🙏 കേരള ഗാന്ധി ; കെ.കേളപ്പൻ

*ഓഗസ്റ്റ് 24* *കേളപ്പജയന്തി* *കേരള ഗാന്ധി* എന്നറിയപ്പെടുന്ന കെ. കേളപ്പന്റെ ജന്മദിനമാണ് കേളപ്പ ജയന്തിയായി ആചരിക്കുന്നത്. എല്ലാ വർഷവും ഓഗസ്റ്റ് 24 ആണ് ഈ ദിനം. കേരളത്തിലെ പ്രമുഖ സ്വാതന്ത്ര്യസമര സേനാനിയും നവോത്ഥാന നായകനും സാമൂഹിക പരിഷ്കർത്താവുമായിരുന്ന അദ്ദേഹത്തിന്റെ സ്മരണ പുതുക്കാനാണ് ഈ ദിവസം ആഘോഷിക്കുന്നത്..!! *1889 ഓഗസ്റ്റ് 24-ന് കോഴിക്കോട് കൊയിലാണ്ടിയിലെ മുചുകുന്ന് ഗ്രാമത്തിൽ കേളപ്പൻ ജനിച്ചു..!!* ബ്രിട്ടീഷ് ഭരണം ബഹിഷ്കരിക്കാൻ മഹാത്മാഗാന്ധി ആഹ്വാനം ചെയ്തപ്പോൾ കേളപ്പൻ തന്റെ ജോലി ഉപേക്ഷിച്ച് തന്റെ ജീവിതം മാതൃരാജ്യത്തിനായി ഉഴിഞ്ഞുവെയ്ക്കുവാൻ തീരുമാനിച്ചു..!! ഒരു വശത്ത് ഭാരതീയ സമൂഹത്തിലെ അനാചാരങ്ങൾക്ക് എതിരെയും മറുവശത്ത് ബ്രിട്ടീഷ് ഭരണത്തിന് എതിരായും അദ്ദേഹം പോരാടി... ഒരു മാതൃകാ സത്യാഗ്രഹിയായിരുന്നു അദ്ദേഹം... ഊർജ്ജസ്വലനായ വിപ്ലവകാരിയും സാമൂഹിക പരിഷ്കർത്താവും അധഃസ്ഥിതരുടെ നീതിക്കുവേണ്ടി പോരാടിയ പോരാളിയുമായിരുന്നു കേളപ്പൻ.. മലബാർ ലഹളയുടെ (1921-ലെ മാപ്പിള ലഹള) കാലത്ത് ഒരുകൂട്ടം വിപ്ലവകാരികൾ പൊന്നാനി ഖജനാവ് കൊള്ളയടിക്കുവാനെത്തി.ഇവരെ അവരുടെ തെറ്റ് പറഞ്ഞുമനസ്സിലാക്കി തിരിച്ചയക്കുവാൻ കേളപ്പനു സാധിച്ചു.. പയ്യന്നൂരിലെയും കോഴിക്കോട്ടെയും *ഉപ്പു സത്യാഗ്രഹങ്ങൾക്ക്* അദ്ദേഹം നേതൃത്വം നൽകി.. ഗാന്ധിജിയുടെ വ്യക്തിഗതസത്യഗ്രഹ പ്രസ്ഥാനത്തിലേക്ക് അദ്ദേഹം തെരെഞ്ഞെടുത്ത ആദ്യത്തെ കേരളീയനായിരുന്നു കേളപ്പൻ..!! *വൈക്കം സത്യാഗ്രഹത്തിൽ* അദ്ദേഹം ഒരു പ്രധാന പങ്കുവഹിച്ചു..!! അതോടനുബന്ധിച്ച് തുടങ്ങിയ കോൺഗ്രസിന്റെ അയിത്തോച്ചാടന കമ്മിറ്റിയുടെ കൺവീനറായിരുന്നു കേളപ്പൻ.. *1931-ലെ ഗുരുവായൂർ സത്യാഗ്രഹത്തിന്റെ* നേതാവ് കേളപ്പനായിരുന്നു.. ഒരു വർഷത്തോളം ഗുരുവായൂർ ക്ഷേത്രത്തിനരികിൽ സത്യഗ്രഹികളുടെ ക്യാമ്പ് നടന്നു.. എ.കെ.ജിയെ ക്രൂരമായി മർദ്ദിക്കപ്പെട്ടിട്ടും അഹിംസ കൈവെടിയാതെ സമാധാനപരമായി സത്യഗ്രഹം ചെയ്യാൻ കേളപ്പജിക്കും അനുയായികൾക്കും സാധിച്ചു... ഗാന്ധിജി യർവാദ ജയിലിൽ നിരാഹാരം ആരംഭിച്ച 1931 സെപ്തംബർ 27 ന് അദ്ദേഹത്തോടൊപ്പം കേളപ്പജിയും ഉപവാസം ആരംഭിച്ചു.. തുടർന്ന് ഗാന്ധിജിയുടെ അപേക്ഷ പ്രകാരമാണ് ഒക്ടോബർ 2 ന് കേളപ്പജി തന്റെ നിരാഹാര സമരം അവസാനിപ്പിച്ചത്..!! സ്വാതന്ത്ര്യസമരത്തിന്റെ ഭാഗമായി പലതവണ അദ്ദേഹം ജയിൽ വാസം അനുഭവിച്ചിട്ടുണ്ട്.. അയിത്തം ഉച്ചാടനം ചെയ്യുവാൻ അദ്ദേഹം പരിശ്രമിച്ചു.. ഹരിജനങ്ങളുടെ ഉന്നമനത്തിനായി അദ്ദേഹം പ്രയത്നിച്ചു.. കേരളത്തിൽ പല ഹരിജന ഹോസ്റ്റലുകളും വിദ്യാലയങ്ങളും അദ്ദേഹം ആരംഭിച്ചു.. സ്വദേശി പ്രസ്ഥാനത്തിന്റെ മുൻപന്തിയിലായിരുന്നു അദ്ദേഹം.. ഖാദി, കുടിൽ വ്യവസായങ്ങൾ കേരളത്തിൽ വേരുറപ്പിക്കുന്നതിന് അദ്ദേഹം പരിശ്രമിച്ചു..!! സ്വാതന്ത്ര്യാനന്തരം സജീവ രാഷ്ട്രീയം വെടിഞ്ഞ് വിനോബാ ഭാവെയുടെ ഭൂദാന പ്രസ്ഥാനത്തിലും സർവ്വോദയ പ്രസ്ഥാനത്തിലും സജീവമായി..!! ഒരു വിദ്യാഭ്യാസ വിചക്ഷണനും നല്ലൊരു പത്രലേഖകനുമായിരുന്നു അദ്ദേഹം.. മാതൃഭൂമി ദിനപത്രം ആരംഭിച്ചതിൽ അദ്ദേഹത്തിനും പങ്കുണ്ട്.. രണ്ടു പ്രാവശ്യം 1929ലും, 1936ലും അദ്ദേഹം മാതൃഭൂമിയുടെ പത്രാധിപരായിരുന്നു.. 1954 ൽ സമദർശിനിയുടെ പത്രാധിപരായും പ്രവർത്തിച്ചു... 1971 ഒക്‌ടോബര്‍ ഏഴിന് കേളപ്പജി അന്തരിച്ചത്..!! #കേളപ്പ ജയന്തി 🌹🌹 #കേരള ഗാന്ധി

#👌 വൈറൽ വീഡിയോസ് #🕵️‍♂️ സാമൂഹിക വിഷയങ്ങൾ #📳 വൈറൽ സ്റ്റോറീസ് #🗞 ട്രെൻഡിങ് അപ്ഡേറ്റ്സ് #news