ଶକ୍ତିଶାଳୀ ହେଉଛି ଏଲନିନୋ : ପ୍ରଭାବିତ ହୋଇପାରେ କୃଷି ବ୍ୟବସ୍ଥାପ୍ରଶାନ୍ତ ମହାସାଗର ଉତ୍ତପ୍ତ ହେବାରେ ଲାଗିଛି । ଏହା ଏଲନିନୋ  ନାମକ ପାଣିପାଗ ଘଟଣାକୁ ସୂଚାଉଛି। ଏଲ୍‌ନିନୋ ହେଉଛି ଏକ ପ୍ରାକୃତିକ ଚକ୍ରର ଉଷ୍ମ ପର୍ଯ୍ୟାୟ ଯାହାକୁ ଏଲ୍‌ନିନୋ ସାଉଥ୍ ଓସିଲେସନ୍ ବା ଇଏନ୍ଏସ୍ଓ କୁହାଯାଏ #🌡️ଶକ୍ତିଶାଳୀ ହେଉଛି ଏଲନିନୋ☀️

ଯୋଗାଣ ସ୍ୱାଭାବିକ କରିବାକୁ ରଣନୀତିଗତ କିଛି ଦିନ ହେବ ପରିବହନ କିମ୍ବା ବୈଷୟିକ ସମସ୍ୟା ଯୋଗୁଁ କେତେକ ସ୍ଥାନରେ ପେଟ୍ରୋଲ୍ ପମ୍ପଗୁଡ଼ିକରେ ତୈଳର ଅଭାବ ଦେଖାଦେଇଥିଲା, ଯାହାକୁ ନେଇ ଗ୍ରାହକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା। ଏହି ସମସ୍ୟାର ସ୍ଥାୟୀ ପ୍ରତିକାର ପାଇଁ ମୁଖ୍ୟ ଶାସନ ସଚିବ ତୈଳ କମ୍ପାନୀଗୁଡ଼ିକୁ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି। ଯେଉଁ ଅଞ୍ଚଳରେ ଅଧିକ ସମସ୍ୟା ରହିଛି, ସେଠାକୁ ଅଗ୍ରାଧିକାର ଭିତ୍ତିରେ ଟ୍ୟାଙ୍କର ପଠାଇବା ସହ କାଳବୈଶାଖୀ କିମ୍ବା ଅନ୍ୟ କୌଣସି ପ୍ରାକୃତିକ କାରଣ ଯୋଗୁଁ ଯେପରି ଯୋଗାଣ ବାଧାପ୍ରାପ୍ତ ନହେବ, ସେଥିପାଇଁ ସତର୍କ ରହିବାକୁ କୁହାଯାଇଛି।ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇଛି ଯେ ରାଜ୍ୟରେ ପର୍ଯ୍ୟାପ୍ତ ପରିମାଣର ଇନ୍ଧନ ମହଜୁଦ୍ ରହିଛି, ତେଣୁ ଜନସାଧାରଣ ଭୟଭୀତ ହୋଇ ଆବଶ୍ୟକତାଠାରୁ ଅଧିକ ତୈଳ ସଂଗ୍ରହ ନକରିବାକୁ ପରାମର୍ଶ ଦିଆଯାଇଛି। ଆଗାମୀ ୨୪ ରୁ ୪୮ ଘଣ୍ଟା ମଧ୍ୟରେ ସାରା ରାଜ୍ୟରେ ଯୋଗାଣ ପ୍ରକ୍ରିୟା ସମ୍ପୂର୍ଣ୍ଣ ସ୍ୱାଭାବିକ ହୋଇଯିବ ବୋଲି ଆଶା କରାଯାଉଛି। #🔺ରାଜ୍ୟରୁ ଶେଷ ହେଲା ପେଟ୍ରୋଲ ଡିଜେଲ🛢️

ରାଜ୍ୟରେ ତୈଳ ଯୋଗାଣ ଏବଂ ଏହାର ସ୍ଥିତିକୁ ନେଇ ସୃଷ୍ଟି ହୋଇଥିବା ସମସ୍ୟାର ସମାଧାନ ପାଇଁ ରାଜ୍ୟ ସରକାର ବେଶ୍ ତତ୍ପର ହୋଇଉଠିଛନ୍ତି। ଏହି କ୍ରମରେ ଆଜି ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଉଚ୍ଚସ୍ତରୀୟ ବୈଠକ ବସିଛି। ରାଜ୍ୟରେ ତୈଳ ସଂକଟକୁ ଦୂର କରି ସ୍ଥିତିକୁ କିଭଳି ତୁରନ୍ତ ସ୍ୱାଭାବିକ ଅବସ୍ଥାକୁ ଫେରାଇ ଅଣାଯାଇପାରିବ, ସେନେଇ ଏହି ବୈଠକରେ ବିସ୍ତୃତ ଆଲୋଚନା କରାଯିବ ।ବୈଠକରେ ସାମିଲ ତୈଳ କମ୍ପାନୀର ବରିଷ୍ଠ ଅଧିକାରୀଲୋକସେବା ଭବନଠାରେ ଆୟୋଜିତ ଏହି ସମୀକ୍ଷା ବୈଠକରେ ରାଜ୍ୟ ସରକାରଙ୍କ ବିଭିନ୍ନ ବିଭାଗର ବରିଷ୍ଠ ପ୍ରଶାସନିକ ଅଧିକାରୀଙ୍କ ସମେତ ପ୍ରମୁଖ ତୈଳ ମାର୍କେଟିଂ କମ୍ପାନୀର ବରିଷ୍ଠ ଅଧିକାରୀମାନେ ଉପସ୍ଥିତ ଅଛନ୍ତି । ବୈଠକରେ ରାଜ୍ୟର ବିଭିନ୍ନ ପ୍ରାନ୍ତରେ ଥିବା ଡିପୋଗୁଡ଼ିକରେ ତୈଳର ମହଜୁଦ୍ ସ୍ଥିତି ଏବଂ ପମ୍ପଗୁଡ଼ିକୁ ହେଉଥିବା ପରିବହନ ବ୍ୟବସ୍ଥାର ସମୀକ୍ଷା କରାଯିବ । #🔺ରାଜ୍ୟରୁ ଶେଷ ହେଲା ପେଟ୍ରୋଲ ଡିଜେଲ🛢️