cooking • ShareChat Photos and Videos

842 views

#👩‍🍳 പാചകലോകം +------+------+-----+--------+ _*🌶️ ഇന്നത്തെ പാചകം 🍳*_ _*റാഗി സ്മൂത്തി*_ +------+------+-----+--------+ `ആരോഗ്യപ്രദമായ ഡ്രിങ്കാണ് ഈ ചൂടത്ത് ആവശ്യം. കാത്സ്യം, ഇരുമ്പ്, പ്രോട്ടീൻ, കാർബോ ഹൈഡ്രേറ്റ്, കാത്സ്യം, കൊഴുപ്പ്, വിറ്റാമിൻ എ തുടങ്ങി ധാരാളം പോഷകങ്ങളാൽ സമ്പുഷ്ടമാണ് റാഗി.` `ചെറിയ കുട്ടികൾക്ക് കുറുക്ക് ഉണ്ടാക്കാൻ പറ്റിയ ധാന്യമാണ് ഇത്. എന്നാൽ കുട്ടികൾക്ക് മാത്രമല്ല മുതിർന്നവർക്കും ഇത് ഒരു പോലെ ആരോഗ്യപ്രദമാണ്. പ്രമേഹ രോഗികൾക്കും ഇത് ഉത്തമമാണ്. പലവിധത്തിലും റാഗി തയ്യാറാക്കാം. എന്നാൽ റാഗി കൊണ്ട് ഒരു സ്മൂത്തി ആയാലോ.` _______________________ *ചേരുവകൾ* _______________________ `റാഗി - രണ്ടു സ്പൂൺ` `ഉപ്പ് - രണ്ടു നുള്ള്` `കാരറ്റ് - 2 എണ്ണം` `അണ്ടിപരിപ്പ് - കുറച്ച്` `പാൽ - 2 കപ്പ്` `പഞ്ചസാര അല്ലെങ്കിൽ ഈന്തപ്പഴം - ആവശ്യത്തിന്` `ഏലക്കാപ്പൊടി - ഒരു ടീസ്പൂൺ` `കസ്കസ് - രണ്ട് ടീസ്പൂൺ` `വെള്ളം - ഒന്നേകാൽ കപ്പ്` ________________________ *തയ്യാറാക്കുന്ന വിധം* ________________________ `ഒരു ബൗൾ എടുത്ത് ഒന്നേകാൽ കപ്പ് വെള്ളം ചൂടാക്കുക.` `മറ്റൊരു ചെറിയ ബൗളിൽ രണ്ടു സ്പൂൺ റാഗി എടുത്ത് കാൽ കപ്പ് വെള്ളത്തിൽ മിക്സ് ചെയ്ത് ചൂടാക്കിയ വെള്ളത്തിലേക്ക് ചേർത്ത്കൊടുക്കുക. ലോ ഫ്ലെയ്മിൽ ഇട്ട് റാഗി കുറുക്കി എടുക്കുക.` `അതിലെക്ക് ഇടക്ക് രണ്ടു നുള്ള് ഉപ്പ് കൂടി ചേർത്ത് ഇളക്കുക.` `രണ്ട് ടീസ്പൂൺ കസ്കസ് കുതിർക്കാൻ വെക്കുക.` `റാഗി കുറുകി വരുമ്പോൾ ഫ്ലെയിം ഓഫ് ചെയ്ത് ചൂടാറാൻ വെക്കുക.` `രണ്ട് മീഡിയം സൈസിലുള്ള കാരറ്റ് ചെറിയ കഷ്ണങ്ങളാക്കി കുക്കറിൽ വെച്ച് കുറച്ച് വെള്ളം കൂടി ഒഴിച്ച് വേവിച്ചെടുക്കുക.` `ചൂടാറിയ റാഗി ഒരു മിക്സി ജാറിലേക്ക് പകർന്ന് അതിലേക്ക് വേവിച്ച കാരറ്റ്, കുറച്ച് അണ്ടിപരിപ്പ് എന്നിവ ഇട്ട് കൊടുക്കുക.` `അതിലേക്ക് കാൽകപ്പ് പാലും ആവശ്യത്തിന് പഞ്ചസാരയും ഒരു ടീസ്പൂൺ ഏലക്കാപ്പൊടിയും ചേർക്കുക.` `മധുരത്തിനായി പഞ്ചസാരക്ക് പകരം ഈന്തപ്പഴം വേണമെങ്കിലും ചേർത്ത് കൊടുക്കാം.ഇവയെല്ലാം കൂടി നന്നായിട്ട് മിക്സിയിൽ ബ്ലെൻ്റ് ചെയ്യുക.` `അതിലേക്ക് ഒന്നേമുക്കാൽ കപ്പ് പാൽ കൂടി ഒഴിച്ച് ഒന്നു കൂടി ബ്ലെൻ്റ് ചെയ്ത് സോക്ക് ചെയ്ത് വെച്ചിരിക്കുന്ന കസ്കസ് കൂടി ഇട്ട് തണുപ്പിച്ച് സേർവ് ചെയ്യാം.` +------+------+------+--------+

15 likes

11 shares