Devendra Fadnavis
1K views • 1 months ago
देशसेवा आणि समाजसेवेचा अद्वितीय संगम जपणारे नागपूरचे मेजर हेमंत नारायणराव जकाते यांच्या निधनाचे वृत्त अत्यंत दुःखद आहे. भारतीय सैन्यात सेवा बजावताना 1962, 1965 आणि 1971 या ऐतिहासिक युद्धकाळात त्यांनी कर्तव्यनिष्ठेने देशरक्षणाची जबाबदारी पार पाडली. त्यानंतर त्यांनी संपूर्ण आयुष्य समाजकार्यासाठी अर्पण केले. स्वतःचे राहते घर वृद्धाश्रमासाठी देऊन अत्यंत साधेपणाने राहण्याचा त्यांनी घेतलेला निर्णय त्यांच्या मोठ्या मनाचे प्रतीक आहे.
आयुष्यभराच्या परिश्रमातून आणि निवृत्तीवेतनातून साठवलेली सुमारे ₹7 लाख 50 हजारांची रक्कमही त्यांनी समाजकार्यासाठी दान करून परोपकाराचा सर्वोच्च आदर्श निर्माण केला. त्यांच्या दिवंगत पत्नी सुलभा जकाते यांनीही या सेवाभावी वाटचालीत त्यांना सदैव साथ दिली.
त्यांना भावपूर्ण श्रद्धांजली अर्पण करतो. जकाते कुटुंबीयांना या दुःखातून सावरण्याची शक्ती लाभो, ही ईश्वरचरणी प्रार्थना.
ॐ शांती 🙏
#भावपुर्ण श्रद्धांजली
5 likes
9 shares
