#😱संजय राऊत यांना कॅन्सरची लागण😦
राजकारण असो किंवा कोणताही मुद्दा संजय राऊत हे त्यांच्या पक्षाची भूमिका ठामपणे मांडताना दिसतात. पण ऐन निवडणुकांच्या तोंडावर त्यांच्या तब्येतीत बिघाड झाल्याने त्यांना जवळपास दोन महिन्यांचा ब्रेक घेऊन आराम करावा लागण्याची चर्चा सर्वत्र होती.
त्यातच आता सोशल मीडियावर त्यांना आतड्यांचा कॅन्सर झाल्याची बातमी व्हायरल होत आहे जी खरी की खोटी यावर कोणताही शिक्कामोर्तब झालेला नाही. पण हा कॅन्सर नेमका का होतो, याची लक्षणे काय? यावर उपाय काय?
खासदार संजय राऊत यांनी अचानक आजारपणामुळे ब्रेक घेतल्याची बातमी समोर आल्यावर अनेकांच्या भुवया उंचावल्या होत्या आणि आता एका वृत्तवाहिनीने दिलेली बातमी समोर येतेय ती म्हणजे खासदार संजय राऊत यांना आतड्याचा कर्करोग झाला असावा. याबाबत अजून कोणतीही अधिकृत माहिती नाही. पण यामुळे आतड्याच्या कर्करोगाबाबत चर्चा मात्र सुरु झाली आहे. शरीरात जेवणाचे पचन होऊन पोषण तत्त्वे शोषली जातात, त्या महत्त्वाच्या भागात म्हणजे आतड्यात जर कर्करोग पेशी निर्माण झाल्या, तर ते आरोग्यासाठी धोकादायक ठरू शकते.
सुरुवातीला हलकी पोटफुगी, भूक न लागणे, किंवा मलावाटे बदल जाणवणे अशी सामान्य लक्षणे दिसतात. पण ती दुर्लक्षिली गेली, तर परिस्थिती बिघडू शकते. आधुनिक जीवनशैली, कमी फायबरयुक्त आहार, जंक फूड आणि ताण ही त्यामागची प्रमुख कारणं मानली जातात. मात्र योग्य आहार, वेळेवर तपासणी आणि सवयींमध्ये बदल करून हा आजार टाळता येऊ शकतो.आतड्याचा कर्करोग नेमका कसा होतो.
आतड्याच्या भिंतींवर असलेल्या पेशींच्या डीएनएमध्ये झालेला बदल हा या आजाराची सुरुवात असते. हे बदल कधी आनुवंशिक असतात, तर कधी बाह्य कारणांमुळे होतात. जास्त प्रमाणात मांसाहार, तळलेले पदार्थ, आणि धूम्रपान-अल्कोहोल यामुळे आतड्यांवर ताण येतो. त्यामुळे पेशी अनियंत्रित पद्धतीने वाढू लागतात आणि ट्युमर तयार होतो. सुरुवातीला तो सौम्य असू शकतो, पण वेळेवर निदान न झाल्यास तो कर्करोगी रूप घेतो. हा टप्पा हळूहळू शरीरातील इतर अवयवांवरही परिणाम करतो.
लवकर टप्प्यात दिसणारी लक्षणं ओळखा
हा सुरुवातीला फार सौम्य लक्षणं दाखवतो, त्यामुळे त्याकडे लोक दुर्लक्ष करतात. सातत्याने पोटफुगी, भूक मंदावणे, वजन घटणे किंवा मलावाटे रक्त जाणे ही त्याची प्रमुख चिन्हे आहेत. काही जणांना वारंवार बद्धकोष्ठता किंवा पोटात असह्य दुखणं जाणवतं. ही लक्षणं सुरुवातीला साध्या पचनाच्या समस्यांसारखी वाटतात, पण ती सातत्याने राहिली तर तपासणी आवश्यक असते. डॉक्टर नियमित कोलनॉस्कोपी किंवा स्टूल टेस्ट करून अचूक निदान करतात.
कोणत्या सवयींमुळे धोका वाढतो
दैनंदिन आहारात फायबर कमी असणे, जास्त प्रमाणात जंक फूड आणि रेड मीट खाणे हे आतड्यांच्या पेशींवर नकारात्मक परिणाम करतात. धूम्रपान आणि मद्यपानामुळे शरीरातील टॉक्सिन्स वाढतात, जे पेशींमध्ये कर्करोगी बदल निर्माण करू शकतात. शारीरिक हालचाल कमी असणे, रात्री उशिरा जेवण करणे, आणि सतत ताणाखाली राहणे ही देखील जोखीम वाढवणारी कारणं आहेत. विशेष म्हणजे, ५० वर्षांनंतर ही जोखीम अधिक वाढते, त्यामुळे त्या वयोगटातील लोकांनी अधिक दक्ष राहणे गरजेचे आहे.
उपचार आणि निदानातील प्रगती
आज वैद्यकीय क्षेत्रात आतड्याच्या कर्करोगावर अनेक आधुनिक उपचारपद्धती उपलब्ध आहेत. सुरुवातीच्या टप्प्यात शस्त्रक्रिया करून ट्युमर काढून टाकणे शक्य असते. तर काही प्रकरणांमध्ये रेडिएशन किंवा केमोथेरपीची आवश्यकता भासते. अलीकडे इम्युनोथेरपी आणि टार्गेटेड थेरपीमुळे पेशींवर थेट परिणाम करून चांगले परिणाम दिसत आहेत. मात्र, यशस्वी उपचारासाठी सर्वात महत्त्वाचं म्हणजे लवकर निदान. म्हणूनच लक्षणं दिसताच डॉक्टरांकडे जाणं हे पहिले पाऊल असावं.
हा आजार टाळण्यासाठी काय करावे?
प्रतिबंध हाच सर्वोत्तम उपाय आहे. रोजच्या आहारात हिरव्या भाज्या, संपूर्ण धान्ये आणि फळे यांचा समावेश करावा. फायबरयुक्त अन्न आतड्यांचं आरोग्य टिकवून ठेवतं. व्यायाम, पुरेशी झोप आणि ताण कमी ठेवणं हे देखील महत्त्वाचं आहे. धूम्रपान व मद्यपान पूर्णपणे टाळा. पचनासंबंधी त्रास वारंवार होत असेल, तर स्वतः औषधं न घेता तपासणी करून घ्या. हे सर्व उपाय केल्यास आतड्याचा कर्करोग टाळणे आणि शरीर निरोगी ठेवणे पूर्णतः शक्य आहे.
#ब्रेकिंग न्यूज #🔴आजचे ताजे अपडेट्स📰 #1️⃣महाराष्ट्र अपडेट्स #1️⃣महाराष्ट्र अपडेट्स #संजय राऊत 
