@vipinpkd
@vipinpkd

🔥🔥കട്ടക്കലിപ്പൻ ™🔥🔥

ᴳᵒᵒᵈ ᴿᵉᵃᵈᵉʳ,ᴮᵃᵈ ʷʳⁱᵗᵉʳ,ˢᵗᵒʳʸ ᴾʳᵒᵐᵒᵗᵉʳ {ɖʍ4ֆʊքքօʀȶ} 📱⑧①②⑨⑨②④⑥⑥⑦ 🌐VipinPkd.tk | 100k 🙄🤔🙈

എന്റെ ദൈവമേ നാളെ വേറൊരു കുടുംബത്തോട്ട് കേറി ചെല്ലേണ്ട പെണ്ണാ... ഒരു ഇല പോലും കെടന്നിടത്തൂന്നു നീക്കിയിടാത്ത ഇവളെ ഞാനെന്ത് ചെയ്യാനാ ഭഗവാനെ... രണ്ട് വർഷങ്ങൾക്ക് ശേഷം അമ്മയുടെ ഈ പരിഭവം പറച്ചിൽ ഓർത്തപ്പോൾ സത്യത്തിൽ എനിക്ക് ചിരിയാണ് വന്നത്.. അമ്മയെ തെറ്റ് പറഞ്ഞിട്ടും കാര്യമില്ല...അച്ഛന്റെയും അമ്മയുടെയും സംരക്ഷണത്തിൽ കഴിഞ്ഞിരുന്നപ്പോൾ അത് മാത്രമായിരുന്നു എന്റെ ലോകം... മറ്റൊരു ലോകത്തേക്ക് പറിച്ചു നടുന്ന നിമിഷത്തെ കുറിച്ച് ഞാനൊരിക്കലും ചിന്തിച്ചിട്ട് പോലുമുണ്ടായിരുന്നില്ല.രാവിലെ എഴുന്നേൽക്കണം ആകപ്പാടെ മുറ തെറ്റാതെ ചെയ്തിരുന്ന ജോലികൾ എന്ന് പറയുന്നത്, ഉണ്ടായിരുന്ന കുറച്ചു മുറ്റം കോറി വരക്കലും കുളിച്ചു മാറ്റിയ ഡ്രസ്സ്‌ കഴുകിയിടലും മാത്രമായിരുന്നു.. അരിക് ചേർത്ത് അടിച്ചില്ല അടിവസ്ത്രത്തിൽ പറ്റിയ രക്തക്കറ പൂർണമായും പോയില്ല എന്നൊക്ക പറഞ്ഞു ഓരോ കുറ്റം കണ്ടു പിടിച്ചോണ്ട് വരുമ്പോൾ അമ്മയോട് ദേഷ്യം തോന്നിയിരുന്നു.. പിന്നെ മിണ്ടാതെ ഒരു മൂലയ്ക്ക് പോയിരിപ്പാണ്.. ഇന്നിപ്പോ എത്ര കുറ്റപ്പെടുത്തലുകൾ കേട്ടാലും അത് ഒരു ചെവിയിലൂടെ കേട്ട് മറ്റു ചെവിയിലൂടെ വിട്ട് പുഞ്ചിരിച്ചു നിക്കും. ഹ്മ്മ്മ്...... ആ എന്നിൽ നിന്നും രണ്ട് വർഷം കൊണ്ട് ഞാനെത്രയോ ദൂരം സഞ്ചരിച്ചു കഴിഞ്ഞു. കുഞ്ഞിനെ ഉറക്കി കിടത്തിയ ഗ്യാപ്പിൽ ആണ് ചോറുണ്ണാൻ തുടങ്ങിയത്. ഞാൻ അടുത്ത് നിന്ന് മാറിയതിന്റെ അടുത്ത നിമിഷം തന്നെ കള്ളിപ്പെണ്ണ് ഉറക്കെ നിലവിളിച്ചു കൊണ്ട് എഴുന്നേറ്റു... കഴിക്കാനെടുത്ത ചോറ് പാതിയാക്കി കുഞ്ഞിന് മുലയൂട്ടുമ്പോൾ ഒരു മണിക്കൂർ എടുത്താലും കഴിയാത്ത എന്റെ ഭക്ഷണ രീതിയെ കുറിച്ചാണ് ഞാൻ ഓർത്തത്. അന്ന് അമ്മ ഒരു ചൊല്ല് പറയാറുണ്ട് "സ്ത്രീകൾ ഇരുന്നുണ്ണരുത് കിടന്നുറങ്ങരുത് " അന്നതിന്റെ പൊരുൾ എനിക്ക് മനസിലായിരുന്നില്ല... ഇരുന്നല്ലാതെ പിന്നെ കിടന്ന് ഉണ്ണാൻ പറ്റോ എന്ന് ഞാൻ അമ്മയോട് തർക്കിച്ചിട്ടും ഉണ്ട്. അഞ്ചോ പത്തോ മിനിറ്റ് മാത്രമെടുത്ത് കൊണ്ട് കിട്ടിയ ആഹാരം ആർത്തിയോടെ കഴിക്കുമ്പോൾ ആ ചൊല്ലിന്റെ ഓരോ അർത്ഥവും ഞാനിന്ന് മനസിലാക്കി കഴിഞ്ഞിരിക്കുന്നു . കല്യാണം കഴിഞ്ഞ് ആദ്യമായി ഇവിടുത്തെ അടുക്കളയിൽ കേറിയപ്പോൾ പകച്ചു നിന്നിട്ടുണ്ട്... അമ്മ ഉണ്ടാക്കിയത് ആസ്വദിച്ചു കഴിക്കുക മാത്രമല്ലാതെ എപ്പോഴെങ്കിലും അത് നോക്കി പഠിക്കാതെ പോയതിനെ പറ്റി എത്രയോ വട്ടം ഞാൻ സ്വയം ശപിച്ചിട്ടുണ്ട്.പിന്നീട് അമ്മയുടെ തത്സമയ ഫോൺ ഇൻ പ്രോഗ്രാം ആണ് ഇത്ര പുളിക്ക് ഇത്ര ഉപ്പ്. ആ കറി ആവുന്നത് വരെ ആരും അറിയാതെ അങ്ങേ തലക്കൽ അമ്മയുണ്ടാകും... ഇന്നിപ്പോ എത്ര പേർക്ക് വേണമെങ്കിലും വെച്ചു വിളമ്പാൻ ഒരു ശങ്കയുമില്ല. ആദ്യമൊക്കെ കൈ ചെറുതായൊന്നു നൊന്താൽ പോലും അലറി വിളിക്കാറുള്ള ഞാനിന്ന് എത്രയോ വട്ടം അടുക്കള ചൂടിൽ നിന്നും പൊള്ളലേറ്റിട്ടും ആരോടും ഒരു വാക്ക് പോലും പറയാതെ കുറച്ചു കല്ലുപ്പ് വാരി പൊത്തി ഒരു കൂസലുമില്ലാതെ ജോലി ചെയുന്നു... ഇഷ്ടത്തോടെ ഉണ്ടാക്കി കൊടുക്കുന്ന ആഹാരത്തിനു രുചിയില്ല എന്ന് കേട്ടപ്പോഴാണ് പലവട്ടം സ്നേഹത്തോടെ വെച്ചു വിളമ്പിയിട്ടും കുറ്റപ്പെടുത്തലുകൾ കേട്ട് നിക്കേണ്ടി വന്ന അമ്മയുടെ മനസ് ഞാനറിഞ്ഞതും. ആവശ്യങ്ങൾ എന്ന് പറഞ്ഞു ചിലവാക്കിയിരുന്ന ഓരോ ആർഭാട തുകയുടെയും വില മനസിലാക്കി തുടങ്ങിയപ്പോഴാണ് ഡ്രെസ്സുകളോടുള്ള എന്റെ ഇമ്പം കുറഞ്ഞു കുറഞ്ഞു വന്നതും. കുഞ്ഞ് വയറ്റിലുള്ളപ്പോൾ അമ്മയ്ക്കായിരുന്നു ഏറ്റവും കൂടുതൽ ആവലാതി.... ക്ലോക്ക് തിരിയും കണക്കെയുള്ള എന്റെ ഉറക്ക ശൈലി അറിയാവുന്ന അമ്മ എത്രയോ വട്ടം ഉറക്കത്തിൽ നിന്നെഴുന്നേറ്റ് എന്നെ നോക്കിയിട്ടുണ്ട്... ഉറങ്ങി കഴിഞ്ഞാൽ ലോകം അവസാനിച്ചാലും അറിയാത്ത ഞാൻ പിന്നീട് കുഞ്ഞിന്റെ ചെറിയ അനക്കം പോലും ഏത് ഉറക്കത്തിലും അറിയാൻ തുടങ്ങി. ദേഹത്ത് ഒരു ചെറിയ പോറൽ വന്നാൽ പോലും സങ്കടപ്പെട്ടിരുന്ന ഞാൻ പിന്നീട് അടി വയറ്റിൽ വീണ പാടുകളെയോ ദേഹത്ത് വന്ന നീർകെട്ടുകളെയോ മൈൻഡ് പോലും ചെയ്തില്ല എന്നതാണ് സത്യം. ഒന്ന് തുമ്മിയാൽ പോലും കൊളുത്തി വലിച്ചിരുന്ന അടിവയറ്റിലെ സ്റ്റിച്ചുകളുടെ വേദന കണ്ണുകൾ മുറുക്കിയടച്ചു കടിച്ചു പിടിച്ചു നിന്നിട്ടുണ്ട്. ഒരു ചെറിയ വെട്ടം കണ്ടാൽ പോലും ഉറങ്ങില്ലെന്ന് വാശി പിടിച്ചിരുന്ന ഞാൻ കുഞ്ഞ് ജനിച്ചതിൽ പിന്നെ എത്ര തീവ്രതയേറിയ വെളിച്ചത്തെയും വെല്ലു വിളിച്ചു കൊണ്ട് ഉറങ്ങാൻ കിടക്കാൻ തുടങ്ങി . വേദനകളെ ഭയന്നിരുന്ന ഞാനിന്ന് പല വേദനകളും ചിരിച്ചു കൊണ്ട് ആസ്വദിക്കുകയാണ് ചെയുന്നത്... അതിൽ ഏറ്റവും പ്രഥമസ്ഥാനം കൊച്ചരി പല്ല് വെച്ചവൾ എന്റെ മുല ഞെട്ടിനെ കടിച്ചമർത്തുന്ന വേദനയാണ്... ആ ഒരു നിമിഷം വേദന കൊണ്ട് പിടഞ്ഞു പോകാറുണ്ടെങ്കിലും അവളുടെ പുഞ്ചിരിയിൽ ഞാൻ സർവ്വതും മറക്കാറുമുണ്ട്. അമ്മ പറഞ്ഞ പോലെ ഒരു ഇല പോലും മാറ്റി ഇടാൻ മുതിരാത്തവൾ ഇന്ന് ഒരു കൈയിൽ തന്റെ കുഞ്ഞിനേയും ചേർത്ത് പിടിച്ച് മറു കൈ കൊണ്ട് സകല ജോലികളും ചെയ്തു തീർക്കുന്നു. ഓരോ ദിനം തോറും ഞാൻ മാറി കൊണ്ടിരിക്കയാണ്..... എന്റെ ശീലങ്ങൾ മാറികൊണ്ടിരിക്കയാണ്.... അവിടെയൊക്കെ പലപ്പോഴും ഞാനെന്റെ ഇഷ്ടങ്ങളെ മറക്കാറുണ്ട് കാരണം ഞാനൊരു സ്ത്രീയാണ് അതിലുപരി ഒരമ്മയാണ്.. ഈ എഴുത്ത് ഞാനെന്റെ ചേച്ചിക്ക് വേണ്ടി സമർപ്പിക്കുന്നു 😊 Written by Nimisha❤️ #📙 നോവൽ #📔 കഥ
a story by Shainy Varghese 👇 കല്യാണം കഴിഞ്ഞ രാത്രി അവളെയും പ്രതീക്ഷിച്ചിരുന്ന എൻ്റെ മുന്നിലേക്ക് അവൾ വന്നത് ഒട്ടും സന്തോഷമില്ലാതെയാണ് എന്താ മാളു എന്ത് പറ്റി ഒന്നും ഇല്ല ഏയ്യ് കള്ളം പറയണ്ട എന്തോ ഉണ്ട് തലവേദന ഉണ്ടോ ഉണ്ടങ്കിൽ ഉറങ്ങിക്കോളു നമുക്ക് നാളെ സംസാരിക്കാം തലവേദനയില്ല പിന്നെ എന്താ തൻ്റെ പ്രശ്നം. രാവിലെ മുതൽ താൻ ടെൻഷനിലാണ്.ഞാൻ ശ്രദ്ധിക്കുന്നുണ്ടായിരുന്നു. താലികെട്ടിയ സമയത്ത് പോലും തൻ്റെ മുഖത്ത് ഒരു സന്തോഷം കണ്ടില്ല. എന്താ തനിക്ക് പറ്റിയത്. ഞാൻ ഒരു കാര്യം ചോദിച്ചാൽ ഏട്ടൻ സത്യം പറയോ താൻ ചോദിക്ക് എനിക്ക് അറിയാവുന്ന കാര്യം ആണേൽ സത്യമേ പറയു ഏട്ടന് അറിയാം ഏട്ടനെ അത് പറയാൻ പറ്റു. നീ കാര്യം എന്താന്ന് വെച്ചാ ചോദിക്ക് വെറുതെ ഇന്നത്തെ മൂഡ് കളയാതെ അത് ഏട്ടന് ശരിക്കും എന്നെ ഇഷ്ടായിട്ടാണോ കല്യാണം കഴിച്ചത്. നീ എന്തേ അങ്ങനെ ചോദിച്ചത്. ഞാൻ ചോദിച്ചതിന് മറുപടി പറ എന്നാൽ നീ കേട്ടോ എനിക്ക് ശരിക്കും ഇഷ്ടമായിട്ട് തന്നെയാ വിവാഹം കഴിച്ചത്. ഏട്ടൻ കള്ളം പറയുവാ ഏട്ടൻ എന്ത് കണ്ട് ഇഷ്ടപ്പെട്ടിട്ടാ എന്നെ കെട്ടിയത്. ഞാൻ പറഞ്ഞത് കള്ളമല്ല. എനിക്ക് മാളൂനെ ഇഷ്ടമായിട്ട് തന്നെയാ വിവാഹം ചെയ്തത്. ഏട്ടന് നല്ല ജോലി നല്ലൊരു വീട് കാറ്, പിന്നെ ആവശ്യത്തിലധികം പണം. അതിനാക്കാളുപരി കണാനും സുന്ദരൻ ഇതെല്ലാം ഉണ്ടായിട്ടും എട്ടെനെന്തിനാ പാവപ്പെട്ട വീട്ടിലെ ചട്ടുകാലിയെ കെട്ടിയത്. അതിനൊരു കാരണമുണ്ട് മാളു ആ കാരണമാ എനിക്ക് അറിയേണ്ടത് എൻ്റെ കൂട്ടുകാരൊക്കെ പറയുന്നു. ഏട്ടന് ആരേലും ആയിട്ട് ബന്ധം കാണും വീട്ടുകാർക്ക് വേണ്ടിയാ എന്നെ വിവാഹം ചെയ്തത് എന്ന് ശരിയാണോ. ഞാൻ പറയാം മാളു ആ കാരണം. ഞങ്ങൾ മൂന്നു മക്കൾ വളരെ സന്തോഷത്തോടെ കഴിഞ്ഞിരുന്ന കുടുംബം വികലാംഗനായ എൻ്റെ അച്ഛനെ അമ്മ സ്നേഹിച്ച് വിവാഹം കഴിച്ചതായിരുന്നു.പ്പെട്ടന്ന് ഒരു ദിവസം അച്ഛൻ മരിക്കുന്നു. അറ്റാക്കായിരുന്നു. അന്ന് എനിക്ക് 5 വയസ് എനിക്ക് ഇളയവർ 2 പേർ എന്ത് ചെയ്യണം എന്നറിയാതെ അമ്മ. അച്ഛൻ മരിച്ച് ഒരു വർഷം കഴിഞ്ഞ അന്ന് അച്ഛമ്മ ഞങ്ങളെ ആ വീട്ടിൽ നിന്ന് ഇറക്കിവിട്ടു. ഞങ്ങൾ മൂന്നു മക്കളുടേയും കൈയ്യും പിടിച്ച് ആ വീട്ടിൽ നിന്നിറങ്ങിയ അമ്മ പിന്നെ ഞങ്ങളെ വളർത്താൻപ്പെട്ട പാട് ചെറുപ്പക്കാരിയും സുന്ദരിയും വിധവയുമായ അമ്മ ഈ സമൂഹത്തിനോട് പട വെട്ടിയാ ഞങ്ങളെ വളർത്തിയത്. ഒരു ഇടുങ്ങിയ വാടക മുറിയിൽ ആ മുറി തന്നെ ആയിരുന്നു. ഞങ്ങൾടെ കിച്ചണും bed  റൂമും എല്ലാം അവിടെ നിന്ന് ആരംഭിച്ച് ഇന്ന് ഇവിടെ വരെ എത്തിയതിന് പിന്നിൽ ഒത്തിരി കഷ്ടപാട് ഉണ്ട് കുട്ടി. പിന്നെ തന്നെ വിവാഹം ചെയ്യാനുള്ള കാരണം എൻ്റെ അമ്മയെ പോലെ ചെറുപ്പത്തിലെ വിധവ ആയ ഒരമ്മുടെ മൂന്ന് പെൺമക്കളിലെ മൂത്ത കുട്ടി ആയതു കൊണ്ടു തന്നെയാ ഒരു ധനിക കുടുംബത്തിലെ സുന്ദരിയായ പെണ്ണിനെ കെട്ടുക എന്നത് എല്ലാവരും ചെയ്യുന്നതാണ്. അതേ പോലെ ചെയ്താൽ ഞാനും എൻ്റെ അമ്മയും കഷ്ടപ്പെട്ടത് മറന്ന് പോയതുപോലെ ആകില്ലെ മാളുനെ ഞാൻ കെട്ടിയപ്പോ എനിക്ക് രണ്ട് അനിയത്തിമാരെ കിട്ടി. അവരെ പഠിപ്പിച്ച് വിവാഹം കഴിപ്പിച്ച് വിടണം. അങ്ങനെ തൻ്റെ അമ്മയെ സഹായിക്കാനാവും എനിക്ക് - ഏട്ടാ സോറി ഞാൻ വെറുതെ ഏട്ടനെ തെറ്റിദ്ധരിച്ചു. തെറ്റിദ്ധരിച്ചതിൽ തെറ്റില്ല കുട്ടി. അന്ന് ഞങ്ങളെ ഇറക്കിവിടാൻ അച്ഛമ്മയോടൊപ്പം കൂട്ടിയവരെല്ലാം എതിർത്തു ഈ വിവാഹത്തിന്. പണവും പ്രതാവവും ആയപ്പോ വന്ന ഉപദേശകരോട് ഞാൻ പറഞ്ഞു. ഞാനാണ് ആ കുട്ടിയെ വിവാഹം കഴിക്കുന്നത്  എനിക്ക് ഇഷ്ടപ്പെട്ടിട്ടു തന്നെയാണ് വിവാഹം ചെയ്യുന്നതും. അവൾ എൻ്റെ കൂടെയാണ് ജീവിക്കുന്നത്. ആ കുട്ടിയെ ഉൾകൊള്ളാൻ പറ്റാത്തവർ ആരേയും ഞാൻ ഇങ്ങോട് ക്ഷണിക്കുന്നില്ല .നാണക്കേടുള്ളവർ ആരും കല്യാണത്തിന് വരണ്ടാന്നും പറഞ്ഞു. അതാണോ ആരേയും കാണാതിരുന്നത് കല്യാണത്തിന്. ഞാനോർത്തു ഏട്ടന് ചട്ടുകാലിയായ എന്നെ കെട്ടുന്നതിൻ്റെ നാണക്കേട് ഒഴിവാക്കാനാണ്. ചെറിയ ഫംഗ്ഷൻ വെച്ചത് എന്ന്. എൻ്റെ മാളു എന്തൊക്കെയാ ഈ ആലോചിച്ച് കൂട്ടിയിരിക്കുന്നത് വെറുതെയല്ല പെണ്ണിന് സന്തോഷമില്ലാതെ ഇരുന്നത്. എല്ലാവരും അങ്ങനെ പറഞ്ഞപ്പോ പലരും പലതും പറയും നമ്മളാണ് ഒരുമിച്ച് ജീവിക്കേണ്ടവർ പരസ്പരം സ്നേഹിച്ച് മനസ്സിലാക്കി പരസ്പരം തോറ്റു കൊടുത്ത് നമുക്ക് ജീവിക്കാം.പിന്നെ എൻ്റെ കൂട്ടീടെ.കാലിനെ വൈകല്യം ഉള്ളു. അത് നമ്മുടെ ജീവിതത്തെ ബാധിക്കില്ല. പക്ഷേ മനസ്സിനെ വൈകല്യം ബാധിച്ചാൽ പ്രശ്നമാണ്. അതുകൊണ്ട് എപ്പോഴും സന്തോഷമായിരിക്കുക ഏട്ടാ എനിക്ക് എല്ലാം പറഞ്ഞ് തന്നാ മതി എല്ലാവരേയും സ്നേഹിക്കാനുള്ള മനസ്സ് ഉണ്ട് എനിക്ക്. അതു മതി മാളു ബാക്കി എല്ലാം സ്ക്രീനിൽ ഏട്ടാ I Love you . ഇപ്പോ ഹാപ്പി ആയോ ഏട്ടൻ്റെ മാളു കുട്ടിക്ക് സന്തോഷമായി. എന്നാൽ നമുക്ക് ആരംഭിച്ചാലോ പുതിയ ഒരു ജീവിതം ഏട്ടൻ്റെ മാറോട് ചേർന്ന് പരസ്പരം പുണർന്ന് കിടക്കുമ്പോൾ മാളു ചിന്തിക്കുകയായിരുന്നു മനസ്സിൽ വൈകല്യം ഇല്ലാത്ത ഒരു ഏട്ടനെയാണല്ലോ കിട്ടിയത് എന്ന് രണ്ട് വാക്ക് പറയുമല്ലോ അല്ലേ എനിക്കായി #📔 കഥ #💞 പ്രണയകഥകൾ #📙 നോവൽ
💔പ്രണയമൊരു നോവായി മാറുമ്പോൾ...💔 __(Based on a real life)__ FULL PART ✍️nisha_nishuz ഷൈമ.... ന്ന് വിളിച്ചു കൊണ്ട്അവൻ ഉറക്കത്തിൽ നിന്ന് ഞെട്ടിയെഴുനേറ്റിരുന്നു. എന്താടാ...എന്താ നിനക്ക്...  എന്താ നിന്റെ പ്രശ്നം..ഇത് ഇന്നും ഇന്നലെയും തുടങ്ങിയതല്ലലോ...വന്ന അന്ന് മുതൽ ഞാൻ കേൾക്കുന്നതും കാണുന്നതും അല്ലെ .. സ്വപ്നം കാണലും ഞെട്ടി എഴുന്നേൽക്കലും ...... സ്വപ്നമായിരുന്നോ.. കുറച്ചു നേരം ബെഡിൽ തന്നെ മന്ദപ്പോടെ ഇരുന്ന ശേഷം  വെള്ളം കുടിക്കാൻ വേണ്ടി കിച്ചണിലേക്ക് നടന്നു...പിന്നാലെ അവന്റെ കൂട്ടുകാരനും... നാസി...പറയെടാ...ആരാ ഈ ഷൈമ...എന്താ നിയും അവളും തമ്മിലുള്ള ബന്ധം...എന്താ അവൾക്ക് പറ്റിയെ.. എന്ത് ടെന്ഷന് ഉണ്ടെങ്കിലും അത് മറ്റാരോടെങ്കിലും പറഞ്ഞാൽ ഉള്ളൂ മാറി കിട്ടുക..അല്ലെങ്കിൽ സ്വയം നീറി പുകയേണ്ടി വരും... പറയാം റമി...എല്ലാം ഞാൻ പറയാം... അവൻ ഒരു നെടുവീർപ്പിട്ടു കൊണ്ട് പറയാൻ തുടങ്ങി... റമി അവൻക്കരികിലായി കാത്തു കൂർപ്പിച്ചു ഇരുന്നു... 2 വർഷം മുൻപ് ktm കോളേജിൽ നിന്നാണ് ഞാൻ അവളെ കണ്ടുമുട്ടുന്നത്... ആരെ...ഷൈമ യേയോ.. ആ...ഞാൻ ഒന്ന് പറയട്ടെ ഡാ... നി ഒന്ന് അടങ്ങി നിക്ക്... അന്ന് ഞാൻ സെക്കന്റ് year ഉം അവള് ഫസ്റ്റ് year ഉം ആയിരുന്നു.. എങ്ങനെയാ പ്രണയമായത് ന്ന് ചോദിച്ചാൽ.. ഞാൻ പണ്ടൊരു പാർട്ടി പ്രവർത്തകനായിരുന്നു..അങ്ങനെയുള്ള ഒരാളാവുമ്പോൾ സ്വാഭാവികമായും...കോളേജിന്റെ ഏതൊരു ദിക്കിലും എന്റെ ശബ്ദം ഉയർന്നു പൊങ്ങും...ഓരോ പ്രോഗ്രാംസ് നും ക്ലാസ്സുകളിൽ കയറി ഇറങ്ങി സംസാരിക്കുകയും സജീവമാവുകയും ചെയ്തത് കൊണ്ട് തന്നെ എന്നെ  അറിയാത്തത് ആയിട്ട് ktm കോളേജിൽ  ഒന്നോ രണ്ടോ ആളുകളെ ഉണ്ടായിരുന്നൊള്ളു...അങ്ങനെയിരിക്കെയാണ്...first year ലെ ഒരു കുട്ടി  ന്റെ അടുത്തേക്ക് വന്ന് പറയുന്നത്  അവളെ ഫ്രണ്ട് നു ഇങ്ങളെ ഭയങ്കര ഇഷ്ട്ടം ആണെന്ന്... ബാക്കി പറ... ന്നിട്ട് നി എന്ത് പറഞ്ഞു.. പറയാം..തോക്കിൽ കേറി വെടി വെക്കല്ലേ... എനിക്ക് അതൊരു ഷോക്ക് ആയിരുന്നു...അത് എന്തു കൊണ്ട് ആണ് ന്ന് എനിക്ക് തന്നെ അറിയില്ല...പലപ്പോഴും കട്ട കലിപ്പയി ക്ലാസ്സുകളിൽ കയറി    അനീതിക്കെതിരെ ശബ്ദമുയർത്തുമ്പോൾ പലരും പേടിയോടെ ആണ് എന്നെ നോക്കാർ...എന്നോട് സംസാരിക്കാൻ തന്നെ ചിലർക്ക് പേടിയാണ്...ആ എന്നെ ഏതോ ഒരു പെണ്ണ് കുട്ടിക്ക് ഇഷ്ടമാണെന്ന് പറയുമ്പോ....എന്തോ..ഒരു excietment... അത്രയേ ഉള്ളു... അങ്ങനെ ഞാൻ അവളെ കാണാൻ തീരുമാനിച്ചു..കണ്ടു...ഇഷ്ട്ടയി...പക്ഷെ...ആദ്യമൊന്നും  ഞാൻ അത്  കാര്യമാക്കിയിലെങ്കിലും പതിയെ പതിയെ.. അവളെന്റെ ഖൽബ്  കീഴടക്കിയിരുന്നു...പിന്നീട് അങ് ഞങ്ങളുടെ ദിവസങ്ങൾ ആയിരുന്നു...  എന്തെങ്കിലും ഒരു ഒഴിവ് കിട്ടിയാൽ അവളുടെ ക്ലാസ്സിൽ പോയി അവളെയും കൊണ്ട് വാക മരത്തിന്റെ ചുവട്ടിൽ പോയിരിക്കും.... അവിടെയായിരുന്നു ഞങ്ങളെ ഇഷ്ട്ട place.... ഓരോന്നും മിണ്ടിയും പറഞ്ഞും അങ്ങനെ നേരം ചിലവഴിക്കും.... അതെല്ലാം ഓർത്തപ്പോൾ അവന്റെ കണ്ണുകൾ ഈറനണിഞ്ഞു.. റമി അത് കാണാതിരിക്കാൻ വേണ്ടി   മെല്ലെ അത് തുടച്ചു നീക്കി... എന്നിട്ട് ബാക്കി പറ... അവൾക്ക് എന്താ പറ്റിയെ...പ്രണയം വീട്ടിൽ പിടിച്ചോ ..റമിയുടെ ചോദ്യം കേട്ട് അവനൊന്ന് മന്ദഹസിച്ചു... ശേഷം തുടർന്നു... മാസങ്ങൾ കടന്നുപോയി...ഞങ്ങളുടെ പ്രണയം കൊച്ചു കൊച്ചു പരിഭവങ്ങളും ഇണക്കങ്ങളും പിണക്കങ്ങളുമായി മുന്നോട്ട്  പോയിരിക്കെയാണ്....വിധി ഞങ്ങളെ  ജീവിതത്തിലേക്ക് ക്ഷണിക്കാതെ ഒരു അതിഥി യായി കടന്നു വന്നത് .. എന്തായിരുന്നു... റമി ആകാംഷയോടെ ചോദിച്ചു... അവളുടെ കല്യാണം   നടത്താൻ വീട്ടുകാർ തീരുമാനിചു...അതും അവളുടെ ഉപ്പാന്റെ അടുത്ത ഫ്രണ്ട് ന്റെ മകനുമായി...അവൾ എന്റെരികിലേക് കരഞ്ഞു കൊണ്ട്  ഓടി വന്നു കാര്യം  പറഞ്ഞപ്പോൾ എന്തു ചെയ്യണമെന്ന് അറിയാത്ത അവസ്ഥയ്യായി... അവൾക്കൊരിക്കലും എന്നെ പിരിയാൻ പറ്റില്ല ന്ന് തറപ്പിച്ചു പറഞ്ഞു...എനിക്കും അങ്ങനെതന്നെയായിരുന്നു...ഇല്ല... അവളെ ആർക്കും വിട്ട് കൊടുക്കില്ല ന്ന് ഞാൻ  മനസ്സിൽ ഉറപ്പിച്ചു പറഞ്ഞു...വീട്ടിൽ നമ്മുടെ കാര്യമൊന്ന് ചോദിച്ചു നോക്ക് എന്ന്  പറഞ്ഞു കൊണ്ട് ഞാൻ  അവളെ വീട്ടിലേക്ക് തിരിച്ചയച്ചു...മനസ്സാകെ അസ്വസ്ഥമായിരുന്നു...എന്തായിരിക്കും അവരുടെ മറുപടി... കല്യാണം കഴിച്ചു തരുമോ...എന്റെ വീട്ടിൽ ഈ കാര്യം പറഞ്ഞാൽ എന്തായിരിക്കും  അവരുടെ തീരുമാനം... അങ്ങനെ ഓരോന്ന് ആലോചിച്ചു   കൊണ്ട് ബെഡിൽ കിടക്കുമ്പോഴാണ് അവൾ എനിക്ക് വിളിച്ചത്. .. ഇല്ലെടാ...ഉപ്പാ ഒരിക്കലും സമ്മതിക്കില്ല....സമ്മദിച്ചില്ലെങ്കിൽ ഞാൻ ഒളിച്ചോടും ന്ന് പറഞ്ഞു... നമ്മുക്ക് ഒരുമിച്ച് ജീവിക്കണമെങ്കിൽ ഒളിച്ചോടം... എന്തു ചെയ്യണം എന്ന് അറിയാതെ പകചു പോയ നിമിഷങ്ങൾ ആയിരുന്നു അത് ..ഒളിച്ചോട്ടം .അത് ഞാൻ സ്വപ്നത്തിൽ പോലും കരുതിയില്ല ..എല്ലാവരുടെയും സമാധത്തോടെ ഒരു നിക്കാഹ്..അതേ ഞാൻ ആഗ്രഹിച്ചോള്ളു... പക്ഷെ അവളെ സ്വന്തമാക്കണം എങ്കിൽ ഒളിച്ചോട്ടം അല്ലാതെ എന്റെ മുന്നിൽ വേറെ മാർഗങ്ങൾ ഇല്ല.. ഞാൻ ആലോചിക്കട്ടെ...എന്നിട്ട് നിന്നൊട് തീരുമാനം പറയാം ന്ന് പറഞ്ഞു കൊണ്ട് ഫോൺ കട്ട് ചെയ്തു.... തളർന്നു പോയി ഞാൻ..എല്ലാം കൊണ്ടും..എന്ത് ചെയ്യണം....ഞാൻ അവളെയും കൊണ്ട് ഒളിച്ചോടിയാൽ സന്തോഷത്തോടെ ജീവിക്കാൻ എനിക്ക് പറ്റുമോ....എന്റെ ഉമ്മ...എന്റെ രണ്ടു പെങ്ങൾമാർ...എല്ലാവർക്കും വേണ്ടി തന്റെ ചെറുപ്പ കാലത്തു തന്നെ പ്രവാസത്തിലേക്ക് ചേക്കേറിയ ഉപ്പാ....ഓരോന്ന് ആലോചിച്ചു ഞാൻ സമയം തളളി നീക്കി....എപ്പോയോ നിദ്ര ദേവിയെന്നെ ഉറക്കത്തിലേക്ക് ആനയിച്ചു .. ഡാ... നാസി. ഇങ്ങനെ പറയല്ലേ...ഞാൻ ഞാൻ എന്ന പ്രയോഗം മാറ്റ് ..അപ്പോയെ എനിക്ക് ഇത്  നി പറയുമ്പോൾ മനസിൽ ആ രംഗം  സാങ്കൽപ്പിക്കാൻ പറ്റു... ഒക്കെ... ഡാ... റമി..ഞാൻ ശ്രമിക്കാം...അപ്പൊ ബെഡിൽ വെച്ചല്ലേ നിർത്തിയത്...ഇനി  തുടങ്ങാ... രാവിലെ ഉമ്മാന്റെ വിളി കേട്ടാണ് ഉണർന്നത്... അല്ലാഹ് ന്താ പറ്റിയെ...ഞാൻ എന്നും നേരത്തെ ഉണരൽ ഉള്ളത്തണല്ലോ... ഇന്ന്.. നല്ലോണം നേരം വെയ്ക്കിയല്ലോ.... അവൻ   ഫോണ് എടുത്തു സമയം നോക്കിയപ്പോൾ ആണ് ഉമ്മ അവന്റെ അടുത്തു വന്നിരുന്നത് മോനെ...നിന്നെ ഏതോ ഒരു കാക്കു നിന്നെ കാണാൻ വന്നിട്ടുണ്ട്...പാർട്ടിയുടെ   എന്തോ കാര്യം പറയാനാണ് ന്ന് ആണ് പറഞ്ഞത്...   ഉമ്മാ  അത് പറഞ്ഞപ്പോൾ അവൻ ബെഡിൽ നിന്ന് എഴുനേറ്റ്  ഫ്രഷ് ആയി  സിറ്റ് ഔട്ടിലേക്ക് ഇറങ്ങി... മുറ്റത്തു നിന്ന്  പറമ്പിലേക്ക്   നോക്കി നിക്കുകയാണ്...ഒരു ആൾ... അയാളെ പിറക് കണ്ടപ്പോൾ തന്നെ മനസിലായി അത് ഷൈമയുടെ ഉപ്പയാണ് ന്ന്..ഇടക്ക് അവളെ കോളേജിലേക്ക് കൊണ്ടു പോകാൻ വരുന്നത്  അവൻ  കാണാറുണ്ട്... ഉപ്പാ...എന്താ ഇപ്പൊ... മോനെ.. ആ.വിളിയിൽ തന്നെ ഒരുപാട്  വിഷമങ്ങൾ കടിച്ചമർത്തുന്നുണ്ട് ന്ന് അവൻ തോന്നി... ഞാൻ ഒരു വാക്ക് തർക്കാതിനോ...തല്ലിനോ വന്നതല്ല...ഇവിടെ....അവൾ പറഞ്ഞു നിയും അവളും തമ്മിൽ ഇഷ്ടത്തിലാണ് ന്ന് ഇന്നലെയാണ് അവളകര്യം പറയുന്നത്... കല്യാണത്തിന് ഒരാഴ്ച കൂടി ഉള്ളു...എല്ലാവരെയും ക്ഷണിച്ചു കഴിഞ്ഞു ..അവളെ കെട്ടാൻ പോകുന്നതും വലിയ തറവാട്ട്കരാ...എന്തു കൊണ്ടും അവൾക്ക് അവിടെ നല്ല സുഖം ആയിരിക്കും...നിനക്ക് അതൊന്നും ഇല്ല ന്ന് അല്ല ഞാൻ പറഞ്ഞു വരുന്നത്... നിയിപ്പോ ചെറിയ കുട്ടിയാ...അവളും...ഇനി ഞാൻ   എന്റെ മകളെ നിനക്ക് കല്യാണം കഴിച്ചു തരാൻ സമ്മതം മൂളിയാലും നിന്റെ വീട്ടുകാർ അതിന് സമ്മതിക്കും ന്ന് തോന്നുന്നുണ്ടോ..ഇല്ല... ഒരിക്കലും ഇല്ല... കാരണം നിന്റെ വീട്ടിലും ഉണ്ട് രണ്ടു പെങ്ങൾമാർ...അവരെയും നിന്നെയും നോക്കാൻ നിന്റെ ഉപ്പാ പ്രവസലോകത്തേക്ക് പോയിരിക്കുകയല്ലേ...പിന്നെ ഈ കല്യാണം അത് അവളുടെ ചെറുപ്പ കാലത്തു തന്നെ ഞങ്ങൾ ഉറപ്പിച്ചതാണ്...അതു കൊണ്ട് കൊടുത്ത വാക്കിന് വില കല്പിക്കാതെ കപട വിശ്വാസിയാവാൻ എനിക്ക് പറ്റില്ല മോനെ.... നി അവളെ മറക്കാണം ന്ന് പറയാൻ അല്ല ഞാൻ വന്നത്...നി അവളെ പറഞ്ഞു മനസിലാക്കണം ന്ന് പറയാനാ...നിങ്ങൾ രണ്ടുപേരും എങ്ങാനും ഒളിച്ചോടിയാൽ...ഞാൻ പിന്നെ എന്തിനാ ജീവിച്ചിരിക്കുന്നെ ..നാട്ടുകാരുടെ മുന്നിലും വീട്ടുകാരുടെ മുന്നിലും പരിഹാസം സഹിക്കാൻ ആവാതെ നെഞ്ചു പൊട്ടി മരിക്കും ..ഞാൻ...ഇല്ലെടാ....നിനക്ക് എന്നോട് ഒന്നും തോന്നരുത്...നിനക്കും ഇല്ലേ രണ്ടു പെങ്ങൾമാർ...അവരിൽ ആരെങ്കിലും ആണ് ഇങ്ങനെ ചെയ്‌യുന്നതെങ്കിൽ...നിന്റെ...നിന്റെ ഉമ്മാന്റെ...അതുമല്ല...നിന്റെ ഉപ്പാന്റെ അവസ്ഥ എന്തായിരിക്കും... മോനെ.... ഞാൻ....ഞാൻ നിന്റെ കാലു പിടിക്കാം...മോനായും മോൾ ആയും എനിക്ക് ആകെ ഒരുത്തിയെ ഉള്ളു...   ഇന്നേ വരെ അവൾ പറയുന്നത് എന്തു തന്നെയായാലും മറുത്തൊന്നും പറയാതെ കടം മേടിച്ചിട്ടു ആണെങ്കിലും അവൾക്ക് ഞാൻ വാങ്ങി കൊടുക്കുമായിരുന്നു...പക്ഷെ ഇന്ന് ഞാൻ....രണ്ടും കേട്ട അവസ്ഥയിൽ ആണ്....ഞാൻ നിന്റെ കാലു പിടിക്കാം.... നി അവളെ പറഞ്ഞു മനസിലാക്കി ഇതിൽ നിന്നും പിൻ മാറണം.... ന്ന് പറഞ്ഞു കൊണ്ട് അയാൾ നാസിയുടെ കാലിൽ വീണു പൊട്ടി കരഞ്ഞു... ഏതോ ലോകത്തിൽ എന്നപോലെ കുറച്ചു നിമിഷം മൗനമായി നിന്ന് കൊണ്ട് പതിയെ അയാളെ ചുമലിൽ പിടിച്ചു എഴുനേല്പിച്ചു... ഉപ്പാ...ഇങ്ങള് ഒന്ന് കൊണ്ടും പേടിക്കണ്ട...അവൾ നിങ്ങൾ ആഗ്രഹിച്ച പ്രകാരം തന്നെ വിവാഹത്തിന് സമ്മതിക്കും...ന്ന് മാത്രം പറഞ്ഞു കൊണ്ട്  അവൻ തിരിഞ്ഞു നടന്നു...തന്റെ കണ്ണുനീരിനെ നിയന്ത്രിക്കാൻ ശ്രമിച്ചു കൊണ്ട് ഉമ്മാക്ക് ഒരു ചെറിയ പുഞ്ചിരി  മുഖത്തു ഫിറ്റ് ചെയ്ത് അവൻ അകത്തേക്ക് കയറി.... അവളുടെ കല്യാണത്തിന് മുൻപ്   തന്നെ ഉപ്പനോട് പറഞ്ഞു ഒരു ടിക്കറ്റ് ശരിയാക്കി അവൻ സൗദിയിലേക്ക് തിരിച്ചു.... അവൻ  ഒരു നേടുവീർപ്പിട്ടു കൊണ്ട് പറഞ്ഞു നിർത്തി... അപ്പൊ നി ആ ഉപ്പാ പറയുന്നത് കേട്ട് സ്നേഹിക്കുന്ന പെണ്ണിനെ ഉപേക്ഷിച്ചു അല്ലെ....അവളുടെ ഉപ്പാന്റെ വാക്ക് ഒന്നും വക വെക്കാതെ  നിനക്ക് അവളെ വിളിച്ചിറക്കി കൊണ്ടുപോന്നുടയിരുന്നോ.. പത്തു പതിനെട്ട് കൊല്ലം പൊന്നു പോലെ കാലു വളരുന്നുണ്ടോ  കയ്യ് വളരുന്നുണ്ടോ ന്ന്  നോക്കി വളർത്തിയ ഉപ്പാന്റെ വാക്കിന് വില കൊടുക്കാതെ ഞാൻ അവളെ ഇറക്കി കൊണ്ട്  വരുന്നതിലും നല്ലത് ആ ഉപ്പ ആഗ്രഹിച്ച പ്രകാരം ആ കല്യാണം നടത്തട്ടെ ന്ന് കരുതി സ്നേഹിച്ച പെണ്ണിനെ വിധിക്ക് വിട്ട് കൊടുക്കുതു  ആരെയും സങ്കടപെടുത്തെ എല്ലാം ഉള്ളിലൊതുക്കിനില്കുന്നതല്ലേ ശരിക്കുമുള്ള ഹീറോയിസം... ന്ന് പറഞ്ഞു കൊണ്ട് അവൻ റൂമിലേക്ക് തിരിചു...കൂടെ റമിയും... *ശുഭം* പിടിച്ചു വാങ്ങുന്നത് മാത്രമല്ല പ്രണയം...വിട്ട് കൊടുക്കുന്നതും പ്രണയമാണ്... ഇതിലെ പേരുകൾ തികച്ചും സാകല്പികം മാത്രം... #📙 നോവൽ
*വിധി തന്ന നോവ്...😔* *Short Story* ✍🏻 *_നിഹാല ഷെറിൻ_*         ഇന്നെന്റെ ഫാത്തിയുടെ ബർത്ഡേ ആണ്...പക്ഷെ ആഘോഷിക്കാൻ അവളില്ല എന്റെ കൂടെ....അവൾ എന്നെ വിട്ട് പോയിട്ട് മൂന്ന് മാസമായി....     എന്റെ ഓർമ്മകൾ കുറച്ചുകാലം പിന്നിലേക്ക് പോയി....     "ഷെബിക്കാ....എനി..എനിക്ക്...." "എന്താടാ...എന്റെ പാത്തുന് ഒന്നുല്ല....വേഗം സുഖമായി വീട്ടിൽക്ക് പോകാം...." "ഇക്കാ...എനിക്ക് പേടിയാവുന്നു...." "എന്തിന്.....ഞാനില്ലേ നിന്റെ കൂടെ പിന്നെന്താ.....ഞാൻ ചായ വാങ്ങിട്ടു വരാട്ടോ......" "മ്മ്...."      അവളോട്‌ അങ്ങനെ പറഞ്ഞെങ്കിലും എന്റെ മനസ്സും പതറിപോവുകയാണ്...ഓളെ മുന്നിൽ പിടിച്ചു നിൽക്കുകയാണ്....ഹാർട്ടിനു പ്രോബ്ലം ആയതിനാൽ കുറച്ചായി ഓള് ഹോസ്പിറ്റലിൽ അഡ്മിറ്റ്‌ ആയിട്ട്  ഒരു ഓപ്പറേഷൻ ഉണ്ട്...ഡോക്ടർസ് പകുതി ചാൻസ് മാത്രമേ എന്നോട് പറഞ്ഞിട്ടുള്ളു...അത് കേട്ടപ്പോൾ തന്നെ പകുതി ജീവൻ പോയതാ എന്റെ....എന്നാലും പിടിച്ചു നിൽക്കുന്നത് എന്റെ പാത്തുന് ധൈര്യം നൽകാൻ ഞാനല്ലേ ഉള്ളൂ....പടച്ചോനേ എനിക്ക് നീ ധൈര്യം തരണേ....   ⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️     ഇന്നാണ് എന്റെ പാത്തുന്റെ ഓപ്പറേഷൻ......പടച്ചോനോട് കരഞ്ഞു ദുആ ചെയ്തിട്ടുണ്ട് എന്റെ പാത്തുനെ ഒരു പോറലും ഏൽപ്പിക്കാതെ എനിക്ക് തിരിച്ചു തരണമേന്ന്...... "Mr ഷെബിൻ...." "യെസ് ഡോക്ടർ....." "ഓപ്പറേഷൻ saccess...തന്റെ പാത്തുന് ഒരു കുഴപ്പവും ഇല്ലാ...തന്റെ പ്രാർത്ഥന ദൈവം കേട്ടു...." "താങ്ക്സ് ഡോക്ടർ...." "എല്ലാം ദൈവത്തിനോട് പറഞ്ഞോളൂ......"    വൈകുന്നേരം ആയപ്പോഴേക്കും പാത്തുനെ റൂമിലേക്ക്‌ മാറ്റി.....      ഒരു കൊച്ചു കുഞ്ഞിനെ പോലെ അവൾ ഉറങ്ങുകയാണ്....മെല്ലെ അവളുടെ അടുത്തേക്ക് പോയിരുന്നു......   "ഇക്കാ...." "ആഹ്...ഇയ്യ് ഉറങ്ങുകയല്ലായിരുന്നോ....." "ഏയ്‌...." "ഇപ്പൊ എങ്ങനെ ഉണ്ട് എന്റെ പാത്തുന്...." "എനിക്കൊരു കുഴപ്പവും ഇല്ല....പക്ഷെ എന്റെ മനസ്സ് എന്തോ ബേജാർ പോലെ ഇക്കാ...." "ഏയ്‌ ഒന്നുല്ലാ....എല്ലാം സുഖായില്ലേ ഇപ്പൊ പിന്നെന്തിനാ ടെൻഷൻ...." "എന്തോ അറിയില്ല ഇക്കാ....മരണം എന്റെ അടുത്ത് എത്തിയത് പോലെ..." "മതി പാത്തു...നീ ഒരൊന്നൊർത്ത് ടെൻഷൻ ആക്കേണ്ട..." "ഇക്കാ....മരിക്കാൻ എനിക്ക് പേടിയാ... എന്റെ ഇക്കാനെ സ്നേഹിച്ചു കൊതി തീർന്നിട്ടില്ല എനിക്ക്....ഇക്കാന്റെ കൂടെയുള്ള ജീവിതം എനിക്ക് മതിയായിട്ടില്ല....അതിനു മുന്നേ എന്നെ പടച്ചോൻ വിളിക്കുമോ ഇക്കാ...." "നീയെന്തൊക്കെ പറയുന്നേ പാത്തു...എന്റെ പാത്തു എന്നെ ഒറ്റക്കാക്കി എങ്ങോട്ടും പോകില്ല..പോകാൻ ഞാൻ സമ്മതിക്കില്ല....പൊരെ....." "Love uuu ikkaa...." "Love uuu to uuu പാത്തു...." "ഇക്കാ....." "എന്താടാ...." "ഇക്കാടെ മടിയിൽ കിടന്നോട്ടെ ഞാൻ..." "ആ......അത് നീ ചോദിക്കണോ....വാ കിടക്ക്..."      എന്റെ മടിയിൽ തലവെച്ചുറങ്ങുന്ന അവളെ നോക്കിയിരിക്കുമ്പോൾ ആണ് ഓള് എന്നോട് ഒരു കാര്യം പറയുന്നത്..... "ഇക്കാ...." "എന്താടി പറയ്..." "എന്റെ ഏറ്റവും വലിയ ആഗ്രഹം എന്താണെന്നോ..." "എന്താ...." "ഇക്കാടെ മടിയിൽ  ഇങ്ങനെ തലവെച്ച് ഉറങ്ങുമ്പോൾ തന്നെ എന്റെ റൂഹ് അസ്റാഈൽ എടുക്കണേ എന്ന്....ഇക്കാടെ മടിയിൽ കിടന്ന് മരിച്ചാൽ മതിയെനിക്ക്...." "നീയൊന്ന് മിണ്ടാതെ കിടന്നേ പാത്തു....മനുഷ്യനെ പിരാന്താക്കാൻ...." "അയ്യോ എന്റെ കാക്കുന് സങ്കടം ആയോ.... സോറിട്ടോ...." "ഓളെയൊരു സോറി... " ⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️⏺️    "പാത്തു....ടാ എണീക്കുന്നില്ലേ.....പാത്തു....പാത്തു....പാത്തു............"       ആ ഉറക്കം പിന്നേയെന്റെ പാത്തു ഉണർന്നില്ലാ....അവളുടെ ആഗ്രഹം പോലെ തന്നെ എന്റെ മടിയിൽ നിന്ന്  അവളെ റൂഹ് എടുത്തു........       പടച്ചോനേ എന്റെ പാത്തുന്റെ ആഗ്രഹങ്ങളൊക്കെ ഭൂമിയിൽ ബാക്കി വെച്ചിട്ടാനല്ലോ അവൾ പോയത്.....അല്ലേലും ഇതിനെയല്ലേ നമ്മൾ വിധിയെന്ന് പറയുന്നത്...... *(ചില വിധികൾ നമ്മളെ മനസ്സിനെ ഏൽപ്പിക്കുന്ന നോവ് അത്രക്ക് ആഴമുള്ളതായിരിക്കും.....ഒരിക്കലും മായാത്ത നോവായിരിക്കും അത്.....)* #📙 നോവൽ #📔 കഥ
🛡️ ദിവ്യഗർഭം 🛡️ full part "നീ എന്താ പറയുന്നത് ദീപേ? ഇതൊക്കെ ഇക്കാലത്ത് നടക്കുന്നതാണോ? സന്ദീപ്  ഇതൊക്കെ കണ്ട് മിണ്ടാതിരിക്കുന്നോ?" ചേച്ചിയുടെ ആ ചോദ്യം കേട്ട് അവളൊന്ന് വിതുമ്പി.. മാസങ്ങളായി അവളനുഭവിക്കുന്ന സംഘർഷങ്ങൾക്ക് ഒരു പരിഹാരം തേടിയാണ് അവൾ അവരോട് കാര്യങ്ങൾ അവതരിപ്പിച്ചത്... " സന്ദീപിനും ഒന്നും പറയാൻ പറ്റാത്ത അവസ്ഥയാണ് ചേച്ചി.. അത് പോലെയാണ് അമ്മ എന്നോട് സ്നേഹം കാണിക്കുന്നത്.. പിന്നെ മകന്റെ ഇഷ്ടത്തിന് നടത്തിയ വിവാഹമല്ലേ? " "എന്നാലും ഇത് ഇത്തിരി കടന്ന കയ്യല്ലേ? മരുമകൾ ഗർഭിണിയാവാതിരിക്കാൻ മരുമകളോടൊപ്പം കിടക്കുക എന്ന് പറയുന്നതിന് എന്ത് ന്യായീകരണം ആണ് ഉള്ളത്.. നീ ഇത് അവനോട് പറഞ്ഞ് എത്രയും പെട്ടെന്ന് ഒരു പരിഹാരം കണ്ടില്ലെങ്കിൽ പ്രശ്നങ്ങൾ കൂടുതൽ വഷളാവുമേ പറഞ്ഞേക്കാം.. അല്ലെങ്കിൽ ഇലക്കും മുള്ളിനും കേടില്ലാതെ ഒരു വാടക വീടെടുത്ത് മാറുക.." അവർ പറഞ്ഞതിന് മറുപടി പറയാനാവാതെ അവൾ വിങ്ങിപ്പൊട്ടിക്കൊണ്ടിരുന്നു.. "ഞാനെന്ത് ചെയ്യാനാ ചേച്ചി.. ഒറ്റ മകനല്ലേ.. ആളുകൾ എന്താ പറയാ.. അമ്മയെ ഒറ്റക്കാക്കി ഭാര്യയോടൊപ്പം പോയെന്ന് പറയില്ലേ? പിന്നെ കടയും വീടുമെല്ലാം അമ്മയുടെ പേരിലല്ലേ? അമ്മ എന്നോട് സന്ദീപിനെ അറിയിക്കരുതെന്ന് പറഞ്ഞ് ഒരു രഹസ്യം പറഞ്ഞു അതാ എനിക്ക് ഒരിക്കലും ഉൾക്കൊള്ളാനാവാത്തത്" ദീപ പറഞ്ഞത് കേട്ട് അവർ ആകാംക്ഷയോടെ അവളെ നോക്കി... "എന്താ അത്?" " ഞങ്ങൾക്ക് കുട്ടി ജനിച്ചാൽ അമ്മയുടെ ജീവന് ആപത്താണെന്ന് കുടുംബ ജ്യോത്സ്യൻ പറഞ്ഞെത്രേ.. അത് കൊണ്ട് ഒരിക്കലും അത് സംഭവിച്ച് കൂട എന്നും തുടർന്ന് എനിക്ക് ദിവ്യ ഗർഭമുണ്ടാകുമെന്നും അങ്ങനെ ജനിക്കുന്ന കുഞ്ഞിനെ ഈ കുടുംബത്തെ രക്ഷിക്കാനാവൂ എന്നും പറഞ്ഞു.. ഞാനെന്താ പറയാ.. ഇത് സന്ദീപിനോട് പറയരുതെന്നും അഥവാ പറഞ്ഞാൽ അമ്മ പിന്നെ ജീവിച്ചിരിക്കില്ലെന്നും പറഞ്ഞു.. " അവൾ പറഞ്ഞത് കേട്ട് കാര്യങ്ങളുടെ കിടപ്പുവശം അത്ര പന്തിയല്ലെന്ന് അവർക്ക് തോന്നി.. കാരണം അമ്മയുടെ സ്വഭാവം അവർക്കറിയുന്നത് ആണ്.. ഏത് സമയവും ജോത്സ്യനായി ആലോചിച്ചേ ഓരോ കാര്യങ്ങളും ചെയ്യാറുള്ളൂ.. അവരെ ധിക്കരിച്ച് മകൻ വിവാഹം കഴിച്ചതിൽ അവർക്ക് കടുത്ത അമർഷവും ഉണ്ടായിരുന്നു.. ഏറ്റവും അതിശയം പുറത്ത് ആർക്കും ഒരു സംശയവും വരാത്ത തരത്തിൽ സ്നേഹം അഭിനയിക്കുകയാവാം ആ അമ്മ എന്നും അവർക്ക് തോന്നി.. ഇതിൽ നിന്നും എങ്ങനെയെങ്കിലും അവളെ രക്ഷിച്ചില്ലെങ്കിൽ വിഷയം രൂഷമാവുമെന്ന് അവർക്കറിയാമായിരുന്നു.. "നീ വിഷമിക്കാതിരിക്ക് മോളെ.. ചേച്ചി ഒരു വഴി കണ്ടിട്ടുണ്ട്.. നീ അത് പോലെ ചെയ്താ മതി.. ഇനിയും ഇത് ഇങ്ങനെ വിട്ടാ ശരിയാവില്ല.. " അവർ പറഞ്ഞത് കേട്ട് കണ്ണുകൾ തുടച്ചുകൊണ്ട് അവൾ പ്രതീക്ഷയോടെ അവരുടെ മുഖത്തേക്ക് നോക്കി.. അവർ അവൾക്ക് ആ പോംവഴി പറഞ്ഞു കൊടുത്തു.. അത് കേട്ടതും അവളുടെ മുഖം തെളിഞ്ഞെങ്കിലും എന്തെങ്കിലും പ്രശ്നമുണ്ടാകു മോ എന്ന സംശയം അവൾക്കുണ്ടായിരുന്നു.. പക്ഷെ അവർ അവൾക്ക് ധൈര്യം പകർന്ന് നൽകി.. അങ്ങനെ രണ്ട് മൂന്ന് മാസം കടന്നു പോയി.. അപ്പോഴാണ് അമ്മയെ ഞെട്ടിച്ച് കൊണ്ട് ആ വാർത്ത അവൾ പറഞ്ഞത്... " ഞാൻ ഗർഭിണിയാണ് അമ്മേ... ഇന്നലെ ഡോക്ടറുടെ അടുത്ത് പോയിരുന്നു.. എല്ലാം ഓക്കെ ആയിട്ട് അമ്മയെ അറിയിക്കാമെന്നു വച്ചു... " അവൾ പറഞ്ഞത് കേട്ട് നെഞ്ചിൽ ഇടിത്തീ വീണപോലെ അവർ നിന്നു.. എന്നാലും ഇതെങ്ങനെ സംഭവിച്ചു എന്നോർത്ത് അവർ അതിശയിച്ചു.. " അതെങ്ങനാ മോളേ.. നിന്നോട് ഞാൻ പറഞ്ഞിരുന്നതല്ലേ? നിനക്ക് എന്റെ ജീവനിൽ ഒരു വിലയുമില്ലല്ലേ? " അവർ അങ്ങനെയേ പറയൂ എന്ന് അവൾക്കറിയാമായിരുന്നു.. " അതെന്താ അമ്മേ അങ്ങനെ പറയുന്നത്.. ഞാനമ്മയുടെ അടുത്തല്ലേ എന്നും കിടക്കാറുള്ളത്..അത് അമ്മയോടുള്ള സ്നേഹം കൊണ്ടല്ലേ? " "പിന്നെങ്ങനെ ഇത് സംഭവിച്ചു?" " അത് നല്ല ചോദ്യം.. അമ്മ അല്ലേ പറഞ്ഞത് എനിക്ക് ദിവ്യഗർഭം ഉണ്ടാകുമെന്ന് ജ്യോത്സ്യൻ പറഞ്ഞിരുന്നുവെന്ന്.. അങ്ങനെ ഉണ്ടായാൽ അത് ഈ കുടുംബത്തിനും അമ്മയുടെ ആയുസ്സിനും നല്ലതാണെന്നും അമ്മ പറഞ്ഞില്ലേ? ഇത് ദിവ്യഗർഭമാ അമ്മേ... ഞാൻ രണ്ട് ദിവസം മുന്ന് സ്വപനം കണ്ടിരുന്നു..ഭഗവതി വന്ന് എന്നെ അനുഗ്രഹിക്കുന്നതും ഒരു ഉരുണ്ട വെളിച്ചം എ ന്റെ വയറിലേക്ക് കയറുന്നതും... എല്ലാം ഭഗവതിയുടെ മായ.. അമ്മ വേഗം ഒരുങ്ങ് അമ്പലത്തിൽ പോയി ഇതിന് പകരമായി ഭഗവതിക്ക് ഒരു പട്ടും പൂവും കൊടുക്കണം.. " അവൾ പറഞ്ഞത് കേട്ട് അവർ രണ്ടു കൈയും മുകളിലേക്കുയർത്തി ഭഗവതിയെ വിളിച്ചു.. "എല്ലാം അമ്മയുടെ മായ" അമ്മ പറഞ്ഞത് കേട്ട് അവൾക്ക് ചിരിയാണ് വന്നത്.. ചേച്ചി പറഞ്ഞ്  കൊടുത്തത് പോലെ അമ്മ എന്നും രാത്രി കുടിക്കാറുള്ള കഷായത്തിൽ അവരറിയാതെ ഉറക്കഗുളിക പൊടിച്ചിട്ടിരുന്നു അവൾ.. ബോധം കെട്ടു അവരുറങ്ങുമ്പോൾ അവൾ അവന്റെ ചൂടുപറ്റി കിടക്കുകയായിരുന്നു.. രാവിലെ ആകുമ്പോൾ ഒന്നുമറിയാത്തതു പോലെ അവൾ അവരുടെ അടുത്ത് വന്ന് കിടക്കുകയും ചെയ്യും.. അങ്ങനെയാണ് ആ ദിവ്യഗർഭം ഉണ്ടായതെന്ന് അവർക്കറിയില്ലല്ലോ... ഉടനെ പോയി ജോത്സ്യനെ കണ്ട് നന്ദി പറയുമ്പോൾ നിരത്തി വച്ച കവിടികൾ നോക്കി അത്ഭുതപെട്ടിരിക്കുകയായിരുന്നു അയാൾ... writer :- പ്രവീൺ ചന്ദ്രൻ #📙 നോവൽ #📔 കഥ #💞 പ്രണയകഥകൾ
🛡️ കള്ളന് കഞ്ഞി വെച്ചവൻ🛡️ full part " എന്നെ അങ്ങയുടെ വിനീത ശിഷ്യനാക്കണം ആശാനെ" നാട്ടിലെ പ്രസിദ്ധ കള്ളനായ പരമുവിന്റെ കൈയ്യിലേക്ക് വെറ്റിലയും വെള്ളിനാണയവും പിടിപ്പിച്ചുക്കൊണ്ട് കിരൺ പറഞ്ഞു. പരമു ആശാൻ ധൃതംങ്ക പുളകിതനായി അവനെ നോക്കി. " നീ നമ്മടെ വാഴത്തൊടിയിലെ, റിട്ടയേർഡ് പോലീസ് കണാരന്റെ മോൻ അല്ലേ?" കിരൺ അതേയെന്ന് തലകുലുക്കി. " ലൊട്ടുലൊടുക്ക് മോഷണം നടത്തിയത് പിടിച്ചതിന് ഒരു പാട് ഭേദ്യം നടത്തിയിട്ടുണ്ട് നിന്റെ തന്തപ്പടി " അതു പറയുമ്പോൾ, പരമുവിന്റെ പല്ല് ഞെരിയുന്നുണ്ടായിരുന്നു. " എന്നാലും സാരല്യ!പരമുവിന്റെ അടുക്കൽ വന്ന് സഹായം ചോദിച്ചിട്ട്, കിട്ടീലാന്ന് വേണ്ട" ഒറ്റ കോയിൻ നെറ്റിയിൽ പതിച്ച്, വെറ്റില വായിലിട്ട് ചവച്ചു കൊണ്ട് പരമു ,മഴവില്ല് പോലെ ചാരുകസേരയിലിരുന്നു കിരണെ -നോക്കി. " നീ കോളേജിലൊക്കെ പോയ കുട്ടിയല്ലേ? നിനക്ക് ഒരു ജോലിയും കിട്ടിയില്ലേ?" " കിട്ടാതെയല്ല ആശാനെ! കിട്ടിയ ജോലിയിൽ കോൺസട്രേഷൻ ചെയ്യാൻ പറ്റുന്നില്ല" "അതെന്താ നിനക്ക് അത് ചെയ്യാൻ പറ്റാത്തത്?" "ഏത് ചെയ്യാൻ പറ്റാത്തത്?" ''അധികം ചോദ്യം ഇങ്ങോട്ടു വേണ്ട! അത് ചെയ്യാൻ പറ്റാത്തതെന്താണെന്നുള്ള ഉത്തരം പറഞ്ഞാൽ മതി" കാലിൻമേൽ കാൽ കയറ്റി വെച്ച് എലിവാലൻ മീശ പിരിക്കുന്ന പരമുവിനെ കണ്ട് കുട്ടികൃഷ്ണൻ നായരെ ഓർത്ത് ചിരി വന്നെങ്കിലും കിരൺ കടിച്ചമർത്തി: ഗുരുനിന്ദ പാപമാണെന്നു ആരോ പറയുന്നതുപോലെ തോന്നി: "ആശാൻ കോൺസട്രേഷൻ കിട്ടാത്തതിനെ പറ്റിയല്ലേ ചോദിച്ചത്?" പരമു ആശാന്റെ തല കുലുങ്ങി, " അത് ഒരു പെൺക്കുട്ടിയെ ഞാൻ ഹൃദയം തുറന്ന് സ്നേഹിച്ചിരുന്നു ആശാനെ " എന്നിട്ട്?" ചുള്ളിക്കൊമ്പ് പോലെയുള്ള കാൽ ആട്ടിക്കൊണ്ട് ആശാൻ ആരാഞ്ഞു. ഒരു ബിസിനസ്സ് ക്കാരനെ കണ്ടപ്പോൾ, വിദഗ്ദമായി എന്നെ ഒഴിവാക്കി അവനുമായി വിവാഹം കഴിച്ചു " " തേപ്പ് ഇപ്പോൾ സർവസാധാരണം അല്ലേ? അതിനെന്തിനാ നിന്റെ ആ-കുന്തം പോയത്?" " അവളോട് അത്രയ്ക്ക് ഇഷ്ടമായിരുന്നു ആശാനേ? ഏത് ജോലി ചെയ്യുമ്പോഴും ഓർമ്മയിൽ അവൾ വരുമ്പോൾ, അവളോടുള്ള ദേഷ്യം കൊണ്ട് ഞാൻ ഫയലുകൾ വലിച്ചു കീറും " അങ്ങിനെ ഓരോ കമ്പനിയിലും, ജോലിക്ക് കയറിയ ദിവസം തന്നെ ഇറങ്ങേണ്ടി വരുന്ന ഗതികേടാ എനിക്ക് " ആശാന്റെ ചാരുകസേരയ്ക്ക് താഴെയായി കിരൺ ഇരുന്നു. "മോഷണം ആകുമ്പോൾ താനേ കോൺസട്രേഷൻ വരുമെന്നാണ്, ഈ മേഖലയിലേക്ക് എന്നെ സജസ്റ്റ് ചെയ്ത എന്റെ ഫ്രണ്ട് പറഞ്ഞിരിക്കുന്നത്?" "അതെന്താ അങ്ങിനെ?" " മോഷ്ടിക്കുമ്പോൾ കോൺസെട്രേഷൻ ഇല്ലെങ്കിൽ ആൾക്കാരുടെ കൈയിൽ നിന്നു നല്ല ചാമ്പും, ജയിൽ ജീവിതും ഉറപ്പാണ്" "തൊഴിലിനെ പറ്റി നല്ല ബോധമുള്ളവൻ " കിരന്റെ കവിളിൽ തട്ടി അഭിനന്ദിക്കുമ്പോഴെയ്ക്കും പടിക്കൽ ഒരു വാൻ വന്നു നിന്നു. " ഓപ്പറേഷനുള്ള വാഹനം വന്നു, ഇന്ന് തന്നെ പ്രാർത്ഥിച്ച് ജോയിൻ ചെയ്തോളൂ" "നമ്മുടെ യൂണിഫോം ഒക്കെ വാനിലുണ്ട് - " ആശാൻ അത് പറഞ്ഞ് വാനിനടുത്തേക്ക് നടന്നപ്പോൾ കിരൺ അയാൾക്കരികിലേക്ക് ഓടിയെത്തി. " ആശാനെ നൂറ് വീടുകളിൽ കയറിയാൽ കിട്ടുന്നത് ഒരു വീട്ടിൽ നിന്നു കിട്ടിയാൽ അതല്ലേ നല്ലത്?" ആശാൻ ചോദ്യഭാവത്തോടെ കിരണെ -നോക്കി. " എന്നെ തേച്ചവളുടെ ഭർത്താവ് സ്വർണ്ണ ബിസിനസ്സ് ക്കാരനാണ്. കൂടാതെ പുരാവസ്തുക്കളുടെ ശേഖരവുമുണ്ട്. അതാവുമ്പോൾ ശിഷ്യന് പണി കൊടുത്തവളുടെ ഭർത്താവിനിട്ടു പണിതു എന്ന ക്രെഡിറ്റ് ആശാനും കിട്ടും." കറുപ്പണിഞ്ഞ ആകാശത്തേക്ക് നോക്കി ഒരു നിമിഷം നിന്ന ആശാന്റെ മെല്ലിച്ച കൈയ്യിലെ-തള്ളവിരൽ ഉയർന്നു. ഇരുട്ടിനെ കീറി മുറിച്ചു കൊണ്ട്, കിരൺ പറഞ്ഞ വഴികളിലൂടെ വാൻ ഓടി! ആശാനെയും, കിരണിനെയും കൂടാതെ, ആശാന്റെ ശിഷ്യൻമാരായ മൂന്നു പേർ കൂടിയുണ്ടായിരുന്നു വാനിൽ. കിരൺ പറഞ്ഞു കൊടുത്ത, വലിയ ബംഗ്ലാവിനടുത്തുള്ള കുറ്റിക്കാട്ടിലേക്ക് വാൻ ഓടിച്ചു കയറ്റി. രാത്രിയുടെ നിശബ്ദതയിലൂടെ, ഡ്രൈവർ ഒഴിച്ചുള്ള വർ, കരിയിലകൾക്കു മീതെക്കൂടി, ശബ്ദമുണ്ടാക്കാതെ ആ ബംഗ്ലാവ് ലക്ഷ്യമാക്കി നടന്നു. ഓടിയെത്തിയ കൂറ്റൻ നായ്ക്കൾക്കു നേരെ ആശാൻ ഏതോ പലഹാരം എറിയുകയും, അവ മണപ്പിക്കുമ്പോഴെയ്ക്കും നായ്ക്കൾ മയങ്ങി വീണു. നായ്ക്കൾ കുഴഞ്ഞു വീണതോടെ അവർ മതിൽ ചാടി അകത്ത് കടന്നു ! ബംഗ്ലാവിന്റെ -മുന്നിലായി കത്തിനിൽക്കുന്ന ഹാലജൻ ബൾബിന്റെ പ്രകാശത്തിൽ പെടാതെ, ഇരുട്ടിന്റെ മറപറ്റി നടന്നു അവർ ! മെയിൻ സ്വിച്ച് ഓഫ് ചെയ്യുന്നതിനു മുൻപ്, കൈയിലുണ്ടായിരുന്ന ജവാന്റെ ഫുൾ ബോട്ടിൽ തുറന്ന്, മൂന്നു പേരും വെള്ളം ചേർക്കാതെ വായിലേക്ക് കമഴ്ത്തുന്നത് കണ്ട് കിരന്റെ കൈ തണ്ടയിലെ രോമമൊക്കെ ഉയർന്നു! ആശാൻ ഏതോ കമ്പിയെടുത്ത് ലോക്കിലിട്ട് തിരിച്ചപ്പോൾ വാതിൽ തുറന്നു: നിറഞ്ഞ ഇരുട്ടിലൂടെ ആശാന്റെ നിർദ്ദേശപ്രകാരം, വീടിന്റെ ഓരോരോ മുറികളിലേക്ക് മൊബൈൽ വെട്ടത്തിൽ അവർ നടന്നു. പാണ്ടിവണ്ടി ചുരം കയറുന്നതു പോലെ, ആരോ കൂർക്കം വലിക്കുന്നത് കേട്ടപ്പോൾ തന്റെ ധൈര്യമൊക്കെ ചോർന്നു പോകുന്നതു പോലെ കിരണ് തോന്നി. റൂമിലേക്ക് കയറിയവർ ഒന്നും കിട്ടാതെ, നിരാശരയായി, കിരണെ പ്രാകി തിരിച്ചു വന്നിരുന്നു! ഒടുവിൽ വന്ന ആശാൻ, ഒരു വലിയ ചാക്ക്കെട്ട് തോളത്ത് വെക്കാൻ ബുദ്ധിമുട്ടുന്നത് കണ്ട് അങ്ങോട്ടേക്ക് ചെന്നു. "ആശാനെ, ഇതിനുള്ളിൽ വർഷങ്ങളോളം പഴക്കമുള്ള സരസ്വതി ദേവിയുടെ സ്വർണ്ണപ്രതിമയാണ് " ആശാന്റെ കണ്ണുകൾ പുറത്തേക്ക് തുറിച്ചു ന്തി: "അന്താരാഷ്ടമാർക്കറ്റിൽ കോടികളാണ് ഇതിന്റെ വില.ഇവിടെ നിന്ന് പുറത്തെത്തിക്കാൻ വലിയ റിസ്ക്കുണ്ട് " "അതിന്?" ആശാൻ ചോദ്യഭാവത്തോടെ കിരണെനോക്കി. " നമ്മൾക്ക് ഇത് പോലീസ് സ്റ്റേഷനിൽ ഏൽപ്പിച്ചാലോ?" " നിനക്ക് ഭ്രാന്തോ? ഇതെങ്ങിനെ പുറത്ത് എത്തിക്കണമെന്ന് എനിക്കറിയാം - ഈ ഓപ്പറേഷനോടെ നമ്മൾ ഈ തൊഴിലിനോട് വിട പറയുകയാണ് " അതും പറഞ്ഞ് ആശാൻ അഭ്യാസിയെപ്പോലെ കുനിഞ്ഞു. ചാക്ക്കെട്ട് ഉയർത്തി കിരൺ ആശാന്റെ തോളിൽ വെച്ചു! മദ്യലഹരിയിലായിരുന്ന ആശാൻ, തോളിൽ ചാക്കും വെച്ച്ഇടറിയ കാൽവെപ്പുകളോടെ പുറത്തേക്ക് നടന്നു. സഹായിക്കാൻ വന്ന ശിഷ്യരെ അയാൾ തടഞ്ഞു. "ഇരുപത്തിയൊന്ന് വർഷത്തെ എന്റെ മോഷണ ജീവിതത്തിൽ ഇന്നാണ് എനിക്ക് അഭിമാനം തോന്നിയിട്ടുള്ളത് " മതിൽക്കെട്ടിനകത്തേക്ക് കയറിയവഴി ഏതെന്നറിയാതെ ആശാനും ശിഷ്യരും തരിച്ചുനിൽക്കുമ്പോൾ, കിരൺ അവർക്ക് വഴികാട്ടിയായ്: പുറത്തേക്ക് നടന്ന്, കാട്ടിൽ പാർക്ക് ചെയ്തിരുന്ന വാനിലേക്ക് കയറുമ്പോൾ, ആശാൻ വല്ലാതെ കിതച്ചിരുന്നു. കുറേദൂരം ഓടി ആ വാൻ രഹസ്യ സങ്കേതത്തിലെത്തുമ്പോൾ, രാത്രി രണ്ട് മണി കഴിഞ്ഞിരുന്നു. "ആശാനെ ചാക്ക് തുറക്കട്ടെ'' കിരൺ ധൃതിയോടെ ചോദിച്ചപ്പോൾ, ആശാൻ രണ്ട് ജവാന്റെ കഴുത്ത് പൊട്ടിക്കുകയായിരുന്നു! "വേവോളം നിൽക്കാമെങ്കിൽ ആറോളം നിൽക്കാം ചെക്കാ " കുപ്പികൾ വായിലേക്ക് കമഴ്ത്തി തുടങ്ങിയതും, കള്ളൻമാരാണെന്ന ചിന്തയില്ലാതെ അവർ പാട്ട് തുടങ്ങി. പാട്ടിനൊടുവിലാണ് ആശാൻ തുറന്നു കിടക്കുന്ന വാതിലൂടെ പുറത്ത്, കുരിരുട്ടിൽ ഒരു വെളുത്ത വസ്ത്രങ്ങളണിഞ്ഞ സ്ത്രീരൂപം കണ്ടതും, വടമലയക്ഷി എന്നലറി ബോധംകെട്ടതും! പുറത്തേക്ക് ഒന്നു നോക്കുക പോലും ചെയ്യാതെ, ആശാന്റെ ശിഷ്യരും ബോധം കെട്ടപ്പോൾ, ആ യക്ഷി റൂമിനകത്തേക്ക് വന്നു -കിരണിനെ ആലിംഗനം ചെയ്തു! "എവിടെയൊളിപ്പിച്ച് വെച്ചാലും, എത്ര താഴിട്ട് പൂട്ടിയാലും, സുസ്മിതയെ ഞാൻ പൊക്കുമെന്ന് പറഞ്ഞത് വെറും വാക്കല്ലെന്ന് ചക്കരക്ക് മനസ്സിലായില്ലേ?" "സമ്മതിച്ചു ആശാനെ" എന്നവൾ കിരന്റെ തോളിൽ ചാഞ്ഞു കിടന്നു ആ ചുണ്ടിൽ ചുണ്ടമർത്തി പറയുമ്പോൾ, ആ -വാൻ, ഏതോ ഒളിസങ്കേതം ലക്ഷ്യമാക്കി ഓടി തുടങ്ങിയിരുന്നു. writer: santhosh appukuttan #📙 നോവൽ #📔 കഥ #💞 പ്രണയകഥകൾ
🔥രാവണ പ്രണയം🔥 💘Unpredictable mad love💘 Part-60 അമീന......📝 💕💕💕💕💕💕💕💕💕💕💕💕💕💕💕💕 ഒരു മിന്നായം പോലെ കടന്നു പോയ ആ മുഖം അവളിൽ ഞെട്ടൽ ഉണ്ടാക്കിയതും..... അവളുടെ കാതുകളിൽ ഒരു കുഞ്ഞിന്റെ കരച്ചിൽ ഉയർന്നു പൊങ്ങിയതും..... കൈ രണ്ടും ചെവിയിൽ പൊതിഞ്ഞു  കൊണ്ട് അവൾ തളർന്നു നിലതോട്ടൂർന്നിരുന്നു........ കണ്മുന്നിലൂടെ ഭീതിയിൽ ആഴ്ത്തുന്ന കഴിഞ്ഞു പോയ സംഭവങ്ങൾ ചലച്ചിത്രമെന്നോണം മനസ്സിൽ നിറഞ്ഞു നിന്നതും...... മ്മളിൽ നിന്നൊരു തേങ്ങൽ ഉയർന്നു..... പെട്ടന്ന് തന്നെ അവരെല്ലാം ഓടി അടുത്തതും..... മ്മള് ശിലക്കണക്കെ അവിടെനിന്നൊന്നനങ്ങാൻ പോലും കഴിയാതെ ആ മുഖം ഓർത്തെടുത്തു...... ആ മുഖം മനസ്സിൽ തെളിഞ്ഞതും ഷാഹിൽ.... ന്ന് മനസ്സിൽ മന്ത്രിച്ചതും...... മ്മളിൽ ഒരു കൈ വലയം ചേർത് പിടിച്ചതും മ്മള് ഞെട്ടിത്തരിച്ചു നോക്കിയപ്പോൾ കണ്ടത് മ്മളെ നോക്കുന്ന ചെക്കനെ ആണ്.... "അക്കു.... ന്താടാ പറ്റിയെ.....ഹേ... പറയ്‌....... ന്തേലും ഒന്ന് പറയ്‌ പെണ്ണെ...." ന്നൊക്കെ മ്മളോടയി വെപ്രാളത്തോടെ ചോദിച്ചെങ്കിലും....  മ്മള് അവനിലേക്കായി നോക്കി ഇരുന്നതല്ലാതെ ഒന്നും പറഞ്ഞില്ല... അപ്പോൾ തന്നെ അല്ലുചായൻ മ്മടെ അരികിലായി വന്നോണ്ട്  കാര്യം ചോദിച്ചതും മ്മള് ഒന്നൂല്ലന്നുള്ള രീതിൽ തല ചലിപ്പിച്ചു കൊണ്ട്  ചെക്കനെ മുറുകെ കെട്ടിപിടിച്ചു ഇരുന്നു....... പതിയെ മ്മളെ പിടിച്ചു എഴുനേൽപ്പിച് മ്മളേം കൊണ്ട് അവന് വീട്ടിലേക് കയറി സെറ്റിയിൽ പിടിച് ഇരുത്തി.... മ്മളെ അടുത്തോട്ടു വന്ന ആനി കാര്യം ന്താണെന്ന് ചോദിച്ചതും.....എന്ത് പറയണമെന്നറിയാതെ ദയനീയമായി അവളെ നോക്കി കണ്ണ് നിറച്ചു... അത്‌ കണ്ടതും ലിയു... "അക്കു.... ന്താടാ അനക് പറ്റിയെ.... പെട്ടന്നെന്ത തളർന്നു പോയത്.... കണ്ണൊക്കെ നിറയുന്നല്ലോ നിന്റെ.... നി ഓക്കേ അല്ലെ.... ന്തേലും ഒന്ന് പറയ്‌ അക്കു....." "മ്മക്ക്.... മ്മക്ക് ഒന്നും ഇല്ല ലിയു.... പെട്ടന്ന് ഓടിയിറങ്ങിയപ്പോ തല ചുറ്റിയതാ..... അല്ലാണ്ട്......" ന്ന് മ്മള് പറയലും ഇതുവരെ മിണ്ടാതെ നിന്ന ചെക്കന് കലിപ്പിൽ... "ന്നാൽ അതങ്ങ് ആദ്യമേ പറഞ്ഞൂടെ.....ടെൻഷൻ അടിച്ചു മനുഷ്യന്റെ നല്ല ജീവൻ അങ്ങ് പോയി.... കോപ്പ്......." ന്ന് ചെക്കന് കലിപ്പ് ആയതും മ്മക്കും ചൊറിഞ്ഞു കയറി.... "ദേ.. രാവണ...മ്മള് ഒന്ന് തലചുറ്റി വീണതിനാണോ...... മ്മക്ക് ഒന്ന് തല ചുറ്റാനും പാടില്ലേ.... ഇത് നല്ല കൂത്ത്...." "അതാണോ ഞാൻ പറഞ്ഞത്....നിന്റെ അവസ്ഥ കണ്ട് ഞങ്ങൾ ഒക്കെ എത്ര ചോദിച്ചു... അപ്പൊ എന്ത നിന്റെ വായിൽ നാകില്ലായിരുന്നോ....." ഓഹ് ഇങ്ങേരെ ഞാൻ 😬 "ഇല്ല.... നാക്ക് കാശിക്ക് പോയി...ന്തേ ..... ഒരു കാര്യം ചെയ്യാം...ഇനി മുതൽ തല ചുറ്റുമ്പോൾ നോട്ടീസ് അടിക്കാം....." "ഇവളെ ഇന്ന് ഞാൻ...." ന്ന് ചെക്കൻ പല്ല് കടിച്ചു പറയലും അതിനിടയിൽ കയറി അർഷി പറഞ്ഞു.... "നിങ്ങൾ ഒന്ന് അടങ്ങി നിക്കോ..... ഒരു ഗ്യാപ് കിട്ടിയാൽ തുടങ്ങിക്കോണം.....ഇപ്പൊ ഏതോ ഒരുത്തൻ വീട്ടിൽ കയറി വന്നു ഷാദിയെ പിടിച്ചിറക്കി കൊണ്ട് പോയി.... അതെന്താണെന്ന് അന്വേഷിക്കാതെ അടികൂടാൻ നിക്ക..... " ന്ന് അർഷി പറഞ്ഞതും മ്മൾക് മനസ്സിൽ കടന്നു വന്നത് ഷാഹിൽ ന്റെ മുഖം ആയിരുന്നു..... അപ്പോൾ തന്നെ അരുൺ അവരോടായി പറഞ്ഞു.... "അർഷി അതിന് ആ വന്നവൻ അറിയാത്തവൻ ഒന്നും അല്ല...." "എന്ത്...... പിന്നെ അവന് ആരാ... ".. ന്ന് ഷാൻ കാക്കു ചോദിച്ചതും..... "അവൻ ഈ നാട്ടുകാരൻ തന്നെയാ..... പേര് ഷാഹിൽ......ആ പെങ്കൊച്ചിനെ കണ്ടപ്പോൾ തന്നെ എനിക്ക് ഒരു സംശയം തോന്നിയിരുന്നു.......അത്‌ അവന്റെ പെങ്ങൾ ആണോന്ന്......അവന് ചെറിയ ഒരു പലിശ ഇടപാട് ഉണ്ട്..... അതിന് പൈസ പിരിക്കാൻ വന്നതാ ഇവിടെയും......മുറ്റത്തു നിൽപ്പുണ്ടായിരുന്നു.... പൈസയുമായി വന്നപ്പോൾ ആളെ കാണാൻ ഇല്ല......" "അപ്പൊ ശാദിയടെ നാടും ഇതാണോ....".. ന്ന് മ്മള് ചോദിച്ചതും അരുൺ.... "ആ.... കുട്ടിയെ അങ്ങനെ പരിചയം ഒന്നും ഇല്ല... ഇടക് ഒന്ന് കണ്ടിട്ടുണ്ട്.... ഹോസ്റ്റലിൽ നിന്ന് പഠിക്കുവാണെന്നുള്ള അറിവേ ഒള്ളു.... പാറുവിന്റെ അടുത്തുള്ള വീട്ടിൽ ആണ് താമസിക്കുന്നത്....." "പാറുവോ  അതാരാ......" ന്ന് ആനി ഇടങ്കോലിട്ടതും..... അരുണി... "അമ്മാവന്റെ മോളാ..... ഏട്ടന്റെ മുറപെണ്ണ്....." ന്ന് അരുണി പറഞ്ഞു നിർത്തിയതും..... "ഇനി ഇപ്പൊ എന്ത് ചെയ്യും അലൻ....... അവൾ അവളുടെ വീട്ടിലേക്കു തന്നെയല്ലേ പോയിട്ടുണ്ടാക....ഒന്നൂല്ലേലും അവളുടെ ഏട്ടന് അല്ലെ കൊണ്ട് പോയത്......." ന്ന് ഷാൻ കാക്കു പറഞ്ഞതും.... അർഷി... "ആരായാലും ഇങ്ങനെയൊക്കെ ആണോ ഒരാളോട് ചെയ്യുന്നത്.....ഒരു ആങ്ങള.... സ്വന്തം ഒന്നും അല്ലല്ലോ....അവളെ അവിടെയിട്ട് നരകിപ്പിക്കും ആ ചെറ്റ.... അത്‌ കണ്ട് നിക്കാൻ ഇന്ക് കഴിയൂല......" "നി എന്തൊക്കെയട പറയുന്നത്.... അവളെ കൊണ്ട് പോയത് അവളുടെ വീട്ടിലേക് ആണ്.... നി ഇങ്ങനെ ടെംപേർ തെറ്റാൻ...." "അങ്ങനെ അല്ല മോനെ .... അർഷി  പറയുന്നതിലും കാര്യം ഉണ്ട്.... അത്‌ അവളുടെ സ്വന്തം ആങ്ങള ഒന്നും അല്ല..... അവടെ ഉമ്മ മരിച്ചപ്പോൾ മോൾക് വേണ്ടി കെട്ടിയതിൽ ഉള്ള  മോൻ ആണ്.....ആദ്യം ഒക്കെ നല്ല സ്നേഹം ആയിരുന്നു.... പിന്നീട് ആ അമ്മയും മോനും കൂടെ ആ കൊച്ചിനെ ഇട്ടു ആ വീട്ടിൽ നരകിപ്പിക്ക..... അതുകൊണ്ടാണ് അതിനെ ഹോസ്റ്റലിൽ ആക്കിയത്.... ന്ന് ആന്റി അങ്ങോട്ടായി വന്നു പറഞ്ഞതും....കുറച് നേരം എന്തോ ആലോചിച് കൊണ്ട് മ്മടെ ചെക്കന് കലിപ്പിൽ എണീറ്റോണ്ട് പറഞ്ഞു..... "ഷാൻ ആൽബി... അർഷി...... ഇനി കൂടുതൽ സംസാരിക്കാൻ നിക്കണ്ട... പ്രവർത്തനം ആണ് വേണ്ടത്......അങ്ങനെ അവളെ വേദനിപ്പിക്കാൻ അവിടെ നിർത്തണ്ട..... വിളിച്ചോണ്ട് വരണം.....ഇപ്പൊ തന്നെ എല്ലാവരും ഇറങ്ങിയെക്ക്.... ആ വഴി പിന്നെ വീട്ടിലോട്ട് തിരിക്കാം...... " ന്ന് ചെക്കന് പറഞ്ഞതും.... അവരെല്ലാം കൂടെ പുറത്തോട്ട് പോകാനായി ഒരുങ്ങി ഇറങ്ങിയതും മ്മടെ മനസ്സിൽ അപായ മണി മുഴങ്ങി..... പാടില്ല.... ഇവരെ അങ്ങോട്ട് വിട്ടാൽ അത്‌ പ്രശ്നം ആകും.... ഇത്രയും കാലം അവനിൽ നിന്ന് മറച്ചു വെച്ച ആ സത്യo....മ്മളെ കാണുന്നതിലൂടെ അവന് ചിലപ്പോൾ മുച്ചൂടെ നശിപ്പിക്കാൻ കാരണം ആയി മാറും...... എങ്ങനെയും ഇത് തടഞ്ഞേ പറ്റു......അവന്റെ മുന്നിലേക്ക് മ്മൾക് പോകാൻ കഴിയില്ല......മ്മളെ കണ്ട് കഴിഞ്ഞാൽ മ്മള് ജീവന് കൊടുത്തും നേടിയെടുത്തവയെല്ലാം അവന്റെ കയ്യിനാൽ  നശിപ്പിക്കുന്നത് കാണേണ്ടി വരും........അവന്റെ പിടിയിൽ നിന്ന് മ്മളെ കൈകളിലേക്കായി കിട്ടിയ ന്റെ അപ്പുവിന്റെ ജീവൻ തുലാസിൽ നിർത്താൻ എനിക്ക് കഴിയില്ല.....അതുകൊണ്ട് അവനുമായുള്ള കൂടിക്കാഴ്ച ഏത് വിതേനായും തടഞ്ഞേ പറ്റു...... ന്നൊക്കെ ആലോചിച്ചു കൊണ്ട് മ്മള് ചെക്കന്റെ കയ്യിൽ പിടി മുറുക്കി നിർത്തി പറഞ്ഞു.... "കിച്ച.....നിൽക്ക്....നിക്ക് കിച്ച.....അങ്ങോട്ട് പോകണ്ട.... അത്‌ ശരിയാവില്ല......" "എന്ത് ശരിയാവില്ല.....അങ്ങോട്ട് പോകുന്നു അവളെ കൊണ്ട് വരുന്നു.... അറിഞ്ഞു കൊണ്ട് അവളെ അവടെ നിർത്തണം എന്നാണോ നി പറയുന്നത്....." ന്ന് അർഷി ഇടയിൽ കയറി കലിപ്പ് ആയതും മ്മള് പറഞ്ഞു... "മ്മള് പറഞ്ഞത് എന്താണെന്ന് വെച്ചാൽ അവൾ ഇപ്പോൾ പോയിരിക്കുന്നത് അവളുടെ സ്വന്തം വീട്ടിലേക്കാണ്..... ഉമ്മയും ഏട്ടനും അവളുടെ സ്വന്തം അല്ലെങ്കിലും അവൾക്ക് സ്വന്തമായ അവളെ ജനിപ്പിച്ച ഉപ്പ ഉണ്ടാകും അവിടെ....... അല്ലെങ്കിൽ തന്നെ അവരവളെ ദ്രോഹിക്കാൻ മാത്രം മുന്നിട്ടു നിൽക്കുന്നവരാണ്..... ഈ സമയത്ത് നമ്മൾ അങ്ങോട്ട് പോയി അവിടെ ഒരു സീൻ ക്രിയേറ്റ് ചെയ്താൽ അത് അവൾക്ക് തന്നെയായിരിക്കും ദോഷം വരുത്തുന്നത്.....പറഞ്ഞത് മനസ്സിലാകുന്നുണ്ടല്ലോ..... ഞാൻ പറഞ്ഞിട്ട് അവളുടെ ഉപ്പയോട് അനുവാദം ചോദിച്ചിട്ടാണ് കല്യാണത്തിന് വേണ്ടി വീട്ടിൽ നിൽക്കാൻ അവൾ വന്നത്.....അത് ഏത് വിധേനയായാലും ഞാൻ അങ്ങോട്ട് അവളെ കൊണ്ട് വന്നിരിക്കും....... അതിനിടയിൽ ഒരു പ്രശ്നം ഉണ്ടാക്കി തീരെ വീട്ടിൽ നിന്ന് ഇറങ്ങി വരാൻ പറ്റാത്ത ഒരു സാഹചര്യം ഉണ്ടാക്കിയാൽ അത് അവളുടെ പഠനത്തെയും ബാധിക്കും.......ഇപ്പൊ എടുത്ത് ചാടി ഒന്നും ചെയ്യരുതന്നെ മ്മള് പറഞ്ഞുള്ളു..... " എന്നൊക്കെ ഞാൻ പറഞ് നിർത്തിയതും.... അത് ശരിവെക്കുമെന്നോണം ആയിരുന്നു ആന്റിയും പറഞ്ഞത്.... "മോൾ പറഞ്ഞത് ശരിയാണ്.... അത് ആ കുഞ്ഞിന്റെ ജീവിതത്തെയും പഠനത്തെയും ബാധിക്കാൻ കാരണമാകും കുട്ടിയോളെ....... ഇപ്പോൾ ഒരു എടുത്തുചാട്ടം ശരിയാവില്ല......." ന്ന് ആന്റി കൂടെ പറഞ്ഞതും.... ചെക്കൻ ചോദിച്ചു... "പറഞ്ഞതിലും കാര്യമുണ്ട്.... ഇനി എന്താണ് ചെയ്യുന്നെ....." ന്ന് അലിൻ ചോദിച്ചതും..... ഞാൻ ഒരു നിമിഷം അവരെ തന്നെ നോക്കി നിന്നു കൊണ്ട് ഇപ്പോൾ വരാം എന്ന് പറഞ്ഞ് തിരിഞ്ഞു അകത്തോട് ഓടി......റൂമിലുള്ള ഷാദിയുടെ ബാഗിൽ നിന്നും അവളുടെ ഫോൺ എടുത്തു കൊണ്ട് വന്നു.... എന്നെ തന്നെ ഉറ്റു നോക്കി കൊണ്ടിരുന്ന അവരുടെ മുൻപിൽ വച്ച് തന്നെ മ്മള് അവളുടെ ഫോണിൽ നിന്നും അവളുടെ ഉപ്പാടെ ഫോണിലേക്ക് കോൾ ചെയ്തു... മറുപുറത്തു നിന്നും കോൾ അറ്റൻഡ് ചെയ്തതും....... ഞാൻ മുഖവുര കൂടാതെ സംസാരിച്ചുതുടങ്ങി... "ഹലോ....അങ്കിള് ഞാൻ അക്കുവാണ് സംസാരിക്കുന്നത്..... ഇവിടെ കുറച്ചു മുന്നേ ഞങ്ങളെ മുന്നിൽന്ന് ഷാദിയെ പിടിച്ചിറക്കി കൊണ്ടുപോയിരുന്നു അവൾ അവിടെ എത്തിയിട്ടില്ലേ....." "ആ.....അക്കു മോളെ അവൾ കുറച്ചു നേരമായി ഇവിടെ എത്തിയിട്ട്..... എന്റെ കുഞ്ഞിനെ അവൻ ഞാൻ ഉണ്ടായതുകൊണ്ട് മാത്രം ഒന്നും ഉപദ്രവിച്ചില്ല..... എന്താണ് ഉണ്ടായത്......അവൻ ദേഷ്യത്തിൽ ആണ് ഇങ്ങോട്ട് വന്നത്....." "അത് അങ്കിൾ.... ഞാൻ എന്റെ ഫ്രണ്ടിനെ കല്യാണം വിളിക്കാൻ വേണ്ടി വന്നതായിരുന്നു ഇവിടെ നിങ്ങടെ നാട്ടിൽ......കൂട്ടിന് അവളും ഉണ്ടായിരുന്നു..... ഇവിടെ വെച്ചാണ് പിടിച്ചു കൊണ്ടുപോയത്..... അങ്ങോട്ട് വന്ന് അവളെ വിളിച്ച് ഒരു പ്രശ്നം ഉണ്ടാക്കണ്ട എന്നു വിചാരിച്ചിട്ടാണ് മ്മള് ഇപ്പൊ  വിളിച്ചു ചോദിച്ചത്...... പിന്നെ വേറൊരു കാര്യം കൂടി അവളെ നാളെ തന്നെ മ്മടെ വീട്ടിലോട്ട് പറഞ്ഞു വിടണo....പ്ലീസ് അങ്കിൾ...... എങ്ങനെയായാലും അവിടെ നിൽക്കുന്നത്രയും ദിവസം അവൾക്  അവരുടെ ദ്രോഹങ്ങൾ ഏറ്റുവാങ്ങേണ്ടി വരും......അതുകൊണ്ട് എന്നതുകൊണ്ടുo മ്മടെ വീട്ടിൽ മ്മടെ കൂടെ അവൾ സേഫ് ആയിരിക്കും....." "മോള് ടെൻഷനടിക്കേണ്ട... അവളെ ഞാൻ നാളെ തന്നെ അങ്ങോട്ട് പറഞ്ഞു വിടാം..... എന്റെ കുഞ്ഞിനെ ഇവിടെ ഇട്ടു നരകിപ്പിക്കാൻ ഞാൻ സമ്മതിക്കില്ല..... കുറച്ചുദിവസം അവളൊന്നു സന്തോഷത്തോടെ നിൽക്കുന്നത് കണ്ടാൽ മാത്രം മതി എനിക്ക്......." ന്ന് ഒരു വിതുമ്പലോടെ പറഞ്ഞു കൊണ്ട് ആ കോൾ കട്ട് ആയതും..... ഒരുനിമിഷത്തിൻ ശേഷം മ്മള് അവരോടായി പറഞ്ഞു "ഇനി അങ്ങോട്ടുപോയി കൂടുതൽ പ്രോബ്ലം ഉണ്ടാക്കേണ്ട.... നാളെത്തന്നെ അവളെ അങ്ങോട്ട് വിടാം എന്ന് പറഞ്ഞിട്ടുണ്ട്..... ഇനി ഇതിൽ കൂടുതൽ സംസാരങ്ങൾ ഇതിനെക്കുറിച്ച് വേണ്ട......" ന്ന് പറഞ്ഞു ഞാൻ ആനിയും ല ലിയുവിനെയും വിളിച്ച് അകത്തോട്ടു കയറി പോയി...... മനസ്സിൽ നിന്നും എന്തോ വലിയ ഭാരം ഒഴിഞ്ഞത് പോലെ സമാധാനത്തോടെ മുറിയിൽ കയറി ബെഡിലേക്കായി ഇരുന്നു..... അതുവരെ ഉയർന്ന പിടിച്ചിരുന്ന ഹൃദയമിടിപ്പിനെ വരുതിയിൽ കൊണ്ടുവന്നു കൊണ്ട് കണ്ണടച്ചു ഒന്ന് ശ്വാസം വലിച്ചു വിട്ടു...... അപ്പോഴേക്കും മ്മടെ ഷോൾഡറിൽ ഒരു കൈത്തലം പതിഞ്ഞിരുന്നു... തിരിഞ്ഞു നോക്കിയപ്പോൾ ആനിയുണ്ട് മ്മളെത്തന്നെ കണ്ണിമവെട്ടാതെ സംശയത്തോടെ നോക്കിയതും.....മ്മള് ലിയു എവിടെ എന്ന ഭാവത്തിൽ ചുറ്റും നോക്കിയപ്പോൾ അവൾ പറഞ്ഞു.. "ലിയു പുറത്തുണ്ട് മോൻ വിളിച്ചു എന്ന് പറഞ്ഞ് ഫോൺ എടുത്തേച്ചും  പോയിരുന്നു......" ന്ന് അവൾ പറഞ്ഞതും...മ്മള് ഒന്നും തിരിച്ചു പറയാതെ ബെഡിൽ ഇരുന്നു ചുമരിലായി പതിയെ ഇരുന്നതും......മ്മടെ ഷോൾഡറിലായി കൈവെച്ചു കൊണ്ട് അവൾ ചോദിച്ചു.... "അക്കു.....നിനെക്കെന്തെങ്കിലും പറയാൻ ഉണ്ടോ.....ഇല്ല എന്നാണ് ഉത്തരമെങ്കിൽ..... എനിക്ക് പറയാൻ ഉള്ളതൊന്നെ ഒള്ളു..... ഒന്നും ഒളിക്കാൻ നിക്കണ്ട അക്കു...ഓടിയിറങ്ങി വന്ന നിന്റെ കണ്ണുകളിലെ പിടപ്പ് ഞാൻ അവിടുന്ന് കണ്ടതാണ്.... അല്ലാതെ നിനക്ക് തല ചുറ്റിയത് ആണെന്ന് ഞാൻ വിശ്വസിക്കില്ല......" ന്ന് അവൾ എന്റെ കണ്ണിലേക്ക് നോക്കി കൊണ്ട് ചോദിച്ചതും.....  ഒരു തേങ്ങലോടെ മ്മള് അവളെ ഇറുകെ പുണർന്നു തേങ്ങൽ കൂട്ട് പിടിച്ചു കൊണ്ട് പറഞ്ഞു..... "ഷാഹിൽ.....ഷാഹിൽ ആണവൻ.....മ്മള് കണ്ടത അവനെ..... അവനാ ഷാദിയെ പിടിച്ചു കൊണ്ടു പോയത്.......ആനി...." ന്ന് മ്മള്  പറഞ്ഞതും....അവളൊന്ന് ഞെട്ടി കൊണ്ട് അവളുടെ മേലിൽനിന്ന് മ്മളെ വേർപെടുത്തി കൊണ്ട് വിറയാർന്ന ശബ്ദത്തോടെ ചോദിച്ചു... " അക്കു നീ സത്യം പറയ്... അവൻ തന്നെയാണോ..... അതാവില്ലടീ നിനക്ക് മാറി പോയതായിരിക്കും...." "ഇല്ലാ ആനി.... എനിക്ക് മാറി പോകില്ല... ഏത് ഇരുട്ടിൽ വെച്ച് കണ്ടാലും എനിക്ക് അവനെ പകൽപോലെ വ്യക്തമാകും...... അവന്റെ ക്രൂരമായ മുഖം അത് ഇന്നും മായാതെ എന്റെ മനസ്സിൽ കിടക്കുന്നുണ്ട്..... രണ്ടുവർഷം രണ്ടുവർഷം ആണ് അവന്റെ  ക്രൂരതക്ക് എന്റെ ജീവിതം കൊണ്ട് ഞാൻ കൊടുക്കേണ്ടി വന്നത്....... എല്ലാം നിനക്ക് അറിയാവുന്നതല്ലേ ആനി..... ഒരുമിച്ച് അല്ലായിരുന്നോ നമ്മൾ....." ന്ന് പറഞ്ഞോണ്ട് അവളിലേക് ചാഞ്ഞു പൊട്ടിക്കരഞ്ഞതും.... മ്മളിൽ അവളുടെ കൈകൾ ചുറ്റി വരിഞ്ഞു കൊണ്ട് ചേർത്ത് നിർത്തിയതും...... ഒരേനിമിഷം ഞങ്ങടെ മനസ്സിലേക്ക് കടന്നു വന്നത് ഇരുട്ടിൽ കുളിച്ചു നിൽക്കുന്ന ആ രാത്രിയിൽ ഉയർന്നു വന്ന തീവണ്ടിയുടെ ചൂളം വിളി ആയിരുന്നു..... എന്റെ ജീവിതത്തിൽ ഇപ്പോഴും ഒരു ഭീതിയോടെ ഓർക്കുന്ന ആ ദിവസത്തിലേക് പതിയെ ഓർമ്മകൾ സഞ്ചരിച്ചു...... തുടരും...... 💘ആമി💘 # #📙 നോവൽ #✍ തുടർക്കഥ #📔 കഥ