​നിയമം എല്ലാവർക്കും ഒന്നാണോ? സാധാരണക്കാരന്റെ നെഞ്ചത്ത് കയറുന്ന പോലീസും തണലൊരുക്കുന്ന അധികാരവും: ​സോഷ്യൽ മീഡിയയിൽ ഇപ്പോൾ നിറഞ്ഞുനിൽക്കുന്നത് വിവാദങ്ങളും വിചിത്രമായ വിവാഹവാർത്തകളുമാണ്. എന്നാൽ ഇതിനിടയിൽ നാം കാണാതെ പോകുന്നതോ മനഃപൂർവ്വം കണ്ടില്ലെന്ന് നടിക്കുന്നതോ ആയ ഒരു വലിയ യാഥാർത്ഥ്യമുണ്ട്: അധികാരമുള്ളവന് ഒരു നിയമം, സാധാരണക്കാരന് മറ്റൊരു നിയമം. കേരളത്തിലെ രാഷ്ട്രീയ നേതാക്കളും പോലീസും തമ്മിലുള്ള അവിശുദ്ധ കൂട്ടുകെട്ടിന്റെ പുതിയ ഉദാഹരണങ്ങൾ ഓരോ ദിവസവും പുറത്തുവരുമ്പോൾ, ഈ നാട്ടിലെ സാധാരണക്കാരൻ എവിടെ നിൽക്കുന്നു എന്ന ചോദ്യം പ്രസക്തമാകുകയാണ്. ​ലാത്തിക്ക് ശക്തി കൂടുന്നത് സാധാരണക്കാരന്റെ  മുൻപിൽ മാത്രം ​ഒരു രാഷ്ട്രീയ നേതാവിനെതിരെ കേസെടുക്കാൻ നിയമോപദേശം തേടി മാസങ്ങളോളം ഫയലുകൾക്കിടയിൽ വിശ്രമിക്കുന്ന പോലീസ്, റോഡരികിൽ നിൽക്കുന്ന സാധാരണക്കാരനെ കാണുമ്പോൾ പുലിയാകുന്നത് പതിവ് കാഴ്ചയാണ്. നിയമം ലംഘിക്കുന്ന നേതാവിനെ സല്യൂട്ട് അടിച്ച് സ്വീകരിക്കുന്നവർ, എന്തിനാണ് നിൽക്കുന്നതെന്ന് ചോദിക്കാതെ സാധാരണക്കാരന്റെ കരണത്തടിക്കാൻ മടിക്കുന്നില്ല. വീട്ടിലെ പ്രശ്നങ്ങൾ പോലും റോഡിലെ പാവപ്പെട്ടവന്റെ മേൽ തീർക്കുന്ന പോലീസുകാർ അറിയുന്നുണ്ടോ, നിങ്ങൾ സംരക്ഷിക്കേണ്ടത് ഈ നാട്ടിലെ നീതിയാണെന്ന്? ​ നിരപരാധിയും പോക്സോ കേസും: തിരിച്ചു കിട്ടാത്ത ജീവിതം ​ഒരു സാധാരണക്കാരനെതിരെ ഒരു പരാതി വന്നാൽ, പ്രത്യേകിച്ച് പോക്സോ പോലുള്ള ഗൗരവകരമായ കേസുകളിൽ, സത്യമെന്തെന്ന് അന്വേഷിക്കാൻ പോലും പോലീസ് തയ്യാറാകാറില്ല. അടിച്ചു അവശനാക്കി ലോക്കപ്പിലിട്ട് പീഡിപ്പിച്ച ശേഷം, വർഷങ്ങൾ കഴിഞ്ഞ് അയാൾ നിരപരാധിയാണെന്ന് തെളിഞ്ഞാൽ ആര് മറുപടി പറയും? ആ മനുഷ്യന്റെ നഷ്ടപ്പെട്ട അന്തസ്സും കുടുംബവും ആര് തിരിച്ചുനൽകും? ഇതേ ആരോപണം ഒരു മന്ത്രിയ്‌ക്കോ നേതാവിനോ എതിരെ വന്നാൽ എന്താണ് സംഭവിക്കുന്നത്? അവിടെ നിയമം വിറയ്ക്കുന്നു, അന്വേഷണം ഇഴയുന്നു. ​ പോലീസ് സ്റ്റേഷൻ: സാധാരണക്കാരന്റെ പേടിസ്വപ്നം: ​ഒരു പരാതി നൽകാൻ പോലീസ് സ്റ്റേഷനിൽ പോകുന്ന സാധാരണക്കാരൻ അവിടെ നേരിടേണ്ടി വരുന്ന അവഗണന ചെറുതല്ല. ഒരു കോൺസ്റ്റബിളിനെ കാണാൻ പോലും മണിക്കൂറുകൾ കാത്തുനിൽക്കണം. ഇതിനിടയിൽ ഉദ്യോഗസ്ഥരുടെ പരിഹാസങ്ങളും ചോദ്യം ചെയ്യലുകളും വേറെ. എന്നാൽ ഒരു രാഷ്ട്രീയ നേതാവ് വരുമ്പോൾ സ്റ്റേഷന്റെ ഗേറ്റുകൾ മലർക്കെ തുറക്കപ്പെടുന്നു. എസ്.ഐയുടെ റൂമിലേക്ക് നേരിട്ട് പ്രവേശനം ലഭിക്കുന്നു. പണവും പവറും ഉണ്ടെങ്കിൽ പോലീസ് സംരക്ഷകനാവുകയും പാവപ്പെട്ടവന് മുന്നിൽ അവർ ഭീകരരാവുകയും ചെയ്യുന്ന ഈ അവസ്ഥ സിനിമകളിലെ വില്ലൻ വേഷങ്ങളെക്കാൾ ഭീകരമാണ്. ​ സോഷ്യൽ മീഡിയയും 'വൈറൽ' നീതിയും: ​ഇന്ന് സാധാരണക്കാരന്റെ ഏക ആശ്വാസം കയ്യിലുള്ള മൊബൈൽ ഫോണാണ്. പോലീസിന്റെ അതിക്രമങ്ങൾ വീഡിയോ എടുക്കാനും അത് ജനങ്ങളിലെത്തിക്കാനും കഴിയുന്നത് കൊണ്ട് മാത്രം പലരും ഇന്ന് രക്ഷപ്പെടുന്നുണ്ട്. അല്ലാത്തപക്ഷം, ഈ ലാത്തികൾക്ക് മുന്നിൽ എത്രപേർ നിശബ്ദരാക്കപ്പെട്ടേനെ! കേരളത്തെ പരിഹസിക്കാൻ കാത്തിരിക്കുന്ന ദേശീയ മാധ്യമങ്ങൾക്ക് മുന്നിലേക്ക് ഇത്തരം സംഭവങ്ങൾ നമ്മൾ തന്നെ ഇട്ടുകൊടുക്കുകയാണ്. ​ എല്ലാവരും എൽ.എൽ.ബി പഠിച്ച് നിയമം സംസാരിക്കണം എന്ന് പറയുന്നത് പ്രായോഗികമല്ല. എന്നാൽ ഓരോ പൗരന്റെയും അവകാശങ്ങൾ സംരക്ഷിക്കാൻ പോലീസ് ബാധ്യസ്ഥരാണ്. പോലീസിന്റെ സേവനം മുതലാളിമാർക്കും നേതാക്കന്മാർക്കും മാത്രമുള്ളതല്ല എന്ന് തെളിയിക്കേണ്ട സമയം അതിക്രമിച്ചിരിക്കുന്നു. അധികാരം തലയ്ക്ക് പിടിച്ചവർ ഓർക്കുക, നിങ്ങൾ അടിക്കുന്നത് ഈ രാജ്യത്തെ നീതിന്യായ വ്യവസ്ഥയുടെ നെഞ്ചത്താണ്. -The Dissent Diary നിങ്ങളുടെ അഭിപ്രായം കമന്റ്‌ ചെയ്യൂ #രാഷ്ട്രീയ അഴിമതികൾ #🙋‍♀️ എൻ്റെ സ്റ്റാറ്റസുകൾ #💚തനി മലയാളി #✍️Life_Quotes

​കേരളം ആർക്കൊപ്പം? പ്രവചനാതീതമായ പോരാട്ടവും രാഷ്ട്രീയ കണക്കുകൂട്ടലുകളും ​കേരളത്തിന്റെ രാഷ്ട്രീയ മനസ്സ് ഇപ്പോൾ മെയ് നാലിന് വരാനിരിക്കുന്ന ജനവിധിയുടെ കാത്തിരിപ്പിലാണ്. ആർക്കും വ്യക്തമായ മേധാവിത്വം പ്രവചിക്കാനാകാത്ത വിധം അത്രമേൽ ശക്തമായ പോരാട്ടമാണ് ഇത്തവണ നടന്നത്. ഭരണവിരുദ്ധ വികാരവും പാർട്ടി സംവിധാനങ്ങളുടെ കരുത്തും തമ്മിലുള്ള നേർക്കുനേർ പോരാട്ടമായി ഈ തിരഞ്ഞെടുപ്പ് മാറിയിരിക്കുന്നു. ​എൽ.ഡി.എഫ്: ആത്മവിശ്വാസവും വെല്ലുവിളികളും ​ആദ്യ ഭരണകാലത്ത് ജനപ്രീതി നേടിയെടുത്ത എൽ.ഡി.എഫ് സർക്കാർ, രണ്ടാം ഊഴത്തിലേക്ക് എത്തിയപ്പോൾ ആ പാതയിൽ നിന്ന് വ്യതിചലിച്ചോ എന്ന സംശയം ജനങ്ങൾക്കിടയിലുണ്ട്. കമ്മ്യൂണിസ്റ്റ് ശൈലി വിട്ട് ക്യാപിറ്റലിസ്റ്റ് രീതികളിലേക്ക് ഭരണം മാറിയെന്ന വിമർശനം പാർട്ടിയുടെ ആത്മവിശ്വാസത്തെ ഒരല്പം തളർത്തിയിട്ടുണ്ട്. മികച്ച ഭരണം കാഴ്ചവെച്ചിരുന്നെങ്കിൽ മൂന്നാം തുടർച്ച എന്ന ചരിത്രനേട്ടത്തിലേക്ക് അവർക്ക് എളുപ്പത്തിൽ എത്താമായിരുന്നു. എങ്കിലും, അടിത്തട്ടിലെ സംഘടനാ സംവിധാനം ഇത്തവണയും 70 മുതൽ 80 വരെ സീറ്റുകൾ നേടി ഭരണം നിലനിർത്താൻ അവരെ സഹായിച്ചേക്കാം എന്നൊരു വിലയിരുത്തലുണ്ട്. ​ യു.ഡി.എഫ്: നേതാക്കളുണ്ട്, പക്ഷേ നേതൃത്വമുണ്ടോ? ​ യു.ഡി.എഫിനെ സംബന്ധിച്ചിടത്തോളം നിലവിലെ ഭരണവിരുദ്ധ വികാരം വോട്ടാക്കി മാറ്റാൻ വലിയൊരു അവസരമാണ് മുന്നിലുള്ളത്. എന്നാൽ ഉമ്മൻചാണ്ടിയെപ്പോലെ സർവസമ്മതനായ, എല്ലാവരെയും ഒന്നിപ്പിച്ചു കൊണ്ടുപോകുന്ന ഒരു കരുത്തനായ നേതാവിന്റെ അഭാവം അവർക്ക് വലിയ തിരിച്ചടിയാണ്. അണികളേക്കാൾ കൂടുതൽ നേതാക്കളുള്ള, അധികാരമോഹങ്ങൾ കലഹമുണ്ടാക്കുന്ന ഒരു മുന്നണിയായി യു.ഡി.എഫ് മാറുന്നുണ്ടോ എന്ന ചോദ്യം പ്രസക്തമാണ്. ആരെയും ഉറപ്പിച്ചു പറയാൻ കഴിയാത്ത ഒരു നേരിയ മുൻതൂക്കം യു.ഡി.എഫിനും അവകാശപ്പെടാനുണ്ട്. ​ ബി.ജെ.പി: പാലക്കാട്ടെ 'ലഡ്ഡു' പൊട്ടുമോ? ​ ബി.ജെ.പിയെ സംബന്ധിച്ച് ഒന്നുമുതൽ മൂന്ന് സീറ്റുകൾ വരെയാണ് പ്രാഥമിക വിലയിരുത്തലുകൾ നൽകുന്ന പ്രതീക്ഷ. പ്രത്യേകിച്ച് പാലക്കാട് മണ്ഡലത്തിൽ അവർക്ക് വലിയ മുൻതൂക്കം ലഭിക്കുന്നുണ്ട്. രാഷ്ട്രീയ പാരമ്പര്യമില്ലാത്ത രമേശ് പിഷാരടിയെ യു.ഡി.എഫ് സ്ഥാനാർത്ഥിയാക്കിയത് ബി.ജെ.പിക്ക് വലിയ ആശ്വാസമാണ് നൽകിയത്. ഇത് പാലക്കാട് താമര വിരിയാൻ വഴിയൊരുക്കുമോ എന്നത് കണ്ടറിയണം. എങ്കിലും പിഷാരടിയെ പൂർണ്ണമായും എഴുതിത്തള്ളാൻ യു.ഡി.എഫ് തയ്യാറല്ല. ​ പൊന്നാപുരം കോട്ടകൾ ഇളകുമോ? ​ഇത്തവണത്തെ തിരഞ്ഞെടുപ്പിൽ പ്രമുഖ നേതാക്കളും മന്ത്രിമാരും ഉൾപ്പെടെ കടുത്ത മത്സരമാണ് നേരിടുന്നത്. മുന്നണികളുടെ ഉറച്ച കോട്ടകളിൽ പോലും അട്ടിമറികൾ സംഭവിച്ചേക്കാം. ഭൂരിപക്ഷത്തിന്റെ കാര്യത്തിൽ വലിയൊരു തരംഗം ഉണ്ടാകാൻ സാധ്യത കുറവാണ്. ഇരു മുന്നണികളും 70-80 എന്ന നിലയിൽ ഒപ്പത്തിനൊപ്പമുള്ള പോരാട്ടമാണ് കാഴ്ചവയ്ക്കുന്നത്. ​ഭരണവിരുദ്ധ തരംഗം ആഞ്ഞടിച്ചാൽ അത് മുതലാക്കാൻ യു.ഡി.എഫിന് കഴിയുമോ? അതോ സംഘടനാ കരുത്തിൽ എൽ.ഡി.എഫ് ചരിത്രം തിരുത്തുമോ? ബി.ജെ.പി കേരളത്തിന്റെ രാഷ്ട്രീയ ഭൂപടത്തിൽ തങ്ങളുടെ സ്വാധീനം വർദ്ധിപ്പിക്കുമോ? ഈ ചോദ്യങ്ങൾക്കെല്ലാം മെയ് നാലിന് കൃത്യമായ മറുപടി ലഭിക്കും. -The Dissent Diary നിങ്ങളുടെ അഭിപ്രായം കമന്റ്‌ ചെയ്യൂ #രാഷ്ട്രീയ അഴിമതികൾ #✍️Life_Quotes #💚തനി മലയാളി #🙋‍♀️ എൻ്റെ സ്റ്റാറ്റസുകൾ

വികസനത്തിന്റെ തിളക്കം ആർക്കുവേണ്ടി? സാധാരണക്കാരന്റെ പൊള്ളുന്ന ചോദ്യങ്ങൾ ​കേരളത്തിൽ ഭരണം മാറിമാറി വരും, രാഷ്ട്രീയക്കാർ പ്രസംഗിക്കും, വികസന പദ്ധതികളുടെ നീണ്ട നിര തന്നെ പ്രഖ്യാപിക്കപ്പെടും. എന്നാൽ ഈ വികസനത്തിന്റെ ഗുണഭോക്താക്കൾ യഥാർത്ഥത്തിൽ ആരാണ്? ഒരു ബസ് സ്റ്റോപ്പിന് 10 ലക്ഷം രൂപ അനുവദിക്കുന്ന ഭരണകൂടം, ഒരു സാധാരണക്കാരന്റെ സ്വപ്നമായ വീടിന് നാല് ലക്ഷം മാത്രം നിശ്ചയിക്കുന്നത് എന്ത് നീതിയുടെ അടിസ്ഥാനത്തിലാണ്? ​ഇലക്ഷൻ കാലത്തെ 'തോളിൽ കൈയിടൽ' നാടകങ്ങൾ ​വോട്ട് ചോദിച്ചു വരുമ്പോൾ ഈ നേതാക്കളുടെ വിനയം കണ്ടാൽ ആരും അതിശയിച്ചുപോകും. സാധാരണക്കാരന്റെ വീട്ടിലെ ഉമ്മറത്ത് വന്നിരുന്ന്, തോളിൽ കൈയിട്ട്, കുടുംബത്തിലെ കാര്യങ്ങൾ തിരക്കി, എല്ലാ പ്രശ്നങ്ങളും പരിഹരിക്കാമെന്ന് വാഗ്ദാനം നൽകി ചിരിച്ചുകൊണ്ട് അവർ വോട്ട് ഉറപ്പിക്കും. എന്നാൽ ഇലക്ഷൻ കഴിഞ്ഞ് ജയിച്ചു പോയാലോ? ​പിന്നീട് ആ നേതാവിനെ ഒന്ന് നേരിൽ കാണണമെങ്കിൽ പോലും സാധാരണക്കാരന് സാധിക്കില്ല. സെക്യൂരിറ്റിയും പിഎമാരും പാർട്ടി ഗുണ്ടകളും തീർക്കുന്ന മതിലുകൾക്കപ്പുറം അവർ സുരക്ഷിതരായിരിക്കും. തന്റെ പരാതി ഒന്ന് ബോധിപ്പിക്കാൻ സാധാരണക്കാരൻ ഓഫീസുകൾക്ക് മുന്നിൽ മണിക്കൂറുകളോളം കാത്തുനിൽക്കേണ്ടി വരുന്നു. വോട്ട് വാങ്ങാൻ കാണിച്ച ആവേശം ജനങ്ങളുടെ പ്രശ്നങ്ങൾ കേൾക്കാൻ ഈ നേതാക്കൾ കാണിക്കാറില്ല എന്നതാണ് നഗ്നമായ സത്യം. ​പ്രഖ്യാപനങ്ങളിലെ പൊള്ളത്തരങ്ങൾ ​ഏതാനും ഷീറ്റുകൾ അടിച്ച ഒരു ചെറിയ ബസ് കാത്തിരിപ്പുകേന്ദ്രത്തിന് 7 മുതൽ 10 ലക്ഷം രൂപ വരെ ബജറ്റ് വരുന്നത് ഇന്ന് ഒരു വാർത്തയല്ല. ഇത്തരം നിർമ്മാണങ്ങളിലെ സുതാര്യത എപ്പോഴും ചോദ്യചിഹ്നമാണ്. അതേസമയം, അടച്ചുറപ്പുള്ള ഒരു വീടിനായി സർക്കാർ നൽകുന്ന നാല് ലക്ഷം രൂപ ഇന്ന് ഒന്നിനും തികയില്ല. ആ തുക ഒന്ന് പാസ്സായി കിട്ടാൻ പഞ്ചായത്ത് ഓഫീസുകൾ 30 തവണയെങ്കിലും കയറിയിറങ്ങി ചെരിപ്പ് തേയുന്ന ദയനീയാവസ്ഥയാണ് ഇന്ന് ഗുണഭോക്താക്കൾ നേരിടുന്നത്. ​രാഷ്ട്രീയപ്പാർട്ടികളുടെ ഇരട്ടത്താപ്പ് ​ഭരണപക്ഷത്തായാലും പ്രതിപക്ഷത്തായാലും, ജനകീയ വിഷയങ്ങളിൽ രാഷ്ട്രീയ പാർട്ടികൾ ഒരേ നാണയത്തിന്റെ രണ്ടു വശങ്ങൾ മാത്രമാണ്. അധികാരം പിടിക്കാനും സീറ്റുകൾ ഉറപ്പിക്കാനും നടത്തുന്ന പോരാട്ടങ്ങൾക്കിടയിൽ പാവപ്പെട്ടവന്റെ അടിസ്ഥാന ആവശ്യങ്ങൾ വിസ്മരിക്കപ്പെടുന്നു. ​ക്ഷേമ പെൻഷനിലെ അനിശ്ചിതത്വം: മാസങ്ങളോളം ക്ഷേമ പെൻഷൻ മുടങ്ങുന്നത് പാവപ്പെട്ടവർക്ക് വലിയ ആഘാതമാണ് സൃഷ്ടിക്കുന്നത്. എന്നാൽ ഭരണാധികാരികളുടെയോ സർക്കാർ ഉദ്യോഗസ്ഥരുടെയോ ശമ്പളവും ആനുകൂല്യങ്ങളും കൃത്യമായി വിതരണം ചെയ്യപ്പെടുന്നു. ​ആവശ്യമില്ലാത്ത സമരങ്ങൾ: പെൻഷൻ അയ്യായിരം രൂപയാക്കണമെന്നോ, പാവപ്പെട്ടവന്റെ ഭവന നിർമ്മാണത്തിന് 10 ലക്ഷം അനുവദിക്കണമെന്നോ ആവശ്യപ്പെട്ട് ഏതെങ്കിലും രാഷ്ട്രീയ പാർട്ടി ആത്മാർത്ഥമായി സമരം ചെയ്യാറുണ്ടോ? ​വിഡ്ഢികളാക്കപ്പെടുന്ന ജനങ്ങൾ ​രാഷ്ട്രീയക്കാർ തമ്മിൽ പരസ്പരം കുറ്റപ്പെടുത്തുന്നത് അവരുടെ നിലനിൽപ്പിന് വേണ്ടിയാണ്. കൊടിയും പിടിച്ച് രാഷ്ട്രീയക്കാർക്ക് പിന്നാലെ പോകുന്ന ജനങ്ങൾ തിരിച്ചറിയേണ്ട ഒരു കാര്യമുണ്ട്: അധികാരം കയ്യാളുന്നവർക്ക് അവരുടെ സുഖസൗകര്യങ്ങളാണ് പ്രധാനം. ജനങ്ങൾക്ക് എന്തെങ്കിലും നൽകേണ്ടി വരുമ്പോൾ ഖജനാവ് കാലിയാണെന്ന് പറയുന്നവർ, സ്വന്തം ധൂർത്തുകൾക്ക് യാതൊരു കുറവും വരുത്താറില്ല. ​നമ്മുടെ വോട്ടുകൊണ്ട് ജയിക്കുന്നവർ നമ്മളെ തന്നെ വിഡ്ഢികളാക്കുന്ന ഈ രീതി നാം തിരിച്ചറിയണം. ചോദ്യങ്ങൾ രാഷ്ട്രീയക്കാർക്ക് നേരെയുള്ളതാകണം, പാർട്ടികൾക്ക് വേണ്ടിയുള്ളതാകരുത്. #രാഷ്ട്രീയ അഴിമതികൾ

'ഡീൽ' ആരോപണങ്ങൾക്കിടയിൽ 'സീൽ' അനാസ്ഥ; ​ഡീലും സീലും: ജനാധിപത്യത്തിന്റെ വിശ്വാസ്യത ചോദ്യം ചെയ്യപ്പെടുമ്പോൾ ​കേരളത്തിൽ ഇലക്ഷൻ ചൂട് കൊടുമ്പിരിക്കൊള്ളുമ്പോൾ വികസന ചർച്ചകളേക്കാൾ ഉപരിയായി 'ഡീൽ-സീൽ' ആരോപണങ്ങളാണ് ചർച്ചയാകുന്നത്. രാഷ്ട്രീയ പാർട്ടികൾ പരസ്പരം ഉന്നയിക്കുന്ന ആരോപണങ്ങൾ ഒരു വശത്ത്, എന്നാൽ ജനാധിപത്യത്തിന്റെ കാവൽക്കാരാകേണ്ട ഉദ്യോഗസ്ഥ സംവിധാനങ്ങളിൽ നിന്നുണ്ടാകുന്ന വീഴ്ചകൾ മറുവശത്ത്. ഇത് സാധാരണക്കാരെ സംബന്ധിച്ചിടത്തോളം വലിയ ആശങ്കയാണ് ഉണ്ടാക്കുന്നത്. ​1. ഇലക്ഷൻ കമ്മീഷന്റെ സീൽ വിവാദം: വെറുമൊരു അനാസ്ഥയോ? ​തിരഞ്ഞെടുപ്പ് കമ്മീഷൻ അയച്ച ഔദ്യോഗിക കത്തിൽ ഒരു രാഷ്ട്രീയ പാർട്ടിയുടെ സീൽ പതിഞ്ഞു എന്നത് അങ്ങേയറ്റം ഗൗരവകരമായ കാര്യമാണ്. ഇത് വെറുമൊരു സാങ്കേതിക പിഴവായി കണ്ട് തള്ളിക്കളയാനാവില്ല. ​നിഷ്പക്ഷതയിലെ വിള്ളൽ: ഒരു രാഷ്ട്രീയ പാർട്ടിയുടെ സീൽ എങ്ങനെ കമ്മീഷന്റെ ഓഫീസിലെത്തി എന്നതും അത് ഔദ്യോഗിക രേഖയിൽ പതിഞ്ഞു എന്നതും അവിശ്വസനീയമാണ്. ​സംവിധാനങ്ങളുടെ പരാജയം:മുൻപ് ആരോ പറഞ്ഞപോലെ റേഷൻ വാങ്ങാൻ പോലും ബയോമെട്രിക് സംവിധാനം ഉപയോഗിക്കുന്ന ഇന്ത്യയിൽ എന്തുക്കൊണ്ട് ഇലക്ഷന് ബിയോമേട്രിക് സംവിധാനം ഉപയോഗിച്ചൂടാ എന്ന് ചിന്തിക്കേണ്ടി ഇരിക്കുന്നു , ഡിജിറ്റൽ ഇന്ത്യയെക്കുറിച്ച് സംസാരിക്കുന്ന ഈ കാലഘട്ടത്തിൽ ഇലക്ഷൻ കമ്മീഷനെപ്പോലെയുള്ള ഉന്നത സ്ഥാപനങ്ങളിൽ ഇത്തരം അനാസ്ഥകൾ സംഭവിക്കുന്നത് ജനങ്ങളുടെ വിശ്വാസം തകർക്കാൻ മാത്രമേ ഉപകരിക്കൂ. ​തിരുത്തപ്പെടേണ്ട പിഴവ്: ഉദ്യോഗസ്ഥരുടെ ഭാഗത്തുനിന്നുണ്ടായ ഈ വീഴ്ച രാഷ്ട്രീയ പാർട്ടികൾക്ക് പുതിയൊരു ആയുധമായി മാറിയിരിക്കുകയാണ്. ജനാധിപത്യത്തിന്റെ സുതാര്യത ഉറപ്പാക്കേണ്ടവർ തന്നെ ഇത്തരത്തിൽ പിഴവുകൾ വരുത്തുമ്പോൾ, ഇലക്ഷൻ തന്നെ ഒരു നാടകമായി മാറുമോ എന്ന ഭയം വോട്ടർമാരിൽ ഉണ്ടാകുന്നു. ​2. ആരോപണങ്ങളുടെ പുകമറ ​പതിവുപോലെ തന്നെ എൽ.ഡി.എഫും യു.ഡി.എഫും ബി.ജെ.പിയും പരസ്പരം 'ഡീൽ' ആരോപണങ്ങളുമായി രംഗത്തുണ്ട്. തോൽവി മുന്നിൽ കാണുമ്പോൾ നിരത്താൻ ഒരു കാരണമായി പലപ്പോഴും ഈ ഡീൽ വിവാദങ്ങൾ മാറാറുണ്. അവിശുദ്ധ കൂട്ടുകെട്ടുകൾ നടക്കുന്നുണ്ടെന്ന ആരോപണം ഇത്തവണയും ശക്തമാണ്. ഇത്തരം വാക്പോരുകൾക്കിടയിൽ ജനങ്ങളുടെ യഥാർത്ഥ പ്രശ്നങ്ങൾ ചർച്ച ചെയ്യപ്പെടാതെ പോകുന്നു എന്നതാണ് വാസ്തവം. ​3. മാറ്റം അനിവാര്യം ​ചാനൽ ചർച്ചകളിൽ വന്നിരുന്ന് പരസ്പരം ചെളിവാരിയെറിയുന്ന രാഷ്ട്രീയ ശൈലി സാധാരണക്കാർക്ക് മടുത്തു കഴിഞ്ഞു. ഓരോ പാർട്ടിയും ജനങ്ങൾക്ക് വേണ്ടി എന്ത് ചെയ്തു എന്ന് വിലയിരുത്തേണ്ട സമയമാണിത്. എന്നാൽ ഇന്ന് വോട്ടർമാർക്ക് മുന്നിൽ നിൽക്കുന്നത് വികസനമല്ല, മറിച്ച് പരസ്പരമുള്ള ആരോപണങ്ങളും ഭരണസംവിധാനങ്ങളുടെ അനാസ്ഥകളുമാണ്. ​ഉപസംഹാരം തിരഞ്ഞെടുപ്പ് കമ്മീഷന്റെ ഭാഗത്തുനിന്നുണ്ടായ സീൽ വിവാദം ഗൗരവകരമായ അന്വേഷണത്തിന് വിധേയമാക്കേണ്ടതാണ്. ജനങ്ങളുടെ വോട്ടിനും വിശ്വാസത്തിനും വിലയുള്ള ഒരു ജനാധിപത്യ വ്യവസ്ഥയിൽ ഇത്തരം വീഴ്ചകൾക്ക് സ്ഥാനമില്ല. രാഷ്ട്രീയ നാടകങ്ങൾക്കപ്പുറം സുതാര്യമായ ഒരു തിരഞ്ഞെടുപ്പ് പ്രക്രിയയാണ് നാടിന് ആവശ്യം. -The Dissent Diary നിങ്ങളുടെ അഭിപ്രായം കമന്റ്‌ ചെയ്യൂ #രാഷ്ട്രീയ അഴിമതികൾ

​വോട്ട് ബാങ്ക് രാഷ്ട്രീയവും തളരുന്ന പൊതുജനവും: ഒരു തുറന്നെഴുത്ത്. ​ട്രേഡ് യൂണിയനുകളും മാറുന്ന സർക്കാരുകളും: സംരക്ഷിക്കപ്പെടുന്നത് ആരുടെ അവകാശങ്ങൾ? ​തൊഴിലാളികളുടെ അവകാശങ്ങൾ സംരക്ഷിക്കാനും അവർക്ക് നീതി ഉറപ്പാക്കാനും രൂപംകൊണ്ട സംഘടനകളാണ് ട്രേഡ് യൂണിയനുകൾ. എന്നാൽ ഇന്നത്തെ കേരളീയ സാഹചര്യത്തിൽ, ഈ യൂണിയനുകൾ സാധാരണക്കാരന്റെ ജീവിതം ദുസ്സഹമാക്കുന്ന ഉദ്യോഗസ്ഥർക്കും നിയമലംഘകർക്കും ഒത്താശ ചെയ്യുന്ന രക്ഷാകവചങ്ങളായി മാറുകയാണോ എന്ന ഗൗരവകരമായ ചോദ്യം ഉയരുന്നു. ​സർക്കാർ ഓഫീസുകൾ: സേവനമോ അതോ അവഗണനയോ? ​ഒരു വില്ലേജ് ഓഫീസിലോ പഞ്ചായത്തോഫീസിലോ എത്തുന്ന സാധാരണക്കാരന് ലഭിക്കുന്നത് അർഹമായ സേവനമല്ല, മറിച്ച് ഉദ്യോഗസ്ഥരുടെ പുച്ഛവും അവഗണനയുമാണ്. "ജനസേവനമാണ് പരമപ്രധാനം" എന്ന് സർക്കാർ പ്രഖ്യാപിക്കുമ്പോഴും, ഒരു ചെറിയ ഒപ്പിനായി മണിക്കൂറുകളോളം ജനങ്ങളെ കാത്തുനിർത്തുന്നതിൽ പല ഉദ്യോഗസ്ഥരും ആനന്ദം കണ്ടെത്തുന്നു. ഏസി മുറികളിലിരുന്ന് ഉത്തരവുകൾ ഇറക്കുന്നവർക്ക് മെഡിക്കൽ കോളേജുകളിലും പോലീസ് സ്റ്റേഷനുകളിലും സാധാരണക്കാരൻ അനുഭവിക്കുന്ന ദുരിതം മനസ്സിലാകില്ല. കൈകൂപ്പി നിൽക്കുന്നവരോട് അഹങ്കാരത്തോടെ പെരുമാറുന്ന ഈ ഉദ്യോഗസ്ഥ പ്രഭുത്വത്തിന് പിന്നിലെ ധൈര്യം തങ്ങളെ സംരക്ഷിക്കാൻ 'യൂണിയൻ' ഉണ്ടെന്ന വിശ്വാസമാണ്. ​റോഡിലെ മരണപ്പാച്ചിലും യൂണിയൻ സംരക്ഷണവും ​പൊതുഗതാഗത രംഗത്തെ, പ്രത്യേകിച്ച് കെ.എസ്.ആർ.ടി.സിയിലെ സ്ഥിതിയും ഭയാനകമാണ്. നിരത്തുകളിൽ ദിനംപ്രതിയുണ്ടാകുന്ന അപകടങ്ങളിൽ വലിയൊരു പങ്കും അമിതവേഗതയും അശ്രദ്ധയും മൂലമാണ്. വേഗപരിധി നിശ്ചയിച്ച് വിജ്ഞാപനങ്ങൾ ഇറങ്ങുമെങ്കിലും അത് പാലിക്കപ്പെടാറില്ല. ​ശിക്ഷാ നടപടികളിലെ അലംഭാവം: മാരകമായ അപകടങ്ങൾ വരുത്തിവെക്കുന്ന ജീവനക്കാർക്ക് ലഭിക്കുന്ന ശിക്ഷ വെറും മൂന്ന് മാസത്തെ സസ്പെൻഷനായി ഒതുങ്ങുന്നു. ​രാഷ്ട്രീയ സ്വാധീനം: കുറ്റം ചെയ്യുന്നവർക്ക് നിയമത്തിന് മുന്നിൽ അർഹമായ ശിക്ഷ ലഭിക്കാതെ വീണ്ടും ജോലിയിൽ പ്രവേശിക്കാൻ യൂണിയനുകൾ പച്ചക്കൊടി കാണിക്കുന്നു. ​വിവേചനം: സാധാരണക്കാരൻ 80 കിലോമീറ്ററിന് മുകളിൽ പോയാൽ ക്യാമറകൾ മിന്നുമ്പോൾ, പൊതുനിരത്തിൽ നിയമം ലംഘിച്ചു പായുന്ന kSRTC ക്കും മന്ത്രിമാരുടെയും MLA മാരുടെയും MP മാരുടെയും പോലീസ് ഏമാൻ മാരുടെയും വാഹനങ്ങൾക്ക്  പലപ്പോഴും ഈ നിയന്ത്രണങ്ങൾ ബാധകമാകുന്നില്ല. ​വോട്ട് ബാങ്ക് രാഷ്ട്രീയവും വാഗ്ദാനങ്ങളും ​എന്തുകൊണ്ടാണ് സർക്കാരുകൾ ഇത്തരം തെറ്റായ പ്രവണതകളെ കണ്ണടച്ച് പ്രോത്സാഹിപ്പിക്കുന്നത്? ഉത്തരം വ്യക്തമാണ്—വോട്ട് ബാങ്ക് രാഷ്ട്രീയം. ഇലക്ഷൻ അടുക്കുമ്പോൾ പാർട്ടി യൂണിയനുകൾ നൽകുന്ന വോട്ടും പ്രവർത്തനങ്ങളും ലക്ഷ്യമിട്ട് സർക്കാരുകൾ അവർക്ക് വഴിവിട്ട ആനുകൂല്യങ്ങൾ നൽകുന്നു. സാധാരണക്കാരന് നൽകുന്ന വാഗ്ദാനങ്ങൾ വെറും കടലാസിലൊതുങ്ങുമ്പോൾ, യൂണിയനുകളുടെ ആവശ്യങ്ങൾ മിന്നൽവേഗത്തിൽ നടപ്പിലാക്കപ്പെടുന്നു. ​മാറ്റം അനിവാര്യം ​എല്ലാ സർക്കാർ ജീവനക്കാരും ഒരുപോലെയല്ല എന്നത് സത്യമാണ്. എന്നാൽ 80 ശതമാനം ഓഫീസുകളിലും നിലനിൽക്കുന്ന ഈ മോശം അവസ്ഥ മാറേണ്ടതുണ്ട്. സാധാരണക്കാരന്റെ നികുതിപ്പണം കൊണ്ട് ശമ്പളം വാങ്ങുന്നവർ അവരോട് തന്നെ പുച്ഛം കാണിക്കുന്നത് അംഗീകരിക്കാനാവില്ല. ​യൂണിയനുകൾ തൊഴിലാളികളുടെ ന്യായമായ ആവശ്യങ്ങൾക്കായി നിലകൊള്ളണം, അല്ലാതെ അവരുടെ തെറ്റുകൾ മറയ്ക്കാൻ വേണ്ടിയാവരുത്. ജനങ്ങളുടെ സംരക്ഷണത്തിനായി പ്രവർത്തിക്കേണ്ട സർക്കാരുകൾ, വോട്ട് രാഷ്ട്രീയത്തിനപ്പുറം നീതിയുടെ പക്ഷത്ത് നിൽക്കാൻ തയ്യാറായാൽ മാത്രമേ ഈ വ്യവസ്ഥിതിയിൽ മാറ്റം വരൂ.Ac കാറിൽ ഞെളിഞ്ഞിരുന്നു പോകുന്ന സാറുമാർക്ക് ഇത് മനസ്സിലാവില്ല അതിന് സാധാരണക്കാർക്ക് ഇടയിലേക്ക് ഇറങ്ങണം ​— ദ ഡിസെന്റ് ഡയറി കൂടുതൽ പോസ്റ്റുകൾക്കായി Instagram: the_dissent_diary Facebook: The dissent diary" ​നിങ്ങളുടെ അഭിപ്രായം താഴെ കമന്റ് ചെയ്യൂ! 👇 ​#TheDissentDiary #Politics #KeralaPolitics #Change #SocialAwareness #Malayalam #രാഷ്ട്രീയ അഴിമതികൾ

​കേരള രാഷ്ട്രീയം: അഞ്ചു വർഷത്തിലൊരിക്കൽ അരങ്ങേറുന്ന 'മെഗാ കോമഡി' നാടകം! ​നമ്മുടെ കേരളത്തിലെ രാഷ്ട്രീയം ഇപ്പോൾ കണ്ടുകൊണ്ടിരിക്കുന്നത് തത്വദീക്ഷയില്ലാത്ത അധികാരക്കസേര കളികളാണ്. വികസനത്തെക്കുറിച്ചും ജനക്ഷേമത്തെക്കുറിച്ചും വാതോരാതെ സംസാരിക്കുന്നവർ, തിരശ്ശീലയ്ക്ക് പിന്നിൽ വെറും സീറ്റിനായും പദവിക്കായും നടത്തുന്ന പോരാട്ടങ്ങൾ ലജ്ജാകരമാണ്. ​1. മുഖ്യമന്ത്രി കസേരയിലെ 'മ്യൂസിക്കൽ ചെയർ' ​യു.ഡി.എഫിൽ ഭരണം കിട്ടുന്നതിന് മുൻപേ പടലപ്പിണക്കങ്ങൾ തുടങ്ങിക്കഴിഞ്ഞു. സീറ്റിനായി കയ്യും മെയ്യും മറന്നുള്ള പോരാട്ടമാണ് അവിടെ നടക്കുന്നത്. ഭരണം കിട്ടിയാൽ മുഖ്യമന്ത്രി കസേരയ്ക്കായി അവിടെ ഒരു വലിയ യുദ്ധം തന്നെ പ്രതീക്ഷിക്കാം. അഞ്ച് മുഖ്യമന്ത്രി കസേരകൾ ഉണ്ടെങ്കിൽ പോലും എല്ലാവരെയും തൃപ്തിപ്പെടുത്താൻ കോൺഗ്രസ് നേതാക്കൾക്ക് സാധിക്കില്ല. ആരെ ഒതുക്കിയും കസേര പിടിക്കണം എന്ന വാശിയിലാണവർ. ​2. അച്ചടക്കത്തിന്റെ മുഖംമൂടിയണിഞ്ഞ എൽ.ഡി.എഫ് ​മറുഭാഗത്ത്, എൽ.ഡി.എഫിൽ ഒരാളുടെ വാക്കിനപ്പുറം ആരും പോകില്ല എന്നൊരു ലേബലുണ്ട്. അച്ചടക്കമുണ്ടെന്ന് തോന്നിപ്പിക്കുമെങ്കിലും ഉള്ളിലെ പുകച്ചിലുകൾ പുറത്തറിയാത്തത് അവരുടെ തന്ത്രമാണ്. ഭരണവിരുദ്ധ വികാരം ശക്തമായി അടിക്കുന്നുണ്ടെന്ന് അവർക്കറിയാം. അതുകൊണ്ട് തന്നെ, ഇലക്ഷൻ അടുക്കുമ്പോൾ സർക്കാർ ജീവനക്കാരെയും സാധാരണക്കാരെയും കയ്യിലെടുക്കാൻ ആഴ്ചയിൽ ഏഴുദിവസവും അവധി കൊടുക്കാൻ പോലും അവർ മടിക്കില്ല! നാലുവർഷം സർവീസ് കൂട്ടി കൊടുക്കുന്നതടക്കം എന്തും ചെയ്യാൻ അവർ റെഡിയാണ്. ​3. ബി.ജെ.പിയിലെ 'സിനിമ' കളി ​തങ്ങൾ വെറും കാഴ്ചക്കാരല്ലെന്ന് കാണിക്കാൻ ബി.ജെ.പി രംഗത്തുണ്ട്. പക്ഷേ, അവിടെ കാണുന്നത് മറ്റൊരു കാഴ്ചയാണ്. സിനിമാക്കാരെ ഓടിച്ചിട്ട് പിടിച്ചാണ് അവർ സീറ്റുകളിൽ ഇരുത്തിയിരിക്കുന്നത്. പല സ്ഥാനാർത്ഥികൾക്കും ആ മണ്ഡലത്തിൽ വോട്ട് പോലുമില്ല! ഇതൊന്നും നോക്കാതെയാണ് അവിടെ പ്രഖ്യാപനങ്ങൾ നടക്കുന്നത്. ഉള്ള നേതാക്കൾ പോലും മടുത്ത് പോകുന്ന അവസ്ഥയാണവിടെ. ​4. പ്രകടനപത്രികയെന്ന 'അറബിക്കഥകൾ' ​തിരുവനന്തപുരത്തേക്ക് ഒളിമ്പിക്സ് കൊണ്ടുവരുമെന്ന് വരെ തട്ടിവിട്ട നേതാക്കൾ നമുക്കിടയിലുണ്ട്. നൂറ് പേജുള്ള പുസ്തകത്തിൽ വാഗ്ദാനങ്ങൾ എഴുതി ജനങ്ങളുടെ മുന്നിലേക്ക് ഇറങ്ങാൻ ഇവർക്ക് ഒരു നാണവുമില്ല. ഇലക്ഷൻ കഴിഞ്ഞാൽ ഈ പറഞ്ഞതിൽ അഞ്ചിലൊന്ന് പോലും നടക്കില്ലെന്ന് എല്ലാവർക്കും അറിയാം. എന്നിട്ടും അടുത്ത തവണ പുതിയൊരു പുസ്തകവുമായി വരാൻ ഇവർക്ക് എങ്ങനെ സാധിക്കുന്നു? ​ഉപസംഹാരം ​ന്യൂസ് ചാനലുകൾ തുറന്നാൽ കാണുന്നത് പരസ്പരമുള്ള ചെളിവാരി എറിയലുകൾ മാത്രമാണ്. സ്വന്തം പാർട്ടിക്കുള്ളിലെ നേതാക്കൾ തന്നെ സീറ്റിനായി കാട്ടിക്കൂട്ടുന്ന കോപ്രായങ്ങൾ കണ്ടാൽ ഒരു സാധാരണക്കാരന് ലജ്ജ തോന്നും. ജനങ്ങളുടെ യഥാർത്ഥ പ്രശ്നങ്ങൾ ചർച്ചയാകുന്നില്ല, പകരം അധികാരത്തിനായുള്ള പരക്കംപാച്ചിൽ മാത്രം. ​രാഷ്ട്രീയം മാറണം, പക്ഷേ അത് നേതാക്കളുടെ കസേരകൾ തമ്മിലാകരുത്; മറിച്ച് സാധാരണക്കാരന്റെ ജീവിതത്തിലായിരിക്കണം. ​— ദ ഡിസെന്റ് ഡയറി കൂടുതൽ പോസ്റ്റുകൾക്കായി Instagram: the_dissent_diary Facebook: The dissent diary" ​നിങ്ങളുടെ അഭിപ്രായം താഴെ കമന്റ് ചെയ്യൂ. #രാഷ്ട്രീയ അഴിമതികൾ ചെയ്യൂ! 👇 ​#TheDissentDiary #Politics #KeralaPolitics #Change #SocialAwareness #Malayalam