟ 10 ଟଙ୍କା ଅଧିକ ଦେବାକୁ ପଡ଼ିବ। #🎫୨୬ ଡିସେମ୍ୱରରୁ ହେବ ପ୍ରବଳ ମହଙ୍ଗା📈